॥ श्री गोवर्धनधराष्टकम् ॥
(श्रीगोकुलचन्द्र विरचितम्)
गोपनारी मुखाम्भोजभास्करं वेणुवाद्यकम् ।
राधिकारसभोक्तारं गोवर्धनधरं भजे ॥ १ ॥
राधिकारसभोक्तारं गोवर्धनधरं भजे ॥ १ ॥
आभीरनगरीप्राणप्रियं सत्यपराक्रमम् ।
स्वभृत्यभयभेत्तारं गोवर्धनधरं भजे ॥ २ ॥
स्वभृत्यभयभेत्तारं गोवर्धनधरं भजे ॥ २ ॥
व्रजस्त्री विप्रयोगाग्नि निवारकमहर्निशम् ।
महामरकतश्यामं गोवर्धनधरं भजे ॥ ३ ॥
महामरकतश्यामं गोवर्धनधरं भजे ॥ ३ ॥
नवकञ्जनिभाक्षं च गोपीजनमनोहरम् ।
वनमालाधरं शश्वद्गोवर्धनधरं भजे ॥ ४ ॥
वनमालाधरं शश्वद्गोवर्धनधरं भजे ॥ ४ ॥
भक्तवाञ्छाकल्पवृक्षं नवनीतपयोमुखम् ।
यशोदामातृसानन्दं गोवर्धनधरं भजे ॥ ५ ॥
यशोदामातृसानन्दं गोवर्धनधरं भजे ॥ ५ ॥
अनन्यकृतहृद्भावपूरकं पीतवाससम् ।
रासमण्डलमध्यस्थं गोवर्धनधरं भजे ॥ ६ ॥
रासमण्डलमध्यस्थं गोवर्धनधरं भजे ॥ ६ ॥
ध्वजवज्रादिसच्चिह्न राजच्चरणपङ्कजम् ।
शृङ्गाररसमर्मज्ञं गोवर्धनधरं भजे ॥ ७ ॥
शृङ्गाररसमर्मज्ञं गोवर्धनधरं भजे ॥ ७ ॥
पुरुहूतमहावृष्टीर्नाशकं गोगणावृतम् ।
भक्तनेत्रचकोरेन्दुं गोवर्धनधरं भजे ॥ ८ ॥
भक्तनेत्रचकोरेन्दुं गोवर्धनधरं भजे ॥ ८ ॥
॥ फलश्रुति ॥
गोवर्धनधराष्टकमिदं यः प्रपठेत् सुधीः ।
सर्वदाऽनन्यभावेन स कृष्णो रतिमाप्नुयात् ॥ ९ ॥
सर्वदाऽनन्यभावेन स कृष्णो रतिमाप्नुयात् ॥ ९ ॥
रचितं भक्तिलाभाय धारकानां सनातनम् ।
मुक्तिदं सर्वजन्तूनां गोवर्धनधराष्टकम् ॥ १० ॥
मुक्तिदं सर्वजन्तूनां गोवर्धनधराष्टकम् ॥ १० ॥
॥ इति श्रीगोकुलचन्द्र कृतं गोवर्धनधराष्टकम् सम्पूर्णम् ॥