॥ श्री बाला रक्षा स्तोत्रम् ॥
॥ क्षुद्रजाल-पातक रक्षा ॥
सर्वलोकैकजननी सर्वाभीष्टफलप्रदे ।
रक्ष मां क्षुद्रजालेभ्यः पातकेभ्यश्च सर्वदा ॥ १ ॥
रक्ष मां क्षुद्रजालेभ्यः पातकेभ्यश्च सर्वदा ॥ १ ॥
॥ जगद्दुरित निवारण ॥
जगद्धिते जगन्नेत्रि जगन्मातर्जगन्मये ।
जगद्दुरितजालेभ्यो रक्ष मामहितं हर ॥ २ ॥
जगद्दुरितजालेभ्यो रक्ष मामहितं हर ॥ २ ॥
॥ जन्मशत पाप नाश ॥
वाङ्मनः कायकरणैर्जन्मान्तरशतार्जितम् ।
पापं नाशय देवेशि पाहि मां कृपयाऽनिशम् ॥ ३ ॥
पापं नाशय देवेशि पाहि मां कृपयाऽनिशम् ॥ ३ ॥
॥ जन्मसहस्र दुष्कृत निवारण ॥
जन्मान्तरसहस्रेषु यत्कृतं दुष्कृतं मया ।
तन्निवारय मां पाहि शरण्ये भक्तवत्सले ॥ ४ ॥
तन्निवारय मां पाहि शरण्ये भक्तवत्सले ॥ ४ ॥
॥ स्व-पर कृत पाप नाश ॥
मया कृतान्यशेषाणि मदीयैश्च कृतानि च ।
पापानि नाशयस्वाद्य पाहि मां परदेवते ॥ ५ ॥
पापानि नाशयस्वाद्य पाहि मां परदेवते ॥ ५ ॥
॥ ज्ञान-अज्ञान कृत पाप ॥
ज्ञानाज्ञानकृतैः पापैः साम्प्राप्तं दुरितं क्षणात् ।
निवारय जगन्मातरखिलैरनिवारितम् ॥ ६ ॥
निवारय जगन्मातरखिलैरनिवारितम् ॥ ६ ॥
॥ सत्कार्य प्रवर्तन ॥
असत्कार्य निवृत्तिं च सत्कार्यस्य प्रवर्तनम् ।
देवतात्मानुसन्धानं देहि मे परमेश्वरि ॥ ७ ॥
देवतात्मानुसन्धानं देहि मे परमेश्वरि ॥ ७ ॥
॥ देशिक स्मृति ॥
सर्वावरणविद्यानां सन्धानेनानुचिन्तनम् ।
देशिकाङ्घ्रिस्मृतिं चैव देहि मे जगदीश्वरि ॥ ८ ॥
देशिकाङ्घ्रिस्मृतिं चैव देहि मे जगदीश्वरि ॥ ८ ॥
॥ निश्चल चित्त ॥
अनुस्यूतपरब्रह्मानन्दामृतनिषेवणम् ।
अत्यन्तनिश्चलं चित्तं देहि मे परमेश्वरि ॥ ९ ॥
अत्यन्तनिश्चलं चित्तं देहि मे परमेश्वरि ॥ ९ ॥
॥ सदाशिवोपासित पद ॥
सदाशिवाद्यैर्धात्र्यन्तैः देवताभिर्मुनीश्वरैः ।
उपासितं पदं यत्तद्देहि मे परमेश्वरि ॥ १० ॥
उपासितं पदं यत्तद्देहि मे परमेश्वरि ॥ १० ॥
॥ विघ्न निवारण ॥
इन्द्रादिभिरशेषैश्च देवैरसुरराक्षसैः ।
कृतं विघ्नं निवार्याशु कृपया रक्ष रक्ष माम् ॥ ११ ॥
कृतं विघ्नं निवार्याशु कृपया रक्ष रक्ष माम् ॥ ११ ॥
॥ परिजन रक्षा ॥
आत्मानमात्मनः स्निग्धमाश्रितं परिचारकम् ।
द्रव्यदं बन्धुवर्गं च देवेशि परिरक्ष नः ॥ १२ ॥
द्रव्यदं बन्धुवर्गं च देवेशि परिरक्ष नः ॥ १२ ॥
॥ सुहृद रक्षा ॥
उपासकस्य यो यो मे यथाशक्त्यनुकूलकृत् ।
सुहृदं रक्ष तं नित्यं द्विषन्तमनुकूलय ॥ १३ ॥
सुहृदं रक्ष तं नित्यं द्विषन्तमनुकूलय ॥ १३ ॥
॥ दैहिक-आदैहिक भय ॥
दैहिकादैहिकान्नानाहेतुकात्केवलाद्भयात् ।
पाहि मां प्रणतापत्तिभञ्जने विश्वलोचने ॥ १४ ॥
पाहि मां प्रणतापत्तिभञ्जने विश्वलोचने ॥ १४ ॥
॥ निश्चला भक्ति ॥
नित्यानन्दमयं सौख्यं निर्मलं निरूपाधिकम् ।
देहि मे निश्चलां भक्तिं निखिलाभिष्टसिद्धिदे ॥ १५ ॥
देहि मे निश्चलां भक्तिं निखिलाभिष्टसिद्धिदे ॥ १५ ॥
॥ कर्तव्य बोध ॥
यन्मया सकलोपायैः करणीयमितः परम् ।
तत्सर्वं बोधयस्वाम्ब सर्वलोकहिते रते ॥ १६ ॥
तत्सर्वं बोधयस्वाम्ब सर्वलोकहिते रते ॥ १६ ॥
॥ बुद्धियोग ॥
प्रदेहि बुद्धियोगं तं येन त्वामुपयाम्यहम् ।
कामानां हृद्यसंरोहं देहि मे कृपयेश्वरि ॥ १७ ॥
कामानां हृद्यसंरोहं देहि मे कृपयेश्वरि ॥ १७ ॥
॥ भवाब्धि उद्धार ॥
भवाब्धौ पतितं भीतमनाथं दीनमानसम् ।
उद्धृत्य कृपया देवि निधेहि चरणाम्बुजे ॥ १८ ॥
उद्धृत्य कृपया देवि निधेहि चरणाम्बुजे ॥ १८ ॥
॥ इति श्री बाला रक्षा स्तोत्रम् सम्पूर्णम् ॥