ഓംകാരജപരതാനാമോംകാരാര്ഥം മുദാ വിവൃണ്വാനമ് ।
ഓജഃപ്രദം നതേഭ്യസ്തമഹം പ്രണമാമി ചന്ദ്രമൌലീശമ് ॥ ൧ ॥
ഓജഃപ്രദം നതേഭ്യസ്തമഹം പ്രണമാമി ചന്ദ്രമൌലീശമ് ॥ ൧ ॥
നമ്രസുരാസുരനികരം നലിനാഹങ്കാരഹാരിപദയുഗലമ് ।
നമദിഷ്ടദാനധീരം സതതം പ്രണമാമി ചന്ദ്രമൌലീശമ് ॥ ൨ ॥
നമദിഷ്ടദാനധീരം സതതം പ്രണമാമി ചന്ദ്രമൌലീശമ് ॥ ൨ ॥
മനനാദ്യത്പദയോഃ ഖലു മഹതീം സിദ്ധിം ജവാത്പ്രപദ്യന്തേ ।
മന്ദേതരലക്ഷ്മീപ്രദമനിശം പ്രണമാമി ചന്ദ്രമൌലീശമ് ॥ ൩ ॥
മന്ദേതരലക്ഷ്മീപ്രദമനിശം പ്രണമാമി ചന്ദ്രമൌലീശമ് ॥ ൩ ॥
ശിതികണ്ഠമിന്ദുദിനകരശുചിലോചനമമ്ബുജാക്ഷവിധിസേവ്യമ് ।
നതമതിദാനധുരീണം സതതം പ്രണമാമി ചന്ദ്രമൌലീശമ് ॥ ൪ ॥
നതമതിദാനധുരീണം സതതം പ്രണമാമി ചന്ദ്രമൌലീശമ് ॥ ൪ ॥
വാചോ വിനിവര്തന്തേ യസ്മാദപ്രാപ്യ സഹ ഹൃദൈവേതി ।
ഗീയന്തേ ശ്രുതിതതിഭിസ്തമഹം പ്രണമാമി ചന്ദ്രമൌലീശമ് ॥ ൫ ॥
ഗീയന്തേ ശ്രുതിതതിഭിസ്തമഹം പ്രണമാമി ചന്ദ്രമൌലീശമ് ॥ ൫ ॥
യച്ഛന്തി യത്പദാമ്ബുജഭക്താഃ കുതുകാത്സ്വഭക്തേഭ്യഃ ।
സര്വാനപി പുരുഷാര്ഥാംസ്തമഹം പ്രണമാമി ചന്ദ്രമൌലീശമ് ॥ ൬ ॥
സര്വാനപി പുരുഷാര്ഥാംസ്തമഹം പ്രണമാമി ചന്ദ്രമൌലീശമ് ॥ ൬ ॥
പഞ്ചാക്ഷരമനുവര്ണൈരാദൌ ക്ലുപ്താം സ്തുതിം പഠന്നേനാമ് ।
പ്രാപ്യ ദൃഢാം ശിവഭക്തിം ഭുക്ത്വാ ഭോഗാഁല്ലഭേത മുക്തിമപി ॥ ൭ ॥
പ്രാപ്യ ദൃഢാം ശിവഭക്തിം ഭുക്ത്വാ ഭോഗാഁല്ലഭേത മുക്തിമപി ॥ ൭ ॥
ഇതി ശ്രീസച്ചിദാനന്ദ ശിവാഭിനവ നൃസിംഹഭാരതീ സ്വാമിഭിഃ വിരചിതം ശ്രീ ചന്ദ്രമൌലീശ സ്തോത്രമ് ॥