ಶ್ರೀ ದಕ್ಷಿಣಾಮೂರ್ತಿ ಮಾಲಾಮನ್ತ್ರ ಸ್ತವಮ್

॥ ಶ್ರೀ ದಕ್ಷಿಣಾಮೂರ್ತಿ ಮಾಲಾಮನ್ತ್ರ ಸ್ತವಮ್ ॥

॥ ವಿನಿಯೋಗಃ ॥

ಅಸ್ಯ ಶ್ರೀ ದಕ್ಷಿಣಾಮೂರ್ತಿ ಮಾಲಾಮನ್ತ್ರ ಸ್ತವಸ್ಯ ಬ್ರಹ್ಮಾ ಋಷಿಃ ಗಾಯತ್ರೀ ಛನ್ದಃ ಶ್ರೀದಕ್ಷಿಣಾಮೂರ್ತಿಃ ಪರಮಾತ್ಮಾ ದೇವತಾ ಓಂ ಬೀಜಂ ಸ್ವಾಹಾ ಶಕ್ತಿಃ ಫಟ್ ಕೀಲಕಂ ಶ್ರೀ ದಕ್ಷಿಣಾಮೂರ್ತಿ ಪ್ರಸಾದಸಿದ್ಧ್ಯರ್ಥಂ ಜಪೇ ವಿನಿಯೋಗಃ ॥ ಆಮಿತ್ಯಾದಿ ನ್ಯಾಸಃ ॥

॥ ಧ್ಯಾನಮ್ ॥

ಭಸ್ಮವ್ಯಾಪಾಣ್ಡುರಾಙ್ಗಃ ಶಶಿಶಕಲಧರೋ ಜ್ಞಾನಮುದ್ರಾಕ್ಷಮಾಲಾ-
-ವೀಣಾಪುಸ್ತೈರ್ವಿರಾಜತ್ಕರಕಮಲಧರೋ ಯೋಗಪಟ್ಟಾಭಿರಾಮಃ ।
ವ್ಯಾಖ್ಯಾಪೀಠೇನಿಷಣ್ಣೋ ಮುನಿವರನಿಕರೈಃ ಸೇವ್ಯಮಾನಃ ಪ್ರಸನ್ನಃ
ಸವ್ಯಾಲಃ ಕೃತ್ತಿವಾಸಾಃ ಸತತಮವತು ನೋ ದಕ್ಷಿಣಾಮೂರ್ತಿರೀಶಃ ॥

ಲಮಿತ್ಯಾದಿ ಪಞ್ಚಪೂಜಾಂ ಕುರ್ಯಾತ್ ॥

ಓಂ ಸಹನಾವವತ್ವಿತಿ ಶಾನ್ತಿಃ ॥

॥ ಮಾಲಾಮನ್ತ್ರ ಸ್ತವಮ್ (೧೬ ಸ್ವರೂಪ) ॥

ಓಂ ನಮೋ ಭಗವತೇ ಶ್ರೀಶುದ್ಧದಕ್ಷಿಣಾಮೂರ್ತಯೇ ಗುರ್ವನ್ತೇವಾಸಿವತ್ಸಲಾಯ ಗುರವೇ ಸೂಕ್ಷ್ಮರೂಪಾಯ ಸದಾಶಿವಾಯ ನಿರ್ಮಲಜ್ಞಾನಪ್ರದಾಯ ಷಡ್ಗುಣಪರಿಪೂರ್ಣಾಯ ಷಟ್ತ್ರಿಂಶತ್ತತ್ತ್ವಾಧಿಕಾಯ ಮಹಾದೇವ ಮಹಾಮುನೀಶ್ವರ ಮಹಾನನ್ದರೂಪ ಶ್ರೀಶುದ್ಧದಕ್ಷಿಣಾಮೂರ್ತಿ ಸದಾಶಿವ ಮಾಮಜ್ಞಾನಾನ್ನಿವರ್ತಯ ನಿವರ್ತಯ ಸುಜ್ಞಾನೇ ಮಾಂ ಪ್ರವರ್ತಯ ಪ್ರವರ್ತಯ ಓಂ ಹುಂ ಫಟ್ ಸ್ವಾಹಾ ॥ ೧ ॥

ಓಂ ಐಂ ಹ್ರೀಂ ಸೌಃ ಓಂ ನಮೋ ಭಗವತೇ ಶ್ರೀಮೇಧಾದಕ್ಷಿಣಾಮೂರ್ತಯೇ ವಿದ್ಯಾ ಮೇಧಾ ಪ್ರಜ್ಞಾದಾಯಿನೇ ಪುಸ್ತಕ ರುದ್ರಾಕ್ಷಮಾಲಾಧಾರಿಣೇ ಸಕಲಸಾಮ್ರಾಜ್ಯಪ್ರದಾಯಿನೇ ಪರಮ ಸದಾಶಿವ ಗುರುಮೂರ್ತಯೇ ಮಮ ಚತುಷ್ಷಷ್ಟಿಕಲಾವಿದ್ಯಾಃ ಪ್ರಾಪಯ ಪ್ರಾಪಯ ಬ್ರಹ್ಮರಾಕ್ಷಸಗಣಾನುೋಚ್ಚಾಟಯೋಚ್ಚಾಟಯ ಮೇಧಾಂ ಪ್ರಜ್ಞಾಂ ದಾಪಯ ದಾಪಯ ಓಂ ಸೌಃ ಹ್ರೀಂ ಐಂ ಓಂ ಹುಂ ಫಟ್ ಸ್ವಾಹಾ ॥ ೨ ॥

ಓಂ ಐಂ ಹ್ರೀಂ ಸೌಃ ಜ್ಞಾನೇನ್ಧನದೀಪ್ತಾಯ ಜ್ಞಾನಾಗ್ನಿಜ್ವಲದ್ದೀಪ್ತಯೇ ಆನನ್ದಾಜ್ಯಹವಿಃ ಪ್ರೀತ ಸಮ್ಯಗ್ ಜ್ಞಾನಂ ಪ್ರಯಚ್ಛ ಮೇ ಸೌಃ ಹ್ರೀಂ ಐಂ ಓಮ್ । ಓಂ ನಮೋ ಭಗವತೇ ಶ್ರೀವಿದ್ಯಾದಕ್ಷಿಣಾಮೂರ್ತಯೇ ಅಂ ಆಂ ಅಜ್ಞಾನೇನ್ಧನಪಾವಕಾಯ ಇಂ ಈಂ ಇಚ್ಛಾವಿಲಸವಿಲಸನಾಯ ಉಂ ಊಂ ಭಕ್ತೋಪದ್ರವನಾಶಕಾಯ ಋಂ ೠಂ ಋಕಾರಸ್ವರೂಪಾಯ ಲುಂ ಲೂಂ ಲಲಾಟಾನಲನೇತ್ರಾಯ ತ್ರಿನೇತ್ರಾಯ ಏಂ ಐಂ ವಾಗ್ಭವಬೀಜಸ್ವರೂಪಾಯ ವಿದ್ಯಾಪ್ರದಾಯ ಓಂ ಔಂ ಪ್ರಣವಾತ್ಮಕಾಯ ನಾದಬಿನ್ದುಕಲಾತೀತಾಯ ಅಂ ಅಃ ಷಟ್ಸ್ವರೂಪಾಯ ವೇದಸ್ತುತಾಯ ಶ್ರೀವಿದ್ಯಾದಕ್ಷಿಣಾಮೂರ್ತಯೇ ತುಭ್ಯಂ ಮಮ ಸಕಲವಿದ್ಯಾಜಾಲಂ ದೇಹಿ ದೇಹಿ ದಾಪಯ ದಾಪಯ ಓಂ ಸೌಃ ಹ್ರೀಂ ಐಂ ಓಂ ಹುಂ ಫಟ್ ಸ್ವಾಹಾ ॥ ೩ ॥

ಓಂ ಶ್ರೀಂ ಐಂ ಹ್ರೀಂ ಶ್ರೀಂ ಓಂ ನಮೋ ಭಗವತೇ ಶ್ರೀಲಕ್ಷ್ಮೀದಕ್ಷಿಣಾಮೂರ್ತಯೇ ಶ್ರಾಂ ಶಮಿತಾಸುರಬೃನ್ದಾಯ ಶ್ರೀಂ ಶ್ರೀಮತ್ತ್ರಿಪುರಸುನ್ದರೀಪರಿಸೇವಿತ ಪಾದಾರವಿನ್ದಯುಗಲಾಯ ಶ್ರೂಂ ಶಮಿತಶಕ್ರಾದಿಜನಬೃನ್ದಾಯ ಧನುರ್ಬಾಣಹಸ್ತಾಯ ಖಡ್ಗಧರಾಯ ಪರಶುಹಸ್ತಾಯ ಶ್ರೈಂ ಶ್ರೇಷ್ಠಜನಸಂಸ್ತುತ ಗುಣಬೃನ್ದಾಯ ಸುರೂಪಾಯ ಸುರವನ್ದಿತಾಯ ಶ್ರೌಂ ಶ್ರೌತಸ್ಮಾರ್ತಾದಿ ಸಕಲಕರ್ಮಫಲಪ್ರದಾಯ ಶರೀರರಕ್ಷಕಾಯ ಭಕ್ತಶತ್ರುವಿನಾಶಕಾಯ ದಿವ್ಯಮಙ್ಗಲವಿಗ್ರಹಾಯ ಹ್ರೀಂ ಹ್ರೀಮತೀಪರಿಸೇವಿತಾಯ ಅಷ್ಟೈಶ್ವರ್ಯ ಸಂಸ್ತುತಾಯ ಲಕ್ಷ್ಮೀಪ್ರದಾಯ ಲಲಿತಾಮನೋರಞ್ಜನಾಯ ಶ್ರೀಲಕ್ಷ್ಮೀದಕ್ಷಿಣಾಮೂರ್ತಯೇ ತುಭ್ಯಂ ಸದಾಶಿವ ಮಮ ಸಕಲೈಶ್ವರ್ಯಂ ದೇಹಿ ದೇಹಿ ದಾಪಯ ದಾಪಯ ದಾರಿದ್ರ್ಯಪೀಡಿತಂ ಮಾಮಾಪ್ಯಾಯಯ ಆಪ್ಯಾಯಯ ಓಂ ಶ್ರೀಂ ಹ್ರೀಂ ಐಂ ಶ್ರೀಂ ಓಂ ಹುಂ ಫಟ್ ಸ್ವಾಹಾ ॥ ೪ ॥

ಓಂ ಐಂ ಹ್ರೀಂ ಸೌಃ ಓಂ ನಮೋ ಭಗವತೇ ಶ್ರೀವಾಗೀಶ್ವರಾಭಿಧಾನ ಶ್ರೀದಕ್ಷಿಣಾಮೂರ್ತಯೇ ಹ್ರಾಂ ಹ್ರೀಂ ಹ್ರೂಂ ಹ್ರೈಂ ಹ್ರೌಂ ಹ್ರಃ ಸಕಲನಿಗಮಾರಾಧಿತ ದಿವ್ಯಪೀಠಸ್ಥಿತ ಸಕಲಸಾಮ್ರಾಡ್ರೂಪಿಣೇ ವಿದ್ಯಾನಿರ್ಮಿತ ವಿವಿಧಭೂಷಣ ಭೂಷಿತಾಯ ದ್ರಾಂ ದ್ರೀಂ ದ್ರೂಂ ದ್ರೈಂ ದ್ರೌಂ ದ್ರಃ ದಾರಿದ್ರ್ಯಾರಣ್ಯದವಾನಲಾಯ ಗರುಡವಾಹನಸೋದರೀ ಮನೋರಞ್ಜನಾಯ ಸಾಂ ಸೀಂ ಸೂಂ ಸೈಂ ಸೌಂ ಸಃ ಸಕಲಲೋಕೈಕದೀಪಕಾಯ ತೇಜೋಮಯಾಯ ತೇಜೋರೂಪಾಯ ಭಕ್ತಾಪದ್ವಿನಿವಾರಣಾಯ ಅಪಸ್ಮಾರೋತ್ತಮಾಙ್ಗನಿಹಿತ ಸವ್ಯಪಾದ ಸರೋರುಹಾಯ ಸಕಲದುರಿತೌಘಭಞ್ಜನಾಯ ದುಷ್ಟವಿದೂರಾಯ ಶ್ರೀವಾಗೀಶ್ವರಾಭಿಧಾನ ದಕ್ಷಿಣಾಮೂರ್ತಯೇ ತುಭ್ಯಂ ಭಕ್ತಾನಾಂ ವಾಗ್ವಿಜಯಂ ದೇಹಿ ದೇಹಿ ದಾಪಯ ದಾಪಯ ಸ್ಫುಟವಾಗ್ವಿಲಾಸಂ ಸಭಾಜಯಂ ಕುರು ಕುರು ಓಂ ಸೌಃ ಹ್ರೀಂ ಐಂ ಓಂ ಹುಂ ಫಟ್ ಸ್ವಾಹಾ ॥ ೫ ॥

ಓಂ ಹ್ರೀಂ ಹ್ರಾಂ ಓಂ ನಮೋ ಭಗವತೇ ವಟಮೂಲನಿವಾಸಾಭಿಧಾನ ಶ್ರೀದಕ್ಷಿಣಾಮೂರ್ತಯೇ ಶ್ರೀಂ ಶ್ಯಾಮಲಾಮ್ಬಾ ವೀಣಾಗಾನಾಸಕ್ತಮನಸ್ಕಾಯ ನಿಶ್ಚಲಾಯ ನಿರ್ಮಲಾಯ ಹ್ರೀಂ ಗಾಯಕ ಮನೋಭೀಷ್ಟಫಲದಾಯ ಗಾನವಿನೋದಾಯ ಫಣಾಭೂಷಣಾಯ ರತ್ನಕಿರೀಟಾಞ್ಚಿತಸುಶಿರಸ್ಕಾಯ ಚನ್ದ್ರಕಲಾವತಂಸಾಯ ಐಂ ಸಕಲನಿಗಮಾರಾಧಿತ ದಿವ್ಯಪಾದಸರೋರುಹಾಯ ಸೋಮಾಯ ಆದಿತ್ಯಾನಲನೇತ್ರಾಯ ಓಂ ತತ್ತ್ವಜ್ಞಾಯ ತತ್ತ್ವಮಯಾಯ ತಾಪಸಾರಾಧಿತ ದಿವ್ಯದೇಹಾಯ ಆಂ ಅರುಣಾರುಣ ಕೌಸುಮ್ಭಾಮ್ಬರಾಭರಣಾಯ ಅಮರಕಾಮಿನೀ ಕದಮ್ಬ ಪಾಣಿಸರೋರುಹ ಸಂಸ್ಥಿತ ಚಾಮರ ಸಂವೀಜಿತಾಯ ಕ್ಲೀಂ ಕಾಮಮದಾಪಹರಣಾಯ ಕಾಮಿತಾರ್ಥಫಲಪ್ರದಾಯ ಕಮಲಾಸನವನ್ದಿತಾಯ ಕಟಾಕ್ಷಚನ್ದ್ರಿಕಾಸಕ್ತ ಭಕ್ತಚಕೋರಾಯ ವಟಮೂಲನಿವಾಸಾಭಿಧಾನ ಶ್ರೀದಕ್ಷಿಣಾಮೂರ್ತಯೇ ತುಭ್ಯಂ ಮಮ ಚತುರ್ವಿಧಪುರುಷಾರ್ಥಾನ್ ಪ್ರದೇಹಿ ಪ್ರದೇಹಿ ಪುತ್ರಪೌತ್ರಾದಿ ಸಕಲಸಮ್ಪದಃ ಪ್ರದೇಹಿ ಪ್ರದೇಹಿ ಓಂ ಹ್ರಾಂ ಹ್ರೀಂ ಓಂ ಹುಂ ಫಟ್ ಸ್ವಾಹಾ ॥ ೬ ॥

ಓಂ ಐಂ ಕ್ಲೀಂ ಸೌಃ ನಮಃ ಶಿವಾಯ ಓಂ ನಮೋ ಭಗವತೇ ಶ್ರೀಸಾಮ್ಬದಕ್ಷಿಣಾಮೂರ್ತಯೇ ಐಂ ಐಙ್ಕಾರಪೀಠಸ್ಥಾಮ್ಬಾ ಮನೋರಞ್ಜನಾಯ ಓಂ ಜ್ಞಾನೈಕನಿರತಾಯ ಜ್ಞಾನಪ್ರದಾಯ ಜ್ಞಾನಗಮ್ಯಾಯ ಜ್ಞಾನೈಕಗೋಚರಾಯ ಜ್ಞಾನೈಕನಿರತ ಮುನಿಸಂಸೇವಿತ ಪಾದಯುಗಲಾಯ ಕ್ಲೀಂ ಕಮಲಾಲಯಾಪ್ರಾಣನಾಯಕ ನೇತ್ರಸರೋರುಹಸಮ್ಪೂಜಿತ ಪಾದಯುಗಲಾಯ ನಮಃ ಭಕ್ತಾಭೀಷ್ಟಪ್ರದಾಯಕ ಕಲ್ಪಭೂಭುಜಾಯ ಸೌಃ ಸೂರ್ಯನಿಶಾಕರನಿರ್ಮಿತ ರಥಚಕ್ರಾಯ ಶಿವಾಯ ಶಿವಮಯಾಯ ಶಿವಾಸಕ್ತವಾಮಭಾಗಾಯ ಕ್ಲೀಂ ಕಮಲಾಸನಸಾರಥಯೇ ಭೂನಿರ್ಮಿತರಥಾಯ ನಿಗಮರಥಾಶ್ವಾಯ ಮೇರುಪಿನಾಕನಾಮಕ ಚಾಪಯುಗಲಧರಾಯ ಜಲನಿಧಿತೂಣಾಯ ಕಮಲಾಮನೋನಾಯಕಚರಾಯ ವಿಷಧರನಾಥಜ್ಯಾಧನುಷ್ಕಾಯ ತ್ರಿಶೂಲಧರಾಯ ತ್ರಿಪುರಾನ್ತಕಾಯ ಶ್ರೀಸಾಮ್ಬದಕ್ಷಿಣಾಮೂರ್ತಯೇ ತುಭ್ಯಂ ಮಮ ಧರ್ಮಾರ್ಥಕಾಮಮೋಕ್ಷಾಖ್ಯ ಚತುರ್ವಿಧಪುರುಷಾರ್ಥಾನ್ ದೇಹಿ ದೇಹಿ ದಾಪಯ ದಾಪಯ ಮಾಮಾಪ್ಯಾಯಯ ಆಪ್ಯಾಯಯ ಮಾಮಾನನ್ದಯ ಆನನ್ದಯ ಮಾಮುರರೀಕುರು ಉರರೀಕುರು ಓಂ ಶಿವಾಯ ನಮಃ ಸೌಃ ಕ್ಲೀಂ ಐಂ ಓಂ ಹುಂ ಫಟ್ ಸ್ವಾಹಾ ॥ ೭ ॥

ಓಂ ಅಂ ಹ್ರೀಂ ಓಂ ಹ್ರೀಂ ಹೌಂ ಓಂ ನಮೋ ಭಗವತೇ ಶ್ರೀಹಂಸದಕ್ಷಿಣಾಮೂರ್ತಯೇ ಶಿವಾಯ ಮಹಾದೇವಾಯ ಓಂ ಆಂ ಹ್ರೀಂ ಓಂ ಹ್ರೀಂ ಹೌಂ ಅರ್ಯಮ್ಣೇ ಸೋಮಾಯಾನಲನೇತ್ರಾಯ ಅನ್ಧಕಸಂಹಾರಕಾಯ ಓಂ ಇಂ ಹ್ರೀಂ ಓಂ ಹ್ರೀಂ ಹೌಂ ರುದ್ರಾಯ ಅಸುರನಾಶಕಾಯ ಮಿತ್ರಾಯ ಓಂ ಈಂ ಹ್ರೀಂ ಓಂ ಹ್ರೀಂ ಹೌಂ ಶಙ್ಕರಾಯ ಶಶಾಙ್ಕಶೇಖರಾಯ ವರುಣಾಯ ಓಂ ಉಂ ಹ್ರೀಂ ಓಂ ಹ್ರೀಂ ಹೌಂ ನೀಲಲೋಹಿತಾಯ ಶಮ್ಭವೇ ಸದಾಶಿವಾಯ ಓಂ ಊಂ ಹ್ರೀಂ ಓಂ ಹ್ರೀಂ ಹೌಂ ಈಶಾನಾಯ ಭರ್ಗಾಯ ಭವನಾಶನಾಯ ಓಂ ಏಂ ಹ್ರೀಂ ಓಂ ಹ್ರೀಂ ಹೌಂ ವಿಜಯಾಯ ವಿವಸ್ವತೇ ವಿರೂಪಾಕ್ಷಾಯ ಓಂ ಐಂ ಹ್ರೀಂ ಓಂ ಹ್ರೀಂ ಹೌಂ ಭೀಮಾಯ ಇನ್ದ್ರಾಯ ಕಾಮಿತಾರ್ಥಪ್ರದಾಯ ಓಂ ಓಂ ಹ್ರೀಂ ಓಂ ಹ್ರೀಂ ಹೌಂ ಕಪರ್ದಿನೇ ಪೂಷ್ಣೇ ವಿಶ್ವತೋಮುಖಾಯ ಓಂ ಔಂ ಹ್ರೀಂ ಓಂ ಹ್ರೀಂ ಹೌಂ ವರುಣಾಯ ಪರ್ಜನ್ಯಾಯ ತಾರಾಧಿಪಭೂಷಣಾಯ ಓಂ ಅಂ ಹ್ರೀಂ ಓಂ ಹ್ರೀಂ ಹೌಂ ಸ್ಥಾಣವೇ ತ್ವಷ್ಟ್ರೇ ನೀಲಲೋಹಿತಾಯ ಓಂ ಅಃ ಹ್ರೀಂ ಓಂ ಹ್ರೀಂ ಹೌಂ ನೀಲಕಣ್ಠಾಯ ನಿರ್ಮಲಾಯ ನಿರಞ್ಜನಾಯ ವಿಷ್ಣವೇ ಸದಾಶಿವಾಯ ಶ್ರೀಹಂಸದಕ್ಷಿಣಾಮೂರ್ತಯೇ ತುಭ್ಯಂ ಮಹ್ಯಂ ಮೇಧಾಂ ಪ್ರಜ್ಞಾಂ ವಿದ್ಯಾಂ ದೇಹಿ ದೇಹಿ ದಾಪಯ ದಾಪಯ ಓಂ ಹೌಂ ಹ್ರೀಂ ಓಂ ಹ್ರೀಂ ಅಂ ಓಂ ಹುಂ ಫಟ್ ಸ್ವಾಹಾ ॥ ೮ ॥

ಓಂ ಹ್ರಾಂ ಓಂ ಹ್ರೀಂ ಓಂ ಹ್ರೂಂ ಓಂ ಹ್ರೈಂ ಓಂ ಹ್ರೌಂ ಓಂ ಹ್ರಃ ಓಂ ನಮೋ ಭಗವತೇ ಶ್ರೀಲಕುಟದಕ್ಷಿಣಾಮೂರ್ತಯೇ ವಿಬುಧವನ್ದಿತವಿಗ್ರಹಾಯ ಶುಕಾದ್ಯನೇಕಮುನಿಪರಿವೃತಾಯ ನೀಲಕಣ್ಠಾಯ ಕುಠಾರಪಾಣಯೇ ತ್ರಿನೇತ್ರಾಯ ದೈತ್ಯಕುಲನಿರ್ನಾಶಕಾಯ ಸುಜನರಕ್ಷಕಾಯ ದ್ವಿಜವರಸೇವಿತಾಯ ಫಣಿಭೂಷಣಾಯ ನಿಗಮಸಮ್ಬೋಧಿತಾಹರ್ಮುಖಾಯ ನಿರುಪಮಾಯ ನಿರ್ಗುಣಾಯ ನಿಜಭಕ್ತರಕ್ಷಕಾಯ ನಿಖಿಲ ಸುಖೈಕ ನಿದಾನಭೂತಾಯ ಸುನ್ದರಾಯ ಜ್ಞಾನಪ್ರದಾಯ ಕಮಲಾಸನಪರಿಸೇವಿತಾಯ ರತ್ನಕಿರೀಟಾಯ ವಿಷಧರಕುಣ್ಡಲಾಯ ದ್ವಿಜರಾಜಕಲಾವತಂಸಾಯ ಫಣಿಹಾರಾಯ ಭುಜಗರಾಜಕಙ್ಕಣಾಯ ನಿಗಮವಿರಾಜಿತಮಞ್ಜೀರಾಯ ಸಕಲೈಶ್ವರ್ಯಪ್ರದಾಯ ಶ್ರೀಲಕುಟದಕ್ಷಿಣಾಮೂರ್ತಯೇ ತುಭ್ಯಂ ಮಮ ಸಕಲೈಶ್ವರ್ಯಂ ದೇಹಿ ದೇಹಿ ದಾಪಯ ದಾಪಯ ನಿರವಚ್ಛಿನ್ನಸುಖಂ ದೇಹಿ ದೇಹಿ ದಾಪಯ ದಾಪಯ ದಾರಿದ್ರ್ಯಾಮಯತಪ್ತಂ ಮಾಮುಜ್ಜೀವಯೋಜ್ಜೀವಯ ಸಂಸಾರಾರ್ಣವಮಗ್ನಂ ಮಾಮುದ್ಧರೋದ್ಧರ ಓಂ ಹ್ರಃ ಓಂ ಹ್ರೌಂ ಓಂ ಹ್ರೈಂ ಓಂ ಹ್ರೂಂ ಓಂ ಹ್ರೀಂ ಓಂ ಹ್ರಾಂ ಓಂ ಹುಂ ಫಟ್ ಸ್ವಾಹಾ ॥ ೯ ॥

ಓಂ ಐಂ ಕ್ಲೀಂ ಸೌಃ ಶ್ರೀಂ ಹ್ರೀಂ ಓಂ ನಮೋ ಭಗವತೇ ಶ್ರೀಚಿದಮ್ಬರದಕ್ಷಿಣಾಮೂರ್ತಯೇ ಶ್ರಿಯೈ ಜ್ಯೋತಿರ್ಮಯಾಯ ಜ್ಯೋತಿಃ ಸ್ವರೂಪಾಯ ಸಭಾಪತಯೇ ತಾಣ್ಡವವಿನೋದಾಯ ಗಾನಾಸಕ್ತಮನಸ್ಕಾಯ ನಾಗೇನ್ದ್ರಚರ್ಮಧರಾಯ ನಾಗಭೂಷಣಾಯ ದಿಙ್ನಾಗಪರಿಸೇವಿತಾಯ ಸಕಲಬೃನ್ದಾರಕ ಬೃನ್ದವನ್ದ್ಯಮಾನ ಪಾದಾರವಿನ್ದಯುಗಲಾಯ ವನ್ದಿತಜಗದಮ್ಬಾಞ್ಚಿತ ವಾಮಭಾಗಾಯ ಪ್ರಮಧಾನೇಕಾನೀತಾನೋಕಹಸೂನ ಸಮರ್ಚಿತಾಯ ಪ್ರದೋಷಕೃತತಾಣ್ಡವಾಯ ಜಗನ್ಮಙ್ಗಲಾಪರಿಸೇವಿತಾ ಮುಕ್ತಾಕಪಾಲಾಞ್ಚಿತ ರತ್ನಕಿರೀಟಾಯ ರಘುಪತಿಮನಃ ಪುಣ್ಡರೀಕಾಞ್ಚಿತ ದಿವ್ಯಚಞ್ಚರೀಕಾಯ ಧವಲಾಙ್ಗಾಯ ಪಿಙ್ಗಲಜಟಾಜೂಟಾಯ ರವಿಚನ್ದ್ರಾನಲನೇತ್ರಾಯ ಶ್ರೀಚಿದಮ್ಬರದಕ್ಷಿಣಾಮೂರ್ತಯೇ ತುಭ್ಯಂ ಮಮ ಚತುರ್ವಿಧಪುರುಷಾರ್ಥಾನ್ ದೇಹಿ ದೇಹಿ ದಾಪಯ ದಾಪಯ ಓಂ ಹ್ರೀಂ ಶ್ರೀಂ ಸೌಃ ಕ್ಲೀಂ ಐಂ ಓಂ ಹುಂ ಫಟ್ ಸ್ವಾಹಾ ॥ ೧೦ ॥

ಓಂ ಹ್ರಾಂ ಹ್ರೀಂ ಹ್ರೂಂ ಖೇಂ ಖೇಂ ಖೇಂ ಓಂ ನಮೋ ಭಗವತೇ ಶ್ರೀವೀರವಿಜಯಪ್ರತಾಪ ಜ್ವಾಲಾನಲನೇತ್ರಾಯ ಶ್ರೀವೀರದಕ್ಷಿಣಾಮೂರ್ತಯೇ ಶೂಲ ಟಙ್ಕ ಗದಾ ಶಕ್ತಿ ಭಿಣ್ಡಿವಾಲ ಮುಸಲ ಮುದ್ಗರ ಪ್ರಾಸ ಪರಿಘಾನೇಕಾಯುಧಹಸ್ತಾಯ ಹ್ರಾಂ ಹ್ರೀಂ ಹ್ರೂಂ ತ್ರಿಪುರಸಂಹಾರಕಾಯ ಜ್ವಾಲಾನಲತುಲ್ಯಬಾಣಾಯ ತೀಕ್ಷ್ಣಪಿನಾಕಾಯುಧಾಯ ಖೇಂ ಖೇಂ ಖೇಂ ಮದನಾನ್ತಕಸಂಹಾರಕಾಯ ಜಾಲನ್ಧರಾದ್ಯನೇಕಾಸುರನಿರ್ನಾಶಕಾಯ ಅಪಸ್ಮೃತಿವಿನಾಶಕಾಯ ಕ್ರೋಂ ಕ್ರೋಂ ಕ್ರೋಂ ಸಕಲಭೂತಗ್ರಹಾಕರ್ಷಕಾಯ ಸಕಲಯಕ್ಷಿಣೀಗ್ರಹಾಕರ್ಷಕಾಯ ಸಕಲಕಾಮಿನೀಗ್ರಹಾಕರ್ಷಕಾಯ ಸಕಲಸ್ತ್ರೀಗ್ರಹಾಕರ್ಷಕಾಯ ಸಕಲಪೈಶಾಚಿಕಗ್ರಹಾಕರ್ಷಕಾಯ ಪ್ರಯೋಗಗ್ರಹಾಕರ್ಷಕಾಯ ಹ್ರಾಂ ಹ್ರೀಂ ಹ್ರೂಂ ಖೇಂ ಖೇಂ ಖೇಂ ಸಕಲಭೂತಗ್ರಹೋಚ್ಚಾಟನಾಯ ಸಕಲರಾಕ್ಷಸಗ್ರಹೋಚ್ಚಾಟನಾಯ ಸಕಲಯಕ್ಷಿಣೀಗ್ರಹೋಚ್ಚಾಟನಾಯ ಸಕಲಕಾಮಿನೀಗ್ರಹೋಚ್ಚಾಟನಾಯ ಸಕಲಮೋಹಿನೀಗ್ರಹೋಚ್ಚಾಟನಾಯ ಸಕಲಯಕ್ಷಗ್ರಹೋಚ್ಚಾಟನಾಯ ಸಕಲರಾಕ್ಷಸಗ್ರಹೋಚ್ಚಾಟನಾಯ ಸಕಲಪುರುಷಗ್ರಹೋಚ್ಚಾಟನಾಯ ಸಕಲಸ್ತ್ರೀಗ್ರಹೋಚ್ಚಾಟನಾಯ ಸಕಲಪೈಶಾಚಿಕಗ್ರಹೋಚ್ಚಾಟನಾಯ ಖೇಂ ಖೇಂ ಖೇಂ ಸಕಲಪ್ರಯೋಗಗ್ರಹೋಚ್ಚಾಟನಾಯ ಸರ್ವಗ್ರಹೋಚ್ಚಾಟನಾಯ ಶ್ರೀವೀರವಿಜಯಪ್ರತಾಪ ಜ್ವಾಲಾನಲನೇತ್ರ ಶ್ರೀವೀರದಕ್ಷಿಣಾಮೂರ್ತಯೇ ತುಭ್ಯಂ ಮಮೋಪದ್ರವಾನ್ ನಾಶಯ ನಾಶಯ ಚೋರಾನ್ನಾಶಯ ನಾಶಯ ಮಮ ಶತ್ರೂನ್ನಾಶಯ ನಾಶಯ ಭೂತ ಭೇತಾಲ ಮಾರೀಚಗಣ ಬ್ರಹ್ಮರಾಕ್ಷಸಾನ್ನಿರ್ಮೂಲಯ ನಿರ್ಮೂಲಯ ರಾಕ್ಷಸಗ್ರಹಾನುಚ್ಚಾಟಯೋಚ್ಚಾಟಯ । ತಾಮಸಗ್ರಹಾನುಚ್ಚಾಟಯೋಚ್ಚಾಟಯ ರಾಜಸಗ್ರಹಾನುಚ್ಚಾಟಯೋಚ್ಚಾಟಯ ಸತ್ತ್ವಗ್ರಹಾನುಚ್ಚಾಟಯೋಚ್ಚಾಟಯ ಸರ್ವಗ್ರಹಾನುಚ್ಚಾಟಯೋಚ್ಚಾಟಯ ಮಾಮುದ್ಧರೋದ್ಧರ ಮಾಮಾನನ್ದಯಾನನ್ದಯ ಓಂ ಖೇಂ ಖೇಂ ಖೇಂ ಹ್ರೂಂ ಹ್ರೀಂ ಹ್ರಾಂ ಓಂ ಹುಂ ಫಟ್ ಸ್ವಾಹಾ ॥ ೧೧ ॥

ಓಂ ಜೂಂ ಸಃ ಐಂ ಹ್ರೀಂ ಶ್ರೀಂ ಶ್ರೀಂ ಹ್ರೀಂ ಐಂ ಓಂ ಹ್ರೀಂ ಹೌಂ ಓಂ ನಮೋ ಭಗವತೇ ಶ್ರೀವೀರಭದ್ರದಕ್ಷಿಣಾಮೂರ್ತಯೇ ಶ್ರೀಮಹಾಸಿಂಹಾಸನಾಧೀಶ್ವರಾಯ ಶ್ರೀತ್ರಿಜಗನ್ಮೋಹನಲೀಲಾವತಾರಾಯ ಶ್ರೀಸರ್ವಜನತಾವಶಙ್ಕರಾಯ ಸರ್ವರಾಜವಶಙ್ಕರಾಯ ಸಾಧ್ಯಸಾಧಕಾಯ ಸರ್ವಸ್ತ್ರೀವಶಙ್ಕರಾಯ ತ್ರಿಜಗದ್ವಶ್ಯಕರಾಯ ದಕ್ಷಾಧ್ವರವಿನಾಶಕಾಯ ಧವಲಶರೀರಾಯ ದಶರಥಸುತಪರಿಸೇವಿತಾಯ ದಾರಿತಾಸುರನಿಕರಾಯ ದಾರಿದ್ರ್ಯನಿರ್ಮೂಲನಾಯ ಶತ್ರುಸಂಹಾರಕಾಯ ತೀಕ್ಷ್ಣನಖದಂಷ್ಟ್ರಾಯ ಜ್ವಲದಗ್ನಿಸವರ್ಣನೇತ್ರಾಯ ಪ್ರಾಸಪರಿಘಾದ್ಯನೇಕಾಯುಧಹಸ್ತಾಯ ಅನೇಕಪಿಶಾಚಪರಿಸೇವಿತ ಪಾರ್ಶ್ವಯುಗಲಾಯ ಪಾದನ್ಯಾಸವಿಚಾಲಿತ ಭೂಮಣ್ಡಲಾಯೋರ್ಧ್ವಕೇಶಾಯ ಸಂಹಾರಿತಾನೇಕಾಸುರಬೃನ್ದಾಯ ಸುರಸಂಸ್ತುತಾಯ ಸುರವರಪ್ರದಾಯ ಸರ್ವೋಪದ್ರವನಾಶಕಾಯ ಶ್ರೀವೀರಭದ್ರದಕ್ಷಿಣಾಮೂರ್ತಯೇ ತುಭ್ಯಂ ಮಮ ರಾಜ ಪ್ರಜಾ ವಶಂ ಕುರು ಕುರು ಮಮ ಸುನ್ದರೀ ವಶಂ ಕುರು ಕುರು ಮಮ ತಿರ್ಯಙ್ಮನುಷ್ಯಾದಿ ಸಕಲ ವಶಂ ಕುರು ಕುರು ಓಂ ಹೌಂ ಹ್ರೀಂ ಓಂ ಐಂ ಹ್ರೀಂ ಶ್ರೀಂ ಶ್ರೀಂ ಹ್ರೀಂ ಐಂ ಸಃ ಜೂಂ ಓಂ ಹುಂ ಫಟ್ ಸ್ವಾಹಾ ॥ ೧೨ ॥

ಓಂ ಐಂ ಹ್ರೀಂ ಓಂ ಓಂ ಹ್ರೀಂ ಐಂ ಓಂ ನಮೋ ಭಗವತೇ ಶ್ರೀಕೀರ್ತಿದಕ್ಷಿಣಾಮೂರ್ತಯೇ ಸಕಲಭುವನೈಕದೀಪಕಾಯ ಸಕಲಸುರಾಸುರಾರಾಧ್ಯಾಯ ಸುಚರಿತ್ರಾಯ ಸುಶ್ಲೋಕಾಯ ಭಕ್ತಸುಲಭಾಯ ಭಾವನಾಗಮ್ಯಾಯ ಭಾನುಮಣ್ಡಲದೀಪನಾಯ ಭದ್ರಕಾಲೀನಮಸ್ಕೃತಚರಣಾಯ ರಮಾಪತಿಸೇವಿತಾಯ ರಾಘವಸಮಾರಾಧಿತ ದಿವ್ಯಚರಣಯುಗಲಾಯ ಅಗಸ್ತ್ಯವನ್ದಿತಾಯ ವಾಲಖಿಲ್ಯಾದಿ ಮುನಿವರಸುಪೂಜಿತಾಯ ಸುರನಾಯಕ ಸಂಸ್ತುತ ಗಣಬೃನ್ದಾಯ ಯದುಪತಿರಕ್ಷಕಾಯ ಯಮನಿಯಮಾದಿ ಪರಿನಿಷ್ಠಾಯ ಪರಮಪುರುಷಾಯ ಪತಿವ್ರತಾಸಂಸ್ತುತ ಸುಯಶಸ್ಕಾಯ ಶ್ರೀಕೀರ್ತಿದಕ್ಷಿಣಾಮೂರ್ತಯೇ ತುಭ್ಯಂ ಮಮ ಸುಕೀರ್ತಿಂ ದೇಹಿ ದೇಹಿ ದಾಪಯ ದಾಪಯ ಸುಸ್ಥಿರಾಂ ಶ್ರಿಯಂ ದೇಹಿ ದೇಹಿ ದಾಪಯ ದಾಪಯ ಓಂ ಐಂ ಹ್ರೀಂ ಓಂ ಓಂ ಹ್ರೀಂ ಐಂ ಓಂ ಹುಂ ಫಟ್ ಸ್ವಾಹಾ ॥ ೧೩ ॥

ಓಂ ಓಂ ಓಂ ವಂ ವಂ ವಂ ಓಂ ನಮೋ ಭಗವತೇ ಶ್ರೀಬ್ರಹ್ಮದಕ್ಷಿಣಾಮೂರ್ತಯೇ ಜ್ಯೋತಿರ್ಮಯಾಯ ನಾನಾರೂಪವರ್ಜಿತಾಯ ನಾದಬಿನ್ದುಕಲಾತೀತಾಯ ಸತ್ತ್ವರಜಸ್ತಮೋಽತೀತಾಯ ಗುಣಾತ್ಮಕಾಯ ಗುಣಪ್ರಕಾಶಕಾಯ ಜ್ಞಾನಗಮ್ಯಾಯ ಜ್ಞಾನೈಕನಿರತಪರಿಸೇವಿತ ಪಾದಯುಗಲಾಯ ಸ್ವಚ್ಛಾಯ ನಿರ್ಮಲಾಯ ನಿರುಪಮವೈಭವಾಯ ನಿರನ್ತರಾಯ ನಿಜಭಕ್ತಸಂರಕ್ಷಕಾಯ ನಿಗಮಬೋಧಿತಾಯ ನಿಗಮಪ್ರತಿಪಾದ್ಯಾಯ ನಿಗಮರಕ್ಷಕಾಯ ನಿಗಮಶಿಖಾಸಂಸ್ತುತಗುಣವೈಭವಾಯ ವರದಾಯ ವರಿಷ್ಠಾಯ ವಶಿಷ್ಠಾದಿಮುನಿಸಂಸ್ತುತಾಯ ಶ್ರೀಬ್ರಹ್ಮದಕ್ಷಿಣಾಮೂರ್ತಯೇ ತುಭ್ಯಂ ಮಮ ಸುಸ್ಥಿರಜ್ಞಾನಂ ದೇಹಿ ದೇಹಿ ದಾಪಯ ದಾಪಯ ಮಮ ಸಕಲ ಸಾಮ್ರಾಜ್ಯಾದಿ ಸುಸ್ಥಿರ ಸಕಲೈಶ್ವರ್ಯಂ ದೇಹಿ ದೇಹಿ ದಾಪಯ ದಾಪಯ ಓಂ ವಂ ವಂ ವಂ ಓಂ ಓಂ ಓಂ ಹುಂ ಫಟ್ ಸ್ವಾಹಾ ॥ ೧೪ ॥

ಓಂ ಐಂ ಕ್ಲೀಂ ಸೌಃ ಸೌಃ ಕ್ಲೀಂ ಐಂ ಓಂ ನಮೋ ಭಗವತೇ ಶ್ರೀಶಕ್ತಿದಕ್ಷಿಣಾಮೂರ್ತಯೇ ಸಕಲಜಗನ್ಮೋಹನಾಯ ಆಧ್ಯಾತ್ಮಿಕದುಃಖನಿಕೃನ್ತನಾಯ ಹಿಮಶೈಲಸುತಾಮನೋರಞ್ಜನಾಯ ಅಮಿತತೇಜೋಮಣ್ಡಲಾಯ ತೇಜಃಸ್ವರೂಪಾಯ ಪ್ರಕೃತಿವಿವಿಕ್ತಕಾಯ ಮಾಯಾಶ್ರಯಾಯ ಮಾಯಿಕಮನಶ್ಛೇದಕಾಯ ಅಮಾಯಕ ಪೂಜಾಪರಿತುಷ್ಟಮನಸ್ಕಾಯ ಸುಚರಿತ್ರಾಯ ದುಷ್ಟವಿದೂರಾಯ ದುರಾರಾಧ್ಯಾಯ ದೂರ್ವಾಸಪೂಜಿತ ಪಾದಯುಗಲಾಯ ಪರಮಕಾರುಣಿಕಾಯ ಕಟಾಕ್ಷಚನ್ದ್ರಿಕಾಸಕ್ತ ಭಕ್ತಮನಶ್ಚಕೋರಾಯ ಸುಸ್ಥಿರಾಯ ಸ್ಥಿರಸ್ಥಾನಪ್ರದಾಯ ಸ್ಥಿರಪರಿಪಾಲಕಾಯ ಸ್ಥಾವರರೂಪಾಯ ಸ್ತ್ರೀಪುರುಷಸ್ವರೂಪಾಯ ಶ್ರೀಶಕ್ತಿದಕ್ಷಿಣಾಮೂರ್ತಯೇ ತುಭ್ಯಂ ಮಮ ಸಕಲಧರ್ಮಾರ್ಥಕಾಮಮೋಕ್ಷಾಖ್ಯ ಚತುರ್ವಿಧಪುರುಷಾರ್ಥಸುಫಲಂ ದೇಹಿ ದೇಹಿ ದಾಪಯ ದಾಪಯ ಸರ್ವತೋ ಮಾಂ ರಕ್ಷ ರಕ್ಷ ಓಂ ಐಂ ಕ್ಲೀಂ ಸೌಃ ಸೌಃ ಕ್ಲೀಂ ಐಂ ಓಂ ಹುಂ ಫಟ್ ಸ್ವಾಹಾ ॥ ೧೫ ॥

ಓಂ ಹ್ಸೌಂ ಓಂ ಹ್ಸೌಂ ಓಂ ಹ್ಸೌಂ ಓಂ ನಮೋ ಭಗವತೇ ಶ್ರೀಸಿದ್ಧದಕ್ಷಿಣಾಮೂರ್ತಯೇ ಅಂ ಆಂ ಇಂ ಈಂ ಉಂ ಊಂ ಋಂ ೠಂ ಲುಂ ಲೂಂ ಏಂ ಐಂ ಓಂ ಔಂ ಅಂ ಅಃ ಶ್ರೀಮತ್ತ್ರಿಪುರಸುನ್ದರೀಸಮ್ಯುಕ್ತವಾಮಭಾಗಾಯ ಕಂ ಖಂ ಗಂ ಘಂ ಙಂ ಬ್ರಹ್ಮವಿದ್ಯಾಪ್ರದಾಯ ಸಾಙ್ಖ್ಯವೇದನಿರತಸುಸೇವಿತಾಯ ಚಂ ಛಂ ಜಂ ಝಂ ಞಂ ಮುಕ್ತಾಜಾಲಪರಿಷ್ಕೃತ ಸುವರ್ಣನಿರ್ಮಿತದಿವ್ಯಛತ್ರಾಯ ಟಂ ಠಂ ಡಂ ಢಂ ಣಂ ಚಾಮರವ್ಯಜನಾಸಕ್ತ ಕಮಲಾಸನ ಪದ್ಮಲೋಚನ ಸಮಾಶ್ರಿತ ಪಾರ್ಶ್ವಯುಗಲಾಯ ತಂ ಥಂ ದಂ ಧಂ ನಂ ಸುರವರಸಂಸೇವಿತಾಯ ಪಂ ಫಂ ಬಂ ಭಂ ಮಂ ವಿಜಯಪ್ರದಾಯ ವೀರಸಮಾರಾಧಿತ ವಶಿಷ್ಠಾದಿಮುನಿಸಙ್ಘಸಂಸ್ತುತಾಯ ಶ್ರೀಸಿದ್ಧದಕ್ಷಿಣಾಮೂರ್ತಯೇ ತುಭ್ಯಂ ಮಮ ಸಕಲಪುರುಷಾರ್ಥಸಿದ್ಧಿಂ ದೇಹಿ ದೇಹಿ ದಾಪಯ ದಾಪಯ ಮಮ ಸುಕಲತ್ರಪುತ್ರಾದಿಕಂ ದೇಹಿ ದೇಹಿ ದಾಪಯ ದಾಪಯ ಓಂ ಹ್ಸೌಂ ಓಂ ಹ್ಸೌಂ ಓಂ ಹ್ಸೌಂ ಓಂ ಹುಂ ಫಟ್ ಸ್ವಾಹಾ ॥ ೧೬ ॥

ಓಂ ಸಹನಾವವತ್ವಿತಿ ಶಾನ್ತಿಃ ॥

॥ ಫಲಶ್ರುತಿ ॥

ಮನ್ತ್ರಷೋಡಶಸಮ್ಯುಕ್ತಂ ಮಾಲಾಮನ್ತ್ರಸ್ತವಂ ಪ್ರಿಯೇ ।
ಯಃ ಪಠೇತ್ಸತತಂ ಭಕ್ತ್ಯಾ ತಸ್ಯ ಶ್ರೀಃ ಸರ್ವತೋ ಭವೇತ್ ॥ ೧ ॥

ಪಠೇದನುದಿನಂ ಯಸ್ತು ಮಾಲಾಮನ್ತ್ರಸ್ತವಂ ನರಃ ।
ತಸ್ಯ ಸರ್ವಾಣಿ ಕಾರ್ಯಾಣಿ ಕರಸ್ಥಾನಿ ನ ಸಂಶಯಃ ॥ ೨ ॥

ಹೃದಯಂ ಪ್ರಜಪೇದಾದೌ ತತೋ ಮನ್ತ್ರಂ ಜಪೇತ್ಪ್ರಿಯೇ ।
ಮನ್ತ್ರಷೋಡಶಸಮ್ಯುಕ್ತಂ ಮಾಲಾಮನ್ತ್ರಸ್ತವಂ ತತಃ ॥ ೩ ॥

ತತೋ ವರ್ಣಾವಲೀಸ್ತೋತ್ರಂ ಪ್ರಜಪೇತ್ಕಮಲಾಲಯೇ ।
ಯಾವಜ್ಜೀವಂ ಜಪೇನ್ಮನ್ತ್ರಂ ದಕ್ಷಿಣಾಮೂರ್ತಿತುಷ್ಟಯೇ ॥ ೪ ॥

ಷಡ್ವರ್ಗಸಹಿತೋ ಮನ್ತ್ರಃ ಸರ್ವಸೌಖ್ಯಪ್ರದಾಯಕಃ ।
ನಿಯಮೇನೈವ ಜಪ್ತವ್ಯೋ ನಿಯಮಃ ಸರ್ವಕಾಮಧುಕ್ ॥ ೫ ॥

ನಿಯಮಂ ಯಃ ಪರಿತ್ಯಜ್ಯ ಜಪೇನ್ಮನ್ತ್ರವರಂ ನರಃ ।
ಸ ಮೃತ್ಯುಂ ಶೀಘ್ರಮಾಪ್ನೋತಿ ಸತ್ಯಂ ಸತ್ಯಂ ಮಯೋದಿತಮ್ ॥ ೬ ॥

ಕ್ರಮೇಣೈವ ಜಪೇದ್ದೇವಿ ಮನ್ತ್ರಾಙ್ಗಾನಿ ವಿಚಕ್ಷಣಃ ।
ವಿಷಮೇವ ಜಪೇದ್ಯಸ್ತು ಕ್ರಮಂ ಸನ್ತ್ಯಜ್ಯ ಸುನ್ದರಿ ॥ ೭ ॥

ಸೋಽಚಿರಾನ್ಮೃತ್ಯುಮಾಪ್ನೋತಿ ಹ್ಯಲಕ್ಷ್ಮೀಕೋ ಭವೇದ್ಧೃವಮ್ ।
ಅಙ್ಗಹೀನಸ್ತು ಯೋ ಮನ್ತ್ರಃ ಸ ಸರ್ವಾರ್ಥವಿನಾಶಕಃ ॥ ೮ ॥

ಪ್ರವಕ್ಷ್ಯಾಮಿ ಸುರಾರಾಧ್ಯೇ ಮನ್ತ್ರಸ್ಯಾಙ್ಗಾನಿ ವೈ ಶೃಣು ।
ಪ್ರಿಯೇ ಮನ್ತ್ರಸ್ಯ ಹೃದಯಂ ಮುಖಮಿತ್ಯುಚ್ಯತೇ ಬುಧೈಃ ॥ ೯ ॥

ಮಾಲಾಮನ್ತ್ರಸ್ತವಶ್ಚಾಸ್ಯ ಚಕ್ಷುಷೀ ಕಮಲಾಲಯೇ ।
ವರ್ಣಾವಲೀಸ್ತವಶ್ಚಾಸ್ಯ ಶ್ರೋತ್ರಂ ಚೇತಿ ಪ್ರಚಕ್ಷತೇ ॥ ೧೦ ॥

ತ್ರಿಜಗನ್ಮೋಹನಂ ನಾಮ ಕವಚಂ ಮನ್ತ್ರವಿಗ್ರಹಮ್ ।
ಹಸ್ತದ್ವಯಮಿತಿ ಪ್ರೋಕ್ತಂ ನಾಮ್ನಾಮಷ್ಟೋತ್ತರಂ ಶತಮ್ ॥ ೧೧ ॥

ನಾಸಿಕೇ ತು ಸುರಾರಾಧ್ಯೇ ಮನ್ತ್ರಜ್ಞೈಃ ಪರಿಕೀರ್ತಿತಮ್ ।
ನಾಮ್ನಾಂ ಸಹಸ್ರಂ ಕಮಲೇ ಪಾದದ್ವಯಮಿತೀರಿತಮ್ ॥ ೧೨ ॥

ಮನ್ತ್ರಮೂರ್ತೇಃ ಷಡಙ್ಗಾನಿ ಕ್ರಮಾದೇತಾನಿ ಸುನ್ದರಿ ।
ಏತೈಃ ಷಡಙ್ಗೈಃ ಸಹಿತೋ ಮನ್ತ್ರಃ ಸರ್ವಾರ್ಥದಾಯಕಃ ॥ ೧೩ ॥

ವಕ್ಷ್ಯಾಮಿ ಶೃಣು ದೇವೇಶಿ ಮನ್ತ್ರವರ್ಣಕ್ರಮಂ ಶುಭಮ್ ।
ಉಷಃಕಾಲೇ ಸಮುತ್ಥಾಯ ಶಯನಾದ್ಧರಿವಲ್ಲಭೇ ॥ ೧೪ ॥

ಪಾದೌ ಪ್ರಕ್ಷಾಲ್ಯ ಚಾಚಮ್ಯ ನಿಯಮೇನ ಸಮಾಹಿತಃ ।
ಕುಶಾಸನೇ ಸಮಾಸೀನೋ ಧ್ಯಾತ್ವಾ ಶ್ರೀಗುರುಪಾದುಕಾಮ್ ॥ ೧೫ ॥

ತತಃ ಸ್ತುತ್ವಾ ಸುರಾರಾಧ್ಯಂ ದೇವದೇವಂ ತ್ರಿಲೋಚನಮ್ ।
ಸ್ತೋತ್ರೈರ್ವೇದಾನ್ತಸದೃಶೈಸ್ತತಃ ಪ್ರಾತರ್ಭವಂ ಚರೇತ್ ॥ ೧೬ ॥

ತತಃ ಸ್ನಾತ್ವಾ ಚ ವಿಧಿವನ್ನದ್ಯಾಂ ಸನ್ಧ್ಯಾಂ ಸಮಾಚರೇತ್ ।
ತತಃ ಶ್ರೀದಕ್ಷಿಣಾಮೂರ್ತೇರ್ಹೃದಯಂ ಪರಿಜಪ್ಯ ಚ ॥ ೧೭ ॥

ಮನ್ತ್ರಂ ಸಮ್ಯಗ್ಜಪೇದ್ಬಾಲೇ ಮಾಲಾಮನ್ತ್ರಸ್ತವಂ ತತಃ ।
ಶ್ರೀದಕ್ಷಿಣಾಮೂರ್ತಿಮನ್ತ್ರಂ ಕಲ್ಪೋಕ್ತವಿಧಿನಾ ಯಜೇತ್ ॥ ೧೮ ॥

ಸಹಸ್ರನಾಮಭಿಃ ಪೂಜ್ಯ ನೈವೇದ್ಯಾದೀನ್ ಸಮರ್ಪ್ಯ ಚ ।
ಸ್ತುತ್ವಾ ಸ್ತೋತ್ರೈರನೇಕೈಶ್ಚ ತತಃ ಕುರ್ಯಾತ್ ಕ್ಷಮಾರ್ಪಣಮ್ ॥ ೧೯ ॥

ಏವಂ ದಿನೇ ದಿನೇ ಕಾರ್ಯಂ ದಕ್ಷಿಣಾಮೂರ್ತಿಶರ್ಮಣಃ ।
ಮನ್ತ್ರಧ್ಯಾನಾದಿಕಂ ಪೂಜಾಂ ಸರ್ವಸೌಭಾಗ್ಯಸಿದ್ಧಯೇ ॥ ೨೦ ॥

ಏವಂ ಯಃ ಕುರುತೇ ನಿತ್ಯಂ ತಸ್ಯ ದೇವಃ ಪ್ರಸೀದತಿ ।
ತಸ್ಯ ದೇವಾಃ ಪ್ರಸೀದನ್ತಿ ಬ್ರಹ್ಮವಿಷ್ಣ್ವಾದಯಃ ಪ್ರಿಯೇ ॥ ೨೧ ॥

ವಿನಾಯಕೌಶ್ಚ ಶಾಮ್ಯನ್ತಿ ಲಕ್ಷ್ಮೀರ್ಭವತಿ ಸುಸ್ಥಿರಾ ।
ಮನ್ತ್ರಷೋಡಶಸಮ್ಯುಕ್ತಂ ಮಾಲಾಮನ್ತ್ರಸ್ತವಂ ಪ್ರಿಯೇ ॥ ೨೨ ॥

ಪಠೇದನುದಿನಂ ಯಸ್ತು ತಸ್ಯ ಗೇಹೇ ರಮಾ ಸ್ಥಿತಾ ।
ರಾಜ್ಯಸಿದ್ಧಿಂ ಖೇಚರತ್ವಂ ವಿದ್ಯಾಸಿದ್ಧಿಂ ಶ್ರಿಯಂ ಸ್ಥಿರಾಮ್ ॥ ೨೩ ॥

ಮಾಲಾಮನ್ತ್ರಸ್ತವಂ ಜಪ್ತ್ವಾ ಪ್ರಾಪ್ನೋತಿ ಭುವಿ ಮಾನವಃ ।
ಇಮಂ ಮಾಲಾಮನ್ತ್ರಯುತಂ ಸ್ತೋತ್ರಂ ದುಗ್ಧಾಬ್ಧಿಸಮ್ಭವೇ ॥ ೨೪ ॥

ಸರ್ವಾಭೀಷ್ಟಪ್ರದಂ ಗುಹ್ಯಂ ಸರ್ವೋಪದ್ರವನಾಶನಮ್ ।
ಜ್ಞಾನವೈರಾಗ್ಯಭಕ್ತೀನಾಮಾಧಾರಂ ಮುನಿಸಂಸ್ತುತಮ್ ॥ ೨೫ ॥

ಅಮಙ್ಗಲಘ್ನಂ ಪಾಪಘ್ನಂ ಯಜ್ಞದಾನಫಲಪ್ರದಮ್ ।
ಮಹರ್ಷಯ ಸಿದ್ಧಿಮೀಯುಃ ಕೃಷ್ಣದ್ವೈಪಾಯನಾದಯಃ ॥ ೨೬ ॥

ಪರಾಶರೋ ನಾರದಾದ್ಯಾಸ್ತಥಾ ಸರ್ವೇ ಮಹರ್ಷಯಃ ।
ಮುಕ್ತಿಂ ಗತಾಶ್ಚ ಪಠನಾದ್ದೇವಗನ್ಧರ್ವದಾನವಾಃ ॥ ೨೭ ॥

ಸಿದ್ಧಾಃ ಸಾಧ್ಯಾಶ್ಚ ಯಕ್ಷಾಶ್ಚ ಪಠನಾನ್ಮುಕ್ತಿಮಾಪ್ನುಯುಃ ।
ಇನ್ದ್ರಾದ್ಯಾಃ ಪ್ರಾಪ್ನುಯುಃ ಸರ್ವೇ ಮುಕ್ತಿಂ ಭುಕ್ತಿಂ ತಥಾಽಪರೇ ॥ ೨೮ ॥

ಈಶ್ವರಾದ್ಯಾಸ್ತಥೈಶ್ವರ್ಯಂ ಭುಕ್ತಿಂ ಮುಕ್ತಿಮವಾಪ್ನುಯುಃ ।
ಬ್ರಹ್ಮಾದಯಸ್ತಥೈಶ್ವರ್ಯಂ ಪಠನಾದ್ಧಾರಣಾದಪಿ ॥ ೨೯ ॥

ಅಶ್ವಮೇಧಸಹಸ್ರಾಣಿ ವಾಜಪೇಯಶತಾನಿ ಚ ।
ಮಹಾದಾನಾನಿ ಯಾನ್ಯೇವ ಪ್ರಾದಕ್ಷಿಣ್ಯಂ ಭುವಸ್ತಥಾ ॥ ೩೦ ॥

ಕಲಾಂ ನಾರ್ಹನ್ತಿ ಕಮಲೇ ಷೋಡಶೀಂ ವಾಽಪ್ಯಸುನ್ದರಿ ।
ಯಸ್ಯ ಗೇಹೇ ತು ಲಿಖಿತಂ ಮಾಲಾಮನ್ತ್ರಸ್ತವಂ ಚ ತತ್ ।
ತಸ್ಯ ಗೇಹೇ ರಮಾದೇವೀಪೂತಂ ಹಿ ದಶಯೋಜನಮ್ ॥ ೩೧ ॥