ശ്രീ ദക്ഷിണാമൂര്തി മാലാമന്ത്ര സ്തവമ്

॥ ശ്രീ ദക്ഷിണാമൂര്തി മാലാമന്ത്ര സ്തവമ് ॥

॥ വിനിയോഗഃ ॥

അസ്യ ശ്രീ ദക്ഷിണാമൂര്തി മാലാമന്ത്ര സ്തവസ്യ ബ്രഹ്മാ ഋഷിഃ ഗായത്രീ ഛന്ദഃ ശ്രീദക്ഷിണാമൂര്തിഃ പരമാത്മാ ദേവതാ ഓം ബീജം സ്വാഹാ ശക്തിഃ ഫട് കീലകം ശ്രീ ദക്ഷിണാമൂര്തി പ്രസാദസിദ്ധ്യര്ഥം ജപേ വിനിയോഗഃ ॥ ആമിത്യാദി ന്യാസഃ ॥

॥ ധ്യാനമ് ॥

ഭസ്മവ്യാപാണ്ഡുരാങ്ഗഃ ശശിശകലധരോ ജ്ഞാനമുദ്രാക്ഷമാലാ-
-വീണാപുസ്തൈര്വിരാജത്കരകമലധരോ യോഗപട്ടാഭിരാമഃ ।
വ്യാഖ്യാപീഠേനിഷണ്ണോ മുനിവരനികരൈഃ സേവ്യമാനഃ പ്രസന്നഃ
സവ്യാലഃ കൃത്തിവാസാഃ സതതമവതു നോ ദക്ഷിണാമൂര്തിരീശഃ ॥

ലമിത്യാദി പഞ്ചപൂജാം കുര്യാത് ॥

ഓം സഹനാവവത്വിതി ശാന്തിഃ ॥

॥ മാലാമന്ത്ര സ്തവമ് (൧൬ സ്വരൂപ) ॥

ഓം നമോ ഭഗവതേ ശ്രീശുദ്ധദക്ഷിണാമൂര്തയേ ഗുര്വന്തേവാസിവത്സലായ ഗുരവേ സൂക്ഷ്മരൂപായ സദാശിവായ നിര്മലജ്ഞാനപ്രദായ ഷഡ്ഗുണപരിപൂര്ണായ ഷട്ത്രിംശത്തത്ത്വാധികായ മഹാദേവ മഹാമുനീശ്വര മഹാനന്ദരൂപ ശ്രീശുദ്ധദക്ഷിണാമൂര്തി സദാശിവ മാമജ്ഞാനാന്നിവര്തയ നിവര്തയ സുജ്ഞാനേ മാം പ്രവര്തയ പ്രവര്തയ ഓം ഹും ഫട് സ്വാഹാ ॥ ൧ ॥

ഓം ഐം ഹ്രീം സൌഃ ഓം നമോ ഭഗവതേ ശ്രീമേധാദക്ഷിണാമൂര്തയേ വിദ്യാ മേധാ പ്രജ്ഞാദായിനേ പുസ്തക രുദ്രാക്ഷമാലാധാരിണേ സകലസാമ്രാജ്യപ്രദായിനേ പരമ സദാശിവ ഗുരുമൂര്തയേ മമ ചതുഷ്ഷഷ്ടികലാവിദ്യാഃ പ്രാപയ പ്രാപയ ബ്രഹ്മരാക്ഷസഗണാനുോച്ചാടയോച്ചാടയ മേധാം പ്രജ്ഞാം ദാപയ ദാപയ ഓം സൌഃ ഹ്രീം ഐം ഓം ഹും ഫട് സ്വാഹാ ॥ ൨ ॥

ഓം ഐം ഹ്രീം സൌഃ ജ്ഞാനേന്ധനദീപ്തായ ജ്ഞാനാഗ്നിജ്വലദ്ദീപ്തയേ ആനന്ദാജ്യഹവിഃ പ്രീത സമ്യഗ് ജ്ഞാനം പ്രയച്ഛ മേ സൌഃ ഹ്രീം ഐം ഓമ് । ഓം നമോ ഭഗവതേ ശ്രീവിദ്യാദക്ഷിണാമൂര്തയേ അം ആം അജ്ഞാനേന്ധനപാവകായ ഇം ഈം ഇച്ഛാവിലസവിലസനായ ഉം ഊം ഭക്തോപദ്രവനാശകായ ഋം ൠം ഋകാരസ്വരൂപായ ലും ലൂം ലലാടാനലനേത്രായ ത്രിനേത്രായ ഏം ഐം വാഗ്ഭവബീജസ്വരൂപായ വിദ്യാപ്രദായ ഓം ഔം പ്രണവാത്മകായ നാദബിന്ദുകലാതീതായ അം അഃ ഷട്സ്വരൂപായ വേദസ്തുതായ ശ്രീവിദ്യാദക്ഷിണാമൂര്തയേ തുഭ്യം മമ സകലവിദ്യാജാലം ദേഹി ദേഹി ദാപയ ദാപയ ഓം സൌഃ ഹ്രീം ഐം ഓം ഹും ഫട് സ്വാഹാ ॥ ൩ ॥

ഓം ശ്രീം ഐം ഹ്രീം ശ്രീം ഓം നമോ ഭഗവതേ ശ്രീലക്ഷ്മീദക്ഷിണാമൂര്തയേ ശ്രാം ശമിതാസുരബൃന്ദായ ശ്രീം ശ്രീമത്ത്രിപുരസുന്ദരീപരിസേവിത പാദാരവിന്ദയുഗലായ ശ്രൂം ശമിതശക്രാദിജനബൃന്ദായ ധനുര്ബാണഹസ്തായ ഖഡ്ഗധരായ പരശുഹസ്തായ ശ്രൈം ശ്രേഷ്ഠജനസംസ്തുത ഗുണബൃന്ദായ സുരൂപായ സുരവന്ദിതായ ശ്രൌം ശ്രൌതസ്മാര്താദി സകലകര്മഫലപ്രദായ ശരീരരക്ഷകായ ഭക്തശത്രുവിനാശകായ ദിവ്യമങ്ഗലവിഗ്രഹായ ഹ്രീം ഹ്രീമതീപരിസേവിതായ അഷ്ടൈശ്വര്യ സംസ്തുതായ ലക്ഷ്മീപ്രദായ ലലിതാമനോരഞ്ജനായ ശ്രീലക്ഷ്മീദക്ഷിണാമൂര്തയേ തുഭ്യം സദാശിവ മമ സകലൈശ്വര്യം ദേഹി ദേഹി ദാപയ ദാപയ ദാരിദ്ര്യപീഡിതം മാമാപ്യായയ ആപ്യായയ ഓം ശ്രീം ഹ്രീം ഐം ശ്രീം ഓം ഹും ഫട് സ്വാഹാ ॥ ൪ ॥

ഓം ഐം ഹ്രീം സൌഃ ഓം നമോ ഭഗവതേ ശ്രീവാഗീശ്വരാഭിധാന ശ്രീദക്ഷിണാമൂര്തയേ ഹ്രാം ഹ്രീം ഹ്രൂം ഹ്രൈം ഹ്രൌം ഹ്രഃ സകലനിഗമാരാധിത ദിവ്യപീഠസ്ഥിത സകലസാമ്രാഡ്രൂപിണേ വിദ്യാനിര്മിത വിവിധഭൂഷണ ഭൂഷിതായ ദ്രാം ദ്രീം ദ്രൂം ദ്രൈം ദ്രൌം ദ്രഃ ദാരിദ്ര്യാരണ്യദവാനലായ ഗരുഡവാഹനസോദരീ മനോരഞ്ജനായ സാം സീം സൂം സൈം സൌം സഃ സകലലോകൈകദീപകായ തേജോമയായ തേജോരൂപായ ഭക്താപദ്വിനിവാരണായ അപസ്മാരോത്തമാങ്ഗനിഹിത സവ്യപാദ സരോരുഹായ സകലദുരിതൌഘഭഞ്ജനായ ദുഷ്ടവിദൂരായ ശ്രീവാഗീശ്വരാഭിധാന ദക്ഷിണാമൂര്തയേ തുഭ്യം ഭക്താനാം വാഗ്വിജയം ദേഹി ദേഹി ദാപയ ദാപയ സ്ഫുടവാഗ്വിലാസം സഭാജയം കുരു കുരു ഓം സൌഃ ഹ്രീം ഐം ഓം ഹും ഫട് സ്വാഹാ ॥ ൫ ॥

ഓം ഹ്രീം ഹ്രാം ഓം നമോ ഭഗവതേ വടമൂലനിവാസാഭിധാന ശ്രീദക്ഷിണാമൂര്തയേ ശ്രീം ശ്യാമലാമ്ബാ വീണാഗാനാസക്തമനസ്കായ നിശ്ചലായ നിര്മലായ ഹ്രീം ഗായക മനോഭീഷ്ടഫലദായ ഗാനവിനോദായ ഫണാഭൂഷണായ രത്നകിരീടാഞ്ചിതസുശിരസ്കായ ചന്ദ്രകലാവതംസായ ഐം സകലനിഗമാരാധിത ദിവ്യപാദസരോരുഹായ സോമായ ആദിത്യാനലനേത്രായ ഓം തത്ത്വജ്ഞായ തത്ത്വമയായ താപസാരാധിത ദിവ്യദേഹായ ആം അരുണാരുണ കൌസുമ്ഭാമ്ബരാഭരണായ അമരകാമിനീ കദമ്ബ പാണിസരോരുഹ സംസ്ഥിത ചാമര സംവീജിതായ ക്ലീം കാമമദാപഹരണായ കാമിതാര്ഥഫലപ്രദായ കമലാസനവന്ദിതായ കടാക്ഷചന്ദ്രികാസക്ത ഭക്തചകോരായ വടമൂലനിവാസാഭിധാന ശ്രീദക്ഷിണാമൂര്തയേ തുഭ്യം മമ ചതുര്വിധപുരുഷാര്ഥാന് പ്രദേഹി പ്രദേഹി പുത്രപൌത്രാദി സകലസമ്പദഃ പ്രദേഹി പ്രദേഹി ഓം ഹ്രാം ഹ്രീം ഓം ഹും ഫട് സ്വാഹാ ॥ ൬ ॥

ഓം ഐം ക്ലീം സൌഃ നമഃ ശിവായ ഓം നമോ ഭഗവതേ ശ്രീസാമ്ബദക്ഷിണാമൂര്തയേ ഐം ഐങ്കാരപീഠസ്ഥാമ്ബാ മനോരഞ്ജനായ ഓം ജ്ഞാനൈകനിരതായ ജ്ഞാനപ്രദായ ജ്ഞാനഗമ്യായ ജ്ഞാനൈകഗോചരായ ജ്ഞാനൈകനിരത മുനിസംസേവിത പാദയുഗലായ ക്ലീം കമലാലയാപ്രാണനായക നേത്രസരോരുഹസമ്പൂജിത പാദയുഗലായ നമഃ ഭക്താഭീഷ്ടപ്രദായക കല്പഭൂഭുജായ സൌഃ സൂര്യനിശാകരനിര്മിത രഥചക്രായ ശിവായ ശിവമയായ ശിവാസക്തവാമഭാഗായ ക്ലീം കമലാസനസാരഥയേ ഭൂനിര്മിതരഥായ നിഗമരഥാശ്വായ മേരുപിനാകനാമക ചാപയുഗലധരായ ജലനിധിതൂണായ കമലാമനോനായകചരായ വിഷധരനാഥജ്യാധനുഷ്കായ ത്രിശൂലധരായ ത്രിപുരാന്തകായ ശ്രീസാമ്ബദക്ഷിണാമൂര്തയേ തുഭ്യം മമ ധര്മാര്ഥകാമമോക്ഷാഖ്യ ചതുര്വിധപുരുഷാര്ഥാന് ദേഹി ദേഹി ദാപയ ദാപയ മാമാപ്യായയ ആപ്യായയ മാമാനന്ദയ ആനന്ദയ മാമുരരീകുരു ഉരരീകുരു ഓം ശിവായ നമഃ സൌഃ ക്ലീം ഐം ഓം ഹും ഫട് സ്വാഹാ ॥ ൭ ॥

ഓം അം ഹ്രീം ഓം ഹ്രീം ഹൌം ഓം നമോ ഭഗവതേ ശ്രീഹംസദക്ഷിണാമൂര്തയേ ശിവായ മഹാദേവായ ഓം ആം ഹ്രീം ഓം ഹ്രീം ഹൌം അര്യമ്ണേ സോമായാനലനേത്രായ അന്ധകസംഹാരകായ ഓം ഇം ഹ്രീം ഓം ഹ്രീം ഹൌം രുദ്രായ അസുരനാശകായ മിത്രായ ഓം ഈം ഹ്രീം ഓം ഹ്രീം ഹൌം ശങ്കരായ ശശാങ്കശേഖരായ വരുണായ ഓം ഉം ഹ്രീം ഓം ഹ്രീം ഹൌം നീലലോഹിതായ ശമ്ഭവേ സദാശിവായ ഓം ഊം ഹ്രീം ഓം ഹ്രീം ഹൌം ഈശാനായ ഭര്ഗായ ഭവനാശനായ ഓം ഏം ഹ്രീം ഓം ഹ്രീം ഹൌം വിജയായ വിവസ്വതേ വിരൂപാക്ഷായ ഓം ഐം ഹ്രീം ഓം ഹ്രീം ഹൌം ഭീമായ ഇന്ദ്രായ കാമിതാര്ഥപ്രദായ ഓം ഓം ഹ്രീം ഓം ഹ്രീം ഹൌം കപര്ദിനേ പൂഷ്ണേ വിശ്വതോമുഖായ ഓം ഔം ഹ്രീം ഓം ഹ്രീം ഹൌം വരുണായ പര്ജന്യായ താരാധിപഭൂഷണായ ഓം അം ഹ്രീം ഓം ഹ്രീം ഹൌം സ്ഥാണവേ ത്വഷ്ട്രേ നീലലോഹിതായ ഓം അഃ ഹ്രീം ഓം ഹ്രീം ഹൌം നീലകണ്ഠായ നിര്മലായ നിരഞ്ജനായ വിഷ്ണവേ സദാശിവായ ശ്രീഹംസദക്ഷിണാമൂര്തയേ തുഭ്യം മഹ്യം മേധാം പ്രജ്ഞാം വിദ്യാം ദേഹി ദേഹി ദാപയ ദാപയ ഓം ഹൌം ഹ്രീം ഓം ഹ്രീം അം ഓം ഹും ഫട് സ്വാഹാ ॥ ൮ ॥

ഓം ഹ്രാം ഓം ഹ്രീം ഓം ഹ്രൂം ഓം ഹ്രൈം ഓം ഹ്രൌം ഓം ഹ്രഃ ഓം നമോ ഭഗവതേ ശ്രീലകുടദക്ഷിണാമൂര്തയേ വിബുധവന്ദിതവിഗ്രഹായ ശുകാദ്യനേകമുനിപരിവൃതായ നീലകണ്ഠായ കുഠാരപാണയേ ത്രിനേത്രായ ദൈത്യകുലനിര്നാശകായ സുജനരക്ഷകായ ദ്വിജവരസേവിതായ ഫണിഭൂഷണായ നിഗമസമ്ബോധിതാഹര്മുഖായ നിരുപമായ നിര്ഗുണായ നിജഭക്തരക്ഷകായ നിഖില സുഖൈക നിദാനഭൂതായ സുന്ദരായ ജ്ഞാനപ്രദായ കമലാസനപരിസേവിതായ രത്നകിരീടായ വിഷധരകുണ്ഡലായ ദ്വിജരാജകലാവതംസായ ഫണിഹാരായ ഭുജഗരാജകങ്കണായ നിഗമവിരാജിതമഞ്ജീരായ സകലൈശ്വര്യപ്രദായ ശ്രീലകുടദക്ഷിണാമൂര്തയേ തുഭ്യം മമ സകലൈശ്വര്യം ദേഹി ദേഹി ദാപയ ദാപയ നിരവച്ഛിന്നസുഖം ദേഹി ദേഹി ദാപയ ദാപയ ദാരിദ്ര്യാമയതപ്തം മാമുജ്ജീവയോജ്ജീവയ സംസാരാര്ണവമഗ്നം മാമുദ്ധരോദ്ധര ഓം ഹ്രഃ ഓം ഹ്രൌം ഓം ഹ്രൈം ഓം ഹ്രൂം ഓം ഹ്രീം ഓം ഹ്രാം ഓം ഹും ഫട് സ്വാഹാ ॥ ൯ ॥

ഓം ഐം ക്ലീം സൌഃ ശ്രീം ഹ്രീം ഓം നമോ ഭഗവതേ ശ്രീചിദമ്ബരദക്ഷിണാമൂര്തയേ ശ്രിയൈ ജ്യോതിര്മയായ ജ്യോതിഃ സ്വരൂപായ സഭാപതയേ താണ്ഡവവിനോദായ ഗാനാസക്തമനസ്കായ നാഗേന്ദ്രചര്മധരായ നാഗഭൂഷണായ ദിങ്നാഗപരിസേവിതായ സകലബൃന്ദാരക ബൃന്ദവന്ദ്യമാന പാദാരവിന്ദയുഗലായ വന്ദിതജഗദമ്ബാഞ്ചിത വാമഭാഗായ പ്രമധാനേകാനീതാനോകഹസൂന സമര്ചിതായ പ്രദോഷകൃതതാണ്ഡവായ ജഗന്മങ്ഗലാപരിസേവിതാ മുക്താകപാലാഞ്ചിത രത്നകിരീടായ രഘുപതിമനഃ പുണ്ഡരീകാഞ്ചിത ദിവ്യചഞ്ചരീകായ ധവലാങ്ഗായ പിങ്ഗലജടാജൂടായ രവിചന്ദ്രാനലനേത്രായ ശ്രീചിദമ്ബരദക്ഷിണാമൂര്തയേ തുഭ്യം മമ ചതുര്വിധപുരുഷാര്ഥാന് ദേഹി ദേഹി ദാപയ ദാപയ ഓം ഹ്രീം ശ്രീം സൌഃ ക്ലീം ഐം ഓം ഹും ഫട് സ്വാഹാ ॥ ൧൦ ॥

ഓം ഹ്രാം ഹ്രീം ഹ്രൂം ഖേം ഖേം ഖേം ഓം നമോ ഭഗവതേ ശ്രീവീരവിജയപ്രതാപ ജ്വാലാനലനേത്രായ ശ്രീവീരദക്ഷിണാമൂര്തയേ ശൂല ടങ്ക ഗദാ ശക്തി ഭിണ്ഡിവാല മുസല മുദ്ഗര പ്രാസ പരിഘാനേകായുധഹസ്തായ ഹ്രാം ഹ്രീം ഹ്രൂം ത്രിപുരസംഹാരകായ ജ്വാലാനലതുല്യബാണായ തീക്ഷ്ണപിനാകായുധായ ഖേം ഖേം ഖേം മദനാന്തകസംഹാരകായ ജാലന്ധരാദ്യനേകാസുരനിര്നാശകായ അപസ്മൃതിവിനാശകായ ക്രോം ക്രോം ക്രോം സകലഭൂതഗ്രഹാകര്ഷകായ സകലയക്ഷിണീഗ്രഹാകര്ഷകായ സകലകാമിനീഗ്രഹാകര്ഷകായ സകലസ്ത്രീഗ്രഹാകര്ഷകായ സകലപൈശാചികഗ്രഹാകര്ഷകായ പ്രയോഗഗ്രഹാകര്ഷകായ ഹ്രാം ഹ്രീം ഹ്രൂം ഖേം ഖേം ഖേം സകലഭൂതഗ്രഹോച്ചാടനായ സകലരാക്ഷസഗ്രഹോച്ചാടനായ സകലയക്ഷിണീഗ്രഹോച്ചാടനായ സകലകാമിനീഗ്രഹോച്ചാടനായ സകലമോഹിനീഗ്രഹോച്ചാടനായ സകലയക്ഷഗ്രഹോച്ചാടനായ സകലരാക്ഷസഗ്രഹോച്ചാടനായ സകലപുരുഷഗ്രഹോച്ചാടനായ സകലസ്ത്രീഗ്രഹോച്ചാടനായ സകലപൈശാചികഗ്രഹോച്ചാടനായ ഖേം ഖേം ഖേം സകലപ്രയോഗഗ്രഹോച്ചാടനായ സര്വഗ്രഹോച്ചാടനായ ശ്രീവീരവിജയപ്രതാപ ജ്വാലാനലനേത്ര ശ്രീവീരദക്ഷിണാമൂര്തയേ തുഭ്യം മമോപദ്രവാന് നാശയ നാശയ ചോരാന്നാശയ നാശയ മമ ശത്രൂന്നാശയ നാശയ ഭൂത ഭേതാല മാരീചഗണ ബ്രഹ്മരാക്ഷസാന്നിര്മൂലയ നിര്മൂലയ രാക്ഷസഗ്രഹാനുച്ചാടയോച്ചാടയ । താമസഗ്രഹാനുച്ചാടയോച്ചാടയ രാജസഗ്രഹാനുച്ചാടയോച്ചാടയ സത്ത്വഗ്രഹാനുച്ചാടയോച്ചാടയ സര്വഗ്രഹാനുച്ചാടയോച്ചാടയ മാമുദ്ധരോദ്ധര മാമാനന്ദയാനന്ദയ ഓം ഖേം ഖേം ഖേം ഹ്രൂം ഹ്രീം ഹ്രാം ഓം ഹും ഫട് സ്വാഹാ ॥ ൧൧ ॥

ഓം ജൂം സഃ ഐം ഹ്രീം ശ്രീം ശ്രീം ഹ്രീം ഐം ഓം ഹ്രീം ഹൌം ഓം നമോ ഭഗവതേ ശ്രീവീരഭദ്രദക്ഷിണാമൂര്തയേ ശ്രീമഹാസിംഹാസനാധീശ്വരായ ശ്രീത്രിജഗന്മോഹനലീലാവതാരായ ശ്രീസര്വജനതാവശങ്കരായ സര്വരാജവശങ്കരായ സാധ്യസാധകായ സര്വസ്ത്രീവശങ്കരായ ത്രിജഗദ്വശ്യകരായ ദക്ഷാധ്വരവിനാശകായ ധവലശരീരായ ദശരഥസുതപരിസേവിതായ ദാരിതാസുരനികരായ ദാരിദ്ര്യനിര്മൂലനായ ശത്രുസംഹാരകായ തീക്ഷ്ണനഖദംഷ്ട്രായ ജ്വലദഗ്നിസവര്ണനേത്രായ പ്രാസപരിഘാദ്യനേകായുധഹസ്തായ അനേകപിശാചപരിസേവിത പാര്ശ്വയുഗലായ പാദന്യാസവിചാലിത ഭൂമണ്ഡലായോര്ധ്വകേശായ സംഹാരിതാനേകാസുരബൃന്ദായ സുരസംസ്തുതായ സുരവരപ്രദായ സര്വോപദ്രവനാശകായ ശ്രീവീരഭദ്രദക്ഷിണാമൂര്തയേ തുഭ്യം മമ രാജ പ്രജാ വശം കുരു കുരു മമ സുന്ദരീ വശം കുരു കുരു മമ തിര്യങ്മനുഷ്യാദി സകല വശം കുരു കുരു ഓം ഹൌം ഹ്രീം ഓം ഐം ഹ്രീം ശ്രീം ശ്രീം ഹ്രീം ഐം സഃ ജൂം ഓം ഹും ഫട് സ്വാഹാ ॥ ൧൨ ॥

ഓം ഐം ഹ്രീം ഓം ഓം ഹ്രീം ഐം ഓം നമോ ഭഗവതേ ശ്രീകീര്തിദക്ഷിണാമൂര്തയേ സകലഭുവനൈകദീപകായ സകലസുരാസുരാരാധ്യായ സുചരിത്രായ സുശ്ലോകായ ഭക്തസുലഭായ ഭാവനാഗമ്യായ ഭാനുമണ്ഡലദീപനായ ഭദ്രകാലീനമസ്കൃതചരണായ രമാപതിസേവിതായ രാഘവസമാരാധിത ദിവ്യചരണയുഗലായ അഗസ്ത്യവന്ദിതായ വാലഖില്യാദി മുനിവരസുപൂജിതായ സുരനായക സംസ്തുത ഗണബൃന്ദായ യദുപതിരക്ഷകായ യമനിയമാദി പരിനിഷ്ഠായ പരമപുരുഷായ പതിവ്രതാസംസ്തുത സുയശസ്കായ ശ്രീകീര്തിദക്ഷിണാമൂര്തയേ തുഭ്യം മമ സുകീര്തിം ദേഹി ദേഹി ദാപയ ദാപയ സുസ്ഥിരാം ശ്രിയം ദേഹി ദേഹി ദാപയ ദാപയ ഓം ഐം ഹ്രീം ഓം ഓം ഹ്രീം ഐം ഓം ഹും ഫട് സ്വാഹാ ॥ ൧൩ ॥

ഓം ഓം ഓം വം വം വം ഓം നമോ ഭഗവതേ ശ്രീബ്രഹ്മദക്ഷിണാമൂര്തയേ ജ്യോതിര്മയായ നാനാരൂപവര്ജിതായ നാദബിന്ദുകലാതീതായ സത്ത്വരജസ്തമോഽതീതായ ഗുണാത്മകായ ഗുണപ്രകാശകായ ജ്ഞാനഗമ്യായ ജ്ഞാനൈകനിരതപരിസേവിത പാദയുഗലായ സ്വച്ഛായ നിര്മലായ നിരുപമവൈഭവായ നിരന്തരായ നിജഭക്തസംരക്ഷകായ നിഗമബോധിതായ നിഗമപ്രതിപാദ്യായ നിഗമരക്ഷകായ നിഗമശിഖാസംസ്തുതഗുണവൈഭവായ വരദായ വരിഷ്ഠായ വശിഷ്ഠാദിമുനിസംസ്തുതായ ശ്രീബ്രഹ്മദക്ഷിണാമൂര്തയേ തുഭ്യം മമ സുസ്ഥിരജ്ഞാനം ദേഹി ദേഹി ദാപയ ദാപയ മമ സകല സാമ്രാജ്യാദി സുസ്ഥിര സകലൈശ്വര്യം ദേഹി ദേഹി ദാപയ ദാപയ ഓം വം വം വം ഓം ഓം ഓം ഹും ഫട് സ്വാഹാ ॥ ൧൪ ॥

ഓം ഐം ക്ലീം സൌഃ സൌഃ ക്ലീം ഐം ഓം നമോ ഭഗവതേ ശ്രീശക്തിദക്ഷിണാമൂര്തയേ സകലജഗന്മോഹനായ ആധ്യാത്മികദുഃഖനികൃന്തനായ ഹിമശൈലസുതാമനോരഞ്ജനായ അമിതതേജോമണ്ഡലായ തേജഃസ്വരൂപായ പ്രകൃതിവിവിക്തകായ മായാശ്രയായ മായികമനശ്ഛേദകായ അമായക പൂജാപരിതുഷ്ടമനസ്കായ സുചരിത്രായ ദുഷ്ടവിദൂരായ ദുരാരാധ്യായ ദൂര്വാസപൂജിത പാദയുഗലായ പരമകാരുണികായ കടാക്ഷചന്ദ്രികാസക്ത ഭക്തമനശ്ചകോരായ സുസ്ഥിരായ സ്ഥിരസ്ഥാനപ്രദായ സ്ഥിരപരിപാലകായ സ്ഥാവരരൂപായ സ്ത്രീപുരുഷസ്വരൂപായ ശ്രീശക്തിദക്ഷിണാമൂര്തയേ തുഭ്യം മമ സകലധര്മാര്ഥകാമമോക്ഷാഖ്യ ചതുര്വിധപുരുഷാര്ഥസുഫലം ദേഹി ദേഹി ദാപയ ദാപയ സര്വതോ മാം രക്ഷ രക്ഷ ഓം ഐം ക്ലീം സൌഃ സൌഃ ക്ലീം ഐം ഓം ഹും ഫട് സ്വാഹാ ॥ ൧൫ ॥

ഓം ഹ്സൌം ഓം ഹ്സൌം ഓം ഹ്സൌം ഓം നമോ ഭഗവതേ ശ്രീസിദ്ധദക്ഷിണാമൂര്തയേ അം ആം ഇം ഈം ഉം ഊം ഋം ൠം ലും ലൂം ഏം ഐം ഓം ഔം അം അഃ ശ്രീമത്ത്രിപുരസുന്ദരീസമ്യുക്തവാമഭാഗായ കം ഖം ഗം ഘം ങം ബ്രഹ്മവിദ്യാപ്രദായ സാങ്ഖ്യവേദനിരതസുസേവിതായ ചം ഛം ജം ഝം ഞം മുക്താജാലപരിഷ്കൃത സുവര്ണനിര്മിതദിവ്യഛത്രായ ടം ഠം ഡം ഢം ണം ചാമരവ്യജനാസക്ത കമലാസന പദ്മലോചന സമാശ്രിത പാര്ശ്വയുഗലായ തം ഥം ദം ധം നം സുരവരസംസേവിതായ പം ഫം ബം ഭം മം വിജയപ്രദായ വീരസമാരാധിത വശിഷ്ഠാദിമുനിസങ്ഘസംസ്തുതായ ശ്രീസിദ്ധദക്ഷിണാമൂര്തയേ തുഭ്യം മമ സകലപുരുഷാര്ഥസിദ്ധിം ദേഹി ദേഹി ദാപയ ദാപയ മമ സുകലത്രപുത്രാദികം ദേഹി ദേഹി ദാപയ ദാപയ ഓം ഹ്സൌം ഓം ഹ്സൌം ഓം ഹ്സൌം ഓം ഹും ഫട് സ്വാഹാ ॥ ൧൬ ॥

ഓം സഹനാവവത്വിതി ശാന്തിഃ ॥

॥ ഫലശ്രുതി ॥

മന്ത്രഷോഡശസമ്യുക്തം മാലാമന്ത്രസ്തവം പ്രിയേ ।
യഃ പഠേത്സതതം ഭക്ത്യാ തസ്യ ശ്രീഃ സര്വതോ ഭവേത് ॥ ൧ ॥

പഠേദനുദിനം യസ്തു മാലാമന്ത്രസ്തവം നരഃ ।
തസ്യ സര്വാണി കാര്യാണി കരസ്ഥാനി ന സംശയഃ ॥ ൨ ॥

ഹൃദയം പ്രജപേദാദൌ തതോ മന്ത്രം ജപേത്പ്രിയേ ।
മന്ത്രഷോഡശസമ്യുക്തം മാലാമന്ത്രസ്തവം തതഃ ॥ ൩ ॥

തതോ വര്ണാവലീസ്തോത്രം പ്രജപേത്കമലാലയേ ।
യാവജ്ജീവം ജപേന്മന്ത്രം ദക്ഷിണാമൂര്തിതുഷ്ടയേ ॥ ൪ ॥

ഷഡ്വര്ഗസഹിതോ മന്ത്രഃ സര്വസൌഖ്യപ്രദായകഃ ।
നിയമേനൈവ ജപ്തവ്യോ നിയമഃ സര്വകാമധുക് ॥ ൫ ॥

നിയമം യഃ പരിത്യജ്യ ജപേന്മന്ത്രവരം നരഃ ।
സ മൃത്യും ശീഘ്രമാപ്നോതി സത്യം സത്യം മയോദിതമ് ॥ ൬ ॥

ക്രമേണൈവ ജപേദ്ദേവി മന്ത്രാങ്ഗാനി വിചക്ഷണഃ ।
വിഷമേവ ജപേദ്യസ്തു ക്രമം സന്ത്യജ്യ സുന്ദരി ॥ ൭ ॥

സോഽചിരാന്മൃത്യുമാപ്നോതി ഹ്യലക്ഷ്മീകോ ഭവേദ്ധൃവമ് ।
അങ്ഗഹീനസ്തു യോ മന്ത്രഃ സ സര്വാര്ഥവിനാശകഃ ॥ ൮ ॥

പ്രവക്ഷ്യാമി സുരാരാധ്യേ മന്ത്രസ്യാങ്ഗാനി വൈ ശൃണു ।
പ്രിയേ മന്ത്രസ്യ ഹൃദയം മുഖമിത്യുച്യതേ ബുധൈഃ ॥ ൯ ॥

മാലാമന്ത്രസ്തവശ്ചാസ്യ ചക്ഷുഷീ കമലാലയേ ।
വര്ണാവലീസ്തവശ്ചാസ്യ ശ്രോത്രം ചേതി പ്രചക്ഷതേ ॥ ൧൦ ॥

ത്രിജഗന്മോഹനം നാമ കവചം മന്ത്രവിഗ്രഹമ് ।
ഹസ്തദ്വയമിതി പ്രോക്തം നാമ്നാമഷ്ടോത്തരം ശതമ് ॥ ൧൧ ॥

നാസികേ തു സുരാരാധ്യേ മന്ത്രജ്ഞൈഃ പരികീര്തിതമ് ।
നാമ്നാം സഹസ്രം കമലേ പാദദ്വയമിതീരിതമ് ॥ ൧൨ ॥

മന്ത്രമൂര്തേഃ ഷഡങ്ഗാനി ക്രമാദേതാനി സുന്ദരി ।
ഏതൈഃ ഷഡങ്ഗൈഃ സഹിതോ മന്ത്രഃ സര്വാര്ഥദായകഃ ॥ ൧൩ ॥

വക്ഷ്യാമി ശൃണു ദേവേശി മന്ത്രവര്ണക്രമം ശുഭമ് ।
ഉഷഃകാലേ സമുത്ഥായ ശയനാദ്ധരിവല്ലഭേ ॥ ൧൪ ॥

പാദൌ പ്രക്ഷാല്യ ചാചമ്യ നിയമേന സമാഹിതഃ ।
കുശാസനേ സമാസീനോ ധ്യാത്വാ ശ്രീഗുരുപാദുകാമ് ॥ ൧൫ ॥

തതഃ സ്തുത്വാ സുരാരാധ്യം ദേവദേവം ത്രിലോചനമ് ।
സ്തോത്രൈര്വേദാന്തസദൃശൈസ്തതഃ പ്രാതര്ഭവം ചരേത് ॥ ൧൬ ॥

തതഃ സ്നാത്വാ ച വിധിവന്നദ്യാം സന്ധ്യാം സമാചരേത് ।
തതഃ ശ്രീദക്ഷിണാമൂര്തേര്ഹൃദയം പരിജപ്യ ച ॥ ൧൭ ॥

മന്ത്രം സമ്യഗ്ജപേദ്ബാലേ മാലാമന്ത്രസ്തവം തതഃ ।
ശ്രീദക്ഷിണാമൂര്തിമന്ത്രം കല്പോക്തവിധിനാ യജേത് ॥ ൧൮ ॥

സഹസ്രനാമഭിഃ പൂജ്യ നൈവേദ്യാദീന് സമര്പ്യ ച ।
സ്തുത്വാ സ്തോത്രൈരനേകൈശ്ച തതഃ കുര്യാത് ക്ഷമാര്പണമ് ॥ ൧൯ ॥

ഏവം ദിനേ ദിനേ കാര്യം ദക്ഷിണാമൂര്തിശര്മണഃ ।
മന്ത്രധ്യാനാദികം പൂജാം സര്വസൌഭാഗ്യസിദ്ധയേ ॥ ൨൦ ॥

ഏവം യഃ കുരുതേ നിത്യം തസ്യ ദേവഃ പ്രസീദതി ।
തസ്യ ദേവാഃ പ്രസീദന്തി ബ്രഹ്മവിഷ്ണ്വാദയഃ പ്രിയേ ॥ ൨൧ ॥

വിനായകൌശ്ച ശാമ്യന്തി ലക്ഷ്മീര്ഭവതി സുസ്ഥിരാ ।
മന്ത്രഷോഡശസമ്യുക്തം മാലാമന്ത്രസ്തവം പ്രിയേ ॥ ൨൨ ॥

പഠേദനുദിനം യസ്തു തസ്യ ഗേഹേ രമാ സ്ഥിതാ ।
രാജ്യസിദ്ധിം ഖേചരത്വം വിദ്യാസിദ്ധിം ശ്രിയം സ്ഥിരാമ് ॥ ൨൩ ॥

മാലാമന്ത്രസ്തവം ജപ്ത്വാ പ്രാപ്നോതി ഭുവി മാനവഃ ।
ഇമം മാലാമന്ത്രയുതം സ്തോത്രം ദുഗ്ധാബ്ധിസമ്ഭവേ ॥ ൨൪ ॥

സര്വാഭീഷ്ടപ്രദം ഗുഹ്യം സര്വോപദ്രവനാശനമ് ।
ജ്ഞാനവൈരാഗ്യഭക്തീനാമാധാരം മുനിസംസ്തുതമ് ॥ ൨൫ ॥

അമങ്ഗലഘ്നം പാപഘ്നം യജ്ഞദാനഫലപ്രദമ് ।
മഹര്ഷയ സിദ്ധിമീയുഃ കൃഷ്ണദ്വൈപായനാദയഃ ॥ ൨൬ ॥

പരാശരോ നാരദാദ്യാസ്തഥാ സര്വേ മഹര്ഷയഃ ।
മുക്തിം ഗതാശ്ച പഠനാദ്ദേവഗന്ധര്വദാനവാഃ ॥ ൨൭ ॥

സിദ്ധാഃ സാധ്യാശ്ച യക്ഷാശ്ച പഠനാന്മുക്തിമാപ്നുയുഃ ।
ഇന്ദ്രാദ്യാഃ പ്രാപ്നുയുഃ സര്വേ മുക്തിം ഭുക്തിം തഥാഽപരേ ॥ ൨൮ ॥

ഈശ്വരാദ്യാസ്തഥൈശ്വര്യം ഭുക്തിം മുക്തിമവാപ്നുയുഃ ।
ബ്രഹ്മാദയസ്തഥൈശ്വര്യം പഠനാദ്ധാരണാദപി ॥ ൨൯ ॥

അശ്വമേധസഹസ്രാണി വാജപേയശതാനി ച ।
മഹാദാനാനി യാന്യേവ പ്രാദക്ഷിണ്യം ഭുവസ്തഥാ ॥ ൩൦ ॥

കലാം നാര്ഹന്തി കമലേ ഷോഡശീം വാഽപ്യസുന്ദരി ।
യസ്യ ഗേഹേ തു ലിഖിതം മാലാമന്ത്രസ്തവം ച തത് ।
തസ്യ ഗേഹേ രമാദേവീപൂതം ഹി ദശയോജനമ് ॥ ൩൧ ॥