श्रीपार्वत्युवाच।
धूमावत्यर्चनं शम्भो श्रुतं विस्तरतो मया ।
कवचं श्रोतुमिच्छामि तस्या देव वदस्व मे ॥ १ ॥
कवचं श्रोतुमिच्छामि तस्या देव वदस्व मे ॥ १ ॥
श्रीभैरव उवाच।
शृणु देवि परं गुह्यं न प्रकाश्यं कलौ युगे ।
कवचं श्रीधूमावत्याः शत्रुनिग्रहकारकम् ॥ २ ॥
कवचं श्रीधूमावत्याः शत्रुनिग्रहकारकम् ॥ २ ॥
ब्रह्माद्या देवि सततं यद्वशादरिघातिनः ।
योगिनो भवच्छत्रुघ्ना यस्या ध्यानप्रभावतः ॥ ३ ॥
योगिनो भवच्छत्रुघ्ना यस्या ध्यानप्रभावतः ॥ ३ ॥
॥ विनियोगः ॥
ओं अस्य श्रीधूमावतीकवचस्य पिप्पलाद ऋषिः अनुष्टुप् छन्दः श्रीधूमावती देवता धूं बीजं स्वाहा शक्तिः धूमावती कीलकं शत्रुहनने पाठे विनियोगः ।
॥ कवचम् ॥
ओं धूं बीजं मे शिरः पातु धूं ललाटं सदाऽवतु ।
धूमा नेत्रयुगं पातु वती कर्णौ सदाऽवतु ॥ ४ ॥
धूमा नेत्रयुगं पातु वती कर्णौ सदाऽवतु ॥ ४ ॥
दीर्घा तूदरमध्ये तु नाभिं मे मलिनाम्बरा ।
शूर्पहस्ता पातु गुह्यं रूक्षा रक्षतु जानुनी ॥ ५ ॥
शूर्पहस्ता पातु गुह्यं रूक्षा रक्षतु जानुनी ॥ ५ ॥
मुखं मे पातु भीमाख्या स्वाहा रक्षतु नासिकाम् ।
सर्वविद्याऽवतु कण्ठं विवर्णा बाहुयुग्मकम् ॥ ६ ॥
सर्वविद्याऽवतु कण्ठं विवर्णा बाहुयुग्मकम् ॥ ६ ॥
चञ्चला हृदयं पातु धृष्टा पार्श्वे सदाऽवतु ।
धूमहस्ता सदा पातु पादौ पातु भयावहा ॥ ७ ॥
धूमहस्ता सदा पातु पादौ पातु भयावहा ॥ ७ ॥
प्रवृद्धरोमा तु भृशं कुटिला कुटिलेक्षणा ।
क्षुत्पिपासार्दिता देवी भयदा कलहप्रिया ॥ ८ ॥
क्षुत्पिपासार्दिता देवी भयदा कलहप्रिया ॥ ८ ॥
सर्वाङ्गं पातु मे देवी सर्वशत्रुविनाशिनी ।
इति ते कथितं पुण्यं कवचं भुवि दुर्लभम् ॥ ९ ॥
इति ते कथितं पुण्यं कवचं भुवि दुर्लभम् ॥ ९ ॥
॥ फलश्रुति ॥
न प्रकाश्यं न प्रकाश्यं न प्रकाश्यं कलौ युगे ।
पठनीयं महादेवि त्रिसन्ध्यं ध्यानतत्परैः ।
दुष्टाभिचारो देवेशि तद्गात्रं नैव संस्पृशेत् ॥ १० ॥
पठनीयं महादेवि त्रिसन्ध्यं ध्यानतत्परैः ।
दुष्टाभिचारो देवेशि तद्गात्रं नैव संस्पृशेत् ॥ १० ॥
॥ इति भैरवीभैरवसंवादे श्रीधूमावतीकवचं सम्पूर्णम् ॥