What is Shri Krishna Sahasranama Stotram?

Read Shri Krishna Sahasranama Stotram in Assamese script — full lyrics with English meaning and transliteration. The Shri Krishna Sahasranama Stotram is a profound devotional composition derived from the Brahmanda Purana. It consists of one thousand sacred names that encapsulate the infinite attributes, incarnations, and glories of Lord Krishna, the supreme personality of the Godhead. Traditionally attributed to Sage Parashara, the recitation of this stotra is considered highly auspicious for spiritual aspirants. Devotees believe that chanting these names with devotion purifies the mind, removes obstacles, bestows inner peace, and fosters a deeper connection with the divine, ultimately leading to spiritual liberation and the attainment of pure, eternal love for Lord Krishna.

Which deity is Shri Krishna Sahasranama Stotram dedicated to?

Shri Krishna Sahasranama Stotram is a Sanskrit hymn dedicated to Lord Krishna.

Who composed Shri Krishna Sahasranama Stotram?

Shri Krishna Sahasranama Stotram is traditionally attributed to From Brahmanda Purana.

Shri Krishna Sahasranama Stotram in Assamese – Lyrics

ওঁ অস্য শ্ৰীকৃষ্ণসহস্ৰনামস্তোত্ৰমন্ত্ৰস্য পৰাশৰ ঋষিঃ, অনুষ্টুপ্ ছন্দঃ, শ্ৰীকৃষ্ণঃ পৰমাত্মা দেৱতা, শ্ৰীকৃষ্ণেতি বীজম্, শ্ৰীৱল্লভেতি শক্তিঃ, শাৰ্ঙ্গীতি কীলকং, শ্ৰীকৃষ্ণপ্ৰীত্যৰ্থে জপে ৱিনিযোগঃ ॥

ন্যাসঃ
পৰাশৰায ঋষযে নমঃ ইতি শিৰসি,
অনুষ্টুপ্ ছন্দসে নমঃ ইতি মুখে,
গোপালকৃষ্ণদেৱতাযৈ নমঃ ইতি হৃদযে,
শ্ৰীকৃষ্ণায বীজায নমঃ ইতি গুহ্যে,
শ্ৰীৱল্লভায শক্ত্যৈ নমঃ ইতি পাদযোঃ,
শাৰ্ঙ্গধৰায কীলকায নমঃ ইতি সৰ্ৱাঙ্গে ॥

কৰন্যাসঃ
শ্ৰীকৃষ্ণ ইত্যাৰভ্য শূৰৱংশৈকধীৰিত্যন্তানি অঙ্গুষ্ঠাভ্যাং নমঃ ।
শৌৰিৰিত্যাৰভ্য স্ৱভাসোদ্ভাসিতৱ্ৰজ ইত্যন্তানি তৰ্জনীভ্যাং নমঃ ।
কৃতাত্মৱিদ্যাৱিন্যাস ইত্যাৰভ্য প্ৰস্থানশকটাৰূঢ ইতি মধ্যমাভ্যাং নমঃ,
বৃন্দাৱনকৃতালয ইত্যাৰভ্য মধুৰাজনৱীক্ষিত ইত্যনামিকাভ্যাং নমঃ,
ৰজকপ্ৰতিঘাতক ইত্যাৰভ্য দ্ৱাৰকাপুৰকল্পন ইতি কনিষ্ঠিকাভ্যাং নমঃ
দ্ৱাৰকানিলয ইত্যাৰভ্য পৰাশৰ ইতি কৰতলকৰপৃষ্ঠাভ্যাং নমঃ,
এৱং হৃদযাদিন্যাসঃ ॥

ধ্যানম্
কেষাঞ্চিত্প্ৰেমপুংসাং ৱিগলিতমনসাং বাললীলাৱিলাসং
কেষাং গোপাললীলাঙ্কিতৰসিকতনুৰ্ৱেণুৱাদ্যেন দেৱম্ ।
কেষাং ৱামাসমাজে জনিতমনসিজো দৈত্যদৰ্পাপহৈৱং
জ্ঞাত্ৱা ভিন্নাভিলাষং স জযতি জগতামীশ্ৱৰস্তাদৃশোঽভূত্ ॥ 1 ॥

ক্ষীৰাব্ধৌ কৃতসংস্তৱস্সুৰগণৈৰ্ব্ৰহ্মাদিভিঃ পণ্ডিতৈঃ
প্ৰোদ্ভূতো ৱসুদেৱসদ্মনি মুদা চিক্ৰীড যো গোকুলে ।
কংসধ্ৱংসকৃতে জগাম মধুৰাং সাৰামসদ্ৱাৰকাং
গোপালোঽখিলগোপিকাজনসখঃ পাযাদপাযাত্ স নঃ ॥ 2 ॥

ফুল্লেন্দীৱৰকান্তিমিন্দুৱদনং বৰ্হাৱতংসপ্ৰিযং
শ্ৰীৱত্সাঙ্কমুদাৰকৌস্তুভধৰং পীতাম্বৰং সুন্দৰম্ ।
গোপীনাং নযনোত্পলাৰ্চিততনুং গোগোপসঙ্ঘাৱৃতং
গোৱিন্দং কলৱেণুৱাদনৰতং দিৱ্যাঙ্গভূষং ভজে ॥ 3 ॥

ওম্ ।
কৃষ্ণঃ শ্ৰীৱল্লভঃ শাৰ্ঙ্গী ৱিষ্ৱক্সেনঃ স্ৱসিদ্ধিদঃ ।
ক্ষীৰোদধামা ৱ্যূহেশঃ শেষশাযী জগন্মযঃ ॥ 1 ॥

ভক্তিগম্যস্ত্ৰযীমূৰ্তিৰ্ভাৰাৰ্তৱসুধাস্তুতঃ ।
দেৱদেৱো দযাসিন্ধুৰ্দেৱদেৱশিখামণিঃ ॥ 2 ॥

সুখভাৱস্সুখাধাৰো মুকুন্দো মুদিতাশযঃ ।
অৱিক্ৰিযঃ ক্ৰিযামূৰ্তিৰধ্যাত্মস্ৱস্ৱৰূপৱান্ ॥ 3 ॥

শিষ্টাভিলক্ষ্যো ভূতাত্মা ধৰ্মত্ৰাণাৰ্থচেষ্টিতঃ ।
অন্তৰ্যামী কলাৰূপঃ কালাৱযৱসাক্ষিকঃ ॥ 4 ॥

ৱসুধাযাসহৰণো নাৰদপ্ৰেৰণোন্মুখঃ ।
প্ৰভূষ্ণুৰ্নাৰদোদ্গীতো লোকৰক্ষাপৰাযণঃ ॥ 5 ॥

ৰৌহিণেযকৃতানন্দো যোগজ্ঞাননিযোজকঃ ।
মহাগুহান্তৰ্নিক্ষিপ্তঃ পুৰাণৱপুৰাত্মৱান্ ॥ 6 ॥

শূৰৱংশৈকধীশ্শৌৰিঃ কংসশঙ্কাৱিষাদকৃত্ ।
ৱসুদেৱোল্লসচ্ছক্তিৰ্দেৱক্যষ্টমগৰ্ভগঃ ॥ 7 ॥

ৱসুদেৱসুতঃ শ্ৰীমান্দেৱকীনন্দনো হৰিঃ ।
আশ্চৰ্যবালঃ শ্ৰীৱত্সলক্ষ্মৱক্ষাশ্চতুৰ্ভুজঃ ॥ 8 ॥

স্ৱভাৱোত্কৃষ্টসদ্ভাৱঃ কৃষ্ণাষ্টম্যন্তসম্ভৱঃ ।
প্ৰাজাপত্যৰ্ক্ষসম্ভূতো নিশীথসমযোদিতঃ ॥ 9 ॥

শঙ্খচক্ৰগদাপদ্মপাণিঃ পদ্মনিভেক্ষণঃ ।
কিৰীটী কৌস্তুভোৰস্কঃ স্ফুৰন্মকৰকুণ্ডলঃ ॥ 10 ॥

পীতৱাসা ঘনশ্যামঃ কুঞ্চিতাঞ্চিতকুন্তলঃ ।
সুৱ্যক্তৱ্যক্তাভৰণঃ সূতিকাগৃহভূষণঃ ॥ 11 ॥

কাৰাগাৰান্ধকাৰঘ্নঃ পিতৃপ্ৰাগ্জন্মসূচকঃ ।
ৱসুদেৱস্তুতঃ স্তোত্ৰং তাপত্ৰযনিৱাৰণঃ ॥ 12 ॥

নিৰৱদ্যঃ ক্ৰিযামূৰ্তিৰ্ন্যাযৱাক্যনিযোজকঃ ।
অদৃষ্টচেষ্টঃ কূটস্থো ধৃতলৌকিকৱিগ্ৰহঃ ॥ 13 ॥

মহৰ্ষিমানসোল্লাসো মহীমঙ্গলদাযকঃ ।
সন্তোষিতসুৰৱ্ৰাতঃ সাধুচিত্তপ্ৰসাদকঃ ॥ 14 ॥

জনকোপাযনিৰ্দেষ্টা দেৱকীনযনোত্সৱঃ ।
পিতৃপাণিপৰিষ্কাৰো মোহিতাগাৰৰক্ষকঃ ॥ 15 ॥

স্ৱশক্ত্যুদ্ধাটিতাশেষকপাটঃ পিতৃৱাহকঃ ।
শেষোৰগফণাচ্ছত্ৰশ্শেষোক্তাখ্যাসহস্ৰকঃ ॥ 16 ॥

যমুনাপূৰৱিধ্ৱংসী স্ৱভাসোদ্ভাসিতৱ্ৰজঃ ।
কৃতাত্মৱিদ্যাৱিন্যাসো যোগমাযাগ্ৰসম্ভৱঃ ॥ 17 ॥

দুৰ্গানিৱেদিতোদ্ভাৱো যশোদাতল্পশাযকঃ ।
নন্দগোপোত্সৱস্ফূৰ্তিৰ্ৱ্ৰজানন্দকৰোদযঃ ॥ 18 ॥

সুজাতজাতকৰ্ম শ্ৰীৰ্গোপীভদ্ৰোক্তিনিৰ্ৱৃতঃ ।
অলীকনিদ্ৰোপগমঃ পূতনাস্তনপীডনঃ ॥ 19 ॥

স্তন্যাত্তপূতনাপ্ৰাণঃ পূতনাক্ৰোশকাৰকঃ ।
ৱিন্যস্তৰক্ষাগোধূলিৰ্যশোদাকৰলালিতঃ ॥ 20 ॥

নন্দাঘ্ৰাতশিৰোমধ্যঃ পূতনাসুগতিপ্ৰদঃ ।
বালঃ পৰ্যঙ্কনিদ্ৰালুৰ্মুখাৰ্পিতপদাঙ্গুলিঃ ॥ 21 ॥

অঞ্জনস্নিগ্ধনযনঃ পৰ্যাযাঙ্কুৰিতস্মিতঃ ।
লীলাক্ষস্তৰলালোকশ্শকটাসুৰভঞ্জনঃ ॥ 22 ॥

দ্ৱিজোদিতস্ৱস্ত্যযনো মন্ত্ৰপূতজলাপ্লুতঃ ।
যশোদোত্সঙ্গপৰ্যঙ্কো যশোদামুখৱীক্ষকঃ ॥ 23 ॥

যশোদাস্তন্যমুদিতস্তৃণাৱৰ্তাদিদুস্সহঃ ।
তৃণাৱৰ্তাসুৰধ্ৱংসী মাতৃৱিস্মযকাৰকঃ ॥ 24 ॥

প্ৰশস্তনামকৰণো জানুচঙ্ক্ৰমণোত্সুকঃ ।
ৱ্যালম্বিচূলিকাৰত্নো ঘোষগোপপ্ৰহৰ্ষণঃ ॥ 25 ॥

স্ৱমুখপ্ৰতিবিম্বাৰ্থী গ্ৰীৱাৱ্যাঘ্ৰনখোজ্জ্ৱলঃ ।
পঙ্কানুলেপৰুচিৰো মাংসলোৰুকটীতটঃ ॥ 26 ॥

ঘৃষ্টজানুকৰদ্ৱন্দ্ৱঃ প্ৰতিবিম্বানুকাৰকৃত্ ।
অৱ্যক্তৱৰ্ণৱাগ্ৱৃত্তিঃ স্মিতলক্ষ্যৰদোদ্গমঃ ॥ 27 ॥

ধাত্ৰীকৰসমালম্বী প্ৰস্খলচ্চিত্ৰচঙ্ক্ৰমঃ ।
অনুৰূপৱযস্যাঢ্যশ্চাৰুকৌমাৰচাপলঃ ॥ 28 ॥

ৱত্সপুচ্ছসমাকৃষ্টো ৱত্সপুচ্ছৱিকৰ্ষণঃ ।
ৱিস্মাৰিতান্যৱ্যাপাৰো গোপগোপীমুদাৱহঃ ॥ 29 ॥

অকালৱত্সনিৰ্মোক্তা ৱ্ৰজৱ্যাক্ৰোশসুস্মিতঃ ।
নৱনীতমহাচোৰো দাৰকাহাৰদাযকঃ ॥ 30 ॥

পীঠোলূখলসোপানঃ ক্ষীৰভাণ্ডৱিভেদনঃ ।
শিক্যভাণ্ডসমাকৰ্ষী ধ্ৱান্তাগাৰপ্ৰৱেশকৃত্ ॥ 31 ॥

ভূষাৰত্নপ্ৰকাশাঢ্যো গোপ্যুপালম্ভভৰ্ত্সিতঃ ।
পৰাগধূসৰাকাৰো মৃদ্ভক্ষণকৃতেক্ষণঃ ॥ 32 ॥

বালোক্তমৃত্কথাৰম্ভো মিত্ৰান্তৰ্গূঢৱিগ্ৰহঃ ।
কৃতসন্ত্ৰাসলোলাক্ষো জননীপ্ৰত্যযাৱহঃ ॥ 33॥

মাতৃদৃশ্যাত্তৱদনো ৱক্ত্ৰলক্ষ্যচৰাচৰঃ ।
যশোদালালিতস্ৱাত্মা স্ৱযং স্ৱাচ্ছন্দ্যমোহনঃ ॥ 34 ॥

সৱিত্ৰীস্নেহসংশ্লিষ্টঃ সৱিত্ৰীস্তনলোলুপঃ ।
নৱনীতাৰ্থনাপ্ৰহ্ৱো নৱনীতমহাশনঃ ॥ 35 ॥

মৃষাকোপপ্ৰকম্পোষ্ঠো গোষ্ঠাঙ্গণৱিলোকনঃ ।
দধিমন্থঘটীভেত্তা কিঙ্কিণীক্ৱাণসূচিতঃ ॥ 36 ॥

হৈযঙ্গৱীনৰসিকো মৃষাশ্ৰুশ্চৌৰ্যশঙ্কিতঃ ।
জননীশ্ৰমৱিজ্ঞাতা দামবন্ধনিযন্ত্ৰিতঃ ॥ 37 ॥

দামাকল্পশ্চলাপাঙ্গো গাঢোলূখলবন্ধনঃ ।
আকৃষ্টোলূখলোঽনন্তঃ কুবেৰসুতশাপৱিত্ ॥ । 38 ॥
নাৰদোক্তিপৰামৰ্শী যমলাৰ্জুনভঞ্জনঃ ।
ধনদাত্মজসঙ্ঘুষ্টো নন্দমোচিতবন্ধনঃ ॥ 39 ॥

বালকোদ্গীতনিৰতো বাহুক্ষেপোদিতপ্ৰিযঃ ।
আত্মজ্ঞো মিত্ৰৱশগো গোপীগীতগুণোদযঃ ॥ 40 ॥

প্ৰস্থানশকটাৰূঢো বৃন্দাৱনকৃতালযঃ ।
গোৱত্সপালনৈকাগ্ৰো নানাক্ৰীডাপৰিচ্ছদঃ ॥ 41 ॥

ক্ষেপণীক্ষেপণপ্ৰীতো ৱেণুৱাদ্যৱিশাৰদঃ ।
ৱৃষৱত্সানুকৰণো ৱৃষধ্ৱানৱিডম্বনঃ ॥ 42 ॥

নিযুদ্ধলীলাসংহৃষ্টঃ কূজানুকৃতকোকিলঃ ।
উপাত্তহংসগমনস্সৰ্ৱজন্তুৰুতানুকৃত্ ॥ 43 ॥

ভৃঙ্গানুকাৰী দধ্যন্নচোৰো ৱত্সপুৰস্সৰঃ ।
বলী বকাসুৰগ্ৰাহী বকতালুপ্ৰদাহকঃ ॥ 44 ॥

ভীতগোপাৰ্ভকাহূতো বকচঞ্চুৱিদাৰণঃ ।
বকাসুৰাৰিৰ্গোপালো বালো বালাদ্ভুতাৱহঃ ॥ 45 ॥

বলভদ্ৰসমাশ্লিষ্টঃ কৃতক্ৰীডানিলাযনঃ ।
ক্ৰীডাসেতুনিধানজ্ঞঃ প্লৱঙ্গোত্প্লৱনোঽদ্ভুতঃ ॥ 46 ॥

কন্দুকক্ৰীডনো লুপ্তনন্দাদিভৱৱেদনঃ ।
সুমনোঽলঙ্কৃতশিৰাঃ স্ৱাদুস্নিগ্ধান্নশিক্যভৃত্ ॥ 47 ॥

গুঞ্জাপ্ৰালম্বনচ্ছন্নঃ পিঞ্ছৈৰলকৱেষকৃত্ ।
ৱন্যাশনপ্ৰিযঃ শৃঙ্গৰৱাকাৰিতৱত্সকঃ ॥ 48 ॥

মনোজ্ঞপল্লৱোত্তংসপুষ্পস্ৱেচ্ছাত্তষট্পদঃ ।
মঞ্জুশিঞ্জিতমঞ্জীৰচৰণঃ কৰকঙ্কণঃ ॥ 49 ॥

অন্যোন্যশাসনঃ ক্ৰীডাপটুঃ পৰমকৈতৱঃ ।
প্ৰতিধ্ৱানপ্ৰমুদিতঃ শাখাচতুৰচঙ্ক্ৰমঃ ॥ 50 ॥

অঘদানৱসংহৰ্তা ৱ্ৰজৱিঘ্নৱিনাশনঃ ।
ৱ্ৰজসঞ্জীৱনঃ শ্ৰেযোনিধিৰ্দানৱমুক্তিদঃ ॥ 51 ॥

কালিন্দীপুলিনাসীনস্সহভুক্তৱ্ৰজাৰ্ভকঃ ।
কক্ষাজঠৰৱিন্যস্তৱেণুৰ্ৱল্লৱচেষ্টিতঃ ॥ 52 ॥

ভুজসন্ধ্যন্তৰন্যস্তশৃঙ্গৱেত্ৰঃ শুচিস্মিতঃ ।
ৱামপাণিস্থদধ্যন্নকবলঃ কলভাষণঃ ॥ 53 ॥

অঙ্গুল্যন্তৰৱিন্যস্তফলঃ পৰমপাৱনঃ ।
অদৃশ্যতৰ্ণকান্ৱেষী ৱল্লৱাৰ্ভকভীতিহা ॥ 54 ॥

অদৃষ্টৱত্সপৱ্ৰাতো ব্ৰহ্মৱিজ্ঞাতৱৈভৱঃ ।
গোৱত্সৱত্সপান্ৱেষী ৱিৰাট্-পুৰুষৱিগ্ৰহঃ ॥ 55 ॥

স্ৱসঙ্কল্পানুৰূপাৰ্থো ৱত্সৱত্সপৰূপধৃক্ ।
যথাৱত্সক্ৰিযাৰূপো যথাস্থাননিৱেশনঃ ॥ 56 ॥

যথাৱ্ৰজাৰ্ভকাকাৰো গোগোপীস্তন্যপস্সুখী ।
চিৰাদ্ৱলোহিতো দান্তো ব্ৰহ্মৱিজ্ঞাতৱৈভৱঃ ॥ 57 ॥

ৱিচিত্ৰশক্তিৰ্ৱ্যালীনসৃষ্টগোৱত্সৱত্সপঃ ।
ব্ৰহ্মত্ৰপাকৰো ধাতৃস্তুতস্সৰ্ৱাৰ্থসাধকঃ ॥ 58 ॥

ব্ৰহ্ম ব্ৰহ্মমযোঽৱ্যক্তস্তেজোৰূপস্সুখাত্মকঃ ।
নিৰুক্তং ৱ্যাকৃতিৰ্ৱ্যক্তো নিৰালম্বনভাৱনঃ ॥ 59 ॥

প্ৰভৱিষ্ণুৰতন্ত্ৰীকো দেৱপক্ষাৰ্থৰূপধৃক্ ।
অকামস্সৰ্ৱৱেদাদিৰণীযস্থূলৰূপৱান্ ॥ 60 ॥

ৱ্যাপী ৱ্যাপ্যঃ কৃপাকৰ্তা ৱিচিত্ৰাচাৰসম্মতঃ ।
ছন্দোমযঃ প্ৰধানাত্মা মূৰ্তামূৰ্তিদ্ৱযাকৃতিঃ ॥ 61 ॥

অনেকমূৰ্তিৰক্ৰোধঃ পৰঃ প্ৰকৃতিৰক্ৰমঃ ।
সকলাৱৰণোপেতস্সৰ্ৱদেৱো মহেশ্ৱৰঃ ॥ 62 ॥

মহাপ্ৰভাৱনঃ পূৰ্ৱৱত্সৱত্সপদৰ্শকঃ ।
কৃষ্ণযাদৱগোপালো গোপালোকনহৰ্ষিতঃ ॥ 63 ॥

স্মিতেক্ষাহৰ্ষিতব্ৰহ্মা ভক্তৱত্সলৱাক্প্ৰিযঃ ।
ব্ৰহ্মানন্দাশ্ৰুধৌতাঙ্ঘ্ৰিৰ্লীলাৱৈচিত্ৰ্যকোৱিদঃ ॥ 64 ॥

বলভদ্ৰৈকহৃদযো নামাকাৰিতগোকুলঃ ।
গোপালবালকো ভৱ্যো ৰজ্জুযজ্ঞোপৱীতৱান্ ॥ 65 ॥

ৱৃক্ষচ্ছাযাহতাশান্তিৰ্গোপোত্সঙ্গোপবৰ্হণঃ ।
গোপসংৱাহিতপদো গোপৱ্যজনৱীজিতঃ ॥ 66।
গোপগানসুখোন্নিদ্ৰঃ শ্ৰীদামাৰ্জিতসৌহৃদঃ ।
সুনন্দসুহৃদেকাত্মা সুবলপ্ৰাণৰঞ্জনঃ ॥ 67 ॥

তালীৱনকৃতক্ৰীডো বলপাতিতধেনুকঃ ।
গোপীসৌভাগ্যসম্ভাৱ্যো গোধূলিচ্ছুৰিতালকঃ ॥ 68 ॥

গোপীৱিৰহসন্তপ্তো গোপিকাকৃতমজ্জনঃ ।
প্ৰলম্ববাহুৰুত্ফুল্লপুণ্ডৰীকাৱতংসকঃ ॥ 69 ॥

ৱিলাসললিতস্মেৰগৰ্ভলীলাৱলোকনঃ ।
স্ৰগ্ভূষণানুলেপাঢ্যো জনন্যুপহৃতান্নভুক্ ॥ 70 ॥

ৱৰশয্যাশযো ৰাধাপ্ৰেমসল্লাপনিৰ্ৱৃতঃ ।
যমুনাতটসঞ্চাৰী ৱিষাৰ্তৱ্ৰজহৰ্ষদঃ ॥ 71 ॥

কালিযক্ৰোধজনকঃ ৱৃদ্ধাহিকুলৱেষ্টিতঃ ।
কালিযাহিফণাৰঙ্গনটঃ কালিযমৰ্দনঃ ॥ 72 ॥

নাগপত্নীস্তুতিপ্ৰীতো নানাৱেষসমৃদ্ধিকৃত্ ।
অৱিষ্ৱক্তদৃগাত্মেশঃ স্ৱদৃগাত্মস্তুতিপ্ৰিযঃ ॥ 73 ॥

সৰ্ৱেশ্ৱৰস্সৰ্ৱগুণঃ প্ৰসিদ্ধস্সৰ্ৱসাত্ৱতঃ ।
অকুণ্ঠধামা চন্দ্ৰাৰ্কদৃষ্টিৰাকাশনিৰ্মলঃ ॥ 74 ॥

অনিৰ্দেশ্যগতিৰ্নাগৱনিতাপতিভৈক্ষদঃ ।
স্ৱাঙ্ঘ্ৰিমুদ্ৰাঙ্কনাগেন্দ্ৰমূৰ্ধা কালিযসংস্তুতঃ ॥ 75 ॥

অভযো ৱিশ্ৱতশ্চক্ষুঃ স্তুতোত্তমগুণঃ প্ৰভুঃ ।
অহমাত্মা মৰুত্প্ৰাণঃ পৰমাত্মা দ্যুশীৰ্ষৱান্ ॥ 76 ॥

নাগোপাযনহৃষ্টাত্মা হ্ৰদোত্সাৰিতকালিযঃ ।
বলভদ্ৰসুখালাপো গোপালিঙ্গননিৰ্ৱৃতঃ ॥ 77 ॥

দাৱাগ্নিভীতগোপালগোপ্তা দাৱাগ্নিনাশনঃ ।
নযনাচ্ছাদনক্ৰীডালম্পটো নৃপচেষ্টিতঃ ॥ 78 ॥

কাকপক্ষধৰস্সৌম্যো বলৱাহককেলিমান্ ।
বলঘাতিতদুৰ্ধৰ্ষপ্ৰলম্বো বলৱত্সলঃ ॥ 79 ॥

মুঞ্জাটৱ্যগ্নিশমনঃ প্ৰাৱৃট্কালৱিনোদৱান্ ।
শিলান্যস্তান্নভৃদ্দৈত্যসংহৰ্তা শাদ্ৱলাসনঃ ॥ 80 ॥

সদাপ্তগোপিকোদ্গীতঃ কৰ্ণিকাৰাৱতংসকঃ ।
নটৱেষধৰঃ পদ্মমালাঙ্কো গোপিকাৱৃতঃ ॥ 81 ॥

গোপীমনোহৰাপাঙ্গো ৱেণুৱাদনতত্পৰঃ ।
ৱিন্যস্তৱদনাম্ভোজশ্চাৰুশব্দকৃতাননঃ ॥ 82 ॥

বিম্বাধৰাৰ্পিতোদাৰৱেণুৰ্ৱিশ্ৱৱিমোহনঃ ।
ৱ্ৰজসংৱৰ্ণিতশ্ৰাৱ্যৱেণুনাদঃ শ্ৰুতিপ্ৰিযঃ ॥ 83 ॥

গোগোপগোপীজন্মেপ্সুৰ্ব্ৰহ্মেন্দ্ৰাদ্যভিৱন্দিতঃ ।
গীতস্নুতিসৰিত্পূৰো নাদনৰ্তিতবৰ্হিণঃ ॥ 84 ॥

ৰাগপল্লৱিতস্থাণুৰ্গীতানমিতপাদপঃ ।
ৱিস্মাৰিততৃণগ্ৰাসমৃগো মৃগৱিলোভিতঃ ॥ 85 ॥

ৱ্যাঘ্ৰাদিহিংস্ৰসহজৱৈৰহৰ্তা সুগাযনঃ ।
গাঢোদীৰিতগোবৃন্দপ্ৰেমোত্কৰ্ণিততৰ্ণকঃ ॥ 86 ॥

নিষ্পন্দযানব্ৰহ্মাদিৱীক্ষিতো ৱিশ্ৱৱন্দিতঃ ।
শাখোত্কৰ্ণশকুন্তৌঘশ্ছত্ৰাযিতবলাহকঃ ॥ 87 ॥

প্ৰসন্নঃ পৰমানন্দশ্চিত্ৰাযিতচৰাচৰঃ ।
গোপিকামদনো গোপীকুচকুঙ্কুমমুদ্ৰিতঃ ॥ 88 ॥

গোপিকন্যাজলক্ৰীডাহৃষ্টো গোপ্যংশুকাপহৃত্ ।
স্কন্ধাৰোপিতগোপস্ত্ৰীৱাসাঃ কুন্দনিভস্মিতঃ ॥ 89 ॥

গোপীনেত্ৰোত্পলশশী গোপিকাযাচিতাংশুকঃ ।
গোপীনমস্ক্ৰিযাদেষ্টা গোপ্যেককৰৱন্দিতঃ ॥ 90 ॥

গোপ্যঞ্জলিৱিশেষাৰ্থী গোপক্ৰীডাৱিলোভিতঃ ।
শান্তৱাসস্ফুৰদ্গোপীকৃতাঞ্জলিৰঘাপহঃ ॥ 91 ॥

গোপীকেলিৱিলাসাৰ্থী গোপীসম্পূৰ্ণকামদঃ ।
গোপস্ত্ৰীৱস্ত্ৰদো গোপীচিত্তচোৰঃ কুতূহলী ॥ 92 ॥

বৃন্দাৱনপ্ৰিযো গোপবন্ধুৰ্যজ্ৱান্নযাচিতা ।
যজ্ঞেশো যজ্ঞভাৱজ্ঞো যজ্ঞপত্ন্যভিৱাঞ্ছিতঃ ॥ 93 ॥

মুনিপত্নীৱিতীৰ্ণান্নতৃপ্তো মুনিৱধূপ্ৰিযঃ ।
দ্ৱিজপত্ন্যভিভাৱজ্ঞো দ্ৱিজপত্নীৱৰপ্ৰদঃ ॥ 94 ॥

প্ৰতিৰুদ্ধসতীমোক্ষপ্ৰদো দ্ৱিজৱিমোহিতা ।
মুনিজ্ঞানপ্ৰদো যজ্ৱস্তুতো ৱাসৱযাগৱিত্ ॥ 95 ॥

পিতৃপ্ৰোক্তক্ৰিযাৰূপশক্ৰযাগনিৱাৰণঃ ।
শক্ৰাঽমৰ্ষকৰশ্শক্ৰৱৃষ্টিপ্ৰশমনোন্মুখঃ ॥ 96 ॥

গোৱৰ্ধনধৰো গোপগোবৃন্দত্ৰাণতত্পৰঃ ।
গোৱৰ্ধনগিৰিচ্ছত্ৰচণ্ডদণ্ডভুজাৰ্গলঃ ॥ 97 ॥

সপ্তাহৱিধৃতাদ্ৰীন্দ্ৰো মেঘৱাহনগৰ্ৱহা ।
ভুজাগ্ৰোপৰিৱিন্যস্তক্ষ্মাধৰক্ষ্মাভৃদচ্যুতঃ ॥ 98 ॥

স্ৱস্থানস্থাপিতগিৰিৰ্গোপীদধ্যক্ষতাৰ্চিতঃ ।
সুমনস্সুমনোৱৃষ্টিহৃষ্টো ৱাসৱৱন্দিতঃ ॥ 99 ॥

কামধেনুপযঃপূৰাভিষিক্তস্সুৰভিস্তুতঃ ।
ধৰাঙ্ঘ্ৰিৰোষধীৰোমা ধৰ্মগোপ্তা মনোমযঃ ॥ 100 ॥

জ্ঞানযজ্ঞপ্ৰিযশ্শাস্ত্ৰনেত্ৰস্সৰ্ৱাৰ্থসাৰথিঃ ।
ঐৰাৱতকৰানীতৱিযদ্গঙ্গাপ্লুতো ৱিভুঃ ॥ 101 ॥

ব্ৰহ্মাভিষিক্তো গোগোপ্তা সৰ্ৱলোকশুভঙ্কৰঃ ।
সৰ্ৱৱেদমযো মগ্ননন্দান্ৱেষিপিতৃপ্ৰিযঃ ॥ 102 ॥

ৱৰুণোদীৰিতাত্মেক্ষাকৌতুকো ৱৰুণাৰ্চিতঃ ।
ৱৰুণানীতজনকো গোপজ্ঞাতাত্মৱৈভৱঃ ॥ 103 ॥

স্ৱৰ্লোকালোকসংহৃষ্টগোপৱৰ্গত্ৰিৱৰ্গদঃ ।
ব্ৰহ্মহৃদ্গোপিতো গোপদ্ৰষ্টা ব্ৰহ্মপদপ্ৰদঃ ॥ 104 ॥

শৰচ্চন্দ্ৰৱিহাৰোত্কঃ শ্ৰীপতিৰ্ৱশকো ক্ষমঃ ।
ভযাপহো ভৰ্তৃৰুদ্ধগোপিকাধ্যানগোচৰঃ ॥ 105 ॥

গোপিকানযনাস্ৱাদ্যো গোপীনৰ্মোক্তিনিৰ্ৱৃতঃ ।
গোপিকামানহৰণো গোপিকাশতযূথপঃ ॥ 106 ॥

ৱৈজযন্তীস্ৰগাকল্পো গোপিকামানৱৰ্ধনঃ ।
গোপকান্তাসুনিৰ্দেষ্টা কান্তো মন্মথমন্মথঃ ॥ 107 ॥

স্ৱাত্মাস্যদত্ততাম্বূলঃ ফলিতোত্কৃষ্টযৌৱনঃ ।
ৱল্লৱীস্তনসক্তাক্ষো ৱল্লৱীপ্ৰেমচালিতঃ ॥ 108 ॥

গোপীচেলাঞ্চলাসীনো গোপীনেত্ৰাব্জষট্পদঃ ।
ৰাসক্ৰীডাসমাসক্তো গোপীমণ্ডলমণ্ডনঃ ॥ 109 ॥

গোপীহেমমণিশ্ৰেণিমধ্যেন্দ্ৰমণিৰুজ্জ্ৱলঃ ।
ৱিদ্যাধৰেন্দুশাপঘ্নশ্শঙ্খচূডশিৰোহৰঃ ॥ 110 ॥

শঙ্খচূডশিৰোৰত্নসম্প্ৰীণিতবলোঽনঘঃ ।
অৰিষ্টাৰিষ্টকৃদ্দুষ্টকেশিদৈত্যনিষূদনঃ ॥ 111 ॥

সৰসস্সস্মিতমুখস্সুস্থিৰো ৱিৰহাকুলঃ ।
সঙ্কৰ্ষণাৰ্পিতপ্ৰীতিৰক্ৰূৰধ্যানগোচৰঃ ॥ 112 ॥

অক্ৰূৰসংস্তুতো গূঢো গুণৱৃত্যুপলক্ষিতঃ ।
প্ৰমাণগম্যস্তন্মাত্ৰাঽৱযৱী বুদ্ধিতত্পৰঃ ॥ 113 ॥

সৰ্ৱপ্ৰমাণপ্ৰমধীস্সৰ্ৱপ্ৰত্যযসাধকঃ ।
পুৰুষশ্চ প্ৰধানাত্মা ৱিপৰ্যাসৱিলোচনঃ ॥ 114 ॥

মধুৰাজনসংৱীক্ষ্যো ৰজকপ্ৰতিঘাতকঃ ।
ৱিচিত্ৰাম্বৰসংৱীতো মালাকাৰৱৰপ্ৰদঃ ॥ 115 ॥

কুব্জাৱক্ৰত্ৱনিৰ্মোক্তা কুব্জাযৌৱনদাযকঃ ।
কুব্জাঙ্গৰাগসুৰভিঃ কংসকোদণ্ডখণ্ডনঃ ॥ 116 ॥

ধীৰঃ কুৱলযাপীডমৰ্দনঃ কংসভীতিকৃত্ ।
দন্তিদন্তাযুধো ৰঙ্গত্ৰাসকো মল্লযুদ্ধৱিত্ ॥ 117 ॥

চাণূৰহন্তা কংসাৰিৰ্দেৱকীহৰ্ষদাযকঃ ।
ৱসুদেৱপদানম্ৰঃ পিতৃবন্ধৱিমোচনঃ ॥ 118 ॥

উৰ্ৱীভযাপহো ভূপ উগ্ৰসেনাধিপত্যদঃ ।
আজ্ঞাস্থিতশচীনাথস্সুধৰ্মানযনক্ষমঃ ॥ 119 ॥

আদ্যো দ্ৱিজাতিসত্কৰ্তা শিষ্টাচাৰপ্ৰদৰ্শকঃ ।
সান্দীপনিকৃতাভ্যস্তৱিদ্যাভ্যাসৈকধীস্সুধীঃ ॥ 120 ॥

গুৰ্ৱভীষ্টক্ৰিযাদক্ষঃ পশ্চিমোদধিপূজিতঃ ।
হতপঞ্চজনপ্ৰাপ্তপাঞ্চজন্যো যমাৰ্চিতঃ ॥ 121 ॥

ধৰ্মৰাজজযানীতগুৰুপুত্ৰ উৰুক্ৰমঃ ।
গুৰুপুত্ৰপ্ৰদশ্শাস্তা মধুৰাজসভাসদঃ ॥ 122 ॥

জামদগ্ন্যসমভ্যৰ্চ্যো গোমন্তগিৰিসঞ্চৰঃ ।
গোমন্তদাৱশমনো গৰুডানীতভূষণঃ ॥ 123 ॥

চক্ৰাদ্যাযুধসংশোভী জৰাসন্ধমদাপহঃ ।
সৃগালাৱনিপালঘ্নস্সৃগালাত্মজৰাজ্যদঃ ॥ 124 ॥

ৱিধ্ৱস্তকালযৱনো মুচুকুন্দৱৰপ্ৰদঃ ।
আজ্ঞাপিতমহাম্ভোধিৰ্দ্ৱাৰকাপুৰকল্পনঃ ॥ 125 ॥

দ্ৱাৰকানিলযো ৰুক্মিমানহন্তা যদূদ্ৱহঃ ।
ৰুচিৰো ৰুক্মিণীজানিঃ প্ৰদ্যুম্নজনকঃ প্ৰভুঃ ॥ 126 ॥

অপাকৃতত্ৰিলোকাৰ্তিৰনিৰুদ্ধপিতামহঃ ।
অনিৰুদ্ধপদান্ৱেষী চক্ৰী গৰুডৱাহনঃ ॥ 127 ॥

বাণাসুৰপুৰীৰোদ্ধা ৰক্ষাজ্ৱলনযন্ত্ৰজিত্ ।
ধূতপ্ৰমথসংৰম্ভো জিতমাহেশ্ৱৰজ্ৱৰঃ ॥ 128 ॥

ষট্চক্ৰশক্তিনিৰ্জেতা ভূতৱেতালমোহকৃত্ ।
শম্ভুত্ৰিশূলজিচ্ছম্ভুজৃম্ভণশ্শম্ভুসংস্তুতঃ ॥ 129 ॥

ইন্দ্ৰিযাত্মেন্দুহৃদযস্সৰ্ৱযোগেশ্ৱৰেশ্ৱৰঃ ।
হিৰণ্যগৰ্ভহৃদযো মোহাৱৰ্তনিৱৰ্তনঃ ॥ 130 ॥

আত্মজ্ঞাননিধিৰ্মেধা কোশস্তন্মাত্ৰৰূপৱান্ ।
ইন্দ্ৰোঽগ্নিৱদনঃ কালনাভস্সৰ্ৱাগমাধ্ৱগঃ ॥ 131 ॥

তুৰীযসৰ্ৱধীসাক্ষী দ্ৱন্দ্ৱাৰামাত্মদূৰগঃ ।
অজ্ঞাতপাৰো ৱশ্যশ্ৰীৰৱ্যাকৃতৱিহাৰৱান্ ॥ 132 ॥

আত্মপ্ৰদীপো ৱিজ্ঞানমাত্ৰাত্মা শ্ৰীনিকেতনঃ ।
বাণবাহুৱনচ্ছেত্তা মহেন্দ্ৰপ্ৰীতিৱৰ্ধনঃ ॥ 133 ॥

অনিৰুদ্ধনিৰোধজ্ঞো জলেশাহৃতগোকুলঃ ।
জলেশৱিজযী ৱীৰস্সত্ৰাজিদ্ৰত্নযাচকঃ ॥ 134 ॥

প্ৰসেনান্ৱেষণোদ্যুক্তো জাম্বৱদ্ধৃতৰত্নদঃ ।
জিতৰ্ক্ষৰাজতনযাহৰ্তা জাম্বৱতীপ্ৰিযঃ ॥ 135 ॥

সত্যভামাপ্ৰিযঃ কামশ্শতধন্ৱশিৰোহৰঃ ।
কালিন্দীপতিৰক্ৰূৰবন্ধুৰক্ৰূৰৰত্নদঃ ॥ 136 ॥

কৈকেযীৰমণো ভদ্ৰাভৰ্তা নাগ্নজিতীধৱঃ ।
মাদ্ৰীমনোহৰশ্শৈব্যাপ্ৰাণবন্ধুৰুৰুক্ৰমঃ ॥ 137 ॥

সুশীলাদযিতো মিত্ৰৱিন্দানেত্ৰমহোত্সৱঃ ।
লক্ষ্মণাৱল্লভো ৰুদ্ধপ্ৰাগ্জ্যোতিষমহাপুৰঃ ॥ 138 ॥

সুৰপাশাৱৃতিচ্ছেদী মুৰাৰিঃ ক্ৰূৰযুদ্ধৱিত্ ।
হযগ্ৰীৱশিৰোহৰ্তা সৰ্ৱাত্মা সৰ্ৱদৰ্শনঃ ॥ 139 ॥

নৰকাসুৰৱিচ্ছেত্তা নৰকাত্মজৰাজ্যদঃ।
পৃথ্ৱীস্তুতঃ প্ৰকাশাত্মা হৃদ্যো যজ্ঞফলপ্ৰদঃ ॥ 140 ॥

গুণগ্ৰাহী গুণদ্ৰষ্টা গূঢস্ৱাত্মা ৱিভূতিমান্ ।
কৱিৰ্জগদুপদ্ৰষ্টা পৰমাক্ষৰৱিগ্ৰহঃ ॥ 141 ॥

প্ৰপন্নপালনো মালী মহদ্ব্ৰহ্মৱিৱৰ্ধনঃ ।
ৱাচ্যৱাচকশক্ত্যৰ্থস্সৰ্ৱৱ্যাকৃতসিদ্ধিদঃ ॥ 142 ॥

স্ৱযম্প্ৰভুৰনিৰ্ৱেদ্যস্স্ৱপ্ৰকাশশ্চিৰন্তনঃ ।
নাদাত্মা মন্ত্ৰকোটীশো নানাৱাদনিৰোধকঃ ॥ 143 ॥

কন্দৰ্পকোটিলাৱণ্যঃ পৰাৰ্থৈকপ্ৰযোজকঃ ।
অমৰীকৃতদেৱৌঘঃ কন্যকাবন্ধমোচনঃ ॥ 144 ॥

ষোডশস্ত্ৰীসহস্ৰেশঃ কান্তঃ কান্তামনোভৱঃ ।
ক্ৰীডাৰত্নাচলাহৰ্তা ৱৰুণচ্ছত্ৰশোভিতঃ ॥ 145 ॥

শক্ৰাভিৱন্দিতশ্শক্ৰজননীকুণ্ডলপ্ৰদঃ ।
অদিতিপ্ৰস্তুতস্তোত্ৰো ব্ৰাহ্মণোদ্ঘুষ্টচেষ্টনঃ ॥ 146 ॥

পুৰাণস্সংযমী জন্মালিপ্তঃ ষড্ৱিংশকোঽৰ্থদঃ ।
যশস্যনীতিৰাদ্যন্তৰহিতস্সত্কথাপ্ৰিযঃ ॥ 147 ॥

ব্ৰহ্মবোধঃ পৰানন্দঃ পাৰিজাতাপহাৰকঃ ।
পৌণ্ড্ৰকপ্ৰাণহৰণঃ কাশিৰাজনিষূদনঃ ॥ 148 ॥

কৃত্যাগৰ্ৱপ্ৰশমনো ৱিচক্ৰৱধদীক্ষিতঃ ।
কংসৱিধ্ৱংসনস্সাম্বজনকো ডিম্ভকাৰ্দনঃ ॥ 149 ॥

মুনিৰ্গোপ্তা পিতৃৱৰপ্ৰদস্সৱনদীক্ষিতঃ ।
ৰথী সাৰথ্যনিৰ্দেষ্টা ফাল্গুনঃ ফাল্গুনিপ্ৰিযঃ ॥ 150 ॥

সপ্তাব্ধিস্তম্ভনোদ্ভাতো হৰিস্সপ্তাব্ধিভেদনঃ ।
আত্মপ্ৰকাশঃ পূৰ্ণশ্ৰীৰাদিনাৰাযণেক্ষিতঃ ॥ 151 ॥

ৱিপ্ৰপুত্ৰপ্ৰদশ্চৈৱ সৰ্ৱমাতৃসুতপ্ৰদঃ ।
পাৰ্থৱিস্মযকৃত্পাৰ্থপ্ৰণৱাৰ্থপ্ৰবোধনঃ ॥ 152 ॥

কৈলাসযাত্ৰাসুমুখো বদৰ্যাশ্ৰমভূষণঃ ।
ঘণ্টাকৰ্ণক্ৰিযামৌঢ্যাত্তোষিতো ভক্তৱত্সলঃ ॥ 153 ॥

মুনিবৃন্দাদিভিৰ্ধ্যেযো ঘণ্টাকৰ্ণৱৰপ্ৰদঃ ।
তপশ্চৰ্যাপৰশ্চীৰৱাসাঃ পিঙ্গজটাধৰঃ ॥ 154 ॥

প্ৰত্যক্ষীকৃতভূতেশশ্শিৱস্তোতা শিৱস্তুতঃ ।
কৃষ্ণাস্ৱযংৱৰালোককৌতুকী সৰ্ৱসম্মতঃ ॥ 155 ॥

বলসংৰম্ভশমনো বলদৰ্শিতপাণ্ডৱঃ ।
যতিৱেষাৰ্জুনাভীষ্টদাযী সৰ্ৱাত্মগোচৰঃ ॥ 156 ॥

সুভদ্ৰাফাল্গুনোদ্ৱাহকৰ্তা প্ৰীণিতফাল্গুনঃ ।
খাণ্ডৱপ্ৰীণিতাৰ্চিষ্মান্মযদানৱমোচনঃ ॥ 157 ॥

সুলভো ৰাজসূযাৰ্হযুধিষ্ঠিৰনিযোজকঃ ।
ভীমাৰ্দিতজৰাসন্ধো মাগধাত্মজৰাজ্যদঃ ॥ 158 ॥

ৰাজবন্ধননিৰ্মোক্তা ৰাজসূযাগ্ৰপূজনঃ ।
চৈদ্যাদ্যসহনো ভীষ্মস্তুতস্সাত্ৱতপূৰ্ৱজঃ ॥ 159 ॥

সৰ্ৱাত্মাৰ্থসমাহৰ্তা মন্দৰাচলধাৰকঃ ।
যজ্ঞাৱতাৰঃ প্ৰহ্লাদপ্ৰতিজ্ঞাপ্ৰতিপালকঃ ॥ 160 ॥

বলিযজ্ঞসভাধ্ৱংসী দৃপ্তক্ষত্ৰকুলান্তকঃ ।
দশগ্ৰীৱান্তকো জেতা ৰেৱতীপ্ৰেমৱল্লভঃ ॥ 161 ॥

সৰ্ৱাৱতাৰাধিষ্ঠাতা ৱেদবাহ্যৱিমোহনঃ ।
কলিদোষনিৰাকৰ্তা দশনামা দৃঢৱ্ৰতঃ ॥ 162 ॥

অমেযাত্মা জগত্স্ৱামী ৱাগ্মী চৈদ্যশিৰোহৰঃ ।
দ্ৰৌপদীৰচিতস্তোত্ৰঃ কেশৱঃ পুৰুষোত্তমঃ ॥ 163 ॥

নাৰাযণো মধুপতিৰ্মাধৱো দোষৱৰ্জিতঃ ।
গোৱিন্দঃ পুণ্ডৰীকাক্ষো ৱিষ্ণুশ্চ মধুসূদনঃ ॥ 164 ॥

ত্ৰিৱিক্ৰমস্ত্ৰিলোকেশো ৱামনঃ শ্ৰীধৰঃ পুমান্ ।
হৃষীকেশো ৱাসুদেৱঃ পদ্মনাভো মহাহ্ৰদঃ ॥ 165 ॥

দামোদৰশ্চতুৰ্ৱ্যূহঃ পাঞ্চালীমানৰক্ষণঃ ।
সাল্ৱঘ্নস্সমৰশ্লাঘী দন্তৱক্ত্ৰনিবৰ্হণঃ ॥ 166 ॥

দামোদৰপ্ৰিযসখা পৃথুকাস্ৱাদনপ্ৰিযঃ ॥
ঘৃণী দামোদৰঃ শ্ৰীদো গোপীপুনৰৱেক্ষকঃ ॥ 167 ॥

গোপিকামুক্তিদো যোগী দুৰ্ৱাসস্তৃপ্তিকাৰকঃ ।
অৱিজ্ঞাতৱ্ৰজাকীৰ্ণপাণ্ডৱালোকনো জযী ॥ 168 ॥

পাৰ্থসাৰথ্যনিৰতঃ প্ৰাজ্ঞঃ পাণ্ডৱদূত্যকৃত্ ।
ৱিদুৰাতিথ্যসন্তুষ্টঃ কুন্তীসন্তোষদাযকঃ ॥ 169 ॥

সুযোধনতিৰস্কৰ্তা দুৰ্যোধনৱিকাৰৱিত্ ।
ৱিদুৰাভিষ্ঠুতো নিত্যো ৱাৰ্ষ্ণেযো মঙ্গলাত্মকঃ ॥ 170 ॥

পঞ্চৱিংশতিতত্ত্ৱেশশ্চতুৰ্ৱিংশতিদেহভাক্ ।
সৰ্ৱানুগ্ৰাহকস্সৰ্ৱদাশাৰ্হসততাৰ্চিতঃ ॥ 171 ॥

অচিন্ত্যো মধুৰালাপস্সাধুদৰ্শী দুৰাসদঃ ।
মনুষ্যধৰ্মানুগতঃ কৌৰৱেন্দ্ৰক্ষযেক্ষিতা ॥ 172 ॥

উপেন্দ্ৰো দানৱাৰাতিৰুৰুগীতো মহাদ্যুতিঃ ।
ব্ৰহ্মণ্যদেৱঃ শ্ৰুতিমান্ গোব্ৰাহ্মণহিতাশযঃ ॥ 173 ॥

ৱৰশীলশ্শিৱাৰম্ভস্সুৱিজ্ঞানৱিমূৰ্তিমান্ ।
স্ৱভাৱশুদ্ধস্সন্মিত্ৰস্সুশৰণ্যস্সুলক্ষণঃ ॥ 174 ॥

ধৃতৰাষ্ট্ৰগতৌদৃষ্টিপ্ৰদঃ কৰ্ণৱিভেদনঃ ।
প্ৰতোদধৃগ্ৱিশ্ৱৰূপৱিস্মাৰিতধনঞ্জযঃ ॥ 175 ॥

সামগানপ্ৰিযো ধৰ্মধেনুৰ্ৱৰ্ণোত্তমোঽৱ্যযঃ ।
চতুৰ্যুগক্ৰিযাকৰ্তা ৱিশ্ৱৰূপপ্ৰদৰ্শকঃ ॥ 176 ॥

ব্ৰহ্মবোধপৰিত্ৰাতপাৰ্থো ভীষ্মাৰ্থচক্ৰভৃত্ ।
অৰ্জুনাযাসৱিধ্ৱংসী কালদংষ্ট্ৰাৱিভূষণঃ ॥ 177 ॥

সুজাতানন্তমহিমা স্ৱপ্নৱ্যাপাৰিতাৰ্জুনঃ ।
অকালসন্ধ্যাঘটনশ্চক্ৰান্তৰিতভাস্কৰঃ ॥ 178 ॥

দুষ্টপ্ৰমথনঃ পাৰ্থপ্ৰতিজ্ঞাপৰিপালকঃ ।
সিন্ধুৰাজশিৰঃপাতস্থানৱক্তা ৱিৱেকদৃক্ ॥ 179 ॥

সুভদ্ৰাশোকহৰণো দ্ৰোণোত্সেকাদিৱিস্মিতঃ ।
পাৰ্থমন্যুনিৰাকৰ্তা পাণ্ডৱোত্সৱদাযকঃ ॥ 180 ॥

অঙ্গুষ্ঠাক্ৰান্তকৌন্তেযৰথশ্শক্তোঽহিশীৰ্ষজিত্ ।
কালকোপপ্ৰশমনো ভীমসেনজযপ্ৰদঃ ॥ 181 ॥

অশ্ৱত্থামৱধাযাসত্ৰাতপাণ্ডুসুতঃ কৃতী ।
ইষীকাস্ত্ৰপ্ৰশমনো দ্ৰৌণিৰক্ষাৱিচক্ষণঃ ॥ 182 ॥

পাৰ্থাপহাৰিতদ্ৰৌণিচূডামণিৰভঙ্গুৰঃ ।
ধৃতৰাষ্ট্ৰপৰামৃষ্টভীমপ্ৰতিকৃতিস্মযঃ ॥ 183 ॥

ভীষ্মবুদ্ধিপ্ৰদশ্শান্তশ্শৰচ্চন্দ্ৰনিভাননঃ ।
গদাগ্ৰজন্মা পাঞ্চালীপ্ৰতিজ্ঞাপৰিপালকঃ ॥ 184 ॥

গান্ধাৰীকোপদৃগ্গুপ্তধৰ্মসূনুৰনামযঃ ।
প্ৰপন্নাৰ্তিভযচ্ছেত্তা ভীষ্মশল্যৱ্যধাৱহঃ ॥ 185 ॥

শান্তশ্শান্তনৱোদীৰ্ণসৰ্ৱধৰ্মসমাহিতঃ ।
স্মাৰিতব্ৰহ্মৱিদ্যাৰ্থপ্ৰীতপাৰ্থো মহাস্ত্ৰৱিত্ ॥ 186 ॥

প্ৰসাদপৰমোদাৰো গাঙ্গেযসুগতিপ্ৰদঃ ।
ৱিপক্ষপক্ষক্ষযকৃত্পৰীক্ষিত্প্ৰাণৰক্ষণঃ ॥ 187 ॥

জগদ্গুৰুৰ্ধৰ্মসূনোৰ্ৱাজিমেধপ্ৰৱৰ্তকঃ ।
ৱিহিতাৰ্থাপ্তসত্কাৰো মাসকাত্পৰিৱৰ্তদঃ ॥ 188 ॥

উত্তঙ্কহৰ্ষদাত্মীযদিৱ্যৰূপপ্ৰদৰ্শকঃ ।
জনকাৱগতস্ৱোক্তভাৰতস্সৰ্ৱভাৱনঃ ॥ 189 ॥

অসোঢযাদৱোদ্ৰেকো ৱিহিতাপ্তাদিপূজনঃ ॥
সমুদ্ৰস্থাপিতাশ্চৰ্যমুসলো ৱৃষ্ণিৱাহকঃ ॥ 190 ॥

মুনিশাপাযুধঃ পদ্মাসনাদিত্ৰিদশাৰ্থিতঃ ।
ৱৃষ্টিপ্ৰত্যৱহাৰোত্কস্স্ৱধামগমনোত্সুকঃ ॥ 191 ॥

প্ৰভাসালোকনোদ্যুক্তো নানাৱিধনিমিত্তকৃত্ ।
সৰ্ৱযাদৱসংসেৱ্যস্সৰ্ৱোত্কৃষ্টপৰিচ্ছদঃ ॥ 192 ॥

ৱেলাকাননসঞ্চাৰী ৱেলানিলহৃতশ্ৰমঃ ।
কালাত্মা যাদৱোঽনন্তস্স্তুতিসন্তুষ্টমানসঃ ॥ 193 ॥

দ্ৱিজালোকনসন্তুষ্টঃ পুণ্যতীৰ্থমহোত্সৱঃ ।
সত্কাৰাহ্লাদিতাশেষভূসুৰস্সুৰৱল্লভঃ ॥ 194 ॥

পুণ্যতীৰ্থাপ্লুতঃ পুণ্যঃ পুণ্যদস্তীৰ্থপাৱনঃ ।
ৱিপ্ৰসাত্কৃতগোকোটিশ্শতকোটিসুৱৰ্ণদঃ ॥ 195 ॥

স্ৱমাযামোহিতাঽশেষৱৃষ্ণিৱীৰো ৱিশেষৱিত্ ।
জলজাযুধনিৰ্দেষ্টা স্ৱাত্মাৱেশিতযাদৱঃ ॥ 196 ॥

দেৱতাভীষ্টৱৰদঃ কৃতকৃত্যঃ প্ৰসন্নধীঃ ।
স্থিৰশেষাযুতবলস্সহস্ৰফণিৱীক্ষণঃ ॥ 197 ॥

ব্ৰহ্মৱৃক্ষৱৰচ্ছাযাসীনঃ পদ্মাসনস্থিতঃ ।
প্ৰত্যগাত্মা স্ৱভাৱাৰ্থঃ প্ৰণিধানপৰাযণঃ ॥ 198 ॥

ৱ্যাধেষুৱিদ্ধপূজ্যাঙ্ঘ্ৰিৰ্নিষাদভযমোচনঃ ।
পুলিন্দস্তুতিসন্তুষ্টঃ পুলিন্দসুগতিপ্ৰদঃ ॥ 199 ॥

দাৰুকাৰ্পিতপাৰ্থাদিকৰণীযোক্তিৰীশিতা ।
দিৱ্যদুন্দুভিসংযুক্তঃ পুষ্পৱৃষ্টিপ্ৰপূজিতঃ ॥ 200 ॥

পুৰাণঃ পৰমেশানঃ পূৰ্ণভূমা পৰিষ্টুতঃ ।
পতিৰাদ্যঃ পৰং ব্ৰহ্ম পৰমাত্মা পৰাত্পৰঃ ॥ 201 ॥

শ্ৰীপৰমাত্মা পৰাত্পৰঃ ওঁ নমঃ ইতি ।
ফলশ্ৰুতিঃ –
ইদং সহস্ৰং কৃষ্ণস্য নাম্নাং সৰ্ৱাৰ্থদাযকম্ ।
অনন্তৰূপী ভগৱান্ ৱ্যাখ্যাতাদৌ স্ৱযম্ভুৱে ॥ 202 ॥

তেন প্ৰোক্তং ৱসিষ্ঠায ততো লব্ধ্ৱা পৰাশৰঃ ।
ৱ্যাসায তেন সম্প্ৰোক্তং শুকো ৱ্যাসাদৱাপ্তৱান্ ॥ 203 ॥

তচ্ছিষ্যৈৰ্বহুভিৰ্ভূমৌ খ্যাপিতং দ্ৱাপৰে যুগে ।
কৃষ্ণাজ্ঞযা হৰিহৰঃ কলৌ প্ৰখ্যাপযদ্ৱিভুঃ ॥ 204 ॥

ইদং পঠতি ভক্ত্যা যঃ শৃণোতি চ সমাহিতঃ ।
স্ৱসিদ্ধ্যৈ প্ৰাৰ্থযন্ত্যেনং তীৰ্থক্ষেত্ৰাদিদেৱতাঃ ॥ 205 ॥

প্ৰাযশ্চিত্তান্যশেষাণি নালং যানি ৱ্যপোহিতুম্ ।
তানি পাপানি নশ্যন্তি সকৃদস্য প্ৰশংসনাত্ ॥ 206 ॥

ঋণত্ৰযৱিমুক্তস্য শ্ৰৌতস্মাৰ্তানুৱৰ্তিনঃ ।
ঋষেস্ত্ৰিমূৰ্তিৰূপস্য ফলং ৱিন্দেদিদং পঠন্ ॥ 207 ॥

ইদং নামসহস্ৰং যঃ পঠত্যেতচ্ছৃণোতি চ ।
শিৱলিঙ্গসহস্ৰস্য স প্ৰতিষ্ঠাফলং লভেত্ ॥ 208 ॥

ইদং কিৰীটী সঞ্জপ্য জযী পাশুপতাস্ত্ৰভাক্ ।
কৃষ্ণস্য প্ৰাণভূতস্সন্ কৃষ্ণং সাৰথিমাপ্তৱান্ ॥ 209 ॥

দ্ৰৌপদ্যা দমযন্ত্যা চ সাৱিত্ৰ্যা চ সুশীলযা ।
দুৰিতানি জিতান্যেতজ্জপাদাপ্তং চ ৱাঞ্ছিতম্ ॥ 210 ॥

কিমিদং বহুনা শংসন্মানৱো মোদনিৰ্ভৰঃ ।
ব্ৰহ্মানন্দমৱাপ্যান্তে কৃষ্ণসাযূজ্যমাপ্নুযাত্ ॥ 211 ॥

শ্ৰী কৃষ্ণ সহস্ৰ নাম স্তোত্ৰম্

Explore More

More Krishna Stotras

Explore More