॥ श्री कृष्ण स्तोत्रम् (मोहिनी कृतम्) ॥
सर्वेन्द्रियाणां प्रवरं विष्णोरंशं च मानसम् ।
तदेव कर्मणां बीजं तदुद्भव नमोऽस्तु ते ॥ १ ॥
तदेव कर्मणां बीजं तदुद्भव नमोऽस्तु ते ॥ १ ॥
स्वयमात्मा हि भगवान् ज्ञानरूपो महेश्वरः ।
नमो ब्रह्मन् जगत् स्रष्टस्तदुद्भव नमोऽस्तु ते ॥ २ ॥
नमो ब्रह्मन् जगत् स्रष्टस्तदुद्भव नमोऽस्तु ते ॥ २ ॥
सर्वाजित जगज्जेतर्जीवजीवमनोहर ।
रतिबीज रतिस्वामिन् रतिप्रिय नमोऽस्तु ते ॥ ३ ॥
रतिबीज रतिस्वामिन् रतिप्रिय नमोऽस्तु ते ॥ ३ ॥
शश्वद्योषिदधिष्ठान योषित्प्राणाधिकप्रियः ।
योषिद्वाहन योषास्त्र योषिद्बन्धो नमोऽस्तु ते ॥ ४ ॥
योषिद्वाहन योषास्त्र योषिद्बन्धो नमोऽस्तु ते ॥ ४ ॥
पतिसाध्यकराशेषरूपाधार गुणाश्रय ।
सुगन्धिवातसचिव मधुमित्र नमोऽस्तु ते ॥ ५ ॥
सुगन्धिवातसचिव मधुमित्र नमोऽस्तु ते ॥ ५ ॥
शश्वद्योनिकृताधार स्त्रीसन्दर्शनवर्धन ।
विदग्धानां विरहिणां प्राणान्तक नमोऽस्तु ते ॥ ६ ॥
विदग्धानां विरहिणां प्राणान्तक नमोऽस्तु ते ॥ ६ ॥
अकृपा येषु तेऽनर्थस्तेषां ज्ञानविनाशनम् ।
अनूहरूप भक्तेषु कृपासिन्धो नमोऽस्तु ते ॥ ७ ॥
अनूहरूप भक्तेषु कृपासिन्धो नमोऽस्तु ते ॥ ७ ॥
तपस्विनां च तपसां विघ्नबीजावलीलया ।
मनः सकामं मुक्तानां कर्तुं शक्त नमोऽस्तु ते ॥ ८ ॥
मनः सकामं मुक्तानां कर्तुं शक्त नमोऽस्तु ते ॥ ८ ॥
तपः साध्याश्चाऽऽराध्याश्च सदैवं पाञ्चभौतिकाः ।
पञ्चेन्द्रियकृताधारं पञ्चबाण नमोऽस्तु ते ॥ ९ ॥
पञ्चेन्द्रियकृताधारं पञ्चबाण नमोऽस्तु ते ॥ ९ ॥
मोहिनीत्येवमुक्त्वा तु मनसा सा विधेः पुरः ।
विरराम नम्रवक्त्रा बभूव ध्यानतत्परा ॥ १० ॥
विरराम नम्रवक्त्रा बभूव ध्यानतत्परा ॥ १० ॥
॥ फलश्रुति ॥
उक्तं माध्यन्दिने कान्ते स्तोत्रमेतन्मनोहरम् ।
पुरा दुर्वाससा दत्तं मोहिन्यै गन्धमादने ॥ ११ ॥
पुरा दुर्वाससा दत्तं मोहिन्यै गन्धमादने ॥ ११ ॥
स्तोत्रमेतन्महापुण्यं कामी भक्त्या यदा पठेत् ।
अभीष्टं लभते नूनं निष्कलङ्को भवेद्ध्रुवम् ॥ १२ ॥
अभीष्टं लभते नूनं निष्कलङ्को भवेद्ध्रुवम् ॥ १२ ॥
चेष्टां न कुरुते कामः कदाचिदपि तं प्रियम् ।
भवेदरोगी श्रीयुक्तः कामदेवसमप्रभः ।
वनितां लभते साध्वीं पत्नीं त्रैलोक्यमोहिनीम् ॥ १३ ॥
भवेदरोगी श्रीयुक्तः कामदेवसमप्रभः ।
वनितां लभते साध्वीं पत्नीं त्रैलोक्यमोहिनीम् ॥ १३ ॥
॥ इति श्रीब्रह्मवैवर्ते महापुराणे श्रीकृष्णजन्मखण्डे एकत्रिंशोऽध्याये मोहिनीकृत श्री कृष्ण स्तोत्रम् ॥