॥ শ্রী কৃষ্ণ স্তবরাজঃ ॥
(শ্রীনারদপাঞ্চরাত্রে নারদ কৃতম্)
(শ্রীনারদপাঞ্চরাত্রে নারদ কৃতম্)
প্রসীদ ভগবন্ মহ্যমজ্ঞানাত্কুণ্ঠিতাত্মনে ।
তবাঙ্ঘ্রিপঙ্কজরজোরাগিণীং ভক্তিমুত্তমাম্ ॥ ১ ॥
তবাঙ্ঘ্রিপঙ্কজরজোরাগিণীং ভক্তিমুত্তমাম্ ॥ ১ ॥
অজ প্রসীদ ভগবন্নমিতদ্যুতিপঞ্জর ।
অপ্রমেয প্রসীদাস্মদ্দুঃখহন্ পুরুষোত্তম ॥ ২ ॥
অপ্রমেয প্রসীদাস্মদ্দুঃখহন্ পুরুষোত্তম ॥ ২ ॥
স্বসংবেদ্য প্রসীদাস্মদানন্দাত্মন্ননাময ।
অচিন্ত্যসার বিশ্বাত্মন্ প্রসীদ পরমেশ্বর ॥ ৩ ॥
অচিন্ত্যসার বিশ্বাত্মন্ প্রসীদ পরমেশ্বর ॥ ৩ ॥
প্রসীদ তুঙ্গ তুঙ্গানাং প্রসীদ শিব শোভন ।
প্রসীদ গুণগম্ভীর গম্ভীরাণাং মহাদ্যুতে ॥ ৪ ॥
প্রসীদ গুণগম্ভীর গম্ভীরাণাং মহাদ্যুতে ॥ ৪ ॥
প্রসীদ ব্যক্ত বিস্তীর্ণ বিস্তীর্ণানামগোচর ।
প্রসীদার্দ্রার্দ্রজাতীনাং প্রসীদান্তান্তদাযিনাম্ ॥ ৫ ॥
প্রসীদার্দ্রার্দ্রজাতীনাং প্রসীদান্তান্তদাযিনাম্ ॥ ৫ ॥
গুরোর্গরীযঃ সর্বেশ প্রসীদানন্ত দেহিনাম্ ।
জয মাধব মাযাত্মন্ জয শাশ্বত শঙ্খভৃত্ ॥ ৬ ॥
জয মাধব মাযাত্মন্ জয শাশ্বত শঙ্খভৃত্ ॥ ৬ ॥
জয শঙ্খধর শ্রীমন্ জয নন্দকনন্দন ।
জয চক্রগদাপাণে জয দেব জনার্দন ॥ ৭ ॥
জয চক্রগদাপাণে জয দেব জনার্দন ॥ ৭ ॥
জয রত্নবরাবদ্ধকিরীটাক্রান্তমস্তক ।
জয পক্ষিপতিচ্ছাযানিরুদ্ধার্ককরারুণ ॥ ৮ ॥
জয পক্ষিপতিচ্ছাযানিরুদ্ধার্ককরারুণ ॥ ৮ ॥
নমস্তে নরকারাতে নমস্তে মধুসূদন ।
নমস্তে ললিতাপাঙ্গ নমস্তে নরকান্তক ॥ ৯ ॥
নমস্তে ললিতাপাঙ্গ নমস্তে নরকান্তক ॥ ৯ ॥
নমঃ পাপহরেশান নমঃ সর্বভযাপহ ।
নমঃ সম্ভূতসর্বাত্মন্ নমঃ সম্ভৃতকৌস্তুভ ॥ ১০ ॥
নমঃ সম্ভূতসর্বাত্মন্ নমঃ সম্ভৃতকৌস্তুভ ॥ ১০ ॥
নমস্তে নযনাতীত নমস্তে ভযহারক ।
নমো বিভিন্নবেষায নমঃ শ্রুতিপথাতিগ ॥ ১১ ॥
নমো বিভিন্নবেষায নমঃ শ্রুতিপথাতিগ ॥ ১১ ॥
নমস্ত্রিমূর্তিভেদেন সর্গস্থিত্যন্তহেতবে ।
বিষ্ণবে ত্রিদশারাতিজিষ্ণবে পরমাত্মনে ॥ ১২ ॥
বিষ্ণবে ত্রিদশারাতিজিষ্ণবে পরমাত্মনে ॥ ১২ ॥
চক্রভিন্নারিচক্রায চক্রিণে চক্রবল্লভ ।
বিশ্বায বিশ্ববন্দ্যায বিশ্বভূতানুবর্তিনে ॥ ১৩ ॥
বিশ্বায বিশ্ববন্দ্যায বিশ্বভূতানুবর্তিনে ॥ ১৩ ॥
নমোঽস্তু যোগিধ্যেযাত্মন্ নমোঽস্ত্বধ্যাত্মরূপিণে ।
ভক্তিপ্রদায ভক্তানাং নমস্তে ভক্তিদাযিনে ॥ ১৪ ॥
ভক্তিপ্রদায ভক্তানাং নমস্তে ভক্তিদাযিনে ॥ ১৪ ॥
পূজনং হবনং চেজ্যা ধ্যানম্ পশ্চান্নমস্ক্রিযা ।
দেবেশ কর্ম সর্বং মে ভবেদারাধনং তব ॥ ১৫ ॥
দেবেশ কর্ম সর্বং মে ভবেদারাধনং তব ॥ ১৫ ॥
ইতি হবনজপার্চাভেদতো বিষ্ণুপূজা-
-নিযতহৃদযকর্মা যস্তু মন্ত্রী চিরায ।
স খলু সকলকামান্ প্রাপ্য কৃষ্ণান্তরাত্মা
জননমৃতিবিমুক্তোঽপ্যুত্তমাং ভক্তিমেতি ॥ ১৬ ॥
-নিযতহৃদযকর্মা যস্তু মন্ত্রী চিরায ।
স খলু সকলকামান্ প্রাপ্য কৃষ্ণান্তরাত্মা
জননমৃতিবিমুক্তোঽপ্যুত্তমাং ভক্তিমেতি ॥ ১৬ ॥
গোগোপগোপিকাবীতং গোপালং গোষু গোপ্রদম্ ।
গোপৈরীড্যং গোসহস্রৈর্নৌমি গোকুলনাযকম্ ॥ ১৭ ॥
গোপৈরীড্যং গোসহস্রৈর্নৌমি গোকুলনাযকম্ ॥ ১৭ ॥
প্রীণযেদনযা স্তুত্যা জগন্নাথং জগন্মযম্ ।
ধর্মার্থকামমোক্ষাণামাপ্তযে পুরুষোত্তমম্ ॥ ১৮ ॥
ধর্মার্থকামমোক্ষাণামাপ্তযে পুরুষোত্তমম্ ॥ ১৮ ॥
॥ ইতি শ্রীনারদপাঞ্চরাত্রে জ্ঞানামৃতসারে নারদ কৃত শ্রী কৃষ্ণ স্তবরাজঃ ॥