ಅಥ ಷಷ್ಠಸ್ತೋತ್ರಮ್
ಮತ್ಸ್ಯಕರೂಪ ಲಯೋದವಿಹಾರಿನ್ ವೇದವಿನೇತ್ರ ಚತುರ್ಮುಖವನ್ದ್ಯ ।
ಕೂರ್ಮಸ್ವರೂಪಕ ಮನ್ದರಧಾರಿನ್ ಲೋಕವಿಧಾರಕ ದೇವವರೇಣ್ಯ ॥ 1॥
ಮತ್ಸ್ಯಕರೂಪ ಲಯೋದವಿಹಾರಿನ್ ವೇದವಿನೇತ್ರ ಚತುರ್ಮುಖವನ್ದ್ಯ ।
ಕೂರ್ಮಸ್ವರೂಪಕ ಮನ್ದರಧಾರಿನ್ ಲೋಕವಿಧಾರಕ ದೇವವರೇಣ್ಯ ॥ 1॥
ಸೂಕರರೂಪಕ ದಾನವಶತ್ರೋ ಭೂಮಿವಿಧಾರಕ ಯಜ್ಞಾವರಾಙ್ಗ ।
ದೇವ ನೃಸಿಂಹ ಹಿರಣ್ಯಕಶತ್ರೋ ಸರ್ವ ಭಯಾನ್ತಕ ದೈವತಬನ್ಧೋ ॥ 2॥
ದೇವ ನೃಸಿಂಹ ಹಿರಣ್ಯಕಶತ್ರೋ ಸರ್ವ ಭಯಾನ್ತಕ ದೈವತಬನ್ಧೋ ॥ 2॥
ವಾಮನ ವಾಮನ ಮಾಣವವೇಷ ದೈತ್ಯವರಾನ್ತಕ ಕಾರಣರೂಪ ।
ರಾಮ ಭೃಗೂದ್ವಹ ಸೂರ್ಜಿತದೀಪ್ತೇ ಕ್ಷತ್ರಕುಲಾನ್ತಕ ಶಮ್ಭುವರೇಣ್ಯ ॥ 3॥
ರಾಮ ಭೃಗೂದ್ವಹ ಸೂರ್ಜಿತದೀಪ್ತೇ ಕ್ಷತ್ರಕುಲಾನ್ತಕ ಶಮ್ಭುವರೇಣ್ಯ ॥ 3॥
ರಾಘವ ರಾಘವ ರಾಕ್ಷಸ ಶತ್ರೋ ಮಾರುತಿವಲ್ಲಭ ಜಾನಕಿಕಾನ್ತ ।
ದೇವಕಿನನ್ದನ ನನ್ದಕುಮಾರ ವೃನ್ದಾವನಾಞ್ಚನ ಗೋಕುಲಚನ್ದ್ರ ॥ 4॥
ದೇವಕಿನನ್ದನ ನನ್ದಕುಮಾರ ವೃನ್ದಾವನಾಞ್ಚನ ಗೋಕುಲಚನ್ದ್ರ ॥ 4॥
ಕನ್ದಫಲಾಶನ ಸುನ್ದರರೂಪ ನನ್ದಿತಗೋಕುಲವನ್ದಿತಪಾದ ।
ಇನ್ದ್ರಸುತಾವಕ ನನ್ದಕಹಸ್ತ ಚನ್ದನಚರ್ಚಿತ ಸುನ್ದರಿನಾಥ ॥ 5॥
ಇನ್ದ್ರಸುತಾವಕ ನನ್ದಕಹಸ್ತ ಚನ್ದನಚರ್ಚಿತ ಸುನ್ದರಿನಾಥ ॥ 5॥
ಇನ್ದೀವರೋದರ ದಲನಯನ ಮನ್ದರಧಾರಿನ್ ಗೋವಿನ್ದ ವನ್ದೇ ।
ಚನ್ದ್ರಶತಾನನ ಕುನ್ದಸುಹಾಸ ನನ್ದಿತದೈವತಾನನ್ದಸುಪೂರ್ಣ ॥ 6॥
ಚನ್ದ್ರಶತಾನನ ಕುನ್ದಸುಹಾಸ ನನ್ದಿತದೈವತಾನನ್ದಸುಪೂರ್ಣ ॥ 6॥
ದೇವಕಿನನ್ದನ ಸುನ್ದರರೂಪ ರುಕ್ಮಿಣಿವಲ್ಲಭ ಪಾಣ್ಡವಬನ್ಧೋ ।
ದೈತ್ಯವಿಮೋಹಕ ನಿತ್ಯಸುಖಾದೇ ದೇವವಿಬೋಧಕ ಬುದ್ಧಸ್ವರೂಪ ॥ 7॥
ದೈತ್ಯವಿಮೋಹಕ ನಿತ್ಯಸುಖಾದೇ ದೇವವಿಬೋಧಕ ಬುದ್ಧಸ್ವರೂಪ ॥ 7॥
ದುಷ್ಟಕುಲಾನ್ತಕ ಕಲ್ಕಿಸ್ವರೂಪ ಧರ್ಮವಿವರ್ಧನ ಮೂಲಯುಗಾದೇ ।
ನಾರಾಯಣಾಮಲಕಾರಣಮೂರ್ತೇ ಪೂರ್ಣಗುಣಾರ್ಣವ ನಿತ್ಯಸುಬೋಧ ॥ 8॥
ನಾರಾಯಣಾಮಲಕಾರಣಮೂರ್ತೇ ಪೂರ್ಣಗುಣಾರ್ಣವ ನಿತ್ಯಸುಬೋಧ ॥ 8॥
ಆನನ್ದತೀರ್ಥಕೃತಾ ಹರಿಗಾಥಾ ಪಾಪಹರಾ ಶುಭನಿತ್ಯಸುಖಾರ್ಥಾ ॥ 9॥
ಇತಿ ಶ್ರೀಮದಾನನ್ದತೀರ್ಥಭಗವತ್ಪಾದಾಚಾರ್ಯ ವಿರಚಿತಂ
ದ್ವಾದಶಸ್ತೋತ್ರೇಷು ಷಷ್ಠಸ್ತೋತ್ರಂ ಸಮ್ಪೂರ್ಣಮ್