അഥ ഷഷ്ഠസ്തോത്രമ്
മത്സ്യകരൂപ ലയോദവിഹാരിന് വേദവിനേത്ര ചതുര്മുഖവന്ദ്യ ।
കൂര്മസ്വരൂപക മന്ദരധാരിന് ലോകവിധാരക ദേവവരേണ്യ ॥ 1॥
മത്സ്യകരൂപ ലയോദവിഹാരിന് വേദവിനേത്ര ചതുര്മുഖവന്ദ്യ ।
കൂര്മസ്വരൂപക മന്ദരധാരിന് ലോകവിധാരക ദേവവരേണ്യ ॥ 1॥
സൂകരരൂപക ദാനവശത്രോ ഭൂമിവിധാരക യജ്ഞാവരാങ്ഗ ।
ദേവ നൃസിംഹ ഹിരണ്യകശത്രോ സര്വ ഭയാന്തക ദൈവതബന്ധോ ॥ 2॥
ദേവ നൃസിംഹ ഹിരണ്യകശത്രോ സര്വ ഭയാന്തക ദൈവതബന്ധോ ॥ 2॥
വാമന വാമന മാണവവേഷ ദൈത്യവരാന്തക കാരണരൂപ ।
രാമ ഭൃഗൂദ്വഹ സൂര്ജിതദീപ്തേ ക്ഷത്രകുലാന്തക ശമ്ഭുവരേണ്യ ॥ 3॥
രാമ ഭൃഗൂദ്വഹ സൂര്ജിതദീപ്തേ ക്ഷത്രകുലാന്തക ശമ്ഭുവരേണ്യ ॥ 3॥
രാഘവ രാഘവ രാക്ഷസ ശത്രോ മാരുതിവല്ലഭ ജാനകികാന്ത ।
ദേവകിനന്ദന നന്ദകുമാര വൃന്ദാവനാഞ്ചന ഗോകുലചന്ദ്ര ॥ 4॥
ദേവകിനന്ദന നന്ദകുമാര വൃന്ദാവനാഞ്ചന ഗോകുലചന്ദ്ര ॥ 4॥
കന്ദഫലാശന സുന്ദരരൂപ നന്ദിതഗോകുലവന്ദിതപാദ ।
ഇന്ദ്രസുതാവക നന്ദകഹസ്ത ചന്ദനചര്ചിത സുന്ദരിനാഥ ॥ 5॥
ഇന്ദ്രസുതാവക നന്ദകഹസ്ത ചന്ദനചര്ചിത സുന്ദരിനാഥ ॥ 5॥
ഇന്ദീവരോദര ദലനയന മന്ദരധാരിന് ഗോവിന്ദ വന്ദേ ।
ചന്ദ്രശതാനന കുന്ദസുഹാസ നന്ദിതദൈവതാനന്ദസുപൂര്ണ ॥ 6॥
ചന്ദ്രശതാനന കുന്ദസുഹാസ നന്ദിതദൈവതാനന്ദസുപൂര്ണ ॥ 6॥
ദേവകിനന്ദന സുന്ദരരൂപ രുക്മിണിവല്ലഭ പാണ്ഡവബന്ധോ ।
ദൈത്യവിമോഹക നിത്യസുഖാദേ ദേവവിബോധക ബുദ്ധസ്വരൂപ ॥ 7॥
ദൈത്യവിമോഹക നിത്യസുഖാദേ ദേവവിബോധക ബുദ്ധസ്വരൂപ ॥ 7॥
ദുഷ്ടകുലാന്തക കല്കിസ്വരൂപ ധര്മവിവര്ധന മൂലയുഗാദേ ।
നാരായണാമലകാരണമൂര്തേ പൂര്ണഗുണാര്ണവ നിത്യസുബോധ ॥ 8॥
നാരായണാമലകാരണമൂര്തേ പൂര്ണഗുണാര്ണവ നിത്യസുബോധ ॥ 8॥
ആനന്ദതീര്ഥകൃതാ ഹരിഗാഥാ പാപഹരാ ശുഭനിത്യസുഖാര്ഥാ ॥ 9॥
ഇതി ശ്രീമദാനന്ദതീര്ഥഭഗവത്പാദാചാര്യ വിരചിതം
ദ്വാദശസ്തോത്രേഷു ഷഷ്ഠസ്തോത്രം സമ്പൂര്ണമ്