അഥ അഷ്ടമസ്തോത്രമ്
വന്ദിതാശേഷവന്ദ്യോരുവൃന്ദാരകം ചന്ദനാചര്ചിതോദാരപീനാംസകമ് ।
ഇന്ദിരാചഞ്ചലാപാങ്ഗനീരാജിതം മന്ദരോദ്ധാരിവൃത്തോദ്ഭുജാഭോഗിനമ് ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 1॥
ഇന്ദിരാചഞ്ചലാപാങ്ഗനീരാജിതം മന്ദരോദ്ധാരിവൃത്തോദ്ഭുജാഭോഗിനമ് ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 1॥
സൃഷ്ടിസംഹാരലീലാവിലാസാതതം പുഷ്ടഷാഡ്ഗുണ്യസദ്വിഗ്രഹോല്ലാസിനമ് ।
ദുഷ്ടനിഃശേഷസംഹാരകര്മോദ്യതം ഹൃഷ്ടപുഷ്ടാതിശിഷ്ട (അനുശിഷ്ട) പ്രജാസംശ്രയമ് ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 2॥
ദുഷ്ടനിഃശേഷസംഹാരകര്മോദ്യതം ഹൃഷ്ടപുഷ്ടാതിശിഷ്ട (അനുശിഷ്ട) പ്രജാസംശ്രയമ് ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 2॥
ഉന്നതപ്രാര്ഥിതാശേഷസംസാധകം സന്നതാലൌകികാനന്ദദശ്രീപദമ് ।
ഭിന്നകര്മാശയപ്രാണിസമ്പ്രേരകം തന്ന കിം നേതി വിദ്വത്സു മീമാംസിതമ് ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 3॥
ഭിന്നകര്മാശയപ്രാണിസമ്പ്രേരകം തന്ന കിം നേതി വിദ്വത്സു മീമാംസിതമ് ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 3॥
വിപ്രമുഖ്യൈഃ സദാ വേദവാദോന്മുഖൈഃ സുപ്രതാപൈഃ ക്ഷിതീശേശ്വരൈശ്ചാര്ച്ചിതമ് ।
അപ്രതര്ക്യോരുസംവിദ്ഗുണം നിര്മലം സപ്രകാശാജരാനന്ദരൂപം പരമ് ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 4॥
അപ്രതര്ക്യോരുസംവിദ്ഗുണം നിര്മലം സപ്രകാശാജരാനന്ദരൂപം പരമ് ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 4॥
അത്യയോ യസ്യ (യേന) കേനാപി ന ക്വാപി ഹി പ്രത്യയോ യദ്ഗുണേഷൂത്തമാനാം പരഃ ।
സത്യസങ്കല്പ ഏകോ വരേണ്യോ വശീ മത്യനൂനൈഃ സദാ വേദവാദോദിതഃ ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 5॥
സത്യസങ്കല്പ ഏകോ വരേണ്യോ വശീ മത്യനൂനൈഃ സദാ വേദവാദോദിതഃ ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 5॥
പശ്യതാം ദുഃഖസന്താനനിര്മൂലനം ദൃശ്യതാം ദൃശ്യതാമിത്യജേശാര്ചിതമ് ।
നശ്യതാം ദൂരഗം സര്വദാപ്യാഽത്മഗം വശ്യതാം സ്വേച്ഛയാ സജ്ജനേഷ്വാഗതമ് ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 6॥
നശ്യതാം ദൂരഗം സര്വദാപ്യാഽത്മഗം വശ്യതാം സ്വേച്ഛയാ സജ്ജനേഷ്വാഗതമ് ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 6॥
അഗ്രജം യഃ സസര്ജാജമഗ്ര്യാകൃതിം വിഗ്രഹോ യസ്യ സര്വേ ഗുണാ ഏവ ഹി ।
ഉഗ്ര ആദ്യോഽപി യസ്യാത്മജാഗ്ര്യാത്മജഃ സദ്ഗൃഹീതഃ സദാ യഃ പരം ദൈവതമ് ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 7॥
ഉഗ്ര ആദ്യോഽപി യസ്യാത്മജാഗ്ര്യാത്മജഃ സദ്ഗൃഹീതഃ സദാ യഃ പരം ദൈവതമ് ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 7॥
അച്യുതോ യോ ഗുണൈര്നിത്യമേവാഖിലൈഃ പ്രച്യുതോഽശേഷദോഷൈഃ സദാ പൂര്തിതഃ ।
ഉച്യതേ സര്വവേദോരുവാദൈരജഃ സ്വര്ചിതോ ബ്രഹ്മരുദ്രേന്ദ്രപൂര്വൈഃ സദാ ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 8॥
ഉച്യതേ സര്വവേദോരുവാദൈരജഃ സ്വര്ചിതോ ബ്രഹ്മരുദ്രേന്ദ്രപൂര്വൈഃ സദാ ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 8॥
ധാര്യതേ യേന വിശ്വം സദാജാദികം വാര്യതേഽശേഷദുഃഖം നിജധ്യായിനാമ് ।
പാര്യതേ സര്വമന്യൈര്നയത്പാര്യതേ കാര്യതേ ചാഖിലം സര്വഭൂതൈഃ സദാ ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 9॥
പാര്യതേ സര്വമന്യൈര്നയത്പാര്യതേ കാര്യതേ ചാഖിലം സര്വഭൂതൈഃ സദാ ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 9॥
സര്വപാപാനിയത്സംസ്മൃതേഃ സങ്ക്ഷയം സര്വദാ യാന്തി ഭക്ത്യാ വിശുദ്ധാത്മനാമ് ।
ശര്വഗുര്വാദിഗീര്വാണ സംസ്ഥാനദഃ കുര്വതേ കര്മ യത്പ്രീതയേ സജ്ജനാഃ ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 10॥
ശര്വഗുര്വാദിഗീര്വാണ സംസ്ഥാനദഃ കുര്വതേ കര്മ യത്പ്രീതയേ സജ്ജനാഃ ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 10॥
അക്ഷയം കര്മ യസ്മിന് പരേ സ്വര്പിതം പ്രക്ഷയം യാന്തി ദുഃഖാനി യന്നാമതഃ ।
അക്ഷരോ യോഽജരഃ സര്വദൈവാമൃതഃ കുക്ഷിഗം യസ്യ വിശ്വം സദാഽജാദികമ് ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 11॥
അക്ഷരോ യോഽജരഃ സര്വദൈവാമൃതഃ കുക്ഷിഗം യസ്യ വിശ്വം സദാഽജാദികമ് ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 11॥
നന്ദിതീര്ഥോരുസന്നാമിനോ നന്ദിനഃ സന്ദധാനാഃ സദാനന്ദദേവേ മതിമ് ।
മന്ദഹാസാരുണാ പാങ്ഗദത്തോന്നതിം വന്ദിതാശേഷദേവാദിവൃന്ദം സദാ ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 12॥
മന്ദഹാസാരുണാ പാങ്ഗദത്തോന്നതിം വന്ദിതാശേഷദേവാദിവൃന്ദം സദാ ।
പ്രീണയാമോ വാസുദേവം ദേവതാമണ്ഡലാഖണ്ഡമണ്ഡനം പ്രീണയാമോ വാസുദേവമ് ॥ 12॥
ഇതി ശ്രീമദാനന്ദതീര്ഥഭഗവത്പാദാചാര്യ വിരചിതം
ദ്വാദശസ്തോത്രേഷു അഷ്ടമസ്തോത്രം സമ്പൂര്ണമ്