॥ শ্রী মহাকাল শনি মৃত্যুঞ্জয স্তোত্রম্ ॥
নীলাদ্রিশোভাঞ্চিতদিব্যমূর্তিঃ
খড্গী ত্রিদণ্ডী শরচাপহস্তঃ ।
শম্ভুর্মহাকালশনিঃ পুরারি-
-র্জযত্যশেষাসুরনাশকারী ॥ ১ ॥
খড্গী ত্রিদণ্ডী শরচাপহস্তঃ ।
শম্ভুর্মহাকালশনিঃ পুরারি-
-র্জযত্যশেষাসুরনাশকারী ॥ ১ ॥
মেরুপৃষ্ঠে সমাসীনং সামরস্যে স্থিতং শিবম্ ।
প্রণম্য শিরসা গৌরী পৃচ্ছতি স্ম জগদ্ধিতম্ ॥ ২ ॥
প্রণম্য শিরসা গৌরী পৃচ্ছতি স্ম জগদ্ধিতম্ ॥ ২ ॥
পার্বত্যুবাচ।
ভগবন্ দেবদেবেশ ভক্তানুগ্রহকারক ।
অল্পমৃত্যুবিনাশায যত্ত্বযা পূর্বসূচিতম্ ॥ ৩ ॥
অল্পমৃত্যুবিনাশায যত্ত্বযা পূর্বসূচিতম্ ॥ ৩ ॥
তদেব ত্বং মহাবাহো লোকানাং হিতকারকম্ ।
তব মূর্তিপ্রভেদস্য মহাকালস্য সাম্প্রতম্ ॥ ৪ ॥
তব মূর্তিপ্রভেদস্য মহাকালস্য সাম্প্রতম্ ॥ ৪ ॥
শনের্মৃত্যুঞ্জযস্তোত্রং ব্রূহি মে নেত্রজন্মনঃ ।
অকালমৃত্যুহরণমপমৃত্যুনিবারণম্ ॥ ৫ ॥
অকালমৃত্যুহরণমপমৃত্যুনিবারণম্ ॥ ৫ ॥
শনিমন্ত্রপ্রভেদা যে তৈর্যুক্তং যত্ স্তবং শুভম্ ।
প্রতিনাম চতুর্থ্যন্তং নমোন্তং মনুনা যুতম্ ॥ ৬ ॥
প্রতিনাম চতুর্থ্যন্তং নমোন্তং মনুনা যুতম্ ॥ ৬ ॥
শ্রীশঙ্কর উবাচ।
নিত্যে প্রিযতমে গৌরি সর্বলোকহিতে রতে ।
গুহ্যাদ্গুহ্যতমং দিব্যং সর্বলোকোপকারকম্ ॥ ৭ ॥
গুহ্যাদ্গুহ্যতমং দিব্যং সর্বলোকোপকারকম্ ॥ ৭ ॥
শনিমৃত্যুঞ্জযস্তোত্রং প্রবক্ষ্যামি তবাধুনা ।
সর্বমঙ্গলমাঙ্গল্যং সর্বশত্রুবিমর্দনম্ ॥ ৮ ॥
সর্বমঙ্গলমাঙ্গল্যং সর্বশত্রুবিমর্দনম্ ॥ ৮ ॥
সর্বরোগপ্রশমনং সর্বাপদ্বিনিবারণম্ ।
শরীরারোগ্যকরণমাযুর্বৃদ্ধিকরং নৃণাম্ ॥ ৯ ॥
শরীরারোগ্যকরণমাযুর্বৃদ্ধিকরং নৃণাম্ ॥ ৯ ॥
যদি ভক্তাসি মে গৌরি গোপনীযং প্রযত্নতঃ ।
গোপিতং সর্বতন্ত্রেষু তচ্ছৃণুষ্ব মহেশ্বরি ॥ ১০ ॥
গোপিতং সর্বতন্ত্রেষু তচ্ছৃণুষ্ব মহেশ্বরি ॥ ১০ ॥
॥ বিনিযোগঃ ॥
অস্য শ্রীমহাকালশনিমৃত্যুঞ্জয স্তোত্রমন্ত্রস্য পিপ্পলাদ ঋষিরনুষ্টুপ্ ছন্দো মহাকালশনির্দেবতা শং বীজমাযসী শক্তিঃ কালপুরুষাযেতি কীলকং মমাকালাপমৃত্যুনিবারণার্থে পাঠে বিনিযোগঃ ॥
॥ অথ ন্যাসধ্যানম্ ॥
ঋষিন্যাসং করন্যাসং দেহন্যাসং সমাচরেত্ ।
মহোগ্রং মূর্ধ্নি বিন্যস্য মুখে বৈবস্বতং ন্যসেত্ ॥ ১১ ॥
মহোগ্রং মূর্ধ্নি বিন্যস্য মুখে বৈবস্বতং ন্যসেত্ ॥ ১১ ॥
গলে তু বিন্যসেন্মন্দং বাহ্বোর্মহাগ্রহং ন্যসেত্ ।
হৃদি ন্যসেন্মহাকালং গুহ্যে কৃশতনুং ন্যসেত্ ॥ ১২ ॥
হৃদি ন্যসেন্মহাকালং গুহ্যে কৃশতনুং ন্যসেত্ ॥ ১২ ॥
জান্বোস্তূডুচরং ন্যস্য পাদযোস্তু শনৈশ্চরম্ ।
এবং ন্যাসবিধিং কৃত্বা পশ্চাত্ কালাত্মনঃ শনেঃ ॥ ১৩ ॥
এবং ন্যাসবিধিং কৃত্বা পশ্চাত্ কালাত্মনঃ শনেঃ ॥ ১৩ ॥
ন্যাসং ধ্যানম্ প্রবক্ষ্যামি তনৌ ধ্যাত্বা পঠেন্নরঃ ।
কল্পাদিযুগভেদাংশ্চ করাঙ্গন্যাসরূপিণঃ ॥ ১৪ ॥
কল্পাদিযুগভেদাংশ্চ করাঙ্গন্যাসরূপিণঃ ॥ ১৪ ॥
কালাত্মনো ন্যসেদ্গাত্রে মৃত্যুঞ্জয নমোঽস্তু তে ।
মন্বন্তরাণি সর্বাণি মহাকালস্বরূপিণঃ ॥ ১৫ ॥
মন্বন্তরাণি সর্বাণি মহাকালস্বরূপিণঃ ॥ ১৫ ॥
ভাবযেত্প্রতি প্রত্যঙ্গে মহাকালায তে নমঃ ।
ভাবযেত্ প্রভবাদ্যব্দান্ শীর্ষে কালজিতে নমঃ ॥ ১৬ ॥
নমস্তে নিত্যসেব্যায বিন্যসেদযনে ভ্রুবোঃ ।
সৌরযে চ নমস্তেস্তু গণ্ডযোর্বিন্যসেদৃতূন্ ॥ ১৭ ॥
সৌরযে চ নমস্তেস্তু গণ্ডযোর্বিন্যসেদৃতূন্ ॥ ১৭ ॥
শ্রাবণং ভাবযেদক্ষ্ণোর্নমঃ কৃষ্ণনিভায চ ।
মহোগ্রাথ নমো ভাদ্রং তথা শ্রবণযোর্ন্যসেত্ ॥ ১৮ ॥
মহোগ্রাথ নমো ভাদ্রং তথা শ্রবণযোর্ন্যসেত্ ॥ ১৮ ॥
নমো বৈ দুর্নিরীক্ষ্যায চাশ্বিনং বিন্যসেন্মুখে ।
নমো নীলমযূখায গ্রীবাযাং কার্তিকং ন্যসেত্ ॥ ১৯ ॥
নমো নীলমযূখায গ্রীবাযাং কার্তিকং ন্যসেত্ ॥ ১৯ ॥
মার্গশীর্ষং ন্যসেদ্বাহ্বোর্মহারৌদ্রায তে নমঃ ।
ঊর্ধ্বলোকনিবাসায পৌষং তু হৃদযে ন্যসেত্ ॥ ২০ ॥
ঊর্ধ্বলোকনিবাসায পৌষং তু হৃদযে ন্যসেত্ ॥ ২০ ॥
নমঃ কালপ্রবোধায মাঘং বৈ চোদরে ন্যসেত্ ।
মন্দগায নমো মেঢ্রে ন্যসেদ্বৈ ফাল্গুনং তথা ॥ ২১ ॥
মন্দগায নমো মেঢ্রে ন্যসেদ্বৈ ফাল্গুনং তথা ॥ ২১ ॥
ঊর্বোর্ন্যসেচ্চৈত্রমাসং নমঃ শিবোদ্ভবায চ ।
বৈশাখং বিন্যসেজ্জান্বোর্নমঃ সংবর্তকায চ ॥ ২২ ॥
বৈশাখং বিন্যসেজ্জান্বোর্নমঃ সংবর্তকায চ ॥ ২২ ॥
জঙ্ঘযোর্ভাবযেজ্জ্যেষ্ঠং ভৈরবায নমস্তথা ।
আষাঢং পাদযোশ্চৈব শনযে চ নমস্তথা ॥ ২৩ ॥
আষাঢং পাদযোশ্চৈব শনযে চ নমস্তথা ॥ ২৩ ॥
কৃষ্ণপক্ষং চ ক্রূরায নম আপাদমস্তকে ।
ন্যসেদাশীর্ষপাদান্তে শুক্লপক্ষং গ্রহায চ ॥ ২৪ ॥
ন্যসেদাশীর্ষপাদান্তে শুক্লপক্ষং গ্রহায চ ॥ ২৪ ॥
ন্যসেন্মূলং পাদযোশ্চ গ্রহায শনযে নমঃ ।
নমঃ সর্বজিতে চৈব তোযং সর্বাঙ্গুলৌ ন্যসেত্ ॥ ২৫ ॥
নমঃ সর্বজিতে চৈব তোযং সর্বাঙ্গুলৌ ন্যসেত্ ॥ ২৫ ॥
ন্যসেদ্গুল্ফদ্বযে বিশ্বং নমঃ শুষ্কতরায চ ।
বিষ্ণুভং ভাবযেজ্জঙ্ঘোভযে শিষ্টতমায তে ॥ ২৬ ॥
বিষ্ণুভং ভাবযেজ্জঙ্ঘোভযে শিষ্টতমায তে ॥ ২৬ ॥
জানুদ্বযে ধনিষ্ঠাং চ ন্যসেত্ কৃষ্ণরুচে নমঃ ।
ঊরুদ্বযে বারুণর্ক্ষং ন্যসেত্কালভৃতে নমঃ ॥ ২৭ ॥
পূর্বভাদ্রং ন্যসেন্মেঢ্রে জটাজূটধরায চ ।
পৃষ্ঠ উত্তরভাদ্রং চ করালায নমস্তথা ॥ ২৮ ॥
পৃষ্ঠ উত্তরভাদ্রং চ করালায নমস্তথা ॥ ২৮ ॥
রেবতীং চ ন্যসেন্নাভৌ নমো মন্দচরায চ ।
গর্ভদেশে ন্যসেদ্দস্রং নমঃ শ্যামতরায চ ॥ ২৯ ॥
গর্ভদেশে ন্যসেদ্দস্রং নমঃ শ্যামতরায চ ॥ ২৯ ॥
নমো ভোগিস্রজে নিত্যং যমং স্তনযুগে ন্যসেত্ ।
ন্যসেত্কৃত্তিকাং হৃদযে নমস্তৈলপ্রিযায চ ॥ ৩০ ॥
ন্যসেত্কৃত্তিকাং হৃদযে নমস্তৈলপ্রিযায চ ॥ ৩০ ॥
রোহিণীং ভাবযেদ্ধস্তে নমস্তে খড্গধারিণে ।
মৃগং ন্যসেদ্বামহস্তে ত্রিদণ্ডোল্লসিতায চ ॥ ৩১ ॥
মৃগং ন্যসেদ্বামহস্তে ত্রিদণ্ডোল্লসিতায চ ॥ ৩১ ॥
দক্ষোর্ধ্বে ভাবযেদ্রৌদ্রং নমো বৈ বাণধারিণে ।
পুনর্বসুমূর্ধ্ববামে নমো বৈ চাপধারিণে ॥ ৩২ ॥
পুনর্বসুমূর্ধ্ববামে নমো বৈ চাপধারিণে ॥ ৩২ ॥
তিষ্যং ন্যসেদ্দক্ষবাহৌ নমস্তে হরমন্যবে ।
সার্পং ন্যসেদ্বামবাহৌ চোগ্রচাপায তে নমঃ ॥ ৩৩ ॥
সার্পং ন্যসেদ্বামবাহৌ চোগ্রচাপায তে নমঃ ॥ ৩৩ ॥
মঘাং বিভাবযেত্কণ্ঠে নমস্তে ভস্মধারিণে ।
মুখে ন্যসেদ্ভগর্ক্ষং চ নমঃ ক্রূরগ্রহায চ ॥ ৩৪ ॥
মুখে ন্যসেদ্ভগর্ক্ষং চ নমঃ ক্রূরগ্রহায চ ॥ ৩৪ ॥
ভাবযেদ্দক্ষনাসাযামর্যমাণশ্চ যোগিনে ।
ভাবযেদ্বামনাসাযাং হস্তর্ক্ষং ধারিণে নমঃ ॥ ৩৫ ॥
ভাবযেদ্বামনাসাযাং হস্তর্ক্ষং ধারিণে নমঃ ॥ ৩৫ ॥
ত্বাষ্ট্রং ন্যসেদ্দক্ষকর্ণে কৃসরান্নপ্রিযায তে ।
স্বাতীং ন্যসেদ্বামকর্ণে নমো ব্রহ্মমযায তে ॥ ৩৬ ॥
স্বাতীং ন্যসেদ্বামকর্ণে নমো ব্রহ্মমযায তে ॥ ৩৬ ॥
বিশাখাং চ দক্ষনেত্রে নমস্তে জ্ঞানদৃষ্টযে ।
মৈত্রং ন্যসেদ্বামনেত্রে নমোঽন্ধলোচনায তে ॥ ৩৭ ॥
মৈত্রং ন্যসেদ্বামনেত্রে নমোঽন্ধলোচনায তে ॥ ৩৭ ॥
শাক্রং ন্যসেচ্চ শিরসি নমঃ সংবর্তকায চ ।
বিষ্কম্ভং ভাবযেচ্ছীর্ষসন্ধৌ কালায তে নমঃ ॥ ৩৮ ॥
বিষ্কম্ভং ভাবযেচ্ছীর্ষসন্ধৌ কালায তে নমঃ ॥ ৩৮ ॥
প্রীতিযোগং ভ্রুবোঃ সন্ধৌ মহামন্দ নমোঽস্তু তে ।
নেত্রযোঃ সন্ধাবাযুষ্মদ্যোগং ভীষ্মায তে নমঃ ॥ ৩৯ ॥
নেত্রযোঃ সন্ধাবাযুষ্মদ্যোগং ভীষ্মায তে নমঃ ॥ ৩৯ ॥
সৌভাগ্যং ভাবযেন্নাসাসন্ধৌ ফলাশনায চ ।
শোভনং ভাবযেত্কর্ণে সন্ধৌ পুণ্যাত্মনে নমঃ ॥ ৪০ ॥
শোভনং ভাবযেত্কর্ণে সন্ধৌ পুণ্যাত্মনে নমঃ ॥ ৪০ ॥
নমঃ কৃষ্ণাযাতিগণ্ডং হনুসন্ধৌ বিভাবযেত্ ।
নমো নির্মাংসদেহায সুকর্মাণং শিরোধরে ॥ ৪১ ॥
নমো নির্মাংসদেহায সুকর্মাণং শিরোধরে ॥ ৪১ ॥
ধৃতিং ন্যসেদ্দক্ষবাহৌ পৃষ্ঠে ছাযাসুতায চ ।
তন্মূলসন্ধৌ শূলং চ ন্যসেদুগ্রায তে নমঃ ॥ ৪২ ॥
তন্মূলসন্ধৌ শূলং চ ন্যসেদুগ্রায তে নমঃ ॥ ৪২ ॥
তত্কূর্পরে ন্যসেদ্গণ্ডে নিত্যানন্দায তে নমঃ ।
বৃদ্ধিং তন্মণিবন্ধে চ কালজ্ঞায নমো ন্যসেত্ ॥ ৪৩ ॥
বৃদ্ধিং তন্মণিবন্ধে চ কালজ্ঞায নমো ন্যসেত্ ॥ ৪৩ ॥
ধ্রুবং তদঙ্গুলীমূলসন্ধৌ কৃষ্ণায তে নমঃ ।
ব্যাঘাতং ভাবযেদ্বামবাহুপৃষ্ঠে কৃশায চ ॥ ৪৪ ॥
ব্যাঘাতং ভাবযেদ্বামবাহুপৃষ্ঠে কৃশায চ ॥ ৪৪ ॥
হর্ষণং তন্মূলসন্ধৌ ভুতসন্তাপিনে নমঃ ।
তত্কূর্পরে ন্যসেদ্বজ্রং সানন্দায নমোঽস্তু তে ॥ ৪৫ ॥
তত্কূর্পরে ন্যসেদ্বজ্রং সানন্দায নমোঽস্তু তে ॥ ৪৫ ॥
সিদ্ধিং তন্মণিবন্ধে চ ন্যসেত্ কালাগ্নযে নমঃ ।
ব্যতীপাতং করাগ্রেষু ন্যসেত্কালকৃতে নমঃ ॥ ৪৬ ॥
বরীযাংসং দক্ষপার্শ্বসন্ধৌ কালাত্মনে নমঃ ।
পরিঘং ভাবযেদ্বামপার্শ্বসন্ধৌ নমোঽস্তু তে ॥ ৪৭ ॥
পরিঘং ভাবযেদ্বামপার্শ্বসন্ধৌ নমোঽস্তু তে ॥ ৪৭ ॥
ন্যসেদ্দক্ষোরুসন্ধৌ চ শিবং বৈ কালসাক্ষিণে ।
তজ্জানৌ ভাবযেত্ সিদ্ধিং মহাদেহায তে নমঃ ॥ ৪৮ ॥
তজ্জানৌ ভাবযেত্ সিদ্ধিং মহাদেহায তে নমঃ ॥ ৪৮ ॥
সাধ্যং ন্যসেচ্চ তদ্গুল্ফসন্ধৌ ঘোরায তে নমঃ ।
ন্যসেত্তদঙ্গুলীসন্ধৌ শুভং রৌদ্রায তে নমঃ ॥ ৪৯ ॥
ন্যসেদ্বামোরুসন্ধৌ চ শুক্লং কালবিদে নমঃ ।
ব্রহ্মযোগং চ তজ্জানৌ ন্যসেত্সদ্যোগিনে নমঃ ॥ ৫০ ॥
ঐন্দ্রং তদ্গুল্ফসন্ধৌ চ যোগাধীশায তে নমঃ ।
ন্যসেত্তদঙ্গুলীসন্ধৌ নমো ভব্যায বৈধৃতিম্ ॥ ৫১ ॥
ন্যসেত্তদঙ্গুলীসন্ধৌ নমো ভব্যায বৈধৃতিম্ ॥ ৫১ ॥
চর্মণি ববকরণং ভাবযেদ্যজ্বনে নমঃ ।
বালবং ভাবযেদ্রক্তে সংহারক নমোঽস্তু তে ॥ ৫২ ॥
বালবং ভাবযেদ্রক্তে সংহারক নমোঽস্তু তে ॥ ৫২ ॥
কৌলবং ভাবযেদস্থ্নি নমস্তে সর্বভক্ষিণে ।
তৈতিলং ভাবযেন্মাংসে আমমাংসপ্রিযায তে ॥ ৫৩ ॥
তৈতিলং ভাবযেন্মাংসে আমমাংসপ্রিযায তে ॥ ৫৩ ॥
গরং ন্যসেদ্বপাযাং চ সর্বগ্রাসায তে নমঃ ।
ন্যসেদ্বণিজং মজ্জাযাং সর্বান্তক নমোঽস্তু তে ॥ ৫৪ ॥
ন্যসেদ্বণিজং মজ্জাযাং সর্বান্তক নমোঽস্তু তে ॥ ৫৪ ॥
বীর্যে বিভাবযেদ্বিষ্টিং নমো মন্যূগ্রতেজসে ।
রুদ্রমিত্রপিতৃবসুবারীণ্যেতাংশ্চ পঞ্চ চ ॥ ৫৫ ॥
রুদ্রমিত্রপিতৃবসুবারীণ্যেতাংশ্চ পঞ্চ চ ॥ ৫৫ ॥
মুহূর্তাংশ্চ দক্ষপাদনখেষু ভাবযেন্নমঃ ।
খগেশায চ খস্থায খেচরায স্বরুপিণে ॥ ৫৬ ॥
খগেশায চ খস্থায খেচরায স্বরুপিণে ॥ ৫৬ ॥
পুরুহূতশতমখে বিশ্ববেধোবিধূংস্তথা ।
মুহূর্তাংশ্চ বামপাদনখেষু ভাবযেন্নমঃ ॥ ৫৭ ॥
মুহূর্তাংশ্চ বামপাদনখেষু ভাবযেন্নমঃ ॥ ৫৭ ॥
সত্যব্রতায সত্যায নিত্যসত্যায তে নমঃ ।
সিদ্ধেশ্বর নমস্তুভ্যং যোগেশ্বর নমোঽস্তু তে ॥ ৫৮ ॥
সিদ্ধেশ্বর নমস্তুভ্যং যোগেশ্বর নমোঽস্তু তে ॥ ৫৮ ॥
বহ্নিনক্তঞ্চরাংশ্চৈব বরুণার্যমযোনিকান্ ।
মুহূর্তাংশ্চ দক্ষহস্তনখেষু ভাবযেন্নমঃ ॥ ৫৯ ॥
মুহূর্তাংশ্চ দক্ষহস্তনখেষু ভাবযেন্নমঃ ॥ ৫৯ ॥
লগ্নোদযায দীর্ঘায মার্গিণে দক্ষদৃষ্টযে ।
বক্রায চাতিক্রূরায নমস্তে বামদৃষ্টযে ॥ ৬০ ॥
বক্রায চাতিক্রূরায নমস্তে বামদৃষ্টযে ॥ ৬০ ॥
বামহস্তনখেষ্বন্ত্যবর্ণেশায নমোঽস্তু তে ।
গিরিশাহির্বুধ্ন্যপূষাজপাদ্দস্রাংশ্চ ভাবযেত্ ॥ ৬১ ॥
গিরিশাহির্বুধ্ন্যপূষাজপাদ্দস্রাংশ্চ ভাবযেত্ ॥ ৬১ ॥
রাশিভোক্ত্রে রাশিগায রাশিভ্রমণকারিণে ।
রাশিনাথায রাশীনাং ফলদাত্রে নমোঽস্তু তে ॥ ৬২ ॥
রাশিনাথায রাশীনাং ফলদাত্রে নমোঽস্তু তে ॥ ৬২ ॥
যমাগ্নিচন্দ্রাদিতিকবিধাতৄংশ্চ বিভাবযেত্ ।
ঊর্ধ্বহস্তদক্ষনখেষ্বন্ত্যকালায তে নমঃ ॥ ৬৩ ॥
ঊর্ধ্বহস্তদক্ষনখেষ্বন্ত্যকালায তে নমঃ ॥ ৬৩ ॥
তুলোচ্চস্থায সৌম্যায নক্রকুম্ভগৃহায চ ।
সমীরত্বষ্টৃজীবাংশ্চ বিষ্ণুতিগ্মদ্যুতীন্ন্যসেত্ ॥ ৬৪ ॥
সমীরত্বষ্টৃজীবাংশ্চ বিষ্ণুতিগ্মদ্যুতীন্ন্যসেত্ ॥ ৬৪ ॥
ঊর্ধ্ববামহস্তনখেষ্বন্যগ্রহনিবারিণে ।
তুষ্টায চ বরিষ্ঠায নমো রাহুসখায চ ॥ ৬৫ ॥
তুষ্টায চ বরিষ্ঠায নমো রাহুসখায চ ॥ ৬৫ ॥
রবিবারং ললাটে চ ন্যসেদ্ভীমদৃশে নমঃ ।
সোমবারং ন্যসেদাস্যে নমোঽমৃতপ্রিযায চ ॥ ৬৬ ॥
সোমবারং ন্যসেদাস্যে নমোঽমৃতপ্রিযায চ ॥ ৬৬ ॥
ভৌমবারং ন্যসেত্ স্বান্তে নমো ব্রহ্মস্বরূপিণে ।
মেঢ্রে ন্যসেত্ সৌম্যবারং নমো জীবস্বরূপিণে ॥ ৬৭ ॥
মেঢ্রে ন্যসেত্ সৌম্যবারং নমো জীবস্বরূপিণে ॥ ৬৭ ॥
বৃষণে গুরুবারং চ নমো মন্ত্রস্বরূপিণে ।
ভৃগুবারং মলদ্বারে নমঃ প্রলযকারিণে ॥ ৬৮ ॥
ভৃগুবারং মলদ্বারে নমঃ প্রলযকারিণে ॥ ৬৮ ॥
পাদযোঃ শনিবারং চ নির্মাংসায নমোঽস্তু তে ।
ঘটিকাং ন্যসেত্কেশেষু নমস্তে সূক্ষ্মরূপিণে ॥ ৬৯ ॥
ঘটিকাং ন্যসেত্কেশেষু নমস্তে সূক্ষ্মরূপিণে ॥ ৬৯ ॥
॥ অথ মহাকালশনি মৃত্যুঞ্জয স্তোত্রম্ ॥
কালরূপিন্নমস্তেঽস্তু সর্বপাপপ্রণাশক ॥
ত্রিপুরস্য বধার্থায শম্ভুজাতায তে নমঃ ॥ ৭০ ॥
ত্রিপুরস্য বধার্থায শম্ভুজাতায তে নমঃ ॥ ৭০ ॥
নমঃ কালশরীরায কালনুন্নায তে নমঃ ।
কালহেতো নমস্তুভ্যং কালনন্দায বৈ নমঃ ॥ ৭১ ॥
অখণ্ডদণ্ডমানায ত্বনাদ্যন্তায বৈ নমঃ ।
কালদেবায কালায কালকালায তে নমঃ ॥ ৭২ ॥
নিমেষাদিমহাকল্পকালরুপং চ ভৈরবম্ ।
মৃত্যুঞ্জযং মহাকালং নমস্যামি শনৈশ্চরম্ ॥ ৭৩ ॥
মৃত্যুঞ্জযং মহাকালং নমস্যামি শনৈশ্চরম্ ॥ ৭৩ ॥
দাতারং সর্বভব্যানাং ভক্তানামভযঙ্করম্ ।
মৃত্যুঞ্জযং মহাকালং নমস্যামি শনৈশ্চরম্ ॥ ৭৪ ॥
মৃত্যুঞ্জযং মহাকালং নমস্যামি শনৈশ্চরম্ ॥ ৭৪ ॥
কর্তারং সর্বদুঃখানাং দুষ্টানাং ভযবর্ধনম্ ।
মৃত্যুঞ্জযং মহাকালং নমস্যামি শনৈশ্চরম্ ॥ ৭৫ ॥
মৃত্যুঞ্জযং মহাকালং নমস্যামি শনৈশ্চরম্ ॥ ৭৫ ॥
হর্তারং গ্রহজাতানাং ফলানামঘকারিণাম্ ।
মৃত্যুঞ্জযং মহাকালং নমস্যামি শনৈশ্চরম্ ॥ ৭৬ ॥
মৃত্যুঞ্জযং মহাকালং নমস্যামি শনৈশ্চরম্ ॥ ৭৬ ॥
সর্বেষামেব ভূতানাং সুখদং শান্তমব্যযম্ ।
মৃত্যুঞ্জযং মহাকালং নমস্যামি শনৈশ্চরম্ ॥ ৭৭ ॥
মৃত্যুঞ্জযং মহাকালং নমস্যামি শনৈশ্চরম্ ॥ ৭৭ ॥
কারণং সুখদুঃখানাং ভাবাভাবস্বরূপিণম্ ।
মৃত্যুঞ্জযং মহাকালং নমস্যামি শনৈশ্চরম্ ॥ ৭৮ ॥
মৃত্যুঞ্জযং মহাকালং নমস্যামি শনৈশ্চরম্ ॥ ৭৮ ॥
অকালমৃত্যুহরণমপমৃত্যু নিবারণম্ ।
মৃত্যুঞ্জযং মহাকালং নমস্যামি শনৈশ্চরম্ ॥ ৭৯ ॥
মৃত্যুঞ্জযং মহাকালং নমস্যামি শনৈশ্চরম্ ॥ ৭৯ ॥
কালরূপেণ সংসারং ভক্ষযন্তং মহাগ্রহম্ ।
মৃত্যুঞ্জযং মহাকালং নমস্যামি শনৈশ্চরম্ ॥ ৮০ ॥
মৃত্যুঞ্জযং মহাকালং নমস্যামি শনৈশ্চরম্ ॥ ৮০ ॥
দুর্নিরীক্ষ্যং স্থূলরোমং ভীষণং দীর্ঘলোচনম্ ।
মৃত্যুঞ্জযং মহাকালং নমস্যামি শনৈশ্চরম্ ॥ ৮১ ॥
মৃত্যুঞ্জযং মহাকালং নমস্যামি শনৈশ্চরম্ ॥ ৮১ ॥
গ্রহাণাং গ্রহভূতং চ সর্বগ্রহনিবারণম্ ।
মৃত্যুঞ্জযং মহাকালং নমস্যামি শনৈশ্চরম্ ॥ ৮২ ॥
মৃত্যুঞ্জযং মহাকালং নমস্যামি শনৈশ্চরম্ ॥ ৮২ ॥
কালস্য বশগাঃ সর্বে ন কালঃ কস্যচিদ্বশঃ ।
তস্মাত্ত্বাং কালপুরুষং প্রণতোঽস্মি শনৈশ্চরম্ ॥ ৮৩ ॥
তস্মাত্ত্বাং কালপুরুষং প্রণতোঽস্মি শনৈশ্চরম্ ॥ ৮৩ ॥
কালদেব জগত্সর্বং কাল এব বিলীযতে ।
কালরূপঃ স্বযং শম্ভুঃ কালাত্মা গ্রহদেবতা ॥ ৮৪ ॥
কালরূপঃ স্বযং শম্ভুঃ কালাত্মা গ্রহদেবতা ॥ ৮৪ ॥
চণ্ডীশো রুদ্রডাকিন্যাক্রান্তশ্চণ্ডীশ উচ্যতে ।
বিদ্যুদাকলিতো নদ্যাং সমারূঢো রসাধিপঃ ॥ ৮৫ ॥
বিদ্যুদাকলিতো নদ্যাং সমারূঢো রসাধিপঃ ॥ ৮৫ ॥
চণ্ডীশঃ শুকসম্যুক্তো জিহ্বযা ললিতঃ পুনঃ ।
ক্ষতজস্তামসী শোভী স্থিরাত্মা বিদ্যুতা যুতঃ ॥ ৮৬ ॥
ক্ষতজস্তামসী শোভী স্থিরাত্মা বিদ্যুতা যুতঃ ॥ ৮৬ ॥
নমোঽন্তো মনুরিত্যেষ শনিতুষ্টিকরঃ শিবে ।
আদ্যন্তেঽষ্টোত্তরশতং মনুমেনং জপেন্নরঃ ॥ ৮৭ ॥
আদ্যন্তেঽষ্টোত্তরশতং মনুমেনং জপেন্নরঃ ॥ ৮৭ ॥
॥ ফলশ্রুতি ॥
যঃ পঠেচ্ছৃণুযাদ্বাপি ধ্যাত্বা সম্পূজ্য ভক্তিতঃ ।
তস্য মৃত্যোর্ভযং নৈব শতবর্ষাবধি প্রিযে ॥ ৮৮ ॥
তস্য মৃত্যোর্ভযং নৈব শতবর্ষাবধি প্রিযে ॥ ৮৮ ॥
জ্বরাঃ সর্বে বিনশ্যন্তি দদ্রুবিস্ফোটকচ্ছুকাঃ ।
দিবা সৌরিং স্মরেত্ রাত্রৌ মহাকালং যজন্ পঠেত্ ॥ ৮৯ ॥
দিবা সৌরিং স্মরেত্ রাত্রৌ মহাকালং যজন্ পঠেত্ ॥ ৮৯ ॥
জন্মর্ক্ষে চ যদা সৌরির্জপেদেতত্ সহস্রকম্ ।
বেধগে বামবেধে বা জপেদর্ধসহস্রকম্ ॥ ৯০ ॥
বেধগে বামবেধে বা জপেদর্ধসহস্রকম্ ॥ ৯০ ॥
দ্বিতীযে দ্বাদশে মন্দে তনৌ বা চাষ্টমেঽপি বা ।
তত্তদ্রাশৌ ভবেদ্যাবত্ পঠেত্তাবদ্দিনাবধি ॥ ৯১ ॥
তত্তদ্রাশৌ ভবেদ্যাবত্ পঠেত্তাবদ্দিনাবধি ॥ ৯১ ॥
চতুর্থে দশমে বাঽপি সপ্তমে নবপঞ্চমে ।
গোচরে জন্মলগ্নেশে দশাস্বন্তর্দশাসু চ ॥ ৯২ ॥
গোচরে জন্মলগ্নেশে দশাস্বন্তর্দশাসু চ ॥ ৯২ ॥
গুরুলাঘবজ্ঞানেন পঠেদাবৃত্তিসঙ্খ্যযা ।
শতমেকং ত্রযং বাথ শতযুগ্মং কদাচন ॥ ৯৩ ॥
শতমেকং ত্রযং বাথ শতযুগ্মং কদাচন ॥ ৯৩ ॥
আপদস্তস্য নশ্যন্তি পাপানি চ জযং ভবেত্ ।
মহাকালালযে পীঠে হ্যথবা জলসন্নিধৌ ॥ ৯৪ ॥
মহাকালালযে পীঠে হ্যথবা জলসন্নিধৌ ॥ ৯৪ ॥
পুণ্যক্ষেত্রেঽশ্বত্থমূলে তৈলকুম্ভাগ্রতো গৃহে ।
নিযমেনৈকভক্তেন ব্রহ্মচর্যেণ মৌনিনা ॥ ৯৫ ॥
নিযমেনৈকভক্তেন ব্রহ্মচর্যেণ মৌনিনা ॥ ৯৫ ॥
শ্রোতব্যং পঠিতব্যং চ সাধকানাং সুখাবহম্ ।
পরং স্বস্ত্যযনং পুণ্যং স্তোত্রং মৃত্যুঞ্জযাভিধম্ ॥ ৯৬ ॥
পরং স্বস্ত্যযনং পুণ্যং স্তোত্রং মৃত্যুঞ্জযাভিধম্ ॥ ৯৬ ॥
কালক্রমেণ কথিতং ন্যাসক্রমসমন্বিতম্ ।
প্রাতঃকালে শুচির্ভূত্বা পূজাযাং চ নিশামুখে ॥ ৯৭ ॥
প্রাতঃকালে শুচির্ভূত্বা পূজাযাং চ নিশামুখে ॥ ৯৭ ॥
পঠতাং নৈব দুষ্টেভ্যো ব্যাঘ্রসর্পাদিতো ভযম্ ।
নাগ্নিতো ন জলাদ্বাযোর্দেশে দেশান্তরেঽথবা ॥ ৯৮ ॥
নাগ্নিতো ন জলাদ্বাযোর্দেশে দেশান্তরেঽথবা ॥ ৯৮ ॥
নাঽকালে মরণং তেষাং নাঽপমৃত্যুভযং ভবেত্ ।
আযুর্বর্ষশতং সাগ্রং ভবন্তি চিরজীবিনঃ ॥ ৯৯ ॥
আযুর্বর্ষশতং সাগ্রং ভবন্তি চিরজীবিনঃ ॥ ৯৯ ॥
নাঽতঃ পরতরং স্তোত্রং শনিতুষ্টিকরং মহত্ ।
শান্তিকং শীঘ্রফলদং স্তোত্রমেতন্মযোদিতম্ ॥ ১০০ ॥
শান্তিকং শীঘ্রফলদং স্তোত্রমেতন্মযোদিতম্ ॥ ১০০ ॥
তস্মাত্সর্বপ্রযত্নেন যদীচ্ছেদাত্মনো হিতম্ ।
কথনীযং মহাদেবি নৈবাভক্তস্য কস্যচিত্ ॥ ১০১ ॥
কথনীযং মহাদেবি নৈবাভক্তস্য কস্যচিত্ ॥ ১০১ ॥
॥ ইতি মার্তণ্ডভৈরবতন্ত্রে মহাকাল শনি মৃত্যুঞ্জয স্তোত্রম্ সম্পূর্ণম্ ॥