सर्वसौभाग्यरूपा त्वं सर्वसम्पत्स्वरूपिणी ।
सर्वकल्याणरूपा त्वं महालक्ष्मि नमोऽस्तु ते ॥ १॥
सर्वकल्याणरूपा त्वं महालक्ष्मि नमोऽस्तु ते ॥ १॥
जनश्रीस्त्वं वनश्रीस्त्वं मङ्गलश्रीः स्वभावतः ।
ब्रह्मश्रीश्च मोक्षश्रीश्च महालक्ष्मि नमोऽस्तु ते ॥ २॥
ब्रह्मश्रीश्च मोक्षश्रीश्च महालक्ष्मि नमोऽस्तु ते ॥ २॥
शान्तिस्तुष्टिस्तथापुष्टिर्मेधा कीर्तिश्च सन्मतिः ।
दैवीसम्पत्स्वरूपा त्वं महालक्ष्मि नमोऽस्तु ते ॥ ३॥
दैवीसम्पत्स्वरूपा त्वं महालक्ष्मि नमोऽस्तु ते ॥ ३॥
मोक्षसाधनसम्पत्तिरायुरारोग्यसंसृतिः ।
सर्वैश्वर्यस्वरूपा त्वं महालक्ष्मि नमोऽस्तु ते ॥ ४॥
सर्वैश्वर्यस्वरूपा त्वं महालक्ष्मि नमोऽस्तु ते ॥ ४॥
भक्तियोगा ब्रह्मनिष्ठात्वमेवैकाखिलेश्वरी ।
तदैव ब्रह्मरूपा च महालक्ष्मि नमोऽस्तु ते ॥ ५॥
तदैव ब्रह्मरूपा च महालक्ष्मि नमोऽस्तु ते ॥ ५॥
सच्चिदानन्दरूपा त्वं जगन्माता जगत्पिता ।
विष्णुब्रह्ममहेशास्त्वं महालक्ष्मि नमोऽस्तु ते ॥ ६॥
विष्णुब्रह्ममहेशास्त्वं महालक्ष्मि नमोऽस्तु ते ॥ ६॥
यतो हि जायते विश्वं यतश्च परिपाल्यते ।
यस्मिन् संलीयते ह्यन्ते महालक्ष्मि नमोऽस्तु ते ॥ ७॥
यस्मिन् संलीयते ह्यन्ते महालक्ष्मि नमोऽस्तु ते ॥ ७॥
यच्च किञ्चित् सुष्ठुजातं यच्च किञ्चित् शुभं सुखम् ।
तदेवैकात्मरूपेण महालक्ष्मि नमोऽस्तु ते ॥ ८॥
तदेवैकात्मरूपेण महालक्ष्मि नमोऽस्तु ते ॥ ८॥
वेदस्मृतिः सदाचार आत्मतुष्टिर्गुरोः कृपा ।
सर्वोपास्यस्वरूपा त्वं महालक्ष्मि नमोऽस्तु ते ॥ ९॥
सर्वोपास्यस्वरूपा त्वं महालक्ष्मि नमोऽस्तु ते ॥ ९॥
वशमेवाद्वयं ब्रह्म नित्यानन्दैकमात्रतः ।
भेदबुद्धिमपास्यैवं महालक्ष्मि नमोऽस्तु ते ॥ १०॥
भेदबुद्धिमपास्यैवं महालक्ष्मि नमोऽस्तु ते ॥ १०॥
॥ इति श्री श्रीधरस्वामीविरचितं महालक्ष्मीस्तोत्रं सम्पूर्णम् ॥