What is Sri Narayana Ashtottara Shatanama Stotram?

A hundred and eight names of Narayana in twenty verses, and the form is a repetition rather than a list: the name Narayana itself opens all four quarters of every verse, so that each of the other names arrives already attached to it. To Narayana the ornament of the ornament of the gods, to Narayana the cause of all continuance, to Narayana the warder-off of the fear of becoming, to Narayana the source — salutation and salutation again. Among the names carried in that way are the crusher of the ten-necked one, the one borne by Vinata's son, and the wearer of the Kaustubha gem. The last verse promises that those who keep the hundred and eight soft names in mind reach Narayana with nothing standing between.

Which deity is Sri Narayana Ashtottara Shatanama Stotram dedicated to?

Sri Narayana Ashtottara Shatanama Stotram is a Sanskrit hymn dedicated to Lord Vishnu.

Sri Narayana Ashtottara Shatanama Stotram – Lyrics

नारायणाय सुरमण्डनमण्डनाय
नारायणाय सकलस्थितिकारणाय ।
नारायणाय भवभीतिनिवारणाय
नारायणाय प्रभवाय नमो नमस्ते ॥ १ ॥

नारायणाय शतचन्द्रनिभाननाय
नारायणाय मणिकुण्डलधारणाय ।
नारायणाय निजभक्तपरायणाय
नारायणाय सुभगाय नमो नमस्ते ॥ २ ॥

नारायणाय सुरलोकप्रपोषकाय
नारायणाय खलदुष्टविनाशकाय ।
नारायणाय दितिपुत्रविमर्दनाय
नारायणाय सुलभाय नमो नमस्ते ॥ ३ ॥

नारायणाय रविमण्डलसंस्थिताय
नारायणाय परमार्थप्रदर्शनाय ।
नारायणाय अतुलाय अतीन्द्रियाय
नारायणाय विरजाय नमो नमस्ते ॥ ४ ॥

नारायणाय रमणाय रमावराय
नारायणाय रसिकाय रसोत्सुकाय ।
नारायणाय रसवर्जितनिर्मलाय
नारायणाय वरदाय नमो नमस्ते ॥ ५ ॥

नारायणाय वरदाय सुरोत्तमाय
नारायणाय अखिलान्तरसंस्थिताय ।
नारायणाय भयशोकविवर्जिताय
नारायणाय प्रबलाय नमो नमस्ते ॥ ६ ॥

नारायणाय निगमाय निरञ्जनाय
नारायणाय च हराय नरोत्तमाय ।
नारायणाय कटिसूत्रविभूषणाय
नारायणाय हरये महते नमस्ते ॥ ७ ॥

नारायणाय कटकाङ्गदभूषणाय
नारायणाय मणिकौस्तुभशोभनाय ।
नारायणाय तुलमौक्तिकभूषणाय
नारायणाय च यमाय नमो नमस्ते ॥ ८ ॥

नारायणाय रविकोटिप्रतापनाय
नारायणाय शशिकोटिसुशीतलाय ।
नारायणाय यमकोटिदुरासदाय
नारायणाय करुणाय नमो नमस्ते ॥ ९ ॥

नारायणाय मुकुटोज्ज्वलसोज्ज्वलाय
नारायणाय मणिनूपुरभूषणाय ।
नारायणाय ज्वलिताग्निशिखप्रभाय
नारायणाय हरये गुरवे नमस्ते ॥ १० ॥

नारायणाय दशकण्ठविमर्दनाय
नारायणाय विनतात्मजवाहनाय ।
नारायणाय मणिकौस्तुभभूषणाय
नारायणाय परमाय नमो नमस्ते ॥ ११ ॥

नारायणाय विदुराय च माधवाय
नारायणाय कमठाय महीधराय ।
नारायणाय उरगाधिपमञ्चकाय
नारायणाय विरजायपतये नमस्ते ॥ १२ ॥

नारायणाय रविकोटिसमाम्बराय
नारायणाय च हराय मनोहराय ।
नारायणाय निजधर्मप्रतिष्ठिताय
नारायणाय च मखाय नमो नमस्ते ॥ १३ ॥

नारायणाय भवरोगरसायनाय
नारायणाय शिवचापप्रतोटनाय ।
नारायणाय निजवानरजीवनाय
नारायणाय सुभुजाय नमो नमस्ते ॥ १४ ॥

नारायणाय सुरथाय सुहृच्छिताय
नारायणाय कुशलाय धुरन्धराय ।
नारायणाय गजपाशविमोक्षणाय
नारायणाय जनकाय नमो नमस्ते ॥ १५ ॥

नारायणाय निजभृत्यप्रपोषकाय
नारायणाय शरणागतपञ्जराय ।
नारायणाय पुरुषाय पुरातनाय
नारायणाय सुपथाय नमो नमस्ते ॥ १६ ॥

नारायणाय मणिस्वासनसंस्थिताय
नारायणाय शतवीर्यशताननाय ।
नारायणाय पवनाय च केशवाय
नारायणाय रविभाय नमो नमस्ते ॥ १७ ॥

॥ विशेष स्तुति ॥

श्रियःपतिर्यज्ञपतिः प्रजापति-
-र्धियां पतिर्लोकपतिर्धरापतिः ।
पतिर्गतिश्चान्धकवृष्णिसात्त्वतां
प्रसीदतां मे भगवान् सताम्पतिः ॥ १८ ॥

त्रिभुवनैकमनं तमालवर्णं
रविकरगौरवराम्बरं दधाने ।
वपुरलककुलावृताननाब्जं
विजयसखे रतिरस्तु मेऽनवद्या ॥ १९ ॥

॥ फलश्रुति ॥

अष्टोत्तराधिकशतानि सुकोमलानि
नामानि ये सुकृतिनः सततं स्मरन्ति ।
तेऽनेकजन्मकृतपापचयाद्विमुक्ता
नारायणेऽव्यवहितां गतिमाप्नुवन्ति ॥ २० ॥

॥ इति श्री नारायणाष्टोत्तरशतनाम स्तोत्रम् सम्पूर्णम् ॥

More Vishnu Stotras

Explore More