श्रीदेव्युवाच-
भगवन्देवदेवेश भक्तानुग्रहकारक ।
श्रीमहाषोडशीदेव्याः कवचं वद मे प्रभो ॥ १॥
श्रीमहाषोडशीदेव्याः कवचं वद मे प्रभो ॥ १॥
श्रीभैरव उवाच-
अधुना देवि वक्ष्यामि महाश्रीषोडशीमयम् ।
परमार्थाभिधं वर्म श्रीविद्यासारमुत्तमम् ॥ २॥
परमार्थाभिधं वर्म श्रीविद्यासारमुत्तमम् ॥ २॥
॥ विनियोगः ॥
अस्य श्रीमहाषोडशीकवचस्य शिवऋषिः, पङ्क्तिछन्दः, श्रीमहाषोडशीदेवता । कएईल ह्रीं बीजं, हसकहल ह्रीं शक्तिः, सकल ह्रीं कीलकं, धर्मार्थकाममोक्षार्थे विनियोगः प्रकीर्तिताः ।
॥ अथ ध्यानम् ॥
सूर्यकोटिसहस्राभां सर्वाभरणभूषिताम् ।
पञ्चवक्त्रां चतुर्बाहुं शिवशक्त्यात्मकां भजे ॥ ३॥
पञ्चवक्त्रां चतुर्बाहुं शिवशक्त्यात्मकां भजे ॥ ३॥
शिरोऽव्यान्मे रमाबीजं वाग्बीजं लोचनेऽवतात् ।
पराबीजं श्रुती पायात् कामबीजं च नासिकाम् ॥ ४॥
पराबीजं श्रुती पायात् कामबीजं च नासिकाम् ॥ ४॥
कामराजस्तथोष्ठौ मे शक्तिः पायान्मुखं मम ।
वासव्यारदनान्पातु तारं जिह्वां ममावतु ॥ ५॥
वासव्यारदनान्पातु तारं जिह्वां ममावतु ॥ ५॥
शक्तिः कण्ठं तथा पातु रमा स्कन्धौ ममावतु ।
त्र्यक्षं भ्रुवौ सदा पतु धृतिः पतु करौ मम ॥ ६॥
त्र्यक्षं भ्रुवौ सदा पतु धृतिः पतु करौ मम ॥ ६॥
पराबीजं पातु वक्षो लक्ष्मी कुक्षिं ममावतु ।
शिवकूटोऽवतात्पृष्ठं ब्रह्मकूटं तु पार्श्वयोः ॥ ७॥
शिवकूटोऽवतात्पृष्ठं ब्रह्मकूटं तु पार्श्वयोः ॥ ७॥
शक्तिकूटोऽवतान्नाभिं कान्तिकूटो गुदं तथा ।
वायुकूटोऽवताद्धस्तौ शक्तिकूटस्तु जानुतः ॥ ८॥
वायुकूटोऽवताद्धस्तौ शक्तिकूटस्तु जानुतः ॥ ८॥
तारं जङ्घे सदा पातु पादौ शक्तिर्ममावतु ।
परा प्रभातकालेऽव्यात् वाङ्मध्याह्नेऽवताच्च माम् ॥ ९॥
परा प्रभातकालेऽव्यात् वाङ्मध्याह्नेऽवताच्च माम् ॥ ९॥
सा सायं पातु सर्वत्र मोहाऽव्यान्मां निशीथके ।
पूर्वादिदिक्षु तारोऽव्यात् वह्निवायोः परावतु ॥ १०॥
पूर्वादिदिक्षु तारोऽव्यात् वह्निवायोः परावतु ॥ १०॥
जलदुर्भिक्षदारिद्र्यात् शक्तिः पातु ममानिशम् ।
दारापुत्रधनाढ्येभ्यो गजाश्वगृहमण्डलात् ॥ ११॥
दारापुत्रधनाढ्येभ्यो गजाश्वगृहमण्डलात् ॥ ११॥
पातु मे कमलाबीजं कामः श्रीयोगिनीगणात् ।
वाग्भवं सर्वदा पातु श्रीविद्या सर्वतोऽवतु ॥ १२॥
वाग्भवं सर्वदा पातु श्रीविद्या सर्वतोऽवतु ॥ १२॥
॥ फलश्रुतिः ॥
इतीदं कवचं दिव्यं महाश्रीषोडशीमयम् ।
मूलमन्त्रमयं गोप्यं सर्वाशापरिपूरकम् ॥ १३॥
मूलमन्त्रमयं गोप्यं सर्वाशापरिपूरकम् ॥ १३॥
सर्वश्रेयस्करं नित्यं स्तुतं सिद्धिप्रदं कलौ ।
यः पठेत्साधको नित्यं धत्ते मौनव्रतं शिवे ॥ १४॥
यः पठेत्साधको नित्यं धत्ते मौनव्रतं शिवे ॥ १४॥
स एव शोडशीपुत्रः कामेश्वरसमप्रभुः ।
श्यामात्मको महाकालरूपो वैरिविमर्दनः ॥ १५॥
श्यामात्मको महाकालरूपो वैरिविमर्दनः ॥ १५॥
बहुपुत्रो रमानाथो मान्त्रिकोत्तमशेखरः ।
इत्येतत्कथितं वर्म महाश्रीशोडशीमयम् ॥ १६॥
इत्येतत्कथितं वर्म महाश्रीशोडशीमयम् ॥ १६॥
विनानेन न सिद्धिः स्यान्ममापि परमेश्वरि ।
गोप्यं गुह्यतमं वर्म मूलमन्त्रमयं परम् ॥ १७॥
गोप्यं गुह्यतमं वर्म मूलमन्त्रमयं परम् ॥ १७॥
परमार्थाभिधं वस्तु गोपयेत्स सदाशिवः ॥
॥ इति श्रीरुद्रयमले तन्त्रे महाषोडशी कवचं सम्पूर्णम् ॥