॥ ಶ್ರೀ ವಾರಾಹೀ ಧ್ಯಾನ ಶ್ಲೋಕಾಃ ॥
೧) ವಾರ್ತಾಲೀ (Vartali)
ರಕ್ತಾಮ್ಭೋರುಹಕರ್ಣಿಕೋಪರಿಗತೇ ಶಾವಾಸನೇ ಸಂಸ್ಥಿತಾಂ
ಮುಣ್ಡಸ್ರಕ್ಪರಿರಾಜಮಾನಹೃದಯಾಂ ನೀಲಾಶ್ಮಸದ್ರೋಚಿಷಮ್ ।
ಹಸ್ತಾಬ್ಜೈರ್ಮುಸಲಂ ಹಲಾಽಭಯವರಾನ್ ಸಮ್ಬಿಭ್ರತೀಂ ಸತ್ಕುಚಾಂ
ವಾರ್ತಾಲೀಮರುಣಾಮ್ಬರಾಂ ತ್ರಿನಯನಾಂ ವನ್ದೇ ವರಾಹಾನನಾಮ್ ॥
ವಾರ್ತಾಲೀ ವಾರಾಹೀ ದೇವ್ಯೈ ನಮಃ ।
ಮುಣ್ಡಸ್ರಕ್ಪರಿರಾಜಮಾನಹೃದಯಾಂ ನೀಲಾಶ್ಮಸದ್ರೋಚಿಷಮ್ ।
ಹಸ್ತಾಬ್ಜೈರ್ಮುಸಲಂ ಹಲಾಽಭಯವರಾನ್ ಸಮ್ಬಿಭ್ರತೀಂ ಸತ್ಕುಚಾಂ
ವಾರ್ತಾಲೀಮರುಣಾಮ್ಬರಾಂ ತ್ರಿನಯನಾಂ ವನ್ದೇ ವರಾಹಾನನಾಮ್ ॥
ವಾರ್ತಾಲೀ ವಾರಾಹೀ ದೇವ್ಯೈ ನಮಃ ।
೨) ಅಶ್ವಾರೂಢಾ (Ashvarudha)
ರಕ್ತಾಮಶ್ವಾಧಿರೂಢಾಂ ಶಶಿಧರಶಕಲಾಬದ್ಧಮೌಲಿಂ ತ್ರಿನೇತ್ರಾಂ
ಪಾಶೇನಾಬಧ್ಯ ಸಾಧ್ಯಾಂ ಸ್ಮರಶರವಿವಶಾಂ ದಕ್ಷಿಣೇನಾನಯನ್ತೀಮ್ ।
ಹಸ್ತೇನಾನ್ಯೇನ ವೇತ್ರಂ ವರಕನಕಮಯಂ ಧಾರಯನ್ತೀಂ ಮನೋಜ್ಞಾಂ
ದೇವೀಂ ಧ್ಯಾಯೇದಜಸ್ರಂ ಕುಚಭರನಮಿತಾಂ ದಿವ್ಯಹಾರಾಭಿರಾಮಾಮ್ ॥
ಅಶ್ವಾರೂಢಾ ವಾರಾಹೀ ದೇವ್ಯೈ ನಮಃ ।
ಪಾಶೇನಾಬಧ್ಯ ಸಾಧ್ಯಾಂ ಸ್ಮರಶರವಿವಶಾಂ ದಕ್ಷಿಣೇನಾನಯನ್ತೀಮ್ ।
ಹಸ್ತೇನಾನ್ಯೇನ ವೇತ್ರಂ ವರಕನಕಮಯಂ ಧಾರಯನ್ತೀಂ ಮನೋಜ್ಞಾಂ
ದೇವೀಂ ಧ್ಯಾಯೇದಜಸ್ರಂ ಕುಚಭರನಮಿತಾಂ ದಿವ್ಯಹಾರಾಭಿರಾಮಾಮ್ ॥
ಅಶ್ವಾರೂಢಾ ವಾರಾಹೀ ದೇವ್ಯೈ ನಮಃ ।
೩) ಧೂಮ್ರ ವಾರಾಹೀ (Dhumra Varahi)
ವಾರಾಹೀ ಧೂಮ್ರವರ್ಣಾ ಚ ಭಕ್ಷಯನ್ತೀ ರಿಪೂನ್ ಸದಾ ।
ಪಶುರೂಪಾನ್ ಮುನಿಸುರೈರ್ವನ್ದಿತಾಂ ಧೂಮ್ರರೂಪಿಣೀಮ್ ॥
ಧೂಮ್ರ ವಾರಾಹೀ ದೇವ್ಯೈ ನಮಃ ।
ಪಶುರೂಪಾನ್ ಮುನಿಸುರೈರ್ವನ್ದಿತಾಂ ಧೂಮ್ರರೂಪಿಣೀಮ್ ॥
ಧೂಮ್ರ ವಾರಾಹೀ ದೇವ್ಯೈ ನಮಃ ।
೪) ಅಸ್ತ್ರ ವಾರಾಹೀ (Astra Varahi)
ನಮಸ್ತೇ ಅಸ್ತ್ರವಾರಾಹಿ ವೈರಿಪ್ರಾಣಾಪಹಾರಿಣಿ ।
ಗೋಕಣ್ಠಮಿವ ಶಾರ್ದೂಲೋ ಗಜಕಣ್ಠಂ ಯಥಾ ಹರಿಃ ॥
ಶತ್ರುರೂಪಪಶೂನ್ ಹತ್ವಾ ಆಶು ಮಾಂಸಂ ಚ ಭಕ್ಷಯ ।
ವಾರಾಹಿ ತ್ವಾಂ ಸದಾ ವನ್ದೇ ವನ್ದ್ಯೇ ಚಾಸ್ತ್ರಸ್ವರೂಪಿಣೀ ॥
ಅಸ್ತ್ರ ವಾರಾಹೀ ದೇವ್ಯೈ ನಮಃ ।
ಗೋಕಣ್ಠಮಿವ ಶಾರ್ದೂಲೋ ಗಜಕಣ್ಠಂ ಯಥಾ ಹರಿಃ ॥
ಶತ್ರುರೂಪಪಶೂನ್ ಹತ್ವಾ ಆಶು ಮಾಂಸಂ ಚ ಭಕ್ಷಯ ।
ವಾರಾಹಿ ತ್ವಾಂ ಸದಾ ವನ್ದೇ ವನ್ದ್ಯೇ ಚಾಸ್ತ್ರಸ್ವರೂಪಿಣೀ ॥
ಅಸ್ತ್ರ ವಾರಾಹೀ ದೇವ್ಯೈ ನಮಃ ।
೫) ಸುಮುಖೀ ವಾರಾಹೀ (Sumukhi Varahi)
ಗುಞ್ಜಾನಿರ್ಮಿತಹಾರಭೂಷಿತಕುಚಾಂ ಸದ್ಯೌವನೋಲ್ಲಾಸಿನೀಂ
ಹಸ್ತಾಭ್ಯಾಂ ನೃಕಪಾಲಖಡ್ಗಲತಿಕೇ ರಮ್ಯೇ ಮುದಾ ಬಿಭ್ರತೀಮ್ ।
ರಕ್ತಾಲಙ್ಕೃತಿವಸ್ತ್ರಲೇಪನಲಸದ್ದೇಹಪ್ರಭಾಂ ಧ್ಯಾಯತಾಂ
ನೄಣಾಂ ಶ್ರೀಸುಮುಖೀಂ ಶವಾಸನಗತಾಂ ಸ್ಯುಃ ಸರ್ವದಾ ಸಮ್ಪದಃ ॥
ಸುಮುಖೀ ವಾರಾಹೀ ದೇವ್ಯೈ ನಮಃ ।
ಹಸ್ತಾಭ್ಯಾಂ ನೃಕಪಾಲಖಡ್ಗಲತಿಕೇ ರಮ್ಯೇ ಮುದಾ ಬಿಭ್ರತೀಮ್ ।
ರಕ್ತಾಲಙ್ಕೃತಿವಸ್ತ್ರಲೇಪನಲಸದ್ದೇಹಪ್ರಭಾಂ ಧ್ಯಾಯತಾಂ
ನೄಣಾಂ ಶ್ರೀಸುಮುಖೀಂ ಶವಾಸನಗತಾಂ ಸ್ಯುಃ ಸರ್ವದಾ ಸಮ್ಪದಃ ॥
ಸುಮುಖೀ ವಾರಾಹೀ ದೇವ್ಯೈ ನಮಃ ।
೬) ನಿಗ್ರಹ ವಾರಾಹೀ (Nigraha Varahi)
ವಿದ್ಯುದ್ರೋಚಿರ್ಹಸ್ತಪದ್ಮೈರ್ದಧಾನಾ
ಪಾಶಂ ಶಕ್ತಿಂ ಮುದ್ಗರಂ ಚಾಙ್ಕುಶಂ ಚ ।
ನೇತ್ರೋದ್ಭೂತೈರ್ವೀತಿಹೋತ್ರೈಸ್ತ್ರಿನೇತ್ರಾ
ವಾರಾಹೀ ನಃ ಶತ್ರುವರ್ಗಂ ಕ್ಷಿಣೋತು ॥
ನಿಗ್ರಹ ವಾರಾಹೀ ದೇವ್ಯೈ ನಮಃ ।
ಪಾಶಂ ಶಕ್ತಿಂ ಮುದ್ಗರಂ ಚಾಙ್ಕುಶಂ ಚ ।
ನೇತ್ರೋದ್ಭೂತೈರ್ವೀತಿಹೋತ್ರೈಸ್ತ್ರಿನೇತ್ರಾ
ವಾರಾಹೀ ನಃ ಶತ್ರುವರ್ಗಂ ಕ್ಷಿಣೋತು ॥
ನಿಗ್ರಹ ವಾರಾಹೀ ದೇವ್ಯೈ ನಮಃ ।
೭) ಸ್ವಪ್ನ ವಾರಾಹೀ (Swapna Varahi)
ಮೇಘಶ್ಯಾಮರುಚಿಂ ಮನೋಹರಕುಚಾಂ ನೇತ್ರತ್ರಯೋದ್ಭಾಸಿತಾಂ
ಕೋಲಾಸ್ಯಾಂ ಶಶಿಶೇಖರಾಮಚಲಯಾ ದಂಷ್ಟ್ರಾತಲೇ ಶೋಭಿನೀಮ್ ।
ಬಿಭ್ರಾಣಾಂ ಸ್ವಕರಾಮ್ಬುಜೈರಸಿಲತಾಂ ಚರ್ಮಾಸಿ ಪಾಶಂ ಸೃಣಿಂ
ವಾರಾಹೀಮನುಚಿನ್ತಯೇದ್ಧಯವರಾರೂಢಾಂ ಶುಭಾಲಙ್ಕೃತಿಮ್ ॥
ಸ್ವಪ್ನ ವಾರಾಹೀ ದೇವ್ಯೈ ನಮಃ ।
ಕೋಲಾಸ್ಯಾಂ ಶಶಿಶೇಖರಾಮಚಲಯಾ ದಂಷ್ಟ್ರಾತಲೇ ಶೋಭಿನೀಮ್ ।
ಬಿಭ್ರಾಣಾಂ ಸ್ವಕರಾಮ್ಬುಜೈರಸಿಲತಾಂ ಚರ್ಮಾಸಿ ಪಾಶಂ ಸೃಣಿಂ
ವಾರಾಹೀಮನುಚಿನ್ತಯೇದ್ಧಯವರಾರೂಢಾಂ ಶುಭಾಲಙ್ಕೃತಿಮ್ ॥
ಸ್ವಪ್ನ ವಾರಾಹೀ ದೇವ್ಯೈ ನಮಃ ।
೮) ವಶ್ಯ ವಾರಾಹೀ (Vashya Varahi)
ತಾರೇ ತಾರಿಣಿ ದೇವಿ ವಿಶ್ವಜನನೀ ಪ್ರೌಢಪ್ರತಾಪಾನ್ವಿತೇ
ತಾರೇ ದಿಕ್ಷು ವಿಪಕ್ಷಪಕ್ಷದಲಿನಿ ವಾಚಾಚಲಾ ವಾರುಣೀ ।
ಲಕ್ಷ್ಮೀಕಾರಿಣೀ ಕೀರ್ತಿಧಾರಿಣಿ ಮಹಾಸೌಭಾಗ್ಯಸನ್ಧಾಯಿನಿ
ರೂಪಂ ದೇಹಿ ಯಶಶ್ಚ ಸತತಂ ವಶ್ಯಂ ಜಗತ್ಯಾವೃತಮ್ ॥
ವಶ್ಯ ವಾರಾಹೀ ದೇವ್ಯೈ ನಮಃ ।
ತಾರೇ ದಿಕ್ಷು ವಿಪಕ್ಷಪಕ್ಷದಲಿನಿ ವಾಚಾಚಲಾ ವಾರುಣೀ ।
ಲಕ್ಷ್ಮೀಕಾರಿಣೀ ಕೀರ್ತಿಧಾರಿಣಿ ಮಹಾಸೌಭಾಗ್ಯಸನ್ಧಾಯಿನಿ
ರೂಪಂ ದೇಹಿ ಯಶಶ್ಚ ಸತತಂ ವಶ್ಯಂ ಜಗತ್ಯಾವೃತಮ್ ॥
ವಶ್ಯ ವಾರಾಹೀ ದೇವ್ಯೈ ನಮಃ ।
೯) ಕಿರಾತ ವಾರಾಹೀ (Kirata Varahi)
ಘೋಣೀ ಘರ್ಘರ ನಿಸ್ವನಾಞ್ಚಿತಮುಖಾಂ ಕೌಟಿಲ್ಯ ಚಿನ್ತಾಂ ಪರಾಂ
ಉಗ್ರಾಂ ಕಾಲಿಮಕಾಲಮೇಘಪಟಲಚ್ಛನ್ನೋರು ತೇಜಸ್ವಿನೀಮ್ ।
ಕ್ರೂರಾಂ ದೀರ್ಘವಿನೀಲ ರೋಮಪಟಲಾಮಶ್ರೂಯತಾಮೀಶ್ವರೀಂ
ಧ್ಯಾಯೇತ್ಕ್ರೋಡಮುಖೀಂ ತ್ರಿಲೋಕಜನನೀಮುಗ್ರಾಸಿ ದಣ್ಡಾನ್ವಿತಾ ॥
ಕಿರಾತ ವಾರಾಹೀ ದೇವ್ಯೈ ನಮಃ ।
ಉಗ್ರಾಂ ಕಾಲಿಮಕಾಲಮೇಘಪಟಲಚ್ಛನ್ನೋರು ತೇಜಸ್ವಿನೀಮ್ ।
ಕ್ರೂರಾಂ ದೀರ್ಘವಿನೀಲ ರೋಮಪಟಲಾಮಶ್ರೂಯತಾಮೀಶ್ವರೀಂ
ಧ್ಯಾಯೇತ್ಕ್ರೋಡಮುಖೀಂ ತ್ರಿಲೋಕಜನನೀಮುಗ್ರಾಸಿ ದಣ್ಡಾನ್ವಿತಾ ॥
ಕಿರಾತ ವಾರಾಹೀ ದೇವ್ಯೈ ನಮಃ ।
೧೦) ಲಘು ವಾರಾಹೀ (Laghu Varahi)
ಮಹಾರ್ಣವೇ ನಿಪತಿತಾಂ ಉದ್ಧರನ್ತೀಂ ವಸುನ್ಧರಾಮ್ ।
ಮಹಾದಂಷ್ಟ್ರಾಂ ಮಹಾಕಾಯಾಂ ನಮಾಮ್ಯುನ್ಮತ್ತಭೈರವೀಮ್ ॥
ಮುಸಲಾಸಿಲಸದ್ಘಣ್ಟಾಹಲೋದ್ಯತ್ಕರ ಪಙ್ಕಜಾಮ್ ।
ಗದಾವರದಸಮ್ಯುಕ್ತಾಂ ವಾರಾಹೀಂ ನೀರದಪ್ರಭಾಮ್ ॥
ಲಘು ವಾರಾಹೀ ದೇವತಾಯೈ ನಮಃ ।
ಮಹಾದಂಷ್ಟ್ರಾಂ ಮಹಾಕಾಯಾಂ ನಮಾಮ್ಯುನ್ಮತ್ತಭೈರವೀಮ್ ॥
ಮುಸಲಾಸಿಲಸದ್ಘಣ್ಟಾಹಲೋದ್ಯತ್ಕರ ಪಙ್ಕಜಾಮ್ ।
ಗದಾವರದಸಮ್ಯುಕ್ತಾಂ ವಾರಾಹೀಂ ನೀರದಪ್ರಭಾಮ್ ॥
ಲಘು ವಾರಾಹೀ ದೇವತಾಯೈ ನಮಃ ।
೧೧) ಬೃಹದ್ವಾರಾಹೀ (Brihat Varahi)
ರಕ್ತಾಮ್ಬುಜೇ ಪ್ರೇತವರಾಸನಸ್ಥಾಮರ್ಥೋರುಕಾಮಾರ್ಭಟಿಕಾಸನಸ್ಥಾಮ್ ।
ದಂಷ್ಟ್ರೋಲ್ಲಸತ್ಪೋತ್ರಿಮುಖಾರವಿನ್ದಾಂ ಕೋಟೀರಸಞ್ಚ್ಛಿನ್ನ ಹಿಮಾಂಶುರೇಖಾಮ್ ।
ಹಲಂ ಕಪಾಲಂ ದಧತೀಂ ಕರಾಭ್ಯಾಂ ವಾಮೇತರಾಭ್ಯಾಂ ಮುಸಲೇಷ್ಟದೌ ಚ ।
ರಕ್ತಾಮ್ಬರಾಂ ರಕ್ತಪಟೋತ್ತರೀಯಾಂ ಪ್ರವಾಲಕರ್ಣಾಭರಣಾಂ ತ್ರಿನೇತ್ರಾಮ್ ।
ಶ್ಯಾಮಾಂ ಸಮಸ್ತಾಭರಣಂ ಸೃಗಾಢ್ಯಾಂ ವಾರಾಹಿ ಸಞ್ಜ್ಞಾಂ ಪ್ರಣಮಾಮಿ ನಿತ್ಯಮ್ ॥
ಬೃಹದ್ವಾರಾಹೀ ದೇವತಾಯೈ ನಮಃ ।
ದಂಷ್ಟ್ರೋಲ್ಲಸತ್ಪೋತ್ರಿಮುಖಾರವಿನ್ದಾಂ ಕೋಟೀರಸಞ್ಚ್ಛಿನ್ನ ಹಿಮಾಂಶುರೇಖಾಮ್ ।
ಹಲಂ ಕಪಾಲಂ ದಧತೀಂ ಕರಾಭ್ಯಾಂ ವಾಮೇತರಾಭ್ಯಾಂ ಮುಸಲೇಷ್ಟದೌ ಚ ।
ರಕ್ತಾಮ್ಬರಾಂ ರಕ್ತಪಟೋತ್ತರೀಯಾಂ ಪ್ರವಾಲಕರ್ಣಾಭರಣಾಂ ತ್ರಿನೇತ್ರಾಮ್ ।
ಶ್ಯಾಮಾಂ ಸಮಸ್ತಾಭರಣಂ ಸೃಗಾಢ್ಯಾಂ ವಾರಾಹಿ ಸಞ್ಜ್ಞಾಂ ಪ್ರಣಮಾಮಿ ನಿತ್ಯಮ್ ॥
ಬೃಹದ್ವಾರಾಹೀ ದೇವತಾಯೈ ನಮಃ ।
೧೨) ಮಹಾವಾರಾಹೀ (Maha Varahi)
ಪ್ರತ್ಯಗ್ರಾರುಣಸಙ್ಕಾಶಪದ್ಮಾನ್ತರ್ಗರ್ಭಸಂಸ್ಥಿತಾಮ್ ।
ಇನ್ದ್ರನೀಲಮಹಾತೇಜಃ ಪ್ರಕಾಶಾಂ ವಿಶ್ವಮಾತರಮ್ ॥
ಕದಮ್ಬಮುಣ್ಡಮಾಲಾಢ್ಯಾಂ ನವರತ್ನವಿಭೂಷಿತಾಮ್ ।
ಅನರ್ಘ್ಯರತ್ನಘಟಿತಮುಕುಟಶ್ರೀವಿರಾಜಿತಾಮ್ ॥
ಕೌಶೇಯಾರ್ಧೋರುಕಾಂ ಚಾರುಪ್ರವಾಲಮಣಿಭೂಷಣಾಮ್ ।
ದಣ್ಡೇನ ಮುಸಲೇನಾಪಿ ವರದೇನಾಽಭಯೇನ ಚ ॥
ವಿರಾಜಿತಚತುರ್ಬಾಹುಂ ಕಪಿಲಾಕ್ಷೀಂ ಸುಮಧ್ಯಮಾಮ್ ।
ನಿತಮ್ಬಿನೀಮುತ್ಪಲಾಭಾಂ ಕಠೋರಘನಸತ್ಕುಚಾಮ್ ॥
ಮಹಾವಾರಾಹೀ ದೇವತಾಯೈ ನಮಃ ।
ಇನ್ದ್ರನೀಲಮಹಾತೇಜಃ ಪ್ರಕಾಶಾಂ ವಿಶ್ವಮಾತರಮ್ ॥
ಕದಮ್ಬಮುಣ್ಡಮಾಲಾಢ್ಯಾಂ ನವರತ್ನವಿಭೂಷಿತಾಮ್ ।
ಅನರ್ಘ್ಯರತ್ನಘಟಿತಮುಕುಟಶ್ರೀವಿರಾಜಿತಾಮ್ ॥
ಕೌಶೇಯಾರ್ಧೋರುಕಾಂ ಚಾರುಪ್ರವಾಲಮಣಿಭೂಷಣಾಮ್ ।
ದಣ್ಡೇನ ಮುಸಲೇನಾಪಿ ವರದೇನಾಽಭಯೇನ ಚ ॥
ವಿರಾಜಿತಚತುರ್ಬಾಹುಂ ಕಪಿಲಾಕ್ಷೀಂ ಸುಮಧ್ಯಮಾಮ್ ।
ನಿತಮ್ಬಿನೀಮುತ್ಪಲಾಭಾಂ ಕಠೋರಘನಸತ್ಕುಚಾಮ್ ॥
ಮಹಾವಾರಾಹೀ ದೇವತಾಯೈ ನಮಃ ।