॥ श्री वासुदेव द्वादशार्णव स्तुतिः ॥
ओमिति ज्ञानवस्त्रेण रागनिर्णेजनीकृतः ।
कर्मनिद्रां प्रपन्नोऽस्मि त्राहि मां मधुसूदन ॥ १ ॥
कर्मनिद्रां प्रपन्नोऽस्मि त्राहि मां मधुसूदन ॥ १ ॥
न गतिर्विद्यते चान्या त्वमेव शरणं मम ।
मायापङ्केनलिप्तोऽस्मि त्राहि मां मधुसूदन ॥ २ ॥
मायापङ्केनलिप्तोऽस्मि त्राहि मां मधुसूदन ॥ २ ॥
मोहितो मोहजालेन पुत्रदारगृहादिषु ।
तृष्णया पीड्यमानोऽस्मि त्राहि मां मधुसूदन ॥ ३ ॥
तृष्णया पीड्यमानोऽस्मि त्राहि मां मधुसूदन ॥ ३ ॥
भक्तिहीनं तु दीनं च दुःखशोकसमन्वितौ ।
अनाश्रयमनाथं च त्राहि मां मधुसूदन ॥ ४ ॥
अनाश्रयमनाथं च त्राहि मां मधुसूदन ॥ ४ ॥
गतागतपरिश्रान्तो दूरमध्वनि कर्मणाम् ।
संसारभयभीतोऽस्मि त्राहि मां मधुसूदन ॥ ५ ॥
संसारभयभीतोऽस्मि त्राहि मां मधुसूदन ॥ ५ ॥
वसितो मातृगर्भेषु पीडितोऽहं जनार्दन ।
गर्भवासक्षयकर त्राहि मां मधुसूदन ॥ ६ ॥
गर्भवासक्षयकर त्राहि मां मधुसूदन ॥ ६ ॥
तेन देव प्रपन्नोऽस्मि सत्वाश्रयपरायण ।
जरामरणभीतोऽस्मि त्राहि मां मधुसूदन ॥ ७ ॥
जरामरणभीतोऽस्मि त्राहि मां मधुसूदन ॥ ७ ॥
वाचा तूपकृतं पापं कर्मणा यदुपार्जितम् ।
मया देव दुराचारं त्राहि मां मधुसूदन ॥ ८ ॥
मया देव दुराचारं त्राहि मां मधुसूदन ॥ ८ ॥
सुकृतं न कृतं किञ्चित् दुष्कृतं तु सदा कृतम् ।
तेनाहं परितप्तोऽस्मि त्राहि मां मधुसूदन ॥ ९ ॥
तेनाहं परितप्तोऽस्मि त्राहि मां मधुसूदन ॥ ९ ॥
देहान्तरसहस्रेषु कुयोनिः सेविता मया ।
तिर्यक्त्वं मानुषत्वं च त्राहि मां मधुसूदन ॥ १० ॥
तिर्यक्त्वं मानुषत्वं च त्राहि मां मधुसूदन ॥ १० ॥
वासुदेव हृषीकेश वैकुण्ठ पुरुषोतम ।
सृष्टिसंहारकरण त्राहि मां मधुसूदन ॥ ११ ॥
सृष्टिसंहारकरण त्राहि मां मधुसूदन ॥ ११ ॥
यत्राहमागमिष्यामि नारी वा पुरुषोऽपि वा ।
तत्र तत्र च ते भक्तिः त्राहि मां मधुसूदन ॥ १२ ॥
तत्र तत्र च ते भक्तिः त्राहि मां मधुसूदन ॥ १२ ॥
॥ फलश्रुति ॥
द्वादशार्णवस्तुतिमिमां यः पठेच्छृणुयादपि ।
स याति परमं स्थानं यत्र योगेश्वरो हरिः ॥ १३ ॥
स याति परमं स्थानं यत्र योगेश्वरो हरिः ॥ १३ ॥
॥ इति श्रीवेदव्यास कृत द्वादशार्णव स्तुतिः सम्पूर्णम् ॥