ଶ୍ରୀଶୁକ ଉଵାଚ
କ୍ରୀଡାସକ୍ତେଷୁ ଗୋପେଷୁ ତଦ୍ଗାଵୋ ଦୂରଚାରିଣୀଃ ।
ସ୍ଵୈରଂ ଚରନ୍ତ୍ଯୋ ଵିଵିଶୁସ୍ତୃଣଲୋଭେନ ଗହ୍ଵରମ୍ ॥ ୧ ॥
କ୍ରୀଡାସକ୍ତେଷୁ ଗୋପେଷୁ ତଦ୍ଗାଵୋ ଦୂରଚାରିଣୀଃ ।
ସ୍ଵୈରଂ ଚରନ୍ତ୍ଯୋ ଵିଵିଶୁସ୍ତୃଣଲୋଭେନ ଗହ୍ଵରମ୍ ॥ ୧ ॥
ଅଜା ଗାଵୋ ମହିଷ୍ଯଶ୍ଚ ନିର୍ଵିଶନ୍ତ୍ଯୋ ଵନାଦ୍ ଵନମ୍ ।
ଈଷୀକାଟଵୀଂ ନିର୍ଵିଵିଶୁଃ କ୍ରନ୍ଦନ୍ତ୍ଯୋ ଦାଵତର୍ଷିତାଃ ॥ ୨ ॥
ଈଷୀକାଟଵୀଂ ନିର୍ଵିଵିଶୁଃ କ୍ରନ୍ଦନ୍ତ୍ଯୋ ଦାଵତର୍ଷିତାଃ ॥ ୨ ॥
ତେଽପଶ୍ଯନ୍ତଃ ପଶୂନ୍ ଗୋପାଃ କୃଷ୍ଣରାମାଦଯସ୍ତଦା ।
ଜାତାନୁତାପା ନ ଵିଦୁର୍ଵିଚିନ୍ଵନ୍ତୋ ଗଵାଂ ଗତିମ୍ ॥ ୩ ॥
ଜାତାନୁତାପା ନ ଵିଦୁର୍ଵିଚିନ୍ଵନ୍ତୋ ଗଵାଂ ଗତିମ୍ ॥ ୩ ॥
ତୃଣୈସ୍ତତ୍ଖୁରଦଚ୍ଛିନ୍ନୈର୍ଗୋଷ୍ପଦୈରଙ୍କିତୈର୍ଗଵାମ୍ ।
ମାର୍ଗମନ୍ଵଗମନ୍ ସର୍ଵେ ନଷ୍ଟାଜୀଵ୍ଯା ଵିଚେତସଃ ॥ ୪ ॥
ମାର୍ଗମନ୍ଵଗମନ୍ ସର୍ଵେ ନଷ୍ଟାଜୀଵ୍ଯା ଵିଚେତସଃ ॥ ୪ ॥
ମୁଞ୍ଜାଟଵ୍ଯାଂ ଭ୍ରଷ୍ଟମାର୍ଗଂ କ୍ରନ୍ଦମାନଂ ସ୍ଵଗୋଧନମ୍ ।
ସମ୍ପ୍ରାପ୍ଯ ତୃଷିତାଃ ଶ୍ରାନ୍ତାସ୍ତତସ୍ତେ ସନ୍ନ୍ଯଵର୍ତଯନ୍ ॥ ୫ ॥
ସମ୍ପ୍ରାପ୍ଯ ତୃଷିତାଃ ଶ୍ରାନ୍ତାସ୍ତତସ୍ତେ ସନ୍ନ୍ଯଵର୍ତଯନ୍ ॥ ୫ ॥
ତା ଆହୂତା ଭଗଵତା ମେଘଗମ୍ଭୀରଯା ଗିରା ।
ସ୍ଵନାମ୍ନାଂ ନିନଦଂ ଶ୍ରୁତ୍ଵା ପ୍ରତିନେଦୁଃ ପ୍ରହର୍ଷିତାଃ ॥ ୬ ॥
ସ୍ଵନାମ୍ନାଂ ନିନଦଂ ଶ୍ରୁତ୍ଵା ପ୍ରତିନେଦୁଃ ପ୍ରହର୍ଷିତାଃ ॥ ୬ ॥
ତତଃ ସମନ୍ତାଦ୍ଦେଵଧୂମକେତୁ-
ର୍ଯଦୃଚ୍ଛଯାଭୂତ୍ କ୍ଷଯକୃଦ୍ ଵନୌକସାମ୍ ।
ସମୀରିତଃ ସାରଥିନୋଲ୍ବଣୋଲ୍ମୁକୈ-
ର୍ଵିଲେଲିହାନଃ ସ୍ଥିରଜଙ୍ଗମାନ୍ ମହାନ୍ ॥ ୭ ॥
ର୍ଯଦୃଚ୍ଛଯାଭୂତ୍ କ୍ଷଯକୃଦ୍ ଵନୌକସାମ୍ ।
ସମୀରିତଃ ସାରଥିନୋଲ୍ବଣୋଲ୍ମୁକୈ-
ର୍ଵିଲେଲିହାନଃ ସ୍ଥିରଜଙ୍ଗମାନ୍ ମହାନ୍ ॥ ୭ ॥
ତମାପତନ୍ତଂ ପରିତୋ ଦଵାଗ୍ନିଂ
ଗୋପାଶ୍ଚ ଗାଵଃ ପ୍ରସମୀକ୍ଷ୍ଯ ଭୀତାଃ ।
ଊଚୁଶ୍ଚ କୃଷ୍ଣଂ ସବଲଂ ପ୍ରପନ୍ନା
ଯଥା ହରିଂ ମୃତ୍ଯୁଭଯାର୍ଦିତା ଜନାଃ ॥ ୮ ॥
ଗୋପାଶ୍ଚ ଗାଵଃ ପ୍ରସମୀକ୍ଷ୍ଯ ଭୀତାଃ ।
ଊଚୁଶ୍ଚ କୃଷ୍ଣଂ ସବଲଂ ପ୍ରପନ୍ନା
ଯଥା ହରିଂ ମୃତ୍ଯୁଭଯାର୍ଦିତା ଜନାଃ ॥ ୮ ॥
କୃଷ୍ଣ କୃଷ୍ଣ ମହାଵୀର ହେ ରାମାମୋଘଵିକ୍ରମ ।
ଦାଵାଗ୍ନିନା ଦହ୍ଯମାନାନ୍ ପ୍ରପନ୍ନାଂସ୍ତ୍ରାତୁମର୍ହଥଃ ॥ ୯ ॥
ଦାଵାଗ୍ନିନା ଦହ୍ଯମାନାନ୍ ପ୍ରପନ୍ନାଂସ୍ତ୍ରାତୁମର୍ହଥଃ ॥ ୯ ॥
ନୂନଂ ତ୍ଵଦ୍ବାନ୍ଧଵାଃ କୃଷ୍ଣ ନ ଚାର୍ହନ୍ତ୍ଯଵସାଦିତୁମ୍ ।
ଵଯଂ ହି ସର୍ଵଧର୍ମଜ୍ଞ ତ୍ଵନ୍ନାଥାସ୍ତ୍ଵତ୍ପରାଯଣାଃ ॥ ୧୦ ॥
ଵଯଂ ହି ସର୍ଵଧର୍ମଜ୍ଞ ତ୍ଵନ୍ନାଥାସ୍ତ୍ଵତ୍ପରାଯଣାଃ ॥ ୧୦ ॥
ଶ୍ରୀଶୁକ ଉଵାଚ
ଵଚୋ ନିଶମ୍ଯ କୃପଣଂ ବନ୍ଧୂନାଂ ଭଗଵାନ୍ ହରିଃ ।
ନିମୀଲଯତ ମା ଭୈଷ୍ଟ ଲୋଚନାନୀତ୍ଯଭାଷତ ॥ ୧୧ ॥
ଵଚୋ ନିଶମ୍ଯ କୃପଣଂ ବନ୍ଧୂନାଂ ଭଗଵାନ୍ ହରିଃ ।
ନିମୀଲଯତ ମା ଭୈଷ୍ଟ ଲୋଚନାନୀତ୍ଯଭାଷତ ॥ ୧୧ ॥
ତଥେତି ମୀଲିତାକ୍ଷେଷୁ ଭଗଵାନଗ୍ନିମୁଲ୍ବଣମ୍ ।
ପୀତ୍ଵା ମୁଖେନ ତାନ୍କୃଚ୍ଛ୍ରାଦ୍ ଯୋଗାଧୀଶୋ ଵ୍ଯମୋଚଯତ୍ ॥ ୧୨ ॥
ପୀତ୍ଵା ମୁଖେନ ତାନ୍କୃଚ୍ଛ୍ରାଦ୍ ଯୋଗାଧୀଶୋ ଵ୍ଯମୋଚଯତ୍ ॥ ୧୨ ॥
ତତଶ୍ଚ ତେଽକ୍ଷୀଣ୍ଯୁନ୍ମୀଲ୍ଯ ପୁନର୍ଭାଣ୍ଡୀରମାପିତାଃ ।
ନିଶମ୍ଯ ଵିସ୍ମିତା ଆସନ୍ନାତ୍ମାନଂ ଗାଶ୍ଚ ମୋଚିତାଃ ॥ ୧୩ ॥
ନିଶମ୍ଯ ଵିସ୍ମିତା ଆସନ୍ନାତ୍ମାନଂ ଗାଶ୍ଚ ମୋଚିତାଃ ॥ ୧୩ ॥
କୃଷ୍ଣସ୍ଯ ଯୋଗଵୀର୍ଯଂ ତଦ୍ ଯୋଗମାଯାନୁଭାଵିତମ୍ ।
ଦାଵାଗ୍ନେରାତ୍ମନଃ କ୍ଷେମଂ ଵୀକ୍ଷ୍ଯ ତେ ମେନିରେଽମରମ୍ ॥ ୧୪ ॥
ଦାଵାଗ୍ନେରାତ୍ମନଃ କ୍ଷେମଂ ଵୀକ୍ଷ୍ଯ ତେ ମେନିରେଽମରମ୍ ॥ ୧୪ ॥
ଗାଃ ସନ୍ନିଵର୍ତ୍ଯ ସାଯାହ୍ନେ ସହରାମୋ ଜନାର୍ଦନଃ ।
ଵେଣୁଂ ଵିରଣଯନ୍ ଗୋଷ୍ଠମଗାଦ୍ ଗୋପୈରଭିଷ୍ଟୁତଃ ॥ ୧୫ ॥
ଵେଣୁଂ ଵିରଣଯନ୍ ଗୋଷ୍ଠମଗାଦ୍ ଗୋପୈରଭିଷ୍ଟୁତଃ ॥ ୧୫ ॥
ଗୋପୀନାଂ ପରମାନନ୍ଦ ଆସୀଦ୍ ଗୋଵିନ୍ଦଦର୍ଶନେ ।
କ୍ଷଣଂ ଯୁଗଶତମିଵ ଯାସାଂ ଯେନ ଵିନାଭଵତ୍ ॥ ୧୬ ॥
କ୍ଷଣଂ ଯୁଗଶତମିଵ ଯାସାଂ ଯେନ ଵିନାଭଵତ୍ ॥ ୧୬ ॥