శ్రీశుక ఉవాచ
క్రీడాసక్తేషు గోపేషు తద్గావో దూరచారిణీః ।
స్వైరం చరన్త్యో వివిశుస్తృణలోభేన గహ్వరమ్ ॥ ౧ ॥
క్రీడాసక్తేషు గోపేషు తద్గావో దూరచారిణీః ।
స్వైరం చరన్త్యో వివిశుస్తృణలోభేన గహ్వరమ్ ॥ ౧ ॥
అజా గావో మహిష్యశ్చ నిర్విశన్త్యో వనాద్ వనమ్ ।
ఈషీకాటవీం నిర్వివిశుః క్రన్దన్త్యో దావతర్షితాః ॥ ౨ ॥
ఈషీకాటవీం నిర్వివిశుః క్రన్దన్త్యో దావతర్షితాః ॥ ౨ ॥
తేఽపశ్యన్తః పశూన్ గోపాః కృష్ణరామాదయస్తదా ।
జాతానుతాపా న విదుర్విచిన్వన్తో గవాం గతిమ్ ॥ ౩ ॥
జాతానుతాపా న విదుర్విచిన్వన్తో గవాం గతిమ్ ॥ ౩ ॥
తృణైస్తత్ఖురదచ్ఛిన్నైర్గోష్పదైరఙ్కితైర్గవామ్ ।
మార్గమన్వగమన్ సర్వే నష్టాజీవ్యా విచేతసః ॥ ౪ ॥
మార్గమన్వగమన్ సర్వే నష్టాజీవ్యా విచేతసః ॥ ౪ ॥
ముఞ్జాటవ్యాం భ్రష్టమార్గం క్రన్దమానం స్వగోధనమ్ ।
సమ్ప్రాప్య తృషితాః శ్రాన్తాస్తతస్తే సన్న్యవర్తయన్ ॥ ౫ ॥
సమ్ప్రాప్య తృషితాః శ్రాన్తాస్తతస్తే సన్న్యవర్తయన్ ॥ ౫ ॥
తా ఆహూతా భగవతా మేఘగమ్భీరయా గిరా ।
స్వనామ్నాం నినదం శ్రుత్వా ప్రతినేదుః ప్రహర్షితాః ॥ ౬ ॥
స్వనామ్నాం నినదం శ్రుత్వా ప్రతినేదుః ప్రహర్షితాః ॥ ౬ ॥
తతః సమన్తాద్దేవధూమకేతు-
ర్యదృచ్ఛయాభూత్ క్షయకృద్ వనౌకసామ్ ।
సమీరితః సారథినోల్బణోల్ముకై-
ర్విలేలిహానః స్థిరజఙ్గమాన్ మహాన్ ॥ ౭ ॥
ర్యదృచ్ఛయాభూత్ క్షయకృద్ వనౌకసామ్ ।
సమీరితః సారథినోల్బణోల్ముకై-
ర్విలేలిహానః స్థిరజఙ్గమాన్ మహాన్ ॥ ౭ ॥
తమాపతన్తం పరితో దవాగ్నిం
గోపాశ్చ గావః ప్రసమీక్ష్య భీతాః ।
ఊచుశ్చ కృష్ణం సబలం ప్రపన్నా
యథా హరిం మృత్యుభయార్దితా జనాః ॥ ౮ ॥
గోపాశ్చ గావః ప్రసమీక్ష్య భీతాః ।
ఊచుశ్చ కృష్ణం సబలం ప్రపన్నా
యథా హరిం మృత్యుభయార్దితా జనాః ॥ ౮ ॥
కృష్ణ కృష్ణ మహావీర హే రామామోఘవిక్రమ ।
దావాగ్నినా దహ్యమానాన్ ప్రపన్నాంస్త్రాతుమర్హథః ॥ ౯ ॥
దావాగ్నినా దహ్యమానాన్ ప్రపన్నాంస్త్రాతుమర్హథః ॥ ౯ ॥
నూనం త్వద్బాన్ధవాః కృష్ణ న చార్హన్త్యవసాదితుమ్ ।
వయం హి సర్వధర్మజ్ఞ త్వన్నాథాస్త్వత్పరాయణాః ॥ ౧౦ ॥
వయం హి సర్వధర్మజ్ఞ త్వన్నాథాస్త్వత్పరాయణాః ॥ ౧౦ ॥
శ్రీశుక ఉవాచ
వచో నిశమ్య కృపణం బన్ధూనాం భగవాన్ హరిః ।
నిమీలయత మా భైష్ట లోచనానీత్యభాషత ॥ ౧౧ ॥
వచో నిశమ్య కృపణం బన్ధూనాం భగవాన్ హరిః ।
నిమీలయత మా భైష్ట లోచనానీత్యభాషత ॥ ౧౧ ॥
తథేతి మీలితాక్షేషు భగవానగ్నిముల్బణమ్ ।
పీత్వా ముఖేన తాన్కృచ్ఛ్రాద్ యోగాధీశో వ్యమోచయత్ ॥ ౧౨ ॥
పీత్వా ముఖేన తాన్కృచ్ఛ్రాద్ యోగాధీశో వ్యమోచయత్ ॥ ౧౨ ॥
తతశ్చ తేఽక్షీణ్యున్మీల్య పునర్భాణ్డీరమాపితాః ।
నిశమ్య విస్మితా ఆసన్నాత్మానం గాశ్చ మోచితాః ॥ ౧౩ ॥
నిశమ్య విస్మితా ఆసన్నాత్మానం గాశ్చ మోచితాః ॥ ౧౩ ॥
కృష్ణస్య యోగవీర్యం తద్ యోగమాయానుభావితమ్ ।
దావాగ్నేరాత్మనః క్షేమం వీక్ష్య తే మేనిరేఽమరమ్ ॥ ౧౪ ॥
దావాగ్నేరాత్మనః క్షేమం వీక్ష్య తే మేనిరేఽమరమ్ ॥ ౧౪ ॥
గాః సన్నివర్త్య సాయాహ్నే సహరామో జనార్దనః ।
వేణుం విరణయన్ గోష్ఠమగాద్ గోపైరభిష్టుతః ॥ ౧౫ ॥
వేణుం విరణయన్ గోష్ఠమగాద్ గోపైరభిష్టుతః ॥ ౧౫ ॥
గోపీనాం పరమానన్ద ఆసీద్ గోవిన్దదర్శనే ।
క్షణం యుగశతమివ యాసాం యేన వినాభవత్ ॥ ౧౬ ॥
క్షణం యుగశతమివ యాసాం యేన వినాభవత్ ॥ ౧౬ ॥