শ্রী বাদরাযণিরুবাচ
অথ তর্হ্যাগতো গোষ্ঠমরিষ্টো বৃষভাসুরঃ ।
মহীংমহাককুত্কাযঃ কম্পযন্খুরবিক্ষতাম্ ॥ ১ ॥
অথ তর্হ্যাগতো গোষ্ঠমরিষ্টো বৃষভাসুরঃ ।
মহীংমহাককুত্কাযঃ কম্পযন্খুরবিক্ষতাম্ ॥ ১ ॥
রম্ভমাণঃ খরতরং পদা চ বিলিখন্ মহীম্ ।
উদ্যম্য পুচ্ছং বপ্রাণি বিষাণাগ্রেণ চোদ্ধরন্ ।
কিঞ্চিত্কিঞ্চিচ্ছকৃন্ মুঞ্চন্মূত্রযন্স্তব্ধলোচনঃ ॥ ২ ॥
উদ্যম্য পুচ্ছং বপ্রাণি বিষাণাগ্রেণ চোদ্ধরন্ ।
কিঞ্চিত্কিঞ্চিচ্ছকৃন্ মুঞ্চন্মূত্রযন্স্তব্ধলোচনঃ ॥ ২ ॥
যস্য নির্হ্রাদিতেনাঙ্গ নিষ্ঠুরেণ গবাং নৃণাম্ ।
পতন্ত্যকালতো গর্ভাঃ স্রবন্তি স্ম ভযেন বৈ ॥ ৩ ॥
পতন্ত্যকালতো গর্ভাঃ স্রবন্তি স্ম ভযেন বৈ ॥ ৩ ॥
নির্বিশন্তি ঘনা যস্য ককুদ্যচলশঙ্কযা ।
তং তীক্ষ্ণশৃঙ্গমুদ্বীক্ষ্য গোপ্যো গোপাশ্চ তত্রসুঃ ॥ ৪ ॥
তং তীক্ষ্ণশৃঙ্গমুদ্বীক্ষ্য গোপ্যো গোপাশ্চ তত্রসুঃ ॥ ৪ ॥
পশবো দুদ্রুবুর্ভীতা রাজন্সন্ত্যজ্য গোকুলম্ ।
কৃষ্ণ কৃষ্ণেতি তে সর্বে গোবিন্দং শরণং যযুঃ ॥ ৫ ॥
কৃষ্ণ কৃষ্ণেতি তে সর্বে গোবিন্দং শরণং যযুঃ ॥ ৫ ॥
ভগবানপি তদ্ বীক্ষ্য গোকুলং ভযবিদ্রুতম্ ।
মা ভৈষ্টেতি গিরাশ্বাস্য বৃষাসুরমুপাহ্বযত্ ॥ ৬ ॥
মা ভৈষ্টেতি গিরাশ্বাস্য বৃষাসুরমুপাহ্বযত্ ॥ ৬ ॥
গোপালৈঃ পশুভির্মন্দ ত্রাসিতৈঃ কিমসত্তম ।
মযি শাস্তরি দুষ্টানাং ত্বদ্বিধানাং দুরাত্মনাম্ ॥ ৭ ॥
মযি শাস্তরি দুষ্টানাং ত্বদ্বিধানাং দুরাত্মনাম্ ॥ ৭ ॥
ইত্যাস্ফোত্যাচ্যুতোঽরিষ্টং তলশব্দেন কোপযন্ ।
সখ্যুরংসে ভুজাভোগং প্রসার্যাবস্থিতো হরিঃ ॥ ৮ ॥
সখ্যুরংসে ভুজাভোগং প্রসার্যাবস্থিতো হরিঃ ॥ ৮ ॥
সোঽপ্যেবং কোপিতোঽরিষ্টঃ খুরেণাবনিমুল্লিখন্ ।
উদ্যত্পুচ্ছভ্রমন্মেঘঃ ক্রুদ্ধঃ কৃষ্ণমুপাদ্রবত্ ॥ ৯ ॥
উদ্যত্পুচ্ছভ্রমন্মেঘঃ ক্রুদ্ধঃ কৃষ্ণমুপাদ্রবত্ ॥ ৯ ॥
অগ্রন্যস্তবিষাণাগ্রঃ স্তব্ধাসৃগ্লোচনোঽচ্যুতম্ ।
কটাক্ষিপ্যাদ্রবত্তূর্ণমিন্দ্রমুক্তোঽশনির্যথা ॥ ১০ ॥
কটাক্ষিপ্যাদ্রবত্তূর্ণমিন্দ্রমুক্তোঽশনির্যথা ॥ ১০ ॥
গৃহীত্বা শৃঙ্গযোস্তং বা অষ্টাদশ পদানি সঃ ।
প্রত্যপোবাহ ভগবান্ গজঃ প্রতিগজং যথা ॥ ১১ ॥
প্রত্যপোবাহ ভগবান্ গজঃ প্রতিগজং যথা ॥ ১১ ॥
সোঽপবিদ্ধো ভগবতা পুনরুত্থায সত্বরম্ ।
আপতত্ স্বিন্নসর্বাঙ্গো নিঃশ্বসন্ক্রোধমূর্চ্ছিতঃ ॥ ১২ ॥
আপতত্ স্বিন্নসর্বাঙ্গো নিঃশ্বসন্ক্রোধমূর্চ্ছিতঃ ॥ ১২ ॥
তমাপতন্তং স নিগৃহ্য শৃঙ্গযোঃ
পদা সমাক্রম্য নিপাত্য ভূতলে ।
নিষ্পীডযামাস যথার্দ্রমম্বরং
কৃত্বা বিষাণেন জঘান সোঽপতত্ ॥ ১৩ ॥
পদা সমাক্রম্য নিপাত্য ভূতলে ।
নিষ্পীডযামাস যথার্দ্রমম্বরং
কৃত্বা বিষাণেন জঘান সোঽপতত্ ॥ ১৩ ॥
অসৃগ্ বমন্ মূত্রশকৃত্ সমুত্সৃজন্
ক্ষিপংশ্চ পাদাননবস্থিতেক্ষণঃ ।
জগাম কৃচ্ছ্রং নিঋর্তেরথ ক্ষযং
পুষ্পৈঃ কিরন্তো হরিমীডিরে সুরাঃ ॥ ১৪ ॥
ক্ষিপংশ্চ পাদাননবস্থিতেক্ষণঃ ।
জগাম কৃচ্ছ্রং নিঋর্তেরথ ক্ষযং
পুষ্পৈঃ কিরন্তো হরিমীডিরে সুরাঃ ॥ ১৪ ॥
এবং কুকুদ্মিনং হত্বা স্তূযমানঃ দ্বিজাতিভিঃ ।
বিবেশ গোষ্ঠং সবলো গোপীনাং নযনোত্সবঃ ॥ ১৫ ॥
বিবেশ গোষ্ঠং সবলো গোপীনাং নযনোত্সবঃ ॥ ১৫ ॥
অরিষ্টে নিহতে দৈত্যে কৃষ্ণেনাদ্ভুতকর্মণা ।
কংসাযাথাহ ভগবান্ নারদো দেবদর্শনঃ ॥ ১৬ ॥
কংসাযাথাহ ভগবান্ নারদো দেবদর্শনঃ ॥ ১৬ ॥
যশোদাযাঃ সুতাং কন্যাং দেবক্যাঃ কৃষ্ণমেব চ ।
রামং চ রোহিণীপুত্রং বসুদেবেন বিভ্যতা ।
ন্যস্তৌ স্বমিত্রে নন্দে বৈ যাভ্যাং তে পুরুষা হতাঃ ॥ ১৭ ॥
রামং চ রোহিণীপুত্রং বসুদেবেন বিভ্যতা ।
ন্যস্তৌ স্বমিত্রে নন্দে বৈ যাভ্যাং তে পুরুষা হতাঃ ॥ ১৭ ॥
নিশম্য তদ্ভোজপতিঃ কোপাত্প্রচলিতেন্দ্রিযঃ ।
নিশাতমসিমাদত্ত বসুদেবজিঘাংসযা ॥ ১৮ ॥
নিশাতমসিমাদত্ত বসুদেবজিঘাংসযা ॥ ১৮ ॥
নিবারিতো নারদেন তত্সুতৌ মৃত্যুমাত্মনঃ ।
জ্ঞাত্বা লোহমযৈঃ পাশৈর্ববন্ধ সহ ভার্যযা ॥ ১৯ ॥
জ্ঞাত্বা লোহমযৈঃ পাশৈর্ববন্ধ সহ ভার্যযা ॥ ১৯ ॥
প্রতিযাতে তু দেবর্ষৌ কংস আভাষ্য কেশিনম্ ।
প্রেষযামাস হন্যেতাং ভবতা রামকেশবৌ ॥ ২০ ॥
প্রেষযামাস হন্যেতাং ভবতা রামকেশবৌ ॥ ২০ ॥
ততো মুষ্টিকচাণূরশলতোশলকাদিকান্ ।
অমাত্যান্ হস্তিপাংশ্চৈব সমাহূযাহ ভোজরাট্ ॥ ২১ ॥
অমাত্যান্ হস্তিপাংশ্চৈব সমাহূযাহ ভোজরাট্ ॥ ২১ ॥
ভো ভো নিশম্যতামেতদ্ বীরচাণূরমুষ্টিকৌ ।
নন্দব্রজে কিলাসাতে সুতাবানকদুন্দুভেঃ ॥ ২২ ॥
নন্দব্রজে কিলাসাতে সুতাবানকদুন্দুভেঃ ॥ ২২ ॥
রামকৃষ্ণৌ ততো মহ্যং মৃত্যুঃ কিল নিদর্শিতঃ ।
ভবদ্ভ্যামিহ সম্প্রাপ্তৌ হন্যেতাং মল্ললীলযা ॥ ২৩ ॥
ভবদ্ভ্যামিহ সম্প্রাপ্তৌ হন্যেতাং মল্ললীলযা ॥ ২৩ ॥
মঞ্চাঃ ক্রিযন্তাং বিবিধা মল্লরঙ্গপরিশ্রিতাঃ ।
পৌরা জানপদাঃ সর্বে পশ্যন্তু স্বৈরসংযুগম্ ॥ ২৪ ॥
পৌরা জানপদাঃ সর্বে পশ্যন্তু স্বৈরসংযুগম্ ॥ ২৪ ॥
মহামাত্র ত্বযা ভদ্র রঙ্গদ্বার্যুপনীযতাম্ ।
দ্বিপঃ কুবলযাপীডো জহি তেন মমাহিতৌ ॥ ২৫ ॥
দ্বিপঃ কুবলযাপীডো জহি তেন মমাহিতৌ ॥ ২৫ ॥
আরভ্যতাং ধনুর্যাগশ্চতুর্দশ্যাং যথাবিধি ।
বিশসন্তু পশূন্মেধ্যান্ ভূতরাজায মীঢুষে ॥ ২৬ ॥
বিশসন্তু পশূন্মেধ্যান্ ভূতরাজায মীঢুষে ॥ ২৬ ॥
ইত্যাজ্ঞাপ্যার্থতন্ত্রজ্ঞ আহূয যদুপুঙ্গবম্ ।
গৃহীত্বা পাণিনা পাণিং ততোঽক্রূরমুবাচ হ ॥ ২৭ ॥
গৃহীত্বা পাণিনা পাণিং ততোঽক্রূরমুবাচ হ ॥ ২৭ ॥
ভো ভো দানপতে মহ্যং ক্রিযতাং মৈত্রমাদৃতঃ ।
নান্যস্ত্বত্তো হিততমো বিদ্যতে ভোজবৃষ্ণিষু ॥ ২৮ ॥
নান্যস্ত্বত্তো হিততমো বিদ্যতে ভোজবৃষ্ণিষু ॥ ২৮ ॥
অতস্ত্বামাশ্রিতঃ সৌম্য কার্যগৌরবসাধনম্ ।
যথেন্দ্রো বিষ্ণুমাশ্রিত্য স্বার্থমধ্যগমদ্ বিভুঃ ॥ ২৯ ॥
যথেন্দ্রো বিষ্ণুমাশ্রিত্য স্বার্থমধ্যগমদ্ বিভুঃ ॥ ২৯ ॥
গচ্ছ নন্দব্রজং তত্র সুতাবানকদুন্দুভেঃ ।
আসাতে তাবিহানেন রথেনানয মা চিরম্ ॥ ৩০ ॥
আসাতে তাবিহানেন রথেনানয মা চিরম্ ॥ ৩০ ॥
নিসৃষ্টঃ কিল মে মৃত্যুর্দেবৈর্বৈকুণ্ঠসংশ্রযৈঃ ।
তাবানয সমং গোপৈর্নন্দাদ্যৈঃ সাভ্যুপাযনৈঃ ॥ ৩১ ॥
তাবানয সমং গোপৈর্নন্দাদ্যৈঃ সাভ্যুপাযনৈঃ ॥ ৩১ ॥
ঘাতযিষ্য ইহানীতৌ কালকল্পেন হস্তিনা ।
যদি মুক্তৌ ততো মল্লৈর্ঘাতযে বৈদ্যুতোপমৈঃ ॥ ৩২ ॥
যদি মুক্তৌ ততো মল্লৈর্ঘাতযে বৈদ্যুতোপমৈঃ ॥ ৩২ ॥
তযোর্নিহতযোস্তপ্তান্ বসুদেবপুরোগমান্ ।
তদ্বন্ধূন্ নিহনিষ্যামি বৃষ্ণিভোজদশার্হকান্ ॥ ৩৩ ॥
তদ্বন্ধূন্ নিহনিষ্যামি বৃষ্ণিভোজদশার্হকান্ ॥ ৩৩ ॥
উগ্রসেনং চ পিতরং স্থবিরং রাজ্যকামুকং ।
তদ্ভ্রাতরং দেবকং চ যে চান্যে বিদ্বিষো মম ॥ ৩৪ ॥
তদ্ভ্রাতরং দেবকং চ যে চান্যে বিদ্বিষো মম ॥ ৩৪ ॥
ততশ্চৈষা মহী মিত্র ভবিত্রী নষ্টকণ্টকা ॥ ৩৫ ॥
জরাসন্ধো মম গুরুর্দ্বিবিদো দযিতঃ সখা ।
শম্বরো নরকো বাণো ময্যেব কৃতসৌহৃদাঃ ।
তৈরহং সুরপক্ষীযান্ হত্বা ভোক্ষ্যে মহীং নৃপান্ ॥ ৩৬ ॥
শম্বরো নরকো বাণো ময্যেব কৃতসৌহৃদাঃ ।
তৈরহং সুরপক্ষীযান্ হত্বা ভোক্ষ্যে মহীং নৃপান্ ॥ ৩৬ ॥
এতজ্জ্ঞাত্বানয ক্ষিপ্রং রামকৃষ্ণাবিহার্ভকৌ ।
ধনুর্মখনিরীক্ষার্থং দ্রষ্টুং যদুপুরশ্রিযম্ ॥ ৩৭ ॥
ধনুর্মখনিরীক্ষার্থং দ্রষ্টুং যদুপুরশ্রিযম্ ॥ ৩৭ ॥
শ্রীঅক্রূর উবাচ
রাজন্ মনীষিতং সধ্র্যক্ তব স্বাবদ্যমার্জনম্ ।
সিদ্ধ্যসিদ্ধ্যোঃ সমং কুর্যাদ্দৈবং হি ফলসাধনম্ ॥ ৩৮ ॥
রাজন্ মনীষিতং সধ্র্যক্ তব স্বাবদ্যমার্জনম্ ।
সিদ্ধ্যসিদ্ধ্যোঃ সমং কুর্যাদ্দৈবং হি ফলসাধনম্ ॥ ৩৮ ॥
মনোরথান্ করোত্যুচ্চৈর্জনো দৈবহতানপি ।
যুজ্যতে হর্ষশোকাভ্যাং তথাপ্যাজ্ঞাং করোমি তে ॥ ৩৯ ॥
যুজ্যতে হর্ষশোকাভ্যাং তথাপ্যাজ্ঞাং করোমি তে ॥ ৩৯ ॥
শ্রীশুক উবাচ
এবমাদিশ্য চাক্রূরং মন্ত্রিণশ্চ বিসৃজ্য সঃ ।
প্রবিবেশ গৃহং কংসস্তথাক্রূরঃ স্বমালযম্ ॥ ৪০ ॥
এবমাদিশ্য চাক্রূরং মন্ত্রিণশ্চ বিসৃজ্য সঃ ।
প্রবিবেশ গৃহং কংসস্তথাক্রূরঃ স্বমালযম্ ॥ ৪০ ॥