ଶ୍ରୀଭଗଵାନୁଵାଚ
ମଲ୍ଲକ୍ଷଣମିମଂ କାଯଂ ଲବ୍ଧ୍ଵା ମଦ୍ଧର୍ମ ଆସ୍ଥିତଃ ।
ଆନନ୍ଦଂ ପରମାତ୍ମାନମାତ୍ମସ୍ଥଂ ସମୁପୈତି ମାମ୍ ॥ ୧ ॥
ମଲ୍ଲକ୍ଷଣମିମଂ କାଯଂ ଲବ୍ଧ୍ଵା ମଦ୍ଧର୍ମ ଆସ୍ଥିତଃ ।
ଆନନ୍ଦଂ ପରମାତ୍ମାନମାତ୍ମସ୍ଥଂ ସମୁପୈତି ମାମ୍ ॥ ୧ ॥
ଗୁଣମଯ୍ଯା ଜୀଵଯୋନ୍ଯା ଵିମୁକ୍ତୋ ଜ୍ଞାନନିଷ୍ଠଯା ।
ଗୁଣେଷୁ ମାଯାମାତ୍ରେଷୁ ଦୃଶ୍ଯମାନେଷ୍ଵଵସ୍ତୁତଃ ।
ଵର୍ତମାନୋଽପି ନ ପୁମାନ୍ ଯୁଜ୍ଯତେଽଵସ୍ତୁଭିର୍ଗୁଣୈଃ ॥ ୨ ॥
ଗୁଣେଷୁ ମାଯାମାତ୍ରେଷୁ ଦୃଶ୍ଯମାନେଷ୍ଵଵସ୍ତୁତଃ ।
ଵର୍ତମାନୋଽପି ନ ପୁମାନ୍ ଯୁଜ୍ଯତେଽଵସ୍ତୁଭିର୍ଗୁଣୈଃ ॥ ୨ ॥
ସଙ୍ଗଂ ନ କୁର୍ଯାଦସତାଂ ଶିଶ୍ନୋଦରତୃପାଂ କ୍ଵଚିତ୍ ।
ତସ୍ଯାନୁଗସ୍ତମସ୍ଯନ୍ଧେ ପତତ୍ଯନ୍ଧାନୁଗାନ୍ଧଵତ୍ ॥ ୩ ॥
ତସ୍ଯାନୁଗସ୍ତମସ୍ଯନ୍ଧେ ପତତ୍ଯନ୍ଧାନୁଗାନ୍ଧଵତ୍ ॥ ୩ ॥
ଐଲଃ ସମ୍ରାଡିମାଂ ଗାଥାମଗାଯତ ବୃହଚ୍ଛ୍ରଵାଃ ।
ଉର୍ଵଶୀଵିରହାନ୍ ମୁହ୍ଯନ୍ ନିର୍ଵିଣ୍ଣଃ ଶୋକସଂଯମେ ॥ ୪ ॥
ଉର୍ଵଶୀଵିରହାନ୍ ମୁହ୍ଯନ୍ ନିର୍ଵିଣ୍ଣଃ ଶୋକସଂଯମେ ॥ ୪ ॥
ତ୍ଯକ୍ତ୍ଵାତ୍ମାନଂ ଵ୍ରଜନ୍ତୀଂ ତାଂ ନଗ୍ନ ଉନ୍ମତ୍ତଵନ୍ନୃପଃ ।
ଵିଲପନ୍ନନ୍ଵଗାଜ୍ଜାଯେ ଘୋରେ ତିଷ୍ଠେତି ଵିକ୍ଲଵଃ ॥ ୫ ॥
ଵିଲପନ୍ନନ୍ଵଗାଜ୍ଜାଯେ ଘୋରେ ତିଷ୍ଠେତି ଵିକ୍ଲଵଃ ॥ ୫ ॥
କାମାନତୃପ୍ତୋଽନୁଜୁଷନ୍ କ୍ଷୁଲ୍ଲକାନ୍ ଵର୍ଷଯାମିନୀଃ ।
ନ ଵେଦ ଯାନ୍ତୀର୍ନାଯାନ୍ତୀରୁର୍ଵଶ୍ଯାକୃଷ୍ଟଚେତନଃ ॥ ୬ ॥
ନ ଵେଦ ଯାନ୍ତୀର୍ନାଯାନ୍ତୀରୁର୍ଵଶ୍ଯାକୃଷ୍ଟଚେତନଃ ॥ ୬ ॥
ଐଲ ଉଵାଚ
ଅହୋ ମେ ମୋହଵିସ୍ତାରଃ କାମକଶ୍ମଲଚେତସଃ ।
ଦେଵ୍ଯା ଗୃହୀତକଣ୍ଠସ୍ଯ ନାଯୁଃଖଣ୍ଡା ଇମେ ସ୍ମୃତାଃ ॥ ୭ ॥
ଅହୋ ମେ ମୋହଵିସ୍ତାରଃ କାମକଶ୍ମଲଚେତସଃ ।
ଦେଵ୍ଯା ଗୃହୀତକଣ୍ଠସ୍ଯ ନାଯୁଃଖଣ୍ଡା ଇମେ ସ୍ମୃତାଃ ॥ ୭ ॥
ନାହଂ ଵେଦାଭିନିର୍ମୁକ୍ତଃ ସୂର୍ଯୋ ଵାଭ୍ଯୁଦିତୋଽମୁଯା ।
ମୂଷିତୋ ଵର୍ଷପୂଗାନାଂ ବତାହାନି ଗତାନ୍ଯୁତ ॥ ୮ ॥
ମୂଷିତୋ ଵର୍ଷପୂଗାନାଂ ବତାହାନି ଗତାନ୍ଯୁତ ॥ ୮ ॥
ଅହୋ ମେ ଆତ୍ମସମ୍ମୋହୋ ଯେନାତ୍ମା ଯୋଷିତାଂ କୃତଃ ।
କ୍ରୀଡାମୃଗଶ୍ଚକ୍ରଵର୍ତୀ ନରଦେଵଶିଖାମଣିଃ ॥ ୯ ॥
କ୍ରୀଡାମୃଗଶ୍ଚକ୍ରଵର୍ତୀ ନରଦେଵଶିଖାମଣିଃ ॥ ୯ ॥
ସପରିଚ୍ଛଦମାତ୍ମାନଂ ହିତ୍ଵା ତୃଣମିଵେଶ୍ଵରମ୍ ।
ଯାନ୍ତୀଂ ସ୍ତ୍ରିଯଂ ଚାନ୍ଵଗମଂ ନଗ୍ନ ଉନ୍ମତ୍ତଵଦ୍ ରୁଦନ୍ ॥ ୧୦ ॥
ଯାନ୍ତୀଂ ସ୍ତ୍ରିଯଂ ଚାନ୍ଵଗମଂ ନଗ୍ନ ଉନ୍ମତ୍ତଵଦ୍ ରୁଦନ୍ ॥ ୧୦ ॥
କୁତସ୍ତସ୍ଯାନୁଭାଵଃ ସ୍ଯାତ୍ ତେଜ ଈଶତ୍ଵମେଵ ଵା ।
ଯୋଽନ୍ଵଗଚ୍ଛଂସ୍ତ୍ରିଯଂ ଯାନ୍ତୀଂ ଖରଵତ୍ ପାଦତାଡିତଃ ॥ ୧୧ ॥
ଯୋଽନ୍ଵଗଚ୍ଛଂସ୍ତ୍ରିଯଂ ଯାନ୍ତୀଂ ଖରଵତ୍ ପାଦତାଡିତଃ ॥ ୧୧ ॥
କିଂ ଵିଦ୍ଯଯା କିଂ ତପସା କିଂ ତ୍ଯାଗେନ ଶ୍ରୁତେନ ଵା ।
କିଂ ଵିଵିକ୍ତେନ ମୌନେନ ସ୍ତ୍ରୀଭିର୍ଯସ୍ଯ ମନୋ ହୃତମ୍ ॥ ୧୨ ॥
କିଂ ଵିଵିକ୍ତେନ ମୌନେନ ସ୍ତ୍ରୀଭିର୍ଯସ୍ଯ ମନୋ ହୃତମ୍ ॥ ୧୨ ॥
ସ୍ଵାର୍ଥସ୍ଯାକୋଵିଦଂ ଧିଙ୍ ମାଂ ମୂର୍ଖଂ ପଣ୍ଡିତମାନିନମ୍ ।
ଯୋଽହମୀଶ୍ଵରତାଂ ପ୍ରାପ୍ଯ ସ୍ତ୍ରୀଭିର୍ଗୋଖରଵଜ୍ଜିତଃ ॥ ୧୩ ॥
ଯୋଽହମୀଶ୍ଵରତାଂ ପ୍ରାପ୍ଯ ସ୍ତ୍ରୀଭିର୍ଗୋଖରଵଜ୍ଜିତଃ ॥ ୧୩ ॥
ସେଵତୋ ଵର୍ଷପୂଗାନ୍ ମେ ଉର୍ଵଶ୍ଯା ଅଧରାସଵମ୍ ।
ନ ତୃପ୍ଯତ୍ଯାତ୍ମଭୂଃ କାମୋ ଵହ୍ନିରାହୁତିଭିର୍ଯଥା ॥ ୧୪ ॥
ନ ତୃପ୍ଯତ୍ଯାତ୍ମଭୂଃ କାମୋ ଵହ୍ନିରାହୁତିଭିର୍ଯଥା ॥ ୧୪ ॥
ପୁଂଶ୍ଚଲ୍ଯାପହୃତଂ ଚିତ୍ତଂ କୋ ନ୍ଵନ୍ଯୋ ମୋଚିତୁଂ ପ୍ରଭୁଃ ।
ଆତ୍ମାରାମେଶ୍ଵରମୃତେ ଭଗଵନ୍ତମଧୋକ୍ଷଜମ୍ ॥ ୧୫ ॥
ଆତ୍ମାରାମେଶ୍ଵରମୃତେ ଭଗଵନ୍ତମଧୋକ୍ଷଜମ୍ ॥ ୧୫ ॥
ବୋଧିତସ୍ଯାପି ଦେଵ୍ଯା ମେ ସୂକ୍ତଵାକ୍ଯେନ ଦୁର୍ମତେଃ ।
ମନୋଗତୋ ମହାମୋହୋ ନାପଯାତ୍ଯଜିତାତ୍ମନଃ ॥ ୧୬ ॥
ମନୋଗତୋ ମହାମୋହୋ ନାପଯାତ୍ଯଜିତାତ୍ମନଃ ॥ ୧୬ ॥
କିମେତଯା ନୋଽପକୃତଂ ରଜ୍ଜ୍ଵା ଵା ସର୍ପଚେତସଃ ।
ଦ୍ରଷ୍ଟୁଃ ସ୍ଵରୂପାଵିଦୁଷୋ ଯୋଽହଂ ଯଦଜିତେନ୍ଦ୍ରିଯଃ ॥ ୧୭ ॥
ଦ୍ରଷ୍ଟୁଃ ସ୍ଵରୂପାଵିଦୁଷୋ ଯୋଽହଂ ଯଦଜିତେନ୍ଦ୍ରିଯଃ ॥ ୧୭ ॥
କ୍ଵାଯଂ ମଲୀମସଃ କାଯୋ ଦୌର୍ଗନ୍ଧ୍ଯାଦ୍ଯାତ୍ମକୋଽଶୁଚିଃ ।
କ୍ଵ ଗୁଣାଃ ସୌମନସ୍ଯାଦ୍ଯା ହ୍ଯଧ୍ଯାସୋଽଵିଦ୍ଯଯା କୃତଃ ॥ ୧୮ ॥
କ୍ଵ ଗୁଣାଃ ସୌମନସ୍ଯାଦ୍ଯା ହ୍ଯଧ୍ଯାସୋଽଵିଦ୍ଯଯା କୃତଃ ॥ ୧୮ ॥
ପିତ୍ରୋଃ କିଂ ସ୍ଵଂ ନୁ ଭାର୍ଯାଯାଃ ସ୍ଵାମିନୋଽଗ୍ନେଃ ଶ୍ଵଗୃଧ୍ରଯୋଃ ।
କିମାତ୍ମନଃ କିଂ ସୁହୃଦାମିତି ଯୋ ନାଵସୀଯତେ ॥ ୧୯ ॥
କିମାତ୍ମନଃ କିଂ ସୁହୃଦାମିତି ଯୋ ନାଵସୀଯତେ ॥ ୧୯ ॥
ତସ୍ମିନ୍ କଲେଵରେଽମେଧ୍ଯେ ତୁଚ୍ଛନିଷ୍ଠେ ଵିଷଜ୍ଜତେ ।
ଅହୋ ସୁଭଦ୍ରଂ ସୁନସଂ ସୁସ୍ମିତଂ ଚ ମୁଖଂ ସ୍ତ୍ରିଯଃ ॥ ୨୦ ॥
ଅହୋ ସୁଭଦ୍ରଂ ସୁନସଂ ସୁସ୍ମିତଂ ଚ ମୁଖଂ ସ୍ତ୍ରିଯଃ ॥ ୨୦ ॥
ତ୍ଵଙ୍ମାଂସରୁଧିରସ୍ନାଯୁମେଦୋମଜ୍ଜାସ୍ଥିସଂହତୌ ।
ଵିଣ୍ମୂତ୍ରପୂଯେ ରମତାଂ କୃମୀଣାଂ କିଯଦନ୍ତରମ୍ ॥ ୨୧ ॥
ଵିଣ୍ମୂତ୍ରପୂଯେ ରମତାଂ କୃମୀଣାଂ କିଯଦନ୍ତରମ୍ ॥ ୨୧ ॥
ଅଥାପି ନୋପସଜ୍ଜେତ ସ୍ତ୍ରୀଷୁ ସ୍ତ୍ରୈଣେଷୁ ଚାର୍ଥଵିତ୍ ।
ଵିଷଯେନ୍ଦ୍ରିଯସଂଯୋଗାନ୍ମନଃ କ୍ଷୁଭ୍ଯତି ନାନ୍ଯଥା ॥ ୨୨ ॥
ଵିଷଯେନ୍ଦ୍ରିଯସଂଯୋଗାନ୍ମନଃ କ୍ଷୁଭ୍ଯତି ନାନ୍ଯଥା ॥ ୨୨ ॥
ଅଦୃଷ୍ଟାଦଶ୍ରୁତାଦ୍ ଭାଵାନ୍ନ ଭାଵ ଉପଜାଯତେ ।
ଅସମ୍ପ୍ରଯୁଞ୍ଜତଃ ପ୍ରାଣାନ୍ ଶାମ୍ଯତି ସ୍ତିମିତଂ ମନଃ ॥ ୨୩ ॥
ଅସମ୍ପ୍ରଯୁଞ୍ଜତଃ ପ୍ରାଣାନ୍ ଶାମ୍ଯତି ସ୍ତିମିତଂ ମନଃ ॥ ୨୩ ॥
ତସ୍ମାତ୍ ସଙ୍ଗୋ ନ କର୍ତଵ୍ଯଃ ସ୍ତ୍ରୀଷୁ ସ୍ତ୍ରୈଣେଷୁ ଚେନ୍ଦ୍ରିଯୈଃ ।
ଵିଦୁଷାଂ ଚାପ୍ଯଵିସ୍ରବ୍ଧଃ ଷଡ୍ଵର୍ଗଃ କିମୁ ମାଦୃଶାମ୍ ॥ ୨୪ ॥
ଵିଦୁଷାଂ ଚାପ୍ଯଵିସ୍ରବ୍ଧଃ ଷଡ୍ଵର୍ଗଃ କିମୁ ମାଦୃଶାମ୍ ॥ ୨୪ ॥
ଶ୍ରୀଭଗଵାନୁଵାଚ
ଏଵଂ ପ୍ରଗାଯନ୍ ନୃପଦେଵଦେଵଃ
ସ ଉର୍ଵଶୀଲୋକମଥୋ ଵିହାଯ ।
ଆତ୍ମାନମାତ୍ମନ୍ଯଵଗମ୍ଯ ମାଂ ଵୈ
ଉପାରମଜ୍ଜ୍ଞାନଵିଧୂତମୋହଃ ॥ ୨୫ ॥
ଏଵଂ ପ୍ରଗାଯନ୍ ନୃପଦେଵଦେଵଃ
ସ ଉର୍ଵଶୀଲୋକମଥୋ ଵିହାଯ ।
ଆତ୍ମାନମାତ୍ମନ୍ଯଵଗମ୍ଯ ମାଂ ଵୈ
ଉପାରମଜ୍ଜ୍ଞାନଵିଧୂତମୋହଃ ॥ ୨୫ ॥
ତତୋ ଦୁଃସଙ୍ଗମୁତ୍ସୃଜ୍ଯ ସତ୍ସୁ ସଜ୍ଜେତ ବୁଦ୍ଧିମାନ୍ ।
ସନ୍ତ ଏଵାସ୍ଯ ଛିନ୍ଦନ୍ତି ମନୋଵ୍ଯାସଙ୍ଗମୁକ୍ତିଭିଃ ॥ ୨୬ ॥
ସନ୍ତ ଏଵାସ୍ଯ ଛିନ୍ଦନ୍ତି ମନୋଵ୍ଯାସଙ୍ଗମୁକ୍ତିଭିଃ ॥ ୨୬ ॥
ସନ୍ତୋଽନପେକ୍ଷା ମଚ୍ଚିତ୍ତାଃ ପ୍ରଶାନ୍ତାଃ ସମଦର୍ଶିନଃ ।
ନିର୍ମମା ନିରହଙ୍କାରା ନିର୍ଦ୍ଵନ୍ଦ୍ଵା ନିଷ୍ପରିଗ୍ରହାଃ ॥ ୨୭ ॥
ନିର୍ମମା ନିରହଙ୍କାରା ନିର୍ଦ୍ଵନ୍ଦ୍ଵା ନିଷ୍ପରିଗ୍ରହାଃ ॥ ୨୭ ॥
ତେଷୁ ନିତ୍ଯଂ ମହାଭାଗ ମହାଭାଗେଷୁ ମତ୍କଥାଃ ।
ସମ୍ଭଵନ୍ତି ହି ତା ନୃଣାଂ ଜୁଷତାଂ ପ୍ରପୁନନ୍ତ୍ଯଘମ୍ ॥ ୨୮ ॥
ସମ୍ଭଵନ୍ତି ହି ତା ନୃଣାଂ ଜୁଷତାଂ ପ୍ରପୁନନ୍ତ୍ଯଘମ୍ ॥ ୨୮ ॥
ତା ଯେ ଶୃଣ୍ଵନ୍ତି ଗାଯନ୍ତି ହ୍ଯନୁମୋଦନ୍ତି ଚାଦୃତାଃ ।
ମତ୍ପରାଃ ଶ୍ରଦ୍ଦଧାନାଶ୍ଚ ଭକ୍ତିଂ ଵିନ୍ଦନ୍ତି ତେ ମଯି ॥ ୨୯ ॥
ମତ୍ପରାଃ ଶ୍ରଦ୍ଦଧାନାଶ୍ଚ ଭକ୍ତିଂ ଵିନ୍ଦନ୍ତି ତେ ମଯି ॥ ୨୯ ॥
ଭକ୍ତିଂ ଲବ୍ଧଵତଃ ସାଧୋଃ କିମନ୍ଯଦଵଶିଷ୍ଯତେ ।
ମଯ୍ଯନନ୍ତଗୁଣେ ବ୍ରହ୍ମଣ୍ଯାନନ୍ଦାନୁଭଵାତ୍ମନି ॥ ୩୦ ॥
ମଯ୍ଯନନ୍ତଗୁଣେ ବ୍ରହ୍ମଣ୍ଯାନନ୍ଦାନୁଭଵାତ୍ମନି ॥ ୩୦ ॥
ଯଥୋପଶ୍ରଯମାଣସ୍ଯ ଭଗଵନ୍ତଂ ଵିଭାଵସୁମ୍ ।
ଶୀତଂ ଭଯଂ ତମୋଽପ୍ଯେତି ସାଧୂନ୍ ସଂସେଵତସ୍ତଥା ॥ ୩୧ ॥
ଶୀତଂ ଭଯଂ ତମୋଽପ୍ଯେତି ସାଧୂନ୍ ସଂସେଵତସ୍ତଥା ॥ ୩୧ ॥
ନିମଜ୍ଜ୍ଯୋନ୍ମଜ୍ଜତାଂ ଘୋରେ ଭଵାବ୍ଧୌ ପରମାଯଣମ୍ ।
ସନ୍ତୋ ବ୍ରହ୍ମଵିଦଃ ଶାନ୍ତା ନୌର୍ଦୃଢେଵାପ୍ସୁ ମଜ୍ଜତାମ୍ ॥ ୩୨ ॥
ସନ୍ତୋ ବ୍ରହ୍ମଵିଦଃ ଶାନ୍ତା ନୌର୍ଦୃଢେଵାପ୍ସୁ ମଜ୍ଜତାମ୍ ॥ ୩୨ ॥
ଅନ୍ନଂ ହି ପ୍ରାଣିନାଂ ପ୍ରାଣ ଆର୍ତାନାଂ ଶରଣଂ ତ୍ଵହମ୍ ।
ଧର୍ମୋ ଵିତ୍ତଂ ନୃଣାଂ ପ୍ରେତ୍ଯ ସନ୍ତୋଽର୍ଵାଗ୍ ବିଭ୍ଯତୋଽରଣମ୍ ॥ ୩୩ ॥
ଧର୍ମୋ ଵିତ୍ତଂ ନୃଣାଂ ପ୍ରେତ୍ଯ ସନ୍ତୋଽର୍ଵାଗ୍ ବିଭ୍ଯତୋଽରଣମ୍ ॥ ୩୩ ॥
ସନ୍ତୋ ଦିଶନ୍ତି ଚକ୍ଷୂଂଷି ବହିରର୍କଃ ସମୁତ୍ଥିତଃ ।
ଦେଵତା ବାନ୍ଧଵାଃ ସନ୍ତଃ ସନ୍ତ ଆତ୍ମାହମେଵ ଚ ॥ ୩୪ ॥
ଦେଵତା ବାନ୍ଧଵାଃ ସନ୍ତଃ ସନ୍ତ ଆତ୍ମାହମେଵ ଚ ॥ ୩୪ ॥
ଵୈତସେନସ୍ତତୋଽପ୍ଯେଵମୁର୍ଵଶ୍ଯା ଲୋକନିଷ୍ପୃହଃ ।
ମୁକ୍ତସଙ୍ଗୋ ମହୀମେତାମାତ୍ମାରାମଶ୍ଚଚାର ହ ॥ ୩୫ ॥
ମୁକ୍ତସଙ୍ଗୋ ମହୀମେତାମାତ୍ମାରାମଶ୍ଚଚାର ହ ॥ ୩୫ ॥
ଵିଧିନା ଵିହିତେ କୁଣ୍ଡେ ମେଖଲାଗର୍ତଵେଦିଭିଃ ।
ଅଗ୍ନିମାଧାଯ ପରିତଃ ସମୂହେତ୍ପାଣିନୋଦିତମ୍
ଅଗ୍ନିମାଧାଯ ପରିତଃ ସମୂହେତ୍ପାଣିନୋଦିତମ୍
ପରିସ୍ତୀର୍ଯାଥ ପର୍ଯୁକ୍ଷେଦନ୍ଵାଧାଯ ଯଥାଵିଧି ।
ପ୍ରୋକ୍ଷଣ୍ଯାସାଦ୍ଯ ଦ୍ରଵ୍ଯାଣି ପ୍ରୋକ୍ଷ୍ଯାଗ୍ନୌ ଭାଵଯେତ ମାମ୍
ପ୍ରୋକ୍ଷଣ୍ଯାସାଦ୍ଯ ଦ୍ରଵ୍ଯାଣି ପ୍ରୋକ୍ଷ୍ଯାଗ୍ନୌ ଭାଵଯେତ ମାମ୍
ତପ୍ତଜାମ୍ବୂନଦପ୍ରଖ୍ଯଂ ଶଙ୍ଖଚକ୍ରଗଦାମ୍ବୁଜୈଃ ।
ଲସଚ୍ଚତୁର୍ଭୁଜଂ ଶାନ୍ତଂ ପଦ୍ମକିଞ୍ଜଲ୍କଵାସସମ୍
ଲସଚ୍ଚତୁର୍ଭୁଜଂ ଶାନ୍ତଂ ପଦ୍ମକିଞ୍ଜଲ୍କଵାସସମ୍
ସ୍ଫୁରତ୍କିରୀଟକଟକକଟିସୂତ୍ରଵରାଙ୍ଗଦମ୍ ।
ଶ୍ରୀଵତ୍ସଵକ୍ଷସଂ ଭ୍ରାଜତ୍କୌସ୍ତୁଭଂ ଵନମାଲିନମ୍
ଶ୍ରୀଵତ୍ସଵକ୍ଷସଂ ଭ୍ରାଜତ୍କୌସ୍ତୁଭଂ ଵନମାଲିନମ୍
ଧ୍ଯାଯନ୍ନଭ୍ଯର୍ଚ୍ଯ ଦାରୂଣି ହଵିଷାଭିଘୃତାନି ଚ ।
ପ୍ରାସ୍ଯାଜ୍ଯଭାଗାଵାଘାରୌ ଦତ୍ତ୍ଵା ଚାଜ୍ଯପ୍ଲୁତଂ ହଵିଃ
ପ୍ରାସ୍ଯାଜ୍ଯଭାଗାଵାଘାରୌ ଦତ୍ତ୍ଵା ଚାଜ୍ଯପ୍ଲୁତଂ ହଵିଃ
ଜୁହୁଯାନ୍ମୂଲମନ୍ତ୍ରେଣ ଷୋଡଶର୍ଚାଵଦାନତଃ ।
ଧର୍ମାଦିଭ୍ଯୋ ଯଥା ନ୍ଯାଯଂ ମନ୍ତ୍ରୈଃ ସ୍ଵିଷ୍ଟକୃତଂ ବୁଧଃ
ଧର୍ମାଦିଭ୍ଯୋ ଯଥା ନ୍ଯାଯଂ ମନ୍ତ୍ରୈଃ ସ୍ଵିଷ୍ଟକୃତଂ ବୁଧଃ
ଅଭ୍ଯର୍ଚ୍ଯାଥ ନମସ୍କୃତ୍ଯ ପାର୍ଷଦେଭ୍ଯୋ ବଲିଂ ହରେତ୍ ।
ମୂଲମନ୍ତ୍ରଂ ଜପେଦ୍ବ୍ରହ୍ମ ସ୍ମରନ୍ ନାରାଯଣାତ୍ମକମ୍
ମୂଲମନ୍ତ୍ରଂ ଜପେଦ୍ବ୍ରହ୍ମ ସ୍ମରନ୍ ନାରାଯଣାତ୍ମକମ୍
ଦତ୍ତ୍ଵାଽଽଚମନମୁଚ୍ଛେଷଂ ଵିଷ୍ଵକ୍ସେନାଯ କଲ୍ପଯେତ୍ ।
ମୁଖଵାସଂ ସୁରଭିମତ୍ତାମ୍ବୂଲାଦ୍ଯମଥାର୍ହଯେତ୍
ମୁଖଵାସଂ ସୁରଭିମତ୍ତାମ୍ବୂଲାଦ୍ଯମଥାର୍ହଯେତ୍
ଉପଗାଯନ୍ ଗୃଣନ୍ ନୃତ୍ଯନ୍ କର୍ମାଣ୍ଯଭିନଯନ୍ ମମ ।
ମତ୍କଥାଃ ଶ୍ରାଵଯନ୍ ଶୃଣ୍ଵନ୍ ମୁହୂର୍ତଂ କ୍ଷଣିକୋ ଭଵେତ୍
ମତ୍କଥାଃ ଶ୍ରାଵଯନ୍ ଶୃଣ୍ଵନ୍ ମୁହୂର୍ତଂ କ୍ଷଣିକୋ ଭଵେତ୍
ସ୍ତଵୈରୁଚ୍ଚାଵଚୈଃ ସ୍ତୋତ୍ରୈଃ ପୌରାଣୈଃ ପ୍ରାକୃତୈରପି ।
ସ୍ତୁତ୍ଵା ପ୍ରସୀଦ ଭଗଵନ୍ନିତି ଵନ୍ଦେତ ଦଣ୍ଡଵତ୍
ସ୍ତୁତ୍ଵା ପ୍ରସୀଦ ଭଗଵନ୍ନିତି ଵନ୍ଦେତ ଦଣ୍ଡଵତ୍
ଶିରୋ ମତ୍ପାଦଯୋଃ କୃତ୍ଵା ବାହୁଭ୍ଯାଂ ଚ ପରସ୍ପରମ୍ ।
ପ୍ରପନ୍ନଂ ପାହି ମାମୀଶ ଭୀତଂ ମୃତ୍ଯୁଗ୍ରହାର୍ଣଵାତ୍
ପ୍ରପନ୍ନଂ ପାହି ମାମୀଶ ଭୀତଂ ମୃତ୍ଯୁଗ୍ରହାର୍ଣଵାତ୍
ଇତି ଶେଷାଂ ମଯା ଦତ୍ତାଂ ଶିରସ୍ଯାଧାଯ ସାଦରମ୍ ।
ଉଦ୍ଵାସଯେଚ୍ଚେଦୁଦ୍ଵାସ୍ଯଂ ଜ୍ଯୋତିର୍ଜ୍ଯୋତିଷି ତତ୍ପୁନଃ
ଉଦ୍ଵାସଯେଚ୍ଚେଦୁଦ୍ଵାସ୍ଯଂ ଜ୍ଯୋତିର୍ଜ୍ଯୋତିଷି ତତ୍ପୁନଃ
ଅର୍ଚାଦିଷୁ ଯଦା ଯତ୍ର ଶ୍ରଦ୍ଧା ମାଂ ତତ୍ର ଚାର୍ଚଯେତ୍ ।
ସର୍ଵଭୂତେଷ୍ଵାତ୍ମନି ଚ ସର୍ଵାତ୍ମାହମଵସ୍ଥିତଃ
ସର୍ଵଭୂତେଷ୍ଵାତ୍ମନି ଚ ସର୍ଵାତ୍ମାହମଵସ୍ଥିତଃ
ଏଵଂ କ୍ରିଯାଯୋଗପଥୈଃ ପୁମାନ୍ ଵୈଦିକତାନ୍ତ୍ରିକୈଃ ।
ଅର୍ଚନ୍ନୁଭଯତଃ ସିଦ୍ଧିଂ ମତ୍ତୋ ଵିନ୍ଦତ୍ଯଭୀପ୍ସିତାମ୍
ଅର୍ଚନ୍ନୁଭଯତଃ ସିଦ୍ଧିଂ ମତ୍ତୋ ଵିନ୍ଦତ୍ଯଭୀପ୍ସିତାମ୍
ମଦର୍ଚାଂ ସମ୍ପ୍ରତିଷ୍ଠାପ୍ଯ ମନ୍ଦିରଂ କାରଯେଦ୍ଦୃଢମ୍ ।
ପୁଷ୍ପୋଦ୍ଯାନାନି ରମ୍ଯାଣି ପୂଜାଯାତ୍ରୋତ୍ସଵାଶ୍ରିତାନ୍
ପୁଷ୍ପୋଦ୍ଯାନାନି ରମ୍ଯାଣି ପୂଜାଯାତ୍ରୋତ୍ସଵାଶ୍ରିତାନ୍
ପୂଜାଦୀନାଂ ପ୍ରଵାହାର୍ଥଂ ମହାପର୍ଵସ୍ଵଥାନ୍ଵହମ୍ ।
କ୍ଷେତ୍ରାପଣପୁରଗ୍ରାମାନ୍ ଦତ୍ତ୍ଵା ମତ୍ସାର୍ଷ୍ଟିତାମିଯାତ୍
କ୍ଷେତ୍ରାପଣପୁରଗ୍ରାମାନ୍ ଦତ୍ତ୍ଵା ମତ୍ସାର୍ଷ୍ଟିତାମିଯାତ୍
ପ୍ରତିଷ୍ଠଯା ସାର୍ଵଭୌମଂ ସଦ୍ମନା ଭୁଵନତ୍ରଯମ୍ ।
ପୂଜାଦିନା ବ୍ରହ୍ମଲୋକଂ ତ୍ରିଭିର୍ମତ୍ସାମ୍ଯତାମିଯାତ୍
ପୂଜାଦିନା ବ୍ରହ୍ମଲୋକଂ ତ୍ରିଭିର୍ମତ୍ସାମ୍ଯତାମିଯାତ୍
ମାମେଵ ନୈରପେକ୍ଷ୍ଯେଣ ଭକ୍ତିଯୋଗେନ ଵିନ୍ଦତି ।
ଭକ୍ତିଯୋଗଂ ସ ଲଭତେ ଏଵଂ ଯଃ ପୂଜଯେତ ମାମ୍
ଭକ୍ତିଯୋଗଂ ସ ଲଭତେ ଏଵଂ ଯଃ ପୂଜଯେତ ମାମ୍
ଯଃ ସ୍ଵଦତ୍ତାଂ ପରୈର୍ଦତ୍ତାଂ ହରେତ ସୁରଵିପ୍ରଯୋଃ ।
ଵୃତ୍ତିଂ ସ ଜାଯତେ ଵିଡ୍ଭୁଗ୍ ଵର୍ଷାଣାମଯୁତାଯୁତମ୍
ଵୃତ୍ତିଂ ସ ଜାଯତେ ଵିଡ୍ଭୁଗ୍ ଵର୍ଷାଣାମଯୁତାଯୁତମ୍
କର୍ତୁଶ୍ଚ ସାରଥେର୍ହେତୋରନୁମୋଦିତୁରେଵ ଚ ।
କର୍ମଣାଂ ଭାଗିନଃ ପ୍ରେତ୍ଯ ଭୂଯୋ ଭୂଯସି ତତ୍ଫଲମ୍
କର୍ମଣାଂ ଭାଗିନଃ ପ୍ରେତ୍ଯ ଭୂଯୋ ଭୂଯସି ତତ୍ଫଲମ୍