শ্রীরাজোবাচ
মন্বন্তরেষু ভগবন্যথা মন্বাদযস্ত্বিমে ।
যস্মিন্কর্মণি যে যেন নিযুক্তাস্তদ্বদস্ব মে ॥ ১ ॥
মন্বন্তরেষু ভগবন্যথা মন্বাদযস্ত্বিমে ।
যস্মিন্কর্মণি যে যেন নিযুক্তাস্তদ্বদস্ব মে ॥ ১ ॥
শ্রীঋষিরুবাচ
মনবো মনুপুত্রাশ্চ মুনযশ্চ মহীপতে ।
ইন্দ্রাঃ সুরগণাশ্চৈব সর্বে পুরুষশাসনাঃ ॥ ২ ॥
মনবো মনুপুত্রাশ্চ মুনযশ্চ মহীপতে ।
ইন্দ্রাঃ সুরগণাশ্চৈব সর্বে পুরুষশাসনাঃ ॥ ২ ॥
যজ্ঞাদযো যাঃ কথিতাঃ পৌরুষ্যস্তনবো নৃপ ।
মন্বাদযো জগদ্যাত্রাং নযন্ত্যাভিঃ প্রচোদিতাঃ ॥ ৩ ॥
মন্বাদযো জগদ্যাত্রাং নযন্ত্যাভিঃ প্রচোদিতাঃ ॥ ৩ ॥
চতুর্যুগান্তে কালেন গ্রস্তাঞ্ছ্রুতিগণান্যথা ।
তপসা ঋষযোঽপশ্যন্যতো ধর্মঃ সনাতনঃ ॥ ৪ ॥
তপসা ঋষযোঽপশ্যন্যতো ধর্মঃ সনাতনঃ ॥ ৪ ॥
ততো ধর্মং চতুষ্পাদং মনবো হরিণোদিতাঃ ।
যুক্তাঃ সঞ্চারযন্ত্যদ্ধা স্বে স্বে কালে মহীং নৃপ ॥ ৫ ॥
যুক্তাঃ সঞ্চারযন্ত্যদ্ধা স্বে স্বে কালে মহীং নৃপ ॥ ৫ ॥
পালযন্তি প্রজাপালা যাবদন্তং বিভাগশঃ ।
যজ্ঞভাগভুজো দেবা যে চ তত্রান্বিতাশ্চ তৈঃ ॥ ৬ ॥
যজ্ঞভাগভুজো দেবা যে চ তত্রান্বিতাশ্চ তৈঃ ॥ ৬ ॥
ইন্দ্রো ভগবতা দত্তাং ত্রৈলোক্যশ্রিযমূর্জিতাম্ ।
ভুঞ্জানঃ পাতি লোকাংস্ত্রীন্ কামং লোকে প্রবর্ষতি ॥ ৭ ॥
ভুঞ্জানঃ পাতি লোকাংস্ত্রীন্ কামং লোকে প্রবর্ষতি ॥ ৭ ॥
জ্ঞানং চানুযুগং ব্রূতে হরিঃ সিদ্ধস্বরূপধৃক্ ।
ঋষিরূপধরঃ কর্ম যোগং যোগেশরূপধৃক্ ॥ ৮ ॥
ঋষিরূপধরঃ কর্ম যোগং যোগেশরূপধৃক্ ॥ ৮ ॥
সর্গং প্রজেশরূপেণ দস্যূন্হন্যাত্ স্বরাড্বপুঃ ।
কালরূপেণ সর্বেষামভাবায পৃথগ্গুণঃ ॥ ৯ ॥
কালরূপেণ সর্বেষামভাবায পৃথগ্গুণঃ ॥ ৯ ॥
স্তূযমানো জনৈরেভির্মাযযা নামরূপযা ।
বিমোহিতাত্মভির্নানাদর্শনৈর্ন চ দৃশ্যতে ॥ ১০ ॥
বিমোহিতাত্মভির্নানাদর্শনৈর্ন চ দৃশ্যতে ॥ ১০ ॥
এতত্ কল্পবিকল্পস্য প্রমাণং পরিকীর্তিতম্ ।
যত্র মন্বন্তরাণ্যাহুশ্চতুর্দশ পুরাবিদঃ ॥ ১১ ॥
যত্র মন্বন্তরাণ্যাহুশ্চতুর্দশ পুরাবিদঃ ॥ ১১ ॥