శ్రీరాజోవాచ
మన్వన్తరేషు భగవన్యథా మన్వాదయస్త్విమే ।
యస్మిన్కర్మణి యే యేన నియుక్తాస్తద్వదస్వ మే ॥ ౧ ॥
మన్వన్తరేషు భగవన్యథా మన్వాదయస్త్విమే ।
యస్మిన్కర్మణి యే యేన నియుక్తాస్తద్వదస్వ మే ॥ ౧ ॥
శ్రీఋషిరువాచ
మనవో మనుపుత్రాశ్చ మునయశ్చ మహీపతే ।
ఇన్ద్రాః సురగణాశ్చైవ సర్వే పురుషశాసనాః ॥ ౨ ॥
మనవో మనుపుత్రాశ్చ మునయశ్చ మహీపతే ।
ఇన్ద్రాః సురగణాశ్చైవ సర్వే పురుషశాసనాః ॥ ౨ ॥
యజ్ఞాదయో యాః కథితాః పౌరుష్యస్తనవో నృప ।
మన్వాదయో జగద్యాత్రాం నయన్త్యాభిః ప్రచోదితాః ॥ ౩ ॥
మన్వాదయో జగద్యాత్రాం నయన్త్యాభిః ప్రచోదితాః ॥ ౩ ॥
చతుర్యుగాన్తే కాలేన గ్రస్తాఞ్ఛ్రుతిగణాన్యథా ।
తపసా ఋషయోఽపశ్యన్యతో ధర్మః సనాతనః ॥ ౪ ॥
తపసా ఋషయోఽపశ్యన్యతో ధర్మః సనాతనః ॥ ౪ ॥
తతో ధర్మం చతుష్పాదం మనవో హరిణోదితాః ।
యుక్తాః సఞ్చారయన్త్యద్ధా స్వే స్వే కాలే మహీం నృప ॥ ౫ ॥
యుక్తాః సఞ్చారయన్త్యద్ధా స్వే స్వే కాలే మహీం నృప ॥ ౫ ॥
పాలయన్తి ప్రజాపాలా యావదన్తం విభాగశః ।
యజ్ఞభాగభుజో దేవా యే చ తత్రాన్వితాశ్చ తైః ॥ ౬ ॥
యజ్ఞభాగభుజో దేవా యే చ తత్రాన్వితాశ్చ తైః ॥ ౬ ॥
ఇన్ద్రో భగవతా దత్తాం త్రైలోక్యశ్రియమూర్జితామ్ ।
భుఞ్జానః పాతి లోకాంస్త్రీన్ కామం లోకే ప్రవర్షతి ॥ ౭ ॥
భుఞ్జానః పాతి లోకాంస్త్రీన్ కామం లోకే ప్రవర్షతి ॥ ౭ ॥
జ్ఞానం చానుయుగం బ్రూతే హరిః సిద్ధస్వరూపధృక్ ।
ఋషిరూపధరః కర్మ యోగం యోగేశరూపధృక్ ॥ ౮ ॥
ఋషిరూపధరః కర్మ యోగం యోగేశరూపధృక్ ॥ ౮ ॥
సర్గం ప్రజేశరూపేణ దస్యూన్హన్యాత్ స్వరాడ్వపుః ।
కాలరూపేణ సర్వేషామభావాయ పృథగ్గుణః ॥ ౯ ॥
కాలరూపేణ సర్వేషామభావాయ పృథగ్గుణః ॥ ౯ ॥
స్తూయమానో జనైరేభిర్మాయయా నామరూపయా ।
విమోహితాత్మభిర్నానాదర్శనైర్న చ దృశ్యతే ॥ ౧౦ ॥
విమోహితాత్మభిర్నానాదర్శనైర్న చ దృశ్యతే ॥ ౧౦ ॥
ఏతత్ కల్పవికల్పస్య ప్రమాణం పరికీర్తితమ్ ।
యత్ర మన్వన్తరాణ్యాహుశ్చతుర్దశ పురావిదః ॥ ౧౧ ॥
యత్ర మన్వన్తరాణ్యాహుశ్చతుర్దశ పురావిదః ॥ ౧౧ ॥