ଶ୍ରୀରାଜୋଵାଚ
ମନ୍ଵନ୍ତରେଷୁ ଭଗଵନ୍ଯଥା ମନ୍ଵାଦଯସ୍ତ୍ଵିମେ ।
ଯସ୍ମିନ୍କର୍ମଣି ଯେ ଯେନ ନିଯୁକ୍ତାସ୍ତଦ୍ଵଦସ୍ଵ ମେ ॥ ୧ ॥
ମନ୍ଵନ୍ତରେଷୁ ଭଗଵନ୍ଯଥା ମନ୍ଵାଦଯସ୍ତ୍ଵିମେ ।
ଯସ୍ମିନ୍କର୍ମଣି ଯେ ଯେନ ନିଯୁକ୍ତାସ୍ତଦ୍ଵଦସ୍ଵ ମେ ॥ ୧ ॥
ଶ୍ରୀଋଷିରୁଵାଚ
ମନଵୋ ମନୁପୁତ୍ରାଶ୍ଚ ମୁନଯଶ୍ଚ ମହୀପତେ ।
ଇନ୍ଦ୍ରାଃ ସୁରଗଣାଶ୍ଚୈଵ ସର୍ଵେ ପୁରୁଷଶାସନାଃ ॥ ୨ ॥
ମନଵୋ ମନୁପୁତ୍ରାଶ୍ଚ ମୁନଯଶ୍ଚ ମହୀପତେ ।
ଇନ୍ଦ୍ରାଃ ସୁରଗଣାଶ୍ଚୈଵ ସର୍ଵେ ପୁରୁଷଶାସନାଃ ॥ ୨ ॥
ଯଜ୍ଞାଦଯୋ ଯାଃ କଥିତାଃ ପୌରୁଷ୍ଯସ୍ତନଵୋ ନୃପ ।
ମନ୍ଵାଦଯୋ ଜଗଦ୍ଯାତ୍ରାଂ ନଯନ୍ତ୍ଯାଭିଃ ପ୍ରଚୋଦିତାଃ ॥ ୩ ॥
ମନ୍ଵାଦଯୋ ଜଗଦ୍ଯାତ୍ରାଂ ନଯନ୍ତ୍ଯାଭିଃ ପ୍ରଚୋଦିତାଃ ॥ ୩ ॥
ଚତୁର୍ଯୁଗାନ୍ତେ କାଲେନ ଗ୍ରସ୍ତାଞ୍ଛ୍ରୁତିଗଣାନ୍ଯଥା ।
ତପସା ଋଷଯୋଽପଶ୍ଯନ୍ଯତୋ ଧର୍ମଃ ସନାତନଃ ॥ ୪ ॥
ତପସା ଋଷଯୋଽପଶ୍ଯନ୍ଯତୋ ଧର୍ମଃ ସନାତନଃ ॥ ୪ ॥
ତତୋ ଧର୍ମଂ ଚତୁଷ୍ପାଦଂ ମନଵୋ ହରିଣୋଦିତାଃ ।
ଯୁକ୍ତାଃ ସଞ୍ଚାରଯନ୍ତ୍ଯଦ୍ଧା ସ୍ଵେ ସ୍ଵେ କାଲେ ମହୀଂ ନୃପ ॥ ୫ ॥
ଯୁକ୍ତାଃ ସଞ୍ଚାରଯନ୍ତ୍ଯଦ୍ଧା ସ୍ଵେ ସ୍ଵେ କାଲେ ମହୀଂ ନୃପ ॥ ୫ ॥
ପାଲଯନ୍ତି ପ୍ରଜାପାଲା ଯାଵଦନ୍ତଂ ଵିଭାଗଶଃ ।
ଯଜ୍ଞଭାଗଭୁଜୋ ଦେଵା ଯେ ଚ ତତ୍ରାନ୍ଵିତାଶ୍ଚ ତୈଃ ॥ ୬ ॥
ଯଜ୍ଞଭାଗଭୁଜୋ ଦେଵା ଯେ ଚ ତତ୍ରାନ୍ଵିତାଶ୍ଚ ତୈଃ ॥ ୬ ॥
ଇନ୍ଦ୍ରୋ ଭଗଵତା ଦତ୍ତାଂ ତ୍ରୈଲୋକ୍ଯଶ୍ରିଯମୂର୍ଜିତାମ୍ ।
ଭୁଞ୍ଜାନଃ ପାତି ଲୋକାଂସ୍ତ୍ରୀନ୍ କାମଂ ଲୋକେ ପ୍ରଵର୍ଷତି ॥ ୭ ॥
ଭୁଞ୍ଜାନଃ ପାତି ଲୋକାଂସ୍ତ୍ରୀନ୍ କାମଂ ଲୋକେ ପ୍ରଵର୍ଷତି ॥ ୭ ॥
ଜ୍ଞାନଂ ଚାନୁଯୁଗଂ ବ୍ରୂତେ ହରିଃ ସିଦ୍ଧସ୍ଵରୂପଧୃକ୍ ।
ଋଷିରୂପଧରଃ କର୍ମ ଯୋଗଂ ଯୋଗେଶରୂପଧୃକ୍ ॥ ୮ ॥
ଋଷିରୂପଧରଃ କର୍ମ ଯୋଗଂ ଯୋଗେଶରୂପଧୃକ୍ ॥ ୮ ॥
ସର୍ଗଂ ପ୍ରଜେଶରୂପେଣ ଦସ୍ଯୂନ୍ହନ୍ଯାତ୍ ସ୍ଵରାଡ୍ଵପୁଃ ।
କାଲରୂପେଣ ସର୍ଵେଷାମଭାଵାଯ ପୃଥଗ୍ଗୁଣଃ ॥ ୯ ॥
କାଲରୂପେଣ ସର୍ଵେଷାମଭାଵାଯ ପୃଥଗ୍ଗୁଣଃ ॥ ୯ ॥
ସ୍ତୂଯମାନୋ ଜନୈରେଭିର୍ମାଯଯା ନାମରୂପଯା ।
ଵିମୋହିତାତ୍ମଭିର୍ନାନାଦର୍ଶନୈର୍ନ ଚ ଦୃଶ୍ଯତେ ॥ ୧୦ ॥
ଵିମୋହିତାତ୍ମଭିର୍ନାନାଦର୍ଶନୈର୍ନ ଚ ଦୃଶ୍ଯତେ ॥ ୧୦ ॥
ଏତତ୍ କଲ୍ପଵିକଲ୍ପସ୍ଯ ପ୍ରମାଣଂ ପରିକୀର୍ତିତମ୍ ।
ଯତ୍ର ମନ୍ଵନ୍ତରାଣ୍ଯାହୁଶ୍ଚତୁର୍ଦଶ ପୁରାଵିଦଃ ॥ ୧୧ ॥
ଯତ୍ର ମନ୍ଵନ୍ତରାଣ୍ଯାହୁଶ୍ଚତୁର୍ଦଶ ପୁରାଵିଦଃ ॥ ୧୧ ॥