শ্রীশুক উবাচ
ইত্যুক্তা সাদিতী রাজন্স্বভর্ত্রা কশ্যপেন বৈ ।
অন্বতিষ্ঠদ্ ব্রতমিদং দ্বাদশাহমতন্দ্রিতা ॥ ১ ॥
ইত্যুক্তা সাদিতী রাজন্স্বভর্ত্রা কশ্যপেন বৈ ।
অন্বতিষ্ঠদ্ ব্রতমিদং দ্বাদশাহমতন্দ্রিতা ॥ ১ ॥
চিন্তযন্ত্যেকযা বুদ্ধ্যা মহাপুরুষমীশ্বরম্ ।
প্রগৃহ্যেন্দ্রিযদুষ্টাশ্বান্মনসা বুদ্ধিসারথিঃ ॥ ২ ॥
প্রগৃহ্যেন্দ্রিযদুষ্টাশ্বান্মনসা বুদ্ধিসারথিঃ ॥ ২ ॥
মনশ্চৈকাগ্রযা বুদ্ধ্যা ভগবত্যখিলাত্মনি ।
বাসুদেবে সমাধায চচার হ পযোব্রতম্ ॥ ৩ ॥
বাসুদেবে সমাধায চচার হ পযোব্রতম্ ॥ ৩ ॥
তস্যাঃ প্রাদুরভূত্তাত ভগবানাদিপুরুষঃ ।
পীতবাসাশ্চতুর্বাহুঃ শঙ্খচক্রগদাধরঃ ॥ ৪ ॥
পীতবাসাশ্চতুর্বাহুঃ শঙ্খচক্রগদাধরঃ ॥ ৪ ॥
তং নেত্রগোচরং বীক্ষ্য সহসোত্থায সাদরম্ ।
ননাম ভুবি কাযেন দণ্ডবত্ প্রীতিবিহ্বলা ॥ ৫ ॥
ননাম ভুবি কাযেন দণ্ডবত্ প্রীতিবিহ্বলা ॥ ৫ ॥
সোত্থায বদ্ধাঞ্জলিরীডিতুং স্থিতা
নোত্সেহ আনন্দজলাকুলেক্ষণা ।
বভূব তূষ্ণীং পুলকাকুলাকৃতি-
স্তদ্দর্শনাত্যুত্সবগাত্রবেপথুঃ ॥ ৬ ॥
নোত্সেহ আনন্দজলাকুলেক্ষণা ।
বভূব তূষ্ণীং পুলকাকুলাকৃতি-
স্তদ্দর্শনাত্যুত্সবগাত্রবেপথুঃ ॥ ৬ ॥
প্রীত্যা শনৈর্গদ্গদযা গিরা হরিং
তুষ্টাব সা দেব্যদিতিঃ কুরূদ্বহ ।
উদ্বীক্ষতী সা পিবতীব চক্ষুষা
রমাপতিং যজ্ঞপতিং জগত্পতিম্ ॥ ৭ ॥
তুষ্টাব সা দেব্যদিতিঃ কুরূদ্বহ ।
উদ্বীক্ষতী সা পিবতীব চক্ষুষা
রমাপতিং যজ্ঞপতিং জগত্পতিম্ ॥ ৭ ॥
শ্রীঅদিতিরুবাচ
যজ্ঞেশ যজ্ঞপুরুষাচ্যুত তীর্থপাদ
তীর্থশ্রবঃ শ্রবণমঙ্গলনামধেয ।
আপন্নলোকবৃজিনোপশমোদযাদ্য
শং নঃ কৃধীশ ভগবন্নসি দীননাথঃ ॥ ৮ ॥
যজ্ঞেশ যজ্ঞপুরুষাচ্যুত তীর্থপাদ
তীর্থশ্রবঃ শ্রবণমঙ্গলনামধেয ।
আপন্নলোকবৃজিনোপশমোদযাদ্য
শং নঃ কৃধীশ ভগবন্নসি দীননাথঃ ॥ ৮ ॥
বিশ্বায বিশ্বভবনস্থিতিসংযমায
স্বৈরং গৃহীতপুরুশক্তিগুণায ভূম্নে ।
স্বস্থায শশ্বদুপবৃংহিতপূর্ণবোধ-
ব্যাপাদিতাত্মতমসে হরযে নমস্তে ॥ ৯ ॥
স্বৈরং গৃহীতপুরুশক্তিগুণায ভূম্নে ।
স্বস্থায শশ্বদুপবৃংহিতপূর্ণবোধ-
ব্যাপাদিতাত্মতমসে হরযে নমস্তে ॥ ৯ ॥
আযুঃ পরং বপুরভীষ্টমতুল্যলক্ষ্মী-
র্দ্যোভূরসাঃ সকলযোগগুণাস্ত্রিবর্গঃ ।
জ্ঞানং চ কেবলমনন্ত ভবন্তি তুষ্টাত্
ত্বত্তো নৃণাং কিমু সপত্নজযাদিরাশীঃ ॥ ১০ ॥
র্দ্যোভূরসাঃ সকলযোগগুণাস্ত্রিবর্গঃ ।
জ্ঞানং চ কেবলমনন্ত ভবন্তি তুষ্টাত্
ত্বত্তো নৃণাং কিমু সপত্নজযাদিরাশীঃ ॥ ১০ ॥
শ্রীশুক উবাচ
অদিত্যৈবং স্তুতো রাজন্ভগবান্পুষ্করেক্ষণঃ ।
ক্ষেত্রজ্ঞঃ সর্বভূতানামিতি হোবাচ ভারত ॥ ১১ ॥
অদিত্যৈবং স্তুতো রাজন্ভগবান্পুষ্করেক্ষণঃ ।
ক্ষেত্রজ্ঞঃ সর্বভূতানামিতি হোবাচ ভারত ॥ ১১ ॥
শ্রীভগবানুবাচ
দেবমাতর্ভবত্যা মে বিজ্ঞাতং চিরকাঙ্ক্ষিতম্ ।
যত্ সপত্নৈর্হৃতশ্রীণাং চ্যাবিতানাং স্বধামতঃ ॥ ১২ ॥
দেবমাতর্ভবত্যা মে বিজ্ঞাতং চিরকাঙ্ক্ষিতম্ ।
যত্ সপত্নৈর্হৃতশ্রীণাং চ্যাবিতানাং স্বধামতঃ ॥ ১২ ॥
তান্বিনির্জিত্য সমরে দুর্মদানসুরর্ষভান্ ।
প্রতিলব্ধজযশ্রীভিঃ পুত্রৈরিচ্ছস্যুপাসিতুম্ ॥ ১৩ ॥
প্রতিলব্ধজযশ্রীভিঃ পুত্রৈরিচ্ছস্যুপাসিতুম্ ॥ ১৩ ॥
ইন্দ্রজ্যেষ্ঠৈঃ স্বতনযৈর্হতানাং যুধি বিদ্বিষাম্ ।
স্ত্রিযো রুদন্তীরাসাদ্য দ্রষ্টুমিচ্ছসি দুঃখিতাঃ ॥ ১৪ ॥
স্ত্রিযো রুদন্তীরাসাদ্য দ্রষ্টুমিচ্ছসি দুঃখিতাঃ ॥ ১৪ ॥
আত্মজান্সুসমৃদ্ধাংস্ত্বং প্রত্যাহৃতযশঃশ্রিযঃ ।
নাকপৃষ্ঠমধিষ্ঠায ক্রীডতো দ্রষ্টুমিচ্ছসি ॥ ১৫ ॥
নাকপৃষ্ঠমধিষ্ঠায ক্রীডতো দ্রষ্টুমিচ্ছসি ॥ ১৫ ॥
প্রাযোঽধুনা তেঽসুরযূথনাথা
অপারণীযা ইতি দেবি মে মতিঃ ।
যত্তেঽনুকূলেশ্বরবিপ্রগুপ্তা
ন বিক্রমস্তত্র সুখং দদাতি ॥ ১৬ ॥
অপারণীযা ইতি দেবি মে মতিঃ ।
যত্তেঽনুকূলেশ্বরবিপ্রগুপ্তা
ন বিক্রমস্তত্র সুখং দদাতি ॥ ১৬ ॥
অথাপ্যুপাযো মম দেবি চিন্ত্যঃ
সন্তোষিতস্য ব্রতচর্যযা তে ।
মমার্চনং নার্হতি গন্তুমন্যথা
শ্রদ্ধানুরূপং ফলহেতুকত্বাত্ ॥ ১৭ ॥
সন্তোষিতস্য ব্রতচর্যযা তে ।
মমার্চনং নার্হতি গন্তুমন্যথা
শ্রদ্ধানুরূপং ফলহেতুকত্বাত্ ॥ ১৭ ॥
ত্বযার্চিতশ্চাহমপত্যগুপ্তযে
পযোব্রতেনানুগুণং সমীডিতঃ ।
স্বাংশেন পুত্রত্বমুপেত্য তে সুতান্
গোপ্তাস্মি মারীচতপস্যধিষ্ঠিতঃ ॥ ১৮ ॥
পযোব্রতেনানুগুণং সমীডিতঃ ।
স্বাংশেন পুত্রত্বমুপেত্য তে সুতান্
গোপ্তাস্মি মারীচতপস্যধিষ্ঠিতঃ ॥ ১৮ ॥
উপধাব পতিং ভদ্রে প্রজাপতিমকল্মষম্ ।
মাং চ ভাবযতী পত্যাবেবংরূপমবস্থিতম্ ॥ ১৯ ॥
মাং চ ভাবযতী পত্যাবেবংরূপমবস্থিতম্ ॥ ১৯ ॥
নৈতত্ পরস্মা আখ্যেযং পৃষ্টযাপি কথঞ্চন ।
সর্বং সম্পদ্যতে দেবি দেবগুহ্যং সুসংবৃতম্ ॥ ২০ ॥
সর্বং সম্পদ্যতে দেবি দেবগুহ্যং সুসংবৃতম্ ॥ ২০ ॥
শ্রীশুক উবাচ
এতাবদুক্ত্বা ভগবাংস্তত্রৈবান্তরধীযত ।
অদিতির্দুর্লভং লব্ধ্বা হরের্জন্মাত্মনি প্রভোঃ ।
উপাধাবত্ পতিং ভক্ত্যা পরযা কৃতকৃত্যবত্ ॥ ২১ ॥
এতাবদুক্ত্বা ভগবাংস্তত্রৈবান্তরধীযত ।
অদিতির্দুর্লভং লব্ধ্বা হরের্জন্মাত্মনি প্রভোঃ ।
উপাধাবত্ পতিং ভক্ত্যা পরযা কৃতকৃত্যবত্ ॥ ২১ ॥
স বৈ সমাধিযোগেন কশ্যপস্তদবুধ্যত ।
প্রবিষ্টমাত্মনি হরেরংশং হ্যবিতথেক্ষণঃ ॥ ২২ ॥
প্রবিষ্টমাত্মনি হরেরংশং হ্যবিতথেক্ষণঃ ॥ ২২ ॥
সোঽদিত্যাং বীর্যমাধত্ত তপসা চিরসম্ভৃতম্ ।
সমাহিতমনা রাজন্দারুণ্যগ্নিং যথানিলঃ ॥ ২৩ ॥
সমাহিতমনা রাজন্দারুণ্যগ্নিং যথানিলঃ ॥ ২৩ ॥
অদিতের্ধিষ্ঠিতং গর্ভং ভগবন্তং সনাতনম্ ।
হিরণ্যগর্ভো বিজ্ঞায সমীডে গুহ্যনামভিঃ ॥ ২৪ ॥
হিরণ্যগর্ভো বিজ্ঞায সমীডে গুহ্যনামভিঃ ॥ ২৪ ॥
শ্রীব্রহ্মোবাচ
জযোরুগায ভগবন্নুরুক্রম নমোঽস্তু তে ।
নমো ব্রহ্মণ্যদেবায ত্রিগুণায নমো নমঃ ॥ ২৫ ॥
জযোরুগায ভগবন্নুরুক্রম নমোঽস্তু তে ।
নমো ব্রহ্মণ্যদেবায ত্রিগুণায নমো নমঃ ॥ ২৫ ॥
নমস্তে পৃশ্নিগর্ভায বেদগর্ভায বেধসে ।
ত্রিনাভায ত্রিপৃষ্ঠায শিপিবিষ্টায বিষ্ণবে ॥ ২৬ ॥
ত্রিনাভায ত্রিপৃষ্ঠায শিপিবিষ্টায বিষ্ণবে ॥ ২৬ ॥
ত্বমাদিরন্তো ভুবনস্য মধ্য-
মনন্তশক্তিং পুরুষং যমাহুঃ ।
কালো ভবানাক্ষিপতীশ বিশ্বং
স্রোতো যথান্তঃপতিতং গভীরম্ ॥ ২৭ ॥
মনন্তশক্তিং পুরুষং যমাহুঃ ।
কালো ভবানাক্ষিপতীশ বিশ্বং
স্রোতো যথান্তঃপতিতং গভীরম্ ॥ ২৭ ॥
ত্বং বৈ প্রজানাং স্থিরজঙ্গমানাং
প্রজাপতীনামসি সম্ভবিষ্ণুঃ ।
দিবৌকসাং দেব দিবশ্চ্যুতানাং
পরাযণং নৌরিব মজ্জতোঽপ্সু ॥ ২৮ ॥
প্রজাপতীনামসি সম্ভবিষ্ণুঃ ।
দিবৌকসাং দেব দিবশ্চ্যুতানাং
পরাযণং নৌরিব মজ্জতোঽপ্সু ॥ ২৮ ॥