శ్రీశుక ఉవాచ
నిమిరిక్ష్వాకుతనయో వసిష్ఠమవృతర్త్విజమ్ ।
ఆరభ్య సత్రం సోఽప్యాహ శక్రేణ ప్రాగ్వృతోఽస్మి భోః ॥ ౧ ॥
నిమిరిక్ష్వాకుతనయో వసిష్ఠమవృతర్త్విజమ్ ।
ఆరభ్య సత్రం సోఽప్యాహ శక్రేణ ప్రాగ్వృతోఽస్మి భోః ॥ ౧ ॥
తం నిర్వర్త్యాగమిష్యామి తావన్మాం ప్రతిపాలయ ।
తూష్ణీమాసీద్ గృహపతిః సోఽపీన్ద్రస్యాకరోన్మఖమ్ ॥ ౨ ॥
తూష్ణీమాసీద్ గృహపతిః సోఽపీన్ద్రస్యాకరోన్మఖమ్ ॥ ౨ ॥
నిమిశ్చలమిదం విద్వాన్ సత్రమారభతాత్మవాన్ ।
ఋత్విగ్భిరపరైస్తావన్నాగమద్ యావతా గురుః ॥ ౩ ॥
ఋత్విగ్భిరపరైస్తావన్నాగమద్ యావతా గురుః ॥ ౩ ॥
శిష్యవ్యతిక్రమం వీక్ష్య తం నిర్వర్త్యాగతో గురుః ।
అశపత్ పతతాద్ దేహో నిమేః పణ్డితమానినః ॥ ౪ ॥
అశపత్ పతతాద్ దేహో నిమేః పణ్డితమానినః ॥ ౪ ॥
నిమిః ప్రతిదదౌ శాపం గురవేఽధర్మవర్తినే ।
తవాపి పతతాద్ దేహో లోభాద్ధర్మమజానతః ॥ ౫ ॥
తవాపి పతతాద్ దేహో లోభాద్ధర్మమజానతః ॥ ౫ ॥
ఇత్యుత్ససర్జ స్వం దేహం నిమిరధ్యాత్మకోవిదః ।
మిత్రావరుణయోర్జజ్ఞే ఉర్వశ్యాం ప్రపితామహః ॥ ౬ ॥
మిత్రావరుణయోర్జజ్ఞే ఉర్వశ్యాం ప్రపితామహః ॥ ౬ ॥
గన్ధవస్తుషు తద్ దేహం నిధాయ మునిసత్తమాః ।
సమాప్తే సత్రయాగే చ దేవానూచుః సమాగతాన్ ॥ ౭ ॥
సమాప్తే సత్రయాగే చ దేవానూచుః సమాగతాన్ ॥ ౭ ॥
రాజ్ఞో జీవతు దేహోఽయం ప్రసన్నాః ప్రభవో యది ।
తథేత్యుక్తే నిమిః ప్రాహ మా భూన్మే దేహబన్ధనమ్ ॥ ౮ ॥
తథేత్యుక్తే నిమిః ప్రాహ మా భూన్మే దేహబన్ధనమ్ ॥ ౮ ॥
యస్య యోగం న వాఞ్ఛన్తి వియోగభయకాతరాః ।
భజన్తి చరణామ్భోజం మునయో హరిమేధసః ॥ ౯ ॥
భజన్తి చరణామ్భోజం మునయో హరిమేధసః ॥ ౯ ॥
దేహం నావరురుత్సేఽహం దుఃఖశోకభయావహమ్ ।
సర్వత్రాస్య యతో మృత్యుర్మత్స్యానాముదకే యథా ॥ ౧౦ ॥
సర్వత్రాస్య యతో మృత్యుర్మత్స్యానాముదకే యథా ॥ ౧౦ ॥
దేవా ఊచుః
విదేహ ఉష్యతాం కామం లోచనేషు శరీరిణామ్ ।
ఉన్మేషణనిమేషాభ్యాం లక్షితోఽధ్యాత్మసంస్థితః ॥ ౧౧ ॥
విదేహ ఉష్యతాం కామం లోచనేషు శరీరిణామ్ ।
ఉన్మేషణనిమేషాభ్యాం లక్షితోఽధ్యాత్మసంస్థితః ॥ ౧౧ ॥
అరాజకభయం నృణాం మన్యమానా మహర్షయః ।
దేహం మమన్థుః స్మ నిమేః కుమారః సమజాయత ॥ ౧౨ ॥
దేహం మమన్థుః స్మ నిమేః కుమారః సమజాయత ॥ ౧౨ ॥
జన్మనా జనకః సోఽభూద్ వైదేహస్తు విదేహజః ।
మిథిలో మథనాజ్జాతో మిథిలా యేన నిర్మితా ॥ ౧౩ ॥
మిథిలో మథనాజ్జాతో మిథిలా యేన నిర్మితా ॥ ౧౩ ॥
తస్మాదుదావసుస్తస్య పుత్రోఽభూన్నన్దివర్ధనః ।
తతః సుకేతుస్తస్యాపి దేవరాతో మహీపతే ॥ ౧౪ ॥
తతః సుకేతుస్తస్యాపి దేవరాతో మహీపతే ॥ ౧౪ ॥
తస్మాద్ బృహద్రథస్తస్య మహావీర్యః సుధృత్పితా ।
సుధృతేర్ధృష్టకేతుర్వై హర్యశ్వోఽథ మరుస్తతః ॥ ౧౫ ॥
సుధృతేర్ధృష్టకేతుర్వై హర్యశ్వోఽథ మరుస్తతః ॥ ౧౫ ॥
మరోః ప్రతీపకస్తస్మాజ్జాతః కృతరథో యతః ।
దేవమీఢస్తస్య పుత్రో విశ్రుతోఽథ మహాధృతిః ॥ ౧౬ ॥
దేవమీఢస్తస్య పుత్రో విశ్రుతోఽథ మహాధృతిః ॥ ౧౬ ॥
కృతిరాతస్తతస్తస్మాన్మహారోమా చ తత్సుతః ।
స్వర్ణరోమా సుతస్తస్య హ్రస్వరోమా వ్యజాయత ॥ ౧౭ ॥
స్వర్ణరోమా సుతస్తస్య హ్రస్వరోమా వ్యజాయత ॥ ౧౭ ॥
తతః శీరధ్వజో జజ్ఞే యజ్ఞార్థం కర్షతో మహీమ్ ।
సీతా శీరాగ్రతో జాతా తస్మాత్ శీరధ్వజః స్మృతః ॥ ౧౮ ॥
సీతా శీరాగ్రతో జాతా తస్మాత్ శీరధ్వజః స్మృతః ॥ ౧౮ ॥
కుశధ్వజస్తస్య పుత్రస్తతో ధర్మధ్వజో నృపః ।
ధర్మధ్వజస్య ద్వౌ పుత్రౌ కృతధ్వజమితధ్వజౌ ॥ ౧౯ ॥
ధర్మధ్వజస్య ద్వౌ పుత్రౌ కృతధ్వజమితధ్వజౌ ॥ ౧౯ ॥
కృతధ్వజాత్ కేశిధ్వజః ఖాణ్డిక్యస్తు మితధ్వజాత్ ।
కృతధ్వజసుతో రాజన్నాత్మవిద్యావిశారదః ॥ ౨౦ ॥
కృతధ్వజసుతో రాజన్నాత్మవిద్యావిశారదః ॥ ౨౦ ॥
ఖాణ్డిక్యః కర్మతత్త్వజ్ఞో భీతః కేశిధ్వజాద్ద్రుతః ।
భానుమాంస్తస్య పుత్రోఽభూచ్ఛతద్యుమ్నస్తు తత్సుతః ॥ ౨౧ ॥
భానుమాంస్తస్య పుత్రోఽభూచ్ఛతద్యుమ్నస్తు తత్సుతః ॥ ౨౧ ॥
శుచిస్తుతనయస్తస్మాత్ సనద్వాజః సుతోఽభవత్ ।
ఊర్జకేతుః సనద్వాజాదజోఽథ పురుజిత్సుతః ॥ ౨౨ ॥
ఊర్జకేతుః సనద్వాజాదజోఽథ పురుజిత్సుతః ॥ ౨౨ ॥
అరిష్టనేమిస్తస్యాపి శ్రుతాయుస్తత్సుపార్శ్వకః ।
తతశ్చిత్రరథో యస్య క్షేమాధిర్మిథిలాధిపః ॥ ౨౩ ॥
తతశ్చిత్రరథో యస్య క్షేమాధిర్మిథిలాధిపః ॥ ౨౩ ॥
తస్మాత్ సమరథస్తస్య సుతః సత్యరథస్తతః ।
ఆసీదుపగురుస్తస్మాదుపగుప్తోఽగ్నిసమ్భవః ॥ ౨౪ ॥
ఆసీదుపగురుస్తస్మాదుపగుప్తోఽగ్నిసమ్భవః ॥ ౨౪ ॥
వస్వనన్తోఽథ తత్పుత్రో యుయుధో యత్ సుభాషణః ।
శ్రుతస్తతో జయస్తస్మాద్ విజయోఽస్మాదృతః సుతః ॥ ౨౫ ॥
శ్రుతస్తతో జయస్తస్మాద్ విజయోఽస్మాదృతః సుతః ॥ ౨౫ ॥
శునకస్తత్సుతో జజ్ఞే వీతహవ్యో ధృతిస్తతః ।
బహులాశ్వో ధృతేస్తస్య కృతిరస్య మహావశీ ॥ ౨౬ ॥
బహులాశ్వో ధృతేస్తస్య కృతిరస్య మహావశీ ॥ ౨౬ ॥
ఏతే వై మైథిలా రాజన్నాత్మవిద్యావిశారదాః ।
యోగేశ్వరప్రసాదేన ద్వన్ద్వైర్ముక్తా గృహేష్వపి ॥ ౨౭ ॥
యోగేశ్వరప్రసాదేన ద్వన్ద్వైర్ముక్తా గృహేష్వపి ॥ ౨౭ ॥