శ్రీశుక ఉవాచ
మిత్రాయుశ్చ దివోదాసాచ్చ్యవనస్తత్సుతో నృప ।
సుదాసః సహదేవోఽథ సోమకో జన్తుజన్మకృత్ ॥ ౧ ॥
మిత్రాయుశ్చ దివోదాసాచ్చ్యవనస్తత్సుతో నృప ।
సుదాసః సహదేవోఽథ సోమకో జన్తుజన్మకృత్ ॥ ౧ ॥
తస్య పుత్రశతం తేషాం యవీయాన్ పృషతః సుతః ।
స తస్మాద్ ద్రుపదో జజ్ఞే సర్వసమ్పత్సమన్వితః ॥ ౨ ॥
స తస్మాద్ ద్రుపదో జజ్ఞే సర్వసమ్పత్సమన్వితః ॥ ౨ ॥
ద్రుపదాద్ ద్రౌపదీ తస్య ధృష్టద్యుమ్నాదయః సుతాః ।
ధృష్టద్యుమ్నాద్ ధృష్టకేతుర్భార్మ్యాః పాఞ్చాలకా ఇమే ॥ ౩ ॥
ధృష్టద్యుమ్నాద్ ధృష్టకేతుర్భార్మ్యాః పాఞ్చాలకా ఇమే ॥ ౩ ॥
యోఽజమీఢసుతో హ్యన్య ఋక్షః సంవరణస్తతః ।
తపత్యాం సూర్యకన్యాయాం కురుక్షేత్రపతిః కురుః ॥ ౪ ॥
తపత్యాం సూర్యకన్యాయాం కురుక్షేత్రపతిః కురుః ॥ ౪ ॥
పరీక్షిః సుధనుర్జహ్నుర్నిషధశ్చ కురోః సుతాః ।
సుహోత్రోఽభూత్ సుధనుషశ్చ్యవనోఽథ తతః కృతీ ॥ ౫ ॥
సుహోత్రోఽభూత్ సుధనుషశ్చ్యవనోఽథ తతః కృతీ ॥ ౫ ॥
వసుస్తస్యోపరిచరో బృహద్రథముఖాస్తతః ।
కుశామ్బమత్స్యప్రత్యగ్రచేదిపాద్యాశ్చ చేదిపాః ॥ ౬ ॥
కుశామ్బమత్స్యప్రత్యగ్రచేదిపాద్యాశ్చ చేదిపాః ॥ ౬ ॥
బృహద్రథాత్ కుశాగ్రోఽభూదృషభస్తస్య తత్సుతః ।
జజ్ఞే సత్యహితోఽపత్యం పుష్పవాంస్తత్సుతో జహుః ॥ ౭ ॥
జజ్ఞే సత్యహితోఽపత్యం పుష్పవాంస్తత్సుతో జహుః ॥ ౭ ॥
అన్యస్యామపి భార్యాయాం శకలే ద్వే బృహద్రథాత్ ।
యే మాత్రా బహిరుత్సృష్టే జరయా చాభిసన్ధితే ।
జీవ జీవేతి క్రీడన్త్యా జరాసన్ధోఽభవత్ సుతః ॥ ౮ ॥
యే మాత్రా బహిరుత్సృష్టే జరయా చాభిసన్ధితే ।
జీవ జీవేతి క్రీడన్త్యా జరాసన్ధోఽభవత్ సుతః ॥ ౮ ॥
తతశ్చ సహదేవోఽభూత్ సోమాపిర్యచ్ఛ్రుతశ్రవాః ।
పరీక్షిరనపత్యోఽభూత్ సురథో నామ జాహ్నవః ॥ ౯ ॥
పరీక్షిరనపత్యోఽభూత్ సురథో నామ జాహ్నవః ॥ ౯ ॥
తతో విదూరథస్తస్మాత్ సార్వభౌమస్తతోఽభవత్ ।
జయసేనస్తత్తనయో రాధికోఽతోఽయుతాయ్వభూత్ ॥ ౧౦ ॥
జయసేనస్తత్తనయో రాధికోఽతోఽయుతాయ్వభూత్ ॥ ౧౦ ॥
తతశ్చాక్రోధనస్తస్మాద్ దేవాతిథిరముష్య చ ।
ఋక్షస్తస్య దిలీపోఽభూత్ ప్రతీపస్తస్య చాత్మజః ॥ ౧౧ ॥
ఋక్షస్తస్య దిలీపోఽభూత్ ప్రతీపస్తస్య చాత్మజః ॥ ౧౧ ॥
దేవాపిః శాన్తనుస్తస్య బాహ్లీక ఇతి చాత్మజాః ।
పితృరాజ్యం పరిత్యజ్య దేవాపిస్తు వనం గతః ॥ ౧౨ ॥
పితృరాజ్యం పరిత్యజ్య దేవాపిస్తు వనం గతః ॥ ౧౨ ॥
అభవచ్ఛాన్తనూ రాజా ప్రాఙ్మహాభిషసంజ్ఞితః ।
యం యం కరాభ్యాం స్పృశతి జీర్ణం యౌవనమేతి సః ॥ ౧౩ ॥
యం యం కరాభ్యాం స్పృశతి జీర్ణం యౌవనమేతి సః ॥ ౧౩ ॥
శాన్తిమాప్నోతి చైవాగ్ర్యాం కర్మణా తేన శాన్తనుః ।
సమా ద్వాదశ తద్రాజ్యే న వవర్ష యదా విభుః ॥ ౧౪ ॥
సమా ద్వాదశ తద్రాజ్యే న వవర్ష యదా విభుః ॥ ౧౪ ॥
శాన్తనుర్బ్రాహ్మణైరుక్తః పరివేత్తాయమగ్రభుక్ ।
రాజ్యం దేహ్యగ్రజాయాశు పురరాష్ట్రవివృద్ధయే ॥ ౧౫ ॥
రాజ్యం దేహ్యగ్రజాయాశు పురరాష్ట్రవివృద్ధయే ॥ ౧౫ ॥
ఏవముక్తో ద్విజైర్జ్యేష్ఠం ఛన్దయామాస సోఽబ్రవీత్ ।
తన్మన్త్రిప్రహితైర్విప్రైర్వేదాద్ విభ్రంశితో గిరా ॥ ౧౬ ॥
తన్మన్త్రిప్రహితైర్విప్రైర్వేదాద్ విభ్రంశితో గిరా ॥ ౧౬ ॥
వేదవాదాతివాదాన్ వై తదా దేవో వవర్ష హ ।
దేవాపిర్యోగమాస్థాయ కలాపగ్రామమాశ్రితః ॥ ౧౭ ॥
దేవాపిర్యోగమాస్థాయ కలాపగ్రామమాశ్రితః ॥ ౧౭ ॥
సోమవంశే కలౌ నష్టే కృతాదౌ స్థాపయిష్యతి ।
బాహ్లీకాత్సోమదత్తోఽభూద్ భూరిర్భూరిశ్రవాస్తతః ॥ ౧౮ ॥
బాహ్లీకాత్సోమదత్తోఽభూద్ భూరిర్భూరిశ్రవాస్తతః ॥ ౧౮ ॥
శలశ్చ శాన్తనోరాసీద్ గఙ్గాయాం భీష్మ ఆత్మవాన్ ।
సర్వధర్మవిదాం శ్రేష్ఠో మహాభాగవతః కవిః ॥ ౧౯ ॥
సర్వధర్మవిదాం శ్రేష్ఠో మహాభాగవతః కవిః ॥ ౧౯ ॥
వీరయూథాగ్రణీర్యేన రామోఽపి యుధి తోషితః ।
శాన్తనోర్దాసకన్యాయాం జజ్ఞే చిత్రాఙ్గదః సుతః ॥ ౨౦ ॥
శాన్తనోర్దాసకన్యాయాం జజ్ఞే చిత్రాఙ్గదః సుతః ॥ ౨౦ ॥
విచిత్రవీర్యశ్చావరజో నామ్నా చిత్రాఙ్గదో హతః ।
యస్యాం పరాశరాత్ సాక్షాదవతీర్ణో హరేః కలా ॥ ౨౧ ॥
యస్యాం పరాశరాత్ సాక్షాదవతీర్ణో హరేః కలా ॥ ౨౧ ॥
వేదగుప్తో మునిః కృష్ణో యతోఽహమిదమధ్యగామ్ ।
హిత్వా స్వశిష్యాన్ పైలాదీన్భగవాన్ బాదరాయణః ॥ ౨౨ ॥
హిత్వా స్వశిష్యాన్ పైలాదీన్భగవాన్ బాదరాయణః ॥ ౨౨ ॥
మహ్యం పుత్రాయ శాన్తాయ పరం గుహ్యమిదం జగౌ ।
విచిత్రవీర్యోఽథోవాహ కాశీరాజసుతే బలాత్ ॥ ౨౩ ॥
విచిత్రవీర్యోఽథోవాహ కాశీరాజసుతే బలాత్ ॥ ౨౩ ॥
స్వయంవరాదుపానీతే అమ్బికామ్బాలికే ఉభే ।
తయోరాసక్తహృదయో గృహీతో యక్ష్మణా మృతః ॥ ౨౪ ॥
తయోరాసక్తహృదయో గృహీతో యక్ష్మణా మృతః ॥ ౨౪ ॥
క్షేత్రేఽప్రజస్య వై భ్రాతుర్మాత్రోక్తో బాదరాయణః ।
ధృతరాష్ట్రం చ పాణ్డుం చ విదురం చాప్యజీజనత్ ॥ ౨౫ ॥
ధృతరాష్ట్రం చ పాణ్డుం చ విదురం చాప్యజీజనత్ ॥ ౨౫ ॥
గాన్ధార్యాం ధృతరాష్ట్రస్య జజ్ఞే పుత్రశతం నృప ।
తత్ర దుర్యోధనో జ్యేష్ఠో దుఃశలా చాపి కన్యకా ॥ ౨౬ ॥
తత్ర దుర్యోధనో జ్యేష్ఠో దుఃశలా చాపి కన్యకా ॥ ౨౬ ॥
శాపాన్మైథునరుద్ధస్య పాణ్డోః కున్త్యాం మహారథాః ।
జాతా ధర్మానిలేన్ద్రేభ్యో యుధిష్ఠిరముఖాస్త్రయః ॥ ౨౭ ॥
జాతా ధర్మానిలేన్ద్రేభ్యో యుధిష్ఠిరముఖాస్త్రయః ॥ ౨౭ ॥
నకులః సహదేవశ్చ మాద్రయాం నాసత్యదస్రయోః ।
ద్రౌపద్యాం పఞ్చ పఞ్చభ్యః పుత్రాస్తే పితరోఽభవన్ ॥ ౨౮ ॥
ద్రౌపద్యాం పఞ్చ పఞ్చభ్యః పుత్రాస్తే పితరోఽభవన్ ॥ ౨౮ ॥
యుధిష్ఠిరాత్ ప్రతివిన్ధ్యః శ్రుతసేనో వృకోదరాత్ ।
అర్జునాచ్ఛ్రుతకీర్తిస్తు శతానీకస్తు నాకులిః ॥ ౨౯ ॥
అర్జునాచ్ఛ్రుతకీర్తిస్తు శతానీకస్తు నాకులిః ॥ ౨౯ ॥
సహదేవసుతో రాజఞ్ఛ్రుతకర్మా తథాపరే ।
యుధిష్ఠిరాత్ తు పౌరవ్యాం దేవకోఽథ ఘటోత్కచః ॥ ౩౦ ॥
యుధిష్ఠిరాత్ తు పౌరవ్యాం దేవకోఽథ ఘటోత్కచః ॥ ౩౦ ॥
భీమసేనాద్ధిడిమ్బాయాం కాల్యాం సర్వగతస్తతః ।
సహదేవాత్ సుహోత్రం తు విజయాసూత పార్వతీ ॥ ౩౧ ॥
సహదేవాత్ సుహోత్రం తు విజయాసూత పార్వతీ ॥ ౩౧ ॥
కరేణుమత్యాం నకులో నరమిత్రం తథార్జునః ।
ఇరావన్తములుప్యాం వై సుతాయాం బభ్రువాహనమ్ ।
మణిపురపతేః సోఽపి తత్పుత్రః పుత్రికాసుతః ॥ ౩౨ ॥
ఇరావన్తములుప్యాం వై సుతాయాం బభ్రువాహనమ్ ।
మణిపురపతేః సోఽపి తత్పుత్రః పుత్రికాసుతః ॥ ౩౨ ॥
తవ తాతః సుభద్రాయామభిమన్యురజాయత ।
సర్వాతిరథజిద్ వీర ఉత్తరాయాం తతో భవాన్ ॥ ౩౩ ॥
సర్వాతిరథజిద్ వీర ఉత్తరాయాం తతో భవాన్ ॥ ౩౩ ॥
పరిక్షీణేషు కురుషు ద్రౌణేర్బ్రహ్మాస్త్రతేజసా ।
త్వం చ కృష్ణానుభావేన సజీవో మోచితోఽన్తకాత్ ॥ ౩౪ ॥
త్వం చ కృష్ణానుభావేన సజీవో మోచితోఽన్తకాత్ ॥ ౩౪ ॥
తవేమే తనయాస్తాత జనమేజయపూర్వకాః ।
శ్రుతసేనో భీమసేన ఉగ్రసేనశ్చ వీర్యవాన్ ॥ ౩౫ ॥
శ్రుతసేనో భీమసేన ఉగ్రసేనశ్చ వీర్యవాన్ ॥ ౩౫ ॥
జనమేజయస్త్వాం విదిత్వా తక్షకాన్నిధనం గతమ్ ।
సర్పాన్ వై సర్పయాగాగ్నౌ స హోష్యతి రుషాన్వితః ॥ ౩౬ ॥
సర్పాన్ వై సర్పయాగాగ్నౌ స హోష్యతి రుషాన్వితః ॥ ౩౬ ॥
కాలషేయం పురోధాయ తురం తురగమేధషాట్ ।
సమన్తాత్ పృథివీం సర్వాం జిత్వా యక్ష్యతి చాధ్వరైః ॥ ౩౭ ॥
సమన్తాత్ పృథివీం సర్వాం జిత్వా యక్ష్యతి చాధ్వరైః ॥ ౩౭ ॥
తస్య పుత్రః శతానీకో యాజ్ఞవల్క్యాత్ త్రయీం పఠన్ ।
అస్త్రజ్ఞానం క్రియాజ్ఞానం శౌనకాత్ పరమేష్యతి ॥ ౩౮ ॥
అస్త్రజ్ఞానం క్రియాజ్ఞానం శౌనకాత్ పరమేష్యతి ॥ ౩౮ ॥
సహస్రానీకస్తత్పుత్రస్తతశ్చైవాశ్వమేధజః ।
అసీమకృష్ణస్తస్యాపి నేమిచక్రస్తు తత్సుతః ॥ ౩౯ ॥
అసీమకృష్ణస్తస్యాపి నేమిచక్రస్తు తత్సుతః ॥ ౩౯ ॥
గజాహ్వయే హృతే నద్యా కౌశామ్బ్యాం సాధు వత్స్యతి ।
ఉక్తస్తతశ్చిత్రరథస్తస్మాచ్ఛుచిరథః సుతః ॥ ౪౦ ॥
ఉక్తస్తతశ్చిత్రరథస్తస్మాచ్ఛుచిరథః సుతః ॥ ౪౦ ॥
తస్మాచ్చ వృష్టిమాంస్తస్య సుషేణోఽథ మహీపతిః ।
సునీథస్తస్య భవితా నృచక్షుర్యత్ సుఖీనలః ॥ ౪౧ ॥
సునీథస్తస్య భవితా నృచక్షుర్యత్ సుఖీనలః ॥ ౪౧ ॥
పరిప్లవః సుతస్తస్మాన్మేధావీ సునయాత్మజః ।
నృపఞ్జయస్తతో దూర్వస్తిమిస్తస్మాజ్జనిష్యతి ॥ ౪౨ ॥
నృపఞ్జయస్తతో దూర్వస్తిమిస్తస్మాజ్జనిష్యతి ॥ ౪౨ ॥
తిమేర్బృహద్రథస్తస్మాచ్ఛతానీకః సుదాసజః ।
శతానీకాద్ దుర్దమనస్తస్యాపత్యం మహీనరః ॥ ౪౩ ॥
శతానీకాద్ దుర్దమనస్తస్యాపత్యం మహీనరః ॥ ౪౩ ॥
దణ్డపాణిర్నిమిస్తస్య క్షేమకో భవితా యతః ।
బ్రహ్మక్షత్రస్య వై యోనిర్వంశో దేవర్షిసత్కృతః ॥ ౪౪ ॥
బ్రహ్మక్షత్రస్య వై యోనిర్వంశో దేవర్షిసత్కృతః ॥ ౪౪ ॥
క్షేమకం ప్రాప్య రాజానం సంస్థాం ప్రాప్స్యతి వై కలౌ ।
అథ మాగధరాజానో భావినో యే వదామి తే ॥ ౪౫ ॥
అథ మాగధరాజానో భావినో యే వదామి తే ॥ ౪౫ ॥
భవితా సహదేవస్య మార్జారిర్యచ్ఛ్రుతశ్రవాః ।
తతో యుతాయుస్తస్యాపి నిరమిత్రోఽథ తత్సుతః ॥ ౪౬ ॥
తతో యుతాయుస్తస్యాపి నిరమిత్రోఽథ తత్సుతః ॥ ౪౬ ॥
సునక్షత్రః సునక్షత్రాద్ బృహత్సేనోఽథ కర్మజిత్ ।
తతః సుతఞ్జయాద్ విప్రః శుచిస్తస్య భవిష్యతి ॥ ౪౭ ॥
తతః సుతఞ్జయాద్ విప్రః శుచిస్తస్య భవిష్యతి ॥ ౪౭ ॥
క్షేమోఽథ సువ్రతస్తస్మాద్ ధర్మసూత్రః సమస్తతః ।
ద్యుమత్సేనోఽథ సుమతిః సుబలో జనితా తతః ॥ ౪౮ ॥
ద్యుమత్సేనోఽథ సుమతిః సుబలో జనితా తతః ॥ ౪౮ ॥
సునీథః సత్యజిదథ విశ్వజిద్ యద్ రిపుఞ్జయః ।
బార్హద్రథాశ్చ భూపాలా భావ్యాః సాహస్రవత్సరమ్ ॥ ౪౯ ॥
బార్హద్రథాశ్చ భూపాలా భావ్యాః సాహస్రవత్సరమ్ ॥ ౪౯ ॥