അദ്യ മേ സഫലം ജന്മ ചാദ്യ മേ സഫലം തപഃ ।
അദ്യ മേ സഫലം ജ്ഞാനം ശമ്ഭോ ത്വത്പാദദര്ശനാത് ॥ ൧ ॥
അദ്യ മേ സഫലം ജ്ഞാനം ശമ്ഭോ ത്വത്പാദദര്ശനാത് ॥ ൧ ॥
കൃതാര്ഥോഽഹം കൃതാര്ഥോഽഹം കൃതാര്ഥോഽഹം മഹേശ്വര ।
അദ്യ തേ പാദപദ്മസ്യ ദര്ശനാദ്ഭക്തവത്സല ॥ ൨ ॥
അദ്യ തേ പാദപദ്മസ്യ ദര്ശനാദ്ഭക്തവത്സല ॥ ൨ ॥
ശിവഃ ശമ്ഭുഃ ശിവഃ ശമ്ഭുഃ ശിവഃ ശമ്ഭുഃ ശിവഃ ശിവഃ ।
ഇതി വ്യാഹരതോ നിത്യം ദിനാന്യായാന്തു യാന്തു മേ ॥ ൩ ॥
ഇതി വ്യാഹരതോ നിത്യം ദിനാന്യായാന്തു യാന്തു മേ ॥ ൩ ॥
ശിവേ ഭക്തിഃ ശിവേ ഭക്തിഃ ശിവേ ഭക്തിര്ഭവേ ഭവേ ।
സദാ ഭൂയാത്സദാ ഭൂയാത്സദാ ഭൂയാത്സുനിശ്ചലാ ॥ ൪ ॥
സദാ ഭൂയാത്സദാ ഭൂയാത്സദാ ഭൂയാത്സുനിശ്ചലാ ॥ ൪ ॥
അജന്മമരണം യസ്യ മഹാദേവാന്യദൈവതമ് ।
മാ ജനിഷ്യത മദ്വംശേ ജാതോ വാ ദ്രാഗ്വിപദ്യതാമ് ॥ ൫ ॥
മാ ജനിഷ്യത മദ്വംശേ ജാതോ വാ ദ്രാഗ്വിപദ്യതാമ് ॥ ൫ ॥
ജാതസ്യ ജായമാനസ്യ ഗര്ഭസ്ഥസ്യാപി ദേഹിനഃ ।
മാ ഭൂന്മമ കുലേ ജന്മ യസ്യ ശമ്ഭുര്ന ദൈവതമ് ॥ ൬ ॥
മാ ഭൂന്മമ കുലേ ജന്മ യസ്യ ശമ്ഭുര്ന ദൈവതമ് ॥ ൬ ॥
വയം ധന്യാ വയം ധന്യാ വയം ധന്യാ ജഗത്ത്രയേ ।
ആദിദേവോ മഹാദേവോ യദസ്മത്കുലദൈവതമ് ॥ ൭ ॥
ആദിദേവോ മഹാദേവോ യദസ്മത്കുലദൈവതമ് ॥ ൭ ॥
ഹര ശമ്ഭോ മഹാദേവ വിശ്വേശാമരവല്ലഭ ।
ശിവശങ്കര സര്വാത്മന്നീലകണ്ഠ നമോഽസ്തു തേ ॥ ൮ ॥
ശിവശങ്കര സര്വാത്മന്നീലകണ്ഠ നമോഽസ്തു തേ ॥ ൮ ॥
അഗസ്ത്യാഷ്ടകമേതത്തു യഃ പഠേച്ഛിവസന്നിധൌ ।
ശിവലോകമവാപ്നോതി ശിവേന സഹ മോദതേ ॥ ൯ ॥
ശിവലോകമവാപ്നോതി ശിവേന സഹ മോദതേ ॥ ൯ ॥