|| oṃ śrī paramātmane namaḥ ||
|| atha śrīmadbhagavadgītā ||
| atha ṣoḍaśośo'dhyāyaḥ – adhyāya sol̤āvā | |
| daivāsurasaṃpattivibhāgayogaḥ |
māval̤avīta viśvābhāsu | navala udayalā caṃḍāṃśu |
advayābjinīvikāśu | vaṃdūṃ ātāṃ || 1 ||
| daivāsurasaṃpattivibhāgayogaḥ |
māval̤avīta viśvābhāsu | navala udayalā caṃḍāṃśu |
advayābjinīvikāśu | vaṃdūṃ ātāṃ || 1 ||
jo avidyārātī rusoniyāṃ | gil̤ī jñānājñānacāṃdaṇiyā |
jo sudinu karī jñāniyāṃ | svabodhācā || 2 ||
jo sudinu karī jñāniyāṃ | svabodhācā || 2 ||
jeṇeṃ vival̤atiye saval̤e | lāhoni ātmajñānāce ḍol̤e |
sāṃḍitī dehāhaṃtecīṃ avisāl̤eṃ | jīvapakṣī || 3 ||
sāṃḍitī dehāhaṃtecīṃ avisāl̤eṃ | jīvapakṣī || 3 ||
liṃgadehakamal̤ācā | poṭīṃ veṃcu tayā cidbhramarācā |
baṃdimokṣu jayācā | udailā hoya || 4 ||
baṃdimokṣu jayācā | udailā hoya || 4 ||
śabdāciyā āsakaḍīṃ | bheda nadīcyā dohīṃ thaḍīṃ |
āraḍāte virahaveḍīṃ | buddhibodhu || 5 ||
āraḍāte virahaveḍīṃ | buddhibodhu || 5 ||
tayā cakravākāṃceṃ mithuna | sāmarasyāceṃ samādhāna |
bhogavī jo cidgagana | bhuvanadivā || 6 ||
bhogavī jo cidgagana | bhuvanadivā || 6 ||
jeṇeṃ pāhāliye pāhāṃṭe | bhedācī coravel̤a phiṭe |
righatī ātmānubhavavāṭe | pāṃthika yogī || 7 ||
righatī ātmānubhavavāṭe | pāṃthika yogī || 7 ||
jayāceni vivekakiraṇasaṃgeṃ | unmekhasūryakāṃtu phuṇage |
dīpale jāl̤itī dāṃgeṃ | saṃsārācīṃ || 8 ||
dīpale jāl̤itī dāṃgeṃ | saṃsārācīṃ || 8 ||
jayācā raśmipuṃju nibaru | hotā svarūpa ukharīṃ sthiru |
ye mahāsiddhīcā pūru | mṛgajal̤a teṃ || 9 ||
ye mahāsiddhīcā pūru | mṛgajal̤a teṃ || 9 ||
jo pratyagbodhāciyā māthayā | so'haṃtecā madhyānhīṃ āliyā |
lape ātmabhrāṃtichāyā | āpaṇapāṃ tal̤īṃ || 10 ||
lape ātmabhrāṃtichāyā | āpaṇapāṃ tal̤īṃ || 10 ||
te vel̤īṃ viśvasvapnāsahiteṃ | koṇa anyathāmatī nidreteṃ |
sāṃbhāl̤ī nureci jetheṃ | māyārātī || 11 ||
sāṃbhāl̤ī nureci jetheṃ | māyārātī || 11 ||
mhaṇauni advayabodhapāṭaṇīṃ | tetha mahānaṃdācī dāṭaṇī |
maga sukhānubhūtīcīṃ gheṇīṃ deṇīṃ | maṃdāvo lāgatī || 12 ||
maga sukhānubhūtīcīṃ gheṇīṃ deṇīṃ | maṃdāvo lāgatī || 12 ||
kiṃbahunā aisaiseṃ | muktakaivalya sudivaseṃ |
sadā lāhije kāṃ prakāśeṃ | jayāceni || 13 ||
sadā lāhije kāṃ prakāśeṃ | jayāceni || 13 ||
jo nijadhāmavyomīṃcā rāvo | udailāci udaijatakheṃvo |
pheḍī pūrvādi diśāṃsi ṭhāvo | udoastūcā || 14 ||
pheḍī pūrvādi diśāṃsi ṭhāvo | udoastūcā || 14 ||
na disaṇeṃ disaṇeṃnasīṃ māval̤avī | dohīṃ jhāṃkileṃ te saiṃgha pālavī |
kāya bahu boloṃ te āghavī | ukhāci ānī || 15 ||
kāya bahu boloṃ te āghavī | ukhāci ānī || 15 ||
to ahorātrāṃcā pailakaḍu | koṇeṃ dekhāvā jñānamārtaṃḍu |
jo prakāśyeṃvīṇa suravāḍu | prakāśācā || 16 ||
jo prakāśyeṃvīṇa suravāḍu | prakāśācā || 16 ||
tayā citsūryā śrīnivṛttī | ātāṃ namoṃ mhaṇoṃ puḍhatapuḍhatī |
je bādhakā yeijatase stutī | bolāciyā || 17 ||
je bādhakā yeijatase stutī | bolāciyā || 17 ||
devāceṃ mahimāna pāhoniyāṃ | stuti tarī yeije cāṃgāvayā |
jarī stavyabuddhīsīṃ layā | jāīje kāṃ || 18 ||
jarī stavyabuddhīsīṃ layā | jāīje kāṃ || 18 ||
jo sarvaneṇivāṃ jāṇije | maunāciyā miṭhīyā vānije |
kāṃhīṃca na honi āṇije | āpaṇapayāṃ jo || 19 ||
kāṃhīṃca na honi āṇije | āpaṇapayāṃ jo || 19 ||
tayā tujhiyā uddeśāsāṭhīṃ | paśyaṃtī madhyamā poṭīṃ |
sūni paresīṃhī pāṭhīṃ | vaikharī vire || 20 ||
sūni paresīṃhī pāṭhīṃ | vaikharī vire || 20 ||
tayā tūteṃ mī sevakapaṇeṃ | levavīṃ bolakeyā stotrāceṃ leṇeṃ |
heṃ upasāhāveṃhī mhaṇatāṃ uṇeṃ | advayānaṃdā || 21 ||
heṃ upasāhāveṃhī mhaṇatāṃ uṇeṃ | advayānaṃdā || 21 ||
parī raṃkeṃ amṛtācā sāgaru | dekhiliyā paḍe ucitācā visaru |
maga karūṃ dhāṃve pāhuṇeru | śākāṃcā tayā || 22 ||
maga karūṃ dhāṃve pāhuṇeru | śākāṃcā tayā || 22 ||
tetha śākuhī kīra bahuta mhaṇāvā | tayācā harṣaveguci to ghyāvā |
ujal̤oni divyatejā hātivā | te bhaktīci pāhāvī || 23 ||
ujal̤oni divyatejā hātivā | te bhaktīci pāhāvī || 23 ||
bāl̤ā ucita jāṇaṇeṃ hoye | tarī bāl̤apaṇaci keṃ āhe ? |
parī sācaci yerī māye | mhaṇauni toṣe || 24 ||
parī sācaci yerī māye | mhaṇauni toṣe || 24 ||
hāṃ gā gāṃvaraseṃ bharaleṃ | pāṇī pāṭhīṃ pāya deta āleṃ |
teṃ gaṃgā kāya mhaṇitaleṃ | parateṃ sara ? || 25 ||
teṃ gaṃgā kāya mhaṇitaleṃ | parateṃ sara ? || 25 ||
jī bhṛgūcā kaisā apakāru | kīṃ to mānūni priyopacāru |
toṣecinā śāraṅgadharu | gurutvāsīṃ ? || 26 ||
toṣecinā śāraṅgadharu | gurutvāsīṃ ? || 26 ||
kīṃ āṃdhāreṃ khateleṃ aṃbara | jhāleyā divasanāthāsamora |
teṇeṃ tayāteṃ paṟhā sara | mhaṇitaleṃ kāī ? || 27 ||
teṇeṃ tayāteṃ paṟhā sara | mhaṇitaleṃ kāī ? || 27 ||
tevīṃ bhedabuddhīciye tul̤e | ghālūni sūryaśleṣāceṃ kāṃṭāl̤e |
tukilāsi teṃ yekī vel̤e | upasāhijo jī || 28 ||
tukilāsi teṃ yekī vel̤e | upasāhijo jī || 28 ||
jihīṃ dhyānācā ḍol̤āṃ pāhilāsī | vedādi vācāṃ vānilāsī |
jeṃ upasāhileṃ tayāsī | teṃ āmhāṃhī karīṃ || 29 ||
jeṃ upasāhileṃ tayāsī | teṃ āmhāṃhī karīṃ || 29 ||
parī mī āji tujhyā guṇīṃ | lāṃcāvaloṃ aparādhu na gaṇīṃ |
bhalateṃ karīṃ parī ardhadhaṇīṃ | nuṭhī kadā || 30 ||
bhalateṃ karīṃ parī ardhadhaṇīṃ | nuṭhī kadā || 30 ||
miyāṃ gītā yeṇeṃ nāṃveṃ | tujheṃ pasāyāmṛta suhāveṃ |
vānūṃ lādhaloṃ teṃ duṇena thāveṃ | daivaloṃ daiveṃ || 31 ||
vānūṃ lādhaloṃ teṃ duṇena thāveṃ | daivaloṃ daiveṃ || 31 ||
mājhiyā satyavādāceṃ tapa | vācā keleṃ bahuta kalpa |
tayā phal̤āceṃ heṃ mahādvīpa | pātalī prabhu || 32 ||
tayā phal̤āceṃ heṃ mahādvīpa | pātalī prabhu || 32 ||
puṇyeṃ pośilīṃ asādharaṇeṃ | tiyeṃ tujheṃ guṇa vānaṇeṃ |
deūni maja uttīrṇeṃ | jālīṃ ājī || 33 ||
deūni maja uttīrṇeṃ | jālīṃ ājī || 33 ||
jī jīvitvācyā āḍavīṃ | ātuḍaloṃ hotoṃ maraṇagāṃvīṃ |
te avadasācī āghavī | pheḍilī ājī || 34 ||
te avadasācī āghavī | pheḍilī ājī || 34 ||
je gītā yeṇeṃ nāṃveṃ nāvāṇigī | je avidyā jiṇoni dāṭugī |
te kīrtī tujhī āmhāṃjogī | vānāvayā jālī || 35 ||
te kīrtī tujhī āmhāṃjogī | vānāvayā jālī || 35 ||
paiṃ nirdhanā gharīṃ vānivaseṃ | mahālakṣmī yeūni baise |
tayāteṃ nirdhana aiseṃ | mhaṇoṃ ye kāī ? || 36 ||
tayāteṃ nirdhana aiseṃ | mhaṇoṃ ye kāī ? || 36 ||
kāṃ aṃdhakārāciyā ṭhāyā | daiveṃ suryu āliyā |
to aṃdhāruci jagā yayā | prakāśu nohe ? || 37 ||
to aṃdhāruci jagā yayā | prakāśu nohe ? || 37 ||
jayā devācī pāhatāṃ thorī | viśva paramāṇuhī daśā na dharī |
to bhāvāciye sarobharī | navheci kāī ? || 38 ||
to bhāvāciye sarobharī | navheci kāī ? || 38 ||
taisā mī gītā vākhāṇī | he khapuṣpācī turaṃbaṇī |
parī samartheṃ tuvāṃ śirayāṇī | pheḍilī te || 39 ||
parī samartheṃ tuvāṃ śirayāṇī | pheḍilī te || 39 ||
mhaṇauni tujheni prasādeṃ | mī gītāpadyeṃ agādheṃ |
nirūpīna jī viśadeṃ | jñānadevo mhaṇe || 40 ||
nirūpīna jī viśadeṃ | jñānadevo mhaṇe || 40 ||
tarī adhyāyīṃ paṃdharāvā | śrīkṛṣṇeṃ tayā pāṃḍavā |
śāstrasiddhāṃtu āghavā | ugāṇilā || 41 ||
śāstrasiddhāṃtu āghavā | ugāṇilā || 41 ||
je vṛkṣarūpaka parībhāṣā | keleṃ upādhi rūpa aśeṣā |
sadvaidyeṃ jaiseṃ doṣā | aṃgalīnā || 42 ||
sadvaidyeṃ jaiseṃ doṣā | aṃgalīnā || 42 ||
āṇi kūṭasthu jo akṣaru | dāvilā puruṣaprakāru |
teṇeṃ upahitāhī ākāru | caitanyā kelā || 43 ||
teṇeṃ upahitāhī ākāru | caitanyā kelā || 43 ||
pāṭhīṃ uttama puruṣa | śabdāceṃ karūni miṣa |
dāvileṃ cokha | ātmatattva || 44 ||
dāvileṃ cokha | ātmatattva || 44 ||
ātmaviṣayīṃ āṃtuvaṭa | sādhana jeṃ āṃgadaṭa |
jñāna heṃhī spaṣṭa | cāval̤alā || 45 ||
jñāna heṃhī spaṣṭa | cāval̤alā || 45 ||
mhaṇauni iye adhyāyīṃ | nirūpya nureci kāṃhīṃ |
ātāṃ guruśiṣyāṃ dohīṃ | sneho lāhaṇā || 46 ||
ātāṃ guruśiṣyāṃ dohīṃ | sneho lāhaṇā || 46 ||
evaṃ iyeviṣayīṃ kīra | jāṇate bujhāvale apāra |
parī mumukṣu itara | sākāṃkṣa jāle || 47 ||
parī mumukṣu itara | sākāṃkṣa jāle || 47 ||
tyā maja puruṣottamā | jñāneṃ bheṭe jo suvarmā |
to sarvajñu toci sīmā | bhaktīcīhī || 48 ||
to sarvajñu toci sīmā | bhaktīcīhī || 48 ||
aiseṃ heṃ trailokyanāyakeṃ | bolileṃ adhyāyāṃta ślokeṃ |
tetheṃ jñānaci bahutekeṃ | vānileṃ toṣeṃ || 49 ||
tetheṃ jñānaci bahutekeṃ | vānileṃ toṣeṃ || 49 ||
bharūni prapaṃcācā ghoṃṭu | kīje dekhatāṃci dekhatayā draṣṭu |
ānaṃdasāmrājyīṃ pāṭu | bāṃdhije jīvā || 50 ||
ānaṃdasāmrājyīṃ pāṭu | bāṃdhije jīvā || 50 ||
yevaḍheyā lāṭhepaṇācā upāvo | ānu nāhīṃci mhaṇe devo |
hā samyakjñānācā rāvo | upāyāṃmājīṃ || 51 ||
hā samyakjñānācā rāvo | upāyāṃmājīṃ || 51 ||
aise ātmajijñāsu je hote | tihīṃ toṣaleni citteṃ |
ādareṃ tayā jñānāteṃ | voṃvāl̤ileṃ jīveṃ || 52 ||
ādareṃ tayā jñānāteṃ | voṃvāl̤ileṃ jīveṃ || 52 ||
ātāṃ āvaḍī jetha paḍe | tayāci avasarīṃ puḍheṃ puḍheṃ |
rigoṃ lāgeṃ heṃ ghaḍe | prema aiseṃ || 53 ||
rigoṃ lāgeṃ heṃ ghaḍe | prema aiseṃ || 53 ||
mhaṇauni jijñāsūṃcyā paikīṃ | jñānī pratītī hoya nā jaṃva nikī |
taṃva yoga kṣemu jñānavikhīṃ | sphurelaci kīṃ || 54 ||
taṃva yoga kṣemu jñānavikhīṃ | sphurelaci kīṃ || 54 ||
mhaṇauni teṃci samyak jñāna | kaiseni hoya svādhīna |
jāliyā vṛddhiyatna | ghaḍela kevīṃ || 55 ||
jāliyā vṛddhiyatna | ghaḍela kevīṃ || 55 ||
kāṃ upajoṃci jeṃ na lāhe | jeṃ upajaleṃhī avhāṃṭā sūye |
teṃ jñānīṃ viruddha kāya āhe | heṃ jāṇāveṃ kīṃ || 56 ||
teṃ jñānīṃ viruddha kāya āhe | heṃ jāṇāveṃ kīṃ || 56 ||
maga jāṇatayāṃ jeṃ virū | tayācīṃ vāṭa vāhatī karūṃ |
jñānā hita teṃci vicārūṃ | sarvabhāveṃ || 57 ||
jñānā hita teṃci vicārūṃ | sarvabhāveṃ || 57 ||
aisā jñānajijñāsu tumhīṃ samastīṃ | bhāvo jo dharilā ase cittīṃ |
to puravāvayā lakṣmīpatī | bolijela || 58 ||
to puravāvayā lakṣmīpatī | bolijela || 58 ||
jñānāsi sujanma joḍe | āpalī viśrāṃtihī varī vāḍhe |
te saṃpattīce pavāḍe | sāṃgijela daivī || 59 ||
te saṃpattīce pavāḍe | sāṃgijela daivī || 59 ||
āṇi jñānāceni kāmākāreṃ | je rāgadveṣāṃsi de thāre |
tiye āsuriyehi ghore | karīla rūpa || 60 ||
tiye āsuriyehi ghore | karīla rūpa || 60 ||
sahaja iṣṭāniṣṭakaraṇī | doghīci iyā kavatukiṇī |
he navamādhyāyīṃ ubhāraṇī | kelī hotī || 61 ||
he navamādhyāyīṃ ubhāraṇī | kelī hotī || 61 ||
tetha sāumā gheyāvayā uvāvo | taṃva voḍavalā āna prastāvo |
tarī tayāṃ prasaṃgeṃ ātāṃ devo | nirūpīta ase || 62 ||
tarī tayāṃ prasaṃgeṃ ātāṃ devo | nirūpīta ase || 62 ||
tayā nirūpaṇāceni nāṃveṃ | adhyāya pada sol̤āveṃ |
lāvaṇī pāhatāṃ jāṇāveṃ | māgilāvarī || 63 ||
lāvaṇī pāhatāṃ jāṇāveṃ | māgilāvarī || 63 ||
parī heṃ aso ātāṃ prastutīṃ | jñānācyā hitāhitīṃ |
samarthā saṃpattī | iyāci donhī || 64 ||
samarthā saṃpattī | iyāci donhī || 64 ||
je mumukṣumārgīṃcī bol̤āvī | je moharātrīcī dharmadivī |
te ādhīṃ taṃva daivī | saṃpattī aikā || 65 ||
te ādhīṃ taṃva daivī | saṃpattī aikā || 65 ||
jetha eka ekāteṃ pokhī | aise bahuta padārtha yekīṃ |
saṃpādijatī te lokīṃ | saṃpatti mhaṇije || 66 ||
saṃpādijatī te lokīṃ | saṃpatti mhaṇije || 66 ||
te daivī sukhasaṃbhavī | tetha daivaguṇeṃ yekopajīvīṃ |
jālī mhaṇauni daivī | saṃpatti he || 67 ||
jālī mhaṇauni daivī | saṃpatti he || 67 ||
śrī bhagavānuvāca |
abhayaṃ sattvasaṃśuddhirjñānayogavyavasthitaḥ |
dānaṃ damaśca yajñaśca svādhyāyastapa ārjavaṃ || 1 ||
abhayaṃ sattvasaṃśuddhirjñānayogavyavasthitaḥ |
dānaṃ damaśca yajñaśca svādhyāyastapa ārjavaṃ || 1 ||
ātāṃ tayāci daivaguṇāṃ- | mājīṃ dhurecā baisaṇā |
baise tayā ākarṇā | abhaya aiseṃ || 68 ||
baise tayā ākarṇā | abhaya aiseṃ || 68 ||
tarī na ghālūni mahāpurīṃ | na ghepe buḍaṇayācī śiyārī |
kāṃ rogu na gaṇije gharīṃ | pathyāciyā || 69 ||
kāṃ rogu na gaṇije gharīṃ | pathyāciyā || 69 ||
taisā karmākarmāciyā moharā | uṭhūṃ nedūni ahaṃkārā |
saṃsārācā darārā | sāṃḍaṇeṃ yeṇeṃ || 70 ||
saṃsārācā darārā | sāṃḍaṇeṃ yeṇeṃ || 70 ||
athavā aikyabhāvāceni paiseṃ | duje mānūni ātmā aiseṃ |
bhayavārtā deśeṃ | davaḍaṇeṃ jeṃ || 71 ||
bhayavārtā deśeṃ | davaḍaṇeṃ jeṃ || 71 ||
pāṇī buḍa{ūṃ} ye miṭhāteṃ | taṃva mīṭhaci pāṇī āteṃ |
tevīṃ āpaṇa jāleni advaiteṃ | nāśe bhaya || 72 ||
tevīṃ āpaṇa jāleni advaiteṃ | nāśe bhaya || 72 ||
agā abhaya yeṇeṃ nāṃveṃ | bolije teṃ heṃ jāṇāveṃ |
samyakjñānāceṃ āghaveṃ | dhāṃvaṇeṃ heṃ || 73 ||
samyakjñānāceṃ āghaveṃ | dhāṃvaṇeṃ heṃ || 73 ||
ātāṃ sattvaśuddhī je mhaṇije | te aiśā cinhīṃ jāṇije |
tarī jal̤e nā vijhe | rākhoṃḍī jaisī || 74 ||
tarī jal̤e nā vijhe | rākhoṃḍī jaisī || 74 ||
kāṃ pāḍivā vāḍhī na mage | aṃvase tuṭī sāṃḍūni māge |
mājīṃ atisūkṣma aṃgeṃ | caṃdru jaisā rāhe || 75 ||
mājīṃ atisūkṣma aṃgeṃ | caṃdru jaisā rāhe || 75 ||
nātarī vārṣiyā nāhīṃ māṃḍilī | grīṣmeṃ nāhīṃ sāṃḍilī |
mājīṃ nijarūpeṃ nivaḍalī | gaṃgā jaisī || 76 ||
mājīṃ nijarūpeṃ nivaḍalī | gaṃgā jaisī || 76 ||
taisī saṃkalpavikalpācī voḍhī | sāṃḍūni rajatamācī kāvaḍī |
bhogitāṃ nijadharmācī āvaḍī | buddhi ure || 77 ||
bhogitāṃ nijadharmācī āvaḍī | buddhi ure || 77 ||
iṃdriyavargīṃ dākhaviliyā | viruddhā athavā bhalīyā |
vismayo kāṃhīṃ keliyā | nuṭhī cittīṃ || 78 ||
vismayo kāṃhīṃ keliyā | nuṭhī cittīṃ || 78 ||
gāṃvā geliyā vallabhu | pativratecā virahakṣobhu |
bhalatesaṇī hānilābhu | na manīṃ jevīṃ || 79 ||
bhalatesaṇī hānilābhu | na manīṃ jevīṃ || 79 ||
tevīṃ satsvarūpa rucalepaṇeṃ | buddhī jeṃ aiseṃ ananya hoṇeṃ |
te sattvaśuddhī mhaṇe | keśihaṃtā || 80 ||
te sattvaśuddhī mhaṇe | keśihaṃtā || 80 ||
ātāṃ ātmalābhāvikhīṃ | jñānayogāmājīṃ ekīṃ |
je āpuliyā ṭhākī | hāṃveṃ bhare || 81 ||
je āpuliyā ṭhākī | hāṃveṃ bhare || 81 ||
tetha sagal̤iye cittavṛttī | tyāgu karaṇeṃ yā rītī |
niṣkāmeṃ pūrṇāhutī | hutāśīṃ jaisī || 82 ||
niṣkāmeṃ pūrṇāhutī | hutāśīṃ jaisī || 82 ||
kāṃ sukul̤īneṃ āpulī | ātmajā satkul̤īṃci didhalī |
heṃ aso lakṣmī sthirāvalī | mukuṃdīṃ jaisī || 83 ||
heṃ aso lakṣmī sthirāvalī | mukuṃdīṃ jaisī || 83 ||
taise nirvikalpapaṇeṃ | jeṃ yogajñānīṃca yā vṛttika hoṇeṃ |
to tijā guṇa mhaṇe | śrīkṛṣṇanāthu || 84 ||
to tijā guṇa mhaṇe | śrīkṛṣṇanāthu || 84 ||
ātāṃ dehavācācitteṃ | yathāsaṃpanneṃ vitteṃ |
vairī jāliyāhī ārtāteṃ | na vaṃcaṇe jeṃ kāṃ || 85 ||
vairī jāliyāhī ārtāteṃ | na vaṃcaṇe jeṃ kāṃ || 85 ||
patra puṣpa chāyā | phal̤eṃ mūl̤a dhanaṃjayā |
vāṭecā na cuke āliyā | vṛkṣu jaisā || 86 ||
vāṭecā na cuke āliyā | vṛkṣu jaisā || 86 ||
taiseṃ manauni dhanadhānyavarī | vidyamāneṃ ālyā avasarīṃ |
śrāṃtāciye manohārīṃ | upayogā jāṇeṃ || 87 ||
śrāṃtāciye manohārīṃ | upayogā jāṇeṃ || 87 ||
tayāṃ nāṃva jāṇa dāna | jeṃ mokṣanidhānāceṃ aṃjana |
heṃ aso āika cinha | damāceṃ teṃ || 88 ||
heṃ aso āika cinha | damāceṃ teṃ || 88 ||
tarī viṣayeṃdriyāṃ mil̤aṇī | karūni ghāpe vituṭaṇī |
jaiseṃ toḍije khaḍgapāṇī | pārakeyā || 89 ||
jaiseṃ toḍije khaḍgapāṇī | pārakeyā || 89 ||
taisā viṣayajātāṃcā vārā | vājoṃ nedije iṃdriyadvārāṃ |
iye bāṃdhoni pratyāhārā | hātīṃ vopī || 90 ||
iye bāṃdhoni pratyāhārā | hātīṃ vopī || 90 ||
āṃtulā cittāceṃ aṃgavarīṃ | pravṛtti pal̤e para bāherī |
āgī suyije dāhīṃhi dvārīṃ | vairāgyācī || 91 ||
āgī suyije dāhīṃhi dvārīṃ | vairāgyācī || 91 ||
śvāsośvāsāhunī bahuvaseṃ | vrateṃ ācare kharapuseṃ |
vosaṃtitā rātridivaseṃ | nārāṇuka jayā || 92 ||
vosaṃtitā rātridivaseṃ | nārāṇuka jayā || 92 ||
paiṃ damu aisā mhaṇipe | to hā jāṇa svarūpeṃ |
yāgārthuhī saṃkṣepeṃ | sāṃgoṃ aika || 93 ||
yāgārthuhī saṃkṣepeṃ | sāṃgoṃ aika || 93 ||
tarī brāhmaṇa karūni dhure | striyādika paila mere |
mājhārīṃ adhikāreṃ | āpulāleni || 94 ||
mājhārīṃ adhikāreṃ | āpulāleni || 94 ||
jayā je sarvottama | bhajanīya devatādharma |
te teṇeṃ yathāgama | vidhī yajije || 95 ||
te teṇeṃ yathāgama | vidhī yajije || 95 ||
jaisā dvija ṣaṭkarmeṃ karī | śūdra tayāteṃ namaskārī |
kīṃ dohīṃsahī sarobharī | nipaje yāgu || 96 ||
kīṃ dohīṃsahī sarobharī | nipaje yāgu || 96 ||
taiseṃ adhikāraparyāloceṃ | heṃ yajña karaṇeṃ sarvāṃceṃ |
parī viṣaya viṣa phal̤āśeceṃ | na ghāpe mājīṃ || 97 ||
parī viṣaya viṣa phal̤āśeceṃ | na ghāpe mājīṃ || 97 ||
āṇi mī kartā aisā bhāvo | nedije dehāceni dvāreṃ jāvoṃ |
nā vedājñesi tarī ṭhāvo | hoije svayeṃ || 98 ||
nā vedājñesi tarī ṭhāvo | hoije svayeṃ || 98 ||
arjunā evaṃ yajñu | sarvatra jāṇa sājñu |
kaivalyamārgīṃcā abhijñu | sāṃgātī hā || 99 ||
kaivalyamārgīṃcā abhijñu | sāṃgātī hā || 99 ||
ātāṃ ceṃḍuveṃ bhūmī hāṇije | navhe to hātā āṇije |
kīṃ śetīṃ bīṃ vikhurije | parī pikīṃ lakṣa || 100 ||
kīṃ śetīṃ bīṃ vikhurije | parī pikīṃ lakṣa || 100 ||
nātarī ṭhevileṃ dekhāvayā | ādara kīje diviyā |
kāṃ śākhā phal̤eṃ yāvayā | siṃpije mūl̤a || 101 ||
kāṃ śākhā phal̤eṃ yāvayā | siṃpije mūl̤a || 101 ||
heṃ bahu aso ārisā | āpaṇapeṃ dekhāvayā jaisā |
puḍhatapuḍhatī bahuvasā | uṭije prītī || 102 ||
puḍhatapuḍhatī bahuvasā | uṭije prītī || 102 ||
taisā vedapratipādyu jo īśvaru | to hoāvayālāgīṃ gocaru |
śrutīcā niraṃtaru | abhyāsu karaṇeṃ || 103 ||
śrutīcā niraṃtaru | abhyāsu karaṇeṃ || 103 ||
teṃci dvijāṃsīca brahmasūtra | yerā stotra kāṃ nāmamaṃtra |
āvartavaṇeṃ pavitra | pāvāvayā tattva || 104 ||
āvartavaṇeṃ pavitra | pāvāvayā tattva || 104 ||
pārthā gā svādhyāvo | bolije to hā mhaṇe devo |
ātāṃ tapa śabdābhiprāvo | āīka sāṃgoṃ || 105 ||
ātāṃ tapa śabdābhiprāvo | āīka sāṃgoṃ || 105 ||
tarī dāneṃ sarvasva deṇeṃ | veṃcaṇeṃ teṃ vyartha karaṇeṃ |
jaise phal̤oni svayeṃ sukaṇeṃ | iṃdrāvaṇī jevīṃ || 106 ||
jaise phal̤oni svayeṃ sukaṇeṃ | iṃdrāvaṇī jevīṃ || 106 ||
nānā dhūpācā agnipraveśu | kanakīṃ tukācā nāśu |
pitṛpakṣu poṣitā ṟhāsu | caṃdrācā jaisā || 107 ||
pitṛpakṣu poṣitā ṟhāsu | caṃdrācā jaisā || 107 ||
taisā svarūpāciyā prasarā -| lāgīṃ prāṇeṃdriyaśarīrāṃ |
āṭaṇī karaṇeṃ jeṃ vīrā | teṃci tapa || 108 ||
āṭaṇī karaṇeṃ jeṃ vīrā | teṃci tapa || 108 ||
athavā anāriseṃ | tapāceṃ rūpa jarī ase |
tarī jāṇa jevīṃ dudhīṃ haṃseṃ | sūdalī cāṃcū || 109 ||
tarī jāṇa jevīṃ dudhīṃ haṃseṃ | sūdalī cāṃcū || 109 ||
taiseṃ dehajīvāciye mil̤aṇīṃ | jo udayajata sūye pāṇī |
to viveka aṃtaḥkaraṇīṃ | jāgavīje || 110 ||
to viveka aṃtaḥkaraṇīṃ | jāgavīje || 110 ||
pāhatāṃ ātmayākaḍe | buddhīcā paisu sāṃkaḍeṃ |
sanidra svapna buḍe | jāgaṇīṃ jaiseṃ || 111 ||
sanidra svapna buḍe | jāgaṇīṃ jaiseṃ || 111 ||
taisā ātmaparyālocu | pravarte jo sācu |
tapācā hā nirvecu | dhanurdharā || 112 ||
tapācā hā nirvecu | dhanurdharā || 112 ||
ātāṃ bāl̤ācyā hitīṃ stanya | jaiseṃ nānābhūtīṃ caitanya |
taiseṃ prāṇimātrīṃ saujanya | ārjava teṃ || 113 ||
taiseṃ prāṇimātrīṃ saujanya | ārjava teṃ || 113 ||
ahiṃsā satyamakrodhstyāgaḥ śāntirapaiśunam |
dayā bhūteṣvaloluptvaṃ mārdavaṃ hrīracāpalam || 2 ||
dayā bhūteṣvaloluptvaṃ mārdavaṃ hrīracāpalam || 2 ||
āṇi jagāciyā sukhoddeśeṃ | śarīravācāmānaseṃ |
rāhāṭaṇeṃ teṃ ahiṃse | rūpa jāṇa || 114 ||
rāhāṭaṇeṃ teṃ ahiṃse | rūpa jāṇa || 114 ||
ātāṃ tīkha hoūni mavāl̤a | jaiseṃ jātīceṃ mukul̤a |
kāṃ teja parī śītal̤a | śaśāṃkāceṃ || 115 ||
kāṃ teja parī śītal̤a | śaśāṃkāceṃ || 115 ||
śake dāvitāṃci roga pheḍūṃ | āṇi jibhe tarī navhe kaḍu |
te vokhadu nāhīṃ mā ghaḍū | upamā kaiṃcī || 116 ||
te vokhadu nāhīṃ mā ghaḍū | upamā kaiṃcī || 116 ||
tarī maūpaṇeṃ bubul̤e | jhagaḍatāṃhī parī nāḍal̤e |
eṟhavīṃ phoḍī koṃrāl̤eṃ | pāṇī jaiseṃ || 117 ||
eṟhavīṃ phoḍī koṃrāl̤eṃ | pāṇī jaiseṃ || 117 ||
taiseṃ toḍāvayā saṃdeha | tīkha jaiseṃ kāṃ loha |
śrāvyatveṃ tarī mādhurya | pāyīṃ ghālīṃ || 118 ||
śrāvyatveṃ tarī mādhurya | pāyīṃ ghālīṃ || 118 ||
aikoṃ ṭhātāṃ kautukeṃ | kānāteṃ nighatī mukheṃ |
jeṃ sācāriveceni bikeṃ | brahmahī bhedī || 119 ||
jeṃ sācāriveceni bikeṃ | brahmahī bhedī || 119 ||
kiṃbahunā priyapaṇe | koṇāteṃhī jhaka{ūṃ} neṇe |
yathārtha tarī khupaṇeṃ | nāhīṃ kavaṇā || 120 ||
yathārtha tarī khupaṇeṃ | nāhīṃ kavaṇā || 120 ||
eṟhavīṃ gorī kīra kānā goḍa | parī sācācā pākhāl̤īṃ kīḍa |
āgīceṃ karaṇeṃ ughaḍa | parī jal̤oṃ teṃ sāca || 121 ||
āgīceṃ karaṇeṃ ughaḍa | parī jal̤oṃ teṃ sāca || 121 ||
kānīṃ lāgatāṃ mahūra | artheṃ vibhāṃḍī jivhāra |
teṃ vācā navhe suṃdara | lāṃvaci pāṃ || 122 ||
teṃ vācā navhe suṃdara | lāṃvaci pāṃ || 122 ||
parī ahitīṃ koponi sopa | lālanīṃ maū jaiseṃ puṣpa |
tiye māteceṃ svarūpa | jaiseṃ kāṃ hoya || 123 ||
tiye māteceṃ svarūpa | jaiseṃ kāṃ hoya || 123 ||
taiseṃ śravaṇasukha catura | parīṇamoni sācāra |
bolaṇeṃ jeṃ avikāra | teṃ satya yetheṃ || 124 ||
bolaṇeṃ jeṃ avikāra | teṃ satya yetheṃ || 124 ||
ātāṃ ghālitāṃhī pāṇī | pāṣāṇīṃ na nighe āṇī |
kāṃ mathiliyā loṇī | kāṃjī nedī || 125 ||
kāṃ mathiliyā loṇī | kāṃjī nedī || 125 ||
tvacā pāyeṃ śirīṃ | hāleyāhī phaḍe na karī |
vasaṃtīṃhī aṃbarīṃ | na hotī phuleṃ || 126 ||
vasaṃtīṃhī aṃbarīṃ | na hotī phuleṃ || 126 ||
nānā raṃbhecenihī rūpeṃ | śukīṃ nuṭhijeci kaṃdarpeṃ |
kāṃ bhasmīṃ vanhi na uddīpe | ghṛteṃhī jevīṃ || 127 ||
kāṃ bhasmīṃ vanhi na uddīpe | ghṛteṃhī jevīṃ || 127 ||
tevīṃci kumāru krodheṃ bhare | taisiyā maṃtrācīṃ bījākṣareṃ |
tiyeṃ nimitteṃhī apāreṃ | mīnaliyā || 128 ||
tiyeṃ nimitteṃhī apāreṃ | mīnaliyā || 128 ||
parī dhātayāhī pāyāṃ paḍatāṃ | nuṭhī gatāyu paṃḍusutā |
taisī nupaje upajavitāṃ | krodhormī gā || 129 ||
taisī nupaje upajavitāṃ | krodhormī gā || 129 ||
akrodhatva aiseṃ | nāṃva teṃ ye daśe |
jāṇa aiseṃ śrīnivāseṃ | mhaṇitaleṃ tayā || 130 ||
jāṇa aiseṃ śrīnivāseṃ | mhaṇitaleṃ tayā || 130 ||
ātāṃ mṛttikātyāgeṃ ghaṭu | taṃtutyāgeṃ paṭu |
tyajije jevīṃ vaṭu | bījatyāgeṃ || 131 ||
tyajije jevīṃ vaṭu | bījatyāgeṃ || 131 ||
kāṃ tyajuni bhiṃtimātra | tyajije āghaveṃci citra |
kāṃ nidrātyāgeṃ vicitra | svapnajāl̤a || 132 ||
kāṃ nidrātyāgeṃ vicitra | svapnajāl̤a || 132 ||
nānā jal̤atyāgeṃ taraṃga | varṣātyāgeṃ megha |
tyajijatī jaise bhoga | dhanatyāgeṃ || 133 ||
tyajijatī jaise bhoga | dhanatyāgeṃ || 133 ||
tevīṃ buddhimaṃtīṃ dehīṃ | ahaṃtā sāṃḍūni pāhīṃ |
sāṃḍije aśeṣahī | saṃsārajāta || 134 ||
sāṃḍije aśeṣahī | saṃsārajāta || 134 ||
tayā nāṃva tyāgu | mhaṇe to yajñāṃgu |
he mānūni subhagu | pārthu puse || 135 ||
he mānūni subhagu | pārthu puse || 135 ||
ātāṃ śāṃtīceṃ liṃga | teṃ vyakta maja sāṃga |
devo mhaṇatī cāṃga | avadhāna deīṃ || 136 ||
devo mhaṇatī cāṃga | avadhāna deīṃ || 136 ||
tarī gil̤oni jñeyāteṃ | jñātā jñānahī māghauteṃ |
hārapeṃ niruteṃ | te śāṃti paiṃ gā || 137 ||
hārapeṃ niruteṃ | te śāṃti paiṃ gā || 137 ||
jaisā pral̤ayāṃbūcā ubhaḍu | buḍavūni viśvācā pavāḍu |
hoya āpaṇapeṃ nibiḍu | āpaṇaci || 138 ||
hoya āpaṇapeṃ nibiḍu | āpaṇaci || 138 ||
maga ugama ogha siṃdhu | hā nureci vyavahārabhedu |
parī jalaikyācā bodhu | tohī kavaṇā ? || 139 ||
parī jalaikyācā bodhu | tohī kavaṇā ? || 139 ||
taisī jñeyā detāṃ miṭhī | jñātṛtvahī paḍe poṭīṃ |
maga ure teṃci kirīṭī | śāṃtīceṃ rūpa || 140 ||
maga ure teṃci kirīṭī | śāṃtīceṃ rūpa || 140 ||
ātāṃ kadarthavīta vyādhī | bal̤īkaraṇāciyā ādhīṃ |
āpaparu na śodhī | sadvaidyu jaisā || 141 ||
āpaparu na śodhī | sadvaidyu jaisā || 141 ||
kā cikhalīṃ rutalī gāye | dhaḍabhākaḍa na pāhe |
jo tiyeciyā glānī hoye | kālābhulā || 142 ||
jo tiyeciyā glānī hoye | kālābhulā || 142 ||
nānā buḍatayāteṃ sakaruṇu | na puse aṃtyaju kāṃ brāhmaṇu |
kāḍhūni rākhe prāṇu | heṃci jāṇe || 143 ||
kāḍhūni rākhe prāṇu | heṃci jāṇe || 143 ||
kīṃ māya vanīṃ pāpiyeṃ | ughaḍī kelī vipāyeṃ |
te nesavilyāvīṇa na pāhe | śiṣṭu jaisā || 144 ||
te nesavilyāvīṇa na pāhe | śiṣṭu jaisā || 144 ||
taise ajñānapramādādikīṃ | kāṃ prāktanahīna sadokhīṃ |
niṃdatvācyā sarvavikhīṃ | khil̤ile je || 145 ||
niṃdatvācyā sarvavikhīṃ | khil̤ile je || 145 ||
tayāṃ āṃgīka āpuleṃ | deūniyāṃ bhaleṃ |
visaravijatī saleṃ | salatīṃ tiyeṃ || 146 ||
visaravijatī saleṃ | salatīṃ tiyeṃ || 146 ||
agā puḍhilācā dokhu | karūni āpuliye diṭhī cokhu |
maga ghāpe avaloku | tayāvarī || 147 ||
maga ghāpe avaloku | tayāvarī || 147 ||
jaisā pujūni devo pāhije | perūni śetā jāije |
toṣauni prasādu gheije | atithīcā || 148 ||
toṣauni prasādu gheije | atithīcā || 148 ||
taiseṃ āpuleni guṇeṃ | puḍhilāceṃ uṇeṃ |
pheḍuniyāṃ pāhaṇeṃ | tayākaḍe || 149 ||
pheḍuniyāṃ pāhaṇeṃ | tayākaḍe || 149 ||
vāṃcūni na viṃdhijeṃ varmīṃ | nātuḍavije akarmīṃ |
na bolavije nāmīṃ | sadoṣīṃ tihīṃ || 150 ||
na bolavije nāmīṃ | sadoṣīṃ tihīṃ || 150 ||
varī koṇe ekeṃ upāyeṃ | paḍileṃ teṃ ubheṃ hoye |
teṃca kīje parī ghāye | nedāve varmīṃ || 151 ||
teṃca kīje parī ghāye | nedāve varmīṃ || 151 ||
paiṃ uttamāciyāsāṭhīṃ | nīca mānije kirīṭī |
heṃ vāṃconi diṭhī | doṣu na ghepe || 152 ||
heṃ vāṃconi diṭhī | doṣu na ghepe || 152 ||
agā apaiśūnyāceṃ lakṣaṇa | arjunā heṃ phuḍeṃ jāṇa |
mokṣamārgīṃceṃ sukhāsana | mukhya heṃ gā || 153 ||
mokṣamārgīṃceṃ sukhāsana | mukhya heṃ gā || 153 ||
ātāṃ dayā te aisī | pūrṇacaṃdrikā jaisī |
nivavitāṃ na kaḍasī | sāneṃ thora || 154 ||
nivavitāṃ na kaḍasī | sāneṃ thora || 154 ||
taiseṃ duḥkhitāceṃ śiṇaṇeṃ | hiratāṃ sakaṇavapaṇeṃ |
uttamādhama neṇeṃ | vivaṃcūṃ gā || 155 ||
uttamādhama neṇeṃ | vivaṃcūṃ gā || 155 ||
paiṃ jagīṃ jīvanāsārikheṃ | vastu aṃgavarī upakheṃ |
parī jāteṃ jīvita rākhe | tṛṇāceṃhi || 156 ||
parī jāteṃ jīvita rākhe | tṛṇāceṃhi || 156 ||
taiseṃ puḍhilāceni tāpeṃ | kal̤aval̤aliye kṛpeṃ |
sarvasveṃsīṃ didhaleṃhi āpaṇapeṃ | thoḍeṃci game || 157 ||
sarvasveṃsīṃ didhaleṃhi āpaṇapeṃ | thoḍeṃci game || 157 ||
nimna bharaliyāviṇeṃ | pāṇī ḍhal̤oṃci neṇe |
tevīṃ śrāṃtā toṣauni jāṇeṃ | sāmoreṃ pāṃ || 158 ||
tevīṃ śrāṃtā toṣauni jāṇeṃ | sāmoreṃ pāṃ || 158 ||
paiṃ pāyīṃ kāṃṭā nehaṭe | taṃva vyathā jīvīṃ umaṭe |
taisā pol̤e saṃkaṭeṃ | puḍhilāṃceni || 159 ||
taisā pol̤e saṃkaṭeṃ | puḍhilāṃceni || 159 ||
kāṃ pāvo śītal̤atā lāhe | kīṃ te ḍol̤yācilāgīṃ hoye |
taisā parasukheṃ jāye | sukhāvatu || 160 ||
taisā parasukheṃ jāye | sukhāvatu || 160 ||
kiṃbahunā tṛṣitālāgīṃ | pāṇī ārāyileṃ ase jagīṃ |
taiseṃ duḥkhitāṃce selabhāgīṃ | jiṇeṃ jayāceṃ || 161 ||
taiseṃ duḥkhitāṃce selabhāgīṃ | jiṇeṃ jayāceṃ || 161 ||
to puruṣu vīrarāyā | mūrtimaṃta jāṇa dayā |
mī udayajatāṃci tayā | ṛṇiyā lābheṃ || 162 ||
mī udayajatāṃci tayā | ṛṇiyā lābheṃ || 162 ||
ātāṃ sūryāsi jīveṃ | anusaraliyā rājīveṃ |
parī teṃ to na śive | saurabhya jaiseṃ || 163 ||
parī teṃ to na śive | saurabhya jaiseṃ || 163 ||
kāṃ vasaṃtāciyā vāhāṇīṃ | āliyā vanaśrīcyā akṣauhiṇī |
te na karītuci gheṇī | nigālā to || 164 ||
te na karītuci gheṇī | nigālā to || 164 ||
heṃ aso mahāsiddhīsī | lakṣmīhī āliyā pāśīṃ |
parī mahāviṣṇu jaisī | na gaṇīca te || 165 ||
parī mahāviṣṇu jaisī | na gaṇīca te || 165 ||
taise aihikīṃce kāṃ svargīṃce | bhoga pāīka jāliyā icchece |
parī bhogāve heṃ na ruce | manāmājīṃ || 166 ||
parī bhogāve heṃ na ruce | manāmājīṃ || 166 ||
bahuveṃ kāya kautukīṃ | jīva nohe viṣayābhilākhī |
aloluptvadaśā ṭhāukī | jāṇa te he || 167 ||
aloluptvadaśā ṭhāukī | jāṇa te he || 167 ||
ātāṃ māśiyāṃ jaiseṃ mohal̤a | jal̤acarāṃ jevīṃ jal̤a |
kāṃ pakṣiyāṃ aṃtarāl̤a | mokal̤eṃ heṃ || 168 ||
kāṃ pakṣiyāṃ aṃtarāl̤a | mokal̤eṃ heṃ || 168 ||
nātarī bāl̤akoddeśeṃ | māteceṃ sneha jaiseṃ |
kāṃ vasaṃtīcyā sparśeṃ | maū malayānil̤u || 169 ||
kāṃ vasaṃtīcyā sparśeṃ | maū malayānil̤u || 169 ||
ḍol̤yāṃ priyācī bheṭī | kāṃ piliyāṃ kūrmīcī diṭhī |
taisīṃ bhūtamātrīṃ rāhaṭī | mavāl̤a te || 170 ||
taisīṃ bhūtamātrīṃ rāhaṭī | mavāl̤a te || 170 ||
sparśeṃ atimṛdu | mukhīṃ ghetāṃ susvādu |
ghrāṇāsi sugaṃdhu | ujāl̤u āṃgeṃ || 171 ||
ghrāṇāsi sugaṃdhu | ujāl̤u āṃgeṃ || 171 ||
to āvaḍe tevaḍhā ghetāṃ | viruddha jarī na hotāṃ |
tarī upame yetā | kāpūra kīṃ || 172 ||
tarī upame yetā | kāpūra kīṃ || 172 ||
parī mahābhūteṃ poṭīṃ vāhe | tevīṃci paramāṇūmājīṃ sāmāye |
yā viśvānusāra hoye | gagana jaiseṃ || 173 ||
yā viśvānusāra hoye | gagana jaiseṃ || 173 ||
kāya sāṃgoṃ aiseṃ jiṇeṃ | jeṃ jagāceni jīveṃ prāṇeṃ |
tayā nāṃva mhaṇeṃ | mārdava mī || 174 ||
tayā nāṃva mhaṇeṃ | mārdava mī || 174 ||
ātāṃ parājayeṃ rājā | jaisā kadarthije lājā |
kāṃ māniyā nistejā | nikṛṣṭāstava || 175 ||
kāṃ māniyā nistejā | nikṛṣṭāstava || 175 ||
nānā cāṃḍāl̤a maṃdirāśīṃ | avacaṭeṃ āliyā saṃnyāśī |
maga lāja hoya jaisī | uttamā tayā || 176 ||
maga lāja hoya jaisī | uttamā tayā || 176 ||
kṣatriyā raṇīṃ pal̤oni jāṇeṃ | teṃ koṇa sāhe lājiravāṇeṃ |
kāṃ vaidhavyeṃ pācāraṇeṃ | mahāsatiyeteṃ || 177 ||
kāṃ vaidhavyeṃ pācāraṇeṃ | mahāsatiyeteṃ || 177 ||
rūpasā udayaleṃ kuṣṭa | saṃbhāvitāṃ kuṭīceṃ boṭa |
tayā lājā prāṇasaṃkaṭa | hoya jaiseṃ || 178 ||
tayā lājā prāṇasaṃkaṭa | hoya jaiseṃ || 178 ||
taiseṃ auṭahātapaṇeṃ | jeṃ śava hoūni jiṇeṃ |
upajoṃ upajoṃ maraṇeṃ | nāvānāvā || 179 ||
upajoṃ upajoṃ maraṇeṃ | nāvānāvā || 179 ||
tiyeṃ garbhamedamuseṃ | raktamūtraraseṃ |
voṃtīva hoūni ase | teṃ lājiravāṇeṃ || 180 ||
voṃtīva hoūni ase | teṃ lājiravāṇeṃ || 180 ||
heṃ bahu aso dehapaṇeṃ | nāmarūpāsi yeṇeṃ |
nāhīṃ gā lājiravāṇeṃ | tayāhūnī || 181 ||
nāhīṃ gā lājiravāṇeṃ | tayāhūnī || 181 ||
aisaisiyā avakal̤ā | ghepe śarīrācā kaṃṭāl̤ā |
te lāja paiṃ nirmal̤ā | nisugā goḍa || 182 ||
te lāja paiṃ nirmal̤ā | nisugā goḍa || 182 ||
ātāṃ sūtrataṃtu tuṭaliyā | ceṣṭāci ṭhāke sāyakhaḍiyā |
taiseṃ prāṇajayeṃ karmeṃdriyāṃ | khuṃṭe gatī || 183 ||
taiseṃ prāṇajayeṃ karmeṃdriyāṃ | khuṃṭe gatī || 183 ||
kīṃ māval̤aliyā dinakaru | sare kiraṇāṃcā prasaru |
taisā manojayeṃ prakāru | jñāneṃdriyāṃcā || 184 ||
taisā manojayeṃ prakāru | jñāneṃdriyāṃcā || 184 ||
evaṃ manapavananiyameṃ | hotī dāhī iṃdriyeṃ akṣameṃ |
teṃ acāpalya varmeṃ | yeṇeṃ hoya || 185 ||
teṃ acāpalya varmeṃ | yeṇeṃ hoya || 185 ||
tejaḥ kṣamā dhṛtiḥ śaucamadroho nātimānitā |
bhavanti saṃpadaṃ daivīmabhijātasya bhārata || 3 ||
bhavanti saṃpadaṃ daivīmabhijātasya bhārata || 3 ||
ātāṃ īśvaraprāptīlāgīṃ | pravartatāṃ jñānamārgīṃ |
dhiṃvaseyāci āṃgī | uṇīva nohe || 186 ||
dhiṃvaseyāci āṃgī | uṇīva nohe || 186 ||
vokhaṭeṃ maraṇā{ai}seṃ | teṃhī āleṃ agnipraveśeṃ |
parī prāṇeśvaroddeśeṃ | na gaṇīci satī || 187 ||
parī prāṇeśvaroddeśeṃ | na gaṇīci satī || 187 ||
taiseṃ ātmanāthāciyā ādhī | lāūni viṣayaviṣācī bādhī |
dhāṃvoṃ āvaḍe pāṇadhī | śūnyāciye || 188 ||
dhāṃvoṃ āvaḍe pāṇadhī | śūnyāciye || 188 ||
na ṭhāke niṣedhu āḍa | na paḍe vidhīcī bhīḍa |
nupajeci jīvīṃ koḍa | mahāsiddhīceṃ || 189 ||
nupajeci jīvīṃ koḍa | mahāsiddhīceṃ || 189 ||
aiseṃ īśvarākaḍe nija | dhāṃve āpasayā sahaja |
tayā nāṃva teja | ādhyātmika teṃ || 190 ||
tayā nāṃva teja | ādhyātmika teṃ || 190 ||
ātāṃ sarvahī sāhātiyā garimā | garvā na ye teci kṣamā |
jaiseṃ deha vāhoni romā | vāhaṇeṃ neṇeṃ || 191 ||
jaiseṃ deha vāhoni romā | vāhaṇeṃ neṇeṃ || 191 ||
āṇi mātaliyā iṃdriyāṃce vega | kāṃ prācīneṃ khaval̤ale roga |
athavā yogaviyoga | priyāpriyāṃce || 192 ||
athavā yogaviyoga | priyāpriyāṃce || 192 ||
yayā āghaviyāṃcāci thoru | eke vel̤e āliyā pūru |
tarī agastya kāṃ hoūni dhīru | ubhā ṭhāke || 193 ||
tarī agastya kāṃ hoūni dhīru | ubhā ṭhāke || 193 ||
ākāśīṃ dhūmācī rekhā | uṭhilī bahuvā āgal̤ikā |
te gil̤ī yekī jhul̤ukā | vārā jevīṃ || 194 ||
te gil̤ī yekī jhul̤ukā | vārā jevīṃ || 194 ||
taiseṃ adhibhūtādhidaivāṃ | adhyātmādi upadravāṃ |
pātaleyāṃ pāṃḍavā | gil̤uni ghālī || 195 ||
pātaleyāṃ pāṃḍavā | gil̤uni ghālī || 195 ||
aiseṃ cittakṣobhācyā avasarīṃ | ucalūni dhairyā jeṃ cāṃgāveṃ karī |
dhṛti mhaṇipe avadhārīṃ | tiyeteṃ gā || 196 ||
dhṛti mhaṇipe avadhārīṃ | tiyeteṃ gā || 196 ||
ātāṃ nirvāl̤ūni kanakeṃ | bharilā gāṃgeṃ pīyūkheṃ |
tayā kalaśāciyāsārikheṃ | śauca aseṃ || 197 ||
tayā kalaśāciyāsārikheṃ | śauca aseṃ || 197 ||
je āṃgīṃ niṣkāma ācāru | jīvīṃ viveku sācāru |
to sabāhya ghaḍalā ākāru | śucitvācāci || 198 ||
to sabāhya ghaḍalā ākāru | śucitvācāci || 198 ||
kāṃ pheḍita pāpa tāpa | pokhīta tīrīṃce pādapa |
samudrā jāya āpa | gaṃgeceṃ jaiseṃ || 199 ||
samudrā jāya āpa | gaṃgeceṃ jaiseṃ || 199 ||
kāṃ jagāceṃ āṃdhya pheḍitu | śriyecīṃ rāul̤eṃ ughaḍitu |
nighe jaisā bhāsvatu | pradakṣiṇe || 200 ||
nighe jaisā bhāsvatu | pradakṣiṇe || 200 ||
taisīṃ bāṃdhilīṃ soḍitā | buḍālīṃ kāḍhitā |
sāṃkaḍī pheḍitā | ārtāṃciyā || 201 ||
sāṃkaḍī pheḍitā | ārtāṃciyā || 201 ||
kiṃbahunā divasarātī | puḍhilāṃceṃ sukha unnati |
āṇita āṇita svārthīṃ | praveśije || 202 ||
āṇita āṇita svārthīṃ | praveśije || 202 ||
vāṃcūni āpuliyā kājālāgīṃ | prāṇijātācyā ahitabhāgīṃ |
saṃkalpācīhī āḍavaṃgī | na karaṇeṃ jeṃ || 203 ||
saṃkalpācīhī āḍavaṃgī | na karaṇeṃ jeṃ || 203 ||
paiṃ adrohatva aiśiyā goṣṭī | aikasī jiyā kirīṭī |
teṃ sāṃgitaleṃ heṃ diṭhī | pāhoṃ ye taiseṃ || 204 ||
teṃ sāṃgitaleṃ heṃ diṭhī | pāhoṃ ye taiseṃ || 204 ||
āṇi gaṃgā śaṃbhūcā māthāṃ | pāvoni saṃkoce jevīṃ pārthā |
tevīṃ mānyapaṇeṃ sarvathā | lājaṇeṃ jeṃ || 205 ||
tevīṃ mānyapaṇeṃ sarvathā | lājaṇeṃ jeṃ || 205 ||
teṃ heṃ puḍhata puḍhatī | amānitva jāṇa sumatī |
māgāṃ sāṃgitaleṃse kitī | teṃci teṃ boloṃ || 206 ||
māgāṃ sāṃgitaleṃse kitī | teṃci teṃ boloṃ || 206 ||
evaṃ ihīṃ savviseṃ | brahmasaṃpadā he vasata ase |
mokṣacakravartīceṃ jaiseṃ | agrahāra hoya || 207 ||
mokṣacakravartīceṃ jaiseṃ | agrahāra hoya || 207 ||
nānā he saṃpatti daivī | yā guṇatīrthāṃcī nīca navī |
nirviṇṇasagarāṃcī daivī | gaṃgāci ālī || 208 ||
nirviṇṇasagarāṃcī daivī | gaṃgāci ālī || 208 ||
kīṃ gaṇakusumāṃcī māl̤ā | he gheūni muktibāl̤ā |
vairāgyanirapekṣācā gal̤ā | giṃvasīta ase || 209 ||
vairāgyanirapekṣācā gal̤ā | giṃvasīta ase || 209 ||
kīṃ savviseṃ guṇajyotī | ihīṃ ujal̤ūni āratī |
gītā ātmayā nijapatī | nīrāṃjanā ālī || 210 ||
gītā ātmayā nijapatī | nīrāṃjanā ālī || 210 ||
ugal̤iteṃ nirmal̤eṃ | guṇa iyeṃci muktāphal̤eṃ |
daivī śuktikal̤eṃ | gītārṇavīṃcī || 211 ||
daivī śuktikal̤eṃ | gītārṇavīṃcī || 211 ||
kāya bahu vānūṃ aisī | abhivyaktī ye apaisī |
keleṃ daivī guṇarāśī | saṃpattirūpa || 212 ||
keleṃ daivī guṇarāśī | saṃpattirūpa || 212 ||
ātāṃ duḥkhācī āṃtuvaṭa velī | doṣakāṭyāṃcī jarī bharalī |
tarī nijābhidhānī ghālī | āsurī te || 213 ||
tarī nijābhidhānī ghālī | āsurī te || 213 ||
paiṃ tyājya tyajāvayālāgīṃ | jāṇāvī jarī anupayogī |
tarī aikā te cāṃgī | śrotraśaktī || 214 ||
tarī aikā te cāṃgī | śrotraśaktī || 214 ||
tarī narakavyathā thorī | āṇāvayā doṣīṃghorīṃ |
mel̤u kelā te āsurī | saṃpatti he || 215 ||
mel̤u kelā te āsurī | saṃpatti he || 215 ||
nānā viṣavargu ekavaṭu | tayā nāṃva jaisā bāsaṭu |
āsurī saṃpattī hā khoṭu | doṣāṃcā taisā || 216 ||
āsurī saṃpattī hā khoṭu | doṣāṃcā taisā || 216 ||
dambho darpo'bhimānaśca krodhaḥ pāruṣyameva ca |
ajñānaṃ cābhijātasya pārtha saṃpadamāsurīm || 4 ||
ajñānaṃ cābhijātasya pārtha saṃpadamāsurīm || 4 ||
tarī tayāci asurāṃ | doṣāṃmājīṃ jayā vīrā |
vāḍapaṇācā ḍāṃgorā | to daṃbhu aisā || 217 ||
vāḍapaṇācā ḍāṃgorā | to daṃbhu aisā || 217 ||
jaisī āpulī jananī | nagna dāviliyā janīṃ |
te tīrthaci parī patanīṃ | kāraṇa hoya || 218 ||
te tīrthaci parī patanīṃ | kāraṇa hoya || 218 ||
kāṃ vidyā gurūpadiṣṭā | bobhāiliyā cohaṭāṃ |
tarī iṣṭadā parī aniṣṭā | hetu hotī || 219 ||
tarī iṣṭadā parī aniṣṭā | hetu hotī || 219 ||
paiṃ āṃgeṃ buḍatāṃ mahāpūrīṃ | je vegeṃ kāḍhī pailatīrīṃ |
te nāṃvaci bāṃdhiliyā śirīṃ | buḍavī jaisī || 220 ||
te nāṃvaci bāṃdhiliyā śirīṃ | buḍavī jaisī || 220 ||
kāraṇa jeṃ jīvitā | teṃ vānileṃ jarī sevitāṃ |
tarī annaci paṃḍusutā | hoya viṣa || 221 ||
tarī annaci paṃḍusutā | hoya viṣa || 221 ||
taisā dṛṣṭādṛṣṭācā sakhā | dharmu jālā to phokārije dekhā |
tarī tāritā toci dokhā- | lāgīṃ hoya || 222 ||
tarī tāritā toci dokhā- | lāgīṃ hoya || 222 ||
mhaṇauni vācecā caubārā | ghātaliyā dharmācā pasārā |
dharmuci to adharmu hoya vīrā | to daṃbhu jāṇe || 223 ||
dharmuci to adharmu hoya vīrā | to daṃbhu jāṇe || 223 ||
ātāṃ mūrkhāciye jibhe | akṣarāṃcā āṃbukhā subhe |
āṇi to brahmasabhe | na rijhe jaisā || 224 ||
āṇi to brahmasabhe | na rijhe jaisā || 224 ||
kāṃ mādurī lokāṃcā ghoḍā | gajapatihī mānī thoḍā |
kāṃ kāṃṭiyevarilyā saraḍā | svarguhī nīca || 225 ||
kāṃ kāṃṭiyevarilyā saraḍā | svarguhī nīca || 225 ||
tṛṇāceni iṃdhaneṃ | āgī dhāṃve gaganeṃ |
thillarabal̤eṃ mīneṃ | na gaṇije siṃdhu || 226 ||
thillarabal̤eṃ mīneṃ | na gaṇije siṃdhu || 226 ||
taisā māje striyā dhaneṃ | vidyā stutī bahuteṃ māneṃ |
eke divasīṃceni parānneṃ | alpaku jaisā || 227 ||
eke divasīṃceni parānneṃ | alpaku jaisā || 227 ||
abhracchāyeciyā joḍī | nidaivu ghara moḍī |
mṛgāṃbu dekhoni phoḍī | paṇiyāḍeṃ mūrkha || 228 ||
mṛgāṃbu dekhoni phoḍī | paṇiyāḍeṃ mūrkha || 228 ||
kiṃbahunā aisaiseṃ | utaṇeṃ jeṃ saṃpattimiseṃ |
to darpu gā anāriseṃ | na boleṃ gheīṃ || 229 ||
to darpu gā anāriseṃ | na boleṃ gheīṃ || 229 ||
āṇi jagā vedīṃ viśvāsu | āṇi viśvāsīṃ pūjya īśu |
jagīṃ eka tejasu | sūryuci hā || 230 ||
jagīṃ eka tejasu | sūryuci hā || 230 ||
jagaspṛhe āspada | eka sārvabhaumapada |
na maraṇeṃ nirvivāda | jagā paḍhiyeṃ || 231 ||
na maraṇeṃ nirvivāda | jagā paḍhiyeṃ || 231 ||
mhaṇauni jaga utsāheṃ | yāteṃ vānūṃ jāye |
kīṃ teṃ āikoni matsaru vāhe | phugoṃ lāge || 232 ||
kīṃ teṃ āikoni matsaru vāhe | phugoṃ lāge || 232 ||
mhaṇe īśvarāteṃ khāyeṃ | tayā vedā viṣa sūyeṃ |
gauravāmājīṃ trāye | bhaṃgīta ase || 233 ||
gauravāmājīṃ trāye | bhaṃgīta ase || 233 ||
pataṃgā nāvaḍe jyotī | khadyotā bhānūcī khaṃtī |
ṭiṭibheneṃ āpāṃpatī | vairī kelā || 234 ||
ṭiṭibheneṃ āpāṃpatī | vairī kelā || 234 ||
taisā abhimānāceni moheṃ | īśvarāceṃhī nāma na sāhe |
bāpāteṃ mhaṇe maja he | savatī jālī || 235 ||
bāpāteṃ mhaṇe maja he | savatī jālī || 235 ||
aisā mānyatecā puṣṭagaṃḍu | to abhimānī paramalaṃḍu |
rauravācā rūḍhu | mārguci pai || 236 ||
rauravācā rūḍhu | mārguci pai || 236 ||
āṇi puḍhilāṃceṃ sukha | dekhaṇiyāceṃ hoya mikha |
caḍhe krodhāgnīceṃ vikha | manovṛttī || 237 ||
caḍhe krodhāgnīceṃ vikha | manovṛttī || 237 ||
śītal̤āciye bheṭī | tātalā telīṃ āgī uṭhī |
caṃdru dekhoni jal̤e poṭīṃ | kolhā jaisā || 238 ||
caṃdru dekhoni jal̤e poṭīṃ | kolhā jaisā || 238 ||
viśvāceṃ āyuṣya jeṇeṃ ujal̤e | to sūryu udailā dekhoni saval̤e |
pāpiyā phuṭatī ḍol̤e | ḍuḍul̤āce || 239 ||
pāpiyā phuṭatī ḍol̤e | ḍuḍul̤āce || 239 ||
jagācī sukhapahāṃṭa | corāṃ maraṇāhūni nikṛṣṭa |
dudhāceṃ kāl̤akūṭa | hoya vyāl̤īṃ || 240 ||
dudhāceṃ kāl̤akūṭa | hoya vyāl̤īṃ || 240 ||
agādheṃ samudrajal̤eṃ | prāśitāṃ adhika jal̤e |
vaḍavāgnī na mil̤e | śāṃti kahīṃ || 241 ||
vaḍavāgnī na mil̤e | śāṃti kahīṃ || 241 ||
taisā vidyāvinodavibhaveṃ | dekhe puḍhilāṃcīṃ daiveṃ |
taṃva taṃva roṣu duṇāve | krodhu to jāṇa || 242 ||
taṃva taṃva roṣu duṇāve | krodhu to jāṇa || 242 ||
āṇi mana sarpācī kuṭī | ḍol̤e nārācāṃcī suṭī |
bolaṇeṃ te vṛṣṭī | iṃgal̤āṃcī || 243 ||
bolaṇeṃ te vṛṣṭī | iṃgal̤āṃcī || 243 ||
yera jeṃ kriyājāta | teṃ tikhayāceṃ karvata |
aiseṃ sabāhya khasāsita | jayāceṃ gā || 244 ||
aiseṃ sabāhya khasāsita | jayāceṃ gā || 244 ||
to manuṣyāṃta adhamu jāṇa | pāruṣyāceṃ avataraṇa |
ātāṃ āika khūṇa | ajñānācī || 245 ||
ātāṃ āika khūṇa | ajñānācī || 245 ||
tarī śītoṣṇasparśā | nivāḍu neṇeṃ pāṣāṇu jaisā |
kāṃ rātrī āṇi divasā | jātyaṃdhu to || 246 ||
kāṃ rātrī āṇi divasā | jātyaṃdhu to || 246 ||
āgī uṭhilā ārogaṇeṃ | jaisā khādyākhādya na mhaṇe |
kāṃ parisā pāḍu neṇeṃ | sonayā lohā || 247 ||
kāṃ parisā pāḍu neṇeṃ | sonayā lohā || 247 ||
nātarī nānārasīṃ | righoni darvī jaisī |
parī rasasvādāsī | cākhoṃ neṇeṃ || 248 ||
parī rasasvādāsī | cākhoṃ neṇeṃ || 248 ||
kāṃ vārā jaisā pārakhī | navheci gā mārgāmārgavikhīṃ |
taise kṛtyākṛtyavivekīṃ | aṃdhapaṇa jeṃ || 249 ||
taise kṛtyākṛtyavivekīṃ | aṃdhapaṇa jeṃ || 249 ||
heṃ cokha heṃ mail̤a | aiseṃ neṇoniyāṃ bāl̤a |
dekhe teṃ keval̤a | mukhīṃci ghālī || 250 ||
dekhe teṃ keval̤a | mukhīṃci ghālī || 250 ||
taiseṃ pāpapuṇyāceṃ khicaṭeṃ | karoni khātāṃ buddhiceṣṭe |
kaḍu madhura na vāṭe | aisī je daśā || 251 ||
kaḍu madhura na vāṭe | aisī je daśā || 251 ||
tiye nāma ajñāna | yā bolā nāhīṃ āna |
evaṃ sāhī doṣāṃceṃ cinha | sāṃgitaleṃ || 252 ||
evaṃ sāhī doṣāṃceṃ cinha | sāṃgitaleṃ || 252 ||
ihīṃca sāhī doṣāṃgīṃ | he āsurī saṃpatti dāṭugī |
jaiseṃ thora viṣaya subhage aṃgīṃ | aṃga sāneṃ || 253 ||
jaiseṃ thora viṣaya subhage aṃgīṃ | aṃga sāneṃ || 253 ||
kāṃ tighā vanhīṃcyā pāṃtī | pāhatāṃ thoḍe ṭhāya gamatī |
parī viśvahī prāṇāhutī | karūṃ na pure || 254 ||
parī viśvahī prāṇāhutī | karūṃ na pure || 254 ||
dhātayāhī geliyā śaraṇa | tridoṣīṃ na cuke maraṇa |
tayā tihīṃcī duṇī jāṇa | sāhī doṣa he || 255 ||
tayā tihīṃcī duṇī jāṇa | sāhī doṣa he || 255 ||
ihīṃ sāhī doṣīṃ saṃpūrṇīṃ | jālī iyeci ubhāraṇī |
mhaṇauni āsurī uṇī | saṃpadā navhe || 256 ||
mhaṇauni āsurī uṇī | saṃpadā navhe || 256 ||
parī krūragrahāṃcī jaisī | māṃdī mil̤e ekeci rāśī |
kāṃ yetī niṃdakāpāsīṃ | aśeṣa pāpeṃ || 257 ||
kāṃ yetī niṃdakāpāsīṃ | aśeṣa pāpeṃ || 257 ||
maraṇārāceṃ āṃga | paḍighātī avagheci roga |
kāṃ kumuhūrtīṃ duryoga | ekavaṭatī || 258 ||
kāṃ kumuhūrtīṃ duryoga | ekavaṭatī || 258 ||
viśvāsalā ātuḍavīje corā | śiṇalā suije mahāpurā |
taiseṃ doṣīṃ ihīṃ narā | aniṣṭa kīje || 259 ||
taiseṃ doṣīṃ ihīṃ narā | aniṣṭa kīje || 259 ||
kāṃ āyuṣya jātiye vel̤e | śel̤iye sātaveul̤ī mil̤e |
taise sāhī doṣa sagal̤e | joḍatī tayā || 260 ||
taise sāhī doṣa sagal̤e | joḍatī tayā || 260 ||
mokṣamārgākaḍe | jaiṃ yāṃcā āṃbukhā paḍe |
taiṃ na nighe mhaṇauni buḍe | saṃsārīṃ to || 261 ||
taiṃ na nighe mhaṇauni buḍe | saṃsārīṃ to || 261 ||
adhamāṃ yonīṃcyā pāuṭīṃ | utarata jo kirīṭī |
sthāvarāṃhī tal̤avaṭīṃ | baisaṇeṃ ghe || 262 ||
sthāvarāṃhī tal̤avaṭīṃ | baisaṇeṃ ghe || 262 ||
heṃ aso tayācyā ṭhāyīṃ | mil̤oni sāhī doṣīṃ ihīṃ |
āsurī saṃpatti pāhīṃ | vāḍhavije || 263 ||
āsurī saṃpatti pāhīṃ | vāḍhavije || 263 ||
aisiyā yā donī | saṃpadā prasiddhā janīṃ |
sāṃgitaliyā cinhīṃ | vegal̤ālyā || 264 ||
sāṃgitaliyā cinhīṃ | vegal̤ālyā || 264 ||
daivī saṃpadvimokṣāya nibandhāyāsurī matā |
mā śucaḥ saṃpadaṃ daivīmabhijāto'si pāṇḍava || 5 ||
mā śucaḥ saṃpadaṃ daivīmabhijāto'si pāṇḍava || 5 ||
iyā donhīṃmājīṃ pahilī | daivī je mhaṇitalī |
te mokṣasūryeṃ pāhalī | ukhāci jāṇa || 265 ||
te mokṣasūryeṃ pāhalī | ukhāci jāṇa || 265 ||
yerī je dusarī | saṃpatti kāṃ āsurī |
te mohalohācī kharī | sāṃkhal̤ī jīvāṃ || 266 ||
te mohalohācī kharī | sāṃkhal̤ī jīvāṃ || 266 ||
parī heṃ āikoni jhaṇeṃ | bhaya ghesī ho maneṃ |
kāya rātrīcā dineṃ | dhāku dharije || 267 ||
kāya rātrīcā dineṃ | dhāku dharije || 267 ||
he āsurī saṃpatti tayā | baṃdhālāgīṃ dhanaṃjayā |
jo sāhī doṣāṃ yayāṃ | āśrayo hoya || 268 ||
jo sāhī doṣāṃ yayāṃ | āśrayo hoya || 268 ||
tūṃ taṃva pāṃḍavā | sāṃgitaleyā daivā |
guṇanidhī baravā | janmalāsī || 269 ||
guṇanidhī baravā | janmalāsī || 269 ||
mhaṇauni pārthā tūṃ yā | daivī saṃpattī svāmiyā |
hoūni yāveṃ uvāyā | kaivalyāciyā || 270 ||
hoūni yāveṃ uvāyā | kaivalyāciyā || 270 ||
dvau bhūtasargau loke'smin daiva āsura eva ca |
daivo vistaraśaḥ prokta āsuraṃ pārtha me śruṇu || 6 ||
daivo vistaraśaḥ prokta āsuraṃ pārtha me śruṇu || 6 ||
āṇi daivāṃ āsurāṃ | saṃpattivaṃtāṃ narāṃ |
anādisiddha ujagarā | rāhāṭīcā āhe || 271 ||
anādisiddha ujagarā | rāhāṭīcā āhe || 271 ||
jaiseṃ rātrīcyā avasarīṃ | vyāpārije niśācarīṃ |
divasā suvyavahārīṃ | manuṣyādikīṃ || 272 ||
divasā suvyavahārīṃ | manuṣyādikīṃ || 272 ||
taisiyā āpulāliyā rāhāṭīṃ | vartatī donhī sṛṣṭī |
daivī āṇi kirīṭī | āsurī yetha || 273 ||
daivī āṇi kirīṭī | āsurī yetha || 273 ||
tevīṃci vistārūni daivī | jñānakathanādi prastāvīṃ |
māgīla graṃthīṃ baravī | sāṃgitalī || 274 ||
māgīla graṃthīṃ baravī | sāṃgitalī || 274 ||
ātāṃ āsurī je sṛṣṭī | tethiṃcī upalaūṃ goṭhī |
avadhānācī diṭhī | de pāṃ nikī || 275 ||
avadhānācī diṭhī | de pāṃ nikī || 275 ||
tarī vādyeṃvīṇa nādu | nedī kavaṇāhī sādu |
kāṃ apuṣpīṃ makaraṃdu | na labhe jaisā || 276 ||
kāṃ apuṣpīṃ makaraṃdu | na labhe jaisā || 276 ||
taisī prakṛti he āsura | ekalī nohe gocara |
jaṃva ekādheṃ śarīra | mālhātīnā || 277 ||
jaṃva ekādheṃ śarīra | mālhātīnā || 277 ||
maga āviṣkāralā lāṃkuḍeṃ | pāvaku jaisā joḍe |
taisī prāṇidehīṃ sāṃpaḍe | āṭopalī he || 278 ||
taisī prāṇidehīṃ sāṃpaḍe | āṭopalī he || 278 ||
te vel̤īṃ je vāḍhī ūṃsā | teci āṃtulā rasā |
dehākāru hoya taisā | prāṇiyāṃcā || 279 ||
dehākāru hoya taisā | prāṇiyāṃcā || 279 ||
ātāṃ tayāci prāṇiyāṃ | rūpa karūṃ dhanaṃjayā |
ghaḍale je āsurīyā | doṣavṛṃdīṃ || 280 ||
ghaḍale je āsurīyā | doṣavṛṃdīṃ || 280 ||
pravṛttiṃ ca nivṛttiṃ ca janā na vidurāsurāḥ |
na śaucaṃ nāpi cācāro na satyaṃ teṣu vidyate || 7 ||
na śaucaṃ nāpi cācāro na satyaṃ teṣu vidyate || 7 ||
tarī puṇyālāgīṃ pravṛttī | kāṃ pāpāviṣayīṃ nivṛttī |
yā jāṇaṇeyācī rātī | tayāṃceṃ mana || 281 ||
yā jāṇaṇeyācī rātī | tayāṃceṃ mana || 281 ||
nigaṇeyā āṇi praveśā | citta nedītu āveśā |
kośakiṭu jaisā | jācinnalā paiṃ || 282 ||
kośakiṭu jaisā | jācinnalā paiṃ || 282 ||
kāṃ didhaleṃ māgutī yeīla | kīṃ na ye heṃ puḍhīla |
na pāhātāṃ de bhāṃḍavala | mūrkha corāṃ || 283 ||
na pāhātāṃ de bhāṃḍavala | mūrkha corāṃ || 283 ||
taisiyā pravṛtti nivṛtti donī | neṇijatī āsurīṃ janīṃ |
āṇi śauca te svapnīṃ | dekhatī nā te || 284 ||
āṇi śauca te svapnīṃ | dekhatī nā te || 284 ||
kāl̤imā sāṃḍīla kol̤asā | varī cokhī hoīla vāyasā |
rākṣasahī māṃsā | viṭoṃ śake || 285 ||
rākṣasahī māṃsā | viṭoṃ śake || 285 ||
parī āsurāṃ prāṇiyāṃ | śauca nāhīṃ dhanaṃjayā |
pavitratva jevīṃ bhāṃḍiyā | madyāciyā || 286 ||
pavitratva jevīṃ bhāṃḍiyā | madyāciyā || 286 ||
vāḍhavitī vidhīcī āsa | kāṃ pāhātī vaḍilāṃcī vāsa |
ācārācī bhāṣa | neṇatīci te || 287 ||
ācārācī bhāṣa | neṇatīci te || 287 ||
jaiseṃ caraṇeṃ śel̤iyeceṃ | kāṃ dhāvaṇeṃ vāriyāceṃ |
jāl̤aṇeṃ āgīceṃ | bhalateuteṃ || 288 ||
jāl̤aṇeṃ āgīceṃ | bhalateuteṃ || 288 ||
taiseṃ puḍhāṃ sūni svaira | ācaratī te gā āsura |
satyeṃsi kīra vaira | sadāci tayāṃ || 289 ||
satyeṃsi kīra vaira | sadāci tayāṃ || 289 ||
jarī nāṃgiyā āpuliyā | viṃcū karī gudaguliyā |
tarī sācā bolī boliyā | bolatī te || 290 ||
tarī sācā bolī boliyā | bolatī te || 290 ||
āpānāceni toṃḍeṃ | jarī sugaṃdhā yeṇeṃ ghaḍe |
tarī satya tayāṃ joḍe | āsurāṃteṃ || 291 ||
tarī satya tayāṃ joḍe | āsurāṃteṃ || 291 ||
aiseṃ te na karitāṃ kāṃhīṃ | āṃgeṃci vokhaṭe pāhīṃ |
ātāṃ bolatī te navāī | sāṃgijaila || 292 ||
ātāṃ bolatī te navāī | sāṃgijaila || 292 ||
eṟhavīṃ kareyācyā ṭhāyīṃ cāṃga | teṃ tayāsi kaiceṃ nīṭa āṃga |
taisā āsurāṃcā prasaṃga | prasaṃgeṃ parīsa || 293 ||
taisā āsurāṃcā prasaṃga | prasaṃgeṃ parīsa || 293 ||
udhavaṇīceṃ jevīṃ toṃḍa | ubhal̤ī dhuṃvāce ubhaḍa |
heṃ jāṇije tevīṃ ughaḍa | sāṃgoṃ te bola || 294 ||
heṃ jāṇije tevīṃ ughaḍa | sāṃgoṃ te bola || 294 ||
asatyamapratiṣṭhaṃ te jagadāhuranīśvaram |
aparasparasaṃbhūtaṃ kimanyat kāmahaitukam || 8 ||
aparasparasaṃbhūtaṃ kimanyat kāmahaitukam || 8 ||
tarī viśva hā anādi ṭhāvo | yetha niyaṃtā īśvararāvo |
cāvaḍiye nyāvo anyāvo | nivaḍī vedu || 295 ||
cāvaḍiye nyāvo anyāvo | nivaḍī vedu || 295 ||
vedīṃ anyāyīṃ paḍe | to nirayabhogeṃ daṃḍe |
sanyāyī to suravāḍeṃ | svargīṃ jiye || 296 ||
sanyāyī to suravāḍeṃ | svargīṃ jiye || 296 ||
aisī he viśvavyavasthā | anādi je pārthā |
iyeteṃ mhaṇatī te vṛthā | avagheṃci heṃ || 297 ||
iyeteṃ mhaṇatī te vṛthā | avagheṃci heṃ || 297 ||
yajñamūḍha ṭhakile yāgīṃ | devapiseṃ pratimāliṃgīṃ |
nāgavile bhagave yogī | samādhibhrameṃ || 298 ||
nāgavile bhagave yogī | samādhibhrameṃ || 298 ||
yetha āpuleni bal̤eṃ | bhogije jeṃ jeṃ veṃṭāl̤eṃ |
heṃ vāṃconi vegal̤eṃ | puṇya āhe ? || 299 ||
heṃ vāṃconi vegal̤eṃ | puṇya āhe ? || 299 ||
nā aśaktapaṇeṃ āṃgikeṃ | vegal̤aveṃṭāl̤īṃ na ṭakeṃ |
aisā gādijevīṇa viṣayasukheṃ | teṃci pāpa || 300 ||
aisā gādijevīṇa viṣayasukheṃ | teṃci pāpa || 300 ||
prāṇa ghepatī saṃpannāṃce | te pāpa jarī sāceṃ |
tarī sarvasva hātā ye tayāṃceṃ | heṃ puṇyaphal̤a kīṃ ? || 301 ||
tarī sarvasva hātā ye tayāṃceṃ | heṃ puṇyaphal̤a kīṃ ? || 301 ||
bal̤ī abal̤āteṃ khāya | heṃci bādhita jarī hoya |
tarī māsayāṃ kāṃ na hoya | nisaṃtāna ? || 302 ||
tarī māsayāṃ kāṃ na hoya | nisaṃtāna ? || 302 ||
āṇi kul̤eṃ śodhūni donhī | kumāreṃci śubhalagnīṃ |
mel̤avījatī prajāsādhanīṃ | hetu jarī || 303 ||
mel̤avījatī prajāsādhanīṃ | hetu jarī || 303 ||
tarī paśupakṣādi jātī | jayā mitī nāhīṃ saṃtatī |
tayāṃ koṇeṃ pratipattīṃ | vivāha kele ? || 304 ||
tayāṃ koṇeṃ pratipattīṃ | vivāha kele ? || 304 ||
coriyeceṃ dhana āleṃ | tarī teṃ koṇāsi viṣa jāleṃ ? |
vālabheṃ paradvāra keleṃ | koḍhī koṇī hoya ? || 305 ||
vālabheṃ paradvāra keleṃ | koḍhī koṇī hoya ? || 305 ||
mhaṇauni devo gosāṃvī | to dharmādharmu bhogavī |
āṇi paratrācyā gāṃvīṃ | karī to bhogī || 306 ||
āṇi paratrācyā gāṃvīṃ | karī to bhogī || 306 ||
parī paratra nā devo | na dise mhaṇauni teṃ vāvo |
āṇi kartā nime mā ṭhāvo | bhogyāsi kavaṇu ? || 307 ||
āṇi kartā nime mā ṭhāvo | bhogyāsi kavaṇu ? || 307 ||
yetha urvaśiyā iṃdra sukhī | jaisā kāṃ svargalokīṃ |
taisāci kṛmihī narakīṃ | lol̤atu ślāghe || 308 ||
taisāci kṛmihī narakīṃ | lol̤atu ślāghe || 308 ||
mhaṇauni naraka svargu | navhe pāpapuṇyabhāgu |
je dohīṃ ṭhāyīṃ sukhabhogu | kāmācāci to || 309 ||
je dohīṃ ṭhāyīṃ sukhabhogu | kāmācāci to || 309 ||
yākāraṇeṃ kāmeṃ | strīpuruṣayugmeṃ |
mil̤atī tetha janme | āghaveṃ jaga || 310 ||
mil̤atī tetha janme | āghaveṃ jaga || 310 ||
āṇi jeṃ jeṃ abhilāṣeṃ | svārthālāgīṃ heṃ poṣe |
pāṭhīṃ parasparadveṣeṃ | kāmaci nāśī || 311 ||
pāṭhīṃ parasparadveṣeṃ | kāmaci nāśī || 311 ||
evaṃ kāmāvāṃcūni kāṃhīṃ | jagā mūl̤aci āna nāhīṃ |
aiseṃ bolatī pāhīṃ | āsura gā te || 312 ||
aiseṃ bolatī pāhīṃ | āsura gā te || 312 ||
ātāṃ aso heṃ kiḍāl̤a | bolī na karūṃ paghal̤a |
sāṃgatāṃci saphola | hotase vācā || 313 ||
sāṃgatāṃci saphola | hotase vācā || 313 ||
etāṃ dṛṣṭimavaṣṭabhya naṣṭātmāno'lpabuddhayaḥ |
prabhavantyugrakarmāṇaḥ kṣayāya jagato'hitāḥ || 9 ||
prabhavantyugrakarmāṇaḥ kṣayāya jagato'hitāḥ || 9 ||
āṇi īśvarāciyā khaṃtī | nusadhiyāci karitī cāṃthī |
heṃhī nāhīṃ cittīṃ | niścayo eku || 314 ||
heṃhī nāhīṃ cittīṃ | niścayo eku || 314 ||
kiṃbahunā ughaḍa | āṃgī lāūniyāṃ pākhāṃḍa |
nāstikapaṇāceṃ hāḍa | roṃvileṃ jīvīṃ || 315 ||
nāstikapaṇāceṃ hāḍa | roṃvileṃ jīvīṃ || 315 ||
te vel̤īṃ svargālāgīṃ ādaru | kāṃ narakācā aḍadaru |
yā vāsanāṃcā aṃkuru | jal̤oni gelā || 316 ||
yā vāsanāṃcā aṃkuru | jal̤oni gelā || 316 ||
maga keval̤a ye dehakhoḍāṃ | amedhyodakācā buḍabuḍā |
viṣayapaṃkīṃ suhāḍā | buḍāle gā || 317 ||
viṣayapaṃkīṃ suhāḍā | buḍāle gā || 317 ||
jaiṃ āṭāveṃ hotī jal̤acara | taiṃ ḍohīṃ mil̤atīṃ ḍhīvara |
kāṃ paḍāveṃ hoya śarīra | taiṃ rogā udayo || 318 ||
kāṃ paḍāveṃ hoya śarīra | taiṃ rogā udayo || 318 ||
udaijaṇeṃ ketūceṃ jaiseṃ | viśvā aniṣṭoddeśeṃ |
janmatī te taise | lokāṃ āṭūṃ || 319 ||
janmatī te taise | lokāṃ āṭūṃ || 319 ||
virūḍhaliyā aśubha | phuṭatī taiṃ te koṃbha |
pāpāce kīrtistaṃbha | cālate te || 320 ||
pāpāce kīrtistaṃbha | cālate te || 320 ||
āṇi māgāṃpuḍhāṃ jāl̤aṇeṃ | vāṃcūni āgī kāṃhīṃ neṇeṃ |
taiseṃ viruddhaci eka karaṇeṃ | bhalateyāṃ || 321 ||
taiseṃ viruddhaci eka karaṇeṃ | bhalateyāṃ || 321 ||
parī teṃci gā karaṇeṃ | ādaritī saṃbhrameṃ jeṇeṃ |
to āika pārthā mhaṇe | śrīnivāsu || 322 ||
to āika pārthā mhaṇe | śrīnivāsu || 322 ||
kāmamāśritya duṣpūraṃ dambhamānamadānvitāḥ |
mohād gṛhītvā'sadgrahānpravartante'śucivratāḥ || 10 ||
mohād gṛhītvā'sadgrahānpravartante'śucivratāḥ || 10 ||
tarī jāl̤a pāṇiyeṃ na bhare | āgī iṃdhana na pure |
tayāṃ durbharāṃciye dhure | bhukāl̤u jo || 323 ||
tayāṃ durbharāṃciye dhure | bhukāl̤u jo || 323 ||
tayā kāmācā volāvā | jīvīṃ dharuniyā pāṃḍavā |
daṃbhamānācā mel̤āvā | mel̤avitī || 324 ||
daṃbhamānācā mel̤āvā | mel̤avitī || 324 ||
mātaliyā kuṃjarā | āgal̤ī jālī madirā |
taisā madācā tāṭhā taṃva jarā | caḍhatāṃ āṃgīṃ || 325 ||
taisā madācā tāṭhā taṃva jarā | caḍhatāṃ āṃgīṃ || 325 ||
āṇi āgrahā toci ṭhāvo | varī mauḍhyā{ai}sā sāvāvo |
maga kāya vānūṃ nirvāho | niścayācā || 326 ||
maga kāya vānūṃ nirvāho | niścayācā || 326 ||
jihīṃ paropatāpu ghaḍe | parāvā jīvu ragaḍe |
tihīṃ karmīṃ hoūni gāḍhe | janmavṛttī || 327 ||
tihīṃ karmīṃ hoūni gāḍhe | janmavṛttī || 327 ||
maga āpuleṃ keleṃ phokāritī | āṇi jagāteṃ dhikkāritī |
dāhīṃ diśīṃ pasaritī | spṛhājāl̤a || 328 ||
dāhīṃ diśīṃ pasaritī | spṛhājāl̤a || 328 ||
aiseni gā āṭopeṃ | thoriyeṃ āṇatī pāpeṃ |
dharmadhenu khurapeṃ | suṭaleṃ jaiseṃ || 329 ||
dharmadhenu khurapeṃ | suṭaleṃ jaiseṃ || 329 ||
cintāmaparimeyāṃ ca pralayāntāmupāśritāḥ |
kāmopabhogaparamā etāvaditi niścitāḥ || 11 ||
kāmopabhogaparamā etāvaditi niścitāḥ || 11 ||
yāci ekā āyatī | tayāciyā karmapravṛttī |
āṇi jiṇiyāhī parautī | vāhatī ciṃtā || 330 ||
āṇi jiṇiyāhī parautī | vāhatī ciṃtā || 330 ||
pātāl̤āhūni nimna | jiyeciye uṃcīye sāneṃ gagana |
jeṃ pāhātāṃ tribhuvana | aṇuhī nohe || 331 ||
jeṃ pāhātāṃ tribhuvana | aṇuhī nohe || 331 ||
te yogapaṭācī mavaṇī | jīvīṃ aniyama ciṃtavaṇī |
je sāṃḍūṃ neṇeṃ maraṇīṃ | vallabhā jaisī || 332 ||
je sāṃḍūṃ neṇeṃ maraṇīṃ | vallabhā jaisī || 332 ||
taisī ciṃtā apāra | vāḍhavitī niraṃtara |
jīvīṃ sūni asāra | viṣayādika || 333 ||
jīvīṃ sūni asāra | viṣayādika || 333 ||
striyā gāileṃ āikāveṃ | strīrūpa ḍol̤āṃ dekhāveṃ |
sarveṃdriyeṃ āliṃgāveṃ | striyeteṃci || 334 ||
sarveṃdriyeṃ āliṃgāveṃ | striyeteṃci || 334 ||
kuravaṃḍī kīje amṛteṃ | aiseṃ sukha striyeparauteṃ |
nāhīṃci mhaṇauni citteṃ | niścayo kelā || 335 ||
nāhīṃci mhaṇauni citteṃ | niścayo kelā || 335 ||
maga tayāci strībhogā- | lāgīṃ pātāl̤a svargā |
dhāṃvatī digvibhāgā | parautehī || 336 ||
dhāṃvatī digvibhāgā | parautehī || 336 ||
āśāpāśaśatairbaddhāḥ kāmakrodhaparāyāṇāḥ |
īhante kāmabhogārthamanyāyenārthasañcayān || 12 ||
īhante kāmabhogārthamanyāyenārthasañcayān || 12 ||
āmiṣakaval̤u thorī āśā | na vicāritāṃ gil̤ī māsā |
taiseṃ kīje viṣayāśā | tayāṃsi gā || 337 ||
taiseṃ kīje viṣayāśā | tayāṃsi gā || 337 ||
vāṃchita taṃva na pavatī | maga koraḍiyeci āśecī saṃtatī |
vāḍhaūṃ vāḍhaūṃ hotī | kośakiḍe || 338 ||
vāḍhaūṃ vāḍhaūṃ hotī | kośakiḍe || 338 ||
āṇi pasarilā abhilāṣu | apūrṇu hoya toci dveṣu |
evaṃ kāmakrodhāṃhūni adhiku | puruṣārthu nāhīṃ || 339 ||
evaṃ kāmakrodhāṃhūni adhiku | puruṣārthu nāhīṃ || 339 ||
dihā kholaṇeṃ rātrīṃ jāgovā | ṭhāṇāṃtarīyāṃ jaisā pāṃḍavā |
ahorātrīṃhī visāṃvā | bheṭecinā || 340 ||
ahorātrīṃhī visāṃvā | bheṭecinā || 340 ||
taiseṃ uṃcauni loṭileṃ kāmeṃ | nehaṭatī krodhāciye ḍheme |
tarī rāgadveṣa premeṃ | na mātī keṃhī || 341 ||
tarī rāgadveṣa premeṃ | na mātī keṃhī || 341 ||
tevīṃci jīvīṃciyā hāṃvā | viṣayavāsanāṃcā mel̤āvā |
kelā tarī bhogāvā | artheṃ kīṃ nā ? || 342 ||
kelā tarī bhogāvā | artheṃ kīṃ nā ? || 342 ||
mhaṇauni bhogāvayājogā | puratā arthu paiṃ gā |
āṇāvayā jagā | jhoṃbatī sairā || 343 ||
āṇāvayā jagā | jhoṃbatī sairā || 343 ||
ekāteṃ sādhūni māritī | ekāci sarvasveṃ haritī |
ekālāgīṃ ubhāritī | apāyayaṃtreṃ || 344 ||
ekālāgīṃ ubhāritī | apāyayaṃtreṃ || 344 ||
pāśikeṃ potīṃ vāgurā | suṇīṃ sasāṇeṃ cikāṭī khoṃcārā |
gheūni nighatī ḍoṃgarā | pāradhī jaiseṃ || 345 ||
gheūni nighatī ḍoṃgarā | pāradhī jaiseṃ || 345 ||
te posāvayā poṭa | mārūni prāṇiyāṃce saṃghāṭa |
āṇitī aiseṃ nikṛṣṭa | teṃhī karitī || 346 ||
āṇitī aiseṃ nikṛṣṭa | teṃhī karitī || 346 ||
paraprāṇaghāteṃ | mel̤avitī vitteṃ |
mil̤ālyā citteṃ | toṣaṇeṃ kaiseṃ || 347 ||
mil̤ālyā citteṃ | toṣaṇeṃ kaiseṃ || 347 ||
idamadya mayā labdhamimaṃ prāpsye manoratham |
idamastīdamapi me bhaviṣyati punardhanam || 13 ||
idamastīdamapi me bhaviṣyati punardhanam || 13 ||
mhaṇe āji miyāṃ | saṃpatti bahutekāṃciyā |
āpulyā hātīṃ keliyā | dhanyu nā mī ? || 348 ||
āpulyā hātīṃ keliyā | dhanyu nā mī ? || 348 ||
aisā ślāghoṃ jaṃva jāye | taṃva mana āṇīkahī vāhe |
saveṃci mhaṇe pāhe | āṇikāṃceṃhī āṇūṃ || 349 ||
saveṃci mhaṇe pāhe | āṇikāṃceṃhī āṇūṃ || 349 ||
heṃ jetuleṃ ase joḍileṃ | tayāceni bhāṃḍavaleṃ |
lābhā gheīna uraleṃ | carācara heṃ || 350 ||
lābhā gheīna uraleṃ | carācara heṃ || 350 ||
aiseni dhanā viśvāciyā | mīci hoīna svāmiyā |
maga diṭhī paḍe tayā | uroṃ nedī || 351 ||
maga diṭhī paḍe tayā | uroṃ nedī || 351 ||
asau mayā hataḥ śatruṟaniṣye cāparānapi |
īśvaro'hamahaṃ bhogī siddho'haṃ balavān sukhī || 14 ||
īśvaro'hamahaṃ bhogī siddho'haṃ balavān sukhī || 14 ||
he mārile vairī thoḍe | āṇīkahī sādhīna gāḍhe |
maga nāṃdena pavāḍeṃ | yekalāci mī || 352 ||
maga nāṃdena pavāḍeṃ | yekalāci mī || 352 ||
maga mājhī hotīla kāmārīṃ | tiyeṃvāṃcūni yereṃ mārīṃ |
kiṃbahunā carācarīṃ | īśvaru to mī || 353 ||
kiṃbahunā carācarīṃ | īśvaru to mī || 353 ||
mī bhogabhūmīcā rāvo | āji sarvasukhāsī ṭhāvo |
mhaṇauni iṃdruhī vāvo | māteṃ pāhuni || 354 ||
mhaṇauni iṃdruhī vāvo | māteṃ pāhuni || 354 ||
mī maneṃ vācā deheṃ | karīṃ te kaiseṃ nohe |
keṃ majavāṃcūni āhe | ājñāsiddha āna ? || 355 ||
keṃ majavāṃcūni āhe | ājñāsiddha āna ? || 355 ||
taṃvaci bal̤iyā kāl̤u | jaṃva na diseṃ mī aturbal̤u |
sukhācā kīra nikhil̤u | rāsivā mīci || 356 ||
sukhācā kīra nikhil̤u | rāsivā mīci || 356 ||
āḍhyo'bhijanavānasmi ko'nyo'sti sadṛśo mayā |
yakṣye dāsyāmi modiṣya ityajñānavimohitāḥ || 15 ||
yakṣye dāsyāmi modiṣya ityajñānavimohitāḥ || 15 ||
kuberu āthilā hoye | parī to neṇeṃ mājhī soye |
saṃpattī majasama navhe | śrīnāthāhī || 357 ||
saṃpattī majasama navhe | śrīnāthāhī || 357 ||
mājhiyā kul̤ācā ujāl̤ū | kāṃ jātigotāṃcā mel̤ū |
pāhatāṃ brahmāhī hal̤ū | uṇāci dise || 358 ||
pāhatāṃ brahmāhī hal̤ū | uṇāci dise || 358 ||
mhaṇauni miravitī nāṃveṃ | vāyāṃ īśvarādi āghave |
nāhīṃ majasīṃ sarī pāve | aiseṃ koṇhī || 359 ||
nāhīṃ majasīṃ sarī pāve | aiseṃ koṇhī || 359 ||
ātāṃ lopalā abhicāru | tayā karīna mī jīrṇoddhāru |
pratiṣṭhīna paramāru | yāgavarī || 360 ||
pratiṣṭhīna paramāru | yāgavarī || 360 ||
māteṃ gātī vānitī | naṭanāceṃ rijhavitī |
tayāṃ deīna māgatī | te te vastu || 361 ||
tayāṃ deīna māgatī | te te vastu || 361 ||
mājirā annapānīṃ | pramadāṃcyā āliṃganīṃ |
mī hoīna tribhuvanīṃ | ānaṃdākāru || 362 ||
mī hoīna tribhuvanīṃ | ānaṃdākāru || 362 ||
kāya bahu sāṃgoṃ aiseṃ | te āsurīprakṛtī piseṃ |
turaṃbitī asoseṃ | gaganaul̤eṃ tiyeṃ || 363 ||
turaṃbitī asoseṃ | gaganaul̤eṃ tiyeṃ || 363 ||
anekacittavibhrāntā mohajālasamāvṛtāḥ |
prasaktāḥ kāmabhogeṣu patanti narake'śucau || 16 ||
prasaktāḥ kāmabhogeṣu patanti narake'śucau || 16 ||
jvarāceni āṭopeṃ | rogī bhalataiseṃ jalpe |
cāval̤atī saṃkalpeṃ | jāṇa te taiseṃ || 364 ||
cāval̤atī saṃkalpeṃ | jāṇa te taiseṃ || 364 ||
ajñāna ātule dhul̤ī | mhaṇauni āśā vāhaṭul̤ī |
bhovaṃḍījatī aṃtarāl̤īṃ | manorathāṃcyā || 365 ||
bhovaṃḍījatī aṃtarāl̤īṃ | manorathāṃcyā || 365 ||
aniyama āṣāḍha megha | kāṃ samudrormī abhaṃga |
taise kāmitī anega | akhaṃḍa kāma || 366 ||
taise kāmitī anega | akhaṃḍa kāma || 366 ||
maga paiṃ kāmanāci tayā | jīvīṃ jālyā velariyā |
vorapilī kāṃṭiyā | kamal̤eṃ jaisīṃ || 367 ||
vorapilī kāṃṭiyā | kamal̤eṃ jaisīṃ || 367 ||
kāṃ pāṣāṇāciyā māthāṃ | hāṃḍī phuṭalī pārthā |
jīvīṃ taiseṃ sarvathā | kuṭake jāle || 368 ||
jīvīṃ taiseṃ sarvathā | kuṭake jāle || 368 ||
tevhāṃ caḍhatiye rajanī | tamācī hoya puravaṇī |
taisā moho aṃtaḥkaraṇīṃ | vāḍhoṃci lāge || 369 ||
taisā moho aṃtaḥkaraṇīṃ | vāḍhoṃci lāge || 369 ||
āṇi vāḍhe jaṃva jaṃva moho | taṃva taṃva viṣayīṃ roho |
viṣaya tetha ṭhāvo | pātakāsī || 370 ||
viṣaya tetha ṭhāvo | pātakāsī || 370 ||
pāpeṃ āpaleni thāṃveṃ | jaṃva karitī mel̤āve |
taṃva jitāṃci āghave | yetī narakāṃ || 371 ||
taṃva jitāṃci āghave | yetī narakāṃ || 371 ||
mhaṇauni gā sumatī | je kumanorathāṃ pāl̤itī |
te āsura yetī vastī | tayā ṭhāyā || 372 ||
te āsura yetī vastī | tayā ṭhāyā || 372 ||
jetha asipatrataruvara | khadirāṃgārāce ḍoṃgara |
tātalā telīṃ sāgara | utatātī || 373 ||
tātalā telīṃ sāgara | utatātī || 373 ||
jetha yātanāṃcī śreṇī | he nitya navī yamajācaṇī |
paḍatī tiye dāruṇīṃ | narakalokīṃ || 374 ||
paḍatī tiye dāruṇīṃ | narakalokīṃ || 374 ||
aise narakāciye śele | bhāgīṃ je je janmale |
tehī dekhoṃ bhulale | yajitī yāgīṃ || 375 ||
tehī dekhoṃ bhulale | yajitī yāgīṃ || 375 ||
eṟhavīṃ yāgādika kriyā | āhāṇa teci dhanaṃjayā |
parī viphal̤atī ācaroniyāṃ | nāṭakī jaisī || 376 ||
parī viphal̤atī ācaroniyāṃ | nāṭakī jaisī || 376 ||
vallabhāciyā ujariyā | āpaṇayāprati kustriyā |
joḍoni toṣitī jaisiyāṃ | ahevapaṇeṃ || 377 ||
joḍoni toṣitī jaisiyāṃ | ahevapaṇeṃ || 377 ||
ātmasaṃbhāvitāḥ stabdhā dhanamānamadānvitāḥ |
yajante nāmayajñaiste dambhenāvidhipūrvakam || 17 ||
yajante nāmayajñaiste dambhenāvidhipūrvakam || 17 ||
taiseṃ āpaṇayāṃ āpaṇa | mānitāṃ mahaṃtapaṇa |
phugatī asādhāraṇa | garveṃ teṇeṃ || 378 ||
phugatī asādhāraṇa | garveṃ teṇeṃ || 378 ||
maga lavoṃ neṇatī kaise | āṭivā lohāce khāṃba jaise |
kāṃ udhavale ākāśeṃ | śil̤ārāśī || 379 ||
kāṃ udhavale ākāśeṃ | śil̤ārāśī || 379 ||
taiseṃ āpuliye barave | āpaṇaci rijhatāṃ jīveṃ |
tṛṇāhīhūni āghaveṃ | mānitī nīca || 380 ||
tṛṇāhīhūni āghaveṃ | mānitī nīca || 380 ||
varī dhanāciyā madirā | mājūni dhanurdharā |
kṛtyākṛtyavicārā | savateṃ keleṃ || 381 ||
kṛtyākṛtyavicārā | savateṃ keleṃ || 381 ||
jayā āṃgīṃ āyatī aisī | tetha yajñācī goṭhī kāyasī |
tarī kāya kāya pisīṃ | na karitī gā ? || 382 ||
tarī kāya kāya pisīṃ | na karitī gā ? || 382 ||
mhaṇauni koṇe eke vel̤e | mauḍhyamadyāceni bal̤eṃ |
yāgācīṃhī ṭavāl̤eṃ | ādaritī || 383 ||
yāgācīṃhī ṭavāl̤eṃ | ādaritī || 383 ||
nā kuṃḍa maṃḍapa vedī | nā ucita sādhanasamṛddhī |
āṇi tayāṃsī taṃva vidhī | dvaṃdvaci sadā || 384 ||
āṇi tayāṃsī taṃva vidhī | dvaṃdvaci sadā || 384 ||
devāṃ brāhmaṇāṃceni nāṃveṃ | āḍavārenahi nohāveṃ |
aiseṃ āthī tetha yāveṃ | lāge kavaṇā ? || 385 ||
aiseṃ āthī tetha yāveṃ | lāge kavaṇā ? || 385 ||
paiṃ vāsaruvācā bhokasā | gāīpuḍheṃ ṭhevūni jaisā |
ugāṇā ghetī kṣīrarasā | buddhivaṃta || 386 ||
ugāṇā ghetī kṣīrarasā | buddhivaṃta || 386 ||
taiseṃ yāgāceni nāṃveṃ | jaga vāūni hāṃveṃ |
nāgavitī āghaveṃ | aherāvārī || 387 ||
nāgavitī āghaveṃ | aherāvārī || 387 ||
aiśā kāṃhīṃ āpuliyā | homitī je ujariyā |
teṇeṃ kāmitī prāṇiyā | sarvanāśu || 388 ||
teṇeṃ kāmitī prāṇiyā | sarvanāśu || 388 ||
ahaṅkāraṃ balaṃ darpaṃ kāmaṃ krodham ca saṃśritāḥ |
māmātmaparadeheṣu pradviṣanto'bhyasūyakāḥ || 18 ||
māmātmaparadeheṣu pradviṣanto'bhyasūyakāḥ || 18 ||
maga puḍhāṃ bherī niśāṇa | lāunī te dīkṣitapaṇa |
jagīṃ phokāritī āṇa | vāvo vāvo || 389 ||
jagīṃ phokāritī āṇa | vāvo vāvo || 389 ||
tevhāṃ mahattveṃ teṇeṃ adhamā | garvā caḍhe mahimā |
jaise leve didhale tamā | kājal̤āce || 390 ||
jaise leve didhale tamā | kājal̤āce || 390 ||
taiseṃ mauḍhya ghaṇāve | auddhatya uṃcāve |
ahaṃkāru duṇāve | avivekuhī || 391 ||
ahaṃkāru duṇāve | avivekuhī || 391 ||
maga dujayācī bhāṣa | nuravāvayā niḥśeṣa |
bal̤īyepaṇā adhika | hoya bal̤a || 392 ||
bal̤īyepaṇā adhika | hoya bal̤a || 392 ||
aisā ahaṃkāra bal̤ā | jāliyā ekaval̤ā |
darpasāgaru maryādavel̤ā | sāṃḍūni ute || 393 ||
darpasāgaru maryādavel̤ā | sāṃḍūni ute || 393 ||
maga vosaṃḍileni darpeṃ | kāmāhī pitta kurupe |
tayā dhagīṃ saiṃgha pal̤ipe | krodhāgni to || 394 ||
tayā dhagīṃ saiṃgha pal̤ipe | krodhāgni to || 394 ||
tetha unhāl̤ā āgī kharamarā | telātupāciyā koṭhārā |
lāgalā āṇi vārā | suṭalā jaisā || 395 ||
lāgalā āṇi vārā | suṭalā jaisā || 395 ||
taisā ahaṃkāru bal̤ā ālā | darpu kāmakrodhīṃ gūḍhalā |
yā dohīṃcā mel̤u jālā | jayāṃcyā ṭhāyīṃ || 396 ||
yā dohīṃcā mel̤u jālā | jayāṃcyā ṭhāyīṃ || 396 ||
te āpuliyā saveśā | maga koṇī koṇī hiṃsā |
yā prāṇiyāṃte vīreśā | na sādhatī gā ? || 397 ||
yā prāṇiyāṃte vīreśā | na sādhatī gā ? || 397 ||
pahileṃ taṃva dhanurdharā | āpuliyā māṃsarudhirā |
veṃcu karitī abhicārā- | lāgoniyāṃ || 398 ||
veṃcu karitī abhicārā- | lāgoniyāṃ || 398 ||
tetha jāl̤itī jiyeṃ deheṃ | yāmājīṃ jo mī āheṃ |
tayā ātmayā maja ghāye | vājatī te || 399 ||
tayā ātmayā maja ghāye | vājatī te || 399 ||
āṇi abhicārakīṃ tihīṃ | upadravije jetuleṃ kāṃhīṃ |
tetha caitanya mī pāhīṃ | sīṇu pāve || 400 ||
tetha caitanya mī pāhīṃ | sīṇu pāve || 400 ||
āṇi abhicārāvegal̤eṃ | vipāyeṃ je avagal̤eṃ |
tayā ṭākitī iṭāl̤eṃ | paiśūnyācīṃ || 401 ||
tayā ṭākitī iṭāl̤eṃ | paiśūnyācīṃ || 401 ||
satī āṇi satpurukha | dānaśīl̤a yājñika |
tapasvī alaukika | saṃnyāsī je || 402 ||
tapasvī alaukika | saṃnyāsī je || 402 ||
kāṃ bhakta hana mahātme | iyeṃ mājhīṃ nijācīṃ dhāmeṃ |
nirvāl̤alīṃ homadharmeṃ | śrautādikīṃ || 403 ||
nirvāl̤alīṃ homadharmeṃ | śrautādikīṃ || 403 ||
tayāṃ dveṣāceni kāl̤akūṭeṃ | bāsaṭoni tikhaṭeṃ |
kubolāṃcīṃ sadaṭeṃ | sūti kāṃḍeṃ || 404 ||
kubolāṃcīṃ sadaṭeṃ | sūti kāṃḍeṃ || 404 ||
tānahaṃ dviṣataḥ krūrān saṃsāreṣu narādhamān |
kṣipāmyajasramaśubhānāsurīṣveva yoniṣu || 19 ||
kṣipāmyajasramaśubhānāsurīṣveva yoniṣu || 19 ||
aise āghavāci parī | pravartale mājhyā vairī |
tayāṃ pāpiyāṃ jeṃ mī karīṃ | teṃ āika pāṃ || 405 ||
tayāṃ pāpiyāṃ jeṃ mī karīṃ | teṃ āika pāṃ || 405 ||
tarī manuṣyadehācā tāgā | gheūni rusatī je jagā |
te padavī hironi paiṃ gā | aise ṭhevīṃ || 406 ||
te padavī hironi paiṃ gā | aise ṭhevīṃ || 406 ||
je kleśagāṃvīṃcā ukaraḍā | bhavapurīṃcā pānavaḍā |
te tamoyoni tayāṃ mūḍhāṃ | vṛttīci deṃ || 407 ||
te tamoyoni tayāṃ mūḍhāṃ | vṛttīci deṃ || 407 ||
maga āhārāceni nāṃveṃ | tṛṇahī jetha nugave |
te vyāghra vṛścika āḍave | taisiye karīṃ || 408 ||
te vyāghra vṛścika āḍave | taisiye karīṃ || 408 ||
tetha kṣudhāduḥkheṃ bahuteṃ | toḍūni khātī āpaṇayāteṃ |
maramaroṃ māguteṃ | hotaci asatī || 409 ||
maramaroṃ māguteṃ | hotaci asatī || 409 ||
kāṃ āpulā garal̤ajāl̤īṃ | jal̤itī āṃgācī peṃdal̤ī |
te sarpaci karīṃ bil̤īṃ | niruṃdhalā || 410 ||
te sarpaci karīṃ bil̤īṃ | niruṃdhalā || 410 ||
parī ghetalā śvāsu ghāpe | yetulenahī māpeṃ |
visāṃvā tayāṃ nāṭope | durjanāṃsī || 411 ||
visāṃvā tayāṃ nāṭope | durjanāṃsī || 411 ||
aiseni kalpāṃciyā koḍī | gaṇitāṃhī saṃkhyā thoḍī |
tetulā vel̤u na kāḍhī | kleśauni tayāṃ || 412 ||
tetulā vel̤u na kāḍhī | kleśauni tayāṃ || 412 ||
tarī tayāṃsī jetha jāṇeṃ | tethiṃceṃ heṃ pahileṃ peṇeṃ |
teṃ pāvoni yereṃ dāruṇeṃ | na hotī duḥkheṃ || 413 ||
teṃ pāvoni yereṃ dāruṇeṃ | na hotī duḥkheṃ || 413 ||
āsurīṃ yonimāpannā mūḍhā janmani janmani |
māmaprāpyaiva kaunteya tato yāntyadhamāṃ gatim || 20 ||
māmaprāpyaiva kaunteya tato yāntyadhamāṃ gatim || 20 ||
hā ṭhāyavarī | saṃpatti te āsurī |
adhogatī avadhārīṃ | joḍilī tihīṃ || 414 ||
adhogatī avadhārīṃ | joḍilī tihīṃ || 414 ||
pāṭhīṃ vyāghrādi tāmasā | yonī to al̤umāl̤u aisā |
dehādhārācā usāsā | āthī johī || 415 ||
dehādhārācā usāsā | āthī johī || 415 ||
tohī mī volhāvā hireṃ | maga tamaci hotī ekasareṃ |
jethe geleṃ āṃdhāreṃ | kāl̤avaṃḍaije || 416 ||
jethe geleṃ āṃdhāreṃ | kāl̤avaṃḍaije || 416 ||
jayāṃcī pāpā cil̤asī | naraka ghetī vivasī |
śīṇa jāya mūrcchī | siṇeṃ jeṇeṃ || 417 ||
śīṇa jāya mūrcchī | siṇeṃ jeṇeṃ || 417 ||
mal̤u jeṇeṃ mail̤e | tāpu jeṇeṃ pol̤e |
jayāceni nāṃveṃ sal̤e | mahābhaya || 418 ||
jayāceni nāṃveṃ sal̤e | mahābhaya || 418 ||
pāpā jayācā kaṃṭāl̤ā | upaje amaṃgal̤a amaṃgal̤ā |
viṭāl̤uhī viṭāl̤ā | bihe jayā || 419 ||
viṭāl̤uhī viṭāl̤ā | bihe jayā || 419 ||
aiseṃ viśvāceyā vokhaṭeyā | adhama je dhanaṃjayā |
teṃ te hotī bhogūniyāṃ | tāmasā yonī || 420 ||
teṃ te hotī bhogūniyāṃ | tāmasā yonī || 420 ||
ahā sāṃgatāṃ vācā raḍe | āṭhavitāṃ mana khiraḍe |
kaṭāre mūrkhīṃ kevaḍhe | joḍile niraya || 421 ||
kaṭāre mūrkhīṃ kevaḍhe | joḍile niraya || 421 ||
kāyisayā te āsura | saṃpatti poṣitī vāura |
jiyā didhaleṃ ghora | patana aiseṃ || 422 ||
jiyā didhaleṃ ghora | patana aiseṃ || 422 ||
mhaṇauni tuvāṃ dhanurdharā | nohāveṃ gā tiyā moharā |
jeutā vāsu āsurā | saṃpattivaṃtā || 423 ||
jeutā vāsu āsurā | saṃpattivaṃtā || 423 ||
āṇi daṃbhādi doṣa sāhī | he saṃpūrṇa jayāṃcyā ṭhāyīṃ |
te tyajāve heṃ kāī | mhaṇoṃ kīra ? || 424 ||
te tyajāve heṃ kāī | mhaṇoṃ kīra ? || 424 ||
trividhaṃ narakasyedaṃ dvāraṃ nāśanamātmanaḥ |
kāmaḥ krodhastathā lobhastasmādetat trayaṃ tyajet || 21 ||
kāmaḥ krodhastathā lobhastasmādetat trayaṃ tyajet || 21 ||
parī kāma krodha lobha | yā tihīṃceṃhī thoṃba |
thāṃve tetheṃ aśubha | pikaleṃ jāṇa || 425 ||
thāṃve tetheṃ aśubha | pikaleṃ jāṇa || 425 ||
sarva duḥkhāṃ āpuliyā | darśanā dhanaṃjayā |
pāḍhāū he bhalatayā | didhaleṃ āhātī || 426 ||
pāḍhāū he bhalatayā | didhaleṃ āhātī || 426 ||
kāṃ pāpiyāṃ narakabhogīṃ | suvāvayālāgīṃ jagīṃ |
pātakāṃcī dāṭugī | sabhāci he || 427 ||
pātakāṃcī dāṭugī | sabhāci he || 427 ||
te raurava gā taṃvacivarī | āikijatī paṭāṃtarīṃ |
jaṃva he tinhī aṃtarīṃ | uṭhatī nā || 428 ||
jaṃva he tinhī aṃtarīṃ | uṭhatī nā || 428 ||
apāya tihīṃ āsalaga | yātanā ihīṃ savaṃga |
hāṇī hāṇī nohe he tigha | heci hāṇī || 429 ||
hāṇī hāṇī nohe he tigha | heci hāṇī || 429 ||
kāya bahu boloṃ subhaṭā | sāṃgitaliyā nikṛṣṭā |
narakācā dāravaṃṭā | triśaṃku hā || 430 ||
narakācā dāravaṃṭā | triśaṃku hā || 430 ||
yā kāmakrodhalobhāṃ- | mājīṃ jīveṃ jo hoya ubhā |
to nirayapurīcī sabhā | sanmānu pāve || 431 ||
to nirayapurīcī sabhā | sanmānu pāve || 431 ||
mhaṇauni puḍhata puḍhatīṃ kirīṭī | he kāmādi doṣa tripuṭī |
tyajāvīṃci gā vokhaṭī | āghavā viṣayīṃ || 432 ||
tyajāvīṃci gā vokhaṭī | āghavā viṣayīṃ || 432 ||
etairvimuktaḥ kaunteya tamodvāraistribhirnaraḥ |
ācaratyātmanaḥ śreyastato yāti parāṃ gatim 22 ||
ācaratyātmanaḥ śreyastato yāti parāṃ gatim 22 ||
dharmādikāṃ cauṃhī āṃtu | puruṣārthācī taiṃci mātu |
karāvī jaiṃ saṃghātu | sāṃḍīla hā || 433 ||
karāvī jaiṃ saṃghātu | sāṃḍīla hā || 433 ||
he tinhī jīvīṃ jaṃva jāgatī | taṃvavarī nikiyācī prāptī |
he mājhe kāna nāikatī | devohī mhaṇe || 434 ||
he mājhe kāna nāikatī | devohī mhaṇe || 434 ||
jayā āpaṇapeṃ paḍhiye | ātmanāśā jo bihe |
teṇeṃ na dharāvī he soye | sāvadhu hoīje || 435 ||
teṇeṃ na dharāvī he soye | sāvadhu hoīje || 435 ||
poṭīṃ bāṃdhoni pāṣāṇa | samudrīṃ bāhīṃ āṃgavaṇa |
kāṃ jiyāvayā jevaṇa | kāl̤akūṭāceṃ || 436 ||
kāṃ jiyāvayā jevaṇa | kāl̤akūṭāceṃ || 436 ||
ihīṃ kāmakrodhalobheṃsī | kāryasiddhi jāṇa taisī |
mhaṇauni ṭhāvoci pusīṃ | yayāṃcā gā || 437 ||
mhaṇauni ṭhāvoci pusīṃ | yayāṃcā gā || 437 ||
jaiṃ kahīṃ avacaṭeṃ | he tikaḍī sāṃkhal̤a tuṭe |
taiṃ sukheṃ āpuliye vāṭe | cāloṃ lābhe || 438 ||
taiṃ sukheṃ āpuliye vāṭe | cāloṃ lābhe || 438 ||
tridoṣīṃ sāṃḍileṃ śarīra | trikuṭīṃ phiṭaliyā nagara |
tridāha nimāliyā aṃtara | jaiseṃ hoya || 439 ||
tridāha nimāliyā aṃtara | jaiseṃ hoya || 439 ||
taisā kāmādikīṃ tighīṃ | sāṃḍilā sukha pāvoni jagīṃ |
saṃgu lāhe mokṣamārgīṃ | sajjanāṃcā || 440 ||
saṃgu lāhe mokṣamārgīṃ | sajjanāṃcā || 440 ||
maga satsaṃgeṃ prabal̤eṃ | sacchāstrāceni bal̤eṃ |
janmamṛtyūcīṃ nimāl̤eṃ | nistareṃ rāneṃ || 441 ||
janmamṛtyūcīṃ nimāl̤eṃ | nistareṃ rāneṃ || 441 ||
te vel̤īṃ ātmānaṃdeṃ āghaveṃ | jeṃ sadā vasateṃ baraveṃ |
teṃ taiseṃci pāṭaṇa pāve | gurukṛpeceṃ || 442 ||
teṃ taiseṃci pāṭaṇa pāve | gurukṛpeceṃ || 442 ||
tetha priyācī paramasīmā | to bheṭe māulī ātmā |
tayeṃ khevīṃ āṭe ḍiṃḍimā | sāṃsārika he || 443 ||
tayeṃ khevīṃ āṭe ḍiṃḍimā | sāṃsārika he || 443 ||
aisā jo kāmakrodhalobhāṃ | jhāḍī karūni ṭhāke ubhā |
to yevaḍhiyā lābhā | gosāvī hoya || 444 ||
to yevaḍhiyā lābhā | gosāvī hoya || 444 ||
yaḥ śāstravidhimutsṛjya vartate kāmakārata |
na sa siddhimavāpnoti na sukhaṃ na parāṃ gatim || 23 ||
na sa siddhimavāpnoti na sukhaṃ na parāṃ gatim || 23 ||
nā heṃ nāvaḍoni kāṃhīṃ | kāmādikāṃcyāci ṭhāyīṃ |
dāṭilī jeṇeṃ ḍoī | ātmacoreṃ || 445 ||
dāṭilī jeṇeṃ ḍoī | ātmacoreṃ || 445 ||
jo jagīṃ samāna sakṛpu | hitāhita dāvitā dīpu |
to amānyu kelā bāpu | vedu jeṇeṃ || 446 ||
to amānyu kelā bāpu | vedu jeṇeṃ || 446 ||
na dharīci vidhīcī bhīḍa | na karīci āpalī cāḍa |
vāḍhavīta gelā koḍa | iṃdriyāṃceṃ || 447 ||
vāḍhavīta gelā koḍa | iṃdriyāṃceṃ || 447 ||
kāmakrodhalobhāṃcī kāsa | na soḍīca pāl̤ilī bhāṣa |
svairācārāceṃ asosa | val̤aghalā rāna || 448 ||
svairācārāceṃ asosa | val̤aghalā rāna || 448 ||
to suṭakeciyā vāhiṇīṃ | maga pivoṃ na lāhe pāṇī |
svapnīṃhī te kahāṇī | dūrīci tayā || 449 ||
svapnīṃhī te kahāṇī | dūrīci tayā || 449 ||
āṇi paratra taṃva jāye | heṃ kīra tayā āhe |
parī aihikahī na lāhe | bhoga bhogūṃ || 450 ||
parī aihikahī na lāhe | bhoga bhogūṃ || 450 ||
tarī māśālāgīṃ bhulalā | brāhmaṇa pāṇabuḍāṃ righālā |
kīṃ tethahī pāvalā | nāstikavādu || 451 ||
kīṃ tethahī pāvalā | nāstikavādu || 451 ||
taiseṃ viṣayāṃceni koḍeṃ | jeṇeṃ paratrā keleṃ ubaḍeṃ |
taṃva toci āṇikīkaḍe | maraṇeṃ nelā || 452 ||
taṃva toci āṇikīkaḍe | maraṇeṃ nelā || 452 ||
evaṃ paratra nā svargu | nā aihikahī viṣayabhogu |
tetha keutā prasaṃgu | mokṣācā to ? || 453 ||
tetha keutā prasaṃgu | mokṣācā to ? || 453 ||
mhaṇauni kāmāceni bal̤eṃ | jo viṣaya sevūṃ pāhe sal̤eṃ |
tayā viṣayo nā svargu mil̤e | nā uddhare to || 454 ||
tayā viṣayo nā svargu mil̤e | nā uddhare to || 454 ||
tasmācchāstraṃ pramāṇaṃ te kāryākāryavyavasthitau |
jñātvā śāstravidhānoktaṃ karma kartumihāṟasi || 24||
jñātvā śāstravidhānoktaṃ karma kartumihāṟasi || 24||
oṃ tatsaditi śrīmadbhagavadgītāsūpaniṣatsu brahmavidyāyāṃ yogaśāstre
śrīkṛṣṇārjunasaṃvāde daivāsurasaṃpadvibhāgayogonāma ṣoḍaśo'dhyāyaḥ || 16 ||
śrīkṛṣṇārjunasaṃvāde daivāsurasaṃpadvibhāgayogonāma ṣoḍaśo'dhyāyaḥ || 16 ||
yākāraṇeṃ paiṃ bāpā | jayā āthī āpulī kṛpā |
teṇeṃ vedāṃciyā niropā | āna na kīje || 455 ||
teṇeṃ vedāṃciyā niropā | āna na kīje || 455 ||
patīciyā matā | anusaroni pativratā |
anāyāseṃ ātmahitā | bheṭeci te || 456 ||
anāyāseṃ ātmahitā | bheṭeci te || 456 ||
nātarī śrīguruvacanā | diṭhī detu jatanā |
śiṣya ātmabhuvanā- | mājīṃ paise || 457 ||
śiṣya ātmabhuvanā- | mājīṃ paise || 457 ||
heṃ aso āpulā ṭhevā | hātā āthī jarī yāvā |
tarī ādareṃ jevīṃ divā | puḍhāṃ kīje || 458 ||
tarī ādareṃ jevīṃ divā | puḍhāṃ kīje || 458 ||
taisā aśeṣāṃhī puruṣārthā | jo gosāvī ho mhaṇe pārthā |
teṇeṃ śrutismṛti māthāṃ | baisaṇeṃ ghāpe || 459 ||
teṇeṃ śrutismṛti māthāṃ | baisaṇeṃ ghāpe || 459 ||
śāstra mhaṇela jeṃ sāṃḍāveṃ | teṃ rājyahī tṛṇa mānāveṃ |
jeṃ ghevavī teṃ na mhaṇāveṃ | viṣahī viru || 460 ||
jeṃ ghevavī teṃ na mhaṇāveṃ | viṣahī viru || 460 ||
aisiyā vedaikaniṣṭhā | jāliyā jarī subhaṭā |
tarī keṃ āhe aniṣṭā | bheṭaṇeṃ gā ? || 461 ||
tarī keṃ āhe aniṣṭā | bheṭaṇeṃ gā ? || 461 ||
paiṃ ahitāpāsūni kāḍhitī | hita deūni vāḍhavitī |
nāhīṃ gā śrutiparautī | māulī jagā || 462 ||
nāhīṃ gā śrutiparautī | māulī jagā || 462 ||
mhaṇauni brahmeṃśīṃ mel̤avī | taṃva he koṇeṃ na sāṃḍāvī |
agā tuvāṃhī aisīci bhajāvī | viśeṣeṃsīṃ || 463 ||
agā tuvāṃhī aisīci bhajāvī | viśeṣeṃsīṃ || 463 ||
je āji arjunā tūṃ yetheṃ | karāvayā satya śāstreṃ sārtheṃ |
janmalāsi bal̤ārtheṃ | dharmāceni || 464 ||
janmalāsi bal̤ārtheṃ | dharmāceni || 464 ||
āṇi dharmānuja heṃ aiseṃ | bodheṃci āleṃ apaiseṃ |
mhaṇauni ānāriseṃ | karūṃ naye || 465 ||
mhaṇauni ānāriseṃ | karūṃ naye || 465 ||
kāryākāryavivekīṃ | śāstreṃci karāvīṃ pārakhīṃ |
akṛtya teṃ kuḍeṃ lokīṃ | vāl̤āveṃ gā || 466 ||
akṛtya teṃ kuḍeṃ lokīṃ | vāl̤āveṃ gā || 466 ||
maga kṛtyapaṇeṃ khareṃ nige | teṃ tuvāṃ āpuleni āṃgeṃ |
ācaroni ādareṃ cāṃgeṃ | sārāveṃ gā || 467 ||
ācaroni ādareṃ cāṃgeṃ | sārāveṃ gā || 467 ||
je viśvaprāmāṇyācī mudī | āji tujhyā hātīṃ aseṃ subuddhī |
lokasaṃgrahāsi triśuddhī | yogyu hosī || 468 ||
lokasaṃgrahāsi triśuddhī | yogyu hosī || 468 ||
evaṃ āsuravargu āghavā | sāṃgoni tethiṃcā nigāvā |
tohi deveṃ pāṃḍavā | nirūpilā || 469 ||
tohi deveṃ pāṃḍavā | nirūpilā || 469 ||
iyāvarī to paṃḍūcā | kumaru sadbhāvo jīvīṃcā |
pusela to caitanyācā | kānīṃ aikā || 470 ||
pusela to caitanyācā | kānīṃ aikā || 470 ||
saṃjayeṃ vyāsāciyā niropā | to vel̤u pheḍilā tayā nṛpā |
taisā mīhi nivṛttikṛpā | sāṃgena tumhāṃ || 471 ||
taisā mīhi nivṛttikṛpā | sāṃgena tumhāṃ || 471 ||
tumhī saṃta mājhiyā kaḍā | diṭhīcā karāla bahuḍā |
tarī tumhāṃ māne yevaḍhā | hoīna mī || 472 ||
tarī tumhāṃ māne yevaḍhā | hoīna mī || 472 ||
mhaṇauni nija avadhāna | maja vol̤age pasāyadāna |
dījo jī sanāthu hoīna | jñānadevo mhaṇe || 473 ||
dījo jī sanāthu hoīna | jñānadevo mhaṇe || 473 ||
iti śrījñānadevaviracitāyāṃ bhāvārthadīpikāyāṃ ṣoḍaśo'dhyāyaḥ ||