What is Hanuman Nitya Puja Vidhanam in English (IAST)?

Read Hanuman Nitya Puja Vidhanam in English (IAST) script — full lyrics with English meaning and transliteration. Hanuman Nitya Puja Vidhanam is a comprehensive liturgical manual dedicated to the daily worship of Lord Hanuman, the embodiment of devotion, strength, and selfless service. This ritualistic text guides practitioners through the systematic steps of inviting, invoking, and honoring the deity through offerings and prayers. By performing this daily worship with sincerity, devotees seek to invoke the protection and grace of the Vanara deity. Chanting these verses is believed to cultivate mental fortitude, remove obstacles, alleviate fear, and bestow spiritual discipline, ultimately strengthening one's connection to the divine path of Bhakti.

Which deity is Hanuman Nitya Puja Vidhanam in English (IAST) dedicated to?

Hanuman Nitya Puja Vidhanam in English (IAST) is a Sanskrit hymn dedicated to Lord Hanuman.

Hanuman Nitya Puja Vidhanam in English (IAST) - Sanskrit Text & Transliteration

āvaśyakāni vastūni

- āsanaṃ

- dīpaḥ

- gandhaḥ

- kuṅkumaṃ

- akṣatāḥ

- puṣpāṇi

- dhūpaḥ

- naivedyaṃ

- tāmbūlaṃ

- ācamanīyaṃ

- pūjā pātraṃ

- kalaśaḥ

- śaṅkhaḥ [optional]

- hanumān pratimā vā citrapaṭaḥ vā
pūrvāṅga pūjā

śrīmahāgaṇādhipataye namaḥ |

śrī gurubhyo namaḥ |

hariḥ om |
śuciḥ

apavitraḥ pavitro vā sarvāvasthāṃ gato'pi vā |

yaḥ smaret puṇḍarīkākṣaṃ sa bāhyābhyantaraḥ śuciḥ ||

puṇḍarīkākṣa puṇḍarīkākṣa puṇḍarīkākṣāya namaḥ ||
prārthanā

śuklāmbaradharaṃ viṣṇuṃ śaśivarṇaṃ caturbhujam |

prasannavadanaṃ dhyāyet sarvavighnopaśāntaye ||
agajānana padmārkaṃ gajānanamaharniśam |

anekadaṃ taṃ bhaktānāṃ ekadantamupāsmahe ||
tadeva lagnaṃ sudinaṃ tadeva

tārābalaṃ candrabalaṃ tadeva |

vidyābalaṃ daivabalaṃ tadeva

lakṣmīpate te'ṅghriyugaṃ smarāmi ||
gururbrahmā gururviṣṇuḥ gururdevo maheśvaraḥ |

guruḥ sākṣāt parabrahma tasmai śrīgurave namaḥ ||
sarvamaṅgala māṅgalye śive sarvārthasādhike |

śaraṇye tryambake gaurī nārāyaṇi namo'stu te ||
śrīlakṣmīnārāyaṇābhyāṃ namaḥ |

umāmaheśvarābhyāṃ namaḥ |

vāṇīhiraṇyagarbhābhyāṃ namaḥ |

śacīpurandarābhyāṃ namaḥ |

arundhatīvasiṣṭhābhyāṃ namaḥ |

śrīsītārāmābhyāṃ namaḥ |

mātāpitṛbhyo namaḥ |

sarvebhyo mahājanebhyo namaḥ |
ācamanaṃ

oṃ keśavāya svāhā |

oṃ nārāyaṇāya svāhā |

oṃ mādhavāya svāhā |

oṃ govindāya namaḥ |

oṃ viṣṇave namaḥ |

oṃ madhusūdanāya namaḥ |

oṃ trivikramāya namaḥ |

oṃ vāmanāya namaḥ |

oṃ śrīdharāya namaḥ |

oṃ hṛṣīkeśāya namaḥ |

oṃ padmanābhāya namaḥ |

oṃ dāmodarāya namaḥ |

oṃ saṅkarṣaṇāya namaḥ |

oṃ vāsudevāya namaḥ |

oṃ pradyumnāya namaḥ |

oṃ aniruddhāya namaḥ |

oṃ puruṣottamāya namaḥ |

oṃ adhokṣajāya namaḥ |

oṃ nārasiṃhāya namaḥ |

oṃ acyutāya namaḥ |

oṃ janārdanāya namaḥ |

oṃ upendrāya namaḥ |

oṃ haraye namaḥ |

oṃ śrīkṛṣṇāya namaḥ |
dīpārādhanam

dīpastvaṃ brahmarūpo'si jyotiṣāṃ prabhuravyayaḥ |

saubhāgyaṃ dehi putrāṃśca sarvānkāmāṃśca dehi me ||

bho dīpa devi rūpastvaṃ karmasākṣī hyavighnakṛt |

yāvatpūjāṃ kariṣyāmi tāvattvaṃ susthiro bhava ||

dīpārādhana muhūrtaḥ sumuhūrto'stu ||
bhūtoccāṭanam

uttiṣṭhantu bhūtapiśācāḥ ya ete bhūmibhārakāḥ |

eteṣāmavirodhena brahmakarma samārabhe ||

apasarpantu te bhūtā ye bhūtā bhūmisaṃsthitāḥ |

ye bhūtā vighnakartāraste gacchantu śivā'jñayā ||
prāṇāyāmaḥ

o-ntatsa̭vi॒turvare᳚ṇya॒-mbhargo̭ de॒vasya̭ dhīmahi |

dhiyo॒ yo naḥ̭ praco॒dayā᳚t ||

omāpo॒ jyotī॒ raso॒-'mṛta॒-mbrahma॒ bhūrbhuva॒ssuva॒rom ||

saṅkalpaḥ

mama upātta samasta duritakṣaya dvārā śrīparameśvara prītyarthaṃ, mama/asmākaṃ sahakuṭumbasya kṣema-sthairya-dhairya-vīrya-vijaya-abhaya-āyuḥ-ārogya-aiśvarya-abhivṛddhyarthaṃ, dhairya-bala-buddhi-bhakti-siddhyarthaṃ, dharmārtha-kāma-mokṣa-caturvidha-puruṣārtha-phala-siddhyarthaṃ, śrīhanumat-prītyarthaṃ, yāvacchakti dhyāna-āvāhanādi-ṣoḍaśopacāra-pūjāṃ kariṣye ||
tadaṅga kalaśārādhanaṃ kariṣye ||
kalaśārādhanam

kalaśe gandha puṣpākṣatairabhyarcya |

kalaśe udakaṃ pūrayitvā |

kalaśasyopari hastaṃ nidhāya |
kalaśasya mukhe viṣṇuḥ kaṇṭhe rudraḥ samāśritaḥ |

mūle tvasya sthito brahmā madhye mātṛgaṇāḥ smṛtāḥ ||

kukṣau tu sāgarāḥ sarve saptadvīpā vasundharā |

ṛgvedo'tha yajurvedo sāmavedo hyatharvaṇaḥ ||

aṅgaiśca sahitāḥ sarve kalaśāmbu samāśritāḥ ||
gaṅge ca yamune caiva godāvarī sarasvatī |

narmade sindhu kāverī jale'smin sannidhiṃ kuru ||

kāverī tuṅgabhadrā ca kṛṣṇaveṇī ca gautamī |

bhāgīrathīti vikhyātāḥ pañcagaṅgāḥ prakīrtitāḥ ||
āyāntu devapūjārthaṃ mama duritakṣayakārakāḥ |

kalaśodakena pūjā dravyāṇi samprokṣya, devaṃ samprokṣya, ātmānaṃ ca samprokṣya ||
śaṅkhapūjā

śaṅkhaṃ candrārka daivataṃ madhye varuṇa devatām |

pṛṣṭhe prajāpatiṃ vindyādagre gaṅgā sarasvatīm ||

trailokye yāni tīrthāni vāsudevasya ājñayā |

śaṅkhe tiṣṭhantu viprendrāḥ tasmāt śaṅkhaṃ prapūjayet ||
oṃ śaṅkhāya namaḥ |

oṃ dhavalāya namaḥ |

oṃ pāñcajanyāya namaḥ |

oṃ śaṅkhadevatābhyo namaḥ |

sakalapūjārthe akṣatān samarpayāmi ||
ghaṇṭānādaḥ

āgamārthaṃ tu devānāṃ gamanārthaṃ tu rākṣasām |

ghaṇṭāravaṃ karomyādau devatāhvāna lāñchanam ||

oṃ ghaṇṭādevatābhyo namaḥ |

sakalopacāra pūjārthe akṣatān samarpayāmi ||
śrī mahāgaṇapati pūjā

o-ṅga॒ṇānā᳚-ntvā ga॒ṇapa̭tigṃ havāmahe ka॒vi-ṅka̭vī॒nāṃ upa॒maśra̭vastavam |

jye॒ṣṭha॒rāja॒-mbrahma̭ṇā-mbrahmaṇaspata॒ ā naḥ̭ śṛ॒ṇvannū॒tibhi̭ssīda॒ sāda̭nam ||

sumukhaścaikadantaśca kapilo gajakarṇakaḥ |

lambodaraśca vikaṭo vighnarājo gaṇādhipaḥ ||

dhūmaketurgaṇādhyakṣaḥ phālacandro gajānanaḥ |

vakratuṇḍaḥ śūrpakarṇo herambaḥ skandapūrvajaḥ ||
oṃ śrīmahāgaṇapataye namaḥ |

dhyāyāmi | āvāhayāmi | āsanaṃ samarpayāmi |

pādyaṃ samarpayāmi | arghyaṃ samarpayāmi | ācamanīyaṃ samarpayāmi |

snānaṃ samarpayāmi | vastraṃ samarpayāmi | yajñopavītaṃ samarpayāmi |

gandhaṃ samarpayāmi | puṣpāṇi samarpayāmi |

dhūpamāghrāpayāmi | dīpaṃ darśayāmi |

naivedyaṃ samarpayāmi | tāmbūlaṃ samarpayāmi |

nīrājanaṃ samarpayāmi | mantrapuṣpaṃ samarpayāmi |

pradakṣiṇa namaskārān samarpayāmi ||
ṣoḍaśopacāra pūjā

hanumān dhyānam

atulita baladhāmaṃ svarṇa śailābha deham |

danujavana kṛśānuṃ jñānināmagragaṇyam ||

sakalaguṇanidhānaṃ vānarāṇāmadhīśam |

raghupatipriyabhaktaṃ vātajātaṃ namāmi ||
manojavaṃ māruta tulyavegam |

jitendriyaṃ buddhimatāṃ variṣṭham ||

vātātmajaṃ vānara yūthamukhyam |

śrīrāmadūtaṃ śirasā namāmi ||
goṣpadīkṛtasamudraṃ maśakīkṛta rākṣasam |

rāmāyaṇa mahāmālā ratnaṃ vande'nilātmajam ||
oṃ śrīhanumate namaḥ |

dhyāyāmi | dhyānaṃ samarpayāmi ||
āvāhanam

rāmacandra padāmbhoja yugala sthiramāsanam |

āvāhayāmi varadaṃ hanūmantamabhīṣṭadam ||

oṃ śrīhanumate namaḥ |

āvāhayāmi | sthāpayāmi | pūjayāmi ||
āsanam

navaratnanibaddhāḍhyaṃ caturaśraṃ suśobhanam |

sauvarṇamāsanaṃ tubhyaṃ dāsyāmi kapināyaka ||

oṃ śrīhanumate namaḥ |

āsanaṃ samarpayāmi ||
pādyam

suvarṇakalaśānītaṃ gaṅgādi salilairyutam |

pādayoḥ pādyamanaghaṃ pratigṛhya prasīda me ||

oṃ śrīhanumate namaḥ |

pādayoḥ pādyaṃ samarpayāmi ||
arghyam

lakṣmaṇa prāṇasaṃrakṣa sītāśokavināśana |

gṛhāṇārghyaṃ mayā dattaṃ añjanāpriyanandana ||

oṃ śrīhanumate namaḥ |

hastayoḥ arghyaṃ samarpayāmi ||
ācamanīyam

vālāgrasetubandhāya śatānanavadhāya ca |

tubhyamācamanaṃ dattaṃ pratigṛhṇīṣva mārute ||

oṃ śrīhanumate namaḥ |

mukhe ācamanīyaṃ samarpayāmi ||
snānam

āpo॒ hiṣṭhā ma̭yo॒bhuva॒stā na̭ ū॒rje da̭dhātana |

ma॒he raṇā̭ya॒ cakṣa̭se ||

yo vaḥ̭ śi॒vata̭mo rasa॒stasya̭ bhājayate॒ha naḥ̭ |

u॒śa॒tīri̭va mā॒ta̭raḥ ||

tasmā॒ ara̭-ṅgamāma vo॒ yasya॒ kṣayā̭ya॒ jinva̭tha |

āpo̭ ja॒naya̭thā ca naḥ ||

oṃ śrīhanumate namaḥ |

śuddhodaka snānaṃ samarpayāmi ||

snānānantaraṃ ācamanīyaṃ samarpayāmi ||
vastram

pītāmbaramidaṃ tubhyaṃ taptahāṭaka sannibham |

dāsyāmi vānaraśreṣṭha saṅgṛhāṇa namo'stu te ||

uttarīyaṃ tu dāsyāmi saṃsārottāra kāraṇa |

gṛhāṇa ca mayā prītyā dattaṃ dhatsva yathāvidhi ||

oṃ śrīhanumate namaḥ |

vastraṃ samarpayāmi ||
yajñopavītam

navabhistantubhiryuktaṃ triguṇaṃ devatāmayam |

upavītaṃ cottarīyaṃ gṛhāṇa rāmakiṅkara ||

oṃ śrīhanumate namaḥ |

yajñopavītaṃ samarpayāmi ||
gandham

kastūrīkuṅkumāmiśraṃ karpūrāgaruvāsitam |

śrīcandanaṃ tu dāsyāmi gṛhyatāṃ hanumatprabho ||

oṃ śrīhanumate namaḥ |

gandhaṃ samarpayāmi ||
arcana

akṣatān dhavalān divyān puṣpāṇi ca sugandhīni |

bhaktyā dattāni gṛhyantāṃ sarvadevāḥ prasīdata ||
aṅga pūjā

oṃ mārutaye namaḥ - pādau pūjayāmi |

oṃ sugrīvasakhāya namaḥ - gulphau pūjayāmi |

oṃ aṅgadamitrāya namaḥ - jaṅghe pūjayāmi |

oṃ rāmadāsāya namaḥ - ūrū pūjayāmi |

oṃ akṣaghnāya namaḥ - kaṭiṃ pūjayāmi |

oṃ laṅkādahanāya namaḥ - vālaṃ pūjayāmi |

oṃ sañjīvananagāharte namaḥ - skandhau pūjayāmi |

oṃ saumitriprāṇadātre namaḥ - vakṣaḥsthalaṃ pūjayāmi |

oṃ kuṇṭhitadaśakaṇṭhāya namaḥ - kaṇṭhaṃ pūjayāmi |

oṃ rāmābhiṣekakāriṇe namaḥ - hastau pūjayāmi |

oṃ mantraracitarāmāyaṇāya namaḥ - vaktraṃ pūjayāmi |

oṃ prasannavadanāya namaḥ - vadanaṃ pūjayāmi |

oṃ piṅgalanetrāya namaḥ - netre pūjayāmi |

oṃ śrutiparāyaṇāya namaḥ - śrotre pūjayāmi |

oṃ ūrdhvapuṇḍradhāriṇe namaḥ - lalāṭaṃ pūjayāmi |

oṃ maṇikaṇṭhamālikāya namaḥ - śiraḥ pūjayāmi |

oṃ sarvābhīṣṭapradāya namaḥ - sarvāṇyaṅgāni pūjayāmi ||
[Recite the hanumAn aShTOttara Sata nAmAvaLI, or at least a few known names of Hanuman. Offer flowers or akshatas with each name.]

hanumān aṣṭottara śata nāmāvalī>

athavā hanumān nāmāvalī paṭhanam ||
oṃ śrīhanumate namaḥ |

aṣṭottara śata nāmāvalī pūjāṃ samarpayāmi |

akṣatān puṣpāṇi ca samarpayāmi ||
dhūpam

divyaṃ saguggulaṃ ramyaṃ daśāṅgena samanvitam |

gṛhāṇa mārute dhūpaṃ supriyaṃ ghrāṇatatparam ||

oṃ śrīhanumate namaḥ |

dhūpamāghrāpayāmi ||
dīpam

sājyaṃ trivarti saṃyuktaṃ vahninā yojitaṃ mayā |

gṛhāṇa maṅgalaṃ dīpaṃ trailokya timirāpaham ||

suprakāśo mahādīpaḥ sarvatastimirāpahaḥ |

sabāhyābhyantaraṃ jyotirdīpo'yaṃ pratigṛhyatām ||

oṃ śrīhanumate namaḥ |

dīpaṃ darśayāmi ||
naivedyam

maṇipātra sahasrāḍhyaṃ divyānnaṃ ghṛtapāyasam |

āpūpalaḍḍūkopetaṃ madhurāmraphalairyutam ||

hiṅgū jīraka saṃyuktaṃ ṣaḍrasopetamuttamam |

naivedyamarpayāmyadya gṛhāṇedaṃ kapīśvara ||

o-mbhūrbhuva॒ssuvaḥ॒ | tatsa̭vi॒turvare᳚ṇya॒-mbhargo̭ de॒vasya̭ dhīmahi |

dhi॒yo yo naḥ̭ praco॒dayā᳚t ||

satyaṃ tvā ṛtena pariṣiñcāmi |

amṛtamastu | amṛtopastaraṇamasi |

oṃ prāṇāya svāhā | oṃ apānāya svāhā | oṃ vyānāya svāhā |

oṃ udānāya svāhā | oṃ samānāya svāhā |

madhye madhye pānīyaṃ samarpayāmi |

amṛtāpidhānamasi |

uttarāpośanaṃ samarpayāmi |

hastau prakṣālayāmi | pādau prakṣālayāmi |

śuddhācamanīyaṃ samarpayāmi ||
oṃ śrīhanumate namaḥ |

naivedyaṃ samarpayāmi ||
tāmbūlam

nāgavallīdalopetaṃ kramukairmadhurairyutam |

tāmbūlamarpayāmyadya karpūrādi suvāsitam ||

oṃ śrīhanumate namaḥ |

tāmbūlaṃ samarpayāmi ||
nīrājanam

ārārtikaṃ tamohāri śatasūrya samaprabham |

arpayāmi tava prītyai andhakāra niṣūdanam ||

oṃ śrīhanumate namaḥ |

nīrājanaṃ samarpayāmi ||
mantrapuṣpam

oṃ āñjaneyāya vidmahe vāyuputrāya dhīmahi |

tanno hanumat pracodayāt ||

oṃ śrīhanumate namaḥ |

mantrapuṣpaṃ samarpayāmi ||
pradakṣiṇam

yāni kāni ca pāpāni janmāntara kṛtāni ca |

tāni tāni praṇaśyanti pradakṣiṇa pade pade ||

pāpo'haṃ pāpakarmā'haṃ pāpātmā pāpasambhava |

trāhi māṃ kṛpayā deva śaraṇāgatavatsala ||

anyathā śaraṇaṃ nāsti tvameva śaraṇaṃ mama |

tasmātkāruṇya bhāvena rakṣa rakṣa kapīśvara ||

oṃ śrīhanumate namaḥ |

pradakṣiṇa namaskārān samarpayāmi ||
namaskāraḥ

urasā śirasā dṛṣṭyā manasā vacasā tathā |

padbhyāṃ karābhyāṃ karṇābhyāṃ praṇāmo'ṣṭāṅga ucyate ||

oṃ śrīhanumate namaḥ |

namaskārān samarpayāmi ||
sarvopacārāḥ

oṃ śrīhanumate namaḥ |

chatraṃ samarpayāmi |

cāmaraṃ samarpayāmi |

gītaṃ śrāvayāmi |

nṛtyaṃ darśayāmi |

samasta rājopacārān devopacārān samarpayāmi ||
stotra paṭhanam

hanumān cālīsā>

hanumat-pañcaratnam>
kṣamāprārthanā

aparādhasahasrāṇi kriyante'harniśaṃ mayā |

dāso'yamiti māṃ matvā kṣamasva kapināyaka ||

āvāhanaṃ na jānāmi na jānāmi visarjanam |

pūjāvidhiṃ na jānāmi kṣamasva vānarottama ||

mantrahīnaṃ kriyāhīnaṃ bhaktihīnaṃ kapīśvara |

yatpūjitaṃ mayā deva paripūrṇaṃ tadastu te ||
kāyena vācā manasendriyairvā

buddhyātmanā vā prakṛteḥ svabhāvāt |

karomi yadyat sakalaṃ parasmai

nārāyaṇāyeti samarpayāmi ||
anayā dhyāna-āvāhanādi-ṣoḍaśopacāra pūjayā śrīhanumān suprītaḥ suprasannaḥ varado bhavatu ||
udvāsanam

oṃ śrīhanumate namaḥ |

yathāsthānaṃ udvāsayāmi |

śobhanārthe kṣemāya punarāgamanāya ca ||
prasāda grahaṇam

akālamṛtyuharaṇaṃ sarvavyādhinivāraṇam |

samastapāpakṣayakaraṃ devatā pādodakaṃ śubham ||
śrīhanumān prasādaṃ śirasā gṛhṇāmi ||
oṃ śāntiḥ śāntiḥ śāntiḥ ||
oṃ tatsat brahmārpaṇamastu ||

hanumān nitya pūjā vidhānam

Explore More

More Hanuman Stotras

Explore More