ಶ್ರೀಮನ್ತೋ ಸರ್ವಲಕ್ಷಣಸಮ್ಪನ್ನೋ ಜಯಪ್ರದಃ ಸರ್ವಾಭರಣಭೂಷಿತ ಉದಾರೋ ಮಹೋನ್ನತೋಷ್ಟ್ರಾರೂಢಃ
ಕೇಸರೀಪ್ರಿಯನನ್ದನೋ ವಾಯುತನೂಜೋ ಯಥೇಚ್ಛಂ ಪಮ್ಪಾತೀರವಿಹಾರೀ ಗನ್ಧಮಾದನಸಞ್ಚಾರೀ ಹೇಮಪ್ರಾಕಾರಾಞ್ಚಿತಕನಕಕದಲೀವನಾನ್ತರನಿವಾಸೀ
ಪರಮಾತ್ಮಾ ವನೇಚರಶಾಪವಿಮೋಚನೋ ಹೇಮಕನಕವರ್ಣೋ ನಾನಾರತ್ನಖಚಿತಾಮಮೂಲ್ಯಾಂ ಮೇಖಲಾಂ ಚ ಸ್ವರ್ಣೋಪವೀತಂ
ಕೌಶೇಯವಸ್ತ್ರಂ ಚ ಬಿಭ್ರಾಣಃ ಸನಾತನೋ ಪರಮಪುರುಷಃ ಮಹಾಬಲೋಽಪ್ರಮೇಯಪ್ರತಾಪಶಾಲೀ ರಜಿತವರ್ಣಃ
ಶುದ್ಧಸ್ಪಟಿಕಸಙ್ಕಾಶಃ ಪಞ್ಚವದನಃ ಪಞ್ಚದಶನೇತ್ರಸ್ಸಕಲದಿವ್ಯಾಸ್ತ್ರಧಾರೀ
ಶ್ರೀಸುವರ್ಚಲಾರಮಣೋ ಮಹೇನ್ದ್ರಾದ್ಯಷ್ಟದಿಕ್ಪಾಲಕ- ತ್ರಯಸ್ತ್ರಿಂಶದ್ಗೀರ್ವಾಣಮುನಿಗಣಗನ್ಧರ್ವಯಕ್ಷಕಿನ್ನರಪನ್ನಗಾಸುರಪೂಜಿತ
ಪಾದಪದ್ಮಯುಗಲಃ ನಾನಾವರ್ಣಃ ಕಾಮರೂಪಃ ಕಾಮಚಾರೀ ಯೋಗಿಧ್ಯೇಯಃ ಶ್ರೀಹನುಮಾನ್
ಆಞ್ಜನೇಯಃ ವಿರಾಟ್ರೂಪೀ ವಿಶ್ವಾತ್ಮಾ ವಿಶ್ವರೂಪಃ ಪವನನನ್ದನಃ ಪಾರ್ವತೀಪುತ್ರಃ ಈಶ್ವರತನೂಜಃ ಸಕಲಮನೋರಥಾನ್ನೋ ದದಾತು।
ಇದಂ ಶ್ರೀಹನುಮತ್ಸೂಕ್ತಂ ಯೋ ಧೀಮಾನೇಕವಾರಂ ಪಠೇದ್ಯದಿ ಸರ್ವೇಭ್ಯಃ ಪಾಪೇಭ್ಯೋ ವಿಮುಕ್ತೋ ಭೂಯಾತ್।