॥ હિમાલયરાજકૃત શૈલપુત્રીસ્તુતિઃ ॥
હિમાલય ઉવાચ।
માતસ્ત્વં કૃપયાગૃહે મમ સુતા જાતાસિ નિત્યાપિ
યદ્ભાગ્યં મે બહુજન્મજન્મજનિતં મન્યે મહત્પુણ્યદમ્ ।
દૃષ્ટં રૂપમિદં પરાત્પરતરાં મૂર્તિં ભવાન્યા અપિ
માહેશીં પ્રતિ દર્શયાશુ કૃપયા વિશ્વેશિ તુભ્યં નમઃ ॥ ૧॥
યદ્ભાગ્યં મે બહુજન્મજન્મજનિતં મન્યે મહત્પુણ્યદમ્ ।
દૃષ્ટં રૂપમિદં પરાત્પરતરાં મૂર્તિં ભવાન્યા અપિ
માહેશીં પ્રતિ દર્શયાશુ કૃપયા વિશ્વેશિ તુભ્યં નમઃ ॥ ૧॥
શ્રીદેવ્યુવાચ।
દદામિ ચક્ષુસ્તે દિવ્યં પશ્ય મે રૂપમૈશ્વરમ્ ।
છિન્ધિ હૃત્સંશયં વિદ્ધિ સર્વદેવમયીં પિતઃ ॥ ૨॥
છિન્ધિ હૃત્સંશયં વિદ્ધિ સર્વદેવમયીં પિતઃ ॥ ૨॥
શ્રીમહાદેવ ઉવાચ।
ઇત્યુક્ત્વા તં ગિરિશ્રેષ્ઠં દત્ત્વા વિજ્ઞાનમુત્તમમ્ ।
સ્વરૂપં દર્શયામાસ દિવ્યં માહેશ્વરં તદા ॥ ૩॥
સ્વરૂપં દર્શયામાસ દિવ્યં માહેશ્વરં તદા ॥ ૩॥
શશિકોટિપ્રભં ચારુચન્દ્રાર્ધકૃતશેખરમ્ ।
ત્રિશૂલવર હસ્તં ચ જટામણ્ડિતમસ્તકમ્ ॥ ૪॥
ત્રિશૂલવર હસ્તં ચ જટામણ્ડિતમસ્તકમ્ ॥ ૪॥
ભયાનકં ઘોરરૂપં કાલાનલસહસ્રભમ્ ।
પઞ્ચવક્ત્રં ત્રિનેત્રં ચ નાગયજ્ઞોપવીતિનમ્ ॥ ૫॥
પઞ્ચવક્ત્રં ત્રિનેત્રં ચ નાગયજ્ઞોપવીતિનમ્ ॥ ૫॥
દ્વીપિચર્મામ્બરધરં નાગેન્દ્રકૃતભૂષણમ્ ।
એવં વિલોક્ય તદ્રૂપં વિસ્મિતો હિમવાન્ પુનઃ ॥ ૬॥
એવં વિલોક્ય તદ્રૂપં વિસ્મિતો હિમવાન્ પુનઃ ॥ ૬॥
પ્રોવાચ વચનં માતા રૂપમન્યત્પ્રદર્શય ।
તતઃ સંહૃત્ય તદ્રૂપં દર્શયામાસ તત્ક્ષણાત્ ॥ ૭॥
તતઃ સંહૃત્ય તદ્રૂપં દર્શયામાસ તત્ક્ષણાત્ ॥ ૭॥
રૂપમન્યન્મુનિશ્રેષ્ઠ વિશ્વરૂપા સનાતની ।
શરચ્ચન્દ્રનિભં ચારુમુકુટોજ્જ્વલમસ્તકમ્ ॥ ૮॥
શરચ્ચન્દ્રનિભં ચારુમુકુટોજ્જ્વલમસ્તકમ્ ॥ ૮॥
શઙ્ખચક્રગદાપદ્મહસ્તં નેત્રત્રયોજ્જ્વલમ્ ।
દિવ્યમાલ્યામ્બરધરં દિવ્યગન્ધાનુલેપનમ્ ॥ ૯॥
દિવ્યમાલ્યામ્બરધરં દિવ્યગન્ધાનુલેપનમ્ ॥ ૯॥
યોગીન્દ્રવૃન્દસંવન્દ્યં સુચારુચરણામ્બુજમ્ ।
સર્વતઃ પાણિપાદં ચ સર્વતોઽક્ષિશિરોમુખમ્ ॥ ૧૦॥
સર્વતઃ પાણિપાદં ચ સર્વતોઽક્ષિશિરોમુખમ્ ॥ ૧૦॥
દૃષ્ટ્વા તદેતત્પરમં રૂપં સ હિમવાન્ પુનઃ ।
પ્રણમ્ય તનયાં પ્રાહ વિસ્મયોત્ફુલ્લલોચનઃ ॥ ૧૧॥
પ્રણમ્ય તનયાં પ્રાહ વિસ્મયોત્ફુલ્લલોચનઃ ॥ ૧૧॥
હિમાલય ઉવાચ।
માતસ્તવેદં પરમં રૂપમૈશ્વરમુત્તમમ્ ।
વિસ્મિતોઽસ્મિ સમાલોક્ય રૂપમન્યત્પ્રદર્શય ॥ ૧૨॥
વિસ્મિતોઽસ્મિ સમાલોક્ય રૂપમન્યત્પ્રદર્શય ॥ ૧૨॥
ત્વં યસ્ય સો હ્યશોચ્યો હિ ધન્યશ્ચ પરમેશ્વરિ ।
અનુગૃહ્ણીષ્વ માતર્માં કૃપયા ત્વાં નમો નમઃ ॥ ૧૩॥
અનુગૃહ્ણીષ્વ માતર્માં કૃપયા ત્વાં નમો નમઃ ॥ ૧૩॥
શ્રીમહાદેવ ઉવાચ।
ઇત્યુક્તા સા તદા પિત્રા શૈલરાજેન પાર્વતી ।
તદ્રૂપમપિ સંહૃત્ય દિવ્યં રૂપં સમાદધે ॥ ૧૪॥
તદ્રૂપમપિ સંહૃત્ય દિવ્યં રૂપં સમાદધે ॥ ૧૪॥
નીલોત્પલદલશ્યામં વનમાલાવિભૂષિતમ્ ।
શઙ્ખચક્રગદાપદ્મમભિવ્યક્તં ચતુર્ભુજમ્ ॥ ૧૫॥
શઙ્ખચક્રગદાપદ્મમભિવ્યક્તં ચતુર્ભુજમ્ ॥ ૧૫॥
એવં વિલોક્ય તદ્રૂપં શૈલાનામધિપસ્તતઃ ।
કૃતાઞ્જલિપુટઃ સ્થિત્વા હર્ષેણ મહતા યુતઃ ॥ ૧૬॥
કૃતાઞ્જલિપુટઃ સ્થિત્વા હર્ષેણ મહતા યુતઃ ॥ ૧૬॥
સ્તોત્રેણાનેન તાં દેવીં તુષ્ટાવ પરમેશ્વરીમ્ ।
સર્વદેવમયીમાદ્યાં બ્રહ્મવિષ્ણુશિવાત્મિકામ્ ॥ ૧૭॥
સર્વદેવમયીમાદ્યાં બ્રહ્મવિષ્ણુશિવાત્મિકામ્ ॥ ૧૭॥
હિમાલય ઉવાચ।
માતઃ સર્વમયિ પ્રસીદ પરમે વિશ્વેશિ વિશ્વાશ્રયે
ત્વં સર્વં નહિ કિઞ્ચિદસ્તિ ભુવને તત્ત્વં ત્વદન્યચ્છિવે ।
ત્વં વિષ્ણુર્ગિરિશસ્ત્વમેવ નિતરાં ધાતાસિ શક્તિઃ પરા
કિં વર્ણ્યં ચરિતં ત્વચિન્ત્યચરિતે બ્રહ્માદ્યગમ્યં મયા ॥ ૧૮॥
ત્વં સર્વં નહિ કિઞ્ચિદસ્તિ ભુવને તત્ત્વં ત્વદન્યચ્છિવે ।
ત્વં વિષ્ણુર્ગિરિશસ્ત્વમેવ નિતરાં ધાતાસિ શક્તિઃ પરા
કિં વર્ણ્યં ચરિતં ત્વચિન્ત્યચરિતે બ્રહ્માદ્યગમ્યં મયા ॥ ૧૮॥
ત્વં સ્વાહાખિલદેવતૃપ્તિજનની વિશ્વેશિ ત્વં વૈ સ્વધા
પિતૄણામપિ તૃપ્તિકારણમસિ ત્વં દેવદેવાત્મિકા ।
હવ્યં કવ્યમપિ ત્વમેવ નિયમો યજ્ઞસ્તપો દક્ષિણા
ત્વં સ્વર્ગાદિફલં સમસ્તફલદે દેવેશિ તુભ્યં નમઃ ॥ ૧૯॥
પિતૄણામપિ તૃપ્તિકારણમસિ ત્વં દેવદેવાત્મિકા ।
હવ્યં કવ્યમપિ ત્વમેવ નિયમો યજ્ઞસ્તપો દક્ષિણા
ત્વં સ્વર્ગાદિફલં સમસ્તફલદે દેવેશિ તુભ્યં નમઃ ॥ ૧૯॥
રૂપં સૂક્ષ્મતમં પરાત્પરતરં યદ્યોગિનો વિદ્યયા
શુદ્ધં બ્રહ્મમયં વદન્તિ પરમં માતઃ સુદૃપ્તં તવ ।
વાચા દુર્વિષયં મનોઽતિગમપિ ત્રૈલોક્યબીજં શિવે
ભક્ત્યાહં પ્રણમામિ દેવિ વરદે વિશ્વેશ્વરિ ત્રાહિમામ્ ॥ ૨૦॥
શુદ્ધં બ્રહ્મમયં વદન્તિ પરમં માતઃ સુદૃપ્તં તવ ।
વાચા દુર્વિષયં મનોઽતિગમપિ ત્રૈલોક્યબીજં શિવે
ભક્ત્યાહં પ્રણમામિ દેવિ વરદે વિશ્વેશ્વરિ ત્રાહિમામ્ ॥ ૨૦॥
ઉદ્યત્સૂર્યસહસ્રભાં મમ ગૃહે જાતાં સ્વયં લીલયા
દેવીમષ્ટભુજાં વિશાલનયનાં બાલેન્દુમૌલિં શિવામ્ ।
ઉદ્યત્કોટિશશાઙ્કકાન્તિનયનાં બાલાં ત્રિનેત્રાં પરાં
ભક્ત્યા ત્વાં પ્રણમામિ વિશ્વજનની દેવિ પ્રસીદામ્બિકે ॥ ૨૧॥
દેવીમષ્ટભુજાં વિશાલનયનાં બાલેન્દુમૌલિં શિવામ્ ।
ઉદ્યત્કોટિશશાઙ્કકાન્તિનયનાં બાલાં ત્રિનેત્રાં પરાં
ભક્ત્યા ત્વાં પ્રણમામિ વિશ્વજનની દેવિ પ્રસીદામ્બિકે ॥ ૨૧॥
રૂપં તે રજતાદ્રિકાન્તિવિમલં નાગેન્દ્રભૂષોજ્જ્વલં
ઘોરં પઞ્ચમુખામ્બુજત્રિનયનૈર્ભીમૈઃ સમુદ્ભાસિતમ્ ।
ચન્દ્રાર્ધાઙ્કિતમસ્તકં ધૃતજટાજૂટં શરણ્યે શિવે
ભક્ત્યાહં પ્રણમામિ વિશ્વજનનિ ત્વાં ત્વં પ્રસીદામ્બિકે ॥ ૨૨॥
ઘોરં પઞ્ચમુખામ્બુજત્રિનયનૈર્ભીમૈઃ સમુદ્ભાસિતમ્ ।
ચન્દ્રાર્ધાઙ્કિતમસ્તકં ધૃતજટાજૂટં શરણ્યે શિવે
ભક્ત્યાહં પ્રણમામિ વિશ્વજનનિ ત્વાં ત્વં પ્રસીદામ્બિકે ॥ ૨૨॥
રૂપં તે શારદચન્દ્રકોટિસદૃશં દિવ્યામ્બરં શોભનં
દિવ્યૈરાભરણૈર્વિરાજિતમલં કાન્ત્યા જગન્મોહનમ્ ।
દિવ્યૈર્બાહુચતુષ્ટયૈર્યુતમહં વન્દે શિવે ભક્તિતઃ
પાદાબ્જં જનનિ પ્રસીદ નિખિલબ્રહ્માદિદેવસ્તુતે ॥ ૨૩॥
દિવ્યૈરાભરણૈર્વિરાજિતમલં કાન્ત્યા જગન્મોહનમ્ ।
દિવ્યૈર્બાહુચતુષ્ટયૈર્યુતમહં વન્દે શિવે ભક્તિતઃ
પાદાબ્જં જનનિ પ્રસીદ નિખિલબ્રહ્માદિદેવસ્તુતે ॥ ૨૩॥
રૂપં તે નવનીરદદ્યુતિરુચિફુલ્લાબ્જનેત્રોજ્જ્વલં,
કાન્ત્યા વિશ્વવિમોહનં સ્મિતમુખં રત્નાઙ્ગદૈર્ભૂષિતમ્ ।
વિભ્રાજદ્વનમાલયાવિલસિતોરસ્કં જગત્તારિણિ,
ભક્ત્યાહં પ્રણતોઽસ્મિ દેવિ કૃપયા દુર્ગે પ્રસીદામ્બિકે ॥ ૨૪॥
કાન્ત્યા વિશ્વવિમોહનં સ્મિતમુખં રત્નાઙ્ગદૈર્ભૂષિતમ્ ।
વિભ્રાજદ્વનમાલયાવિલસિતોરસ્કં જગત્તારિણિ,
ભક્ત્યાહં પ્રણતોઽસ્મિ દેવિ કૃપયા દુર્ગે પ્રસીદામ્બિકે ॥ ૨૪॥
માતઃ કઃ પરિવર્ણિતું તવ ગુણં રૂપં ચ વિશ્વાત્મકં
શક્તો દેવિ જગત્રયે બહુગુણૈર્દેવોઽથવા માનુષઃ ।
તત્ કિં સ્વલ્પમતિબ્રવીમિ કરુણાં કૃત્વા સ્વકીયૈ-
ર્ગુણૈર્નો માં મોહય માયયા પરમયા વિશ્વેશિ તુભ્યં નમઃ ॥ ૨૫॥
શક્તો દેવિ જગત્રયે બહુગુણૈર્દેવોઽથવા માનુષઃ ।
તત્ કિં સ્વલ્પમતિબ્રવીમિ કરુણાં કૃત્વા સ્વકીયૈ-
ર્ગુણૈર્નો માં મોહય માયયા પરમયા વિશ્વેશિ તુભ્યં નમઃ ॥ ૨૫॥
અદ્ય મે સફલં જન્મ તપશ્ચ સફલં મમ ।
યત્ત્વં ત્રિજગતાં માતા મત્પુત્રીત્વમુપાગતા ॥ ૨૬॥
યત્ત્વં ત્રિજગતાં માતા મત્પુત્રીત્વમુપાગતા ॥ ૨૬॥
ધન્યોઽહં કૃતકૃત્યોઽહં માતસ્ત્વ નિજલીલયા ।
નિત્યાપિ મદ્ગૃહે જાતા પુત્રીભાવેન વૈ યતઃ ॥ ૨૭॥
નિત્યાપિ મદ્ગૃહે જાતા પુત્રીભાવેન વૈ યતઃ ॥ ૨૭॥
॥ ઇતિ હિમાલયરાજકૃત શૈલપુત્રીસ્તુતિઃ સમ્પૂર્ણા ॥