ॐ जय दुर्गे! शिवदे!, जय जय दुर्गे शिवदे!
दुर्गति-हारिणि! मातः!, तव चरणे प्रणिपातः,
हे शुभदे! वरदे!, (तव) पद-पद्मं वन्दे॥
हे शुभदे! वरदे!, (तव) पद-पद्मं वन्दे॥
ॐ जय दुर्गे! शिवदे!, जय जय दुर्गे शिवदे!॥
केशरि-वाहिनि! गौरि, त्वं गिरिराज-सुता।
आद्या शक्तिः सुभगा, सुर-नरवृन्द-नुता॥१॥
आद्या शक्तिः सुभगा, सुर-नरवृन्द-नुता॥१॥
दुष्ट-विदारण-रुद्रा, त्वं त्रिभुवन-धात्री।
महिष-विमर्दिनि! देवि, जगतां परिपात्री॥२॥
महिष-विमर्दिनि! देवि, जगतां परिपात्री॥२॥
मङ्गलमयि! मातस्त्वं, गङ्गाधर-कान्ता।
दिव्याभरणै-र्भव्या, प्रेममयी शान्ता॥३॥
दिव्याभरणै-र्भव्या, प्रेममयी शान्ता॥३॥
दुरितं हर जननी मे, कुरु सुदयां प्रति माम्।
हैमवतीं नौमि त्वां, स्नेहमयीं प्रतिमाम्॥४॥
हैमवतीं नौमि त्वां, स्नेहमयीं प्रतिमाम्॥४॥
स्वस्तिमयं तव हस्ते, शूलं विकरालम्।
शङ्करि! सकलातङ्कं, हर सङ्कटजालम्॥५॥
शङ्करि! सकलातङ्कं, हर सङ्कटजालम्॥५॥
तव शुभ-दिव्यं ज्योतिः, उज्ज्वलयतु भुवनम्।
सुन्दरयतु परिवेशं, सुखयतु विश्वजनम्॥६॥
सुन्दरयतु परिवेशं, सुखयतु विश्वजनम्॥६॥
तव करुणामृत-धारा, शमयतु गुरु-तापम्।
शीतलयतु संसारं, हृत्वा कलि-पापम्॥७॥
शीतलयतु संसारं, हृत्वा कलि-पापम्॥७॥
भवभय-नाशिनि! भीमां, परमानन्द-भराम्।
त्वां भगवतीं नतोऽहं, सौम्यां भक्तिपराम्॥८॥
त्वां भगवतीं नतोऽहं, सौम्यां भक्तिपराम्॥८॥
मार्जय सकलं दोषं, कुरु मां कृतकृत्यम्।
मातस्तवार्चनेयं, शं वितरतु नित्यम्॥९॥
मातस्तवार्चनेयं, शं वितरतु नित्यम्॥९॥
॥ इति संपूर्णम् ॥