ৱ্যাস উৱাচ ।
ইত্যুক্তে তাভিৰাশ্ৱাস্য ক্লান্তদেহোঽপি পন্নগঃ ।
প্ৰসীদ দেৱদেৱেতি প্ৰাহ ৱাক্যং শনৈঃ শনৈঃ ॥ 43 ॥
প্ৰসীদ দেৱদেৱেতি প্ৰাহ ৱাক্যং শনৈঃ শনৈঃ ॥ 43 ॥
কালীয উৱাচ।
তৱাষ্টগুণমৈশ্ৱৰ্যং নাথ স্ৱাভৱিকং পৰম্ ।
নিৰস্তাতিশযং যস্য তস্য স্তোষ্যামি কিন্ৱহম্ ॥ 44 ॥
তৱাষ্টগুণমৈশ্ৱৰ্যং নাথ স্ৱাভৱিকং পৰম্ ।
নিৰস্তাতিশযং যস্য তস্য স্তোষ্যামি কিন্ৱহম্ ॥ 44 ॥
ত্ৱং পৰস্ত্ৱং পৰস্যাঽদ্যঃ পৰং ত্ৱং তত্পৰাত্মকম্ ।
পৰস্মাত্পৰমো যস্ত্ৱং তস্য স্তোষ্যামি কিং ন্ৱহম্ ॥ 45 ॥
পৰস্মাত্পৰমো যস্ত্ৱং তস্য স্তোষ্যামি কিং ন্ৱহম্ ॥ 45 ॥
যথাঽহং ভৱতা সৃষ্টো জাত্যা ৰূপেণ চেশ্ৱৰঃ ।
স্ৱভাৱেন চ সংযুক্তস্তথেদং চেষ্টিতং মযা ॥ 46 ॥
স্ৱভাৱেন চ সংযুক্তস্তথেদং চেষ্টিতং মযা ॥ 46 ॥
যদ্যন্যথা প্ৰৱৰ্তেয দেৱদেৱ ততো মযি ।
ন্যায্যো দণ্ডনিপাতস্তে তৱৈৱ ৱচনং যথা ॥ 47 ॥
ন্যায্যো দণ্ডনিপাতস্তে তৱৈৱ ৱচনং যথা ॥ 47 ॥
তথাঽপি যং জগত্স্ৱামী দণ্ডং পাতিতৱান্মযি ।
স সোঢোঽযং ৱৰো দণ্ডস্ত্ৱত্তো নান্যোঽস্তু মে ৱৰঃ ॥ 48 ॥
স সোঢোঽযং ৱৰো দণ্ডস্ত্ৱত্তো নান্যোঽস্তু মে ৱৰঃ ॥ 48 ॥
হতৱীৰ্যো হতৱিষো দমিতোঽহং ত্ৱযাঽচ্যুত ।
জীৱিতং দীযতামেকমাজ্ঞাপয কৰোমি কিম্ ॥ 49 ॥
জীৱিতং দীযতামেকমাজ্ঞাপয কৰোমি কিম্ ॥ 49 ॥
ইতি ব্ৰহ্মপুৰাণে পঞ্চাশীত্যধিকশততমাধ্যাযান্তৰ্গতং
কালিযকৃতং শ্ৰীকৃষ্ণস্তোত্ৰং সমাপ্তম্ ।
ব্ৰহ্মপুৰাণ . অধ্যায 185/43-49 . ।