3.1 - ನಕ್ಷತ್ರೇಷ್ಟೀನಾಂ ಯಾಜ್ಯಾಽನುವಾಕ್ಯಾ ಬ್ರಾಹ್ಮಣಾನಿ - ಕೃಷ್ಣ ಯಜುರ್ವೇದ ತೈತ್ತಿರೀಯ ಬ್ರಾಹ್ಮಣ ಪಾಠಃ - ಅಗ್ನಿರಃ ಪಾತು ಕೃತ್ತಿಕಾಃ

ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ತೃತೀಯಾಷ್ಟಕೇ ಪ್ರಥಮಃ ಪ್ರಪಾಠಕಃ - ನಕ್ಷತ್ರೇಷ್ಟೀನಾಂ-ಯಾಁಜ್ಯಾ-ಽನುವಾಕ್ಯಾ ಬ್ರಾಹ್ಮಣಾನಿ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ಅನುವಾಕಂ 1 - ದೇವನಕ್ಷತ್ರಾಣಾಂ-ಯಾಁಜ್ಯಾನುವಾಕ್ಯಾಃ
ಅ॒ಗ್ನಿರ್ನಃ॑ ಪಾತು॒ ಕೃತ್ತಿ॑ಕಾಃ । ನಕ್ಷ॑ತ್ರ-ನ್ದೇ॒ವಮಿ॑ನ್ದ್ರಿ॒ಯಮ್ । ಇ॒ದಮಾ॑ಸಾಂ-ವಿಁಚಕ್ಷ॒ಣಮ್ । ಹ॒ವಿರಾ॒ಸ-ಞ್ಜು॑ಹೋತನ ॥ ಯಸ್ಯ॒ ಭಾನ್ತಿ॑ ರ॒ಶ್ಮಯೋ॒ ಯಸ್ಯ॑ ಕೇ॒ತವಃ॑ । ಯಸ್ಯೇ॒ಮಾ ವಿಶ್ವಾ॒ ಭುವ॑ನಾನಿ॒ ಸರ್ವಾ᳚ ।
ಸ ಕೃತ್ತಿ॑ಕಾಭಿರ॒ಭಿ ಸಂ॒​ವಁಸಾ॑ನಃ । ಅ॒ಗ್ನಿರ್ನೋ॑ ದೇ॒ವ-ಸ್ಸು॑ವಿ॒ತೇ ದ॑ಧಾತು ॥ ಪ್ರ॒ಜಾಪ॑ತೇ ರೋಹಿ॒ಣೀ ವೇ॑ತು॒ ಪತ್ನೀ᳚ ।
ವಿ॒ಶ್ವರೂ॑ಪಾ ಬೃಹ॒ತೀ ಚಿ॒ತ್ರಭಾ॑ನುಃ ॥ 1 ॥

ಸಾ ನೋ॑ ಯ॒ಜ್ಞಸ್ಯ॑ ಸುವಿ॒ತೇ ದ॑ಧಾತು । ಯಥಾ॒ ಜೀವೇ॑ಮ ಶ॒ರದ॒-ಸ್ಸವೀ॑ರಾಃ ॥ ರೋ॒ಹಿ॒ಣೀ ದೇ॒ವ್ಯುದ॑ಗಾ-ತ್ಪು॒ರಸ್ತಾ᳚ತ್ । ವಿಶ್ವಾ॑ ರೂ॒ಪಾಣಿ॑ ಪ್ರತಿ॒ಮೋದ॑ಮಾನಾ । ಪ್ರ॒ಜಾಪ॑ತಿಗ್ಂ ಹ॒ವಿಷಾ॑ ವ॒ರ್ಧಯ॑ನ್ತೀ । ಪ್ರಿ॒ಯಾ ದೇ॒ವಾನಾ॒-ಮುಪ॑ಯಾತು ಯ॒ಜ್ಞಮ್ ॥ ಸೋಮೋ॒ ರಾಜಾ॑ ಮೃಗಶೀ॒ರ॒.ಷೇಣ॒ ಆಗನ್ನ್॑ । ಶಿ॒ವ-ನ್ನಕ್ಷ॑ತ್ರ-ಮ್ಪ್ರಿ॒ಯಮ॑ಸ್ಯ॒ ಧಾಮ॑ ।
ಆ॒ಪ್ಯಾಯ॑ಮಾನೋ ಬಹು॒ಧಾ ಜನೇ॑ಷು ।
ರೇತಃ॑ ಪ್ರ॒ಜಾಂ-ಯಁಜ॑ಮಾನೇ ದಧಾತು ॥ 2 ॥

ಯ-ತ್ತೇ॒ ನಕ್ಷ॑ತ್ರ-ಮ್ಮೃಗಶೀ॒ರ॒.ಷಮಸ್ತಿ॑ ।
ಪ್ರಿ॒ಯಗ್ಂ ರಾ॑ಜ-ನ್ಪ್ರಿ॒ಯತ॑ಮ-ಮ್ಪ್ರಿ॒ಯಾಣಾ᳚ಮ್ ।
ತಸ್ಮೈ॑ ತೇ ಸೋಮ ಹ॒ವಿಷಾ॑ ವಿಧೇಮ ।
ಶನ್ನ॑ ಏಧಿ ದ್ವಿ॒ಪದೇ॒ ಶ-ಞ್ಚತು॑ಷ್ಪದೇ ॥
ಆ॒ರ್ದ್ರಯಾ॑ ರು॒ದ್ರಃ ಪ್ರಥ॑ಮಾನ ಏತಿ । ಶ್ರೇಷ್ಠೋ॑ ದೇ॒ವಾನಾ॒-ಮ್ಪತಿ॑ರಘ್ನಿ॒ಯಾನಾ᳚ಮ್ । ನಕ್ಷ॑ತ್ರಮಸ್ಯ ಹ॒ವಿಷಾ॑ ವಿಧೇಮ । ಮಾ ನಃ॑ ಪ್ರ॒ಜಾಗ್ಂ ರೀ॑ರಿಷ॒-ನ್ಮೋತ ವೀ॒ರಾನ್ ॥
ಹೇ॒ತೀ ರು॒ದ್ರಸ್ಯ॒ ಪರಿ॑ಣೋ ವೃಣಕ್ತು । ಆ॒ರ್ದ್ರಾ ನಕ್ಷ॑ತ್ರ-ಞ್ಜುಷತಾಗ್ಂ ಹ॒ವಿರ್ನಃ॑ ॥ 3 ॥

ಪ್ರ॒ಮು॒ಞ್ಚಮಾ॑ನೌ ದುರಿ॒ತಾನಿ॒ ವಿಶ್ವಾ᳚ । ಅಪಾ॒ಘಶಗ್ಂ॑ ಸ-ನ್ನುದತಾ॒ಮರಾ॑ತಿಮ್ ॥ ಪುನ॑ರ್ನೋ ದೇ॒ವ್ಯದಿ॑ತಿ-ಸ್ಸ್ಪೃಣೋತು । ಪುನ॑ರ್ವಸೂ ನಃ॒ ಪುನ॒ರೇತಾಂ᳚-ಯಁ॒ಜ್ಞಮ್ ।
ಪುನ॑ರ್ನೋ ದೇ॒ವಾ ಅ॒ಭಿಯ॑ನ್ತು॒ ಸರ್ವೇ᳚ । ಪುನಃ॑ ಪುನರ್ವೋ ಹ॒ವಿಷಾ॑ ಯಜಾಮಃ ॥ ಏ॒ವಾ ನ ದೇ॒ವ್ಯದಿ॑ತಿರನ॒ರ್ವಾ । ವಿಶ್ವ॑ಸ್ಯ ಭ॒ರ್ತ್ರೀ ಜಗ॑ತಃ ಪ್ರತಿ॒ಷ್ಠಾ । ಪುನ॑ರ್ವಸೂ ಹ॒ವಿಷಾ॑ ವ॒ರ್ಧಯ॑ನ್ತೀ । ಪ್ರಿ॒ಯ-ನ್ದೇ॒ವಾನಾ॒-ಮಪ್ಯೇ॑ತು॒ ಪಾಥಃ॑ ॥ 4 ॥

ಬೃಹ॒ಸ್ಪತಿಃ॑ ಪ್ರಥ॒ಮ-ಞ್ಜಾಯ॑ಮಾನಃ । ತಿ॒ಷ್ಯ॑-ನ್ನಕ್ಷ॑ತ್ರಮ॒ಭಿ ಸಮ್ಬ॑ಭೂವ । ಶ್ರೇಷ್ಠೋ॑ ದೇ॒ವಾನಾ॒-ಮ್ಪೃತ॑ನಾಸು ಜಿ॒ಷ್ಣುಃ । ದಿಶೋ-ಽನು॒ ಸರ್ವಾ॒ ಅಭ॑ಯನ್ನೋ ಅಸ್ತು ॥
ತಿ॒ಷ್ಯಃ॑ ಪು॒ರಸ್ತಾ॑ದು॒ತ ಮ॑ದ್ಧ್ಯ॒ತೋ ನಃ॑ । ಬೃಹ॒ಸ್ಪತಿ॑ ರ್ನಃ॒ ಪರಿ॑ಪಾತು ಪ॒ಶ್ಚಾತ್ । ಬಾಧೇ॑ತಾ॒-ನ್ದ್ವೇಷೋ॒ ಅಭ॑ಯ-ಙ್ಕೃಣುತಾಮ್ । ಸು॒ವೀರ್ಯ॑ಸ್ಯ॒ ಪತ॑ಯ-ಸ್ಸ್ಯಾಮ ॥
ಇ॒ದಗ್ಂ ಸ॒ರ್ಪೇಭ್ಯೋ॑ ಹ॒ವಿರ॑ಸ್ತು॒ ಜುಷ್ಟ᳚ಮ್ ।
ಆ॒ಶ್ರೇ॒ಷಾ ಯೇಷಾ॑-ಮನು॒ಯನ್ತಿ॒ ಚೇತಃ॑ ॥ 5 ॥

ಯೇ ಅ॒ನ್ತರಿ॑ಕ್ಷ-ಮ್ಪೃಥಿ॒ವೀ-ಙ್ಕ್ಷಿ॒ಯನ್ತಿ॑ । ತೇನಃ॑ ಸ॒ರ್ಪಾಸೋ॒ ಹವ॒ಮಾಗ॑ಮಿಷ್ಠಾಃ ॥ ಯೇ ರೋ॑ಚ॒ನೇ ಸೂರ್ಯ॒ಸ್ಯಾಪಿ॑
ಸ॒ರ್ಪಾಃ । ಯೇ ದಿವ॑-ನ್ದೇ॒ವೀಮನು॑ ಸ॒ಞ್ಚರ॑ನ್ತಿ ।
ಯೇಷಾ॑ಮಾಶ್ರೇ॒ಷಾ ಅ॑ನು॒ಯನ್ತಿ॒ ಕಾಮ᳚ಮ್ ।
ತೇಭ್ಯಃ॑ ಸ॒ರ್ಪೇಭ್ಯೋ॒ ಮಧು॑ಮಜ್ಜುಹೋಮಿ ॥
ಉಪ॑ಹೂತಾಃ ಪಿ॒ತರೋ॒ ಯೇ ಮ॒ಘಾಸು॑ । ಮನೋ॑ಜವಸ-ಸ್ಸು॒ಕೃತಃ॑ ಸುಕೃ॒ತ್ಯಾಃ । ತೇ ನೋ॒ ನಕ್ಷ॑ತ್ರೇ॒ ಹವ॒ಮಾಗ॑ಮಿಷ್ಠಾಃ । ಸ್ವ॒ಧಾಭಿ॑ ರ್ಯ॒ಜ್ಞ-ಮ್ಪ್ರಯ॑ತ-ಞ್ಜುಷನ್ತಾಮ್ ॥ 6 ॥

ಯೇ ಅ॑ಗ್ನಿದ॒ಗ್ಧಾ ಯೇ-ಽನ॑ಗ್ನಿ-ದಗ್ಧಾಃ । ಯೇ॑-ಽಮುಂ-ಲೋಁ॒ಕ-ಮ್ಪಿ॒ತರಃ॑ ಕ್ಷಿ॒ಯನ್ತಿ॑ । ಯಾಗ್​ಶ್ಚ॑ ವಿ॒ದ್ಮಯಾಗ್ಂ ಉ॑ ಚ॒ ನ ಪ್ರ॑ವಿ॒ದ್ಮ । ಮ॒ಘಾಸು॑ ಯ॒ಜ್ಞಗ್ಂ ಸುಕೃ॑ತ-ಞ್ಜುಷನ್ತಾಮ್ ॥
ಗವಾ॒-ಮ್ಪತಿಃ॒ ಫಲ್ಗು॑ನೀನಾಮಸಿ॒ ತ್ವಮ್ । ತದ॑ರ್ಯಮನ್ ವರುಣ ಮಿತ್ರ॒ ಚಾರು॑ । ತ-ನ್ತ್ವಾ॑ ವ॒ಯಗ್ಂ ಸ॑ನಿ॒ತಾರಗ್ಂ॑ ಸನೀ॒ನಾಮ್ । ಜೀ॒ವಾ ಜೀವ॑ನ್ತ॒ಮುಪ॒ ಸಂ​ವಿಁ॑ಶೇಮ ॥
ಯೇನೇ॒ಮಾ ವಿಶ್ವಾ॒ ಭುವ॑ನಾನಿ॒ ಸಞ್ಜಿ॑ತಾ ।
ಯಸ್ಯ॑ ದೇ॒ವಾ ಅ॑ನು ಸಂ॒​ಯಁನ್ತಿ॒ ಚೇತಃ॑ ॥ 7 ॥

ಅ॒ರ್ಯ॒ಮಾ ರಾಜಾ॒-ಽಜರ॒ಸ್ತುವಿ॑ಷ್ಮಾನ್ । ಫಲ್ಗು॑ನೀನಾ-ಮೃಷ॒ಭೋ ರೋ॑ರವೀತಿ ॥ ಶ್ರೇಷ್ಠೋ॑ ದೇ॒ವಾನಾ᳚-ಮ್ಭಗವೋ ಭಗಾಸಿ । ತತ್ತ್ವಾ॑ ವಿದುಃ॒ ಫಲ್ಗು॑ನೀ॒ಸ್ತಸ್ಯ॑ ವಿತ್ತಾತ್ । ಅ॒ಸ್ಮಭ್ಯ॑-ಙ್ಕ್ಷ॒ತ್ರಮ॒ಜರಗ್ಂ॑ ಸು॒ವೀರ್ಯ᳚ಮ್ । ಗೋಮ॒ದಶ್ವ॑-ವ॒ದುಪ॒-ಸನ್ನು॑ದೇ॒ಹ ॥ ಭಗೋ॑ ಹ ದಾ॒ತಾ ಭಗ॒ ಇ-ತ್ಪ್ರ॑ದಾ॒ತಾ । ಭಗೋ॑ ದೇ॒ವೀಃ ಫಲ್ಗು॑ನೀ॒ರಾವಿ॑ವೇಶ । ಭಗ॒ಸ್ಯೇತ್ತ-ಮ್ಪ್ರ॑ಸ॒ವ-ಙ್ಗ॑ಮೇಮ । ಯತ್ರ॑ ದೇ॒ವೈ-ಸ್ಸ॑ಧ॒ಮಾದ॑-ಮ್ಮದೇಮ ॥ 8 ॥

ಆಯಾ॑ತು ದೇ॒ವ-ಸ್ಸ॑ವಿ॒ತೋಪ॑ಯಾತು । ಹಿ॒ರ॒ಣ್ಯಯೇ॑ನ ಸು॒ವೃತಾ॒ ರಥೇ॑ನ । ವಹ॒ನ್॒. ಹಸ್ತಗ್ಂ॑ ಸು॒ಭಗಂ॑-ವಿಁದ್ಮ॒ನಾಪ॑ಸಮ್ । ಪ್ರ॒ಯಚ್ಛ॑ನ್ತ॒-ಮ್ಪಪು॑ರಿ॒-ಮ್ಪುಣ್ಯ॒ಮಚ್ಛ॑ ॥
ಹಸ್ತಃ॒ ಪ್ರಯ॑ಚ್ಛ ತ್ವ॒ಮೃತಂ॒-ವಁಸೀ॑ಯಃ ।
ದಕ್ಷಿ॑ಣೇನ॒ ಪ್ರತಿ॑ಗೃಭ್ಣೀಮ ಏನತ್ ।
ದಾ॒ತಾರ॑ಮ॒ದ್ಯ ಸ॑ವಿ॒ತಾ ವಿ॑ದೇಯ ।
ಯೋ ನೋ॒ ಹಸ್ತಾ॑ಯ ಪ್ರಸು॒ವಾತಿ॑ ಯ॒ಜ್ಞಮ್ ॥
ತ್ವಷ್ಟಾ॒ ನಕ್ಷ॑ತ್ರಮ॒ಭ್ಯೇ॑ತಿ ಚಿ॒ತ್ರಾಮ್ ।
ಸು॒ಭಗ್ಂ ಸ॑ಸಂ-ಯುಁವ॒ತಿಗ್ಂ ರೋಚ॑ಮಾನಾಮ್ ॥ 9 ॥

ನಿ॒ವೇ॒ಶಯ॑-ನ್ನ॒ಮೃತಾ॒-ನ್ಮರ್ತ್ಯಾಗ್॑ಶ್ಚ ।
ರೂ॒ಪಾಣಿ॑ ಪಿ॒ಗ್ಂ॒ಶ-ನ್ಭುವ॑ನಾನಿ॒ ವಿಶ್ವಾ᳚ ॥
ತನ್ನ॒ಸ್ತ್ವಷ್ಟಾ॒ ತದು॑ ಚಿ॒ತ್ರಾ ವಿಚ॑ಷ್ಟಾಮ್ ।
ತನ್ನಕ್ಷ॑ತ್ರ-ಮ್ಭೂರಿ॒ದಾ ಅ॑ಸ್ತು॒ ಮಹ್ಯ᳚ಮ್ ।
ತನ್ನಃ॑ ಪ್ರ॒ಜಾಂ-ವೀಁ॒ರವ॑ತೀಗ್ಂ ಸನೋತು ।
ಗೋಭಿ॑ರ್ನೋ॒ ಅಶ್ವೈ॒-ಸ್ಸಮ॑ನಕ್ತು ಯ॒ಜ್ಞಮ್ ॥
ವಾ॒ಯುರ್ನಕ್ಷ॑ತ್ರ-ಮ॒ಭ್ಯೇ॑ತಿ॒ ನಿಷ್ಟ್ಯಾ᳚ಮ್ ।
ತಿ॒ಗ್ಮಶೃ॑ಙ್ಗೋ ವೃಷ॒ಭೋ ರೋರು॑ವಾಣಃ ।
ಸ॒ಮೀ॒ರಯ॒-ನ್ಭುವ॑ನಾ ಮಾತ॒ರಿಶ್ವಾ᳚ ।
ಅಪ॒ ದ್ವೇಷಾಗ್ಂ॑ಸಿ ನುದತಾ॒ಮರಾ॑ತೀಃ ॥ 10 ॥

ತನ್ನೋ॑ ವಾ॒ಯುಸ್ತದು॒ ನಿಷ್ಟ್ಯಾ॑ ಶೃಣೋತು ।
ತನ್ನಕ್ಷ॑ತ್ರ-ಮ್ಭೂರಿ॒ದಾ ಅ॑ಸ್ತು॒ ಮಹ್ಯ᳚ಮ್ ।
ತನ್ನೋ॑ ದೇ॒ವಾಸೋ॒ ಅನು॑ ಜಾನನ್ತು॒ ಕಾಮ᳚ಮ್ । ಯಥಾ॒ ತರೇ॑ಮ ದುರಿ॒ತಾನಿ॒ ವಿಶ್ವಾ᳚ ॥ ದೂ॒ರಮ॒ಸ್ಮಚ್ಛತ್ರ॑ವೋ ಯನ್ತು ಭೀ॒ತಾಃ । ತದಿ॑ನ್ದ್ರಾ॒ಗ್ನೀ ಕೃ॑ಣುತಾ॒-ನ್ತ-ದ್ವಿಶಾ॑ಖೇ ।
ತನ್ನೋ॑ ದೇ॒ವಾ ಅನು॑ಮದನ್ತು ಯ॒ಜ್ಞಮ್ । ಪ॒ಶ್ಚಾ-ತ್ಪು॒ರಸ್ತಾ॒-ದಭ॑ಯನ್ನೋ ಅಸ್ತು ॥ ನಕ್ಷ॑ತ್ರಾಣಾ॒-ಮಧಿ॑ಪತ್ನೀ॒ ವಿಶಾ॑ಖೇ ।
ಶ್ರೇಷ್ಠಾ॑ವಿನ್ದ್ರಾ॒ಗ್ನೀ ಭುವ॑ನಸ್ಯ ಗೋ॒ಪೌ ॥ 11 ॥

ವಿಷೂ॑ಚ॒-ಶ್ಶತ್ರೂ॑-ನಪ॒ಬಾಧ॑ಮಾನೌ । ಅಪ॒ ಕ್ಷುಧ॑-ನ್ನುದತಾ॒ಮರಾ॑ತಿಮ್ ॥ ಪೂ॒ರ್ಣಾ ಪ॒ಶ್ಚಾದು॒ತ ಪೂ॒ರ್ಣಾ ಪು॒ರಸ್ತಾ᳚ತ್ । ಉನ್ಮ॑ದ್ಧ್ಯ॒ತಃ ಪೌ᳚ರ್ಣಮಾ॒ಸೀ ಜಿ॑ಗಾಯ ।
ತಸ್ಯಾ᳚-ನ್ದೇ॒ವಾ ಅಧಿ॑ ಸಂ॒​ವಁಸ॑ನ್ತಃ ।
ಉ॒ತ್ತ॒ಮೇ ನಾಕ॑ ಇ॒ಹ ಮಾ॑ದಯನ್ತಾಮ್ ॥
ಪೃ॒ಥ್ವೀ ಸು॒ವರ್ಚಾ॑ ಯುವ॒ತಿ-ಸ್ಸ॒ಜೋಷಾಃ᳚ । ಪೌ॒ರ್ಣ॒ಮಾ॒ಸ್ಯುದ॑ಗಾ॒-ಚ್ಛೋಭ॑ಮಾನಾ ।
ಆ॒ಪ್ಯಾ॒ಯಯ॑ನ್ತೀ ದುರಿ॒ತಾನಿ॒ ವಿಶ್ವಾ᳚ ।
ಉ॒ರು-ನ್ದುಹಾಂ॒-ಯಁಜ॑ಮಾನಾಯ ಯ॒ಜ್ಞಮ್ ॥ 12 ॥

(ಚಿ॒ತ್ರಭಾ॑ನು॒-ರ್ ಯಜ॑ಮಾನೇ ದಧಾತು - ಹ॒ವಿರ್ನಃ॒ - ಪಾಥ॒ - ಶ್ಚೇತೋ॑ - ಜುಷನ್ತಾಂ॒ - ಚೇತೋ॑ - ಮದೇಮ॒ - ರೋಚ॑ಮಾನಾ॒ - ಮರಾ॑ತೀ--ರ್ ಗೋ॒ಪೌ - ಯ॒ಜ್ಞಂ) (ಅ. 1)
ಅನುವಾಕಂ 2 - ಯಮನಕ್ಷತ್ರಾಣಾಂ-ಯಾಁಜ್ಯಾನುವಾಕ್ಯಾಃ
ಋ॒ದ್ಧ್ಯಾಸ್ಮ॑ ಹ॒ವ್ಯೈ-ರ್ನಮ॑ಸೋಪ॒ ಸದ್ಯ॑ ।
ಮಿ॒ತ್ರ-ನ್ದೇ॒ವ-ಮ್ಮಿ॑ತ್ರ॒ಧೇಯ॑ನ್ನೋ ಅಸ್ತು । ಅ॒ನೂ॒ರಾ॒ಧಾನ್. ಹ॒ವಿಷಾ॑ ವ॒ರ್ಧಯ॑ನ್ತಃ । ಶ॒ತ-ಞ್ಜೀ॑ವೇಮ ಶ॒ರದ॒-ಸ್ಸವೀ॑ರಾಃ ॥ ಚಿ॒ತ್ರ-ನ್ನಕ್ಷ॑ತ್ರ॒-ಮುದ॑ಗಾ-ತ್ಪು॒ರಸ್ತಾ᳚ತ್ । ಅ॒ನೂ॒ರಾ॒ಧಾಸ॒ ಇತಿ॒ ಯ-ದ್ವದ॑ನ್ತಿ । ತನ್ಮಿ॒ತ್ರ ಏ॑ತಿ ಪ॒ಥಿಭಿ॑ ರ್ದೇವ॒ಯಾನೈಃ᳚ । ಹಿ॒ರ॒ಣ್ಯಯೈ॒ ರ್ವಿತ॑ತೈ-ರ॒ನ್ತರಿ॑ಕ್ಷೇ ॥
ಇನ್ದ್ರೋ᳚ ಜ್ಯೇ॒ಷ್ಠಾಮನು॒ ನಕ್ಷ॑ತ್ರಮೇತಿ । ಯಸ್ಮಿ॑ನ್ ವೃ॒ತ್ರಂ-ವೃಁ॑ತ್ರ॒ ತೂರ್ಯೇ॑ ತ॒ತಾರ॑ ॥ 13 ॥

ತಸ್ಮಿ॑ನ್ ವ॒ಯಮ॒ಮೃತ॒-ನ್ದುಹಾ॑ನಾಃ । ಕ್ಷುಧ॑-ನ್ತರೇಮ॒ ದುರಿ॑ತಿ॒-ನ್ದುರಿ॑ಷ್ಟಿಮ್ ॥ ಪು॒ರ॒ನ್ದ॒ರಾಯ॑ ವೃಷ॒ಭಾಯ॑ ಧೃ॒ಷ್ಣವೇ᳚ । ಅಷಾ॑ಢಾಯ॒ ಸಹ॑ಮಾನಾಯ ಮೀ॒ಢುಷೇ᳚ ।
ಇನ್ದ್ರಾ॑ಯ ಜ್ಯೇ॒ಷ್ಠಾ ಮಧು॑ಮ॒-ದ್ದುಹಾ॑ನಾ ।
ಉ॒ರು-ಙ್ಕೃ॑ಣೋತು॒ ಯಜ॑ಮಾನಾಯ ಲೋ॒ಕಮ್ ॥
ಮೂಲ॑-ಮ್ಪ್ರ॒ಜಾಂ-ವೀಁ॒ರವ॑ತೀಂ-ವಿಁದೇಯ । ಪರಾ᳚ಚ್ಯೇತು॒ ನಿರ್-ಋ॑ತಿಃ ಪರಾ॒ಚಾ । ಗೋಭಿ॒ ರ್ನಕ್ಷ॑ತ್ರ-ಮ್ಪ॒ಶುಭಿ॒-ಸ್ಸಮ॑ಕ್ತಮ್ । ಅಹ॑ರ್ಭೂಯಾ॒-ದ್ಯಜ॑ಮಾನಾಯ॒ ಮಹ್ಯ᳚ಮ್ ॥ 14 ॥

ಅಹ॑ರ್ನೋ ಅ॒ದ್ಯ ಸು॑ವಿ॒ತೇ ದ॑ಧಾತು । ಮೂಲ॒-ನ್ನಕ್ಷ॑ತ್ರ॒ಮಿತಿ॒ ಯ-ದ್ವದ॑ನ್ತಿ । ಪರಾ॑ಚೀಂ-ವಾಁ॒ಚಾ ನಿರ್-ಋ॑ತಿ-ನ್ನುದಾಮಿ ।
ಶಿ॒ವ-ಮ್ಪ್ರ॒ಜಾಯೈ॑ ಶಿ॒ವಮ॑ಸ್ತು॒ ಮಹ್ಯ᳚ಮ್ ॥
ಯಾ ದಿ॒ವ್ಯಾ ಆಪಃ॒ ಪಯ॑ಸಾ ಸ-ಮ್ಬಭೂ॒ವುಃ । ಯಾ ಅ॒ನ್ತರಿ॑ಕ್ಷ ಉ॒ತ ಪಾರ್ಥಿ॑ವೀ॒ರ್ಯಾಃ । ಯಾಸಾ॑ಮಷಾ॒ಢಾ ಅ॑ನು॒ಯನ್ತಿ॒
ಕಾಮ᳚ಮ್ । ತಾ ನ॒ ಆಪ॒-ಶ್ಶಗ್ಗ್​ ಸ್ಯೋ॒ನಾ ಭ॑ವನ್ತು ॥
ಯಾಶ್ಚ॒ ಕೂಪ್ಯಾ॒ ಯಾಶ್ಚ॑ ನಾ॒ದ್ಯಾ᳚-ಸ್ಸಮು॒ದ್ರಿಯಾಃ᳚ ।
ಯಾಶ್ಚ॑ ವೈಶ॒ನ್ತೀರು॒ತ ಪ್ರಾ॑ಸ॒ಚೀರ್ಯಾಃ ॥ 15 ॥

ಯಾಸಾ॑ಮಷಾ॒ಢಾ ಮಧು॑ ಭ॒ಕ್ಷಯ॑ನ್ತಿ । ತಾ ನ॒ ಆಪ॒-ಶ್ಶಗ್ಗ್​ ಸ್ಯೋ॒ನಾ ಭ॑ವನ್ತು ॥ ತನ್ನೋ॒ ವಿಶ್ವೇ॒ ಉಪ॑ ಶೃಣ್ವನ್ತು ದೇ॒ವಾಃ । ತದ॑ಷಾ॒ಢಾ ಅ॒ಭಿ ಸಂ​ಯಁ॑ನ್ತು ಯ॒ಜ್ಞಮ್ ।
ತನ್ನಕ್ಷ॑ತ್ರ-ಮ್ಪ್ರಥತಾ-ಮ್ಪ॒ಶುಭ್ಯಃ॑ ।
ಕೃ॒ಷಿ-ರ್ವೃ॒ಷ್ಟಿ-ರ್ಯಜ॑ಮಾನಾಯ ಕಲ್ಪತಾಮ್ ॥
ಶು॒ಭ್ರಾಃ ಕ॒ನ್ಯಾ॑ ಯುವ॒ತಯಃ॑ ಸು॒ಪೇಶ॑ಸಃ । ಕ॒ರ್ಮ॒ಕೃತಃ॑ ಸು॒ಕೃತೋ॑ ವೀ॒ರ್ಯಾ॑ವತೀಃ ।
ವಿಶ್ವಾ᳚-ನ್ದೇ॒ವಾನ್. ಹ॒ವಿಷಾ॑ ವ॒ರ್ಧಯ॑ನ್ತೀಃ ।
ಅ॒ಷಾ॒ಢಾಃ ಕಾಮ॒ಮುಪ॑ಯಾನ್ತು ಯ॒ಜ್ಞಮ್ ॥ 16 ॥

ಯಸ್ಮಿ॒-ನ್ಬ್ರಹ್ಮಾ॒-ಽಭ್ಯಜ॑ಯ॒-ಥ್ಸರ್ವ॑ಮೇ॒ತತ್ ।
ಅ॒ಮುಞ್ಚ॑ ಲೋ॒ಕ ಮಿ॒ದಮೂ॑ಚ॒ ಸರ್ವ᳚ಮ್ ।
ತನ್ನೋ॒ ನಕ್ಷ॑ತ್ರಮಭಿ॒ಜಿ-ದ್ವಿ॒ಜಿತ್ಯ॑ । ಶ್ರಿಯ॑-ನ್ದಧಾ॒-ತ್ವಹೃ॑ಣೀಯಮಾನಮ್ ॥ ಉ॒ಭೌ ಲೋ॒ಕೌ ಬ್ರಹ್ಮ॑ಣಾ॒ ಸಞ್ಜಿ॑ತೇ॒ಮೌ । ತನ್ನೋ॒ ನಕ್ಷ॑ತ್ರಮಭಿ॒ಜಿ-ದ್ವಿಚ॑ಷ್ಟಾಮ್ ।
ತಸ್ಮಿ॑ನ್ ವ॒ಯ-ಮ್ಪೃತ॑ನಾ॒-ಸ್ಸ-ಞ್ಜ॑ಯೇಮ ।
ತನ್ನೋ॑ ದೇ॒ವಾಸೋ॒ ಅನು॑ಜಾನನ್ತು॒ ಕಾಮ᳚ಮ್ ॥
ಶೃ॒ಣ್ವನ್ತಿ॑ ಶ್ರೋ॒ಣಾ-ಮ॒ಮೃತ॑ಸ್ಯ ಗೋ॒ಪಾಮ್ ।
ಪುಣ್ಯಾ॑ಮಸ್ಯಾ॒ ಉಪ॑ಶೃಣೋಮಿ॒ ವಾಚ᳚ಮ್ ॥ 17 ॥

ಮ॒ಹೀ-ನ್ದೇ॒ವೀಂ-ವಿಁಷ್ಣು॑ಪತ್ನೀ-ಮಜೂ॒ರ್ಯಾಮ್ । ಪ್ರ॒ತೀಚೀ॑ಮೇನಾಗ್ಂ ಹ॒ವಿಷಾ॑ ಯಜಾಮಃ ॥
ತ್ರೇ॒ಧಾ ವಿಷ್ಣು॑-ರುರುಗಾ॒ಯೋ ವಿಚ॑ಕ್ರಮೇ ।
ಮ॒ಹೀ-ನ್ದಿವ॑-ಮ್ಪೃಥಿ॒ವೀ-ಮ॒ನ್ತರಿ॑ಕ್ಷಮ್ ।
ತಚ್ಛ್ರೋ॒ಣೈತಿ॒ ಶ್ರವ॑ ಇ॒ಚ್ಛಮಾ॑ನಾ ।
ಪುಣ್ಯ॒ಗ್ಗ್॒ ಶ್ಲೋಕಂ॒-ಯಁಜ॑ಮಾನಾಯ ಕೃಣ್ವ॒ತೀ ॥
ಅ॒ಷ್ಟೌ ದೇ॒ವಾ ವಸ॑ವ-ಸ್ಸೋ॒ಮ್ಯಾಸಃ॑ ।
ಚತ॑ಸ್ರೋ ದೇ॒ವೀ ರ॒ಜರಾ॒-ಶ್ಶ್ರವಿ॑ಷ್ಠಾಃ ।
ತೇ ಯ॒ಜ್ಞ-ಮ್ಪಾ᳚ನ್ತು॒ ರಜ॑ಸಃ ಪ॒ರಸ್ತಾ᳚ತ್ ।
ಸಂ॒​ವಁ॒ಥ್ಸ॒ರೀಣ॑-ಮ॒ಮೃತಗ್ಗ್॑ ಸ್ವ॒ಸ್ತಿ ॥ 18 ॥

ಯ॒ಜ್ಞ-ನ್ನಃ॑ ಪಾನ್ತು॒ ವಸ॑ವಃ ಪು॒ರಸ್ತಾ᳚ತ್ । ದ॒ಕ್ಷಿ॒ಣ॒ತೋ॑-ಽಭಿಯ॑ನ್ತು॒ ಶ್ರವಿ॑ಷ್ಠಾಃ । ಪುಣ್ಯ॒-ನ್ನಕ್ಷ॑ತ್ರಮ॒ಭಿ ಸಂ​ವಿಁ॑ಶಾಮ । ಮಾ ನೋ॒ ಅರಾ॑ತಿ-ರ॒ಘಶ॒ಗ್ಂ॒ಸಾ ಗನ್ನ್॑ ॥
ಕ್ಷ॒ತ್ರಸ್ಯ॒ ರಾಜಾ॒ ವರು॑ಣೋ-ಽಧಿರಾ॒ಜಃ । ನಕ್ಷ॑ತ್ರಾಣಾಗ್ಂ ಶ॒ತಭಿ॑ಷ॒ಗ್ ವಸಿ॑ಷ್ಠಃ । ತೌ ದೇ॒ವೇಭ್ಯಃ॑ ಕೃಣುತೋ ದೀ॒ರ್ಘಮಾಯುಃ॑ । ಶ॒ತಗ್ಂ ಸ॒ಹಸ್ರಾ॑ ಭೇಷ॒ಜಾನಿ॑ ಧತ್ತಃ ॥
ಯ॒ಜ್ಞನ್ನೋ॒ ರಾಜಾ॒ ವರು॑ಣ॒ ಉಪ॑ಯಾತು । ತನ್ನೋ॒ ವಿಶ್ವೇ॑ ಅ॒ಭಿ ಸಂ​ಯಁ॑ನ್ತು ದೇ॒ವಾಃ ॥ 19 ॥

ತನ್ನೋ॒ ನಕ್ಷ॑ತ್ರಗ್ಂ ಶ॒ತಭಿ॑ಷಗ್ ಜುಷಾ॒ಣಮ್ । ದೀ॒ರ್ಘಮಾಯುಃ॒ ಪ್ರತಿ॑ರ-ದ್ಭೇಷ॒ಜಾನಿ॑ ॥ ಅ॒ಜ ಏಕ॑ಪಾ॒ದುದ॑ಗಾ-ತ್ಪು॒ರಸ್ತಾ᳚ತ್ । ವಿಶ್ವಾ॑ ಭೂ॒ತಾನಿ॑ ಪ್ರತಿ॒ಮೋದ॑ಮಾನಃ । ತಸ್ಯ॑ ದೇ॒ವಾಃ ಪ್ರ॑ಸ॒ವಂ-ಯಁ॑ನ್ತಿ॒ ಸರ್ವೇ᳚ । ಪ್ರೋ॒ಷ್ಠ॒ಪ॒ದಾಸೋ॑ ಅ॒ಮೃತ॑ಸ್ಯ ಗೋ॒ಪಾಃ ॥
ವಿ॒ಭ್ರಾಜ॑ಮಾನ-ಸ್ಸಮಿಧಾ॒ನ ಉ॒ಗ್ರಃ । ಆ-ಽನ್ತರಿ॑ಕ್ಷ-ಮರುಹ॒ದ-ಗ॒ನ್ದ್ಯಾಮ್ । ತಗ್ಂ ಸೂರ್ಯ॑-ನ್ದೇ॒ವ-ಮ॒ಜಮೇಕ॑ಪಾದಮ್ । ಪ್ರೋ॒ಷ್ಠ॒ಪ॒ದಾಸೋ॒ ಅನು॑ಯನ್ತಿ॒ ಸರ್ವೇ᳚ ॥ 20 ॥

ಅಹಿ॑-ರ್ಬು॒ದ್ಧ್ನಿಯಃ॒ ಪ್ರಥ॑ಮಾನ ಏತಿ । ಶ್ರೇಷ್ಠೋ॑ ದೇ॒ವಾನಾ॑ಮು॒ತ ಮಾನು॑ಷಾಣಾಮ್ । ತ-ಮ್ಬ್ರಾ᳚ಹ್ಮ॒ಣಾ-ಸ್ಸೋ॑ಮ॒ಪಾ-ಸ್ಸೋ॒ಮ್ಯಾಸಃ॑ ।
ಪ್ರೋ॒ಷ್ಠ॒ಪ॒ದಾಸೋ॑ ಅ॒ಭಿ ರ॑ಕ್ಷನ್ತಿ॒ ಸರ್ವೇ᳚ ॥
ಚ॒ತ್ವಾರ॒ ಏಕ॑ಮ॒ಭಿ ಕರ್ಮ॑ ದೇ॒ವಾಃ ।
ಪ್ರೋ॒ಷ್ಠ॒ಪ॒ದಾಸ॒ ಇತಿ॒ ಯಾನ್. ವದ॑ನ್ತಿ ।
ತೇ ಬು॒ದ್ಧನಿಯ॑-ಮ್ಪರಿ॒ಷದ್ಯಗ್ಗ್॑ ಸ್ತು॒ವನ್ತಃ॑ ।
ಅಹಿಗ್ಂ॑ ರಕ್ಷನ್ತಿ॒ ನಮ॑ಸೋಪ॒ಸದ್ಯ॑ ॥
ಪೂ॒ಷಾ ರೇ॒ವತ್ಯನ್ವೇ॑ತಿ॒ ಪನ್ಥಾ᳚ಮ್ । ಪು॒ಷ್ಟಿ॒ಪತೀ॑ ಪಶು॒ಪಾ ವಾಜ॑ಬಸ್ತ್ಯೌ ॥ 21 ॥

ಇ॒ಮಾನಿ॑ ಹ॒ವ್ಯಾ ಪ್ರಯ॑ತಾ ಜುಷಾ॒ಣಾ ।
ಸು॒ಗೈರ್ನೋ॒ ಯಾನೈ॒ರುಪ॑ಯಾತಾಂ-ಯಁ॒ಜ್ಞಮ್ ॥
ಕ್ಷು॒ದ್ರಾ-ನ್ಪ॒ಶೂ-ನ್ರ॑ಕ್ಷತು ರೇ॒ವತೀ॑ ನಃ ।
ಗಾವೋ॑ ನೋ॒ ಅಶ್ವಾ॒ಗ್ಂ॒ ಅನ್ವೇ॑ತು ಪೂ॒ಷಾ ।
ಅನ್ನ॒ಗ್ಂ॒ ರಕ್ಷ॑ನ್ತೌ ಬಹು॒ಧಾ ವಿರೂ॑ಪಮ್ ।
ವಾಜಗ್ಂ॑ ಸನುತಾಂ॒-ಯಁಜ॑ಮಾನಾಯ ಯ॒ಜ್ಞಮ್ ॥
ತದ॒ಶ್ವಿನಾ॑-ವಶ್ವ॒ಯುಜೋಪ॑ಯಾತಾಮ್ ।
ಶುಭ॒-ಙ್ಗಮಿ॑ಷ್ಠೌ ಸು॒ಯಮೇ॑ಭಿ॒ರಶ್ವೈಃ᳚ ।
ಸ್ವ-ನ್ನಕ್ಷ॑ತ್ರಗ್ಂ ಹ॒ವಿಷಾ॒ ಯಜ॑ನ್ತೌ ।
ಮದ್ಧ್ವಾ॒ ಸಮ್ಪೃ॑ಕ್ತೌ॒ ಯಜು॑ಷಾ॒ ಸಮ॑ಕ್ತೌ ॥ 22 ॥

ಯೌ ದೇ॒ವಾನಾ᳚-ಮ್ಭಿ॒ಷಜೌ॑ ಹವ್ಯವಾ॒ಹೌ । ವಿಶ್ವ॑ಸ್ಯ ದೂ॒ತಾ-ವ॒ಮೃತ॑ಸ್ಯ ಗೋ॒ಪೌ । ತೌ ನಕ್ಷ॑ತ್ರ-ಞ್ಜುಜುಷಾ॒ಣೋ-ಪ॑ಯಾತಾಮ್ । ನಮೋ॒-ಽಶ್ವಿಭ್ಯಾ᳚-ಙ್ಕೃಣುಮೋ-ಽಶ್ವ॒ಯುಗ್ಭ್ಯಾ᳚ಮ್ ॥
ಅಪ॑ ಪಾ॒ಪ್ಮಾನ॒-ಮ್ಭರ॑ಣೀರ್ಭರನ್ತು । ತ-ದ್ಯ॒ಮೋ ರಾಜಾ॒ ಭಗ॑ವಾ॒ನ್॒. ವಿಚ॑ಷ್ಟಾಮ್ । ಲೋ॒ಕಸ್ಯ॒ ರಾಜಾ॑ ಮಹ॒ತೋ ಮ॒ಹಾನ್. ಹಿ । ಸು॒ಗ-ನ್ನಃ॒ ಪನ್ಥಾ॒ಮಭ॑ಯ-ಙ್ಕೃಣೋತು ॥
ಯಸ್ಮಿ॒-ನ್ನಕ್ಷ॑ತ್ರೇ ಯ॒ಮ ಏತಿ॒ ರಾಜಾ᳚ ।
ಯಸ್ಮಿ॑-ನ್ನೇನಮ॒ಭ್ಯಷಿ॑ಚನ್ನ್ತ ದೇ॒ವಾಃ ।
ತದ॑ಸ್ಯ ಚಿ॒ತ್ರಗ್ಂ ಹ॒ವಿಷಾ॑ ಯಜಾಮ ।
ಅಪ॑ ಪಾ॒ಪ್ಮಾನ॒-ಮ್ಭರ॑ಣೀ-ರ್ಭರನ್ತು ॥
ನಿ॒ವೇಶ॑ನೀ ಸ॒ಙ್ಗಮ॑ನೀ॒ ವಸೂ॑ನಾಂ॒-ವಿಁಶ್ವಾ॑ ರೂ॒ಪಾಣಿ॒ ವಸೂ᳚ನ್ಯಾವೇ॒ಶಯ॑ನ್ತೀ । ಸ॒ಹ॒ಸ್ರ॒ಪೋ॒ಷಗ್ಂ ಸು॒ಭಗಾ॒ ರರಾ॑ಣಾ॒ ಸಾ ನ॒ ಆಗ॒ನ್ ವರ್ಚ॑ಸಾ ಸಂ​ವಿಁದಾ॒ನಾ ॥ ಯತ್ತೇ॑ ದೇ॒ವಾ ಅದ॑ಧು-ರ್ಭಾಗ॒ಧೇಯ॒ಮಮಾ॑ವಾಸ್ಯೇ ಸಂ॒​ವಁಸ॑ನ್ತೋ ಮಹಿ॒ತ್ವಾ । ಸಾನೋ॑ ಯ॒ಜ್ಞ-ಮ್ಪಿ॑ಪೃಹಿ ವಿಶ್ವವಾರೇ ರ॒ಯಿ-ನ್ನೋ॑ ಧೇಹಿ ಸುಭಗೇ ಸು॒ವೀರ᳚ಮ್ ॥ ॥ 23 ॥

(ತ॒ತಾರ॒ - ಮಹ್ಯಂ॑ - ಪ್ರಾಸ॒ಚೀರ್ಯಾ - ಯಾ᳚ನ್ತು ಯ॒ಜ್ಞಂ - ಁವಾಚಗ್ಗ್॑ - ಸ್ವ॒ಸ್ತಿ - ದೇ॒ವಾ-ಅನು॑ ಯನ್ತಿ॒ ಸರ್ವೇ॒-ವಾಜ॑ಬಸ್ತ್ಯೌ॒-ಸಮ॑ಕ್ತೌ-ದೇ॒ವಾ ಸ್ತ್ರೀಣಿ॑ ಚ) (ಅ. 2)
ಅನುವಾಕಂ 3 - ಚಾನ್ದ್ರಮಸಾದೀನಾಂ ಸಪ್ತನಾಮಿಷ್ಟೀನಾಂ-ಯಾಁಜ್ಯಾನುವಾಕ್ಯಾಃ
ನವೋ॑ನವೋ ಭವತಿ॒ ಜಾಯ॑ಮಾ॒ನೋ-ಽಹ್ನಾ᳚-ಙ್ಕೇ॒ತುರು॒ಷಸಾ॑ ಮೇ॒ತ್ಯಗ್ರೇ᳚ । ಭಾ॒ಗ-ನ್ದೇ॒ವೇಭ್ಯೋ॒ ವಿದ॑ಧಾತ್ಯಾ॒ಯ-ನ್ಪ್ರಚ॒ನ್ದ್ರಮಾ᳚ಸ್ತಿರತಿ ದೀ॒ರ್ಘಮಾಯುಃ॑ ॥ ಯಮಾ॑ದಿ॒ತ್ಯಾ
ಅ॒ಗ್ಂ॒ಶುಮಾ᳚ಪ್ಯಾ॒ಯಯ॑ನ್ತಿ ಯಮಾ॑ದಿ॒ತ್ಯಾ ಅ॒ಗ್ಂ॒ಶುಮಾ᳚ಪ್ಯಾ॒ಯಯ॑ನ್ತಿ॒ ಯಮಕ್ಷಿ॑ತ॒-ಮಕ್ಷಿ॑ತಯಃ॒ ಪಿಬ॑ನ್ತಿ । ತೇನ॑ ನೋ॒ ರಾಜಾ॒ ವರು॑ಣೋ॒ ಬೃಹ॒ಸ್ಪತಿ॒ರಾ ಪ್ಯಾ॑ಯಯನ್ತು॒ ಭುವ॑ನಸ್ಯ ಗೋ॒ಪಾಃ ॥॥ ಯೇ ವಿರೂ॑ಪೇ॒ ಸಮ॑ನಸಾ ಸಂ॒​ವ್ಯಁಯ॑ನ್ತೀ । ಸ॒ಮಾ॒ನ-ನ್ತನ್ತು॑-ಮ್ಪರಿ ತಾತ॒ನಾತೇ᳚ । ವಿ॒ಭೂ ಪ್ರ॒ಭೂ ಅ॑ನು॒ಭೂ ವಿ॒ಶ್ವತೋ॑ ಹುವೇ ।
ತೇ ನೋ॒ ನಕ್ಷ॑ತ್ರೇ॒ ಹವ॒ಮಾಗ॑ಮೇತಮ್ ॥
ವ॒ಯ-ನ್ದೇ॒ವೀ ಬ್ರಹ್ಮ॑ಣಾ ಸಂ​ವಿಁದಾ॒ನಾಃ ।
ಸು॒ರತ್ನಾ॑ಸೋ ದೇ॒ವವೀ॑ತಿ॒-ನ್ದಧಾ॑ನಾಃ ।
ಅ॒ಹೋ॒ರಾ॒ತ್ರೇ ಹ॒ವಿಷಾ॑ ವ॒ರ್ಧಯ॑ನ್ತಃ ।
ಅತಿ॑ ಪಾ॒ಪ್ಮಾನ॒-ಮತಿ॑ಮುಕ್ತ್ಯಾ ಗಮೇಮ ॥ ಪ್ರತ್ಯು॑ವದೃಶ್ಯಾಯ॒ತೀ ॥ 24 ॥

ವ್ಯು॒ಚ್ಛನ್ತೀ॑ ದುಹಿ॒ತಾ ದಿ॒ವಃ । ಅ॒ಪೋ ಮ॒ಹೀ ವೃ॑ಣುತೇ॒ ಚಕ್ಷು॑ಷಾ ॥ ತಮೋ॒ ಜ್ಯೋತಿ॑ಷ್ಕೃಣೋತಿ ಸೂ॒ನರೀ᳚ । ಉದು॒ಶ್ರಿಯಾ᳚-ಸ್ಸಚತೇ॒ ಸೂರ್ಯಃ॑ । ಸ ಚಾ॑ ಉ॒ದ್ಯನ್ನಕ್ಷ॑ತ್ರ-ಮರ್ಚಿ॒ಮತ್ । ತವೇದು॑ಷೋ॒ ವ್ಯುಷಿ॒ ಸೂರ್ಯ॑ಸ್ಯ ಚ ॥
ಸ-ಮ್ಭ॒ಕ್ತೇನ॑ ಗಮೇಮಹಿ । ತನ್ನೋ॒ ನಕ್ಷ॑ತ್ರ-ಮರ್ಚಿ॒ಮತ್ । ಭಾ॒ನು॒ಮತ್ತೇಜ॑ ಉ॒ಚ್ಚರ॑ತ್ । ಉಪ॑ ಯ॒ಜ್ಞ-ಮಿ॒ಹಾಗ॑ಮತ್ ॥ 25 ॥

ಪ್ರ ನಕ್ಷ॑ತ್ರಾಯ ದೇ॒ವಾಯ॑ । ಇನ್ದ್ರಾ॒ಯೇನ್ದುಗ್ಂ॑ ಹವಾಮಹೇ ।
ಸ ನಃ॑ ಸವಿ॒ತಾ ಸು॑ವ-ಥ್ಸ॒ನಿಮ್ । ಪು॒ಷ್ಟಿ॒ದಾಂ-ವೀಁ॒ರವ॑ತ್ತಮಮ್ ॥ ಉದು॒ ತ್ಯ-ಞ್ಜಾ॒ತವೇ॑ದಸ-ನ್ದೇ॒ವಂ-ವಁ॑ಹನ್ತಿ ಕೇ॒ತವಃ॑ । ದೃ॒ಶೇ ವಿಶ್ವಾ॑ಯ॒ ಸೂರ್ಯ᳚ಮ್ ॥ ಚಿ॒ತ್ರ-ನ್ದೇ॒ವಾನಾ॒-ಮುದ॑ಗಾ॒ದನೀ॑ಕ॒-ಞ್ಚಕ್ಷು॑-ರ್ಮಿ॒ತ್ರಸ್ಯ॒ ವರು॑ಣಸ್ಯಾ॒-ಽಗ್ನೇಃ । ಆ-ಽ ಪ್ರಾ॒ ದ್ಯಾವಾ॑ಪೃಥಿ॒ವೀ ಅ॒ನ್ತರಿ॑ಕ್ಷ॒ಗ್ಂ॒ ಸೂರ್ಯ॑ ಆ॒ತ್ಮಾ ಜಗ॑ತಸ್ತ॒ಸ್ಥುಷ॑ಶ್ಚ ॥॥
ಅದಿ॑ತಿರ್ನ ಉರುಷ್ಯ॒ತ್ವದಿ॑ತಿ॒-ಶ್ಶರ್ಮ॑ ಯಚ್ಛತು । ಅದಿ॑ತಿಃ ಪಾ॒ತ್ವಗ್ಂ ಹ॑ಸಃ ॥ ಮ॒ಹೀಮೂ॒ಷು ಮಾ॒ತರಗ್ಂ॑ ಸುವ್ರ॒ತಾನಾ॑ಮೃ॒ತಸ್ಯ॒ ಪತ್ನೀ॒ಮವ॑ಸೇ ಹುವೇಮ । ತು॒ವಿ॒ಕ್ಷ॒ತ್ರಾಮ॒ಜರ॑ನ್ತೀಮುರೂ॒ಚೀಗ್ಂ ಸು॒ಶರ್ಮಾ॑ಣ॒ಮದಿ॑ತಿಗ್ಂ ಸು॒ಪ್ರಣೀ॑ತಿಮ್ ॥ ॥
ಇ॒ದಂ-ವಿಁಷ್ಣು॒-ರ್ವಿಚ॑ಕ್ರಮೇ ತ್ರೇ॒ಧಾ ನಿ ದ॑ಧೇ ಪ॒ದಮ್ । ಸ ಮೂ॑ಢಮಸ್ಯ ಪಾಗ್ಂ ಸು॒ರೇ ॥ ಪ್ರತ-ದ್ವಿಷ್ಣುಃ॑ ಸ್ತವತೇ ವೀ॒ರ್ಯಾ॑ಯ । ಮೃ॒ಗೋ ನ ಭೀ॒ಮಃ ಕು॑ಚ॒ರೋ ಗಿ॑ರಿ॒ಷ್ಠಾಃ । ಯಸ್ಯೋ॒ರುಷು॑ ತ್ರಿ॒ಷು ವಿ॒ಕ್ರಮ॑ಣೇಷು । ಅಧಿ॑ಕ್ಷಿ॒ಯನ್ತಿ॒ ಭುವ॑ನಾನಿ॒ ವಿಶ್ವಾ᳚ ॥ ॥
ಅ॒ಗ್ನಿರ್ಮೂ॒ರ್ಧಾ ದಿ॒ವಃ ಕ॒ಕು-ತ್ಪತಿಃ॑ ಪೃಥಿ॒ವ್ಯಾ ಅ॒ಯಮ್ । ಅ॒ಪಾಗ್ಂ ರೇತಾಗ್ಂ॑ಸಿ ಜಿನ್ವತಿ ॥ ಭುವೋ॑ ಯ॒ಜ್ಞಸ್ಯ॒ ರಜ॑ಸಶ್ಚ ನೇ॒ತಾ ಯತ್ರಾ॑ ನಿ॒ಯುದ್ಭಿ॒-ಸ್ಸಚ॑ಸೇ ಶಿ॒ವಾಭಿಃ॑ । ದಿ॒ವಿ ಮೂ॒ರ್ಧಾನ॑-ನ್ದಧಿಷೇ ಸುವ॒ರ್॒ಷಾ-ಞ್ಜಿ॒ಹ್ವಾಮ॑ಗ್ನೇ ಚಕೃಷೇ ಹವ್ಯ॒ವಾಹ᳚ಮ್ ॥ ॥
ಅನು॑ ನೋ॒-ಽದ್ಯಾ-ಽನು॑ಮತಿ-ರ್ಯ॒ಜ್ಞ-ನ್ದೇ॒ವೇಷು॑ ಮನ್ಯತಾಮ್ । ಅ॒ಗ್ನಿಶ್ಚ॑ ಹವ್ಯ॒ವಾಹ॑ನೋ॒ ಭವ॑ತಾ-ನ್ದಾ॒ಶುಷೇ॒ ಮಯಃ॑ ॥ ಅನ್ವಿದ॑ನುಮತೇ॒ ತ್ವ-ಮ್ಮನ್ಯಾ॑ಸೈ॒ ಶಞ್ಚ॑ನಃ ಕೃಧಿ । ಕ್ರತ್ವೇ॒ ದಕ್ಷಾ॑ಯ ನೋ ಹಿನು॒ ಪ್ರಣ॒ ಆಯೂಗ್ಂ॑ಷಿ ತಾರಿಷಃ ॥ ॥
ಹ॒ವ್ಯ॒ವಾಹ॑-ಮಭಿಮಾತಿ॒ಷಾ-ಽಹ᳚ಮ್ । ರ॒ಕ್ಷೋ॒ಹಣ॒-ಮ್ಪೃತ॑ನಾಸು ಜಿ॒ಷ್ಣುಮ್ । ಜ್ಯೋತಿ॑ಷ್ಮನ್ತ॒-ನ್ದೀದ್ಯ॑ತ॒-ಮ್ಪುರ॑ನ್ಧಿಮ್ । ಅ॒ಗ್ನಿಗ್ಗ್​ ಸ್ವಿ॑ಷ್ಟ॒ಕೃತ॒ಮಾ ಹು॑ವೇಮ ॥ ಸ್ವಿ॑ಷ್ಟಮಗ್ನೇ ಅ॒ಭಿ ತ-ತ್ಪೃ॑ಣಾಹಿ । ವಿಶ್ವಾ॑ ದೇವ॒ ಪೃತ॑ನಾ ಅ॒ಭಿಷ್ಯ । ಉ॒ರು-ನ್ನಃ॒ ಪನ್ಥಾ᳚-ಮ್ಪ್ರದಿ॒ಶನ್ವಿ ಭಾ॑ಹಿ । ಜ್ಯೋತಿ॑ಷ್ಮದ್ಧೇಹ್ಯ॒ಜರ॑-ನ್ನ॒ ಆಯುಃ॑ ॥ ॥ 26 ॥

(ಆ॒ಯ॒ತ್ಯ॑ - ಗಮ॒ಥ್ - ಸ್ವಿ॑ಷ್ಟಮ್) (ಅ. 3)
ಅನುವಾಕಂ 4 - ದೇವ ನಕ್ಷತ್ರೇಷ್ಟಿಬ್ರಾಹ್ಮಣಮ್
ಅ॒ಗ್ನಿರ್ವಾ ಅ॑ಕಾಮಯತ । ಅ॒ನ್ನಾ॒ದೋ ದೇ॒ವಾನಾಗ್॑ ಸ್ಯಾ॒ಮಿತಿ॑ ।
ಸ ಏ॒ತಮ॒ಗ್ನಯೇ॒ ಕೃತ್ತಿ॑ಕಾಭ್ಯಃ ಪುರೋ॒ಡಾಶ॑-ಮ॒ಷ್ಟಾಕ॑ಪಾಲ॒-ನ್ನಿರ॑ವಪತ್ । ತತೋ॒ ವೈ ಸೋ᳚-ಽನ್ನಾ॒ದೋ ದೇ॒ವಾನಾ॑ಮಭವತ್ । ಅ॒ಗ್ನಿರ್ವೈ ದೇ॒ವಾನಾ॑ಮನ್ನಾ॒ದಃ ॥
ಯಥಾ॑ ಹ॒ ವಾ ಅ॒ಗ್ನಿ-ರ್ದೇ॒ವಾನಾ॑-ಮನ್ನಾ॒ದಃ ।
ಏ॒ವಗ್ಂ ಹ॒ ವಾ ಏ॒ಷ ಮ॑ನು॒ಷ್ಯಾ॑ಣಾ-ಮ್ಭವತಿ ।
ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ ॥ ಸೋ-ಽತ್ರ॑ ಜುಹೋತಿ । ಅ॒ಗ್ನಯೇ॒ ಸ್ವಾಹಾ॒ ಕೃತ್ತಿ॑ಕಾಭ್ಯ॒-ಸ್ಸ್ವಾಹಾ᳚ । ಅ॒ಮ್ಬಾಯೈ॒ ಸ್ವಾಹಾ॑ ದು॒ಲಾಯೈ॒ ಸ್ವಾಹಾ᳚ । ನಿ॒ತ॒ತ್ನ್ಯೈ ಸ್ವಾಹಾ॒ ಽಭ್ರಯ॑ನ್ತ್ಯೈ॒ ಸ್ವಾಹಾ᳚ । ಮೇ॒ಘಯ॑ನ್ತ್ಯೈ॒ ಸ್ವಾಹಾ॑ ವ॒ರ॒.ಷಯ॑ನ್ತ್ಯೈ॒ ಸ್ವಾಹಾ᳚ । ಚು॒ಪು॒ಣೀಕಾ॑ಯೈ॒ ಸ್ವಾಹೇತಿ॑ ॥ 27 ॥

ಪ್ರ॒ಜಾಪ॑ತಿಃ ಪ್ರ॒ಜಾ ಅ॑ಸೃಜತ । ತಾ ಅ॑ಸ್ಮಾ-ಥ್ಸೃ॒ಷ್ಟಾಃ ಪರಾ॑ಚೀರಾಯನ್ನ್ । ತಾಸಾಗ್ಂ॑ ರೋಹಿ॒ಣೀ-ಮ॒ಭ್ಯ॑ದ್ಧ್ಯಾಯತ್ । ಸೋ॑-ಽಕಾಮಯತ । ಉಪ॒ ಮಾ-ಽಽವ॑ರ್ತೇತ । ಸಮೇ॑ನಯಾ ಗಚ್ಛೇ॒ಯೇತಿ॑ । ಸ ಏ॒ತ-ಮ್ಪ್ರ॒ಜಾಪ॑ತಯೇ ರೋಹಿ॒ಣ್ಯೈ ಚ॒ರು-ನ್ನಿರ॑ವಪತ್ । ತತೋ॒ ವೈ ಸಾ ತಮು॒ಪಾವ॑ರ್ತತ । ಸಮೇ॑ನಯಾ ಽಗಚ್ಛತ ॥ ಉಪ॑ ಹ॒ ವಾ ಏ॑ನ-ಮ್ಪ್ರಿ॒ಯಮಾವ॑ರ್ತತೇ ।
ಸ-ಮ್ಪ್ರಿ॒ಯೇಣ॑ ಗಚ್ಛತೇ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।
ಯ ಉ॑ ಚೈನದೇ॒ವಂ-ವೇಁದ॑ ॥ ಸೋ-ಽತ್ರ॑ ಜುಹೋತಿ ।
ಪ್ರ॒ಜಾಪ॑ತಯೇ॒ ಸ್ವಾಹಾ॑ ರೋಹಿ॒ಣ್ಯೈ ಸ್ವಾಹಾ᳚ ।
ರೋಚ॑ಮಾನಾಯೈ॒ ಸ್ವಾಹಾ᳚ ಪ್ರ॒ಜಾಭ್ಯ॒-ಸ್ಸ್ವಾಹೇತಿ॑ ॥ 28 ॥

ಸೋಮೋ॒ ವಾ ಅ॑ಕಾಮಯತ । ಓಷ॑ಧೀನಾಗ್ಂ ರಾ॒ಜ್ಯ-ಮ॒ಭಿಜ॑ಯೇಯ॒ಮಿತಿ॑ । ಸ ಏ॒ತಗ್ಂ ಸೋಮಾ॑ಯ ಮೃಗಶೀ॒ರ॒.ಷಾಯ॑ ಶ್ಯಾಮಾ॒ಕ-ಞ್ಚ॒ರು-ಮ್ಪಯ॑ಸಿ॒ ನಿರ॑ವಪತ್ । ತತೋ॒ ವೈ ಸ ಓಷ॑ಧೀನಾಗ್ಂ
ರಾ॒ಜ್ಯಮ॒ಭ್ಯ॑ಜಯತ್ । ಸ॒ಮಾ॒ನಾನಾಗ್ಂ॑ ಹ॒ ವೈ ರಾ॒ಜ್ಯಮ॒ಭಿಜ॑ಯತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।
ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ಸೋಮಾ॑ಯ॒ ಸ್ವಾಹಾ॑ ಮೃಗಶೀ॒ರ॒.ಷಾಯ॒ ಸ್ವಾಹಾ᳚ ।
ಇ॒ನ್ವ॒ಕಾಭ್ಯ॒-ಸ್ಸ್ವಾಹೌಷ॑ಧೀಭ್ಯ॒-ಸ್ಸ್ವಾಹಾ᳚ ।
ರಾ॒ಜ್ಯಾಯ॒ ಸ್ವಾಹಾ॒ ಽಭಿಜಿ॑ತ್ಯೈ॒ ಸ್ವಾಹೇತಿ॑ ॥ 29 ॥

ರು॒ದ್ರೋ ವಾ ಅ॑ಕಾಮಯತ । ಪ॒ಶು॒ಮಾನ್-ಥ್ಸ್ಯಾ॒ಮಿತಿ॑ ।
ಸ ಏ॒ತಗ್ಂ ರು॒ದ್ರಾಯಾ॒ರ್ದ್ರಾಯೈ॒ ಪ್ರೈಯ॑ಙ್ಗವ-ಞ್ಚ॒ರು-ಮ್ಪಯ॑ಸಿ॒ ನಿರ॑ವಪತ್ । ತತೋ॒ ವೈ ಸ ಪ॑ಶು॒ಮಾನ॑ಭವತ್ । ಪ॒ಶು॒ಮಾನ್. ಹ॒ ವೈ ಭ॑ವತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ । ರು॒ದ್ರಾಯ॒ ಸ್ವಾಹಾ॒ ಽಽರ್ದ್ರಾಯೈ॒ ಸ್ವಾಹಾ᳚ । ಪಿನ್ವ॑ಮಾನಾಯೈ॒ ಸ್ವಾಹಾ॑ ಪ॒ಶುಭ್ಯ॒-ಸ್ಸ್ವಾಹೇತಿ॑ ॥ 30 ॥

ಋ॒ಕ್ಷಾ ವಾ ಇ॒ಯಮ॑ಲೋ॒ಮಕಾ॑-ಽಽಸೀತ್ । ಸಾ-ಽಕಾ॑ಮಯತ ।
ಓಷ॑ಧೀಭಿ॒-ರ್ವನ॒ಸ್ಪತಿ॑ಭಿಃ॒ ಪ್ರಜಾ॑ಯೇ॒ಯೇತಿ॑ ।
ಸೈತಮದಿ॑ತ್ಯೈ॒ ಪುನ॑ರ್ವಸುಭ್ಯಾ-ಞ್ಚ॒ರು-ನ್ನಿರ॑ವಪತ್ ।
ತತೋ॒ ವಾ ಇ॒ಯಮೋಷ॑ಧೀಭಿ॒-ರ್ವನ॒ಸ್ಪತಿ॑ಭಿಃ॒ ಪ್ರಾಜಾ॑ಯತ ।
ಪ್ರಜಾ॑ಯತೇ ಹ॒ ವೈ ಪ್ರ॒ಜಯಾ॑ ಪ॒ಶುಭಿಃ॑ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ ।
ಸೋ-ಽತ್ರ॑ ಜುಹೋತಿ । ಅದಿ॑ತ್ಯೈ॒ ಸ್ವಾಹಾ॒ ಪುನ॑ರ್ವಸುಭ್ಯಾಮ್ ।
ಸ್ವಾಹಾ-ಽಽಭೂ᳚ತ್ಯೈ॒ ಸ್ವಾಹಾ॒ ಪ್ರಜಾ᳚ತ್ಯೈ॒ ಸ್ವಾಹೇತಿ॑ ॥ 31 ॥

ಬೃಹ॒ಸ್ಪತಿ॒ರ್ವಾ ಅ॑ಕಾಮಯತ । ಬ್ರ॒ಹ್ಮ॒ವ॒ರ್ಚ॒ಸೀ ಸ್ಯಾ॒ಮಿತಿ॑ ।
ಸ ಏ॒ತ-ಮ್ಬೃಹ॒ಸ್ಪತ॑ಯೇ ತಿ॒ಷ್ಯಾ॑ಯ ನೈವಾ॒ರ-ಞ್ಚ॒ರು-ಮ್ಪಯ॑ಸಿ॒ ನಿರ॑ವಪತ್ । ತತೋ॒ ವೈ ಸ ಬ್ರ॑ಹ್ಮವರ್ಚ॒ಸ್ಯ॑ಭವತ್ । ಬ್ರ॒ಹ್ಮ॒ವ॒ರ್ಚ॒ಸೀ ಹ॒ ವೈ ಭ॑ವತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ಬೃಹ॒ಸ್ಪತ॑ಯೇ॒ ಸ್ವಾಹಾ॑ ತಿ॒ಷ್ಯಾ॑ಯ॒ ಸ್ವಾಹಾ᳚ । ಬ್ರ॒ಹ್ಮ॒ವ॒ರ್ಚ॒ಸಾಯ॒ ಸ್ವಾಹೇತಿ॑ ॥ 32 ॥

ದೇ॒ವಾ॒ಸು॒ರಾ-ಸ್ಸಂ​ಯಁ॑ತ್ತಾ ಆಸನ್ನ್ । ತೇ ದೇ॒ವಾ-ಸ್ಸ॒ರ್ಪೇಭ್ಯ॑ ಆಶ್ರೇ॒ಷಾಭ್ಯ॒ ಆಜ್ಯೇ॑ ಕರ॒ಮ್ಭ-ನ್ನಿರ॑ವಪನ್ನ್ ।
ತಾನೇ॒ತಾಭಿ॑ರೇ॒ವ ದೇ॒ವತಾ॑-ಭಿ॒ರುಪಾ॑ನಯನ್ನ್ ।
ಏ॒ತಾಭಿ॑ರ್​ಹ॒ ವೈ ದೇ॒ವತಾ॑ಭಿ-ರ್ದ್ವಿ॒ಷನ್ತ॒-ಮ್ಭ್ರಾತೃ॑ವ್ಯ॒-ಮುಪ॑ನಯತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।
ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ಸ॒ರ್ಪೇಭ್ಯ॒-ಸ್ಸ್ವಾಹಾ᳚-ಽಽಶ್ರೇ॒ಷಾಭ್ಯ॒-ಸ್ಸ್ವಾಹಾ᳚ । ದ॒ನ್ದ॒ಶೂಕೇ᳚ಭ್ಯ॒-ಸ್ಸ್ವಾಹೇತಿ॑ ॥ 33 ॥

ಪಿ॒ತರೋ॒ ವಾ ಅ॑ಕಾಮಯನ್ತ । ಪಿ॒ತೃ॒ಲೋ॒ಕ ಋ॑ದ್ಧ್ನುಯಾ॒ಮೇತಿ॑ ।
ತ ಏ॒ತ-ಮ್ಪಿ॒ತೃಭ್ಯೋ॑ ಮ॒ಘಾಭ್ಯಃ॑ ಪುರೋ॒ಡಾಶ॒ಗ್ಂ॒ ಷಟ್ಕ॑ಪಾಲ॒-ನ್ನಿರ॑ವಪನ್ನ್ । ತತೋ॒ ವೈ ತೇ ಪಿ॑ತೃಲೋ॒ಕ ಆ᳚ರ್ಧ್ನುವನ್ನ್ । ಪಿ॒ತೃ॒ಲೋ॒ಕೇ ಹ॒ ವಾ ಋ॑ಧ್ನೋತಿ ।
ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ । ಪಿ॒ತೃಭ್ಯ॒-ಸ್ಸ್ವಾಹಾ॑ ಮ॒ಘಾಭ್ಯಃ॑ ।
ಸ್ವಾಹಾ॑ ಽನ॒ಘಾಭ್ಯ॒-ಸ್ಸ್ವಾಹಾ॑ ಽಗ॒ದಾಭ್ಯಃ॑ ।
ಸ್ವಾಹಾ॑ ಽರುನ್ಧ॒ತೀಭ್ಯ॒-ಸ್ಸ್ವಾಹೇತಿ॑ ॥ 34 ॥

ಅ॒ರ್ಯ॒ಮಾ ವಾ ಅ॑ಕಾಮಯತ । ಪ॒ಶು॒ಮಾನ್-ಥ್ಸ್ಯಾ॒ಮಿತಿ॑ ।
ಸ ಏ॒ತಮ॑ರ್ಯ॒ಮ್ಣೇ ಫಲ್ಗು॑ನೀಭ್ಯಾ-ಞ್ಚ॒ರು-ನ್ನಿರ॑ವಪತ್ ।
ತತೋ॒ ವೈ ಸ ಪ॑ಶು॒ಮಾನ॑ಭವತ್ ।
ಪ॒ಶು॒ಮಾನ್. ಹ॒ ವೈ ಭ॑ವತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।
ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ । ಅ॒ರ್ಯ॒ಮ್ಣೇ ಸ್ವಾಹಾ॒ ಫಲ್ಗು॑ನೀಭ್ಯಾ॒ಗ್॒ ಸ್ವಾಹಾ᳚ ।
ಪ॒ಶುಭ್ಯ॒-ಸ್ಸ್ವಾಹೇತಿ॑ ॥ 35 ॥

ಭಗೋ॒ ವಾ ಅ॑ಕಾಮಯತ । ಭ॒ಗೀ ಶ್ರೇ॒ಷ್ಠೀ ದೇ॒ವಾನಾಗ್॑ ಸ್ಯಾ॒ಮಿತಿ॑ । ಸ ಏ॒ತ-ಮ್ಭಗಾ॑ಯ॒ ಫಲ್ಗು॑ನೀಭ್ಯಾ-ಞ್ಚ॒ರು-ನ್ನಿರ॑ವಪತ್ । ತತೋ॒ ವೈ ಸ ಭ॒ಗೀ ಶ್ರೇ॒ಷ್ಠೀ ದೇ॒ವಾನಾ॑ಮಭವತ್ ।
ಭ॒ಗೀ ಹ॒ ವೈ ಶ್ರೇ॒ಷ್ಠೀ ಸ॑ಮಾ॒ನಾನಾ᳚-ಮ್ಭವತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ । ಭಗಾ॑ಯ॒ ಸ್ವಾಹಾ॒ ಫಲ್ಗು॑ನೀಭ್ಯಾ॒ಗ್॒ ಸ್ವಾಹಾ᳚ । ಶ್ರೈಷ್ಠ್ಯಾ॑ಯ॒ ಸ್ವಾಹೇತಿ॑ ॥ 36 ॥

ಸ॒ವಿ॒ತಾ ವಾ ಅ॑ಕಾಮಯತ । ಶ್ರನ್ಮೇ॑ ದೇ॒ವಾ ದಧೀ॑ರನ್ನ್ । ಸ॒ವಿ॒ತಾ ಸ್ಯಾ॒ಮಿತಿ॑ । ಸ ಏ॒ತಗ್ಂ ಸ॑ವಿ॒ತ್ರೇ ಹಸ್ತಾ॑ಯ ಪುರೋ॒ಡಾಶ॒-ನ್ದ್ವಾದ॑ಶಕಪಾಲ॒-ನ್ನಿರ॑ವಪದಾಶೂ॒ನಾಂ
ಁವ್ರೀ॑ಹೀ॒ಣಾಮ್ । ತತೋ॒ ವೈ ತಸ್ಮೈ॒ ಶ್ರದ್ದೇ॒ವಾ ಅದ॑ಧತ । ಸ॒ವಿ॒ತಾ-ಽಭ॑ವತ್ । ಶ್ರದ್ಧ॒ ವಾ ಅ॑ಸ್ಮೈ ಮನು॒ಷ್ಯಾ॑ ದಧತೇ । ಸ॒ವಿ॒ತಾ ಸ॑ಮಾ॒ನಾನಾ᳚-ಮ್ಭವತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ಸ॒ವಿ॒ತ್ರೇ ಸ್ವಾಹಾ॒ ಹಸ್ತಾ॑ಯ । ಸ್ವಾಹಾ॑ ದದ॒ತೇ ಸ್ವಾಹಾ॑ ಪೃಣ॒ತೇ । ಸ್ವಾಹಾ᳚ ಪ್ರ॒ಯಚ್ಛ॑ತೇ॒ ಸ್ವಾಹಾ᳚ ಪ್ರತಿಗೃಭ್ಣ॒ತೇ ಸ್ವಾಹೇತಿ॑ ॥ 37 ॥

ತ್ವಷ್ಟಾ॒ ವಾ ಅ॑ಕಾಮಯತ । ಚಿ॒ತ್ರ-ಮ್ಪ್ರ॒ಜಾಂ-ವಿಁ॑ನ್ದೇ॒ಯೇತಿ॑ ।
ಸ ಏ॒ತ-ನ್ತ್ವಷ್ಟ್ರೇ॑ ಚಿ॒ತ್ರಾಯೈ॑ ಪುರೋ॒ಡಾಶ॑ಮ॒ಷ್ಟಾ-ಕ॑ಪಾಲ॒-ನ್ನಿರ॑ವಪತ್ । ತತೋ॒ ವೈ ಸ ಚಿ॒ತ್ರ-ಮ್ಪ್ರ॒ಜಾಮ॑ವಿನ್ದತ । ಚಿ॒ತ್ರಗ್ಂ ಹ॒ ವೈ ಪ್ರ॒ಜಾಂ-ವಿಁ॑ನ್ದತೇ ।
ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।
ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ತ್ವಷ್ಟ್ರೇ॒ ಸ್ವಾಹಾ॑ ಚಿ॒ತ್ರಾಯೈ॒ ಸ್ವಾಹಾ᳚ ।
ಚೈತ್ರಾ॑ಯ॒ ಸ್ವಾಹಾ᳚ ಪ್ರ॒ಜಾಯೈ॒ ಸ್ವಾಹೇತಿ॑ ॥ 38 ॥

ವಾ॒ಯುರ್ವಾ ಅ॑ಕಾಮಯತ । ಕಾ॒ಮ॒ಚಾರ॑ಮೇ॒ಷು ಲೋ॒ಕೇಷ್ವ॒ಭಿಜ॑ಯೇಯ॒ಮಿತಿ॑ । ಸ ಏ॒ತ-ದ್ವಾ॒ಯವೇ॒ ನಿಷ್ಟ್ಯಾ॑ಯೈ ಗೃ॒ಷ್ಟ್ಯೈ ದು॒ಗ್ಧ-ಮ್ಪಯೋ॒ ನಿರ॑ವಪತ್ ।
ತತೋ॒ ವೈ ಸ ಕಾ॑ಮ॒ಚಾರ॑ಮೇ॒ಷು ಲೋ॒ಕೇಷ್ವ॒ಭ್ಯ॑ಜಯತ್ ।
ಕಾ॒ಮ॒ಚಾರಗ್ಂ॑ ಹ॒ ವಾ ಏ॒ಷು ಲೋ॒ಕೇಷ್ವ॒ಭಿಜ॑ಯತಿ ।
ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ । ವಾ॒ಯವೇ॒ ಸ್ವಾಹಾ॒ ನಿಷ್ಟ್ಯಾ॑ಯೈ॒ ಸ್ವಾಹಾ᳚ ।
ಕಾ॒ಮ॒ಚಾರಾ॑ಯ॒ ಸ್ವಾಹಾ॒-ಽಭಿಜಿ॑ತ್ಯೈ॒ ಸ್ವಾಹೇತಿ॑ ॥ 39 ॥

ಇ॒ನ್ದ್ರಾ॒ಗ್ನೀ ವಾ ಅ॑ಕಾಮಯೇತಾಮ್ । ಶ್ರೈಷ್ಠ್ಯ॑-ನ್ದೇ॒ವಾನಾ॑-ಮ॒ಭಿಜ॑ಯೇ॒ವೇತಿ॑ । ತಾವೇ॒ತಮಿ॑ನ್ದ್ರಾ॒ಗ್ನಿಭ್ಯಾಂ॒-ವಿಁಶಾ॑ಖಾಭ್ಯಾ-ಮ್ಪುರೋ॒ಡಾಶ॒-ಮೇಕಾ॑ದಶಕಪಾಲ॒-ನ್ನಿರ॑ವಪತಾಮ್ । ತತೋ॒ ವೈ ತೌ ಶ್ರೈಷ್ಠ್ಯ॑-ನ್ದೇ॒ವಾನಾ॑-ಮ॒ಭ್ಯ॑ಜಯತಾಮ್ । ಶ್ರೈಷ್ಠ್ಯಗ್ಂ॑ ಹ॒ ವೈ ಸ॑ಮಾ॒ನಾನಾ॑ಮ॒ಭಿಜ॑ಯತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।
ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ಇ॒ನ್ದ್ರಾ॒ಗ್ನಿಭ್ಯಾ॒ಗ್॒ ಸ್ವಾಹಾ॒ ವಿಶಾ॑ಖಾಭ್ಯಾ॒ಗ್॒ ಸ್ವಾಹಾ᳚ ।
ಶ್ರೈಷ್ಠ್ಯಾ॑ಯ॒ ಸ್ವಾಹಾ॒ ಽಭಿಜಿ॑ತ್ಯೈ॒ ಸ್ವಾಹೇತಿ॑ ॥ 40 ॥

ಅಥೈ॒ತತ್-ಪೌ᳚ರ್ಣಮಾ॒ಸ್ಯಾ ಆಜ್ಯ॒-ನ್ನಿರ್ವ॑ಪತಿ । ಕಾಮೋ॒ ವೈ ಪೌ᳚ರ್ಣಮಾ॒ಸೀ । ಕಾಮ॒ ಆಜ್ಯ᳚ಮ್ । ಕಾಮೇ॑ನೈ॒ವ ಕಾಮ॒ಗ್ಂ॒ ಸಮ॑ರ್ಧಯತಿ । ಕ್ಷಿ॒ಪ್ರಮೇ॑ನ॒ಗ್ಂ॒ ಸ ಕಾಮ॒ ಉಪ॑ನಮತಿ । ಯೇನ॒ ಕಾಮೇ॑ನ॒ ಯಜ॑ತೇ । ಸೋ-ಽತ್ರ॑ ಜುಹೋತಿ ।
ಪೌ॒ರ್ಣ॒ಮಾ॒ಸ್ಯೈ ಸ್ವಾಹಾ॒ ಕಾಮಾ॑ಯ॒ ಸ್ವಾಹಾ-ಽಽಗ॑ತ್ಯೈ॒ ಸ್ವಾಹೇತಿ॑ ॥ 41 ॥

ಅನುವಾಕಂ 5 - ಯಮನಕ್ಷತ್ರೇಷ್ಟಿಬ್ರಾಹ್ಮಣಮ್
ಮಿ॒ತ್ರೋ ವಾ ಅ॑ಕಾಮಯತ । ಮಿ॒ತ್ರ॒ಧೇಯ॑ಮೇ॒ಷು ಲೋ॒ಕೇಷ್ವ॒ಭಿ ಜ॑ಯೇಯ॒ಮಿತಿ॑ । ಸ ಏ॒ತ-ಮ್ಮಿ॒ತ್ರಾಯಾ॑ನೂರಾ॒ಧೇಭ್ಯ॑ಶ್ಚ॒ರು-ನ್ನಿರ॑ವಪತ್ । ತತೋ॒ ವೈ ಸ ಮಿ॑ತ್ರ॒ಧೇಯ॑ಮೇ॒ಷು ಲೋ॒ಕೇಷ್ವ॒ಭ್ಯ॑ಜಯತ್ । ಮಿ॒ತ್ರ॒ಧೇಯಗ್ಂ॑ ಹ॒ ವಾ ಏ॒ಷು ಲೋ॒ಕೇಷ್ವ॒ಭಿಜ॑ಯತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।
ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ಮಿ॒ತ್ರಾಯ॒ ಸ್ವಾಹಾ॑ ಽನೂರಾ॒ಧೇಭ್ಯ॒-ಸ್ಸ್ವಾಹಾ᳚ ।
ಮಿ॒ತ್ರ॒ಧೇಯಾ॑ಯ॒ ಸ್ವಾಹಾ॒ ಽಭಿಜಿ॑ತ್ಯೈ॒ ಸ್ವಾಹೇತಿ॑ ॥ 42 ॥

ಇನ್ದ್ರೋ॒ ವಾ ಅ॑ಕಾಮಯತ । ಜ್ಯೈಷ್ಠ್ಯ॑-ನ್ದೇ॒ವಾನಾ॑-ಮ॒ಭಿಜ॑ಯೇಯ॒ಮಿತಿ॑ । ಸ ಏ॒ತಮಿನ್ದ್ರಾ॑ಯ ಜ್ಯೇ॒ಷ್ಠಾಯೈ॑ ಪುರೋ॒ಡಾಶ॒-ಮೇಕಾ॑ದಶಕಪಾಲ॒-ನ್ನಿರ॑ವಪ-ನ್ಮ॒ಹಾವ್ರೀ॑ಹೀಣಾಮ್ । ತತೋ॒ ವೈ ಸ ಜ್ಯೈಷ್ಠ್ಯ॑-ನ್ದೇ॒ವಾನಾ॑ಮ॒ಭ್ಯ॑ಜಯತ್ । ಜ್ಯೈಷ್ಠ್ಯಗ್ಂ॑ ಹ॒ ವೈ ಸ॑ಮಾ॒ನಾನಾ॑-ಮ॒ಭಿಜ॑ಯತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।
ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ । ಇನ್ದ್ರಾ॑ಯ॒ ಸ್ವಾಹಾ᳚ ಜ್ಯೇ॒ಷ್ಠಾಯೈ॒ ಸ್ವಾಹಾ᳚ ।
ಜ್ಯೈಷ್ಠ್ಯಾ॑ಯ॒ ಸ್ವಾಹಾ॒ ಽಭಿಜಿ॑ತ್ಯೈ॒ ಸ್ವಾಹೇತಿ॑ ॥ 43 ॥

ಪ್ರ॒ಜಾಪ॑ತಿ॒ರ್ವಾ ಅ॑ಕಾಮಯತ । ಮೂಲ॑-ಮ್ಪ್ರ॒ಜಾಂ-ವಿಁ॑ನ್ದೇ॒ಯೇತಿ॑ । ಸ ಏ॒ತ-ಮ್ಪ್ರ॒ಜಾಪ॑ತಯೇ॒ ಮೂಲಾ॑ಯ ಚ॒ರು-ನ್ನಿರ॑ವಪತ್ । ತತೋ॒ ವೈ ಸ ಮೂಲ॑-ಮ್ಪ್ರ॒ಜಾಮ॑ವಿನ್ದತ । ಮೂಲಗ್ಂ॑ ಹ॒ ವೈ ಪ್ರ॒ಜಾಂ-ವಿಁ॑ನ್ದತೇ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ । ಪ್ರ॒ಜಾಪ॑ತಯೇ॒ ಸ್ವಾಹಾ॒ ಮೂಲಾ॑ಯ॒ ಸ್ವಾಹಾ᳚ । ಪ್ರ॒ಜಾಯೈ॒ ಸ್ವಾಹೇತಿ॑ ॥ 44 ॥

ಆಪೋ॒ ವಾ ಅ॑ಕಾಮಯನ್ತ । ಸ॒ಮು॒ದ್ರ-ಙ್ಕಾಮ॑ಮ॒ ಭಿಜ॑ಯೇ॒ಮೇತಿ॑ । ತಾ ಏ॒ತಮ॒ದ್ಭ್ಯೋ॑-ಽಷಾ॒ಢಾಭ್ಯ॑ಶ್ಚ॒ರು-ನ್ನಿರ॑ವಪನ್ನ್ । ತತೋ॒ ವೈ ತಾ-ಸ್ಸ॑ಮು॒ದ್ರ-ಙ್ಕಾಮ॑ಮ॒ಭ್ಯ॑ಜಯನ್ನ್ । ಸ॒ಮು॒ದ್ರಗ್ಂ ಹ॒ ವೈ ಕಾಮ॑ಮ॒ಭಿಜ॑ಯತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।
ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ಅ॒ದ್ಭ್ಯ-ಸ್ಸ್ವಾಹಾ॑ ಽಷಾ॒ಢಾಭ್ಯ॒-ಸ್ಸ್ವಾಹಾ᳚ । ಸ॒ಮು॒ದ್ರಾಯ॒ ಸ್ವಾಹಾ॒ ಕಾಮಾ॑ಯ॒ ಸ್ವಾಹಾ᳚ । ಅ॒ಭಿಜಿ॑ತ್ಯೈ॒ ಸ್ವಾಹೇತಿ॑ ॥ 45 ॥

ವಿಶ್ವೇ॒ ವೈ ದೇ॒ವಾ ಅ॑ಕಾಮಯನ್ತ । ಅ॒ನ॒ಪ॒ಜ॒ಯ್ಯ-ಞ್ಜ॑ಯೇ॒ಮೇತಿ॑ । ತ ಏ॒ತಂ-ವಿಁಶ್ವೇ᳚ಭ್ಯೋ ದೇ॒ವೇಭ್ಯೋ॑-ಽಷಾ॒ಢಾಭ್ಯ॑ಶ್ಚ॒ರು-ನ್ನಿರ॑ವಪನ್ನ್ ।
ತತೋ॒ ವೈ ತೇ॑-ಽನಪಜ॒ಯ್ಯ-ಮ॑ಜಯನ್ನ್ । ಅ॒ನ॒ಪ॒ಜ॒ಯ್ಯಗ್ಂ ಹ॒ ವೈ ಜ॑ಯತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ವಿಶ್ವೇ᳚ಭ್ಯೋ ದೇ॒ವೇಭ್ಯ॒-ಸ್ಸ್ವಾಹಾ॑ ಽಷಾ॒ಢಾಭ್ಯ॒-ಸ್ಸ್ವಾಹಾ᳚ ।
ಅ॒ನ॒ಪ॒ಜ॒ಯ್ಯಾಯ॒ ಸ್ವಾಹಾ॒ ಜಿತ್ಯೈ॒ ಸ್ವಾಹೇತಿ॑ ॥ 46 ॥

ಬ್ರಹ್ಮ॒ ವಾ ಅ॑ಕಾಮಯತ । ಬ್ರ॒ಹ್ಮ॒ಲೋ॒ಕಮ॒ಭಿಜ॑ಯೇಯ॒ಮಿತಿ॑ ।
ತದೇ॒ತ-ಮ್ಬ್ರಹ್ಮ॑ಣೇ-ಽಭಿ॒ಜಿತೇ॑ ಚ॒ರು-ನ್ನಿರ॑ವಪತ್ ।
ತತೋ॒ ವೈ ತದ್ಬ್ರ॑ಹ್ಮಲೋ॒ಕಮ॒ಭ್ಯ॑ಜಯತ್ । ಬ್ರ॒ಹ್ಮ॒ಲೋ॒ಕಗ್ಂ ಹ॒ ವಾ ಅ॒ಭಿಜ॑ಯತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ । ಬ್ರಹ್ಮ॑ಣೇ॒ ಸ್ವಾಹಾ॑ ಽಭಿ॒ಜಿತೇ॒ ಸ್ವಾಹಾ᳚ । ಬ್ರ॒ಹ್ಮ॒ಲೋ॒ಕಾಯ॒ ಸ್ವಾಹಾ॒ ಽಭಿಜಿ॑ತ್ಯೈ॒ ಸ್ವಾಹೇತಿ॑ ॥ 47 ॥

ವಿಷ್ಣು॒ರ್ವಾ ಅ॑ಕಾಮಯತ । ಪುಣ್ಯ॒ಗ್ಗ್॒ ಶ್ಲೋಕಗ್ಂ॑ ಶೃಣ್ವೀಯ ।
ನ ಮಾ॑ ಪಾ॒ಪೀ ಕೀ॒ರ್ತಿರಾಗ॑ಚ್ಛೇ॒ದಿತಿ॑ । ಸ ಏ॒ತಂ-ವಿಁಷ್ಣ॑ವೇ ಶ್ರೋ॒ಣಾಯೈ॑ ಪುರೋ॒ಡಾಶ॑-ನ್ತ್ರಿಕಪಾ॒ಲ-ನ್ನಿರ॑ವಪತ್ ।
ತತೋ॒ ವೈ ಸ ಪುಣ್ಯ॒ಗ್ಗ್॒ ಶ್ಲೋಕ॑ಮ ಶೃಣುತ । ನೈನ॑-ಮ್ಪಾ॒ಪೀ ಕೀ॒ರ್ತಿರಾ- ಗ॑ಚ್ಛತ್ । ಪುಣ್ಯಗ್ಂ॑ ಹ॒ ವೈ ಶ್ಲೋಕಗ್ಂ॑ ಶೃಣುತೇ । ನೈನ॑-ಮ್ಪಾ॒ಪೀ ಕೀ॒ರ್ತಿರಾಗ॑ಚ್ಛತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ವಿಷ್ಣ॑ವೇ॒ ಸ್ವಾಹಾ᳚ ಶ್ರೋ॒ಣಾಯೈ॒ ಸ್ವಾಹಾ᳚ ।
ಶ್ಲೋಕಾ॑ಯ॒ ಸ್ವಾಹಾ᳚ ಶ್ರು॒ತಾಯ॒ ಸ್ವಾಹೇತಿ॑ ॥ 48 ॥

ವಸ॑ವೋ॒ ವಾ ಅ॑ಕಾಮಯನ್ತ । ಅಗ್ರ॑-ನ್ದೇ॒ವತಾ॑ನಾ॒-ಮ್ಪರೀ॑ಯಾ॒ಮೇತಿ॑ । ತ ಏ॒ತಂ-ವಁಸು॑ಭ್ಯ॒-ಶ್ಶ್ರವಿ॑ಷ್ಠಾಭ್ಯಃ ಪುರೋ॒ಡಾಶ॑ಮ॒ಷ್ಟಾಕ॑ಪಾಲ॒-ನ್ನಿರ॑ವಪನ್ನ್ ।
ತತೋ॒ ವೈ ತೇ-ಽಗ್ರ॑-ನ್ದೇ॒ವತಾ॑ನಾ॒-ಮ್ಪರ್ಯಾ॑ಯನ್ನ್ ।
ಅಗ್ರಗ್ಂ॑ ಹ॒ ವೈ ಸ॑ಮಾ॒ನಾನಾ॒-ಮ್ಪರ್ಯೇ॑ತಿ ।
ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ । ವಸು॑ಭ್ಯ॒-ಸ್ಸ್ವಾಹಾ॒ ಶ್ರವಿ॑ಷ್ಠಾಭ್ಯ॒-ಸ್ಸ್ವಾಹಾ᳚ । ಅಗ್ರಾ॑ಯ॒ ಸ್ವಾಹಾ॒ ಪರೀ᳚ತ್ಯೈ॒ ಸ್ವಾಹೇತಿ॑ ॥ 49 ॥

ಇನ್ದ್ರೋ॒ ವಾ ಅ॑ಕಾಮಯತ । ದೃ॒ಢೋ ಽಶಿ॑ಥಿಲ-ಸ್ಸ್ಯಾ॒ಮಿತಿ॑ ।
ಸ ಏ॒ತಂ-ವಁರು॑ಣಾಯ ಶ॒ತಭಿ॑ಷಜೇ ಭೇಷ॒ಜೇಭ್ಯಃ॑ ಪುರೋ॒ಡಾಶ॒-ನ್ದಶ॑ಕಪಾಲ॒-ನ್ನಿರ॑ವಪತ್-ಕೃ॒ಷ್ಣಾನಾಂ᳚-ವ್ರೀಁಹೀ॒ಣಾಮ್ । ತತೋ॒ ವೈ ಸ ದೃ॒ಢೋ-ಽಶಿ॑ಥಿಲೋ-ಽಭವತ್ ।
ದೃ॒ಢೋ ಹ॒ ವಾ ಅಶಿ॑ಥಿಲೋ ಭವತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ವರು॑ಣಾಯ॒ ಸ್ವಾಹಾ॑ ಶ॒ತಭಿ॑ಷಜೇ॒ ಸ್ವಾಹಾ᳚ ।
ಭೇ॒ಷ॒ಜೇಭ್ಯ॒-ಸ್ಸ್ವಾಹೇತಿ॑ ॥ 50 ॥

ಅ॒ಜೋ ವಾ ಏಕ॑ಪಾದಕಾಮಯತ । ತೇ॒ಜ॒ಸ್ವೀ ಬ್ರ॑ಹ್ಮವರ್ಚ॒ಸೀ ಸ್ಯಾ॒ಮಿತಿ॑ । ಸ ಏ॒ತಮ॒ಜಾಯೈಕ॑ಪದೇ ಪ್ರೋಷ್ಠಪ॒ದೇಭ್ಯ॑-ಶ್ಚ॒ರು-ನ್ನಿರ॑ವಪತ್ । ತತೋ॒ ವೈ ಸ ತೇ॑ಜ॒ಸ್ವೀ ಬ್ರ॑ಹ್ಮವರ್ಚ॒ಸ್ಯ॑ಭವತ್ । ತೇ॒ಜ॒ಸ್ವೀ ಹ॒ ವೈ ಬ್ರ॑ಹ್ಮವರ್ಚ॒ಸೀ ಭ॑ವತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।
ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ಅ॒ಜಾಯೈಕ॑ಪದೇ॒ ಸ್ವಾಹಾ᳚ ಪ್ರೋಷ್ಠಪ॒ದೇಭ್ಯ॒-ಸ್ಸ್ವಾಹಾ᳚ ।
ತೇಜ॑ಸೇ॒ ಸ್ವಾಹಾ᳚ ಬ್ರಹ್ಮವರ್ಚ॒ಸಾಯ॒ ಸ್ವಾಹೇತಿ॑ ॥ 51 ॥

ಅಹಿ॒ರ್ವೈ ಬು॒ದ್ಧ್ನಿಯೋ॑-ಽಕಾಮಯತ । ಇ॒ಮಾ-ಮ್ಪ್ರ॑ತಿ॒ಷ್ಠಾಂ-ವಿಁ॑ನ್ದೇ॒ಯೇತಿ॑ । ಸ ಏ॒ತಮಹ॑ಯೇ ಬು॒ದ್ಧ್ನಿಯಾ॑ಯ ಪ್ರೋಷ್ಠಪ॒ದೇಭ್ಯಃ॑ ಪುರೋ॒ಡಾಶ॒-ಮ್ಭೂಮಿ॑ಕಪಾಲ॒-ನ್ನಿರ॑ವಪತ್ । ತತೋ॒ ವೈ ಸ ಇ॒ಮಾ-ಮ್ಪ್ರ॑ತಿ॒ಷ್ಠಾ-ಮ॑ವಿನ್ದತ । ಇ॒ಮಾಗ್ಂ ಹ॒ ವೈ ಪ್ರ॑ತಿ॒ಷ್ಠಾಂ-ವಿಁ॑ನ್ದತೇ ।
ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ । ಅಹ॑ಯೇ ಬು॒ದ್ಧ್ನಿಯಾ॑ಯ॒ ಸ್ವಾಹಾ᳚ ಪ್ರೋಷ್ಠಪ॒ದೇಭ್ಯ॒-ಸ್ಸ್ವಾಹಾ᳚ ।
ಪ್ರ॒ತಿ॒ಷ್ಠಾಯೈ॒ ಸ್ವಾಹೇತಿ॑ ॥ 52 ॥

ಪೂ॒ಷಾ ವಾ ಅ॑ಕಾಮಯತ । ಪ॒ಶು॒ಮಾನ್-ಥ್ಸ್ಯಾ॒ಮಿತಿ॑ ।
ಸ ಏ॒ತ-ಮ್ಪೂ॒ಷ್ಣೇ ರೇ॒ವತ್ಯೈ॑ ಚ॒ರು-ನ್ನಿರ॑ವಪತ್ ।
ತತೋ॒ ವೈ ಸ ಪ॑ಶು॒ಮಾನ॑ಭವತ್ ।
ಪ॒ಶು॒ಮಾನ್. ಹ॒ ವೈ ಭ॑ವತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ ।
ಸೋ-ಽತ್ರ॑ ಜುಹೋತಿ । ಪೂ॒ಷ್ಣೇ ಸ್ವಾಹಾ॑ ರೇ॒ವತ್ಯೈ॒ ಸ್ವಾಹಾ᳚ ।
ಪ॒ಶುಭ್ಯ॒-ಸ್ಸ್ವಾಹೇತಿ॑ ॥ 53 ॥

ಅ॒ಶ್ವಿನೌ॒ ವಾ ಅ॑ಕಾಮಯೇತಾಮ್ । ಶ್ರೋ॒ತ್ರ॒ಸ್ವಿನಾ॒ವಬ॑ಧಿರೌ ಸ್ಯಾ॒ವೇತಿ॑ । ತಾವೇ॒ತಮ॒ಶ್ವಿಭ್ಯಾ॑-ಮಶ್ವ॒ಯುಗ್ಭ್ಯಾ᳚-ಮ್ಪುರೋ॒ಡಾಶ॑-ನ್ದ್ವಿಕಪಾ॒ಲ-ನ್ನಿರ॑ವಪತಾಮ್ ।
ತತೋ॒ ವೈ ತೌ ಶ್ರೋ᳚ತ್ರ॒ಸ್ವಿನಾ॒ವಬ॑ಧಿರಾ-ವಭವತಾಮ್ ।
ಶ್ರೋ॒ತ್ರ॒ಸ್ವೀ ಹ॒ ವಾ ಅಬ॑ಧಿರೋ ಭವತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ಅ॒ಶ್ವಿಭ್ಯಾ॒ಗ್॒ ಸ್ವಾಹಾ᳚-ಽಶ್ವ॒ಯುಗ್ಭ್ಯಾ॒ಗ್॒ ಸ್ವಾಹಾ᳚ ।
ಶ್ರೋತ್ರಾ॑ಯ॒ ಸ್ವಾಹಾ॒ ಶ್ರುತ್ಯೈ॒ ಸ್ವಾಹೇತಿ॑ ॥ 54 ॥

ಯ॒ಮೋ ವಾ ಅ॑ಕಾಮಯತ ।
ಪಿ॒ತೃ॒ಣಾಗ್ಂ ರಾ॒ಜ್ಯ-ಮ॒ಭಿಜ॑ಯೇಯ॒ಮಿತಿ॑ ।
ಸ ಏ॒ತಂ-ಯಁ॒ಮಾಯಾ॑ಪ॒ಭರ॑ಣೀಭ್ಯಶ್ಚ॒ರು-ನ್ನಿರ॑ವಪತ್ ।
ತತೋ॒ ವೈ ಸ ಪಿ॑ತೃ॒ಣಾಗ್ಂ ರಾ॒ಜ್ಯಮ॒ಭ್ಯ॑ಜಯತ್ ।
ಸ॒ಮಾ॒ನಾನಾಗ್ಂ॑ ಹ॒ ವೈ ರಾ॒ಜ್ಯಮ॒ಭಿಜ॑ಯತಿ ।
ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।
ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ಯ॒ಮಾಯ॒ ಸ್ವಾಹಾ॑ ಽಪ॒ಭರ॑ಣೀಭ್ಯ॒-ಸ್ಸ್ವಾಹಾ᳚ ।
ರಾ॒ಜ್ಯಾಯ॒ ಸ್ವಾಹಾ॒ ಽಭಿಜಿ॑ತ್ಯೈ॒ ಸ್ವಾಹೇತಿ॑ ॥ 55 ॥

ಅಥೈ॒ತದ॑-ಮಾವಾ॒ಸ್ಯಾ॑ಯಾ॒ ಆಜ್ಯ॒-ನ್ನಿರ್ವ॑ಪತಿ ।
ಕಾಮೋ॒ ವಾ ಅ॑ಮಾವಾ॒ಸ್ಯಾ᳚ । ಕಾಮ॒ ಆಜ್ಯ᳚ಮ್ । ಕಾಮೇ॑ನೈ॒ವ ಕಾಮ॒ಗ್ಂ॒ ಸಮ॑ರ್ಧಯತಿ । ಕ್ಷಿ॒ಪ್ರಮೇ॑ನ॒ಗ್ಂ॒ ಸ ಕಾಮ॒ ಉಪ॑ನಮತಿ । ಯೇನ॒ ಕಾಮೇ॑ನ॒ ಯಜ॑ತೇ । ಸೋ-ಽತ್ರ॑ ಜುಹೋತಿ । ಅ॒ಮಾ॒ವಾ॒ಸ್ಯಾ॑ಯೈ॒ ಸ್ವಾಹಾ॒ ಕಾಮಾ॑ಯ॒ ಸ್ವಾಹಾ ಽಽಗ॑ತ್ಯೈ॒ ಸ್ವಾಹೇತಿ॑ ॥ 56 ॥

ಬು॒ದ್ಧ್ನಿಯಃ॑ - ಪು॒ಷಾ - ಽಶ್ವಿನೌ॑ - ಯ॒ಮೋ ದಶ॑ದ॒ಶಾ - ಥೈ॒ತದ॑ - ಮಾವಾ॒ಸ್ಯಾ॑ಯಾ ಅ॒ಷ್ಟೌ ಪಞ್ಚ॑ದಶ ) (ಅ. 5)
ಅನುವಾಕಂ 6 - ಚಾನ್ದ್ರಮಸಾದೀಷ್ಟಿಬ್ರಾಹ್ಮಣಮ್
ಚ॒ನ್ದ್ರಮಾ॒ ವಾ ಅ॑ಕಾಮಯತ । ಅ॒ಹೋ॒ರಾ॒ತ್ರಾ-ನ॑ರ್ಧಮಾ॒ಸಾ-ನ್ಮಾಸಾ॑-ನೃ॒ತೂನ್ಥ್- ಸಂ॑​ವಁಥ್ಸ॒ರ-ಮಾ॒ಪ್ತ್ವಾ । ಚ॒ನ್ದ್ರಮ॑ಸ॒-ಸ್ಸಾಯು॑ಜ್ಯಗ್ಂ ಸಲೋ॒ಕತಾ॑-ಮಾಪ್ನುಯಾ॒ಮಿತಿ॑ । ಸ ಏ॒ತ-ಞ್ಚ॒ನ್ದ್ರಮ॑ಸೇ ಪ್ರತೀ॒ದೃಶ್ಯಾ॑ಯೈ ಪುರೋ॒ಡಾಶ॒-ಮ್ಪಞ್ಚ॑ದಶಕಪಾಲ॒-ನ್ನಿರ॑ವಪತ್ ।
ತತೋ॒ ವೈ ಸೋ॑-ಽಹೋರಾ॒ತ್ರಾ-ನ॑ರ್ಧಮಾ॒ಸಾ-ನ್ಮಾಸಾ॑-ನೃ॒ತೂನ್-ಥ್ಸಂ॑​ವಁಥ್ಸ॒ರ-ಮಾ॒ಪ್ತ್ವಾ ।
ಚ॒ನ್ದ್ರಮ॑ಸ॒-ಸ್ಸಾಯು॑ಜ್ಯಗ್ಂ ಸಲೋ॒ಕತಾ॑ಮಾಪ್ನೋತ್ ।
ಅ॒ಹೋ॒ರಾ॒ತ್ರಾನ್. ಹ॒ ವಾ ಅ॑ರ್ಧಮಾ॒ಸಾ-ನ್ಮಾಸಾ॑ನ್-ಋ॒ತೂನ್-ಥ್ಸಂ॑​ವಁಥ್ಸ॒ರ-ಮಾ॒ಪ್ತ್ವಾ । ಚ॒ನ್ದ್ರಮ॑ಸ॒-ಸ್ಸಾಯು॑ಜ್ಯಗ್ಂ ಸಲೋ॒ಕತಾ॑ಮಾಪ್ನೋತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।
ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ಚ॒ನ್ದ್ರಮ॑ಸೇ॒ ಸ್ವಾಹಾ᳚ ಪ್ರತೀ॒ದೃಶ್ಯಾ॑ಯೈ॒ ಸ್ವಾಹಾ᳚ ।
ಅ॒ಹೋ॒ರಾ॒ತ್ರೇಭ್ಯ॒-ಸ್ಸ್ವಾಹಾ᳚ ಽರ್ಧಮಾ॒ಸೇಭ್ಯ॒-ಸ್ಸ್ವಾಹಾ᳚ ।
ಮಾಸೇ᳚ಭ್ಯ॒-ಸ್ಸ್ವಾಹ॒ರ್ತುಭ್ಯ॒-ಸ್ಸ್ವಾಹಾ᳚ । ಸಂ॒​ವಁ॒ಥ್ಸ॒ರಾಯ॒ ಸ್ವಾಹೇತಿ॑ ॥ 57 ॥

ಅ॒ಹೋ॒ರಾ॒ತ್ರೇ ವಾ ಅ॑ಕಾಮಯೇತಾಮ್ । ಅತ್ಯ॑ಹೋರಾ॒ತ್ರೇ ಮು॑ಚ್ಯೇವಹಿ ।
ನ ನಾ॑ವಹೋರಾ॒ತ್ರೇ ಆ᳚ಪ್ನುಯಾತಾ॒ಮಿತಿ॑ । ತೇ ಏ॒ತಮ॑ಹೋ-ರಾ॒ತ್ರಾಭ್ಯಾ᳚-ಞ್ಚ॒ರು-ನ್ನಿರ॑ವಪತಾಮ್ । ದ್ವ॒ಯಾನಾಂ᳚-ವ್ರೀಁಹೀ॒ಣಾಮ್ । ಶು॒ಕ್ಲಾನಾ᳚-ಞ್ಚ ಕೃ॒ಷ್ಣಾನಾ᳚-ಞ್ಚ । ಸ॒ವಾ॒ತ್ಯೋರ್ದು॒ಗ್ಧೇ । ಶ್ವೇ॒ತಾಯೈ॑ ಚ ಕೃ॒ಷ್ಣಾಯೈ॑ ಚ ।
ತತೋ॒ ವೈ ತೇ ಅತ್ಯ॑ಹೋರಾ॒ತ್ರೇ ಅ॑ಮುಚ್ಯೇತೇ ।
ನೈನೇ॑ ಅಹೋರಾ॒ತ್ರೇ ಆ᳚ಪ್ನುತಾಮ್ । ಅತಿ॑ ಹ॒ ವಾ ಅ॑ಹೋರಾ॒ತ್ರೇ ಮು॑ಚ್ಯತೇ । ನೈನ॑ಮಹೋರಾ॒ತ್ರೇ ಆ᳚ಪ್ನುತಃ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ​ವೇಁದ॑ ।
ಸೋ-ಽತ್ರ॑ ಜುಹೋತಿ । ಅಹ್ನೇ॒ ಸ್ವಾಹಾ॒ ರಾತ್ರಿ॑ಯೈ॒ ಸ್ವಾಹಾ᳚ ।
ಅತಿ॑ಮುಕ್ತ್ಯೈ॒ ಸ್ವಾಹೇತಿ॑ ॥ 58 ॥

ಉ॒ಷಾ ವಾ ಅ॑ಕಾಮಯತ । ಪ್ರಿ॒ಯಾ ಽಽದಿ॒ತ್ಯಸ್ಯ॑ ಸು॒ಭಗಾ᳚ ಸ್ಯಾ॒ಮಿತಿ॑ । ಸೈತಮು॒ಷಸೇ॑ ಚ॒ರು-ನ್ನಿರ॑ವಪತ್ ।
ತತೋ॒ ವೈ ಸಾ ಪ್ರಿ॒ಯಾ ಽಽದಿ॒ತ್ಯಸ್ಯ॑ ಸು॒ಭಗಾ॑ ಽಭವತ್ ।
ಪ್ರಿ॒ಯೋ ಹ॒ ವೈ ಸ॑ಮಾ॒ನಾನಾಗ್ಂ॑ ಸು॒ಭಗೋ॑ ಭವತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ । ಉ॒ಷಸೇ॒ ಸ್ವಾಹಾ॒ ವ್ಯು॑ಷ್ಟ್ಯೈ॒ ಸ್ವಾಹಾ᳚ ।
ವ್ಯೂ॒ಷುಷ್ಯೈ॒ ಸ್ವಾಹಾ᳚ ವ್ಯು॒ಚ್ಛನ್ತ್ಯೈ॒ ಸ್ವಾಹಾ᳚ । ವ್ಯು॑ಷ್ಟಾಯೈ॒ ಸ್ವಾಹೇತಿ॑ ॥ 59 ॥

ಅಥೈ॒ತಸ್ಮೈ॒ ನಕ್ಷ॑ತ್ರಾಯ ಚ॒ರು-ನ್ನಿರ್ವ॑ಪತಿ । ಯಥಾ॒ ತ್ವ-ನ್ದೇ॒ವಾನಾ॒ಮಸಿ॑ । ಏ॒ವಮ॒ಹ-ಮ್ಮ॑ನು॒ಷ್ಯಾ॑ಣಾ-ಮ್ಭೂಯಾಸ॒ಮಿತಿ॑ । ಯಥಾ॑ ಹ॒ ವಾ ಏ॒ತ-ದ್ದೇ॒ವಾನಾ᳚ಮ್ ।
ಏ॒ವಗ್ಂ ಹ॒ ವಾ ಏ॒ಷ ಮ॑ನು॒ಷ್ಯಾ॑ಣಾ-ಮ್ಭವತಿ । ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ । ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ । ನಕ್ಷ॑ತ್ರಾಯ॒ ಸ್ವಾಹೋ॑ದೇಷ್ಯ॒ತೇ ಸ್ವಾಹಾ᳚ ।
ಉ॒ದ್ಯ॒ತೇ ಸ್ವಾಹೋದಿ॑ತಾಯ॒ ಸ್ವಾಹಾ᳚ । ಹರ॑ಸೇ॒ ಸ್ವಾಹಾ॒ ಭರ॑ಸೇ॒ ಸ್ವಾಹಾ᳚ । ಭ್ರಾಜ॑ಸೇ॒ ಸ್ವಾಹಾ॒ ತೇಜ॑ಸೇ॒ ಸ್ವಾಹಾ᳚ ।
ತಪ॑ಸೇ॒ ಸ್ವಾಹಾ᳚ ಬ್ರಹ್ಮವರ್ಚ॒ಸಾಯ॒ ಸ್ವಾಹೇತಿ॑ ॥ 60 ॥

ಸೂರ್ಯೋ॒ ವಾ ಅ॑ಕಾಮಯತ । ನಕ್ಷ॑ತ್ರಾಣಾ-ಮ್ಪ್ರತಿ॒ಷ್ಠಾ ಸ್ಯಾ॒ಮಿತಿ॑ । ಸ ಏ॒ತಗ್ಂ ಸೂರ್ಯಾ॑ಯ॒ ನಕ್ಷ॑ತ್ರೇಭ್ಯಶ್ಚ॒ರು-ನ್ನಿರ॑ವಪತ್ ।
ತತೋ॒ ವೈ ಸ ನಕ್ಷ॑ತ್ರಾಣಾ-ಮ್ಪ್ರತಿ॒ಷ್ಠಾ ಽಭ॑ವತ್ ।
ಪ್ರ॒ತಿ॒ಷ್ಠಾ ಹ॒ ವೈ ಸ॑ಮಾ॒ನಾನಾ᳚-ಮ್ಭವತಿ ।
ಯ ಏ॒ತೇನ॑ ಹ॒ವಿಷಾ॒ ಯಜ॑ತೇ ।
ಯ ಉ॑ ಚೈನದೇ॒ವಂ-ವೇಁದ॑ । ಸೋ-ಽತ್ರ॑ ಜುಹೋತಿ ।
ಸೂರ್ಯಾ॑ಯ॒ ಸ್ವಾಹಾ॒ ನಕ್ಷ॑ತ್ರೇಭ್ಯ॒-ಸ್ಸ್ವಾಹಾ᳚ । ಪ್ರ॒ತಿ॒ಷ್ಠಾಯೈ॒ ಸ್ವಾಹೇತಿ॑ ॥ 61 ॥

ಅಥೈ॒ತಮದಿ॑ತ್ಯೈ ಚ॒ರು-ನ್ನಿರ್ವ॑ಪತಿ । ಇ॒ಯಂ-ವಾಁ ಅದಿ॑ತಿಃ ।
ಅ॒ಸ್ಯಾಮೇ॒ವ ಪ್ರತಿ॑ ತಿಷ್ಠತಿ । ಸೋ-ಽತ್ರ॑ ಜುಹೋತಿ ।
ಅದಿ॑ತ್ಯೈ॒ ಸ್ವಾಹಾ᳚ ಪ್ರತಿ॒ಷ್ಠಾಯೈ॒ ಸ್ವಾಹೇತಿ॑ ॥ 62 ॥

ಅಥೈ॒ತಂ-ವಿಁಷ್ಣ॑ವೇ ಚ॒ರು-ನ್ನಿರ್ವ॑ಪತಿ । ಯ॒ಜ್ಞೋ ವೈ ವಿಷ್ಣುಃ॑ । ಯ॒ಜ್ಞ ಏ॒ವಾನ್ತ॒ತಃ ಪ್ರತಿ॑ ತಿಷ್ಠತಿ । ಸೋ-ಽತ್ರ॑ ಜುಹೋತಿ । ವಿಷ್ಣ॑ವೇ॒ ಸ್ವಾಹಾ॑ ಯ॒ಜ್ಞಾಯ॒ ಸ್ವಾಹಾ᳚ । ಪ್ರ॒ತಿ॒ಷ್ಠಾಯೈ॒ ಸ್ವಾಹೇತಿ॑ ॥ 63 ॥
(ಚ॒ನ್ದ್ರಮಾಃ॒ ಪಞ್ಚ॑ದಶಾ - ಹೋರಾ॒ತ್ರೇ ಸ॒ಪ್ತದ॑ - ಶೋ॒ಷಾ ಏಕಾ॑ದ॒ಶಾ - ಥೈ॒ತಸ್ಮೈ॒ ನಕ್ಷ॑ತ್ತಾಯ॒ ತ್ರಯೋ॑ದಶ॒ - ಸೂರ್ಯೋ॒ ದಶಾ - ಥೈ॒ತಮದಿ॑ತ್ಯೈ॒ ಪಞ್ಚಾ - ಥೈ॒ತಂ-ವಿಁಷ್ಣ॑ವೇ॒ ಷಟ್-ಥ್ಸ॒ಪ್ತ) (ಅ. 6)
[ಸ॒ವಿ॒ತಾ-ಽಽಶೂ॒ನಾಂ-ವ್ರೀಁ॑ಹೀ॒ಣಾಮಿನ್ದ್ರೋ॑ ಮ॒ಹಾವ್ರೀ॑ಹೀಣಾ॒ಮಿನ್ದ್ರಃ॑ ಕೃ॒ಷ್ಣಾನೋಂ᳚
ಁವ್ರೀಹೀ॒ಣಾಮ॑ಹೋರಾ॒ತ್ರೇ ದ್ವ॒ಯಾನಾಂ᳚-ವ್ರೀಁಹೀ॒ಣಾಮ್ । ಪಿ॒ತರ॒-ಷ್ಷಟ್ಕ॑ಪಾಲಗ್ಂ ಸವಿ॒ತಾ ದ್ವಾದ॑ಶಕಪಾಲಮಿನ್ದ್ರಾ॒ಗ್ನೀ ಏಕಾ॑ದಶಕಪಾಲ॒ಮಿನ್ದ್ರ॒ ಏಕಾ॑ದಶಕಪಾಲ॒ಮಿನ್ದ್ರೋ॒ ದಶ॑ಕಪಾಲಂ॒-ವಿಁಷ್ಣು॑ಸ್ತ್ರಿಕಪಾ॒ಲಮಹಿ॒-ರ್ಭೂಮಿ॑ಕಪಾಲಮ॒ಶ್ವಿನೌ᳚ ದ್ವಿಕಪಾ॒ಲ-ಞ್ಚ॒ನ್ದ್ರಮಾಃ॒ ಪಞ್ಚ॑ದಶಕಪಾಲ-ಮ॒ಗ್ನಿರತ್ವಷ್ಟಾ॒ ವಸ॑ವೋ॒-ಽಷ್ಟಾಕ॑ಪಾಲಮ॒ನ್ಯತ್ರ॑ ಚ॒ರುಮ್ । ರು॒ದ್ರೋ᳚-ಽರ್ಯ॒ಮಾ ಪೂ॒ಷಾ ಪ॑ಶು॒ಮಾನ್-ಥ್ಸ್ಯಾ॒ಗ್ಂ॒ ಸೋಮೋ॑ ರು॒ದ್ರೋ ಬೃಹ॒ಸ್ಪತಿಃ॒ ಪಯ॑ಸಿ ವಾ॒ಯುಃ ಪಯ॒-ಸ್ಸೋಮೋ॑ ವಾ॒ಯುರಿ॑ನ್ದ್ರಾ॒ಗ್ನೀ ಮಿ॒ತ್ರ ಇನ್ದ್ರ॒ ಆಪೋ॒ ಬ್ರಹ್ಮ॑ ಯ॒ಮೋ॑-ಽಭಿಜಿ॑ತ್ಯೈ॒ ತ್ವಷ್ಟಾ᳚ ಪ್ರ॒ಜಾಪ॑ತಿಃ ಪ್ರ॒ಜಾಯೈ॑ ಪೌರ್ಣಮಾ॒ಸ್ಯಾ ಅ॑ಮಾವಾ॒ಸ್ಯಾ॑ಯಾ॒ ಆಗ॑ತ್ಯೈ॒ ವಿಶ್ವೇ॒ ಜಿತ್ಯಾ॑
ಅ॒ಶ್ವಿನೌ॒ ಶ್ರುತ್ಯೈ᳚ । ಬ್ರಹ್ಮ॒ ತದೇ॒ತಂ-ವಿಁಷ್ಣು॒-ಸ್ಸ ಏ॒ತಂ-ವಾಁ॒ಯು-ಸ್ಸ ಏ॒ತದಾಪ॒ಸ್ತಾಃ । ಪಿ॒ತರೋ॒ ವಿಶ್ವೇ॒ ವಸ॑ವೋ-ಽಕಾಮಯನ್ತ॒ಮೇತಿ॒ ತ ಏ॒ತ-ನ್ನಿರ॑ವಪನ್ನ್ । ಆಪೋ॑-ಽಕಾಮಯನ್ತ॒ ಮೇತಿ॒ ತಾ ಏ॒ತ-ನ್ನಿರ॑ವಪನ್ನ್ । ಇ॒ನ್ದ್ರಾ॒ಗ್ನೀ ಅ॒ಶ್ವಿನಾ॑ವಕಾಮಯೇತಾಂ॒-ವೇಁತಿ॒ ತಾವೇ॒ತ-ನ್ನಿರ॑ವಪದಾಮ್ । ಅ॒ಹೋ॒ರಾ॒ತ್ರೇ ವಾ ಅ॑ಕಾಮಯೇತಾ॒ಮಿತಿ॒ ತೇ ಏ॒ತ-ನ್ನಿರ॑ವಪತಾಮ್ ।
ಅ॒ನ್ಯತ್ರಾ॑ಕಾಮಯತ॒ಮಿತಿ॒ ಸ ಏ॒ತ-ನ್ನಿರ॑ವಪತ್ । ಇ॒ನ್ದ್ರಾ॒ಗ್ನೀ ಶ್ರೈಷ್ಠ್ಯ॒ಮಿನ್ದ್ರೋ॒ ಜ್ಯೈಷ್ಠ್ಯ॒ಮಿನ್ದ್ರೋ॑ ದೃ॒ಢಃ ।
ಆಹಿ॒-ಸ್ಸೂರ್ಯೋ-ಽದಿ॑ತ್ಯೈ॒ ವಿಷ್ಣ॑ವೇ ಪ್ರತಿ॒ಷ್ಠಾಯೈ᳚ ।
ಸೋಮೋ॑ ಯ॒ಮ-ಸ್ಸ॑ಮಾ॒ನಾನಾ᳚ಮ್ । ಅ॒ಗ್ನಿರ್ನೋ॑ ರೀರಿಷದ॒ನ್ಯತ್ರ॑ ರೀರಿಷಃ]
[ವಿ॒ದುಷೋ॑ ಹ॒ವಿಷಾ॒ ಯ ಉ॑ ಚೈನದೇ॒ವಂ-ವೇಁದ॑ । ಇಷ್ಟಿ॑ಭಿ॒ರ್ಯ ಉ॑ ಚೈನಾ ಏ॒ವಂ-ವೇಁದ॑ ।
ಅ॒ನ್ಯತ್ರ॑ ಬ್ರಾಹ್ಮ॒ಣೇ ಯ ಉ॑ ಚೈನಮೇ॒ವಂ-ವೇಁದ॑ ]
ಫ್ರಪಾತಕ ಖೋರ್ವೈ ವಿ-ಥ್ಸ್ತರ್ತಿನ್ಗ್ ಫದಮ್ಸ್ ಒf 1 ತೊ 6 ಆನುವಾಕಮ್ಸ್ ಃ-
(ಅ॒ಗ್ನಿರ್ನ॑-ಋ॒ದ್ಧ್ಯಾಸ್ಮ॒-ನವೋ॑ನವೋ॒-ಽಗ್ನಿ-ರ್ಮಿ॒ತ್ರ - ಶ್ಚ॒ನ್ದ್ರಮಾ॒-ಷ್ಷಟ್)
(ಅ॒ಗ್ನಿರ್ನ॒ - ಸ್ತನ್ನೋ॑ ವಾ॒ಯು - ರಹಿ॑ರ್ಬೂ॒ದ್ಧ್ನಿಯ॑ - ಋ॒ಕ್ಷಾ ವಾ ಇ॒ಯ - ಮಥೈ॒ತ-ತ್ಪೌ᳚ರ್ಣಮಾ॒ಸ್ಯಾ - ಅ॒ಜೋ ವಾ ಏಕ॑ಪಾ॒ಥ್ - ಸೂರ್ಯ॒ ಸ್ತ್ರಿಷ॑ಷ್ಟಿಃ)
(ಅ॒ಗ್ನಿರ್ನಃ॑ - ಪಾತು ಪ್ರತಿ॒ಷ್ಠಾಯೈ॒ ಸ್ವಾಹೇತಿ॑ )
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ತೃತೀಯಾಷ್ಟಕೇ ಪ್ರಥಮಃ ಪ್ರಪಾಠಕ-ಸ್ಸಮಾಪ್ತಃ ॥