What is Nakshatreshti Yajyanuvakya Brahmanani?

Read Nakshatreshti Yajyanuvakya Brahmanani in Odia script — full lyrics with English meaning and transliteration. This text originates from the third ashtaka of the Taittiriya Brahmana within the Krishna Yajurveda. It contains the sacred yajya and anuvakya mantras specifically prescribed for Nakshatreshti, a ritual dedicated to the twenty-seven celestial constellations. Each mantra invokes a specific Nakshatra, acknowledging its divine influence over human life and the cosmos. The chanting of these verses serves to harmonize one's personal vibrations with the stellar energies of the universe. Regular recitation is believed to appease the planetary deities, mitigate astrological afflictions, and bestow spiritual clarity, prosperity, and cosmic protection upon the practitioner.

Which deity is Nakshatreshti Yajyanuvakya Brahmanani dedicated to?

Nakshatreshti Yajyanuvakya Brahmanani is a Sanskrit hymn dedicated to The Nakshatras (Celestial Constellations).

Who composed Nakshatreshti Yajyanuvakya Brahmanani?

Nakshatreshti Yajyanuvakya Brahmanani is traditionally attributed to From Taittiriya Brahmana, Krishna Yajurveda.

Nakshatreshti Yajyanuvakya Brahmanani in Odia – Lyrics

କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ବ୍ରାହ୍ମଣେ ତୃତୀଯାଷ୍ଟକେ ପ୍ରଥମଃ ପ୍ରପାଠକଃ - ନକ୍ଷତ୍ରେଷ୍ଟୀନାଂ-ଯାଁଜ୍ଯା-ଽନୁଵାକ୍ଯା ବ୍ରାହ୍ମଣାନି
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତଯେ ନମଃ,
ଶ୍ରୀ ଗୁରୁଭ୍ଯୋ ନମଃ । ହରିଃ ଓମ୍ ॥
ଅନୁଵାକଂ 1 - ଦେଵନକ୍ଷତ୍ରାଣାଂ-ଯାଁଜ୍ଯାନୁଵାକ୍ଯାଃ
ଅଗ୍ନିର୍ନଃ ପାତୁ କୃତ୍ତିକାଃ । ନକ୍ଷତ୍ର-ନ୍ଦେଵମିନ୍ଦ୍ରିଯମ୍ । ଇଦମାସାଂ-ଵିଁଚକ୍ଷଣମ୍ । ହଵିରାସ-ଞ୍ଜୁହୋତନ ॥ ଯସ୍ଯ ଭାନ୍ତି ରଶ୍ମଯୋ ଯସ୍ଯ କେତଵଃ । ଯସ୍ଯେମା ଵିଶ୍ଵା ଭୁଵନାନି ସର୍ଵା ।
ସ କୃତ୍ତିକାଭିରଭି ସଂଵଁସାନଃ । ଅଗ୍ନିର୍ନୋ ଦେଵ-ସ୍ସୁଵିତେ ଦଧାତୁ ॥ ପ୍ରଜାପତେ ରୋହିଣୀ ଵେତୁ ପତ୍ନୀ ।
ଵିଶ୍ଵରୂପା ବୃହତୀ ଚିତ୍ରଭାନୁଃ ॥ 1 ॥

ସା ନୋ ଯଜ୍ଞସ୍ଯ ସୁଵିତେ ଦଧାତୁ । ଯଥା ଜୀଵେମ ଶରଦ-ସ୍ସଵୀରାଃ ॥ ରୋହିଣୀ ଦେଵ୍ଯୁଦଗା-ତ୍ପୁରସ୍ତାତ୍ । ଵିଶ୍ଵା ରୂପାଣି ପ୍ରତିମୋଦମାନା । ପ୍ରଜାପତିଗ୍ଂ ହଵିଷା ଵର୍ଧଯନ୍ତୀ । ପ୍ରିଯା ଦେଵାନା-ମୁପଯାତୁ ଯଜ୍ଞମ୍ ॥ ସୋମୋ ରାଜା ମୃଗଶୀର.ଷେଣ ଆଗନ୍ନ୍ । ଶିଵ-ନ୍ନକ୍ଷତ୍ର-ମ୍ପ୍ରିଯମସ୍ଯ ଧାମ ।
ଆପ୍ଯାଯମାନୋ ବହୁଧା ଜନେଷୁ ।
ରେତଃ ପ୍ରଜାଂ-ଯଁଜମାନେ ଦଧାତୁ ॥ 2 ॥

ଯ-ତ୍ତେ ନକ୍ଷତ୍ର-ମ୍ମୃଗଶୀର.ଷମସ୍ତି ।
ପ୍ରିଯଗ୍ଂ ରାଜ-ନ୍ପ୍ରିଯତମ-ମ୍ପ୍ରିଯାଣାମ୍ ।
ତସ୍ମୈ ତେ ସୋମ ହଵିଷା ଵିଧେମ ।
ଶନ୍ନ ଏଧି ଦ୍ଵିପଦେ ଶ-ଞ୍ଚତୁଷ୍ପଦେ ॥
ଆର୍ଦ୍ରଯା ରୁଦ୍ରଃ ପ୍ରଥମାନ ଏତି । ଶ୍ରେଷ୍ଠୋ ଦେଵାନା-ମ୍ପତିରଘ୍ନିଯାନାମ୍ । ନକ୍ଷତ୍ରମସ୍ଯ ହଵିଷା ଵିଧେମ । ମା ନଃ ପ୍ରଜାଗ୍ଂ ରୀରିଷ-ନ୍ମୋତ ଵୀରାନ୍ ॥
ହେତୀ ରୁଦ୍ରସ୍ଯ ପରିଣୋ ଵୃଣକ୍ତୁ । ଆର୍ଦ୍ରା ନକ୍ଷତ୍ର-ଞ୍ଜୁଷତାଗ୍ଂ ହଵିର୍ନଃ ॥ 3 ॥

ପ୍ରମୁଞ୍ଚମାନୌ ଦୁରିତାନି ଵିଶ୍ଵା । ଅପାଘଶଗ୍ଂ ସ-ନ୍ନୁଦତାମରାତିମ୍ ॥ ପୁନର୍ନୋ ଦେଵ୍ଯଦିତି-ସ୍ସ୍ପୃଣୋତୁ । ପୁନର୍ଵସୂ ନଃ ପୁନରେତାଂ-ଯଁଜ୍ଞମ୍ ।
ପୁନର୍ନୋ ଦେଵା ଅଭିଯନ୍ତୁ ସର୍ଵେ । ପୁନଃ ପୁନର୍ଵୋ ହଵିଷା ଯଜାମଃ ॥ ଏଵା ନ ଦେଵ୍ଯଦିତିରନର୍ଵା । ଵିଶ୍ଵସ୍ଯ ଭର୍ତ୍ରୀ ଜଗତଃ ପ୍ରତିଷ୍ଠା । ପୁନର୍ଵସୂ ହଵିଷା ଵର୍ଧଯନ୍ତୀ । ପ୍ରିଯ-ନ୍ଦେଵାନା-ମପ୍ଯେତୁ ପାଥଃ ॥ 4 ॥

ବୃହସ୍ପତିଃ ପ୍ରଥମ-ଞ୍ଜାଯମାନଃ । ତିଷ୍ଯ-ନ୍ନକ୍ଷତ୍ରମଭି ସମ୍ବଭୂଵ । ଶ୍ରେଷ୍ଠୋ ଦେଵାନା-ମ୍ପୃତନାସୁ ଜିଷ୍ଣୁଃ । ଦିଶୋ-ଽନୁ ସର୍ଵା ଅଭଯନ୍ନୋ ଅସ୍ତୁ ॥
ତିଷ୍ଯଃ ପୁରସ୍ତାଦୁତ ମଦ୍ଧ୍ଯତୋ ନଃ । ବୃହସ୍ପତି ର୍ନଃ ପରିପାତୁ ପଶ୍ଚାତ୍ । ବାଧେତା-ନ୍ଦ୍ଵେଷୋ ଅଭଯ-ଙ୍କୃଣୁତାମ୍ । ସୁଵୀର୍ଯସ୍ଯ ପତଯ-ସ୍ସ୍ଯାମ ॥
ଇଦଗ୍ଂ ସର୍ପେଭ୍ଯୋ ହଵିରସ୍ତୁ ଜୁଷ୍ଟମ୍ ।
ଆଶ୍ରେଷା ଯେଷା-ମନୁଯନ୍ତି ଚେତଃ ॥ 5 ॥

ଯେ ଅନ୍ତରିକ୍ଷ-ମ୍ପୃଥିଵୀ-ଙ୍କ୍ଷିଯନ୍ତି । ତେନଃ ସର୍ପାସୋ ହଵମାଗମିଷ୍ଠାଃ ॥ ଯେ ରୋଚନେ ସୂର୍ଯସ୍ଯାପି
ସର୍ପାଃ । ଯେ ଦିଵ-ନ୍ଦେଵୀମନୁ ସଞ୍ଚରନ୍ତି ।
ଯେଷାମାଶ୍ରେଷା ଅନୁଯନ୍ତି କାମମ୍ ।
ତେଭ୍ଯଃ ସର୍ପେଭ୍ଯୋ ମଧୁମଜ୍ଜୁହୋମି ॥
ଉପହୂତାଃ ପିତରୋ ଯେ ମଘାସୁ । ମନୋଜଵସ-ସ୍ସୁକୃତଃ ସୁକୃତ୍ଯାଃ । ତେ ନୋ ନକ୍ଷତ୍ରେ ହଵମାଗମିଷ୍ଠାଃ । ସ୍ଵଧାଭି ର୍ଯଜ୍ଞ-ମ୍ପ୍ରଯତ-ଞ୍ଜୁଷନ୍ତାମ୍ ॥ 6 ॥

ଯେ ଅଗ୍ନିଦଗ୍ଧା ଯେ-ଽନଗ୍ନି-ଦଗ୍ଧାଃ । ଯେ-ଽମୁଂ-ଲୋଁକ-ମ୍ପିତରଃ କ୍ଷିଯନ୍ତି । ଯାଗ୍ଶ୍ଚ ଵିଦ୍ମଯାଗ୍ଂ ଉ ଚ ନ ପ୍ରଵିଦ୍ମ । ମଘାସୁ ଯଜ୍ଞଗ୍ଂ ସୁକୃତ-ଞ୍ଜୁଷନ୍ତାମ୍ ॥
ଗଵା-ମ୍ପତିଃ ଫଲ୍ଗୁନୀନାମସି ତ୍ଵମ୍ । ତଦର୍ଯମନ୍ ଵରୁଣ ମିତ୍ର ଚାରୁ । ତ-ନ୍ତ୍ଵା ଵଯଗ୍ଂ ସନିତାରଗ୍ଂ ସନୀନାମ୍ । ଜୀଵା ଜୀଵନ୍ତମୁପ ସଂଵିଁଶେମ ॥
ଯେନେମା ଵିଶ୍ଵା ଭୁଵନାନି ସଞ୍ଜିତା ।
ଯସ୍ଯ ଦେଵା ଅନୁ ସଂଯଁନ୍ତି ଚେତଃ ॥ 7 ॥

ଅର୍ଯମା ରାଜା-ଽଜରସ୍ତୁଵିଷ୍ମାନ୍ । ଫଲ୍ଗୁନୀନା-ମୃଷଭୋ ରୋରଵୀତି ॥ ଶ୍ରେଷ୍ଠୋ ଦେଵାନା-ମ୍ଭଗଵୋ ଭଗାସି । ତତ୍ତ୍ଵା ଵିଦୁଃ ଫଲ୍ଗୁନୀସ୍ତସ୍ଯ ଵିତ୍ତାତ୍ । ଅସ୍ମଭ୍ଯ-ଙ୍କ୍ଷତ୍ରମଜରଗ୍ଂ ସୁଵୀର୍ଯମ୍ । ଗୋମଦଶ୍ଵ-ଵଦୁପ-ସନ୍ନୁଦେହ ॥ ଭଗୋ ହ ଦାତା ଭଗ ଇ-ତ୍ପ୍ରଦାତା । ଭଗୋ ଦେଵୀଃ ଫଲ୍ଗୁନୀରାଵିଵେଶ । ଭଗସ୍ଯେତ୍ତ-ମ୍ପ୍ରସଵ-ଙ୍ଗମେମ । ଯତ୍ର ଦେଵୈ-ସ୍ସଧମାଦ-ମ୍ମଦେମ ॥ 8 ॥

ଆଯାତୁ ଦେଵ-ସ୍ସଵିତୋପଯାତୁ । ହିରଣ୍ଯଯେନ ସୁଵୃତା ରଥେନ । ଵହନ୍. ହସ୍ତଗ୍ଂ ସୁଭଗଂ-ଵିଁଦ୍ମନାପସମ୍ । ପ୍ରଯଚ୍ଛନ୍ତ-ମ୍ପପୁରି-ମ୍ପୁଣ୍ଯମଚ୍ଛ ॥
ହସ୍ତଃ ପ୍ରଯଚ୍ଛ ତ୍ଵମୃତଂ-ଵଁସୀଯଃ ।
ଦକ୍ଷିଣେନ ପ୍ରତିଗୃଭ୍ଣୀମ ଏନତ୍ ।
ଦାତାରମଦ୍ଯ ସଵିତା ଵିଦେଯ ।
ଯୋ ନୋ ହସ୍ତାଯ ପ୍ରସୁଵାତି ଯଜ୍ଞମ୍ ॥
ତ୍ଵଷ୍ଟା ନକ୍ଷତ୍ରମଭ୍ଯେତି ଚିତ୍ରାମ୍ ।
ସୁଭଗ୍ଂ ସସଂ-ଯୁଁଵତିଗ୍ଂ ରୋଚମାନାମ୍ ॥ 9 ॥

ନିଵେଶଯ-ନ୍ନମୃତା-ନ୍ମର୍ତ୍ଯାଗ୍ଶ୍ଚ ।
ରୂପାଣି ପିଗ୍ଂଶ-ନ୍ଭୁଵନାନି ଵିଶ୍ଵା ॥
ତନ୍ନସ୍ତ୍ଵଷ୍ଟା ତଦୁ ଚିତ୍ରା ଵିଚଷ୍ଟାମ୍ ।
ତନ୍ନକ୍ଷତ୍ର-ମ୍ଭୂରିଦା ଅସ୍ତୁ ମହ୍ଯମ୍ ।
ତନ୍ନଃ ପ୍ରଜାଂ-ଵୀଁରଵତୀଗ୍ଂ ସନୋତୁ ।
ଗୋଭିର୍ନୋ ଅଶ୍ଵୈ-ସ୍ସମନକ୍ତୁ ଯଜ୍ଞମ୍ ॥
ଵାଯୁର୍ନକ୍ଷତ୍ର-ମଭ୍ଯେତି ନିଷ୍ଟ୍ଯାମ୍ ।
ତିଗ୍ମଶୃଙ୍ଗୋ ଵୃଷଭୋ ରୋରୁଵାଣଃ ।
ସମୀରଯ-ନ୍ଭୁଵନା ମାତରିଶ୍ଵା ।
ଅପ ଦ୍ଵେଷାଗ୍ଂସି ନୁଦତାମରାତୀଃ ॥ 10 ॥

ତନ୍ନୋ ଵାଯୁସ୍ତଦୁ ନିଷ୍ଟ୍ଯା ଶୃଣୋତୁ ।
ତନ୍ନକ୍ଷତ୍ର-ମ୍ଭୂରିଦା ଅସ୍ତୁ ମହ୍ଯମ୍ ।
ତନ୍ନୋ ଦେଵାସୋ ଅନୁ ଜାନନ୍ତୁ କାମମ୍ । ଯଥା ତରେମ ଦୁରିତାନି ଵିଶ୍ଵା ॥ ଦୂରମସ୍ମଚ୍ଛତ୍ରଵୋ ଯନ୍ତୁ ଭୀତାଃ । ତଦିନ୍ଦ୍ରାଗ୍ନୀ କୃଣୁତା-ନ୍ତ-ଦ୍ଵିଶାଖେ ।
ତନ୍ନୋ ଦେଵା ଅନୁମଦନ୍ତୁ ଯଜ୍ଞମ୍ । ପଶ୍ଚା-ତ୍ପୁରସ୍ତା-ଦଭଯନ୍ନୋ ଅସ୍ତୁ ॥ ନକ୍ଷତ୍ରାଣା-ମଧିପତ୍ନୀ ଵିଶାଖେ ।
ଶ୍ରେଷ୍ଠାଵିନ୍ଦ୍ରାଗ୍ନୀ ଭୁଵନସ୍ଯ ଗୋପୌ ॥ 11 ॥

ଵିଷୂଚ-ଶ୍ଶତ୍ରୂ-ନପବାଧମାନୌ । ଅପ କ୍ଷୁଧ-ନ୍ନୁଦତାମରାତିମ୍ ॥ ପୂର୍ଣା ପଶ୍ଚାଦୁତ ପୂର୍ଣା ପୁରସ୍ତାତ୍ । ଉନ୍ମଦ୍ଧ୍ଯତଃ ପୌର୍ଣମାସୀ ଜିଗାଯ ।
ତସ୍ଯା-ନ୍ଦେଵା ଅଧି ସଂଵଁସନ୍ତଃ ।
ଉତ୍ତମେ ନାକ ଇହ ମାଦଯନ୍ତାମ୍ ॥
ପୃଥ୍ଵୀ ସୁଵର୍ଚା ଯୁଵତି-ସ୍ସଜୋଷାଃ । ପୌର୍ଣମାସ୍ଯୁଦଗା-ଚ୍ଛୋଭମାନା ।
ଆପ୍ଯାଯଯନ୍ତୀ ଦୁରିତାନି ଵିଶ୍ଵା ।
ଉରୁ-ନ୍ଦୁହାଂ-ଯଁଜମାନାଯ ଯଜ୍ଞମ୍ ॥ 12 ॥

(ଚିତ୍ରଭାନୁ-ର୍ ଯଜମାନେ ଦଧାତୁ - ହଵିର୍ନଃ - ପାଥ - ଶ୍ଚେତୋ - ଜୁଷନ୍ତାଂ - ଚେତୋ - ମଦେମ - ରୋଚମାନା - ମରାତୀ--ର୍ ଗୋପୌ - ଯଜ୍ଞଂ) (ଅ. 1)
ଅନୁଵାକଂ 2 - ଯମନକ୍ଷତ୍ରାଣାଂ-ଯାଁଜ୍ଯାନୁଵାକ୍ଯାଃ
ଋଦ୍ଧ୍ଯାସ୍ମ ହଵ୍ଯୈ-ର୍ନମସୋପ ସଦ୍ଯ ।
ମିତ୍ର-ନ୍ଦେଵ-ମ୍ମିତ୍ରଧେଯନ୍ନୋ ଅସ୍ତୁ । ଅନୂରାଧାନ୍. ହଵିଷା ଵର୍ଧଯନ୍ତଃ । ଶତ-ଞ୍ଜୀଵେମ ଶରଦ-ସ୍ସଵୀରାଃ ॥ ଚିତ୍ର-ନ୍ନକ୍ଷତ୍ର-ମୁଦଗା-ତ୍ପୁରସ୍ତାତ୍ । ଅନୂରାଧାସ ଇତି ଯ-ଦ୍ଵଦନ୍ତି । ତନ୍ମିତ୍ର ଏତି ପଥିଭି ର୍ଦେଵଯାନୈଃ । ହିରଣ୍ଯଯୈ ର୍ଵିତତୈ-ରନ୍ତରିକ୍ଷେ ॥
ଇନ୍ଦ୍ରୋ ଜ୍ଯେଷ୍ଠାମନୁ ନକ୍ଷତ୍ରମେତି । ଯସ୍ମିନ୍ ଵୃତ୍ରଂ-ଵୃଁତ୍ର ତୂର୍ଯେ ତତାର ॥ 13 ॥

ତସ୍ମିନ୍ ଵଯମମୃତ-ନ୍ଦୁହାନାଃ । କ୍ଷୁଧ-ନ୍ତରେମ ଦୁରିତି-ନ୍ଦୁରିଷ୍ଟିମ୍ ॥ ପୁରନ୍ଦରାଯ ଵୃଷଭାଯ ଧୃଷ୍ଣଵେ । ଅଷାଢାଯ ସହମାନାଯ ମୀଢୁଷେ ।
ଇନ୍ଦ୍ରାଯ ଜ୍ଯେଷ୍ଠା ମଧୁମ-ଦ୍ଦୁହାନା ।
ଉରୁ-ଙ୍କୃଣୋତୁ ଯଜମାନାଯ ଲୋକମ୍ ॥
ମୂଲ-ମ୍ପ୍ରଜାଂ-ଵୀଁରଵତୀଂ-ଵିଁଦେଯ । ପରାଚ୍ଯେତୁ ନିର୍-ଋତିଃ ପରାଚା । ଗୋଭି ର୍ନକ୍ଷତ୍ର-ମ୍ପଶୁଭି-ସ୍ସମକ୍ତମ୍ । ଅହର୍ଭୂଯା-ଦ୍ଯଜମାନାଯ ମହ୍ଯମ୍ ॥ 14 ॥

ଅହର୍ନୋ ଅଦ୍ଯ ସୁଵିତେ ଦଧାତୁ । ମୂଲ-ନ୍ନକ୍ଷତ୍ରମିତି ଯ-ଦ୍ଵଦନ୍ତି । ପରାଚୀଂ-ଵାଁଚା ନିର୍-ଋତି-ନ୍ନୁଦାମି ।
ଶିଵ-ମ୍ପ୍ରଜାଯୈ ଶିଵମସ୍ତୁ ମହ୍ଯମ୍ ॥
ଯା ଦିଵ୍ଯା ଆପଃ ପଯସା ସ-ମ୍ବଭୂଵୁଃ । ଯା ଅନ୍ତରିକ୍ଷ ଉତ ପାର୍ଥିଵୀର୍ଯାଃ । ଯାସାମଷାଢା ଅନୁଯନ୍ତି
କାମମ୍ । ତା ନ ଆପ-ଶ୍ଶଗ୍ଗ୍ ସ୍ଯୋନା ଭଵନ୍ତୁ ॥
ଯାଶ୍ଚ କୂପ୍ଯା ଯାଶ୍ଚ ନାଦ୍ଯା-ସ୍ସମୁଦ୍ରିଯାଃ ।
ଯାଶ୍ଚ ଵୈଶନ୍ତୀରୁତ ପ୍ରାସଚୀର୍ଯାଃ ॥ 15 ॥

ଯାସାମଷାଢା ମଧୁ ଭକ୍ଷଯନ୍ତି । ତା ନ ଆପ-ଶ୍ଶଗ୍ଗ୍ ସ୍ଯୋନା ଭଵନ୍ତୁ ॥ ତନ୍ନୋ ଵିଶ୍ଵେ ଉପ ଶୃଣ୍ଵନ୍ତୁ ଦେଵାଃ । ତଦଷାଢା ଅଭି ସଂଯଁନ୍ତୁ ଯଜ୍ଞମ୍ ।
ତନ୍ନକ୍ଷତ୍ର-ମ୍ପ୍ରଥତା-ମ୍ପଶୁଭ୍ଯଃ ।
କୃଷି-ର୍ଵୃଷ୍ଟି-ର୍ଯଜମାନାଯ କଲ୍ପତାମ୍ ॥
ଶୁଭ୍ରାଃ କନ୍ଯା ଯୁଵତଯଃ ସୁପେଶସଃ । କର୍ମକୃତଃ ସୁକୃତୋ ଵୀର୍ଯାଵତୀଃ ।
ଵିଶ୍ଵା-ନ୍ଦେଵାନ୍. ହଵିଷା ଵର୍ଧଯନ୍ତୀଃ ।
ଅଷାଢାଃ କାମମୁପଯାନ୍ତୁ ଯଜ୍ଞମ୍ ॥ 16 ॥

ଯସ୍ମି-ନ୍ବ୍ରହ୍ମା-ଽଭ୍ଯଜଯ-ଥ୍ସର୍ଵମେତତ୍ ।
ଅମୁଞ୍ଚ ଲୋକ ମିଦମୂଚ ସର୍ଵମ୍ ।
ତନ୍ନୋ ନକ୍ଷତ୍ରମଭିଜି-ଦ୍ଵିଜିତ୍ଯ । ଶ୍ରିଯ-ନ୍ଦଧା-ତ୍ଵହୃଣୀଯମାନମ୍ ॥ ଉଭୌ ଲୋକୌ ବ୍ରହ୍ମଣା ସଞ୍ଜିତେମୌ । ତନ୍ନୋ ନକ୍ଷତ୍ରମଭିଜି-ଦ୍ଵିଚଷ୍ଟାମ୍ ।
ତସ୍ମିନ୍ ଵଯ-ମ୍ପୃତନା-ସ୍ସ-ଞ୍ଜଯେମ ।
ତନ୍ନୋ ଦେଵାସୋ ଅନୁଜାନନ୍ତୁ କାମମ୍ ॥
ଶୃଣ୍ଵନ୍ତି ଶ୍ରୋଣା-ମମୃତସ୍ଯ ଗୋପାମ୍ ।
ପୁଣ୍ଯାମସ୍ଯା ଉପଶୃଣୋମି ଵାଚମ୍ ॥ 17 ॥

ମହୀ-ନ୍ଦେଵୀଂ-ଵିଁଷ୍ଣୁପତ୍ନୀ-ମଜୂର୍ଯାମ୍ । ପ୍ରତୀଚୀମେନାଗ୍ଂ ହଵିଷା ଯଜାମଃ ॥
ତ୍ରେଧା ଵିଷ୍ଣୁ-ରୁରୁଗାଯୋ ଵିଚକ୍ରମେ ।
ମହୀ-ନ୍ଦିଵ-ମ୍ପୃଥିଵୀ-ମନ୍ତରିକ୍ଷମ୍ ।
ତଚ୍ଛ୍ରୋଣୈତି ଶ୍ରଵ ଇଚ୍ଛମାନା ।
ପୁଣ୍ଯଗ୍ଗ୍ ଶ୍ଲୋକଂ-ଯଁଜମାନାଯ କୃଣ୍ଵତୀ ॥
ଅଷ୍ଟୌ ଦେଵା ଵସଵ-ସ୍ସୋମ୍ଯାସଃ ।
ଚତସ୍ରୋ ଦେଵୀ ରଜରା-ଶ୍ଶ୍ରଵିଷ୍ଠାଃ ।
ତେ ଯଜ୍ଞ-ମ୍ପାନ୍ତୁ ରଜସଃ ପରସ୍ତାତ୍ ।
ସଂଵଁଥ୍ସରୀଣ-ମମୃତଗ୍ଗ୍ ସ୍ଵସ୍ତି ॥ 18 ॥

ଯଜ୍ଞ-ନ୍ନଃ ପାନ୍ତୁ ଵସଵଃ ପୁରସ୍ତାତ୍ । ଦକ୍ଷିଣତୋ-ଽଭିଯନ୍ତୁ ଶ୍ରଵିଷ୍ଠାଃ । ପୁଣ୍ଯ-ନ୍ନକ୍ଷତ୍ରମଭି ସଂଵିଁଶାମ । ମା ନୋ ଅରାତି-ରଘଶଗ୍ଂସା ଗନ୍ନ୍ ॥
କ୍ଷତ୍ରସ୍ଯ ରାଜା ଵରୁଣୋ-ଽଧିରାଜଃ । ନକ୍ଷତ୍ରାଣାଗ୍ଂ ଶତଭିଷଗ୍ ଵସିଷ୍ଠଃ । ତୌ ଦେଵେଭ୍ଯଃ କୃଣୁତୋ ଦୀର୍ଘମାଯୁଃ । ଶତଗ୍ଂ ସହସ୍ରା ଭେଷଜାନି ଧତ୍ତଃ ॥
ଯଜ୍ଞନ୍ନୋ ରାଜା ଵରୁଣ ଉପଯାତୁ । ତନ୍ନୋ ଵିଶ୍ଵେ ଅଭି ସଂଯଁନ୍ତୁ ଦେଵାଃ ॥ 19 ॥

ତନ୍ନୋ ନକ୍ଷତ୍ରଗ୍ଂ ଶତଭିଷଗ୍ ଜୁଷାଣମ୍ । ଦୀର୍ଘମାଯୁଃ ପ୍ରତିର-ଦ୍ଭେଷଜାନି ॥ ଅଜ ଏକପାଦୁଦଗା-ତ୍ପୁରସ୍ତାତ୍ । ଵିଶ୍ଵା ଭୂତାନି ପ୍ରତିମୋଦମାନଃ । ତସ୍ଯ ଦେଵାଃ ପ୍ରସଵଂ-ଯଁନ୍ତି ସର୍ଵେ । ପ୍ରୋଷ୍ଠପଦାସୋ ଅମୃତସ୍ଯ ଗୋପାଃ ॥
ଵିଭ୍ରାଜମାନ-ସ୍ସମିଧାନ ଉଗ୍ରଃ । ଆ-ଽନ୍ତରିକ୍ଷ-ମରୁହଦ-ଗନ୍ଦ୍ଯାମ୍ । ତଗ୍ଂ ସୂର୍ଯ-ନ୍ଦେଵ-ମଜମେକପାଦମ୍ । ପ୍ରୋଷ୍ଠପଦାସୋ ଅନୁଯନ୍ତି ସର୍ଵେ ॥ 20 ॥

ଅହି-ର୍ବୁଦ୍ଧ୍ନିଯଃ ପ୍ରଥମାନ ଏତି । ଶ୍ରେଷ୍ଠୋ ଦେଵାନାମୁତ ମାନୁଷାଣାମ୍ । ତ-ମ୍ବ୍ରାହ୍ମଣା-ସ୍ସୋମପା-ସ୍ସୋମ୍ଯାସଃ ।
ପ୍ରୋଷ୍ଠପଦାସୋ ଅଭି ରକ୍ଷନ୍ତି ସର୍ଵେ ॥
ଚତ୍ଵାର ଏକମଭି କର୍ମ ଦେଵାଃ ।
ପ୍ରୋଷ୍ଠପଦାସ ଇତି ଯାନ୍. ଵଦନ୍ତି ।
ତେ ବୁଦ୍ଧନିଯ-ମ୍ପରିଷଦ୍ଯଗ୍ଗ୍ ସ୍ତୁଵନ୍ତଃ ।
ଅହିଗ୍ଂ ରକ୍ଷନ୍ତି ନମସୋପସଦ୍ଯ ॥
ପୂଷା ରେଵତ୍ଯନ୍ଵେତି ପନ୍ଥାମ୍ । ପୁଷ୍ଟିପତୀ ପଶୁପା ଵାଜବସ୍ତ୍ଯୌ ॥ 21 ॥

ଇମାନି ହଵ୍ଯା ପ୍ରଯତା ଜୁଷାଣା ।
ସୁଗୈର୍ନୋ ଯାନୈରୁପଯାତାଂ-ଯଁଜ୍ଞମ୍ ॥
କ୍ଷୁଦ୍ରା-ନ୍ପଶୂ-ନ୍ରକ୍ଷତୁ ରେଵତୀ ନଃ ।
ଗାଵୋ ନୋ ଅଶ୍ଵାଗ୍ଂ ଅନ୍ଵେତୁ ପୂଷା ।
ଅନ୍ନଗ୍ଂ ରକ୍ଷନ୍ତୌ ବହୁଧା ଵିରୂପମ୍ ।
ଵାଜଗ୍ଂ ସନୁତାଂ-ଯଁଜମାନାଯ ଯଜ୍ଞମ୍ ॥
ତଦଶ୍ଵିନା-ଵଶ୍ଵଯୁଜୋପଯାତାମ୍ ।
ଶୁଭ-ଙ୍ଗମିଷ୍ଠୌ ସୁଯମେଭିରଶ୍ଵୈଃ ।
ସ୍ଵ-ନ୍ନକ୍ଷତ୍ରଗ୍ଂ ହଵିଷା ଯଜନ୍ତୌ ।
ମଦ୍ଧ୍ଵା ସମ୍ପୃକ୍ତୌ ଯଜୁଷା ସମକ୍ତୌ ॥ 22 ॥

ଯୌ ଦେଵାନା-ମ୍ଭିଷଜୌ ହଵ୍ଯଵାହୌ । ଵିଶ୍ଵସ୍ଯ ଦୂତା-ଵମୃତସ୍ଯ ଗୋପୌ । ତୌ ନକ୍ଷତ୍ର-ଞ୍ଜୁଜୁଷାଣୋ-ପଯାତାମ୍ । ନମୋ-ଽଶ୍ଵିଭ୍ଯା-ଙ୍କୃଣୁମୋ-ଽଶ୍ଵଯୁଗ୍ଭ୍ଯାମ୍ ॥
ଅପ ପାପ୍ମାନ-ମ୍ଭରଣୀର୍ଭରନ୍ତୁ । ତ-ଦ୍ଯମୋ ରାଜା ଭଗଵାନ୍. ଵିଚଷ୍ଟାମ୍ । ଲୋକସ୍ଯ ରାଜା ମହତୋ ମହାନ୍. ହି । ସୁଗ-ନ୍ନଃ ପନ୍ଥାମଭଯ-ଙ୍କୃଣୋତୁ ॥
ଯସ୍ମି-ନ୍ନକ୍ଷତ୍ରେ ଯମ ଏତି ରାଜା ।
ଯସ୍ମି-ନ୍ନେନମଭ୍ଯଷିଚନ୍ନ୍ତ ଦେଵାଃ ।
ତଦସ୍ଯ ଚିତ୍ରଗ୍ଂ ହଵିଷା ଯଜାମ ।
ଅପ ପାପ୍ମାନ-ମ୍ଭରଣୀ-ର୍ଭରନ୍ତୁ ॥
ନିଵେଶନୀ ସଙ୍ଗମନୀ ଵସୂନାଂ-ଵିଁଶ୍ଵା ରୂପାଣି ଵସୂନ୍ଯାଵେଶଯନ୍ତୀ । ସହସ୍ରପୋଷଗ୍ଂ ସୁଭଗା ରରାଣା ସା ନ ଆଗନ୍ ଵର୍ଚସା ସଂଵିଁଦାନା ॥ ଯତ୍ତେ ଦେଵା ଅଦଧୁ-ର୍ଭାଗଧେଯମମାଵାସ୍ଯେ ସଂଵଁସନ୍ତୋ ମହିତ୍ଵା । ସାନୋ ଯଜ୍ଞ-ମ୍ପିପୃହି ଵିଶ୍ଵଵାରେ ରଯି-ନ୍ନୋ ଧେହି ସୁଭଗେ ସୁଵୀରମ୍ ॥ ॥ 23 ॥

(ତତାର - ମହ୍ଯଂ - ପ୍ରାସଚୀର୍ଯା - ଯାନ୍ତୁ ଯଜ୍ଞଂ - ଁଵାଚଗ୍ଗ୍ - ସ୍ଵସ୍ତି - ଦେଵା-ଅନୁ ଯନ୍ତି ସର୍ଵେ-ଵାଜବସ୍ତ୍ଯୌ-ସମକ୍ତୌ-ଦେଵା ସ୍ତ୍ରୀଣି ଚ) (ଅ. 2)
ଅନୁଵାକଂ 3 - ଚାନ୍ଦ୍ରମସାଦୀନାଂ ସପ୍ତନାମିଷ୍ଟୀନାଂ-ଯାଁଜ୍ଯାନୁଵାକ୍ଯାଃ
ନଵୋନଵୋ ଭଵତି ଜାଯମାନୋ-ଽହ୍ନା-ଙ୍କେତୁରୁଷସା ମେତ୍ଯଗ୍ରେ । ଭାଗ-ନ୍ଦେଵେଭ୍ଯୋ ଵିଦଧାତ୍ଯାଯ-ନ୍ପ୍ରଚନ୍ଦ୍ରମାସ୍ତିରତି ଦୀର୍ଘମାଯୁଃ ॥ ଯମାଦିତ୍ଯା
ଅଗ୍ଂଶୁମାପ୍ଯାଯଯନ୍ତି ଯମାଦିତ୍ଯା ଅଗ୍ଂଶୁମାପ୍ଯାଯଯନ୍ତି ଯମକ୍ଷିତ-ମକ୍ଷିତଯଃ ପିବନ୍ତି । ତେନ ନୋ ରାଜା ଵରୁଣୋ ବୃହସ୍ପତିରା ପ୍ଯାଯଯନ୍ତୁ ଭୁଵନସ୍ଯ ଗୋପାଃ ॥॥ ଯେ ଵିରୂପେ ସମନସା ସଂଵ୍ଯଁଯନ୍ତୀ । ସମାନ-ନ୍ତନ୍ତୁ-ମ୍ପରି ତାତନାତେ । ଵିଭୂ ପ୍ରଭୂ ଅନୁଭୂ ଵିଶ୍ଵତୋ ହୁଵେ ।
ତେ ନୋ ନକ୍ଷତ୍ରେ ହଵମାଗମେତମ୍ ॥
ଵଯ-ନ୍ଦେଵୀ ବ୍ରହ୍ମଣା ସଂଵିଁଦାନାଃ ।
ସୁରତ୍ନାସୋ ଦେଵଵୀତି-ନ୍ଦଧାନାଃ ।
ଅହୋରାତ୍ରେ ହଵିଷା ଵର୍ଧଯନ୍ତଃ ।
ଅତି ପାପ୍ମାନ-ମତିମୁକ୍ତ୍ଯା ଗମେମ ॥ ପ୍ରତ୍ଯୁଵଦୃଶ୍ଯାଯତୀ ॥ 24 ॥

ଵ୍ଯୁଚ୍ଛନ୍ତୀ ଦୁହିତା ଦିଵଃ । ଅପୋ ମହୀ ଵୃଣୁତେ ଚକ୍ଷୁଷା ॥ ତମୋ ଜ୍ଯୋତିଷ୍କୃଣୋତି ସୂନରୀ । ଉଦୁଶ୍ରିଯା-ସ୍ସଚତେ ସୂର୍ଯଃ । ସ ଚା ଉଦ୍ଯନ୍ନକ୍ଷତ୍ର-ମର୍ଚିମତ୍ । ତଵେଦୁଷୋ ଵ୍ଯୁଷି ସୂର୍ଯସ୍ଯ ଚ ॥
ସ-ମ୍ଭକ୍ତେନ ଗମେମହି । ତନ୍ନୋ ନକ୍ଷତ୍ର-ମର୍ଚିମତ୍ । ଭାନୁମତ୍ତେଜ ଉଚ୍ଚରତ୍ । ଉପ ଯଜ୍ଞ-ମିହାଗମତ୍ ॥ 25 ॥

ପ୍ର ନକ୍ଷତ୍ରାଯ ଦେଵାଯ । ଇନ୍ଦ୍ରାଯେନ୍ଦୁଗ୍ଂ ହଵାମହେ ।
ସ ନଃ ସଵିତା ସୁଵ-ଥ୍ସନିମ୍ । ପୁଷ୍ଟିଦାଂ-ଵୀଁରଵତ୍ତମମ୍ ॥ ଉଦୁ ତ୍ଯ-ଞ୍ଜାତଵେଦସ-ନ୍ଦେଵଂ-ଵଁହନ୍ତି କେତଵଃ । ଦୃଶେ ଵିଶ୍ଵାଯ ସୂର୍ଯମ୍ ॥ ଚିତ୍ର-ନ୍ଦେଵାନା-ମୁଦଗାଦନୀକ-ଞ୍ଚକ୍ଷୁ-ର୍ମିତ୍ରସ୍ଯ ଵରୁଣସ୍ଯା-ଽଗ୍ନେଃ । ଆ-ଽ ପ୍ରା ଦ୍ଯାଵାପୃଥିଵୀ ଅନ୍ତରିକ୍ଷଗ୍ଂ ସୂର୍ଯ ଆତ୍ମା ଜଗତସ୍ତସ୍ଥୁଷଶ୍ଚ ॥॥
ଅଦିତିର୍ନ ଉରୁଷ୍ଯତ୍ଵଦିତି-ଶ୍ଶର୍ମ ଯଚ୍ଛତୁ । ଅଦିତିଃ ପାତ୍ଵଗ୍ଂ ହସଃ ॥ ମହୀମୂଷୁ ମାତରଗ୍ଂ ସୁଵ୍ରତାନାମୃତସ୍ଯ ପତ୍ନୀମଵସେ ହୁଵେମ । ତୁଵିକ୍ଷତ୍ରାମଜରନ୍ତୀମୁରୂଚୀଗ୍ଂ ସୁଶର୍ମାଣମଦିତିଗ୍ଂ ସୁପ୍ରଣୀତିମ୍ ॥ ॥
ଇଦଂ-ଵିଁଷ୍ଣୁ-ର୍ଵିଚକ୍ରମେ ତ୍ରେଧା ନି ଦଧେ ପଦମ୍ । ସ ମୂଢମସ୍ଯ ପାଗ୍ଂ ସୁରେ ॥ ପ୍ରତ-ଦ୍ଵିଷ୍ଣୁଃ ସ୍ତଵତେ ଵୀର୍ଯାଯ । ମୃଗୋ ନ ଭୀମଃ କୁଚରୋ ଗିରିଷ୍ଠାଃ । ଯସ୍ଯୋରୁଷୁ ତ୍ରିଷୁ ଵିକ୍ରମଣେଷୁ । ଅଧିକ୍ଷିଯନ୍ତି ଭୁଵନାନି ଵିଶ୍ଵା ॥ ॥
ଅଗ୍ନିର୍ମୂର୍ଧା ଦିଵଃ କକୁ-ତ୍ପତିଃ ପୃଥିଵ୍ଯା ଅଯମ୍ । ଅପାଗ୍ଂ ରେତାଗ୍ଂସି ଜିନ୍ଵତି ॥ ଭୁଵୋ ଯଜ୍ଞସ୍ଯ ରଜସଶ୍ଚ ନେତା ଯତ୍ରା ନିଯୁଦ୍ଭି-ସ୍ସଚସେ ଶିଵାଭିଃ । ଦିଵି ମୂର୍ଧାନ-ନ୍ଦଧିଷେ ସୁଵର୍ଷା-ଞ୍ଜିହ୍ଵାମଗ୍ନେ ଚକୃଷେ ହଵ୍ଯଵାହମ୍ ॥ ॥
ଅନୁ ନୋ-ଽଦ୍ଯା-ଽନୁମତି-ର୍ଯଜ୍ଞ-ନ୍ଦେଵେଷୁ ମନ୍ଯତାମ୍ । ଅଗ୍ନିଶ୍ଚ ହଵ୍ଯଵାହନୋ ଭଵତା-ନ୍ଦାଶୁଷେ ମଯଃ ॥ ଅନ୍ଵିଦନୁମତେ ତ୍ଵ-ମ୍ମନ୍ଯାସୈ ଶଞ୍ଚନଃ କୃଧି । କ୍ରତ୍ଵେ ଦକ୍ଷାଯ ନୋ ହିନୁ ପ୍ରଣ ଆଯୂଗ୍ଂଷି ତାରିଷଃ ॥ ॥
ହଵ୍ଯଵାହ-ମଭିମାତିଷା-ଽହମ୍ । ରକ୍ଷୋହଣ-ମ୍ପୃତନାସୁ ଜିଷ୍ଣୁମ୍ । ଜ୍ଯୋତିଷ୍ମନ୍ତ-ନ୍ଦୀଦ୍ଯତ-ମ୍ପୁରନ୍ଧିମ୍ । ଅଗ୍ନିଗ୍ଗ୍ ସ୍ଵିଷ୍ଟକୃତମା ହୁଵେମ ॥ ସ୍ଵିଷ୍ଟମଗ୍ନେ ଅଭି ତ-ତ୍ପୃଣାହି । ଵିଶ୍ଵା ଦେଵ ପୃତନା ଅଭିଷ୍ଯ । ଉରୁ-ନ୍ନଃ ପନ୍ଥା-ମ୍ପ୍ରଦିଶନ୍ଵି ଭାହି । ଜ୍ଯୋତିଷ୍ମଦ୍ଧେହ୍ଯଜର-ନ୍ନ ଆଯୁଃ ॥ ॥ 26 ॥

(ଆଯତ୍ଯ - ଗମଥ୍ - ସ୍ଵିଷ୍ଟମ୍) (ଅ. 3)
ଅନୁଵାକଂ 4 - ଦେଵ ନକ୍ଷତ୍ରେଷ୍ଟିବ୍ରାହ୍ମଣମ୍
ଅଗ୍ନିର୍ଵା ଅକାମଯତ । ଅନ୍ନାଦୋ ଦେଵାନାଗ୍ ସ୍ଯାମିତି ।
ସ ଏତମଗ୍ନଯେ କୃତ୍ତିକାଭ୍ଯଃ ପୁରୋଡାଶ-ମଷ୍ଟାକପାଲ-ନ୍ନିରଵପତ୍ । ତତୋ ଵୈ ସୋ-ଽନ୍ନାଦୋ ଦେଵାନାମଭଵତ୍ । ଅଗ୍ନିର୍ଵୈ ଦେଵାନାମନ୍ନାଦଃ ॥
ଯଥା ହ ଵା ଅଗ୍ନି-ର୍ଦେଵାନା-ମନ୍ନାଦଃ ।
ଏଵଗ୍ଂ ହ ଵା ଏଷ ମନୁଷ୍ଯାଣା-ମ୍ଭଵତି ।
ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ ॥ ସୋ-ଽତ୍ର ଜୁହୋତି । ଅଗ୍ନଯେ ସ୍ଵାହା କୃତ୍ତିକାଭ୍ଯ-ସ୍ସ୍ଵାହା । ଅମ୍ବାଯୈ ସ୍ଵାହା ଦୁଲାଯୈ ସ୍ଵାହା । ନିତତ୍ନ୍ଯୈ ସ୍ଵାହା ଽଭ୍ରଯନ୍ତ୍ଯୈ ସ୍ଵାହା । ମେଘଯନ୍ତ୍ଯୈ ସ୍ଵାହା ଵର.ଷଯନ୍ତ୍ଯୈ ସ୍ଵାହା । ଚୁପୁଣୀକାଯୈ ସ୍ଵାହେତି ॥ 27 ॥

ପ୍ରଜାପତିଃ ପ୍ରଜା ଅସୃଜତ । ତା ଅସ୍ମା-ଥ୍ସୃଷ୍ଟାଃ ପରାଚୀରାଯନ୍ନ୍ । ତାସାଗ୍ଂ ରୋହିଣୀ-ମଭ୍ଯଦ୍ଧ୍ଯାଯତ୍ । ସୋ-ଽକାମଯତ । ଉପ ମା-ଽଽଵର୍ତେତ । ସମେନଯା ଗଚ୍ଛେଯେତି । ସ ଏତ-ମ୍ପ୍ରଜାପତଯେ ରୋହିଣ୍ଯୈ ଚରୁ-ନ୍ନିରଵପତ୍ । ତତୋ ଵୈ ସା ତମୁପାଵର୍ତତ । ସମେନଯା ଽଗଚ୍ଛତ ॥ ଉପ ହ ଵା ଏନ-ମ୍ପ୍ରିଯମାଵର୍ତତେ ।
ସ-ମ୍ପ୍ରିଯେଣ ଗଚ୍ଛତେ । ଯ ଏତେନ ହଵିଷା ଯଜତେ ।
ଯ ଉ ଚୈନଦେଵଂ-ଵେଁଦ ॥ ସୋ-ଽତ୍ର ଜୁହୋତି ।
ପ୍ରଜାପତଯେ ସ୍ଵାହା ରୋହିଣ୍ଯୈ ସ୍ଵାହା ।
ରୋଚମାନାଯୈ ସ୍ଵାହା ପ୍ରଜାଭ୍ଯ-ସ୍ସ୍ଵାହେତି ॥ 28 ॥

ସୋମୋ ଵା ଅକାମଯତ । ଓଷଧୀନାଗ୍ଂ ରାଜ୍ଯ-ମଭିଜଯେଯମିତି । ସ ଏତଗ୍ଂ ସୋମାଯ ମୃଗଶୀର.ଷାଯ ଶ୍ଯାମାକ-ଞ୍ଚରୁ-ମ୍ପଯସି ନିରଵପତ୍ । ତତୋ ଵୈ ସ ଓଷଧୀନାଗ୍ଂ
ରାଜ୍ଯମଭ୍ଯଜଯତ୍ । ସମାନାନାଗ୍ଂ ହ ଵୈ ରାଜ୍ଯମଭିଜଯତି । ଯ ଏତେନ ହଵିଷା ଯଜତେ ।
ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ସୋମାଯ ସ୍ଵାହା ମୃଗଶୀର.ଷାଯ ସ୍ଵାହା ।
ଇନ୍ଵକାଭ୍ଯ-ସ୍ସ୍ଵାହୌଷଧୀଭ୍ଯ-ସ୍ସ୍ଵାହା ।
ରାଜ୍ଯାଯ ସ୍ଵାହା ଽଭିଜିତ୍ଯୈ ସ୍ଵାହେତି ॥ 29 ॥

ରୁଦ୍ରୋ ଵା ଅକାମଯତ । ପଶୁମାନ୍-ଥ୍ସ୍ଯାମିତି ।
ସ ଏତଗ୍ଂ ରୁଦ୍ରାଯାର୍ଦ୍ରାଯୈ ପ୍ରୈଯଙ୍ଗଵ-ଞ୍ଚରୁ-ମ୍ପଯସି ନିରଵପତ୍ । ତତୋ ଵୈ ସ ପଶୁମାନଭଵତ୍ । ପଶୁମାନ୍. ହ ଵୈ ଭଵତି । ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି । ରୁଦ୍ରାଯ ସ୍ଵାହା ଽଽର୍ଦ୍ରାଯୈ ସ୍ଵାହା । ପିନ୍ଵମାନାଯୈ ସ୍ଵାହା ପଶୁଭ୍ଯ-ସ୍ସ୍ଵାହେତି ॥ 30 ॥

ଋକ୍ଷା ଵା ଇଯମଲୋମକା-ଽଽସୀତ୍ । ସା-ଽକାମଯତ ।
ଓଷଧୀଭି-ର୍ଵନସ୍ପତିଭିଃ ପ୍ରଜାଯେଯେତି ।
ସୈତମଦିତ୍ଯୈ ପୁନର୍ଵସୁଭ୍ଯା-ଞ୍ଚରୁ-ନ୍ନିରଵପତ୍ ।
ତତୋ ଵା ଇଯମୋଷଧୀଭି-ର୍ଵନସ୍ପତିଭିଃ ପ୍ରାଜାଯତ ।
ପ୍ରଜାଯତେ ହ ଵୈ ପ୍ରଜଯା ପଶୁଭିଃ । ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ ।
ସୋ-ଽତ୍ର ଜୁହୋତି । ଅଦିତ୍ଯୈ ସ୍ଵାହା ପୁନର୍ଵସୁଭ୍ଯାମ୍ ।
ସ୍ଵାହା-ଽଽଭୂତ୍ଯୈ ସ୍ଵାହା ପ୍ରଜାତ୍ଯୈ ସ୍ଵାହେତି ॥ 31 ॥

ବୃହସ୍ପତିର୍ଵା ଅକାମଯତ । ବ୍ରହ୍ମଵର୍ଚସୀ ସ୍ଯାମିତି ।
ସ ଏତ-ମ୍ବୃହସ୍ପତଯେ ତିଷ୍ଯାଯ ନୈଵାର-ଞ୍ଚରୁ-ମ୍ପଯସି ନିରଵପତ୍ । ତତୋ ଵୈ ସ ବ୍ରହ୍ମଵର୍ଚସ୍ଯଭଵତ୍ । ବ୍ରହ୍ମଵର୍ଚସୀ ହ ଵୈ ଭଵତି । ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ବୃହସ୍ପତଯେ ସ୍ଵାହା ତିଷ୍ଯାଯ ସ୍ଵାହା । ବ୍ରହ୍ମଵର୍ଚସାଯ ସ୍ଵାହେତି ॥ 32 ॥

ଦେଵାସୁରା-ସ୍ସଂଯଁତ୍ତା ଆସନ୍ନ୍ । ତେ ଦେଵା-ସ୍ସର୍ପେଭ୍ଯ ଆଶ୍ରେଷାଭ୍ଯ ଆଜ୍ଯେ କରମ୍ଭ-ନ୍ନିରଵପନ୍ନ୍ ।
ତାନେତାଭିରେଵ ଦେଵତା-ଭିରୁପାନଯନ୍ନ୍ ।
ଏତାଭିର୍ହ ଵୈ ଦେଵତାଭି-ର୍ଦ୍ଵିଷନ୍ତ-ମ୍ଭ୍ରାତୃଵ୍ଯ-ମୁପନଯତି । ଯ ଏତେନ ହଵିଷା ଯଜତେ ।
ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ସର୍ପେଭ୍ଯ-ସ୍ସ୍ଵାହା-ଽଽଶ୍ରେଷାଭ୍ଯ-ସ୍ସ୍ଵାହା । ଦନ୍ଦଶୂକେଭ୍ଯ-ସ୍ସ୍ଵାହେତି ॥ 33 ॥

ପିତରୋ ଵା ଅକାମଯନ୍ତ । ପିତୃଲୋକ ଋଦ୍ଧ୍ନୁଯାମେତି ।
ତ ଏତ-ମ୍ପିତୃଭ୍ଯୋ ମଘାଭ୍ଯଃ ପୁରୋଡାଶଗ୍ଂ ଷଟ୍କପାଲ-ନ୍ନିରଵପନ୍ନ୍ । ତତୋ ଵୈ ତେ ପିତୃଲୋକ ଆର୍ଧ୍ନୁଵନ୍ନ୍ । ପିତୃଲୋକେ ହ ଵା ଋଧ୍ନୋତି ।
ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି । ପିତୃଭ୍ଯ-ସ୍ସ୍ଵାହା ମଘାଭ୍ଯଃ ।
ସ୍ଵାହା ଽନଘାଭ୍ଯ-ସ୍ସ୍ଵାହା ଽଗଦାଭ୍ଯଃ ।
ସ୍ଵାହା ଽରୁନ୍ଧତୀଭ୍ଯ-ସ୍ସ୍ଵାହେତି ॥ 34 ॥

ଅର୍ଯମା ଵା ଅକାମଯତ । ପଶୁମାନ୍-ଥ୍ସ୍ଯାମିତି ।
ସ ଏତମର୍ଯମ୍ଣେ ଫଲ୍ଗୁନୀଭ୍ଯା-ଞ୍ଚରୁ-ନ୍ନିରଵପତ୍ ।
ତତୋ ଵୈ ସ ପଶୁମାନଭଵତ୍ ।
ପଶୁମାନ୍. ହ ଵୈ ଭଵତି । ଯ ଏତେନ ହଵିଷା ଯଜତେ ।
ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି । ଅର୍ଯମ୍ଣେ ସ୍ଵାହା ଫଲ୍ଗୁନୀଭ୍ଯାଗ୍ ସ୍ଵାହା ।
ପଶୁଭ୍ଯ-ସ୍ସ୍ଵାହେତି ॥ 35 ॥

ଭଗୋ ଵା ଅକାମଯତ । ଭଗୀ ଶ୍ରେଷ୍ଠୀ ଦେଵାନାଗ୍ ସ୍ଯାମିତି । ସ ଏତ-ମ୍ଭଗାଯ ଫଲ୍ଗୁନୀଭ୍ଯା-ଞ୍ଚରୁ-ନ୍ନିରଵପତ୍ । ତତୋ ଵୈ ସ ଭଗୀ ଶ୍ରେଷ୍ଠୀ ଦେଵାନାମଭଵତ୍ ।
ଭଗୀ ହ ଵୈ ଶ୍ରେଷ୍ଠୀ ସମାନାନା-ମ୍ଭଵତି । ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି । ଭଗାଯ ସ୍ଵାହା ଫଲ୍ଗୁନୀଭ୍ଯାଗ୍ ସ୍ଵାହା । ଶ୍ରୈଷ୍ଠ୍ଯାଯ ସ୍ଵାହେତି ॥ 36 ॥

ସଵିତା ଵା ଅକାମଯତ । ଶ୍ରନ୍ମେ ଦେଵା ଦଧୀରନ୍ନ୍ । ସଵିତା ସ୍ଯାମିତି । ସ ଏତଗ୍ଂ ସଵିତ୍ରେ ହସ୍ତାଯ ପୁରୋଡାଶ-ନ୍ଦ୍ଵାଦଶକପାଲ-ନ୍ନିରଵପଦାଶୂନାଂ
ଁଵ୍ରୀହୀଣାମ୍ । ତତୋ ଵୈ ତସ୍ମୈ ଶ୍ରଦ୍ଦେଵା ଅଦଧତ । ସଵିତା-ଽଭଵତ୍ । ଶ୍ରଦ୍ଧ ଵା ଅସ୍ମୈ ମନୁଷ୍ଯା ଦଧତେ । ସଵିତା ସମାନାନା-ମ୍ଭଵତି । ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ସଵିତ୍ରେ ସ୍ଵାହା ହସ୍ତାଯ । ସ୍ଵାହା ଦଦତେ ସ୍ଵାହା ପୃଣତେ । ସ୍ଵାହା ପ୍ରଯଚ୍ଛତେ ସ୍ଵାହା ପ୍ରତିଗୃଭ୍ଣତେ ସ୍ଵାହେତି ॥ 37 ॥

ତ୍ଵଷ୍ଟା ଵା ଅକାମଯତ । ଚିତ୍ର-ମ୍ପ୍ରଜାଂ-ଵିଁନ୍ଦେଯେତି ।
ସ ଏତ-ନ୍ତ୍ଵଷ୍ଟ୍ରେ ଚିତ୍ରାଯୈ ପୁରୋଡାଶମଷ୍ଟା-କପାଲ-ନ୍ନିରଵପତ୍ । ତତୋ ଵୈ ସ ଚିତ୍ର-ମ୍ପ୍ରଜାମଵିନ୍ଦତ । ଚିତ୍ରଗ୍ଂ ହ ଵୈ ପ୍ରଜାଂ-ଵିଁନ୍ଦତେ ।
ଯ ଏତେନ ହଵିଷା ଯଜତେ ।
ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ତ୍ଵଷ୍ଟ୍ରେ ସ୍ଵାହା ଚିତ୍ରାଯୈ ସ୍ଵାହା ।
ଚୈତ୍ରାଯ ସ୍ଵାହା ପ୍ରଜାଯୈ ସ୍ଵାହେତି ॥ 38 ॥

ଵାଯୁର୍ଵା ଅକାମଯତ । କାମଚାରମେଷୁ ଲୋକେଷ୍ଵଭିଜଯେଯମିତି । ସ ଏତ-ଦ୍ଵାଯଵେ ନିଷ୍ଟ୍ଯାଯୈ ଗୃଷ୍ଟ୍ଯୈ ଦୁଗ୍ଧ-ମ୍ପଯୋ ନିରଵପତ୍ ।
ତତୋ ଵୈ ସ କାମଚାରମେଷୁ ଲୋକେଷ୍ଵଭ୍ଯଜଯତ୍ ।
କାମଚାରଗ୍ଂ ହ ଵା ଏଷୁ ଲୋକେଷ୍ଵଭିଜଯତି ।
ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି । ଵାଯଵେ ସ୍ଵାହା ନିଷ୍ଟ୍ଯାଯୈ ସ୍ଵାହା ।
କାମଚାରାଯ ସ୍ଵାହା-ଽଭିଜିତ୍ଯୈ ସ୍ଵାହେତି ॥ 39 ॥

ଇନ୍ଦ୍ରାଗ୍ନୀ ଵା ଅକାମଯେତାମ୍ । ଶ୍ରୈଷ୍ଠ୍ଯ-ନ୍ଦେଵାନା-ମଭିଜଯେଵେତି । ତାଵେତମିନ୍ଦ୍ରାଗ୍ନିଭ୍ଯାଂ-ଵିଁଶାଖାଭ୍ଯା-ମ୍ପୁରୋଡାଶ-ମେକାଦଶକପାଲ-ନ୍ନିରଵପତାମ୍ । ତତୋ ଵୈ ତୌ ଶ୍ରୈଷ୍ଠ୍ଯ-ନ୍ଦେଵାନା-ମଭ୍ଯଜଯତାମ୍ । ଶ୍ରୈଷ୍ଠ୍ଯଗ୍ଂ ହ ଵୈ ସମାନାନାମଭିଜଯତି । ଯ ଏତେନ ହଵିଷା ଯଜତେ ।
ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ଇନ୍ଦ୍ରାଗ୍ନିଭ୍ଯାଗ୍ ସ୍ଵାହା ଵିଶାଖାଭ୍ଯାଗ୍ ସ୍ଵାହା ।
ଶ୍ରୈଷ୍ଠ୍ଯାଯ ସ୍ଵାହା ଽଭିଜିତ୍ଯୈ ସ୍ଵାହେତି ॥ 40 ॥

ଅଥୈତତ୍-ପୌର୍ଣମାସ୍ଯା ଆଜ୍ଯ-ନ୍ନିର୍ଵପତି । କାମୋ ଵୈ ପୌର୍ଣମାସୀ । କାମ ଆଜ୍ଯମ୍ । କାମେନୈଵ କାମଗ୍ଂ ସମର୍ଧଯତି । କ୍ଷିପ୍ରମେନଗ୍ଂ ସ କାମ ଉପନମତି । ଯେନ କାମେନ ଯଜତେ । ସୋ-ଽତ୍ର ଜୁହୋତି ।
ପୌର୍ଣମାସ୍ଯୈ ସ୍ଵାହା କାମାଯ ସ୍ଵାହା-ଽଽଗତ୍ଯୈ ସ୍ଵାହେତି ॥ 41 ॥

ଅନୁଵାକଂ 5 - ଯମନକ୍ଷତ୍ରେଷ୍ଟିବ୍ରାହ୍ମଣମ୍
ମିତ୍ରୋ ଵା ଅକାମଯତ । ମିତ୍ରଧେଯମେଷୁ ଲୋକେଷ୍ଵଭି ଜଯେଯମିତି । ସ ଏତ-ମ୍ମିତ୍ରାଯାନୂରାଧେଭ୍ଯଶ୍ଚରୁ-ନ୍ନିରଵପତ୍ । ତତୋ ଵୈ ସ ମିତ୍ରଧେଯମେଷୁ ଲୋକେଷ୍ଵଭ୍ଯଜଯତ୍ । ମିତ୍ରଧେଯଗ୍ଂ ହ ଵା ଏଷୁ ଲୋକେଷ୍ଵଭିଜଯତି । ଯ ଏତେନ ହଵିଷା ଯଜତେ ।
ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ମିତ୍ରାଯ ସ୍ଵାହା ଽନୂରାଧେଭ୍ଯ-ସ୍ସ୍ଵାହା ।
ମିତ୍ରଧେଯାଯ ସ୍ଵାହା ଽଭିଜିତ୍ଯୈ ସ୍ଵାହେତି ॥ 42 ॥

ଇନ୍ଦ୍ରୋ ଵା ଅକାମଯତ । ଜ୍ଯୈଷ୍ଠ୍ଯ-ନ୍ଦେଵାନା-ମଭିଜଯେଯମିତି । ସ ଏତମିନ୍ଦ୍ରାଯ ଜ୍ଯେଷ୍ଠାଯୈ ପୁରୋଡାଶ-ମେକାଦଶକପାଲ-ନ୍ନିରଵପ-ନ୍ମହାଵ୍ରୀହୀଣାମ୍ । ତତୋ ଵୈ ସ ଜ୍ଯୈଷ୍ଠ୍ଯ-ନ୍ଦେଵାନାମଭ୍ଯଜଯତ୍ । ଜ୍ଯୈଷ୍ଠ୍ଯଗ୍ଂ ହ ଵୈ ସମାନାନା-ମଭିଜଯତି । ଯ ଏତେନ ହଵିଷା ଯଜତେ ।
ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି । ଇନ୍ଦ୍ରାଯ ସ୍ଵାହା ଜ୍ଯେଷ୍ଠାଯୈ ସ୍ଵାହା ।
ଜ୍ଯୈଷ୍ଠ୍ଯାଯ ସ୍ଵାହା ଽଭିଜିତ୍ଯୈ ସ୍ଵାହେତି ॥ 43 ॥

ପ୍ରଜାପତିର୍ଵା ଅକାମଯତ । ମୂଲ-ମ୍ପ୍ରଜାଂ-ଵିଁନ୍ଦେଯେତି । ସ ଏତ-ମ୍ପ୍ରଜାପତଯେ ମୂଲାଯ ଚରୁ-ନ୍ନିରଵପତ୍ । ତତୋ ଵୈ ସ ମୂଲ-ମ୍ପ୍ରଜାମଵିନ୍ଦତ । ମୂଲଗ୍ଂ ହ ଵୈ ପ୍ରଜାଂ-ଵିଁନ୍ଦତେ । ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି । ପ୍ରଜାପତଯେ ସ୍ଵାହା ମୂଲାଯ ସ୍ଵାହା । ପ୍ରଜାଯୈ ସ୍ଵାହେତି ॥ 44 ॥

ଆପୋ ଵା ଅକାମଯନ୍ତ । ସମୁଦ୍ର-ଙ୍କାମମ ଭିଜଯେମେତି । ତା ଏତମଦ୍ଭ୍ଯୋ-ଽଷାଢାଭ୍ଯଶ୍ଚରୁ-ନ୍ନିରଵପନ୍ନ୍ । ତତୋ ଵୈ ତା-ସ୍ସମୁଦ୍ର-ଙ୍କାମମଭ୍ଯଜଯନ୍ନ୍ । ସମୁଦ୍ରଗ୍ଂ ହ ଵୈ କାମମଭିଜଯତି । ଯ ଏତେନ ହଵିଷା ଯଜତେ ।
ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ଅଦ୍ଭ୍ଯ-ସ୍ସ୍ଵାହା ଽଷାଢାଭ୍ଯ-ସ୍ସ୍ଵାହା । ସମୁଦ୍ରାଯ ସ୍ଵାହା କାମାଯ ସ୍ଵାହା । ଅଭିଜିତ୍ଯୈ ସ୍ଵାହେତି ॥ 45 ॥

ଵିଶ୍ଵେ ଵୈ ଦେଵା ଅକାମଯନ୍ତ । ଅନପଜଯ୍ଯ-ଞ୍ଜଯେମେତି । ତ ଏତଂ-ଵିଁଶ୍ଵେଭ୍ଯୋ ଦେଵେଭ୍ଯୋ-ଽଷାଢାଭ୍ଯଶ୍ଚରୁ-ନ୍ନିରଵପନ୍ନ୍ ।
ତତୋ ଵୈ ତେ-ଽନପଜଯ୍ଯ-ମଜଯନ୍ନ୍ । ଅନପଜଯ୍ଯଗ୍ଂ ହ ଵୈ ଜଯତି । ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ଵିଶ୍ଵେଭ୍ଯୋ ଦେଵେଭ୍ଯ-ସ୍ସ୍ଵାହା ଽଷାଢାଭ୍ଯ-ସ୍ସ୍ଵାହା ।
ଅନପଜଯ୍ଯାଯ ସ୍ଵାହା ଜିତ୍ଯୈ ସ୍ଵାହେତି ॥ 46 ॥

ବ୍ରହ୍ମ ଵା ଅକାମଯତ । ବ୍ରହ୍ମଲୋକମଭିଜଯେଯମିତି ।
ତଦେତ-ମ୍ବ୍ରହ୍ମଣେ-ଽଭିଜିତେ ଚରୁ-ନ୍ନିରଵପତ୍ ।
ତତୋ ଵୈ ତଦ୍ବ୍ରହ୍ମଲୋକମଭ୍ଯଜଯତ୍ । ବ୍ରହ୍ମଲୋକଗ୍ଂ ହ ଵା ଅଭିଜଯତି । ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି । ବ୍ରହ୍ମଣେ ସ୍ଵାହା ଽଭିଜିତେ ସ୍ଵାହା । ବ୍ରହ୍ମଲୋକାଯ ସ୍ଵାହା ଽଭିଜିତ୍ଯୈ ସ୍ଵାହେତି ॥ 47 ॥

ଵିଷ୍ଣୁର୍ଵା ଅକାମଯତ । ପୁଣ୍ଯଗ୍ଗ୍ ଶ୍ଲୋକଗ୍ଂ ଶୃଣ୍ଵୀଯ ।
ନ ମା ପାପୀ କୀର୍ତିରାଗଚ୍ଛେଦିତି । ସ ଏତଂ-ଵିଁଷ୍ଣଵେ ଶ୍ରୋଣାଯୈ ପୁରୋଡାଶ-ନ୍ତ୍ରିକପାଲ-ନ୍ନିରଵପତ୍ ।
ତତୋ ଵୈ ସ ପୁଣ୍ଯଗ୍ଗ୍ ଶ୍ଲୋକମ ଶୃଣୁତ । ନୈନ-ମ୍ପାପୀ କୀର୍ତିରା- ଗଚ୍ଛତ୍ । ପୁଣ୍ଯଗ୍ଂ ହ ଵୈ ଶ୍ଲୋକଗ୍ଂ ଶୃଣୁତେ । ନୈନ-ମ୍ପାପୀ କୀର୍ତିରାଗଚ୍ଛତି । ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ଵିଷ୍ଣଵେ ସ୍ଵାହା ଶ୍ରୋଣାଯୈ ସ୍ଵାହା ।
ଶ୍ଲୋକାଯ ସ୍ଵାହା ଶ୍ରୁତାଯ ସ୍ଵାହେତି ॥ 48 ॥

ଵସଵୋ ଵା ଅକାମଯନ୍ତ । ଅଗ୍ର-ନ୍ଦେଵତାନା-ମ୍ପରୀଯାମେତି । ତ ଏତଂ-ଵଁସୁଭ୍ଯ-ଶ୍ଶ୍ରଵିଷ୍ଠାଭ୍ଯଃ ପୁରୋଡାଶମଷ୍ଟାକପାଲ-ନ୍ନିରଵପନ୍ନ୍ ।
ତତୋ ଵୈ ତେ-ଽଗ୍ର-ନ୍ଦେଵତାନା-ମ୍ପର୍ଯାଯନ୍ନ୍ ।
ଅଗ୍ରଗ୍ଂ ହ ଵୈ ସମାନାନା-ମ୍ପର୍ଯେତି ।
ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି । ଵସୁଭ୍ଯ-ସ୍ସ୍ଵାହା ଶ୍ରଵିଷ୍ଠାଭ୍ଯ-ସ୍ସ୍ଵାହା । ଅଗ୍ରାଯ ସ୍ଵାହା ପରୀତ୍ଯୈ ସ୍ଵାହେତି ॥ 49 ॥

ଇନ୍ଦ୍ରୋ ଵା ଅକାମଯତ । ଦୃଢୋ ଽଶିଥିଲ-ସ୍ସ୍ଯାମିତି ।
ସ ଏତଂ-ଵଁରୁଣାଯ ଶତଭିଷଜେ ଭେଷଜେଭ୍ଯଃ ପୁରୋଡାଶ-ନ୍ଦଶକପାଲ-ନ୍ନିରଵପତ୍-କୃଷ୍ଣାନାଂ-ଵ୍ରୀଁହୀଣାମ୍ । ତତୋ ଵୈ ସ ଦୃଢୋ-ଽଶିଥିଲୋ-ଽଭଵତ୍ ।
ଦୃଢୋ ହ ଵା ଅଶିଥିଲୋ ଭଵତି । ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ଵରୁଣାଯ ସ୍ଵାହା ଶତଭିଷଜେ ସ୍ଵାହା ।
ଭେଷଜେଭ୍ଯ-ସ୍ସ୍ଵାହେତି ॥ 50 ॥

ଅଜୋ ଵା ଏକପାଦକାମଯତ । ତେଜସ୍ଵୀ ବ୍ରହ୍ମଵର୍ଚସୀ ସ୍ଯାମିତି । ସ ଏତମଜାଯୈକପଦେ ପ୍ରୋଷ୍ଠପଦେଭ୍ଯ-ଶ୍ଚରୁ-ନ୍ନିରଵପତ୍ । ତତୋ ଵୈ ସ ତେଜସ୍ଵୀ ବ୍ରହ୍ମଵର୍ଚସ୍ଯଭଵତ୍ । ତେଜସ୍ଵୀ ହ ଵୈ ବ୍ରହ୍ମଵର୍ଚସୀ ଭଵତି । ଯ ଏତେନ ହଵିଷା ଯଜତେ ।
ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ଅଜାଯୈକପଦେ ସ୍ଵାହା ପ୍ରୋଷ୍ଠପଦେଭ୍ଯ-ସ୍ସ୍ଵାହା ।
ତେଜସେ ସ୍ଵାହା ବ୍ରହ୍ମଵର୍ଚସାଯ ସ୍ଵାହେତି ॥ 51 ॥

ଅହିର୍ଵୈ ବୁଦ୍ଧ୍ନିଯୋ-ଽକାମଯତ । ଇମା-ମ୍ପ୍ରତିଷ୍ଠାଂ-ଵିଁନ୍ଦେଯେତି । ସ ଏତମହଯେ ବୁଦ୍ଧ୍ନିଯାଯ ପ୍ରୋଷ୍ଠପଦେଭ୍ଯଃ ପୁରୋଡାଶ-ମ୍ଭୂମିକପାଲ-ନ୍ନିରଵପତ୍ । ତତୋ ଵୈ ସ ଇମା-ମ୍ପ୍ରତିଷ୍ଠା-ମଵିନ୍ଦତ । ଇମାଗ୍ଂ ହ ଵୈ ପ୍ରତିଷ୍ଠାଂ-ଵିଁନ୍ଦତେ ।
ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି । ଅହଯେ ବୁଦ୍ଧ୍ନିଯାଯ ସ୍ଵାହା ପ୍ରୋଷ୍ଠପଦେଭ୍ଯ-ସ୍ସ୍ଵାହା ।
ପ୍ରତିଷ୍ଠାଯୈ ସ୍ଵାହେତି ॥ 52 ॥

ପୂଷା ଵା ଅକାମଯତ । ପଶୁମାନ୍-ଥ୍ସ୍ଯାମିତି ।
ସ ଏତ-ମ୍ପୂଷ୍ଣେ ରେଵତ୍ଯୈ ଚରୁ-ନ୍ନିରଵପତ୍ ।
ତତୋ ଵୈ ସ ପଶୁମାନଭଵତ୍ ।
ପଶୁମାନ୍. ହ ଵୈ ଭଵତି । ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ ।
ସୋ-ଽତ୍ର ଜୁହୋତି । ପୂଷ୍ଣେ ସ୍ଵାହା ରେଵତ୍ଯୈ ସ୍ଵାହା ।
ପଶୁଭ୍ଯ-ସ୍ସ୍ଵାହେତି ॥ 53 ॥

ଅଶ୍ଵିନୌ ଵା ଅକାମଯେତାମ୍ । ଶ୍ରୋତ୍ରସ୍ଵିନାଵବଧିରୌ ସ୍ଯାଵେତି । ତାଵେତମଶ୍ଵିଭ୍ଯା-ମଶ୍ଵଯୁଗ୍ଭ୍ଯା-ମ୍ପୁରୋଡାଶ-ନ୍ଦ୍ଵିକପାଲ-ନ୍ନିରଵପତାମ୍ ।
ତତୋ ଵୈ ତୌ ଶ୍ରୋତ୍ରସ୍ଵିନାଵବଧିରା-ଵଭଵତାମ୍ ।
ଶ୍ରୋତ୍ରସ୍ଵୀ ହ ଵା ଅବଧିରୋ ଭଵତି । ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ଅଶ୍ଵିଭ୍ଯାଗ୍ ସ୍ଵାହା-ଽଶ୍ଵଯୁଗ୍ଭ୍ଯାଗ୍ ସ୍ଵାହା ।
ଶ୍ରୋତ୍ରାଯ ସ୍ଵାହା ଶ୍ରୁତ୍ଯୈ ସ୍ଵାହେତି ॥ 54 ॥

ଯମୋ ଵା ଅକାମଯତ ।
ପିତୃଣାଗ୍ଂ ରାଜ୍ଯ-ମଭିଜଯେଯମିତି ।
ସ ଏତଂ-ଯଁମାଯାପଭରଣୀଭ୍ଯଶ୍ଚରୁ-ନ୍ନିରଵପତ୍ ।
ତତୋ ଵୈ ସ ପିତୃଣାଗ୍ଂ ରାଜ୍ଯମଭ୍ଯଜଯତ୍ ।
ସମାନାନାଗ୍ଂ ହ ଵୈ ରାଜ୍ଯମଭିଜଯତି ।
ଯ ଏତେନ ହଵିଷା ଯଜତେ ।
ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ଯମାଯ ସ୍ଵାହା ଽପଭରଣୀଭ୍ଯ-ସ୍ସ୍ଵାହା ।
ରାଜ୍ଯାଯ ସ୍ଵାହା ଽଭିଜିତ୍ଯୈ ସ୍ଵାହେତି ॥ 55 ॥

ଅଥୈତଦ-ମାଵାସ୍ଯାଯା ଆଜ୍ଯ-ନ୍ନିର୍ଵପତି ।
କାମୋ ଵା ଅମାଵାସ୍ଯା । କାମ ଆଜ୍ଯମ୍ । କାମେନୈଵ କାମଗ୍ଂ ସମର୍ଧଯତି । କ୍ଷିପ୍ରମେନଗ୍ଂ ସ କାମ ଉପନମତି । ଯେନ କାମେନ ଯଜତେ । ସୋ-ଽତ୍ର ଜୁହୋତି । ଅମାଵାସ୍ଯାଯୈ ସ୍ଵାହା କାମାଯ ସ୍ଵାହା ଽଽଗତ୍ଯୈ ସ୍ଵାହେତି ॥ 56 ॥

ବୁଦ୍ଧ୍ନିଯଃ - ପୁଷା - ଽଶ୍ଵିନୌ - ଯମୋ ଦଶଦଶା - ଥୈତଦ - ମାଵାସ୍ଯାଯା ଅଷ୍ଟୌ ପଞ୍ଚଦଶ ) (ଅ. 5)
ଅନୁଵାକଂ 6 - ଚାନ୍ଦ୍ରମସାଦୀଷ୍ଟିବ୍ରାହ୍ମଣମ୍
ଚନ୍ଦ୍ରମା ଵା ଅକାମଯତ । ଅହୋରାତ୍ରା-ନର୍ଧମାସା-ନ୍ମାସା-ନୃତୂନ୍ଥ୍- ସଂଵଁଥ୍ସର-ମାପ୍ତ୍ଵା । ଚନ୍ଦ୍ରମସ-ସ୍ସାଯୁଜ୍ଯଗ୍ଂ ସଲୋକତା-ମାପ୍ନୁଯାମିତି । ସ ଏତ-ଞ୍ଚନ୍ଦ୍ରମସେ ପ୍ରତୀଦୃଶ୍ଯାଯୈ ପୁରୋଡାଶ-ମ୍ପଞ୍ଚଦଶକପାଲ-ନ୍ନିରଵପତ୍ ।
ତତୋ ଵୈ ସୋ-ଽହୋରାତ୍ରା-ନର୍ଧମାସା-ନ୍ମାସା-ନୃତୂନ୍-ଥ୍ସଂଵଁଥ୍ସର-ମାପ୍ତ୍ଵା ।
ଚନ୍ଦ୍ରମସ-ସ୍ସାଯୁଜ୍ଯଗ୍ଂ ସଲୋକତାମାପ୍ନୋତ୍ ।
ଅହୋରାତ୍ରାନ୍. ହ ଵା ଅର୍ଧମାସା-ନ୍ମାସାନ୍-ଋତୂନ୍-ଥ୍ସଂଵଁଥ୍ସର-ମାପ୍ତ୍ଵା । ଚନ୍ଦ୍ରମସ-ସ୍ସାଯୁଜ୍ଯଗ୍ଂ ସଲୋକତାମାପ୍ନୋତି । ଯ ଏତେନ ହଵିଷା ଯଜତେ ।
ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ଚନ୍ଦ୍ରମସେ ସ୍ଵାହା ପ୍ରତୀଦୃଶ୍ଯାଯୈ ସ୍ଵାହା ।
ଅହୋରାତ୍ରେଭ୍ଯ-ସ୍ସ୍ଵାହା ଽର୍ଧମାସେଭ୍ଯ-ସ୍ସ୍ଵାହା ।
ମାସେଭ୍ଯ-ସ୍ସ୍ଵାହର୍ତୁଭ୍ଯ-ସ୍ସ୍ଵାହା । ସଂଵଁଥ୍ସରାଯ ସ୍ଵାହେତି ॥ 57 ॥

ଅହୋରାତ୍ରେ ଵା ଅକାମଯେତାମ୍ । ଅତ୍ଯହୋରାତ୍ରେ ମୁଚ୍ଯେଵହି ।
ନ ନାଵହୋରାତ୍ରେ ଆପ୍ନୁଯାତାମିତି । ତେ ଏତମହୋ-ରାତ୍ରାଭ୍ଯା-ଞ୍ଚରୁ-ନ୍ନିରଵପତାମ୍ । ଦ୍ଵଯାନାଂ-ଵ୍ରୀଁହୀଣାମ୍ । ଶୁକ୍ଲାନା-ଞ୍ଚ କୃଷ୍ଣାନା-ଞ୍ଚ । ସଵାତ୍ଯୋର୍ଦୁଗ୍ଧେ । ଶ୍ଵେତାଯୈ ଚ କୃଷ୍ଣାଯୈ ଚ ।
ତତୋ ଵୈ ତେ ଅତ୍ଯହୋରାତ୍ରେ ଅମୁଚ୍ଯେତେ ।
ନୈନେ ଅହୋରାତ୍ରେ ଆପ୍ନୁତାମ୍ । ଅତି ହ ଵା ଅହୋରାତ୍ରେ ମୁଚ୍ଯତେ । ନୈନମହୋରାତ୍ରେ ଆପ୍ନୁତଃ । ଯ ଏତେନ ହଵିଷା ଯଜତେ । ଯ ଉ ଚୈନଦେଵଂଵେଁଦ ।
ସୋ-ଽତ୍ର ଜୁହୋତି । ଅହ୍ନେ ସ୍ଵାହା ରାତ୍ରିଯୈ ସ୍ଵାହା ।
ଅତିମୁକ୍ତ୍ଯୈ ସ୍ଵାହେତି ॥ 58 ॥

ଉଷା ଵା ଅକାମଯତ । ପ୍ରିଯା ଽଽଦିତ୍ଯସ୍ଯ ସୁଭଗା ସ୍ଯାମିତି । ସୈତମୁଷସେ ଚରୁ-ନ୍ନିରଵପତ୍ ।
ତତୋ ଵୈ ସା ପ୍ରିଯା ଽଽଦିତ୍ଯସ୍ଯ ସୁଭଗା ଽଭଵତ୍ ।
ପ୍ରିଯୋ ହ ଵୈ ସମାନାନାଗ୍ଂ ସୁଭଗୋ ଭଵତି । ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି । ଉଷସେ ସ୍ଵାହା ଵ୍ଯୁଷ୍ଟ୍ଯୈ ସ୍ଵାହା ।
ଵ୍ଯୂଷୁଷ୍ଯୈ ସ୍ଵାହା ଵ୍ଯୁଚ୍ଛନ୍ତ୍ଯୈ ସ୍ଵାହା । ଵ୍ଯୁଷ୍ଟାଯୈ ସ୍ଵାହେତି ॥ 59 ॥

ଅଥୈତସ୍ମୈ ନକ୍ଷତ୍ରାଯ ଚରୁ-ନ୍ନିର୍ଵପତି । ଯଥା ତ୍ଵ-ନ୍ଦେଵାନାମସି । ଏଵମହ-ମ୍ମନୁଷ୍ଯାଣା-ମ୍ଭୂଯାସମିତି । ଯଥା ହ ଵା ଏତ-ଦ୍ଦେଵାନାମ୍ ।
ଏଵଗ୍ଂ ହ ଵା ଏଷ ମନୁଷ୍ଯାଣା-ମ୍ଭଵତି । ଯ ଏତେନ ହଵିଷା ଯଜତେ । ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି । ନକ୍ଷତ୍ରାଯ ସ୍ଵାହୋଦେଷ୍ଯତେ ସ୍ଵାହା ।
ଉଦ୍ଯତେ ସ୍ଵାହୋଦିତାଯ ସ୍ଵାହା । ହରସେ ସ୍ଵାହା ଭରସେ ସ୍ଵାହା । ଭ୍ରାଜସେ ସ୍ଵାହା ତେଜସେ ସ୍ଵାହା ।
ତପସେ ସ୍ଵାହା ବ୍ରହ୍ମଵର୍ଚସାଯ ସ୍ଵାହେତି ॥ 60 ॥

ସୂର୍ଯୋ ଵା ଅକାମଯତ । ନକ୍ଷତ୍ରାଣା-ମ୍ପ୍ରତିଷ୍ଠା ସ୍ଯାମିତି । ସ ଏତଗ୍ଂ ସୂର୍ଯାଯ ନକ୍ଷତ୍ରେଭ୍ଯଶ୍ଚରୁ-ନ୍ନିରଵପତ୍ ।
ତତୋ ଵୈ ସ ନକ୍ଷତ୍ରାଣା-ମ୍ପ୍ରତିଷ୍ଠା ଽଭଵତ୍ ।
ପ୍ରତିଷ୍ଠା ହ ଵୈ ସମାନାନା-ମ୍ଭଵତି ।
ଯ ଏତେନ ହଵିଷା ଯଜତେ ।
ଯ ଉ ଚୈନଦେଵଂ-ଵେଁଦ । ସୋ-ଽତ୍ର ଜୁହୋତି ।
ସୂର୍ଯାଯ ସ୍ଵାହା ନକ୍ଷତ୍ରେଭ୍ଯ-ସ୍ସ୍ଵାହା । ପ୍ରତିଷ୍ଠାଯୈ ସ୍ଵାହେତି ॥ 61 ॥

ଅଥୈତମଦିତ୍ଯୈ ଚରୁ-ନ୍ନିର୍ଵପତି । ଇଯଂ-ଵାଁ ଅଦିତିଃ ।
ଅସ୍ଯାମେଵ ପ୍ରତି ତିଷ୍ଠତି । ସୋ-ଽତ୍ର ଜୁହୋତି ।
ଅଦିତ୍ଯୈ ସ୍ଵାହା ପ୍ରତିଷ୍ଠାଯୈ ସ୍ଵାହେତି ॥ 62 ॥

ଅଥୈତଂ-ଵିଁଷ୍ଣଵେ ଚରୁ-ନ୍ନିର୍ଵପତି । ଯଜ୍ଞୋ ଵୈ ଵିଷ୍ଣୁଃ । ଯଜ୍ଞ ଏଵାନ୍ତତଃ ପ୍ରତି ତିଷ୍ଠତି । ସୋ-ଽତ୍ର ଜୁହୋତି । ଵିଷ୍ଣଵେ ସ୍ଵାହା ଯଜ୍ଞାଯ ସ୍ଵାହା । ପ୍ରତିଷ୍ଠାଯୈ ସ୍ଵାହେତି ॥ 63 ॥
(ଚନ୍ଦ୍ରମାଃ ପଞ୍ଚଦଶା - ହୋରାତ୍ରେ ସପ୍ତଦ - ଶୋଷା ଏକାଦଶା - ଥୈତସ୍ମୈ ନକ୍ଷତ୍ତାଯ ତ୍ରଯୋଦଶ - ସୂର୍ଯୋ ଦଶା - ଥୈତମଦିତ୍ଯୈ ପଞ୍ଚା - ଥୈତଂ-ଵିଁଷ୍ଣଵେ ଷଟ୍-ଥ୍ସପ୍ତ) (ଅ. 6)
[ସଵିତା-ଽଽଶୂନାଂ-ଵ୍ରୀଁହୀଣାମିନ୍ଦ୍ରୋ ମହାଵ୍ରୀହୀଣାମିନ୍ଦ୍ରଃ କୃଷ୍ଣାନୋଂ
ଁଵ୍ରୀହୀଣାମହୋରାତ୍ରେ ଦ୍ଵଯାନାଂ-ଵ୍ରୀଁହୀଣାମ୍ । ପିତର-ଷ୍ଷଟ୍କପାଲଗ୍ଂ ସଵିତା ଦ୍ଵାଦଶକପାଲମିନ୍ଦ୍ରାଗ୍ନୀ ଏକାଦଶକପାଲମିନ୍ଦ୍ର ଏକାଦଶକପାଲମିନ୍ଦ୍ରୋ ଦଶକପାଲଂ-ଵିଁଷ୍ଣୁସ୍ତ୍ରିକପାଲମହି-ର୍ଭୂମିକପାଲମଶ୍ଵିନୌ ଦ୍ଵିକପାଲ-ଞ୍ଚନ୍ଦ୍ରମାଃ ପଞ୍ଚଦଶକପାଲ-ମଗ୍ନିରତ୍ଵଷ୍ଟା ଵସଵୋ-ଽଷ୍ଟାକପାଲମନ୍ଯତ୍ର ଚରୁମ୍ । ରୁଦ୍ରୋ-ଽର୍ଯମା ପୂଷା ପଶୁମାନ୍-ଥ୍ସ୍ଯାଗ୍ଂ ସୋମୋ ରୁଦ୍ରୋ ବୃହସ୍ପତିଃ ପଯସି ଵାଯୁଃ ପଯ-ସ୍ସୋମୋ ଵାଯୁରିନ୍ଦ୍ରାଗ୍ନୀ ମିତ୍ର ଇନ୍ଦ୍ର ଆପୋ ବ୍ରହ୍ମ ଯମୋ-ଽଭିଜିତ୍ଯୈ ତ୍ଵଷ୍ଟା ପ୍ରଜାପତିଃ ପ୍ରଜାଯୈ ପୌର୍ଣମାସ୍ଯା ଅମାଵାସ୍ଯାଯା ଆଗତ୍ଯୈ ଵିଶ୍ଵେ ଜିତ୍ଯା
ଅଶ୍ଵିନୌ ଶ୍ରୁତ୍ଯୈ । ବ୍ରହ୍ମ ତଦେତଂ-ଵିଁଷ୍ଣୁ-ସ୍ସ ଏତଂ-ଵାଁଯୁ-ସ୍ସ ଏତଦାପସ୍ତାଃ । ପିତରୋ ଵିଶ୍ଵେ ଵସଵୋ-ଽକାମଯନ୍ତମେତି ତ ଏତ-ନ୍ନିରଵପନ୍ନ୍ । ଆପୋ-ଽକାମଯନ୍ତ ମେତି ତା ଏତ-ନ୍ନିରଵପନ୍ନ୍ । ଇନ୍ଦ୍ରାଗ୍ନୀ ଅଶ୍ଵିନାଵକାମଯେତାଂ-ଵେଁତି ତାଵେତ-ନ୍ନିରଵପଦାମ୍ । ଅହୋରାତ୍ରେ ଵା ଅକାମଯେତାମିତି ତେ ଏତ-ନ୍ନିରଵପତାମ୍ ।
ଅନ୍ଯତ୍ରାକାମଯତମିତି ସ ଏତ-ନ୍ନିରଵପତ୍ । ଇନ୍ଦ୍ରାଗ୍ନୀ ଶ୍ରୈଷ୍ଠ୍ଯମିନ୍ଦ୍ରୋ ଜ୍ଯୈଷ୍ଠ୍ଯମିନ୍ଦ୍ରୋ ଦୃଢଃ ।
ଆହି-ସ୍ସୂର୍ଯୋ-ଽଦିତ୍ଯୈ ଵିଷ୍ଣଵେ ପ୍ରତିଷ୍ଠାଯୈ ।
ସୋମୋ ଯମ-ସ୍ସମାନାନାମ୍ । ଅଗ୍ନିର୍ନୋ ରୀରିଷଦନ୍ଯତ୍ର ରୀରିଷଃ]
[ଵିଦୁଷୋ ହଵିଷା ଯ ଉ ଚୈନଦେଵଂ-ଵେଁଦ । ଇଷ୍ଟିଭିର୍ଯ ଉ ଚୈନା ଏଵଂ-ଵେଁଦ ।
ଅନ୍ଯତ୍ର ବ୍ରାହ୍ମଣେ ଯ ଉ ଚୈନମେଵଂ-ଵେଁଦ ]
ଫ୍ରପାତକ ଖୋର୍ଵୈ ଵି-ଥ୍ସ୍ତର୍ତିନ୍ଗ୍ ଫଦମ୍ସ୍ ଓf 1 ତୋ 6 ଆନୁଵାକମ୍ସ୍ ଃ-
(ଅଗ୍ନିର୍ନ-ଋଦ୍ଧ୍ଯାସ୍ମ-ନଵୋନଵୋ-ଽଗ୍ନି-ର୍ମିତ୍ର - ଶ୍ଚନ୍ଦ୍ରମା-ଷ୍ଷଟ୍)
(ଅଗ୍ନିର୍ନ - ସ୍ତନ୍ନୋ ଵାଯୁ - ରହିର୍ବୂଦ୍ଧ୍ନିଯ - ଋକ୍ଷା ଵା ଇଯ - ମଥୈତ-ତ୍ପୌର୍ଣମାସ୍ଯା - ଅଜୋ ଵା ଏକପାଥ୍ - ସୂର୍ଯ ସ୍ତ୍ରିଷଷ୍ଟିଃ)
(ଅଗ୍ନିର୍ନଃ - ପାତୁ ପ୍ରତିଷ୍ଠାଯୈ ସ୍ଵାହେତି )
॥ ହରିଃ ଓମ୍ ॥
॥ କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ବ୍ରାହ୍ମଣେ ତୃତୀଯାଷ୍ଟକେ ପ୍ରଥମଃ ପ୍ରପାଠକ-ସ୍ସମାପ୍ତଃ ॥

More The Nakshatras (Celestial Constellations) Stotras

Explore More