മഹാശാശ്താ അനുഗ്രഹ കവചമ്

ഭഗവന് ദേവദേവേശ സര്വജ്ഞ ത്രിപുരാന്തക ।
പ്രാപ്തേ കലിയുഗേ ഘോരേ മഹാഭൂതൈഃ സമാവൃതേ ॥ 1

മഹാവ്യാധി മഹാവ്യാല ഘോരരാജൈഃ സമാവൃതേ ।
ദുഃസ്വപ്നശോകസന്താപൈഃ ദുര്വിനീതൈഃ സമാവൃതേ ॥ 2

സ്വധര്മവിരതേമാര്ഗേ പ്രവൃത്തേ ഹൃദി സര്വദാ ।
തേഷാം സിദ്ധിം ച മുക്തിം ച ത്വം മേ ബ്രൂഹി വൃഷദ്വജ ॥ 3

ഈശ്വര ഉവാച-
ശൃണു ദേവി മഹാഭാഗേ സര്വകല്യാണകാരണേ ।
മഹാശാസ്തുശ്ച ദേവേശി കവചം പുണ്യവര്ധനമ് ॥ 4

അഗ്നിസ്തമ്ഭ ജലസ്തമ്ഭ സേനാസ്തമ്ഭ വിധായകമ് ।
മഹാഭൂതപ്രശമനം മഹാവ്യാധിനിവാരണമ് ॥ 5

മഹാജ്ഞാനപ്രദം പുണ്യം വിശേഷാത് കലിതാപഹമ് ।
സര്വരക്ഷോത്തമം പുംസാം ആയുരാരോഗ്യവര്ധനമ് ॥ 6

കിമതോ ബഹുനോക്തേന യം യം കാമയതേ ദ്വിജഃ ।
തം തമാപ്നോത്യസന്ദേഹോ മഹാശാസ്തുഃ പ്രസാദനാത് ॥ 7

കവചസ്യ ഋഷിര്ബ്രഹ്മാ ഗായത്രീഃ ഛന്ദ ഉച്യതേ ।
ദേവതാ ശ്രീമഹാശാസ്താ ദേവോ ഹരിഹരാത്മജഃ ॥ 8

ഷഡങ്ഗമാചരേദ്ഭക്ത്യാ മാത്രയാ ജാതിയുക്തയാ ।
ധ്യാനമസ്യ പ്രവക്ഷ്യാമി ശൃണുഷ്വാവഹിതാ പ്രിയേ ॥ 9
അസ്യ ശ്രീ മഹാശാസ്തുഃ കവചമന്ത്രസ്യ । ബ്രഹ്മാ ഋഷിഃ । ഗായത്രീഃ ഛന്ദഃ । മഹാശാസ്താ ദേവതാ । ഹ്രാം ബീജമ് । ഹ്രീം ശക്തിഃ । ഹ്രൂം കീലകമ് । ശ്രീ മഹാശാസ്തുഃ പ്രസാദ സിദ്ധ്യര്ഥേ ജപേ വിനിയോഗഃ ॥
ഹ്രാം ഇത്യാദി ഷഡങ്ഗന്യാസഃ ॥
ധ്യാനമ്-
തേജോമണ്ഡലമധ്യഗം ത്രിനയനം ദിവ്യാമ്ബരാലങ്കൃതം
ദേവം പുഷ്പശരേക്ഷുകാര്മുക ലസന്മാണിക്യപാത്രാഽഭയമ് ।
ബിഭ്രാണം കരപങ്കജൈഃ മദഗജ സ്കന്ധാധിരൂഢം വിഭും
ശാസ്താരം ശരണം ഭജാമി സതതം ത്രൈലോക്യ സമ്മോഹനമ് ॥
മഹാശാസ്താ ശിരഃ പാതു ഫാലം ഹരിഹരാത്മജഃ ।
കാമരൂപീ ദൃശം പാതു സര്വജ്ഞോ മേ ശ്രുതിം സദാ ॥ 1
ഘ്രാണം പാതു കൃപാധ്യക്ഷഃ മുഖം ഗൌരീപ്രിയഃ സദാ ।
വേദാധ്യായീ ച മേ ജിഹ്വാം പാതു മേ ചിബുകം ഗുരുഃ ॥ 2
കണ്ഠം പാതു വിശുദ്ധാത്മാ സ്കന്ധൌ പാതു സുരാര്ചിതഃ ।
ബാഹൂ പാതു വിരൂപാക്ഷഃ കരൌ തു കമലാപ്രിയഃ ॥ 3
ഭൂതാധിപോ മേ ഹൃദയം മധ്യം പാതു മഹാബലഃ ।
നാഭിം പാതു മഹാവീരഃ കമലാക്ഷോഽവതു കടിമ് ॥ 4
സനീപം പാതു വിശ്വേശഃ ഗുഹ്യം ഗുഹ്യാര്ഥവിത്സദാ ।
ഊരൂ പാതു ഗജാരൂഢഃ വജ്രധാരീ ച ജാനുനീ ॥ 5
ജങ്ഘേ പാത്വങ്കുശധരഃ പാദൌ പാതു മഹാമതിഃ ।
സര്വാങ്ഗം പാതു മേ നിത്യം മഹാമായാവിശാരദഃ ॥ 6
ഇതീദം കവചം പുണ്യം സര്വാഘൌഘനികൃന്തനമ് ।
മഹാവ്യാധിപ്രശമനം മഹാപാതകനാശനമ് ॥ 7
ജ്ഞാനവൈരാഗ്യദം ദിവ്യമണിമാദിവിഭൂഷിതമ് ।
ആയുരാരോഗ്യജനനം മഹാവശ്യകരം പരമ് ॥ 8
യം യം കാമയതേ കാമം തം തമാപ്നോത്യസംശയഃ ।
ത്രിസന്ധ്യം യഃ പഠേദ്വിദ്വാന് സ യാതി പരമാം ഗതിമ് ॥