What is Shiva Sankalpa Suktam?

Read Shiva Sankalpa Suktam in Malayalam script — full lyrics with English meaning and transliteration. The Shiva Sankalpa Suktam is a profound collection of six Vedic mantras originating from the Rig Veda Khila. It focuses on the internal state of the mind, invoking the grace of the Divine to purify and direct our thoughts toward auspiciousness and righteousness. By chanting these verses, the seeker prays for a mind that is steady, enlightened, and aligned with cosmic wisdom. It is highly valued in Hindu tradition for its ability to foster mental clarity, emotional stability, and spiritual focus, ultimately guiding the devotee toward harmony with the supreme consciousness represented by Lord Shiva.

Which deity is Shiva Sankalpa Suktam dedicated to?

Shiva Sankalpa Suktam is a Sanskrit hymn dedicated to Lord Shiva.

Who composed Shiva Sankalpa Suktam?

Shiva Sankalpa Suktam is traditionally attributed to From Rig Veda Khila.

Shiva Sankalpa Suktam in Malayalam – Lyrics

(ഋഗ് വേദ ഖില കാണ്ഡം 4.11 9.1)
യേനേദ-മ്ഭൂത-മ്ഭുവന-മ്ഭവിഷ്യ-ത്പരിഗൃഹീത-മമൃതേന സര്വമ് । യേന യജ്ഞസ്തായതേ
(യജ്ഞസ്ത്രായതേ) സപ്തഹോതാ തന്മേ മനഃ ശിവസങ്കല്പമസ്തു ॥ 1

യേന കര്മാണി പ്രചരന്തി ധീരാ യതോ വാചാ മനസാ ചാരുയന്തി ।
യ-ഥ്സമ്മിതമനു സംയഁന്തി പ്രാണിനസ്തന്മേ മനഃ ശിവസങ്കല്പമസ്തു ॥ 2

യേന കര്മാണ്യപസോ മനീഷിണോ യജ്ഞേ കൃണ്വന്തി വിദഥേഷു ധീരാഃ ।
യദപൂര്വം-യഁക്ഷ്മമന്തഃ പ്രജാനാ-ന്തന്മേ മനഃ ശിവസങ്കല്പമസ്തു ॥ 3

യത്പ്രജ്ഞാന-മുത ചേതോ ധൃതിശ്ച യജ്ജ്യോതി രന്തരമൃത-മ്പ്രജാസു ।
യസ്മാന്ന ഋതേ കിഞ്ചന കര്മ ക്രിയതേ തന്മേ മനഃ ശിവസങ്കല്പമസ്തു ॥ 4

സുഷാരഥി-രശ്വാനിവ യന്മനുഷ്യാന്നേ നീയതേ-ഽഭീശുഭി ര്വാജിന ഇവ ।
ഹൃത്പ്രതിഷ്ഠം-യഁദജിര-ഞ്ജവിഷ്ഠ-ന്തന്മേ മനഃ ശിവസങ്കല്പമസ്തു ॥ 5

യസ്മിന് ഋചസ്സാമ-യജൂഗ്ംഷി യസ്മി-ന്പ്രതിഷ്ഠിതാ രഥനാഭാ വിവാരാഃ ।
യസ്മിഗ്ഗ്ശ്ചിത്തഗ്ം സര്വമോത-മ്പ്രജാനാ-ന്തന്മേ മനഃ ശിവസങ്കല്പമസ്തു ॥ 6

യദത്ര ഷഷ്ഠ-ന്ത്രിശതഗ്ം സുവീരം-യഁജ്ഞസ്യ ഗുഹ്യ-ന്നവ നാവമായ്യമ് ।
ദശ പഞ്ച ത്രിഗ്ംശതം-യഁത്പര-ഞ്ച തന്മേ മനഃ ശിവസങ്കല്പമസ്തു ॥ 7

യജ്ജാഗ്രതോ ദൂരമുദൈതി ദൈവ-ന്തദു സുപ്തസ്യ തഥൈവൈതി ।
ദൂരഗമ്മ-ഞ്ജ്യോതിഷാ-ഞ്ജ്യോതിരേക-ന്തന്മേ മനഃ ശിവസങ്കല്പമസ്തു ॥ 8

യേനേദം-വിഁശ്വ-ഞ്ജഗതോ ബഭൂവ യേ ദേവാപി മഹതോ ജാതവേദാഃ ।
തദേവാഗ്നി-സ്തമസോ ജ്യോതിരേക-ന്തന്മേ മനഃ ശിവസങ്കല്പമസ്തു ॥ 9

യേന ദ്യൌഃ പൃഥിവീ ചാന്തരിക്ഷ-ഞ്ച യേ പര്വതാഃ പ്രദിശോ ദിശശ്ച ।
യേനേദ-ഞ്ജഗ-ദ്വ്യാപ്ത-മ്പ്രജാനാ-ന്തന്മേ മനഃ ശിവസങ്കല്പമസ്തു ॥ 10

യേ മനോ ഹൃദയം-യേഁ ച ദേവാ യേ ദിവ്യാ ആപോ യേ സൂര്യരശ്മിഃ ।
തേ ശ്രോത്രേ ചക്ഷുഷീ സഞ്ചരന്ത-ന്തന്മേ മനഃ ശിവസങ്കല്പമസ്തു ॥ 11

അചിന്ത്യ-ഞ്ചാ പ്രമേയ-ഞ്ച വ്യക്താ-വ്യക്ത പര-ഞ്ച യത് ।
സൂക്ഷ്മാ-ഥ്സൂക്ഷ്മതര-ഞ്ജ്ഞേയ-ന്തന്മേ മനഃ ശിവസങ്കല്പമസ്തു ॥ 12

ഏകാ ച ദശ ശത-ഞ്ച സഹസ്ര-ഞ്ചായുത-ഞ്ച നിയുത-ഞ്ച പ്രയുതം
ചാര്ബുദ-ഞ്ച ന്യര്ബുദ-ഞ്ച സമുദ്രശ്ച മദ്ധ്യ-ഞ്ചാന്തശ്ച പരാര്ധശ്ച തന്മേ മനഃ
ശിവസങ്കല്പമസ്തു ॥ 13

യേ പഞ്ച പഞ്ച ദശ ശതഗ്ം സഹസ്ര-മയുത-ന്ന്യര്ബുദ-ഞ്ച ।
തേ അഗ്നി-ചിത്യേഷ്ടകാസ്തഗ്ം ശരീര-ന്തന്മേ മനഃ ശിവസങ്കല്പമസ്തു ॥ 14

വേദാഹമേത-മ്പുരുഷ-മ്മഹാന്ത-മാദിത്യ-വര്ണ-ന്തമസഃ പരസ്താത് ।
യസ്യ യോനി-മ്പരിപശ്യന്തി ധീരാസ്തന്മേ മനഃ ശിവസങ്കല്പമസ്തു ॥ 15

യസ്യേദ-ന്ധീരാഃ പുനന്തി കവയോ ബ്രഹ്മാണമേത-ന്ത്വാ വൃണത ഇന്ദുമ് ।
സ്ഥാവര-ഞ്ജങ്ഗമം-ദ്യൌരാകാശ-ന്തന്മേ മനഃ ശിവസങ്കല്പമസ്തു ॥ 16

പരാ-ത്പരതര-ഞ്ചൈവ യ-ത്പരാശ്ചൈവ യത്പരമ് ।
യത്പരാ-ത്പരതോ ജ്ഞേയ-ന്തന്മേ മനഃ ശിവസങ്കല്പമസ്തു ॥ 17

പരാ-ത്പരതരോ ബ്രഹ്മാ തത്പരാ-ത്പരതോ ഹരിഃ ।
തത്പരാ-ത്പരതോ ഽധീശസ്തന്മേ മനഃ ശിവസങ്കല്പമസ്തു ॥ 18

യാ വേദാദിഷു ഗായത്രീ സര്വവ്യാപി മഹേശ്വരീ ।
ഋഗ് യജു-സ്സാമാ-ഥര്വൈശ്ച തന്മേ മനഃ ശിവസങ്കല്പമസ്തു ॥ 19

യോ വൈ ദേവ-മ്മഹാദേവ-മ്പ്രണവ-മ്പരമേശ്വരമ് ।
യ-സ്സര്വേ സര്വ വേദൈശ്ച തന്മേ മനഃ ശിവസങ്കല്പമസ്തു ॥ 20

പ്രയതഃ പ്രണവോങ്കാര-മ്പ്രണവ-മ്പുരുഷോത്തമമ് ।
ഓകാംര-മ്പ്രണവാത്മാന-ന്തന്മേ മനഃ ശിവസങ്കല്പമസ്തു ॥ 21

യോ-ഽസൌ സര്വേഷു വേദേഷു പഠ്യതേ ഹ്യജ ഈശ്വരഃ । അകായോ നിര്ഗുണോ ഹ്യാത്മാ തന്മേ മനഃ ശിവസങ്കല്പമസ്തു ॥ 22

ഗോഭി ര്ജുഷ്ട-ന്ധനേന ഹ്യായുഷാ ച ബലേന ച । പ്രജയാ പശുഭിഃ പുഷ്കരാക്ഷ-ന്തന്മേ മനഃ ശിവസങ്കല്പമസ്തു ॥ 23

കൈലാസ ശിഖരേ രമ്യേ ശങ്കരസ്യ ശിവാലയേ ।
ദേവതാസ്തത്ര മോദന്തേ തന്മേ മനഃ ശിവസങ്കല്പമസ്തു ॥ 24

ത്ര്യബങ്കം-യഁജാമഹേ സുഗന്ധി-മ്പുഷ്ടിവര്ധനമ് । ഉര്വാരുകമിവ ബന്ധനാ-ന്മൃത്യോ-ര്മുക്ഷീയ മാ-ഽമൃതാ-ത്തന്മേ മനഃ ശിവസങ്കല്പമസ്തു ॥ 25

വിശ്വത-ശ്ചക്ഷുരുത വിശ്വതോ മുഖോ വിശ്വതോ ഹസ്ത ഉത വിശ്വതസ്പാത് ।
സമ്ബാഹുഭ്യാം-നമതി സമ്പതത്രൈ ര്ദ്യാവാ പൃഥിവീ ജനയ-ന്ദേവ ഏകസ്തന്മേ മനഃ ശിവസങ്കല്പമസ്തു ॥ 26

ചതുരോ വേദാനധീയീത സര്വ ശാസ്ത്രമയം-വിഁദുഃ । ഇതിഹാസ പുരാണാനാ-ന്തന്മേ മനഃ ശിവസങ്കല്പമസ്തു ॥ 27

മാ നോ മഹാന്തമുത മാ നോ അര്ഭക-മ്മാ ന ഉക്ഷന്തമുത മാ ന ഉക്ഷിതമ് । മാ നോ വധീഃ പിതര-മ്മോത മാതര-മ്പ്രിയാ മാ നസ്തനുവോ രുദ്ര രീരിഷസ്തന്മേ മനഃ ശിവസങ്കല്പമസ്തു ॥ 28

മാ നസ്തോകേ തനയേ മാ ന ആയുഷി മാ നോ ഗോഷു മാ നോ അശ്വേഷു രീരിഷഃ ।
വീരാന്മാനോ രുദ്ര ഭാമിതോവധീ ര്ഹവിഷ്മന്തോ നമസാ വിധേമ തേ തന്മേ മനഃ ശിവസങ്കല്പമസ്തു ॥ 29

ഋതഗ്ം സത്യ-മ്പര-മ്ബ്രഹ്മ പുരുഷ-ങ്കൃഷ്ണപിങ്ഗലമ് ।
ഊര്ധ്വരേതം-വിഁരൂപാക്ഷം-വിഁശ്വരൂപായ വൈ നമോ നമസ്തന്മേ മനഃ ശിവസങ്കല്പമസ്തു ॥ 30

ക-ദ്രുദ്രായ പ്രചേതസേ മീഢുഷ്ടമായ തവ്യസേ । വോചേമ ശന്തമഗ്ം ഹൃദേ ।
സര്വോ ഹ്യേഷ രുദ്രസ്തസ്മൈ രുദ്രായ നമോ അസ്തു തന്മേ മനഃ ശിവസങ്കല്പമസ്തു ॥ 31

ബ്രഹ്മജജ്ഞാന-മ്പ്രഥമ-മ്പുരസ്താ-ദ്വിസീമത-സ്സുരുചോ വേന ആവഃ ।
സ ബുധ്നിയാ ഉപമാ അസ്യ വിഷ്ഠാ-സ്സതശ്ച യോനി-മസതശ്ച വിവസ്തന്മേ മനഃ ശിവസങ്കല്പമസ്തു ॥ 32

യഃ പ്രാണതോ നിമിഷതോ മഹിത്വൈക ഇദ്രാജാ ജഗതോ ബഭൂവ । യ ഈശേ അസ്യ ദ്വിപദ-ശ്ചതുഷ്പദഃ കസ്മൈ ദേവായ ഹവിഷാ വിധേമ തന്മേ മനഃ ശിവസങ്കല്പമസ്തു ॥ 33

യ ആത്മദാ ബലദാ യസ്യ വിശ്വ ഉപാസതേ പ്രശിഷം-യഁസ്യ ദേവാഃ ।
യസ്യ ഛായാ-ഽമൃതം-യഁസ്യ മൃത്യുഃ കസ്മൈ ദേവായ ഹവിഷാ വിധേമ തന്മേ മനഃ ശിവസങ്കല്പമസ്തു ॥ 34

യോ രുദ്രോ അഗ്നൌ യോ അഫ്സു യ ഓഷധീഷു യോ രുദ്രോ വിശ്വാ ഭുവനാ-ഽഽവിവേശ തസ്മൈ രുദ്രായ നമോ അസ്തു തന്മേ മനഃ ശിവസങ്കല്പമസ്തു ॥ 35

ഗന്ധദ്വാരാ-ന്ദുരാധര്ഷാ-ന്നിത്യപുഷ്ടാ-ങ്കരീഷിണീമ് । ഈശ്വരീഗ്ം സര്വ ഭൂതാനാ-ന്താമിഹോപഹ്വയേ ശ്രിയ-ന്തന്മേ മനഃ ശിവസങ്കല്പമസ്തു ॥ 36

യ ഇദഗ്ം ശിവസങ്കല്പഗ്ം സദാ ധ്യായന്തി ബ്രാഹ്മണാഃ । തേ പര-മ്മോക്ഷ-ങ്ഗമിഷ്യന്തി തന്മേ മനഃ ശിവസങ്കല്പമസ്തു ॥ 37
ഓ-ന്നമോ ഭഗവതേ രുദ്രായ ॥ ശിവസങ്കല്പഗ്ം ഹൃദയായ നമഃ ॥

ശ്രീ മഹാന്യാസമ് - 7.1. ശിവസങ്കല്പാഃ

Explore More

More Shiva Stotras

Explore More