What is Mangalya Stavah in Telugu?

Read Mangalya Stavah in Telugu script — full lyrics with English meaning and transliteration. The Mangalya Stavah is a sacred hymn found within the Vamana Purana, primarily dedicated to Lord Vishnu, the preserver of the universe. This stotra is traditionally chanted to invoke auspiciousness and remove obstacles before commencing any significant task. It serves as a powerful spiritual remedy for nullifying the negative effects of bad dreams and warding off inauspicious omens. By reciting this hymn, a devotee invites the protective grace of Lord Vishnu, ensuring that all endeavors reach a successful conclusion while bestowing peace, prosperity, and spiritual harmony upon the practitioner.

Which deity is Mangalya Stavah in Telugu dedicated to?

Mangalya Stavah in Telugu is a Sanskrit hymn dedicated to Lord Vishnu.

Who composed Mangalya Stavah in Telugu?

Mangalya Stavah in Telugu is traditionally attributed to From Vamana Purana.

Mangalya Stavah in Telugu - Sanskrit Text & Transliteration

దాల్భ్యః

కార్యారమ్భేషు సర్వేషు దుఃస్వప్నేషు చ సత్తమ ।
అమాఙ్గల్యేషు దృష్టేషు యజ్జప్తవ్యం తదుచ్యతామ్ ॥ 1 ॥

యేనారమ్భాశ్చ సిద్ధ్యన్తి దుఃస్వప్నశ్చోపశామ్యతి ।
అమఙ్గలానాం దృష్టానాం పరిహారశ్చ జాయతే ॥ 2 ॥

శ్రీ పులస్త్యః:
జనార్దనం భూతపతిం జగద్గురుం స్మరన్ మనుష్యః సతతం మహామునే ।
దుష్టాన్యశేషణ్యపహన్తి సాధయతి అశేషకార్యాణి చ యాన్యభీప్సతి ॥ 3 ॥

శృణుష్వ చాన్యత్ గదతో మమాఖిలం వదామి యత్ తే ద్విజవర్య! మఙ్గలమ్ ।
సర్వార్థసిద్ధిం ప్రదదాతి యత్ సదా నిహన్త్య్శేషాణి చ పాతకాని ॥ 4 ॥

ప్రతిష్టితం యత్ర జగచ్చరాచరం జగత్త్రయే యో జగతశ్చ హేతుః ।
జగచ్చ పాత్యత్తి చ యః స సర్వదా మమాస్తు మాఙ్గల్యవివృద్ధయే హరిః ॥ 5 ॥

వ్యోమామ్బువాయ్వగ్నిమహీస్వరూపైః విస్తారవాన్ యోఽణుతరోఽణుభావాత్ ।
అస్థూలసూక్ష్మః సతతం పరేశ్వరో మమాస్తు మాఙ్గల్యవివృద్ధయే హరిః ॥ 6 ॥

యస్మాత్ పరస్మాత్ పురుషాదనన్తాత్ అనాదిమధ్యాదధికం న కిఞ్చిత్ ।
స హేతుహేతుః పరమేశ్వరేశ్వరః మమాస్తు మాఙ్గల్యవివృద్ధయే హరిః ॥ 7 ॥

హిరణ్యగర్భాచ్యుతరుద్రరూపీ సృజత్యశేషం పరిపాతి హన్తి ।
గుణాగ్రణీర్యో భగవాన్ స సర్వదా మమాస్తు మాఙ్గల్యవివృద్ధయే హరిః ॥ 8 ॥

పరః సురాణాం పరమోఽసురాణాం పరో యతీనాం పరమో మునీనామ్ ।
పరః సమస్తస్య చ యః స సర్వదా మమాస్తు మాఙ్గల్యవివృద్ధయే హరిః ॥ 9 ॥

ధ్యాతో మునీనామపకల్మషైర్యో దదాతి ముక్తిం పరమేశ్వరేశ్వరః ।
మనోభిరామః పురుషః స సర్వదా మమాస్తు మాఙ్గల్యవివృద్ధయే హరిః ॥ 10 ॥

సురేన్ద్రవైవస్వతవిత్తపామ్బుపస్వరూపరూపీ పరిపాతి యో జగత్ ।
స శుద్ధశుద్ధః పరమేశ్వరేశ్వరో మమాస్తు మాఙ్గల్యవివృద్ధయే హరిః ॥ 11 ॥

యన్నామసఙ్కీర్తనతో విముచ్యతే హ్యనేకజన్మార్జితపాపసఞ్చయాత్ ।
పాపేన్ధనాగ్నిః స సదైవ నిర్మలో మమాస్తు మాఙ్గల్యవివృద్ధయే హరిః ॥ 12 ॥

యేనోద్ధృతేయం ధరణీ రసాతలాత్ అశేషసృష్టిస్థితికారణాదికమ్ ।
బిభర్తి విశ్వం జగతః స మూలం మమాస్తు మాఙ్గల్యవివృద్ధయే హరిః ॥ 13 ॥

పాదేషు వేదా జఠరే చరాచరం రోమస్వశేషా మునయో ముఖే మఖాః ।
యస్యేశ్వరేశస్య స సర్వదా ప్రభుః మమాస్తు మాఙ్గల్యవివృద్ధయే హరిః ॥ 14 ॥

సమస్త యజ్ఞాఙ్గమయం వపుః ప్రభోః యస్యాఙ్గమీశేశ్వరసంస్తుతస్య ।
వరాహరూపీ భగవాన్ స సర్వదా మమాస్తు మాఙ్గల్యవివృద్ధయే హరిః ॥ 15 ॥

విక్షోభ్య సర్వోదధితోయసమ్భవం దధార ధాత్రీం జగతశ్చ యో భువమ్ ।
యజ్ఞేశ్వరో యజ్ఞపుమాన్ స సర్వదా మమాస్తు మాఙ్గల్యవివృద్ధయే హరిః ॥ 16 ॥

పాతాలమూలేశ్వరభోగిసంహతో విన్యస్య పాదౌ పృతివీం చ బిభ్రతః ।
యస్యోపమానం న బభూవ సోఽచ్యుతో మమాస్తు మాఙ్గల్యవివృద్ధయే హరిః ॥ 17 ॥

సఘర్ఘరం యస్య చ బృంహితం ముహుః సనన్దనాద్యైర్జనలోకసంశ్రితైః ।
శ్రుతం జయేత్యుక్తిపరైః స సర్వదా మమాస్తు మాఙ్గల్యవివృద్ధయే హరిః ॥ 18 ॥

ఏకార్ణవాద్ యస్య మహీయసౌ మహీం ఆదాయ వేగేన ఖముత్పతిష్యతః ।
నతం వపుర్యోగివరైః స సర్వదా మమాస్తు మాఙ్గల్యవివృద్ధయే హరిః ॥ 19 ॥

హతో హిరణ్యాక్షమహాసురః పురా పురాణపుంసా పరమేణ యేన ।
వరాహరూపః స పతిః ప్రజాపతిః మమాస్తు మాఙ్గల్యవివృద్ధయే హరిః ॥ 20 ॥

దంష్ట్రాకరాలం సురభీతినాశకం కృతం వపుర్దివ్యనృసింహరూపిణా ।
త్రాతుం జగత్ యేన స సర్వదా ప్రభుః మమాస్తు మాఙ్గల్యవివృద్ధయే హరిః ॥ 21 ॥

దైత్యేన్ద్రవక్షఃస్థలదారదారుణైః
కరేరుహైర్యః క్రకచానుకారిభిః ।
విచ్ఛేద లోకస్య భయాని సోఽచ్యుతో
మమాస్తు మాఙ్గల్యవివృద్ధయే హరిః ॥ 22 ॥

దన్తాన్తదీప్తద్యుతినిర్మలాని యః చకార సర్వాణి దిశాం ముఖాని ।
నినాదవిత్రాసితదానవో హ్యసౌ మమాస్తు మాఙ్గల్యవివృద్ధయే హరిః ॥ 23 ॥

యన్నామసఙ్కీర్తనతో మహాభయాత్ విమోక్షమాప్నోతి న సంశయం నరః ।
స సర్వలోకార్తిహరో నృకేసరీ మమాస్తు మాఙ్గల్యవివృద్ధయే హరిః ॥ 24 ॥

సటాకరాలభ్రమణానిలాహతాః స్ఫుటన్తి యస్యామ్బుధరాః సమన్తతః ।
స దివ్యసింహః స్ఫురితానలేక్షణో మమాస్తు మాఙ్గల్యవివృద్ధయే హరిః ॥ 25 ॥

యదీక్షణజ్యోతిషి రశ్మిమణ్డలం ప్రలీనమీషన్న రరాజ భాస్వతః ।
కుతః శశాఙ్కస్య స దివ్యరూపధృక్ మమాస్తు మాఙ్గల్యవివృద్ధయే హరిః ॥ 26 ॥

అశేషదేవేశనరేశ్వరేశ్వరైః సదా స్తుతం యచ్చరితం మహాద్భుతమ్ ।
స సర్వలోకార్తిహరో మహాహరిః మమాస్తు మాఙ్గల్యవివృద్ధయే హరిః ॥ 27 ॥

ద్రవన్తి దైత్యాః ప్రణమన్తి దేవతాః నశ్యన్తి రక్షాంసి అపయాన్తి చారయః ।
యత్కీర్తనాత్ సోఽద్భుతరూపకేసరీ మమాస్తు మాఙ్గల్యవివృద్ధయే హరిః ॥ 28 ॥

ఋక్పావితం యో యజుషా హి శ్రీమత్ సామధ్వనిధ్వస్తసమస్తపాతకమ్ ।
చక్రే జగత్ వామనకః స సర్వదా మమాస్తు మాఙ్గల్యవివృద్ధయే హరిః ॥ 29 ॥

యత్పాదవిన్యాసపవిత్రతాం మహీ యయౌ వియచ్చర్గ్యజుషాముదీరణాత్ ।
స వామనో దివ్యశరీరరూపదృం మమాస్తు మాఙ్గల్యవివృద్ధయే హరిః ॥ 30 ॥

యస్మిన్ ప్రయాతేఽసురభూభృతోఽధ్వరాత్ ననామ ఖేదాదవనిః ససాగరా ।
స వామనః సర్వజగన్మయః సదా మమాస్తు మాఙ్గల్యవివృద్ధయే హరిః ॥ 31 ॥

మహాద్భుతే దైత్యపతేర్మహాధ్వరే యస్మిన్ ప్రవిష్టే క్షుభితం మహాసురైః ।
స వామనోఽన్తస్థితసప్తలోకధృం మమాస్తు మాఙ్గల్యవివృద్ధయే హరిః ॥ 32 ॥

సఙ్ఘైః సురాణాం దివి భూతలస్థితైః తథా మనుష్యైర్గగనే చ ఖేచరైః ।
స్తుతః క్రమాద్ యః ప్రచ్చార సర్వదా మమాస్తు మాఙ్గల్యవివృద్ధయే హరిః ॥ 33 ॥

క్రాన్త్వా ధరిత్రీం గగనం తథా దివం మరుత్పతేర్యః ప్రదదౌ త్రివిష్టపమ్ ।
స దేవదేవో భువనేశ్వరేశ్వరో మమాస్తు మాఙ్గల్యవివృద్ధయే హరిః ॥ 34 ॥

అనుగ్రహం చాపి బలేరనుత్త్మం చకార యశ్చేన్ద్రపదోపమం క్షణాత్ ।
సురాంశ్చ యజ్ఞాంశభుజః స సర్వదా మమాస్తు మాఙ్గల్యవివృద్ధయే హరిః ॥ 35 ॥

రసాతలాద్ యేన పురా సమాహృతాః సమస్తవేదా జలచారరిరూపిణా ।
స కైటభారిమధుహాఽమ్బుశాయీ మమాస్తు మాఙ్గల్యవివృద్ధయే హరిః ॥ 36 ॥

నిఃక్షత్రియం యశ్చ చకార మేదినీం అనేకశో బాహువనం తథాఽచ్ఛినత్ ।
యః కార్తవీర్యస్య స భార్గవోత్తమో మమాస్తు మాఙ్గల్యవివృద్ధయే హరిః ॥ 37 ॥

నిహత్య యో వాలినముగ్రవిక్రమం
నిబద్ధ్య సేతుం జలధౌ దశాననమ్ ।
జఘాన చాన్యాన్ రజనీచరాన్ అసౌ
మమాస్తు మాఙ్గల్యవివృద్ధయే హరిః ॥ 38 ॥

చిక్షేప బాలః శకటం, బభఞ్జ యో యమార్జునం, కంసమరిం జఘాన చ ।
మమర్ద చాణూరముఖాన్ స సర్వదా మమాస్తు మాఙ్గల్యవివృద్ధయే హరిః ॥ 39 ॥

ప్రాతః సహస్రాంశుమరీచినిర్మలం కరేణ బిభ్రత్ భగవాన్ సుదర్శనమ్ ।
కౌమోదకీ చాపి గదామనన్తో మమాస్తు మాఙ్గల్యవివృద్ధయే హరిః ॥ 40 ॥

హిమేన్దుకున్దస్ఫటికాభనిర్మలం ముఖానిలాపూరితమీశ్వరేశ్వరః ।
మధ్యాహ్నకాలేఽపి స శన్ఖముద్వహన్ మమాస్తు మాఙ్గల్యవివృద్ధయే హరిః ॥ 41 ॥

తథాపరాహ్ణే ప్రవికాసి పఙ్కజం వక్షస్థలేన శ్రియముద్వహన్ హరిః ।
విస్తారిపద్మాయతపత్రలోచనో మమాస్తు మాఙ్గల్యవివృద్ధయే హరిః ॥ 42 ॥

సర్వేషు కాలేషు సమస్తదేశేషు అశేషకార్యేషు తథేశ్వరేశ్వరః ।
సర్వైః స్వరూపైర్భగవాన్ అనాదిమాన్ మమాస్తు మాఙ్గల్యవివృద్ధయే హరిః ॥ 43 ॥

ఏతత్ పఠన్ దాల్భ్య సమస్తపాపైః
విముచ్యతే విష్ణుపరో మనుష్యః ।
సిద్ధ్యన్తి కార్యాణి తథాఽస్య సర్వాన్
అర్థానవాప్నోతి యథేచ్ఛతే తాన్ ॥ 44 ॥

దుఃస్వప్నః ప్రశమముపైతి పఠ్యమానే
స్తోత్రేఽస్మిన్ శ్రవణవిధౌ సదోద్యతస్య ।
ప్రారమ్భో ద్రుతముపయాతి సిద్ధిమీశః
పాపాని క్షపయతి చాస్య దేవదేవః ॥ 45 ॥

మాఙ్గల్యం పరమపదం సదాఽర్థసిద్ధిం
నిర్విఘ్నామధికఫలాం శ్రియం దదాతి ।
కిం లోకే తదిహ పరత్ర చాపి పుంసాం
యద్విష్ణుప్రవణధియాం న దాల్భ్య! సాధ్యమ్ ॥ 46 ॥

దేవేన్ద్రస్త్రిభువనమర్థమేకపిఙ్గః
సంసిద్ధిం త్రిభువనగాం చ కార్తవీర్యః ।
వైదేహః పరమపదం ప్రసాద్య విష్ణుం
సమ్ప్రాప్తాః సకలఫలప్రదో హి విష్ణుః ॥ 47 ॥

సర్వారమ్భేషు దాల్భ్యైతద్ దుఃస్వప్నేషు చ పణ్డితః ।
జపేదేకమనా విష్ణౌ తథాఽమఙ్గల్యదర్శనే ॥ 48 ॥

శమం ప్రయాన్తి దుష్టాని గ్రహపీడాశ్చ దారుణాః ।
కర్మారమ్భాశ్చ సిద్ధ్యన్తి పుణ్యమాప్నోతి చోత్తమమ్ ॥ 49 ॥

హరిర్దదాతి భద్రాణి మఙ్గల్యస్తుతిసంస్తుతః ।
కరోత్యఖిలరూపైస్తు రక్షామక్షతశక్తిభృత్ ॥ 50 ॥
॥ శ్రీవిష్ణుధర్మోత్తరాన్తర్గతః మాఙ్గల్యస్తవః

సమ్పూర్ణః ॥

మాఙ్గల్య స్తవః

దాల్భ్యః

Explore More

దాల్భ్యః

More Vishnu Stotras

Explore More