What is Manidvipa Varnana?

Read Manidvipa Varnana in Bengali script — full lyrics with English meaning and transliteration. This text is an evocative excerpt from the twelfth skandha of the Devi Bhagavata Purana, detailing the celestial abode of the Divine Mother known as Manidvipa. It vividly describes the radiant architecture, gem-studded walls, and divine gardens that define the residence of Goddess Bhuvaneshvari. Reciting this description is considered a profound meditative practice that helps a devotee visualize the eternal, transcendent realm of the Supreme Goddess. It is believed to bestow inner purity, dissolve worldly attachments, and grant the seeker spiritual elevation by focusing the mind on the glorious majesty of the Devi.

Which deity is Manidvipa Varnana dedicated to?

Manidvipa Varnana is a Sanskrit hymn dedicated to Goddess Durga.

Who composed Manidvipa Varnana?

Manidvipa Varnana is traditionally attributed to From Devi Bhagavata Purana.

Manidvipa Varnana in Bengali – Lyrics

(শ্রীদেবীভাগবতং, দ্বাদশ স্কন্ধং, একাদশোঽধ্যাযঃ, মণিদ্বীপ বর্ণন - 2)

ব্যাস উবাচ।
পুষ্পরাগমযাদগ্রে কুঙ্কুমারুণবিগ্রহঃ ।
পদ্মরাগমযঃ সালো মধ্যে ভূশ্চৈবতাদৃশী ॥ 1 ॥

দশযোজনবান্দৈর্ঘ্যে গোপুরদ্বারসংযুতঃ ।
তন্মণিস্তম্ভসংযুক্তা মণ্ডপাঃ শতশো নৃপ ॥ 2 ॥

মধ্যে ভুবিসমাসীনাশ্চতুঃষষ্টিমিতাঃ কলাঃ ।
নানাযুধধরাবীরা রত্নভূষণভূষিতাঃ ॥ 3 ॥

প্রত্যেকলোকস্তাসাং তু তত্তল্লোকস্যনাযকাঃ ।
সমন্তাত্পদ্মরাগস্য পরিবার্যস্থিতাঃ সদা ॥ 4 ॥

স্বস্বলোকজনৈর্জুষ্টাঃ স্বস্ববাহনহেতিভিঃ ।
তাসাং নামানি বক্ষ্যামি শৃণু ত্বং জনমেজয ॥ 5 ॥

পিঙ্গলাক্ষী বিশালাক্ষী সমৃদ্ধি বৃদ্ধিরেব চ ।
শ্রদ্ধা স্বাহা স্বধাভিখ্যা মাযা সঞ্জ্ঞা বসুন্ধরা ॥ 6 ॥

ত্রিলোকধাত্রী সাবিত্রী গাযত্রী ত্রিদশেশ্বরী ।
সুরূপা বহুরূপা চ স্কন্দমাতাঽচ্যুতপ্রিযা ॥ 7 ॥

বিমলা চামলা তদ্বদরুণী পুনরারুণী ।
প্রকৃতির্বিকৃতিঃ সৃষ্টিঃ স্থিতিঃ সংহৃতিরেব চ ॥ 8 ॥

সন্ধ্যামাতা সতী হংসী মর্দিকা বজ্রিকা পরা ।
দেবমাতা ভগবতী দেবকী কমলাসনা ॥ 9 ॥

ত্রিমুখী সপ্তমুখ্যন্যা সুরাসুরবিমর্দিনী ।
লম্বোষ্টী চোর্ধ্বকেশী চ বহুশীর্ষা বৃকোদরী ॥ 10 ॥

রথরেখাহ্বযা পশ্চাচ্ছশিরেখা তথা পরা ।
গগনবেগা পবনবেগা চৈব ততঃ পরম্ ॥ 11 ॥

অগ্রে ভুবনপালা স্যাত্তত্পশ্চান্মদনাতুরা ।
অনঙ্গানঙ্গমথনা তথৈবানঙ্গমেখলা ॥ 12 ॥

অনঙ্গকুসুমা পশ্চাদ্বিশ্বরূপা সুরাদিকা ।
ক্ষযঙ্করী ভবেচ্ছক্তি রক্ষোভ্যা চ ততঃ পরম্ ॥ 13 ॥

সত্যবাদিন্যথ প্রোক্তা বহুরূপা শুচিব্রতা ।
উদারাখ্যা চ বাগীশী চতুষ্ষষ্টিমিতাঃ স্মৃতাঃ ॥ 14 ॥

জ্বলজ্জিহ্বাননাঃ সর্বাবমন্ত্যো বহ্নিমুল্বণম্ ।
জলং পিবামঃ সকলং সংহরামোবিভাবসুম্ ॥ 15 ॥

পবনং স্তম্ভযামোদ্য ভক্ষযামোঽখিলং জগত্ ।
ইতি বাচং সঙ্গিরতে ক্রোধ সংরক্তলোচনাঃ ॥ 16 ॥

চাপবাণধরাঃ সর্বাযুদ্ধাযৈবোত্সুকাঃ সদা ।
দংষ্ট্রা কটকটারাবৈর্বধিরীকৃত দিঙ্মুখাঃ ॥ 17 ॥

পিঙ্গোর্ধ্বকেশ্যঃ সম্প্রোক্তাশ্চাপবাণকরাঃ সদা ।
শতাক্ষৌহিণিকা সেনাপ্যেকৈকস্যাঃ প্রকীর্তিতা ॥ 18 ॥

একৈক শক্তেঃ সামর্থ্যং লক্ষব্রহ্মাণ্ডনাশনে ।
শতাক্ষৌহিণিকাসেনা তাদৃশী নৃপ সত্তম ॥ 19 ॥

কিং ন কুর্যাজ্জগত্যস্মিন্নশক্যং বক্তুমেব তত্ ।
সর্বাপি যুদ্ধসামগ্রী তস্মিন্সালে স্থিতা মুনে ॥ 20 ॥

রথানাং গণনা নাস্তি হযানাং করিণাং তথা ॥
শস্ত্রাণাং গণনা তদ্বদ্গণানাং গণনা তথা ॥ 21 ॥

পদ্মরাগমযাদগ্রে গোমেদমণিনির্মিতঃ ।
দশযোজনদৈর্ঘ্যেণ প্রাকারো বর্ততে মহান্ ॥ 22 ॥

ভাস্বজ্জপাপ্রসূনাভো মধ্যভূস্তস্য তাদৃশী ।
গোমেদকল্পিতান্যেব তদ্বাসি সদনানি চ ॥ 23 ॥

পক্ষিণঃ স্তম্ভবর্যাশ্চ বৃক্ষাবাপ্যঃ সরাংসি চ ।
গোমেদকল্পিতা এব কুঙ্কুমারুণবিগ্রহাঃ ॥ 24 ॥

তন্মধ্যস্থা মহাদেব্যো দ্বাত্রিংশচ্ছক্তযঃ স্মৃতাঃ ।
নানা শস্ত্রপ্রহরণা গোমেদমণিভূষিতাঃ ॥ 25 ॥

প্রত্যেক লোক বাসিন্যঃ পরিবার্য সমন্ততঃ ।
গোমেদসালে সন্নদ্ধা পিশাচবদনা নৃপ ॥ 26 ॥

স্বর্লোকবাসিভির্নিত্যং পূজিতাশ্চক্রবাহবঃ ।
ক্রোধরক্তেক্ষণা ভিন্ধি পচ চ্ছিন্ধি দহেতি চ ॥ 27 ॥

বদন্তি সততং বাচং যুদ্ধোত্সুকহৃদন্তরাঃ ।
একৈকস্যা মহাশক্তের্দশাক্ষৌহিণিকা মতা ॥ 28 ॥

সেনা তত্রাপ্যেকশক্তির্লক্ষব্রহ্মাণ্ডনাশিনী ।
তাদৃশীনাং মহাসেনা বর্ণনীযা কথং নৃপ ॥ 29 ॥

রথানাং নৈব গণানা বাহনানাং তথৈব চ ।
সর্বযুদ্ধসমারম্ভস্তত্র দেব্যা বিরাজতে ॥ 30 ॥

তাসাং নামানি বক্ষ্যামি পাপনাশকরাণি চ ।
বিদ্যা হ্রী পুষ্ট যঃ প্রজ্ঞা সিনীবালী কুহূস্তথা ॥ 31 ॥

রুদ্রাবীর্যা প্রভানন্দা পোষিণী ঋদ্ধিদা শুভা ।
কালরাত্রির্মহারাত্রির্ভদ্রকালী কপর্দিনী ॥ 32 ॥

বিকৃতির্দণ্ডিমুণ্ডিন্যৌ সেন্দুখণ্ডা শিখণ্ডিনী ।
নিশুম্ভশুম্ভমথিনী মহিষাসুরমর্দিনী ॥ 33 ॥

ইন্দ্রাণী চৈব রুদ্রাণী শঙ্করার্ধশরীরিণী ।
নারী নারাযণী চৈব ত্রিশূলিন্যপি পালিনী ॥ 34 ॥

অম্বিকাহ্লাদিনী পশ্চাদিত্যেবং শক্তযঃ স্মৃতাঃ ।
যদ্যেতাঃ কুপিতা দেব্যস্তদা ব্রহ্মাণ্ডনাশনম্ ॥ 35 ॥

পরাজযো ন চৈতাসাং কদাচিত্ক্বচিদস্তি হি ।
গোমেদকমযাদগ্রে সদ্বজ্রমণিনির্মিতঃ ॥ 36 ॥

দশযোজন তুঙ্গোঽসৌ গোপুরদ্বারসংযুতঃ ।
কপাটশৃঙ্খলাবদ্ধো নববৃক্ষ সমুজ্জ্বলঃ ॥ 37 ॥

সালস্তন্মধ্যভূম্যাদি সর্বং হীরমযং স্মৃতম্ ।
গৃহাণিবীথযো রথ্যা মহামার্গাং গণানি চ ॥ 38 ॥

বৃক্ষালবাল তরবঃ সারঙ্গা অপি তাদৃশাঃ ।
দীর্ঘিকাশ্রেণযোবাপ্যস্তডাগাঃ কূপ সংযুতাঃ ॥ 39 ॥

তত্র শ্রীভুবনেশ্বর্যা বসন্তি পরিচারিকাঃ ।
একৈকা লক্ষদাসীভিঃ সেবিতা মদগর্বিতাঃ ॥ 40 ॥

তালবৃন্তধরাঃ কাশ্চিচ্চষকাঢ্য করাম্বুজাঃ ।
কাশ্চিত্তাম্বূলপাত্রাণি ধারযন্ত্যোঽতিগর্বিতাঃ ॥ 41 ॥

কাশ্চিত্তচ্ছত্রধারিণ্যশ্চামরাণাং বিধারিকাঃ ।
নানা বস্ত্রধরাঃ কাশ্চিত্কাশ্চিত্পুষ্প করাম্বুজাঃ ॥ 42 ॥

নানাদর্শকরাঃ কাশ্চিত্কাশ্চিত্কুঙ্কুমলেপনম্ ।
ধারযন্ত্যঃ কজ্জলং চ সিন্দূর চষকং পরাঃ ॥ 43 ॥

কাশ্চিচ্চিত্রক নির্মাত্র্যঃ পাদ সংবাহনে রতাঃ ।
কাশ্চিত্তু ভূষাকারিণ্যো নানা ভূষাধরাঃ পরাঃ ॥ 44 ॥

পুষ্পভূষণ নির্মাত্র্যঃ পুষ্পশৃঙ্গারকারিকাঃ ।
নানা বিলাসচতুরা বহ্ব্য এবং বিধাঃ পরাঃ ॥ 45 ॥

নিবদ্ধ পরিধানীযা যুবত্যঃ সকলা অপি ।
দেবী কৃপা লেশবশাত্তুচ্ছীকৃত জগত্ত্রযাঃ ॥ 46 ॥

এতা দূত্যঃ স্মৃতা দেব্যঃ শৃঙ্গারমদগর্বিতাঃ ।
তাসাং নামানি বক্ষ্যামি শৃণু মে নৃপসত্তম ॥ 47 ॥

অনঙ্গরূপা প্রথমাপ্যনঙ্গমদনা পরা ।
তৃতীযাতু ততঃ প্রোক্তা সুন্দরী মদনাতুরা ॥ 48 ॥

ততো ভুবনবেগাস্যাত্তথা ভুবনপালিকা ।
স্যাত্সর্বশিশিরানঙ্গবেদনানঙ্গমেখলা ॥ 49 ॥

বিদ্যুদ্দামসমানাঙ্গ্যঃ ক্বণত্কাঞ্চীগুণান্বিতাঃ ।
রণন্মঞ্জীরচরণা বহিরন্তরিতস্ততঃ ॥ 50 ॥

ধাবমানাস্তু শোভন্তে সর্বা বিদ্যুল্লতোপমাঃ ।
কুশলাঃ সর্বকার্যেষু বেত্রহস্তাঃ সমন্ততঃ ॥ 51 ॥

অষ্টদিক্ষুতথৈতাসাং প্রাকারাদ্বহিরেব চ ।
সদনানি বিরাজন্তে নানা বাহনহেতিভিঃ ॥ 52 ॥

বজ্রসালাদগ্রভাগে সালো বৈদূর্যনির্মিতঃ ।
দশযোজনতুঙ্গোঽসৌ গোপুরদ্বারভূষিতঃ ॥ 53 ॥

বৈদূর্যভূমিঃ সর্বাপিগৃহাণি বিবিধানি চ ।
বীথ্যো রথ্যা মহামার্গাঃ সর্বে বেদূর্যনির্মিতাঃ ॥ 54 ॥

বাপী কূপ তডাগাশ্চ স্রবন্তীনাং তটানি চ ।
বালুকা চৈব সর্বাঽপি বৈদূর্যমণিনির্মিতা ॥ 55 ॥

তত্রাষ্টদিক্ষুপরিতো ব্রাহ্ম্যাদীনাং চ মণ্ডলম্ ।
নিজৈর্গণৈঃ পরিবৃতং ভ্রাজতে নৃপসত্তম ॥ 56 ॥

প্রতিব্রহ্মাণ্ডমাতৃণাং তাঃ সমষ্টয ঈরিতাঃ ।
ব্রাহ্মী মাহেশ্বরী চৈব কৌমারী বৈষ্ণবী তথা ॥57 ॥

বারাহী চ তথেন্দ্রাণী চামুণ্ডাঃ সপ্তমাতরঃ ।
অষ্টমী তু মহালক্ষ্মীর্নাম্না প্রোক্তাস্তু মাতরঃ ॥ 58 ॥

ব্রহ্মরুদ্রাদিদেবানাং সমাকারা স্তুতাঃ স্মৃতাঃ ।
জগত্কল্যাণকারিণ্যঃ স্বস্বসেনাসমাবৃতাঃ ॥ 59 ॥

তত্সালস্য চতুর্দ্বার্ষু বাহনানি মহেশিতুঃ ।
সজ্জানি নৃপতে সন্তি সালঙ্কারাণি নিত্যশঃ ॥ 60 ॥

দন্তিনঃ কোটিশো বাহাঃ কোটিশঃ শিবিকাস্তথা ।
হংসাঃ সিংহাশ্চ গরুডা মযূরা বৃষভাস্তথা ॥ 61 ॥

তৈর্যুক্তাঃ স্যন্দনাস্তদ্বত্কোটিশো নৃপনন্দন ।
পার্ষ্ণিগ্রাহসমাযুক্তা ধ্বজৈরাকাশচুম্বিনঃ ॥ 62 ॥

কোটিশস্তু বিমানানি নানা চিহ্নান্বিতানি চ ।
নানা বাদিত্রযুক্তানি মহাধ্বজযুতানি চ ॥ 63 ॥

বৈদূর্যমণি সালস্যাপ্যগ্রে সালঃ পরঃ স্মৃতঃ ।
দশযোজন তুঙ্গোঽসাবিন্দ্রনীলাশ্মনির্মিতঃ ॥ 64 ॥

তন্মধ্য ভূস্তথা বীথ্যো মহামার্গা গৃহাণি চ ।
বাপী কূপ তডাগাশ্চ সর্বে তন্মণিনির্মিতাঃ ॥ 65 ॥

তত্র পদ্ম তু সম্প্রোক্তং বহুযোজন বিস্তৃতম্ ।
ষোডশারং দীপ্যমানং সুদর্শনমিবাপরম্ ॥ 66 ॥

তত্র ষোডশশক্তীনাং স্থানানি বিবিধানি চ ।
সর্বোপস্করযুক্তানি সমৃদ্ধানি বসন্তি হি ॥ 67 ॥

তাসাং নামানি বক্ষ্যামি শৃণু মে নৃপসত্তম ।
করালী বিকরালী চ তথোমা চ সরস্বতী ॥ 68 ॥

শ্রী দুর্গোষা তথা লক্ষ্মীঃ শ্রুতিশ্চৈব স্মৃতির্ধৃতিঃ ।
শ্রদ্ধা মেধা মতিঃ কান্তিরার্যা ষোডশশক্তযঃ ॥ 69 ॥

নীলজীমূতসঙ্কাশাঃ করবাল করাম্বুজাঃ ।
সমাঃ খেটকধারিণ্যো যুদ্ধোপক্রান্ত মানসাঃ ॥ 70 ॥

সেনান্যঃ সকলা এতাঃ শ্রীদেব্যা জগদীশিতুঃ ।
প্রতিব্রহ্মাণ্ডসংস্থানাং শক্তীনাং নাযিকাঃ স্মৃতাঃ ॥ 71 ॥

ব্রহ্মাণ্ডক্ষোভকারিণ্যো দেবী শক্ত্যুপবৃংহিতাঃ ।
নানা রথসমারূঢা নানা শক্তিভিরন্বিতাঃ ॥ 72 ॥

এতত্পরাক্রমং বক্তুং সহস্রাস্যোঽপি ন ক্ষমঃ ।
ইন্দ্রনীলমহাসালাদগ্রে তু বহুবিস্তৃতঃ ॥ 73 ॥

মুক্তাপ্রাকার উদিতো দশযোজন দৈর্ঘ্যবান্ ।
মধ্যভূঃ পূর্ববত্প্রোক্তা তন্মধ্যেঽষ্টদলাম্বুজম্ ॥ 74 ॥

মুক্তামণিগণাকীর্ণং বিস্তৃতং তু সকেসরম্ ।
তত্র দেবীসমাকারা দেব্যাযুধধরাঃ সদা ॥ 75 ॥

সম্প্রোক্তা অষ্টমন্ত্রিণ্যো জগদ্বার্তাপ্রবোধিকাঃ ।
দেবীসমানভোগাস্তা ইঙ্গিতজ্ঞাস্তুপণ্ডিতাঃ ॥ 76 ॥

কুশলাঃ সর্বকার্যেষু স্বামিকার্যপরাযণাঃ ।
দেব্যভিপ্রায বোধ্যস্তাশ্চতুরা অতিসুন্দরাঃ ॥ 77 ॥

নানা শক্তিসমাযুক্তাঃ প্রতিব্রহ্মাণ্ডবর্তিনাম্ ।
প্রাণিনাং তাঃ সমাচারং জ্ঞানশক্ত্যাবিদন্তি চ ॥ 78 ॥

তাসাং নামানি বক্ষ্যামি মত্তঃ শৃণু নৃপোত্তম ।
অনঙ্গকুসুমা প্রোক্তাপ্যনঙ্গকুসুমাতুরা ॥ 79 ॥

অনঙ্গমদনা তদ্বদনঙ্গমদনাতুরা ।
ভুবনপালা গগনবেগা চৈব ততঃ পরম্ ॥ 80 ॥

শশিরেখা চ গগনরেখা চৈব ততঃ পরম্ ।
পাশাঙ্কুশবরাভীতিধরা অরুণবিগ্রহাঃ ॥ 81 ॥

বিশ্বসম্বন্ধিনীং বার্তাং বোধযন্তি প্রতিক্ষণম্ ।
মুক্তাসালাদগ্রভাগে মহামারকতো পরঃ ॥ 82 ॥

সালোত্তমঃ সমুদ্দিষ্টো দশযোজন দৈর্ঘ্যবান্ ।
নানা সৌভাগ্যসংযুক্তো নানা ভোগসমন্বিতঃ ॥ 83 ॥

মধ্যভূস্তাদৃশী প্রোক্তা সদনানি তথৈব চ ।
ষট্কোণমত্রবিস্তীর্ণং কোণস্থা দেবতাঃ শৃণুঃ ॥ 84 ॥

পূর্বকোণে চতুর্বক্ত্রো গাযত্রী সহিতো বিধিঃ ।
কুণ্ডিকাক্ষগুণাভীতি দণ্ডাযুধধরঃ পরঃ ॥ 85 ॥

তদাযুধধরা দেবী গাযত্রী পরদেবতা ।
বেদাঃ সর্বে মূর্তিমন্তঃ শাস্ত্রাণি বিবিধানি চ ॥ 86 ॥

স্মৃতযশ্চ পুরাণানি মূর্তিমন্তি বসন্তি হি ।
যে ব্রহ্মবিগ্রহাঃ সন্তি গাযত্রীবিগ্রহাশ্চ যে ॥ 87 ॥

ব্যাহৃতীনাং বিগ্রহাশ্চ তে নিত্যং তত্র সন্তি হি ।
রক্ষঃ কোণে শঙ্খচক্রগদাম্বুজ করাম্বুজা ॥ 88 ॥

সাবিত্রী বর্ততে তত্র মহাবিষ্ণুশ্চ তাদৃশঃ ।
যে বিষ্ণুবিগ্রহাঃ সন্তি মত্স্যকূর্মাদযোখিলাঃ ॥ 89 ॥

সাবিত্রী বিগ্রহা যে চ তে সর্বে তত্র সন্তি হি ।
বাযুকোণে পরশ্বক্ষমালাভযবরান্বিতঃ ॥ 90 ॥

মহারুদ্রো বর্ততেঽত্র সরস্বত্যপি তাদৃশী ।
যে যে তু রুদ্রভেদাঃ স্যুর্দক্ষিণাস্যাদযো নৃপ ॥ 91 ॥

গৌরী ভেদাশ্চ যে সর্বে তে তত্র নিবসন্তি হি ।
চতুঃষষ্ট্যাগমা যে চ যে চান্যেপ্যাগমাঃ স্মৃতাঃ ॥ 92 ॥

তে সর্বে মূর্তিমন্তশ্চ তত্র বৈ নিবসন্তি হি ।
অগ্নিকোণে রত্নকুম্ভং তথা মণিকরণ্ডকম্ ॥ 93 ॥

দধানো নিজহস্তাভ্যাং কুবেরো ধনদাযকঃ ।
নানা বীথী সমাযুক্তো মহালক্ষ্মীসমন্বিতঃ ॥ 94 ॥

দেব্যা নিধিপতিস্ত্বাস্তে স্বগুণৈঃ পরিবেষ্টিতঃ ।
বারুণে তু মহাকোণে মদনো রতিসংযুতঃ ॥ 95 ॥

পাশাঙ্কুশধনুর্বাণধরো নিত্যং বিরাজতে ।
শৃঙ্গারমূর্তিমন্তস্তু তত্র সন্নিহিতাঃ সদা ॥ 96 ॥

ঈশানকোণে বিঘ্নেশো নিত্যং পুষ্টিসমন্বিতঃ ।
পাশাঙ্কুশধরো বীরো বিঘ্নহর্তা বিরাজতে ॥ 97 ॥

বিভূতযো গণেশস্য যাযাঃ সন্তি নৃপোত্তম ।
তাঃ সর্বা নিবসন্ত্যত্র মহৈশ্বর্যসমন্বিতাঃ ॥ 98 ॥

প্রতিব্রহ্মাণ্ডসংস্থানাং ব্রহ্মাদীনাং সমষ্টযঃ ।
এতে ব্রহ্মাদযঃ প্রোক্তাঃ সেবন্তে জগদীশ্বরীম্ ॥ 99 ॥

মহামারকতস্যাগ্রে শতযোজন দৈর্ঘ্যবান্ ।
প্রবালশালোস্ত্যপরঃ কুঙ্কুমারুণবিগ্রহঃ ॥ 100 ॥

মধ্যভূস্তাদৃশী প্রোক্তা সদনানি চ পূর্ববত্ ।
তন্মধ্যে পঞ্চভূতানাং স্বামিন্যঃ পঞ্চ সন্তি চ ॥ 101 ॥

হৃল্লেখা গগনা রক্তা চতুর্থী তু করালিকা ।
মহোচ্ছুষ্মা পঞ্চমী চ পঞ্চভূতসমপ্রভাঃ ॥ 102 ॥

পাশাঙ্কুশবরাভীতিধারিণ্যোমিতভূষণাঃ ।
দেবী সমানবেষাঢ্যা নবযৌবনগর্বিতাঃ ॥ 103 ॥

প্রবালশালাদগ্রে তু নবরত্ন বিনির্মিতঃ ।
বহুযোজনবিস্তীর্ণো মহাশালোঽস্তি ভূমিপ ॥ 104 ॥

তত্র চাম্নাযদেবীনাং সদনানি বহূন্যপি ।
নবরত্নমযান্যেব তডাগাশ্চ সরাংসি চ ॥ 105 ॥

শ্রীদেব্যা যেঽবতারাঃ স্যুস্তে তত্র নিবসন্তি হি ।
মহাবিদ্যা মহাভেদাঃ সন্তি তত্রৈব ভূমিপ ॥ 106 ॥

নিজাবরণদেবীভির্নিজভূষণবাহনৈঃ ।
সর্বদেব্যো বিরাজন্তে কোটিসূর্যসমপ্রভাঃ ॥ 107 ॥

সপ্তকোটি মহামন্ত্রদেবতাঃ সন্তি তত্র হি ।
নবরত্নমযাদগ্রে চিন্তামণিগৃহং মহত্ ॥ 108 ॥

তত্র ত্যং বস্তু মাত্রং তু চিন্তামণি বিনির্মিতম্ ।
সূর্যোদ্গারোপলৈস্তদ্বচ্চন্দ্রোদ্গারোপলৈস্তথা ॥ 109 ॥

বিদ্যুত্প্রভোপলৈঃ স্তম্ভাঃ কল্পিতাস্তু সহস্রশঃ ।
যেষাং প্রভাভিরন্তস্থং বস্তু কিঞ্চিন্ন দৃশ্যতে ॥ 110 ॥

ইতি শ্রীদেবীভাগবতে মহাপুরাণে দ্বাদশস্কন্ধে একাদশোঽধ্যাযঃ ।

মণিদ্বীপ বর্ণন - 2 (দেবী ভাগবতম্)

Explore More

More Durga Stotras

Explore More