শ্ৰী নাৰাযণ অষ্টকম

ৱাত্সল্যাদভযপ্ৰদানসমযাদাৰ্ত্তাৰ্তিনিৰ্ৱাপণাদ্
ঔদাৰ্য্যাদঘশোষণাদগণিতশ্ৰেযঃ পদপ্ৰাপণাত্ ।
সেৱ্যঃ শ্ৰীপতিৰেক এৱ জগতামেতেঽভৱন্সাক্ষিণঃ
প্ৰহ্লাদশ্চ ৱিভীষণশ্চ কৰিৰাট্ পাঞ্চাল্যহল্যাধ্ৰুৱঃ ॥ ১॥

প্ৰহ্লাদাস্তি যদীশ্ৱৰো ৱদ হৰিঃ সৰ্ৱত্ৰ মে দৰ্শয
স্তংভে চৈৱমিতি ব্ৰুৱন্তমসুৰং তত্ৰাৱিৰাসীদ্ধৰিঃ ।
ৱক্ষস্তস্য ৱিদাৰযন্নিজনখৈৰ্ৱাত্সল্যমাপাদযন্
নাৰ্ত্তত্ৰাণপৰাযণঃ স ভগৱান্নাৰাযণো মে গতিঃ ॥ ২॥

শ্ৰীৰামোঽত্ৰ ৱিভীষণোঽযমনঘো ৰক্ষোভযাদাগতঃ
সুগ্ৰীৱানয পালযৈনমধুনা পৌলস্ত্যমেৱাগতম্ ।
ইত্যুক্ত্ৱাঽভযমস্য সৰ্ৱৱিদিতং যো ৰাঘৱো দত্তৱান্
আৰ্ত্তত্ৰাণপৰাযণঃ স ভগৱান্নাৰাযণো মে গতিঃ ॥ ৩॥

নক্ৰগ্ৰস্তপদং সমুদ্ধৃতকৰং ব্ৰহ্মাদযো ভোঃ সুৰা
ৰক্ষন্তামিতি দীনৱাক্যকৰিণং দেৱেষ্ৱশক্তেষু যঃ ।
মা ভৈষীৰিতি তস্য নক্ৰহননে চক্ৰাযুধঃ শ্ৰীধৰো
হ্যাৰ্ত্তত্ৰাণপৰাযণঃ স ভগৱান্নাৰাযণো মে গতিঃ ॥ ৪॥

ভোঃ কৃষ্ণাচ্যুতঃ ভোঃ কৃপালয হৰে ভোঃ পাণ্ডৱানাং সখে
ক্ৱাসি ক্ৱাসি সুযোধনাধ্যপহৃতাং ভো ৰক্ষ মামাতুৰাম্ ।
ইত্যুক্ত্তোঽক্ষযৱস্ত্ৰসংভৃততনুৰ্যোঽপালযদ্দ্ৰৌপদীম্
আৰ্ত্তত্ৰাণপৰাযণঃ স ভগৱান্নাৰাযণো মে গতিঃ ॥ ৫॥

যত্পাদাব্জনখোদকং ত্ৰিজগতাং পাপৌঘৱিধ্ৱংসনং
যন্নামামৃতপূৰকং চ পিবতাং সংসাৰসন্তাৰকম্ ।
পাষাণোঽপি যদঙিঘ্ৰপঙ্কৰজসা শাপান্মুনেৰ্মোচিতো
হ্যাৰ্ত্তত্ৰাণপৰাযণঃ স ভগৱান্নাৰাযণো মে গতিঃ ॥ ৬॥

পিত্ৰা ভ্ৰাতৰমুত্তমাসনগতং হ্যৌত্তানপাদিৰ্ধ্ৰুৱো
দৃষ্ট্ৱা তত্সমমাৰুৰুক্ষুৰধিকং মাত্ৰাঽৱমানং গতঃ ।
যং গত্ৱা শৰণং যদাপ তপসা হেমাদ্ৰিসিংহাসনং
হ্যাৰ্ত্তত্ৰাণপৰাযণঃ স ভগৱান্নাৰাযণো মে গতিঃ ॥ ৭॥

আৰ্ত্তা ৱিষণ্ণাঃ শিথিলাশ্চ ভীতা ঘোৰেশু চ ৱ্যাধিশু ৱৰ্তমানাঃ ।
সংকীৰ্ত্য নাৰাযণশব্দমাত্ৰং ৱিমুক্তদুঃখাঃ সুখিনো ভৱন্তি ॥ ৮॥

ইতি শ্ৰীকূৰেশস্ৱামিৱিৰচিতং নাৰাযণাষ্টকং সম্পূৰ্ণম্ ।