ଶ୍ରୀ ନାରାଯଣ ଅଷ୍ଟକମ

ଵାତ୍ସଲ୍ଯାଦଭଯପ୍ରଦାନସମଯାଦାର୍ତ୍ତାର୍ତିନିର୍ଵାପଣାଦ୍
ଔଦାର୍ଯ୍ଯାଦଘଶୋଷଣାଦଗଣିତଶ୍ରେଯଃ ପଦପ୍ରାପଣାତ୍ ।
ସେଵ୍ଯଃ ଶ୍ରୀପତିରେକ ଏଵ ଜଗତାମେତେଽଭଵନ୍ସାକ୍ଷିଣଃ
ପ୍ରହ୍ଲାଦଶ୍ଚ ଵିଭୀଷଣଶ୍ଚ କରିରାଟ୍ ପାଞ୍ଚାଲ୍ଯହଲ୍ଯାଧ୍ରୁଵଃ ॥ ୧॥

ପ୍ରହ୍ଲାଦାସ୍ତି ଯଦୀଶ୍ଵରୋ ଵଦ ହରିଃ ସର୍ଵତ୍ର ମେ ଦର୍ଶଯ
ସ୍ତଂଭେ ଚୈଵମିତି ବ୍ରୁଵନ୍ତମସୁରଂ ତତ୍ରାଵିରାସୀଦ୍ଧରିଃ ।
ଵକ୍ଷସ୍ତସ୍ଯ ଵିଦାରଯନ୍ନିଜନଖୈର୍ଵାତ୍ସଲ୍ଯମାପାଦଯନ୍
ନାର୍ତ୍ତତ୍ରାଣପରାଯଣଃ ସ ଭଗଵାନ୍ନାରାଯଣୋ ମେ ଗତିଃ ॥ ୨॥

ଶ୍ରୀରାମୋଽତ୍ର ଵିଭୀଷଣୋଽଯମନଘୋ ରକ୍ଷୋଭଯାଦାଗତଃ
ସୁଗ୍ରୀଵାନଯ ପାଲଯୈନମଧୁନା ପୌଲସ୍ତ୍ଯମେଵାଗତମ୍ ।
ଇତ୍ଯୁକ୍ତ୍ଵାଽଭଯମସ୍ଯ ସର୍ଵଵିଦିତଂ ଯୋ ରାଘଵୋ ଦତ୍ତଵାନ୍
ଆର୍ତ୍ତତ୍ରାଣପରାଯଣଃ ସ ଭଗଵାନ୍ନାରାଯଣୋ ମେ ଗତିଃ ॥ ୩॥

ନକ୍ରଗ୍ରସ୍ତପଦଂ ସମୁଦ୍ଧୃତକରଂ ବ୍ରହ୍ମାଦଯୋ ଭୋଃ ସୁରା
ରକ୍ଷନ୍ତାମିତି ଦୀନଵାକ୍ଯକରିଣଂ ଦେଵେଷ୍ଵଶକ୍ତେଷୁ ଯଃ ।
ମା ଭୈଷୀରିତି ତସ୍ଯ ନକ୍ରହନନେ ଚକ୍ରାଯୁଧଃ ଶ୍ରୀଧରୋ
ହ୍ଯାର୍ତ୍ତତ୍ରାଣପରାଯଣଃ ସ ଭଗଵାନ୍ନାରାଯଣୋ ମେ ଗତିଃ ॥ ୪॥

ଭୋଃ କୃଷ୍ଣାଚ୍ଯୁତଃ ଭୋଃ କୃପାଲଯ ହରେ ଭୋଃ ପାଣ୍ଡଵାନାଂ ସଖେ
କ୍ଵାସି କ୍ଵାସି ସୁଯୋଧନାଧ୍ଯପହୃତାଂ ଭୋ ରକ୍ଷ ମାମାତୁରାମ୍ ।
ଇତ୍ଯୁକ୍ତ୍ତୋଽକ୍ଷଯଵସ୍ତ୍ରସଂଭୃତତନୁର୍ଯୋଽପାଲଯଦ୍ଦ୍ରୌପଦୀମ୍
ଆର୍ତ୍ତତ୍ରାଣପରାଯଣଃ ସ ଭଗଵାନ୍ନାରାଯଣୋ ମେ ଗତିଃ ॥ ୫॥

ଯତ୍ପାଦାବ୍ଜନଖୋଦକଂ ତ୍ରିଜଗତାଂ ପାପୌଘଵିଧ୍ଵଂସନଂ
ଯନ୍ନାମାମୃତପୂରକଂ ଚ ପିବତାଂ ସଂସାରସନ୍ତାରକମ୍ ।
ପାଷାଣୋଽପି ଯଦଙିଘ୍ରପଙ୍କରଜସା ଶାପାନ୍ମୁନେର୍ମୋଚିତୋ
ହ୍ଯାର୍ତ୍ତତ୍ରାଣପରାଯଣଃ ସ ଭଗଵାନ୍ନାରାଯଣୋ ମେ ଗତିଃ ॥ ୬॥

ପିତ୍ରା ଭ୍ରାତରମୁତ୍ତମାସନଗତଂ ହ୍ଯୌତ୍ତାନପାଦିର୍ଧ୍ରୁଵୋ
ଦୃଷ୍ଟ୍ଵା ତତ୍ସମମାରୁରୁକ୍ଷୁରଧିକଂ ମାତ୍ରାଽଵମାନଂ ଗତଃ ।
ଯଂ ଗତ୍ଵା ଶରଣଂ ଯଦାପ ତପସା ହେମାଦ୍ରିସିଂହାସନଂ
ହ୍ଯାର୍ତ୍ତତ୍ରାଣପରାଯଣଃ ସ ଭଗଵାନ୍ନାରାଯଣୋ ମେ ଗତିଃ ॥ ୭॥

ଆର୍ତ୍ତା ଵିଷଣ୍ଣାଃ ଶିଥିଲାଶ୍ଚ ଭୀତା ଘୋରେଶୁ ଚ ଵ୍ଯାଧିଶୁ ଵର୍ତମାନାଃ ।
ସଂକୀର୍ତ୍ଯ ନାରାଯଣଶବ୍ଦମାତ୍ରଂ ଵିମୁକ୍ତଦୁଃଖାଃ ସୁଖିନୋ ଭଵନ୍ତି ॥ ୮॥

ଇତି ଶ୍ରୀକୂରେଶସ୍ଵାମିଵିରଚିତଂ ନାରାଯଣାଷ୍ଟକଂ ସମ୍ପୂର୍ଣମ୍ ।