নাৰাযণ নাৰাযণ জয গোৱিন্দ হৰে ॥
নাৰাযণ নাৰাযণ জয গোপাল হৰে ॥ ধ্ৰু ॥
কৰুণাপাৰাৱাৰ ৱৰুণালযগম্ভীৰ ॥ নাৰাযণ ॥ ১॥
ঘননীৰদসঙ্কাশ কৃতকলিকল্মষনাশ ॥ নাৰাযণ ॥ ২॥
যমুনাতীৰৱিহাৰ ধৃতকৌস্তুভমণিহাৰ ॥ নাৰাযণ ॥ ৩॥
পীতাম্বৰপৰিধান সুৰকল্যাণনিধান ॥ নাৰাযণ ॥ ৪॥
মঞ্জুলগুঞ্জাভূষ মাযামানুষৱেষ ॥ নাৰাযণ ॥ ৫॥
ৰাধাধৰমধুৰসিক ৰজনীকৰকুলতিলক ॥ নাৰাযণ ॥ ৬॥
মুৰলীগানৱিনোদ ৱেদস্তুতভূপাদ ॥ নাৰাযণ ॥ ৭॥
বৰ্হিনিবৰ্হাপীড নটনাটকফণিক্ৰীড ॥ নাৰাযণ ॥ ৮॥
ৱাৰিজভূষাভৰণ ৰাজিৱৰুক্মিণীৰমণ ॥ নাৰাযণ ॥ ৯॥
জলৰুহদলনিভনেত্ৰ জগদাৰম্ভকসূত্ৰ ॥ নাৰাযণ ॥ ১০॥
পাতকৰজনীসংহৰ কৰুণালয মামুদ্ধৰ ॥ নাৰাযণ ॥ ১১॥
অঘবকক্ষযকংসাৰে কেশৱ কৃষ্ণ মুৰাৰে ॥ নাৰাযণ ॥ ১২॥
হাটকনিভপীতাম্বৰ অভযং কুৰু মে মাৱৰ ॥ নাৰাযণ ॥ ১৩॥
দশৰথৰাজকুমাৰ দানৱমদসংহাৰ ॥ নাৰাযণ ॥ ১৪॥
গোৱৰ্ধনগিৰিৰমণ গোপীমানসহৰণ ॥ নাৰাযণ ॥ ১৫॥
শৰযূতীৰৱিহাৰ সজ্জনঋষিমন্দাৰ ॥ নাৰাযণ ॥ ১৬॥
ৱিশ্ৱামিত্ৰমখত্ৰ ৱিৱিধপৰাসুচৰিত্ৰ ॥ নাৰাযণ ॥ ১৭॥
ধ্ৱজৱজ্ৰাঙ্কুশপাদ ধৰণীসুতসহমোদ ॥ নাৰাযণ ॥ ১৮॥
জনকসুতাপ্ৰতিপাল জয জয সংসৃতিলীল ॥ নাৰাযণ ॥ ১৯॥
দশৰথৱাগ্ধৃতিভাৰ দণ্ডকৱনসঞ্চাৰ ॥ নাৰাযণ ॥ ২০॥
মুষ্টিকচাণূৰসংহাৰ মুনিমানসৱিহাৰ ॥ নাৰাযণ ॥ ২১॥
ৱালিৱিনিগ্ৰহশৌৰ্য ৱৰসুগ্ৰীৱহিতাৰ্য ॥ নাৰাযণ ॥ ২২॥
মাং মুৰলীকৰ ধীৱৰ পালয পালয শ্ৰীধৰ ॥ নাৰাযণ ॥ ২৩॥
জলনিধিবন্ধনধীৰ ৰাৱণকণ্ঠৱিদাৰ ॥ নাৰাযণ ॥ ২৪॥
তাটীমদদলনাঢ্য নটগুণৱিৱিধধনাঢ্য ॥ নাৰাযণ ॥ ২৫॥
গৌতমপত্নীপূজন কৰুণাঘনাৱলোকন ॥ নাৰাযণ ॥ ২৬॥
সম্ভ্ৰমসীতাহাৰ সাকেতপুৰৱিহাৰ ॥ নাৰাযণ ॥ ২৭॥
অচলোদ্ধৃতিচঞ্চত্কৰ ভক্তানুগ্ৰহতত্পৰ ॥ নাৰাযণ ॥ ২৮॥
নৈগমগানৱিনোদ ৰক্ষঃসুতপ্ৰহ্লাদ ॥ নাৰাযণ ॥ ২৯॥
ভাৰতীযতিৱৰশঙ্কৰ নামামৃতমখিলান্তৰ ॥ নাৰাযণ ॥ ৩০॥
। ইতি শ্ৰীমচ্ছঙ্কৰাচাৰ্যৱিৰচিতং নাৰাযণস্তোত্ৰং সম্পূৰ্ণম্ ।