நாராயண நாராயண ஜய கோவிந்த ஹரே ॥
நாராயண நாராயண ஜய கோபால ஹரே ॥ த்ரு ॥
கருணாபாராவார வருணாலயகம்பீர ॥ நாராயண ॥ ௧॥
கநநீரதஸங்காஶ க்ரு'தகலிகல்மஷநாஶ ॥ நாராயண ॥ ௨॥
யமுநாதீரவிஹார த்ரு'தகௌஸ்துபமணிஹார ॥ நாராயண ॥ ௩॥
பீதாம்பரபரிதாந ஸுரகல்யாணநிதாந ॥ நாராயண ॥ ௪॥
மஞ்ஜுலகுஞ்ஜாபூஷ மாயாமாநுஷவேஷ ॥ நாராயண ॥ ௫॥
ராதாதரமதுரஸிக ரஜநீகரகுலதிலக ॥ நாராயண ॥ ௬॥
முரலீகாநவிநோத வேதஸ்துதபூபாத ॥ நாராயண ॥ ௭॥
பர்ஹிநிபர்ஹாபீட நடநாடகபணிக்ரீட ॥ நாராயண ॥ ௮॥
வாரிஜபூஷாபரண ராஜிவருக்மிணீரமண ॥ நாராயண ॥ ௯॥
ஜலருஹதலநிபநேத்ர ஜகதாரம்பகஸூத்ர ॥ நாராயண ॥ ௧௦॥
பாதகரஜநீஸம்ஹர கருணாலய மாமுத்தர ॥ நாராயண ॥ ௧௧॥
அகபகக்ஷயகம்ஸாரே கேஶவ க்ரு'ஷ்ண முராரே ॥ நாராயண ॥ ௧௨॥
ஹாடகநிபபீதாம்பர அபயம் குரு மே மாவர ॥ நாராயண ॥ ௧௩॥
தஶரதராஜகுமார தாநவமதஸம்ஹார ॥ நாராயண ॥ ௧௪॥
கோவர்தநகிரிரமண கோபீமாநஸஹரண ॥ நாராயண ॥ ௧௫॥
ஶரயூதீரவிஹார ஸஜ்ஜநரு'ஷிமந்தார ॥ நாராயண ॥ ௧௬॥
விஶ்வாமித்ரமகத்ர விவிதபராஸுசரித்ர ॥ நாராயண ॥ ௧௭॥
த்வஜவஜ்ராங்குஶபாத தரணீஸுதஸஹமோத ॥ நாராயண ॥ ௧௮॥
ஜநகஸுதாப்ரதிபால ஜய ஜய ஸம்ஸ்ரு'திலீல ॥ நாராயண ॥ ௧௯॥
தஶரதவாக்த்ரு'திபார தண்டகவநஸஞ்சார ॥ நாராயண ॥ ௨௦॥
முஷ்டிகசாணூரஸம்ஹார முநிமாநஸவிஹார ॥ நாராயண ॥ ௨௧॥
வாலிவிநிக்ரஹஶௌர்ய வரஸுக்ரீவஹிதார்ய ॥ நாராயண ॥ ௨௨॥
மாம் முரலீகர தீவர பாலய பாலய ஶ்ரீதர ॥ நாராயண ॥ ௨௩॥
ஜலநிதிபந்தநதீர ராவணகண்டவிதார ॥ நாராயண ॥ ௨௪॥
தாடீமததலநாட்ய நடகுணவிவிததநாட்ய ॥ நாராயண ॥ ௨௫॥
கௌதமபத்நீபூஜந கருணாகநாவலோகந ॥ நாராயண ॥ ௨௬॥
ஸம்ப்ரமஸீதாஹார ஸாகேதபுரவிஹார ॥ நாராயண ॥ ௨௭॥
அசலோத்த்ரு'திசஞ்சத்கர பக்தாநுக்ரஹதத்பர ॥ நாராயண ॥ ௨௮॥
நைகமகாநவிநோத ரக்ஷஃஸுதப்ரஹ்லாத ॥ நாராயண ॥ ௨௯॥
பாரதீயதிவரஶங்கர நாமாம்ரு'தமகிலாந்தர ॥ நாராயண ॥ ௩௦॥
। இதி ஶ்ரீமச்சங்கராசார்யவிரசிதம் நாராயணஸ்தோத்ரம் ஸம்பூர்ணம் ।