നാരായണ നാരായണ ജയ ഗോവിന്ദ ഹരേ ॥
നാരായണ നാരായണ ജയ ഗോപാല ഹരേ ॥ ധ്രു ॥
കരുണാപാരാവാര വരുണാലയഗമ്ഭീര ॥ നാരായണ ॥ ൧॥
ഘനനീരദസങ്കാശ കൃതകലികല്മഷനാശ ॥ നാരായണ ॥ ൨॥
യമുനാതീരവിഹാര ധൃതകൌസ്തുഭമണിഹാര ॥ നാരായണ ॥ ൩॥
പീതാമ്ബരപരിധാന സുരകല്യാണനിധാന ॥ നാരായണ ॥ ൪॥
മഞ്ജുലഗുഞ്ജാഭൂഷ മായാമാനുഷവേഷ ॥ നാരായണ ॥ ൫॥
രാധാധരമധുരസിക രജനീകരകുലതിലക ॥ നാരായണ ॥ ൬॥
മുരലീഗാനവിനോദ വേദസ്തുതഭൂപാദ ॥ നാരായണ ॥ ൭॥
ബര്ഹിനിബര്ഹാപീഡ നടനാടകഫണിക്രീഡ ॥ നാരായണ ॥ ൮॥
വാരിജഭൂഷാഭരണ രാജിവരുക്മിണീരമണ ॥ നാരായണ ॥ ൯॥
ജലരുഹദലനിഭനേത്ര ജഗദാരമ്ഭകസൂത്ര ॥ നാരായണ ॥ ൧൦॥
പാതകരജനീസംഹര കരുണാലയ മാമുദ്ധര ॥ നാരായണ ॥ ൧൧॥
അഘബകക്ഷയകംസാരേ കേശവ കൃഷ്ണ മുരാരേ ॥ നാരായണ ॥ ൧൨॥
ഹാടകനിഭപീതാമ്ബര അഭയം കുരു മേ മാവര ॥ നാരായണ ॥ ൧൩॥
ദശരഥരാജകുമാര ദാനവമദസംഹാര ॥ നാരായണ ॥ ൧൪॥
ഗോവര്ധനഗിരിരമണ ഗോപീമാനസഹരണ ॥ നാരായണ ॥ ൧൫॥
ശരയൂതീരവിഹാര സജ്ജനഋഷിമന്ദാര ॥ നാരായണ ॥ ൧൬॥
വിശ്വാമിത്രമഖത്ര വിവിധപരാസുചരിത്ര ॥ നാരായണ ॥ ൧൭॥
ധ്വജവജ്രാങ്കുശപാദ ധരണീസുതസഹമോദ ॥ നാരായണ ॥ ൧൮॥
ജനകസുതാപ്രതിപാല ജയ ജയ സംസൃതിലീല ॥ നാരായണ ॥ ൧൯॥
ദശരഥവാഗ്ധൃതിഭാര ദണ്ഡകവനസഞ്ചാര ॥ നാരായണ ॥ ൨൦॥
മുഷ്ടികചാണൂരസംഹാര മുനിമാനസവിഹാര ॥ നാരായണ ॥ ൨൧॥
വാലിവിനിഗ്രഹശൌര്യ വരസുഗ്രീവഹിതാര്യ ॥ നാരായണ ॥ ൨൨॥
മാം മുരലീകര ധീവര പാലയ പാലയ ശ്രീധര ॥ നാരായണ ॥ ൨൩॥
ജലനിധിബന്ധനധീര രാവണകണ്ഠവിദാര ॥ നാരായണ ॥ ൨൪॥
താടീമദദലനാഢ്യ നടഗുണവിവിധധനാഢ്യ ॥ നാരായണ ॥ ൨൫॥
ഗൌതമപത്നീപൂജന കരുണാഘനാവലോകന ॥ നാരായണ ॥ ൨൬॥
സമ്ഭ്രമസീതാഹാര സാകേതപുരവിഹാര ॥ നാരായണ ॥ ൨൭॥
അചലോദ്ധൃതിചഞ്ചത്കര ഭക്താനുഗ്രഹതത്പര ॥ നാരായണ ॥ ൨൮॥
നൈഗമഗാനവിനോദ രക്ഷഃസുതപ്രഹ്ലാദ ॥ നാരായണ ॥ ൨൯॥
ഭാരതീയതിവരശങ്കര നാമാമൃതമഖിലാന്തര ॥ നാരായണ ॥ ൩൦॥
। ഇതി ശ്രീമച്ഛങ്കരാചാര്യവിരചിതം നാരായണസ്തോത്രം സമ്പൂര്ണമ് ।