একদা দধিৱিমাথকাৰিণীং মাতৰং সমুপসেদিৱান্ ভৱান্ ।
স্তন্যলোলুপতযা নিৱাৰযন্নঙ্কমেত্য পপিৱান্ পযোধৰৌ ॥1॥
স্তন্যলোলুপতযা নিৱাৰযন্নঙ্কমেত্য পপিৱান্ পযোধৰৌ ॥1॥
অৰ্ধপীতকুচকুড্মলে ত্ৱযি স্নিগ্ধহাসমধুৰাননাম্বুজে ।
দুগ্ধমীশ দহনে পৰিস্ৰুতং ধৰ্তুমাশু জননী জগাম তে ॥2॥
দুগ্ধমীশ দহনে পৰিস্ৰুতং ধৰ্তুমাশু জননী জগাম তে ॥2॥
সামিপীতৰসভঙ্গসঙ্গতক্ৰোধভাৰপৰিভূতচেতসা।
মন্থদণ্ডমুপগৃহ্য পাটিতং হন্ত দেৱ দধিভাজনং ত্ৱযা ॥3॥
মন্থদণ্ডমুপগৃহ্য পাটিতং হন্ত দেৱ দধিভাজনং ত্ৱযা ॥3॥
উচ্চলদ্ধ্ৱনিতমুচ্চকৈস্তদা সন্নিশম্য জননী সমাদ্ৰুতা ।
ত্ৱদ্যশোৱিসৰৱদ্দদৰ্শ সা সদ্য এৱ দধি ৱিস্তৃতং ক্ষিতৌ ॥4॥
ত্ৱদ্যশোৱিসৰৱদ্দদৰ্শ সা সদ্য এৱ দধি ৱিস্তৃতং ক্ষিতৌ ॥4॥
ৱেদমাৰ্গপৰিমাৰ্গিতং ৰুষা ত্ৱমৱীক্ষ্য পৰিমাৰ্গযন্ত্যসৌ ।
সন্দদৰ্শ সুকৃতিন্যুলূখলে দীযমাননৱনীতমোতৱে ॥5॥
সন্দদৰ্শ সুকৃতিন্যুলূখলে দীযমাননৱনীতমোতৱে ॥5॥
ত্ৱাং প্ৰগৃহ্য বত ভীতিভাৱনাভাসুৰাননসৰোজমাশু সা ।
ৰোষৰূষিতমুখী সখীপুৰো বন্ধনায ৰশনামুপাদদে ॥6॥
ৰোষৰূষিতমুখী সখীপুৰো বন্ধনায ৰশনামুপাদদে ॥6॥
বন্ধুমিচ্ছতি যমেৱ সজ্জনস্তং ভৱন্তমযি বন্ধুমিচ্ছতী ।
সা নিযুজ্য ৰশনাগুণান্ বহূন্ দ্ৱ্যঙ্গুলোনমখিলং কিলৈক্ষত ॥7॥
সা নিযুজ্য ৰশনাগুণান্ বহূন্ দ্ৱ্যঙ্গুলোনমখিলং কিলৈক্ষত ॥7॥
ৱিস্মিতোত্স্মিতসখীজনেক্ষিতাং স্ৱিন্নসন্নৱপুষং নিৰীক্ষ্য তাম্ ।
নিত্যমুক্তৱপুৰপ্যহো হৰে বন্ধমেৱ কৃপযাঽন্ৱমন্যথাঃ ॥8॥
নিত্যমুক্তৱপুৰপ্যহো হৰে বন্ধমেৱ কৃপযাঽন্ৱমন্যথাঃ ॥8॥
স্থীযতাং চিৰমুলূখলে খলেত্যাগতা ভৱনমেৱ সা যদা।
প্ৰাগুলূখলবিলান্তৰে তদা সৰ্পিৰৰ্পিতমদন্নৱাস্থিথাঃ ॥9॥
প্ৰাগুলূখলবিলান্তৰে তদা সৰ্পিৰৰ্পিতমদন্নৱাস্থিথাঃ ॥9॥
যদ্যপাশসুগমো ৱিভো ভৱান্ সংযতঃ কিমু সপাশযাঽনযা ।
এৱমাদি দিৱিজৈৰভিষ্টুতো ৱাতনাথ পৰিপাহি মাং গদাত্ ॥10॥
এৱমাদি দিৱিজৈৰভিষ্টুতো ৱাতনাথ পৰিপাহি মাং গদাত্ ॥10॥