ఏకదా దధివిమాథకారిణీం మాతరం సముపసేదివాన్ భవాన్ ।
స్తన్యలోలుపతయా నివారయన్నఙ్కమేత్య పపివాన్ పయోధరౌ ॥1॥
స్తన్యలోలుపతయా నివారయన్నఙ్కమేత్య పపివాన్ పయోధరౌ ॥1॥
అర్ధపీతకుచకుడ్మలే త్వయి స్నిగ్ధహాసమధురాననామ్బుజే ।
దుగ్ధమీశ దహనే పరిస్రుతం ధర్తుమాశు జననీ జగామ తే ॥2॥
దుగ్ధమీశ దహనే పరిస్రుతం ధర్తుమాశు జననీ జగామ తే ॥2॥
సామిపీతరసభఙ్గసఙ్గతక్రోధభారపరిభూతచేతసా।
మన్థదణ్డముపగృహ్య పాటితం హన్త దేవ దధిభాజనం త్వయా ॥3॥
మన్థదణ్డముపగృహ్య పాటితం హన్త దేవ దధిభాజనం త్వయా ॥3॥
ఉచ్చలద్ధ్వనితముచ్చకైస్తదా సన్నిశమ్య జననీ సమాద్రుతా ।
త్వద్యశోవిసరవద్దదర్శ సా సద్య ఏవ దధి విస్తృతం క్షితౌ ॥4॥
త్వద్యశోవిసరవద్దదర్శ సా సద్య ఏవ దధి విస్తృతం క్షితౌ ॥4॥
వేదమార్గపరిమార్గితం రుషా త్వమవీక్ష్య పరిమార్గయన్త్యసౌ ।
సన్దదర్శ సుకృతిన్యులూఖలే దీయమాననవనీతమోతవే ॥5॥
సన్దదర్శ సుకృతిన్యులూఖలే దీయమాననవనీతమోతవే ॥5॥
త్వాం ప్రగృహ్య బత భీతిభావనాభాసురాననసరోజమాశు సా ।
రోషరూషితముఖీ సఖీపురో బన్ధనాయ రశనాముపాదదే ॥6॥
రోషరూషితముఖీ సఖీపురో బన్ధనాయ రశనాముపాదదే ॥6॥
బన్ధుమిచ్ఛతి యమేవ సజ్జనస్తం భవన్తమయి బన్ధుమిచ్ఛతీ ।
సా నియుజ్య రశనాగుణాన్ బహూన్ ద్వ్యఙ్గులోనమఖిలం కిలైక్షత ॥7॥
సా నియుజ్య రశనాగుణాన్ బహూన్ ద్వ్యఙ్గులోనమఖిలం కిలైక్షత ॥7॥
విస్మితోత్స్మితసఖీజనేక్షితాం స్విన్నసన్నవపుషం నిరీక్ష్య తామ్ ।
నిత్యముక్తవపురప్యహో హరే బన్ధమేవ కృపయాఽన్వమన్యథాః ॥8॥
నిత్యముక్తవపురప్యహో హరే బన్ధమేవ కృపయాఽన్వమన్యథాః ॥8॥
స్థీయతాం చిరములూఖలే ఖలేత్యాగతా భవనమేవ సా యదా।
ప్రాగులూఖలబిలాన్తరే తదా సర్పిరర్పితమదన్నవాస్థిథాః ॥9॥
ప్రాగులూఖలబిలాన్తరే తదా సర్పిరర్పితమదన్నవాస్థిథాః ॥9॥
యద్యపాశసుగమో విభో భవాన్ సంయతః కిము సపాశయాఽనయా ।
ఏవమాది దివిజైరభిష్టుతో వాతనాథ పరిపాహి మాం గదాత్ ॥10॥
ఏవమాది దివిజైరభిష్టుతో వాతనాథ పరిపాహి మాం గదాత్ ॥10॥