(ঋ.10.129)
নাসদাসীন্নো সদাসীত্তদানী-ন্নাসীদ্রজো নো ব্যোমা পরো যত্ ।
কিমাবরীবঃ কুহ কস্য শর্মন্নম্ভঃ কিমাসীদ্গহন-ঙ্গভীরম্ ॥ 1 ॥
নাসদাসীন্নো সদাসীত্তদানী-ন্নাসীদ্রজো নো ব্যোমা পরো যত্ ।
কিমাবরীবঃ কুহ কস্য শর্মন্নম্ভঃ কিমাসীদ্গহন-ঙ্গভীরম্ ॥ 1 ॥
ন মৃত্যুরাসীদমৃত-ন্ন তর্হি ন রাত্র্যা অহ্ন আসীত্প্রকেতঃ ।
আনীদবাতং স্বধযা তদেক-ন্তস্মাদ্ধান্যন্ন পরঃ কি-ঞ্চনাস ॥ 2 ॥
আনীদবাতং স্বধযা তদেক-ন্তস্মাদ্ধান্যন্ন পরঃ কি-ঞ্চনাস ॥ 2 ॥
তম আসীত্তমসা গূল্হমগ্রে-ঽপ্রকেতং সলিলং সর্বমা ইদম্ ।
তুচ্ছ্যেনাভ্বপিহিতং-যঁদাসীত্তপসস্তন্মহিনাজাযতৈকম্ ॥ 3 ॥
তুচ্ছ্যেনাভ্বপিহিতং-যঁদাসীত্তপসস্তন্মহিনাজাযতৈকম্ ॥ 3 ॥
কামস্তদগ্রে সমবর্ততাধি মনসো রেতঃ প্রথমং-যঁদাসীত্ ।
সতো বন্ধুমসতি নিরবিন্দন্ হৃদি প্রতীষ্যা কবযো মনীষা ॥ 4 ॥
সতো বন্ধুমসতি নিরবিন্দন্ হৃদি প্রতীষ্যা কবযো মনীষা ॥ 4 ॥
তিরশ্চীনো বিততো রশ্মিরেষামধ-স্স্বিদাসী 3 দুপরি স্বিদাসী 3 ত্ ।
রেতোধা আসন্মহিমান আসন্ত্স্বধা অবস্তাত্প্রযতিঃ পরস্তাত্ ॥ 5 ॥
রেতোধা আসন্মহিমান আসন্ত্স্বধা অবস্তাত্প্রযতিঃ পরস্তাত্ ॥ 5 ॥
কো অদ্ধা বেদ ক ইহ প্র বোচত্কুত আজাতা কুত ইযং-বিঁসৃষ্টিঃ ।
অর্বাগ্দেবা অস্য বিসর্জনেনাথা কো বেদ যত আবভূব ॥ 6 ॥
অর্বাগ্দেবা অস্য বিসর্জনেনাথা কো বেদ যত আবভূব ॥ 6 ॥
ইযং-বিঁসৃষ্টির্যত আবভূব যদি বা দধে যদি বা ন ।
যো অস্যাধ্যক্ষঃ পরমে ব্যোমন্ত্সো অঙ্গ বেদ যদি বা ন বেদ ॥ 7 ॥
যো অস্যাধ্যক্ষঃ পরমে ব্যোমন্ত্সো অঙ্গ বেদ যদি বা ন বেদ ॥ 7 ॥