જટાયુકૃતં રામસ્તોત્રમ્
જટાયુરુવાચ
અગણિતગુણમપ્રમેયમાદ્યં સકલજગત્સ્થિતિસંયમાદિહેતુમ્ ।
ઉપરમપરમં પરાત્મભૂતં સતતમહં પ્રણતોઽસ્મિ રામચન્દ્રમ્ ॥ ૧ ॥
ઉપરમપરમં પરાત્મભૂતં સતતમહં પ્રણતોઽસ્મિ રામચન્દ્રમ્ ॥ ૧ ॥
નિરવધિસુખમિન્દિરાકટાક્ષં ક્ષપિતસુરેન્દ્રચતુર્મુખાદિદુઃખમ્ ।
નરવરમનિશં નતોઽસ્મિ રામં વરદમહં વરચાપબાણહસ્તમ્ ॥ ૨ ॥
નરવરમનિશં નતોઽસ્મિ રામં વરદમહં વરચાપબાણહસ્તમ્ ॥ ૨ ॥
ત્રિભુવનકમનીયરૂપમીડ્યં રવિશતભાસુરમીહિતપ્રદાનમ્ ।
શરણદમનિશં સુરાગમૂલે કૃતનિલયં રઘુનન્દનં પ્રપદ્યે ॥ ૩ ॥
શરણદમનિશં સુરાગમૂલે કૃતનિલયં રઘુનન્દનં પ્રપદ્યે ॥ ૩ ॥
ભવવિપિનદવાગ્નિનામધેયં ભવમુખદૈવતદૈવતં દયાલુમ્ ।
દનુજપતિસહસ્રકોટિનાશં રવિતનયાસદૃશં હરિં પ્રપદ્યે ॥ ૪ ॥
દનુજપતિસહસ્રકોટિનાશં રવિતનયાસદૃશં હરિં પ્રપદ્યે ॥ ૪ ॥
અવિરતભવભાવનાતિદૂરં ભવવિમુખૈર્મુનિભિઃ સદૈવ દૃશ્યમ્ ।
ભવજલધિસુતારણાઙ્ઘ્રિપોતં શરણમહં રઘુનન્દનં પ્રપદ્યે ॥ ૫ ॥
ભવજલધિસુતારણાઙ્ઘ્રિપોતં શરણમહં રઘુનન્દનં પ્રપદ્યે ॥ ૫ ॥
ગિરિશગિરિસુતામનોનિવાસં ગિરિવરધારિણમીહિતાભિરામમ્ ।
સુરવરદનુજેન્દ્રસેવિતાઙ્ઘ્રિં સુરવરદં રઘુનાયકં પ્રપદ્યે ॥ ૬ ॥
સુરવરદનુજેન્દ્રસેવિતાઙ્ઘ્રિં સુરવરદં રઘુનાયકં પ્રપદ્યે ॥ ૬ ॥
પરધનપરદારવર્જિતાનાં પરગુણભૂતિષુ તુષ્ટમાનસાનામ્ ।
પરહિતનિરતાત્મનાં સુસેવ્યં રઘુવરમમ્બુજલોચનં પ્રપદ્યે ॥ ૭ ॥
પરહિતનિરતાત્મનાં સુસેવ્યં રઘુવરમમ્બુજલોચનં પ્રપદ્યે ॥ ૭ ॥
સ્મિતરુચિરવિકાસિતાનનાબ્જમતિસુલભં સુરરાજનીલનીલમ્ ।
સિતજલરુહચારુનેત્રશોભં રઘુપતિમીશગુરોર્ગુરું પ્રપદ્યે ॥ ૮ ॥
સિતજલરુહચારુનેત્રશોભં રઘુપતિમીશગુરોર્ગુરું પ્રપદ્યે ॥ ૮ ॥
હરિકમલજશમ્ભુરૂપભેદાત્ત્વમિહ વિભાસિ ગુણત્રયાનુવૃત્તઃ ।
રવિરિવ જલપૂરિતોદપાત્રેષ્વમરપતિસ્તુતિપાત્રમીશમીડે ॥ ૯ ॥
રવિરિવ જલપૂરિતોદપાત્રેષ્વમરપતિસ્તુતિપાત્રમીશમીડે ॥ ૯ ॥
રતિપતિશતકોટિસુન્દરાઙ્ગં શતપથગોચરભાવનાવિદૂરમ્ ।
યતિપતિહૃદયે સદા વિભાતં રઘુપતિમાર્તિહરં પ્રભું પ્રપદ્યે ॥ ૧૦ ॥
યતિપતિહૃદયે સદા વિભાતં રઘુપતિમાર્તિહરં પ્રભું પ્રપદ્યે ॥ ૧૦ ॥
ઇત્યેવં સ્તુવતસ્તસ્ય પ્રસન્નોઽભૂદ્રઘૂત્તમઃ ।
ઉવાચગચ્છ ભદ્રં તે મમ વિષ્ણોઃ પરં પદમ્ ॥ ૧૧ ॥
ઉવાચગચ્છ ભદ્રં તે મમ વિષ્ણોઃ પરં પદમ્ ॥ ૧૧ ॥
શૃણોતિ ય ઇદં સ્તોત્રં લિખેદ્વા નિયતઃ પઠેત્ ।
સ યાતિ મમ સારૂપ્યં મરણે મત્સ્મૃતિં લભેત્ ॥ ૧૨ ॥
સ યાતિ મમ સારૂપ્યં મરણે મત્સ્મૃતિં લભેત્ ॥ ૧૨ ॥
ઇતિ રાઘવભાષિતં તદા શ્રુતવાન્ હર્ષસમાકુલો દ્વિજઃ ॥
રઘુનન્દનસામ્યમાસ્થિતઃ પ્રયયૌ બ્રહ્મસુપૂજિતં પદમ્ ॥ ૧૩ ॥
રઘુનન્દનસામ્યમાસ્થિતઃ પ્રયયૌ બ્રહ્મસુપૂજિતં પદમ્ ॥ ૧૩ ॥
॥ ઇતિ શ્રીમદધ્યાત્મરામાયણે અરણ્યકાણ્ડેઽષ્ટમે સર્ગે જટાયુકૃતં શ્રીરામસ્તોત્ર ॥